Linga Purana — Chapter 27

LiP 27.1

वक्ष्यामि शृणु संक्षेपाल् लिङ्गार्चनाविधिक्रमम् वक्तुं वर्षशतेनापि न शक्यं विस्तरेण यत्

vakṣyāmi śṛṇu saṃkṣepāl liṅgārcanāvidhikramam vaktuṃ varṣaśatenāpi na śakyaṃ vistareṇa yat

I shall declare — listen — in brief the order of the rite of worshipping the liṅga, which could not be told in full even in a hundred years.

AI translation rendered from the Sanskrit, not a published edition

LiP 27.2

एवं स्नात्वा यथान्यायं पूजास्थानं प्रविश्य च प्राणायामत्रयं कृत्वा ध्यायेद्देवं त्रियंबकम्

evaṃ snātvā yathānyāyaṃ pūjāsthānaṃ praviśya ca prāṇāyāmatrayaṃ kṛtvā dhyāyeddevaṃ triyaṃbakam

Having thus bathed in the proper manner and entered the place of worship, and having performed the three breath-controls, one should meditate on the god Tryambaka:

AI translation rendered from the Sanskrit, not a published edition

LiP 27.3

पञ्चवक्त्रं दशभुजं शुद्धस्फटिकसन्निभम् सर्वाभरणसंयुक्तं चित्रांबरविभूषितम्

pañcavaktraṃ daśabhujaṃ śuddhasphaṭikasannibham sarvābharaṇasaṃyuktaṃ citrāṃbaravibhūṣitam

five-faced, ten-armed, resembling pure crystal, endowed with every ornament, adorned with variegated garments,

AI translation rendered from the Sanskrit, not a published edition

LiP 27.4

तस्य रूपं समाश्रित्य दाहनप्लावनादिभिः शैवीं तनुं समास्थाय पूजयेत्परमेश्वरम्

tasya rūpaṃ samāśritya dāhanaplāvanādibhiḥ śaivīṃ tanuṃ samāsthāya pūjayetparameśvaram

Taking refuge in his form, by burning, flooding and the rest, and having assumed a Śaiva body, one should worship the Supreme Lord.

AI translation rendered from the Sanskrit, not a published edition

LiP 27.5

देहशुद्धिं च कृत्वैव मूलमन्त्रं न्यसेत् क्रमात् सर्वत्र प्रणवेनैव ब्रह्माणि च यथाक्रमम्

dehaśuddhiṃ ca kṛtvaiva mūlamantraṃ nyaset kramāt sarvatra praṇavenaiva brahmāṇi ca yathākramam

And having performed the purification of the body, one should place the root-mantra in due order, everywhere with the praṇava (Oṃ) alone, and the brahma-mantras each in its proper order.

AI translation rendered from the Sanskrit, not a published edition

LiP 27.6

सूत्रे नमः शिवायेति छन्दांसि परमे शुभे मन्त्राणि सूक्ष्मरूपेण संस्थितानि यतस्ततः

sūtre namaḥ śivāyeti chandāṃsi parame śubhe mantrāṇi sūkṣmarūpeṇa saṃsthitāni yatastataḥ

In the thread (i.e. the formula) "namaḥ śivāya" the metres are contained, O supreme auspicious one, since the mantras stand there in subtle form.

AI translation rendered from the Sanskrit, not a published edition — the model flagged this verse as uncertain

LiP 27.7

न्यग्रोधबीजे न्यग्रोधस् तथा सूत्रे तु शोभने महत्यपि महद्ब्रह्म संस्थितं सूक्ष्मवत्स्वयम्

nyagrodhabīje nyagrodhas tathā sūtre tu śobhane mahatyapi mahadbrahma saṃsthitaṃ sūkṣmavatsvayam

As the banyan tree is (contained) in the banyan seed, so too in the fine thread, though it be great, the great brahman itself stands contained as if minute.

AI translation rendered from the Sanskrit, not a published edition — the model flagged this verse as uncertain

LiP 27.8

सेचयेदर्चनस्थानं गन्धचन्दनवारिणा द्रव्याणि शोधयेत्पश्चात् क्षालनप्रोक्षणादिभिः

secayedarcanasthānaṃ gandhacandanavāriṇā dravyāṇi śodhayetpaścāt kṣālanaprokṣaṇādibhiḥ

One should sprinkle the place of worship with water scented with sandal, and afterwards should purify the materials by washing, sprinkling and so forth.

