Linga Purana — Chapter 23

LiP 23.1

तस्य तद्वचनं श्रुत्वा ब्रह्मणो भगवान् भवः ब्रह्मरूपी प्रबोधार्थं ब्रह्माणं प्राह सस्मितम्

tasya tadvacanaṃ śrutvā brahmaṇo bhagavān bhavaḥ brahmarūpī prabodhārthaṃ brahmāṇaṃ prāha sasmitam

Having heard those words of Brahmā, the Lord Bhava, in the form of brahman, spoke smiling to Brahmā, for the sake of enlightening him.

AI translation rendered from the Sanskrit, not a published edition

LiP 23.2

श्वेतकल्पो यदा ह्यासीद् अहमेव तदाभवम् श्वेतोष्णीषः श्वेतमाल्यः श्वेतांबरधरः सितः

śvetakalpo yadā hyāsīd ahameva tadābhavam śvetoṣṇīṣaḥ śvetamālyaḥ śvetāṃbaradharaḥ sitaḥ

"When there was the White Aeon, I myself then came to be: white-turbaned, white-garlanded, wearing white garments, pale,

AI translation rendered from the Sanskrit, not a published edition

LiP 23.3

श्वेतास्थिः श्वेतरोमा च श्वेतासृक् श्वेतलोहितः तेन नाम्ना च विख्यातः श्वेतकल्पस्तदा ह्यसौ

śvetāsthiḥ śvetaromā ca śvetāsṛk śvetalohitaḥ tena nāmnā ca vikhyātaḥ śvetakalpastadā hyasau

with white bones, white hair, white blood — white-blooded. By that name too that aeon was then known as the White Aeon.

AI translation rendered from the Sanskrit, not a published edition

LiP 23.4

मत्प्रसूता च देवेशी श्वेताङ्गा श्वेतलोहिता श्वेतवर्णा तदा ह्यासीद् गायत्री ब्रह्मसंज्ञिता

matprasūtā ca deveśī śvetāṅgā śvetalohitā śvetavarṇā tadā hyāsīd gāyatrī brahmasaṃjñitā

And the Mistress of the gods, brought forth by me, was then white-limbed, white-blooded and white in colour: she was Gāyatrī, called Brahmā's (consort).

AI translation rendered from the Sanskrit, not a published edition

LiP 23.5

तस्मादहं च देवेश त्वया गुह्येन वै पुनः विज्ञातः स्वेन तपसा सद्योजातत्वमागतः

tasmādahaṃ ca deveśa tvayā guhyena vai punaḥ vijñātaḥ svena tapasā sadyojātatvamāgataḥ

Therefore, O Lord of gods, being known by you again through that secret (teaching) and by your own austerity, I attained the state of Sadyojāta.

AI translation rendered from the Sanskrit, not a published edition

LiP 23.6

सद्योजातेति ब्रह्मैतद् गुह्यं चैतत्प्रकीर्तितम् तस्माद्गुह्यत्वमापन्नं ये वेत्स्यन्ति द्विजातयः

sadyojāteti brahmaitad guhyaṃ caitatprakīrtitam tasmādguhyatvamāpannaṃ ye vetsyanti dvijātayaḥ

'Sadyojāta' — this, O Brahmā, is proclaimed as the secret; therefore those twice-born who shall know it, which has attained secrecy,

AI translation rendered from the Sanskrit, not a published edition

LiP 23.7

मत्समीपं गमिष्यन्ति पुनरावृत्तिदुर्लभम् यदा चैव पुनस्त्वासील् लोहितो नाम नामतः

matsamīpaṃ gamiṣyanti punarāvṛttidurlabham yadā caiva punastvāsīl lohito nāma nāmataḥ

they shall come near to me, (a state) from which return is hard to come by. And again, when there was (the aeon) named Lohita by name,

AI translation rendered from the Sanskrit, not a published edition

LiP 23.8

मत्कृतेन च वर्णेन कल्पो वै लोहितः स्मृतः तदा लोहितमांसास्थिलोहितक्षीरसंभवा

matkṛtena ca varṇena kalpo vai lohitaḥ smṛtaḥ tadā lohitamāṃsāsthilohitakṣīrasaṃbhavā

by the colour I assumed the aeon was called Lohita (Red). Then, arising with red flesh, bones, blood and milk,