AI translation rendered from the Sanskrit, not a published edition

LiP 27.9

क्षालनं प्रोक्षणं चैव प्रणवेन विधीयते प्रोक्षणी चार्घ्यपात्रं च पाद्यपात्रम् अनुक्रमात्

kṣālanaṃ prokṣaṇaṃ caiva praṇavena vidhīyate prokṣaṇī cārghyapātraṃ ca pādyapātram anukramāt

The washing and the sprinkling are enjoined with the praṇava; (then) in order the sprinkling-vessel, the arghya vessel, and the vessel for the feet,

AI translation rendered from the Sanskrit, not a published edition

LiP 27.10

तथा ह्याचमनीयार्थं कल्पितं पात्रमेव च स्थापयेद् विधिना धीमान् अवगुण्ठ्य यथाविधि

tathā hyācamanīyārthaṃ kalpitaṃ pātrameva ca sthāpayed vidhinā dhīmān avaguṇṭhya yathāvidhi

and likewise the vessel prepared for the purpose of rinsing the mouth — these the wise man should set down according to rule, covering (them) as prescribed.

AI translation rendered from the Sanskrit, not a published edition

LiP 27.11

दर्भैर् आच्छादयेच्चैव प्रोक्षयेच्छुद्धवारिणा तेषु तेष्वथ सर्वेषु क्षिपेत्तोयं सुशीतलम्

darbhair ācchādayeccaiva prokṣayecchuddhavāriṇā teṣu teṣvatha sarveṣu kṣipettoyaṃ suśītalam

And he should cover (them) with darbha grass and sprinkle (them) with pure water; then into each and every one of them he should pour very cool water.

AI translation rendered from the Sanskrit, not a published edition

LiP 27.12

प्रणवेन क्षिपेत्तेषु द्रव्याण्यालोक्य बुद्धिमान् उशीरं चन्दनं चैव पाद्ये तु परिकल्पयेत्

praṇavena kṣipetteṣu dravyāṇyālokya buddhimān uśīraṃ candanaṃ caiva pādye tu parikalpayet

With the praṇava the intelligent man, after inspecting them, should put the substances into them: uśīra grass and sandal he should arrange in the foot-water,

AI translation rendered from the Sanskrit, not a published edition

LiP 27.13

जातिकङ्कोलकर्पूरबहुमूलतमालकम् चूर्णयित्वा यथान्यायं क्षिपेदाचमनीयके

jātikaṅkolakarpūrabahumūlatamālakam cūrṇayitvā yathānyāyaṃ kṣipedācamanīyake

and having ground up, in the proper manner, nutmeg, kaṅkola, camphor, bahumūla and tamāla, he should put (them) into the mouth-rinsing water.

AI translation rendered from the Sanskrit, not a published edition

LiP 27.14

एवं सर्वेषु पात्रेषु दापयेच्चन्दनं तथा कर्पूरं च यथान्यायं पुष्पाणि विविधानि च

evaṃ sarveṣu pātreṣu dāpayeccandanaṃ tathā karpūraṃ ca yathānyāyaṃ puṣpāṇi vividhāni ca

Thus into all the vessels he should place sandal, and camphor in the proper manner, and flowers of various kinds.

AI translation rendered from the Sanskrit, not a published edition

LiP 27.15

कुशाग्रमक्षतांश्चैव यवव्रीहितिलानि च आज्यसिद्धार्थपुष्पाणि भसितं चार्घ्यपात्रके

kuśāgramakṣatāṃścaiva yavavrīhitilāni ca ājyasiddhārthapuṣpāṇi bhasitaṃ cārghyapātrake

And into the arghya vessel (he should place) the tips of kuśa grass, unhusked grains, barley, rice and sesame, clarified butter, white mustard, flowers, and ash.

AI translation rendered from the Sanskrit, not a published edition

LiP 27.16

कुशपुष्पयवव्रीहिबहुमूलतमालकम् दापयेत्प्रोक्षणीपात्रे भसितं प्रणवेन च

kuśapuṣpayavavrīhibahumūlatamālakam dāpayetprokṣaṇīpātre bhasitaṃ praṇavena ca

Kuśa grass, flowers, barley, rice, bahumūla and tamāla he should place in the sprinkling-vessel, and ash with the praṇava.

AI translation rendered from the Sanskrit, not a published edition

LiP 27.17

न्यसेत्पञ्चाक्षरं चैव गायत्रीं रुद्रदेवताम् केवलं प्रणवं वापि वेदसारमनुत्तमम्

nyasetpañcākṣaraṃ caiva gāyatrīṃ rudradevatām kevalaṃ praṇavaṃ vāpi vedasāramanuttamam

And he should set down the five-syllable (mantra), and the Gāyatrī whose deity is Rudra, or else the praṇava alone, the unsurpassed essence of the Veda.

AI translation rendered from the Sanskrit, not a published edition

LiP 27.18

अथ संप्रोक्षयेत्पश्चाद् द्रव्याणि प्रणवेन तु प्रोक्षणीपात्रसंस्थेन ईशानाद्यैश् च पञ्चभिः

atha saṃprokṣayetpaścād dravyāṇi praṇavena tu prokṣaṇīpātrasaṃsthena īśānādyaiś ca pañcabhiḥ

Then afterwards he should sprinkle the substances with the praṇava contained in the sprinkling-vessel, and with the five (mantras) beginning with Īśāna.

AI translation rendered from the Sanskrit, not a published edition

LiP 27.19

पार्श्वतो देवदेवस्य नन्दिनं मांसमर्चयेत् दीप्तानलायुतप्रख्यं त्रिनेत्रं त्रिदशेश्वरम्

pārśvato devadevasya nandinaṃ māṃsamarcayet dīptānalāyutaprakhyaṃ trinetraṃ tridaśeśvaram

At the side of the God of gods he should worship Nandin, comparable to ten thousand blazing fires, three-eyed, lord of the thirty (gods),

AI translation rendered from the Sanskrit, not a published edition — the model flagged this verse as uncertain

LiP 27.20

बालेन्दुमुकुटं चैव हरिवक्त्रं चतुर्भुजम् पुष्पमालाधरं सौम्यं सर्वाभरणभूषितम्

bālendumukuṭaṃ caiva harivaktraṃ caturbhujam puṣpamālādharaṃ saumyaṃ sarvābharaṇabhūṣitam

wearing the crescent moon as his crest, tawny-faced, four-armed, bearing a garland of flowers, gentle, adorned with every ornament;

AI translation rendered from the Sanskrit, not a published edition

LiP 27.21

उत्तरे चात्मनः पुण्यां भार्यां च मरुतां शुभाम् सुयशां सुव्रतां चाम्बां पादमण्डनतत्पराम्

uttare cātmanaḥ puṇyāṃ bhāryāṃ ca marutāṃ śubhām suyaśāṃ suvratāṃ cāmbāṃ pādamaṇḍanatatparām

and on the north his own meritorious wife, the auspicious (one) of the Maruts, Suyaśā of good vows, the mother, intent on the adorning of (the Lord's) feet.

AI translation rendered from the Sanskrit, not a published edition — the model flagged this verse as uncertain

LiP 27.22

एवं पूज्य प्रविश्यान्तर् भवनं परमेष्ठिनः दत्त्वा पुष्पाञ्जलिं भक्त्या पञ्चमूर्धसु पञ्चभिः

evaṃ pūjya praviśyāntar bhavanaṃ parameṣṭhinaḥ dattvā puṣpāñjaliṃ bhaktyā pañcamūrdhasu pañcabhiḥ

Having worshipped thus, and having entered within the house of the Supreme One, offering a handful of flowers with devotion upon the five heads with the five (mantras) —

AI translation rendered from the Sanskrit, not a published edition

LiP 27.23

गन्धपुष्पैस् तथा धूपैर् विविधैः पूज्य शङ्करम् स्कन्दं विनायकं देवीं लिङ्गशुद्धिं च कारयेत्

gandhapuṣpais tathā dhūpair vividhaiḥ pūjya śaṅkaram skandaṃ vināyakaṃ devīṃ liṅgaśuddhiṃ ca kārayet

Having worshipped Śaṅkara, Skanda, Vināyaka and the Goddess with fragrances, flowers and various incenses, he should perform the purification of the liṅga.