AI translation rendered from the Sanskrit, not a published edition

LiP 23.9

लोहिताक्षी स्तनवती गायत्री गौः प्रकीर्तिता ततो ऽस्या लोहितत्वेन वर्णस्य च विपर्ययात्

lohitākṣī stanavatī gāyatrī gauḥ prakīrtitā tato 'syā lohitatvena varṇasya ca viparyayāt

red-eyed and possessed of udders, Gāyatrī was declared to be a cow. Then, by her redness and by the reversal of the colour,

AI translation rendered from the Sanskrit, not a published edition

LiP 23.10

वामत्वाच्चैव देवस्य वामदेवत्वमागतः तत्रापि च महासत्त्व त्वयाहं नियतात्मना

vāmatvāccaiva devasya vāmadevatvamāgataḥ tatrāpi ca mahāsattva tvayāhaṃ niyatātmanā

and by the god's being 'left/contrary' (vāma), I attained the state of Vāmadeva. There too, O great being, I, by you of restrained self,

AI translation rendered from the Sanskrit, not a published edition — the model flagged this verse as uncertain

LiP 23.11

विज्ञातः स्वेन योगेन तस्मिन्वर्णान्तरे स्थितः ततश् च वामदेवेति ख्यातिं यातो ऽस्मि भूतले

vijñātaḥ svena yogena tasminvarṇāntare sthitaḥ tataś ca vāmadeveti khyātiṃ yāto 'smi bhūtale

was known through your own yoga, while I abode in that other colour; and from that I have come to be renowned on earth as Vāmadeva.

AI translation rendered from the Sanskrit, not a published edition

LiP 23.12

ये चापि वामदेव त्वां ज्ञास्यन्तीह द्विजातयः रुद्रलोकं गमिष्यन्ति पुनरावृत्तिदुर्लभम्

ye cāpi vāmadeva tvāṃ jñāsyantīha dvijātayaḥ rudralokaṃ gamiṣyanti punarāvṛttidurlabham

And those twice-born who here shall know you as Vāmadeva shall go to the world of Rudra, from which return is hard to come by.

AI translation rendered from the Sanskrit, not a published edition

LiP 23.13

यदाहं पुनरेवेह पीतवर्णो युगक्रमात् मत्कृतेन च नाम्ना वै पीतकल्पो ऽभवत्तदा

yadāhaṃ punareveha pītavarṇo yugakramāt matkṛtena ca nāmnā vai pītakalpo 'bhavattadā

When here I again became yellow in colour, by the succession of the ages, then, by the name made by me, it became the Yellow Kalpa (pītakalpa).

AI translation rendered from the Sanskrit, not a published edition

LiP 23.14

मत्प्रसूता च देवेशी पीताङ्गी पीतलोहिता पीतवर्णा तदा ह्यासीद् गायत्री ब्रह्मसंज्ञिता

matprasūtā ca deveśī pītāṅgī pītalohitā pītavarṇā tadā hyāsīd gāyatrī brahmasaṃjñitā

And she who was born of me, the mistress of the gods, yellow-limbed, yellow-red, was then yellow in colour: she was Gāyatrī, called Brahmā's (consort).

AI translation rendered from the Sanskrit, not a published edition

LiP 23.15

तत्रापि च महासत्त्व योगयुक्तेन चेतसा यस्मादहं तैर्विज्ञातो योगतत्परमानसैः

tatrāpi ca mahāsattva yogayuktena cetasā yasmādahaṃ tairvijñāto yogatatparamānasaiḥ

And there too, O greatly steadfast one, since I was known by them with a mind joined in yoga, by those whose minds were intent upon yoga—

AI translation rendered from the Sanskrit, not a published edition

LiP 23.16

तत्र तत्पुरुषत्वेन विज्ञातो ऽहं त्वया पुनः तस्मात्तत्पुरुषत्वं वै ममैतत्कनकाण्डज

tatra tatpuruṣatvena vijñāto 'haṃ tvayā punaḥ tasmāttatpuruṣatvaṃ vai mamaitatkanakāṇḍaja

there I was again known by you as Tatpuruṣa; therefore this Tatpuruṣa-hood is mine, O you born from the golden egg.