AI translation rendered from the Sanskrit, not a published edition

LiP 27.24

जप्त्वा सर्वाणि मन्त्राणि प्रणवादिनमो ऽन्तकम् कल्पयेदासनं पश्चात् पद्माख्यं प्रणवेन तत्

japtvā sarvāṇi mantrāṇi praṇavādinamo 'ntakam kalpayedāsanaṃ paścāt padmākhyaṃ praṇavena tat

Having muttered all the mantras, (each) beginning with the praṇava and ending with 'namaḥ', he should then, with the praṇava, prepare that seat called the lotus.

AI translation rendered from the Sanskrit, not a published edition

LiP 27.25

तस्य पूर्वदलं साक्षाद् अणिमामयम् अक्षरम् लघिमा दक्षिणं चैव महिमा पश्चिमं तथा

tasya pūrvadalaṃ sākṣād aṇimāmayam akṣaram laghimā dakṣiṇaṃ caiva mahimā paścimaṃ tathā

Its eastern petal is directly the imperishable (syllable) consisting of aṇimā; the southern is laghimā, and likewise the western is mahimā;

AI translation rendered from the Sanskrit, not a published edition

LiP 27.26

प्राप्तिस्तथोत्तरं पत्रं प्राकाम्यं पावकस्य तु ईशित्वं नैरृतं पत्रं वशित्वं वायुगोचरे

prāptistathottaraṃ patraṃ prākāmyaṃ pāvakasya tu īśitvaṃ nairṛtaṃ patraṃ vaśitvaṃ vāyugocare

and the northern petal is prāpti; but that of the fire (south-east) is prākāmya; the south-western petal is īśitva, vaśitva in the domain of the wind (north-west);

AI translation rendered from the Sanskrit, not a published edition

LiP 27.27

सर्वज्ञत्वं तथैशान्यं कर्णिका सोम उच्यते सोमस्याधस् तथा सूर्यस् तस्याधः पावकः स्वयम्

sarvajñatvaṃ tathaiśānyaṃ karṇikā soma ucyate somasyādhas tathā sūryas tasyādhaḥ pāvakaḥ svayam

and the north-eastern is omniscience; the pericarp is said to be the moon; below the moon likewise is the sun, and below that the fire itself.

AI translation rendered from the Sanskrit, not a published edition

LiP 27.28

धर्मादयो विदिक्ष्वेते त्व् अनन्तं कल्पयेत्क्रमात् अव्यक्तादिचतुर्दिक्षु सोमस्यान्ते गुणत्रयम्

dharmādayo vidikṣvete tv anantaṃ kalpayetkramāt avyaktādicaturdikṣu somasyānte guṇatrayam

These, dharma and the rest, (are) in the intermediate directions; and he should in order arrange Ananta; in the four directions beginning with the unmanifest; at the end of the moon, the three guṇas;

AI translation rendered from the Sanskrit, not a published edition — the model flagged this verse as uncertain

LiP 27.29

आत्मत्रयं ततश्चोर्ध्वं तस्यान्ते शिवपीठिका सद्योजातं प्रपद्यामीत्य् आवाह्य परमेश्वरम्

ātmatrayaṃ tataścordhvaṃ tasyānte śivapīṭhikā sadyojātaṃ prapadyāmīty āvāhya parameśvaram

then above (that) the triad of selves, and at the end of that the pedestal of Śiva; having invoked the Supreme Lord with 'sadyojātaṃ prapadyāmi',

AI translation rendered from the Sanskrit, not a published edition

LiP 27.30

वामदेवेन मन्त्रेण स्थापयेदासनोपरि सान्निध्यं रुद्रगायत्र्या अघोरेण निरुध्य च

vāmadevena mantreṇa sthāpayedāsanopari sānnidhyaṃ rudragāyatryā aghoreṇa nirudhya ca

he should establish (him) upon the seat with the Vāmadeva mantra, (securing) his presence with the Rudra-gāyatrī, and having confined (him) with the Aghora (mantra),

AI translation rendered from the Sanskrit, not a published edition

LiP 27.31

ईशानः सर्वविद्यानाम् इति मन्त्रेण पूजयेत् पाद्यमाचमनीयं च विभोश्चार्घ्यं प्रदापयेत्

īśānaḥ sarvavidyānām iti mantreṇa pūjayet pādyamācamanīyaṃ ca vibhoścārghyaṃ pradāpayet

he should worship (him) with the mantra 'īśānaḥ sarvavidyānām'; and he should present to the Pervading One water for the feet, water for rinsing the mouth, and the arghya offering.