AI translation rendered from the Sanskrit, not a published edition

LiP 23.17

ये मां रुद्रं च रुद्राणीं गायत्रीं वेदमातरम् वेत्स्यन्ति तपसा युक्ता विमला ब्रह्मसंगताः

ye māṃ rudraṃ ca rudrāṇīṃ gāyatrīṃ vedamātaram vetsyanti tapasā yuktā vimalā brahmasaṃgatāḥ

Those who, joined with ascetic practice, pure, united with brahman, will know me as Rudra, and Rudrāṇī, Gāyatrī, the mother of the Vedas—

AI translation rendered from the Sanskrit, not a published edition

LiP 23.18

रुद्रलोकं गमिष्यन्ति पुनरावृत्तिदुर्लभम् यदाहं पुनरेवासं कृष्णवर्णो भयानकः

rudralokaṃ gamiṣyanti punarāvṛttidurlabham yadāhaṃ punarevāsaṃ kṛṣṇavarṇo bhayānakaḥ

they will go to Rudra's world, from which return is hard to come by. When I again became black in colour, terrifying—

AI translation rendered from the Sanskrit, not a published edition

LiP 23.19

मत्कृतेन च वर्णेन संकल्पः कृष्ण उच्यते तत्राहं कालसंकाशः कालो लोकप्रकालकः

matkṛtena ca varṇena saṃkalpaḥ kṛṣṇa ucyate tatrāhaṃ kālasaṃkāśaḥ kālo lokaprakālakaḥ

and by the colour made by me the resolve (kalpa) is called Black; there I was like Kāla (Time), Time, the destroyer of the worlds—

AI translation rendered from the Sanskrit, not a published edition — the model flagged this verse as uncertain

LiP 23.20

विज्ञातो ऽहं त्वया ब्रह्मन् घोरो घोरपराक्रमः मत्प्रसूता च गायत्री कृष्णाङ्गी कृष्णलोहिता

vijñāto 'haṃ tvayā brahman ghoro ghoraparākramaḥ matprasūtā ca gāyatrī kṛṣṇāṅgī kṛṣṇalohitā

there I was known by you, O Brahmā, as Ghora, of terrible might; and Gāyatrī, born of me, was black-limbed, black-red,

AI translation rendered from the Sanskrit, not a published edition

LiP 23.21

कृष्णरूपा च देवेश तदासीद्ब्रह्मसंज्ञिता तस्माद् घोरत्वमापन्नं ये मां वेत्स्यन्ति भूतले

kṛṣṇarūpā ca deveśa tadāsīdbrahmasaṃjñitā tasmād ghoratvamāpannaṃ ye māṃ vetsyanti bhūtale

and black in form, O lord of gods; she was then called Brahmā's (consort). Therefore those on earth who will know me as having attained terribleness (ghoratva)—

AI translation rendered from the Sanskrit, not a published edition — the model flagged this verse as uncertain

LiP 23.22

तेषामघोरः शान्तश् च भविष्याम्यहमव्ययः पुनश् च विश्वरूपत्वं यदा ब्रह्मन्ममाभवत्

teṣāmaghoraḥ śāntaś ca bhaviṣyāmyahamavyayaḥ punaś ca viśvarūpatvaṃ yadā brahmanmamābhavat

for them I, the unchanging, shall be not-terrible and calm. And again, O Brahmā, when the state of having the universe as (my) form came to be mine,

AI translation rendered from the Sanskrit, not a published edition

LiP 23.23

तदाप्यहं त्वया ज्ञातः परमेण समाधिना विश्वरूपा च संवृत्ता गायत्री लोकधारिणी

tadāpyahaṃ tvayā jñātaḥ parameṇa samādhinā viśvarūpā ca saṃvṛttā gāyatrī lokadhāriṇī

then too I was known by you through the highest concentration, and Gāyatrī, the upholder of the worlds, became all-formed.