AI translation rendered from the Sanskrit, not a published edition

LiP 27.32

स्नापयेद्विधिना रुद्रं गन्धचन्दनवारिणा पञ्चगव्यविधानेन गृह्य पात्रे ऽभिमन्त्र्य च

snāpayedvidhinā rudraṃ gandhacandanavāriṇā pañcagavyavidhānena gṛhya pātre 'bhimantrya ca

He should bathe Rudra according to rule with water scented with sandal, and, by the procedure of the five cow-products, taking (them) in a vessel and consecrating (them) with mantras,

AI translation rendered from the Sanskrit, not a published edition

LiP 27.33

प्रणवेनैव गव्यैस्तु स्नापयेच्च यथाविधि आज्येन मधुना चैव तथा चेक्षुरसेन च

praṇavenaiva gavyaistu snāpayecca yathāvidhi ājyena madhunā caiva tathā cekṣurasena ca

he should bathe (him) with the cow-products using the praṇava alone, as prescribed, and also with clarified butter, with honey, and likewise with sugarcane juice.

AI translation rendered from the Sanskrit, not a published edition

LiP 27.34

पुण्यैर्द्रव्यैर्महादेवं प्रणवेनाभिषेचयेत् जलभाण्डैः पवित्रैस्तु मन्त्रैस्तोयं क्षिपेत्ततः

puṇyairdravyairmahādevaṃ praṇavenābhiṣecayet jalabhāṇḍaiḥ pavitraistu mantraistoyaṃ kṣipettataḥ

He should sprinkle the Great God with pure substances using the praṇava; then with vessels of water and with purifying mantras he should pour the water.

AI translation rendered from the Sanskrit, not a published edition

LiP 27.35

शुद्धिं कृत्वा यथान्यायं सितवस्त्रेण साधकः कुशापामार्गकर्पूरजातिपुष्पकचम्पकैः

śuddhiṃ kṛtvā yathānyāyaṃ sitavastreṇa sādhakaḥ kuśāpāmārgakarpūrajātipuṣpakacampakaiḥ

Having performed the cleansing according to rule with a white cloth, the practitioner (fills that water) with kuśa, apāmārga, camphor, jasmine flowers and campaka,

AI translation rendered from the Sanskrit, not a published edition

LiP 27.36

करवीरैः सितैश्चैव मल्लिकाकमलोत्पलैः आपूर्य पुष्पैः सुशुभैः चन्दनाद्यैश् च तज्जलम्

karavīraiḥ sitaiścaiva mallikākamalotpalaiḥ āpūrya puṣpaiḥ suśubhaiḥ candanādyaiś ca tajjalam

with oleanders and white (blossoms), with mallikā, lotuses and water-lilies — having filled that water with very auspicious flowers and with sandal and the rest,

AI translation rendered from the Sanskrit, not a published edition

LiP 27.37

न्यसेन्मन्त्राणि तत्तोये सद्योजातादिकानि तु सुवर्णकलशेनाथ तथा वै राजतेन वा

nyasenmantrāṇi tattoye sadyojātādikāni tu suvarṇakalaśenātha tathā vai rājatena vā

he should place the mantras beginning with sadyojāta in that water; then with a golden pot, or indeed with a silver one,

AI translation rendered from the Sanskrit, not a published edition

LiP 27.38

ताम्रेण पद्मपत्रेण पालाशेन दलेन वा शंखेन मृन्मयेनाथ शोधितेन शुभेन वा

tāmreṇa padmapatreṇa pālāśena dalena vā śaṃkhena mṛnmayenātha śodhitena śubhena vā

or with a copper one, with a lotus leaf, or with a palāśa leaf, with a conch, or with an earthen one that is cleaned and fine,

AI translation rendered from the Sanskrit, not a published edition

LiP 27.39

सकूर्चेन सपुष्पेण स्नापयेन्मन्त्रपूर्वकम् मन्त्राणि ते प्रवक्ष्यामि शृणु सर्वार्थसिद्धये

sakūrcena sapuṣpeṇa snāpayenmantrapūrvakam mantrāṇi te pravakṣyāmi śṛṇu sarvārthasiddhaye

with a bundle of grass and with flowers he should bathe (him), preceded by mantras. I shall declare the mantras to you; listen, for the accomplishment of every purpose,