AI translation rendered from the Sanskrit, not a published edition

LiP 23.24

तस्मिन् विश्वत्वम् आपन्नं ये मां वेत्स्यन्ति भूतले तेषां शिवश् च सौम्यश् च भविष्यामि सदैव हि

tasmin viśvatvam āpannaṃ ye māṃ vetsyanti bhūtale teṣāṃ śivaś ca saumyaś ca bhaviṣyāmi sadaiva hi

Those on earth who will know me as having attained universality in that (kalpa)—for them I shall always be Śiva and gentle.

AI translation rendered from the Sanskrit, not a published edition

LiP 23.25

यस्माच्च विश्वरूपो वै कल्पो ऽयं समुदाहृतः विश्वरूपा तथा चेयं सावित्री समुदाहृता

yasmācca viśvarūpo vai kalpo 'yaṃ samudāhṛtaḥ viśvarūpā tathā ceyaṃ sāvitrī samudāhṛtā

And since this kalpa is declared to be Viśvarūpa (all-formed), so too this Sāvitrī is declared to be all-formed.

AI translation rendered from the Sanskrit, not a published edition

LiP 23.26

सर्वरूपा तथा चेमे संवृत्ता मम पुत्रकाः चत्वारस्ते मया ख्याताः पुत्र वै लोकसंमताः

sarvarūpā tathā ceme saṃvṛttā mama putrakāḥ catvāraste mayā khyātāḥ putra vai lokasaṃmatāḥ

And so these sons of mine have become all-formed. Those four have been proclaimed by me, my son, as approved by the world.

AI translation rendered from the Sanskrit, not a published edition

LiP 23.27

यस्माच्च सर्ववर्णत्वं प्रजानां च भविष्यति सर्वभक्षा च मेध्या च वर्णतश् च भविष्यति

yasmācca sarvavarṇatvaṃ prajānāṃ ca bhaviṣyati sarvabhakṣā ca medhyā ca varṇataś ca bhaviṣyati

And since there will be the state of having all colours (varṇas) for created beings, she will also be all-devouring and pure, and (so) by colour.

AI translation rendered from the Sanskrit, not a published edition — the model flagged this verse as uncertain

LiP 23.28

मोक्षो धर्मस्तथार्थश् च कामश्चेति चतुष्टयम् यस्माद्वेदाश् च वेद्यं च चतुर्धा वै भविष्यति

mokṣo dharmastathārthaś ca kāmaśceti catuṣṭayam yasmādvedāś ca vedyaṃ ca caturdhā vai bhaviṣyati

Since the four are liberation, dharma, wealth and pleasure, and since the Vedas and what is to be known will be fourfold—

AI translation rendered from the Sanskrit, not a published edition

LiP 23.29

भूतग्रामाश् च चत्वार आश्रमाश् च तथैव च धर्मस्य पादाश्चत्वारश् चत्वारो मम पुत्रकाः

bhūtagrāmāś ca catvāra āśramāś ca tathaiva ca dharmasya pādāścatvāraś catvāro mama putrakāḥ

and the classes of beings are four, and likewise the stages of life, and the feet of dharma are four, and four are my sons—

AI translation rendered from the Sanskrit, not a published edition

LiP 23.30

तस्माच्चतुर्युगावस्थं जगद्वै सचराचरम् चतुर्धावस्थितश्चैव चतुष्पादो भविष्यति

tasmāccaturyugāvasthaṃ jagadvai sacarācaram caturdhāvasthitaścaiva catuṣpādo bhaviṣyati

therefore the world with its moving and unmoving (beings) abides in four ages, and being established in four ways it will be four-footed.

AI translation rendered from the Sanskrit, not a published edition

LiP 23.31

भूर्लोको ऽथ भुवर्लोकः स्वर्लोकश् च महस् तथा जनस्तपश् च सत्यं च विष्णुलोकस्ततः परम्

bhūrloko 'tha bhuvarlokaḥ svarlokaś ca mahas tathā janastapaś ca satyaṃ ca viṣṇulokastataḥ param

The Bhūr world, then the Bhuvar world, and the Svar world, and Mahas likewise, Jana, Tapas and Satya, and beyond that the world of Viṣṇu.