AI translation rendered from the Sanskrit, not a published edition

LiP 27.40

यैर्लिङ्गं सकृदप्येवं स्नाप्य मुच्येत मानवः पवमानेन मन्त्रज्ञाः तथा वामीयकेन च

yairliṅgaṃ sakṛdapyevaṃ snāpya mucyeta mānavaḥ pavamānena mantrajñāḥ tathā vāmīyakena ca

those by which, having thus bathed the liṅga even once, a man would be released: those who know the mantras (use) the Pavamāna and likewise the Vāmīya,

AI translation rendered from the Sanskrit, not a published edition

LiP 27.41

रुद्रेण नीलरुद्रेण श्रीसूक्तेन शुभेन च रजनीसूक्तकेनैव चमकेन शुभेन च

rudreṇa nīlarudreṇa śrīsūktena śubhena ca rajanīsūktakenaiva camakena śubhena ca

the Rudra, the Nīlarudra, and the auspicious Śrī-sūkta, the Rajanī-sūkta, and the auspicious Camaka,

AI translation rendered from the Sanskrit, not a published edition

LiP 27.42

होतारेणाथ शिरसा अथर्वेण शुभेन च शान्त्या चाथ पुनः शान्त्या भारुण्डेनारुणेन च

hotāreṇātha śirasā atharveṇa śubhena ca śāntyā cātha punaḥ śāntyā bhāruṇḍenāruṇena ca

And with the Hotṛ (hymn), with the Śiras, and with the auspicious Atharva (hymn), with the Śānti and then again with the Śānti, with the Bhāruṇḍa and with the Aruṇa,

AI translation rendered from the Sanskrit, not a published edition — the model flagged this verse as uncertain

LiP 27.43

वारुणेन च ज्येष्ठेन तथा वेदव्रतेन च तथान्तरेण पुण्येन सूक्तेन पुरुषेण च

vāruṇena ca jyeṣṭhena tathā vedavratena ca tathāntareṇa puṇyena sūktena puruṣeṇa ca

and with the Vāruṇa, with the Jyeṣṭha, likewise with the Vedavrata, and so with the Antara, with the Puṇya hymn, and with the Puruṣa (hymn),

AI translation rendered from the Sanskrit, not a published edition — the model flagged this verse as uncertain

LiP 27.44

त्वरितेनैव रुद्रेण कपिना च कपर्दिना आवोसजेति साम्ना तु बृहच्चन्द्रेण विष्णुना

tvaritenaiva rudreṇa kapinā ca kapardinā āvosajeti sāmnā tu bṛhaccandreṇa viṣṇunā

with the Tvarita, with the Rudra, with the Kapi and the Kapardin, with the sāman beginning 'āvo saje', with the Bṛhaccandra, with the Viṣṇu (hymn),

AI translation rendered from the Sanskrit, not a published edition — the model flagged this verse as uncertain

LiP 27.45

विरूपाक्षेण स्कन्देन शतऋग्भिः शिवैस् तथा पञ्चब्रह्मैश् च सूत्रेण केवलप्रणवेन च

virūpākṣeṇa skandena śataṛgbhiḥ śivais tathā pañcabrahmaiś ca sūtreṇa kevalapraṇavena ca

with the Virūpākṣa, with the Skanda, with the hundred auspicious ṛc-verses, with the Five Brahmans, with the Sūtra, and with the praṇava alone —

AI translation rendered from the Sanskrit, not a published edition — the model flagged this verse as uncertain

LiP 27.46

स्नापयेद्देवदेवेशं सर्वपापप्रशान्तये वस्त्रं शिवोपवीतं च तथा ह्याचमनीयकम्

snāpayeddevadeveśaṃ sarvapāpapraśāntaye vastraṃ śivopavītaṃ ca tathā hyācamanīyakam

(with these) one should bathe the Lord of the gods of gods, for the quelling of all sins; and (then offer) a garment, the Śiva sacred thread, and likewise water for rinsing the mouth,

AI translation rendered from the Sanskrit, not a published edition

LiP 27.47

गन्धं पुष्पं तथा धूपं दीपमन्नं क्रमेण तु तोयं सुगन्धितं चैव पुनराचमनीयकम्

gandhaṃ puṣpaṃ tathā dhūpaṃ dīpamannaṃ krameṇa tu toyaṃ sugandhitaṃ caiva punarācamanīyakam

fragrance, flowers, then incense, a lamp, and food, in order; and scented water, and again water for rinsing the mouth,

AI translation rendered from the Sanskrit, not a published edition

LiP 27.48

मुकुटं च शुभं छन्नं तथा वै भूषणानि च दापयेत्प्रणवेनैव मुखवासादिकानि च

mukuṭaṃ ca śubhaṃ channaṃ tathā vai bhūṣaṇāni ca dāpayetpraṇavenaiva mukhavāsādikāni ca

and a crown, and a fine covering, and likewise ornaments; with the praṇava alone one should present the mouth-perfumes and the rest.

AI translation rendered from the Sanskrit, not a published edition

LiP 27.49

ततः स्फटिकसंकाशं देवं निष्कलमक्षरम् कारणं सर्वदेवानां सर्वलोकमयं परम्

tataḥ sphaṭikasaṃkāśaṃ devaṃ niṣkalamakṣaram kāraṇaṃ sarvadevānāṃ sarvalokamayaṃ param

Then (one should worship) the god who resembles crystal, partless, imperishable, the cause of all the gods, consisting of all the worlds, supreme,

AI translation rendered from the Sanskrit, not a published edition

LiP 27.50

ब्रह्मेन्द्रविष्णुरुद्राद्यैर् ऋषिदेवैर् अगोचरम् वेदविद्भिर् हि वेदान्तैस् त्व् अगोचरमिति श्रुतिः

brahmendraviṣṇurudrādyair ṛṣidevair agocaram vedavidbhir hi vedāntais tv agocaramiti śrutiḥ

beyond the range of Brahmā, Indra, Viṣṇu, Rudra and the rest, of the seers and the gods; indeed, the scripture (says) that he is beyond the range even of the knowers of the Veda through the Vedāntas.

AI translation rendered from the Sanskrit, not a published edition

LiP 27.51

आदिमध्यान्तरहितं भेषजं भवरोगिणाम् शिवतत्त्वमिति ख्यातं शिवलिङ्गे व्यवस्थितम्

ādimadhyāntarahitaṃ bheṣajaṃ bhavarogiṇām śivatattvamiti khyātaṃ śivaliṅge vyavasthitam

without beginning, middle or end, the medicine for those sick with worldly existence — that which is proclaimed as the Śiva-principle, established in the Śiva-liṅga.

AI translation rendered from the Sanskrit, not a published edition

LiP 27.52

प्रणवेनैव मन्त्रेण पूजयेल्लिङ्गमूर्धनि स्तोत्रं जपेच्च विधिना नमस्कारं प्रदक्षिणम्

praṇavenaiva mantreṇa pūjayelliṅgamūrdhani stotraṃ japecca vidhinā namaskāraṃ pradakṣiṇam

With the praṇava as the mantra one should worship upon the head of the liṅga, and should recite a hymn of praise according to the rule, (and make) obeisance and circumambulation.

AI translation rendered from the Sanskrit, not a published edition

LiP 27.53

अर्घ्यं दत्त्वाथ पुष्पाणि पादयोस्तु विकीर्य च प्रणिपत्य च देवेशम् आत्मन्यारोपयेच्छिवम्

arghyaṃ dattvātha puṣpāṇi pādayostu vikīrya ca praṇipatya ca deveśam ātmanyāropayecchivam

Having given the offering-water and scattered the flowers at (his) feet, and having prostrated to the Lord of the gods, one should install Śiva within oneself.

AI translation rendered from the Sanskrit, not a published edition

LiP 27.54

एवं संक्षिप्य कथितं लिङ्गार्चनमनुत्तमम् आभ्यन्तरं प्रवक्ष्यामि लिङ्गार्चनमिहाद्य ते

evaṃ saṃkṣipya kathitaṃ liṅgārcanamanuttamam ābhyantaraṃ pravakṣyāmi liṅgārcanamihādya te

Thus the unsurpassed worship of the liṅga has been told in brief; now, here, I shall declare to you the inner worship of the liṅga.

AI translation rendered from the Sanskrit, not a published edition