AI translation rendered from the Sanskrit, not a published edition

LiP 23.32

अष्टाक्षरस्थितो लोकः स्थाने स्थाने तदक्षरम् भूर्भुवः स्वर्महश्चैव पादाश्चत्वार एव च

aṣṭākṣarasthito lokaḥ sthāne sthāne tadakṣaram bhūrbhuvaḥ svarmahaścaiva pādāścatvāra eva ca

The world abides in eight syllables; in each place there is that syllable: bhūr, bhuvaḥ, svar and mahas—these indeed are the four feet.

AI translation rendered from the Sanskrit, not a published edition

LiP 23.33

भूर्लोकः प्रथमः पादो भुवर्लोकस्ततः परम् स्वर्लोको वै तृतीयश् च चतुर्थस्तु महस् तथा

bhūrlokaḥ prathamaḥ pādo bhuvarlokastataḥ param svarloko vai tṛtīyaś ca caturthastu mahas tathā

The Bhūr world is the first foot, the Bhuvar world next after that, the Svar world is indeed the third, and the fourth is Mahas.

AI translation rendered from the Sanskrit, not a published edition

LiP 23.34

पञ्चमस्तु जनस्तत्र षष्ठश् च तप उच्यते सत्यं तु सप्तमो लोको ह्य् अपुनर्भवगामिनाम्

pañcamastu janastatra ṣaṣṭhaś ca tapa ucyate satyaṃ tu saptamo loko hy apunarbhavagāminām

The fifth there is Jana, and the sixth is called Tapas; but the seventh world is Satya, belonging to those who go to no rebirth.

AI translation rendered from the Sanskrit, not a published edition

LiP 23.35

विष्णुलोकः स्मृतं स्थानं पुनरावृत्तिदुर्लभम् स्कान्दमौमं तथा स्थानं सर्वसिद्धिसमन्वितम्

viṣṇulokaḥ smṛtaṃ sthānaṃ punarāvṛttidurlabham skāndamaumaṃ tathā sthānaṃ sarvasiddhisamanvitam

The world of Viṣṇu is held to be a station from which return is hard to come by; likewise the station of Skanda and that of Umā, endowed with every attainment.

AI translation rendered from the Sanskrit, not a published edition

LiP 23.36

रुद्रलोकः स्मृतस्तस्मात् पदं तद्योगिनां शुभम् निर्ममा निरहङ्काराः कामक्रोधविवर्जिताः

rudralokaḥ smṛtastasmāt padaṃ tadyogināṃ śubham nirmamā nirahaṅkārāḥ kāmakrodhavivarjitāḥ

Beyond that is known the world of Rudra, that auspicious station of the yogins; free of possessiveness, free of egoism, rid of desire and anger,

AI translation rendered from the Sanskrit, not a published edition

LiP 23.37

द्रक्ष्यन्ति तद्द्विजा युक्ता ध्यानतत्परमानसाः यस्माच्चतुष्पदा ह्येषा त्वया दृष्टा सरस्वती

drakṣyanti taddvijā yuktā dhyānatatparamānasāḥ yasmāccatuṣpadā hyeṣā tvayā dṛṣṭā sarasvatī

those twice-born who are disciplined, their minds wholly bent on meditation, shall see it. And because this Sarasvatī was seen by you as four-footed—

AI translation rendered from the Sanskrit, not a published edition

LiP 23.38

पादान्तं विष्णुलोकं वै कौमारं शान्तमुत्तमम् औमं माहेश्वरं चैव तस्माद्दृष्टा चतुष्पदा

pādāntaṃ viṣṇulokaṃ vai kaumāraṃ śāntamuttamam aumaṃ māheśvaraṃ caiva tasmāddṛṣṭā catuṣpadā

the end of the feet being the world of Viṣṇu, then Kumāra's, peaceful and highest, then Umā's and Maheśvara's—for that reason she was seen four-footed.

AI translation rendered from the Sanskrit, not a published edition

LiP 23.39

तस्मात्तु पशवः सर्वे भविष्यन्ति चतुष्पदाः ततश्चैषां भविष्यन्ति चत्वारस्ते पयोधराः

tasmāttu paśavaḥ sarve bhaviṣyanti catuṣpadāḥ tataścaiṣāṃ bhaviṣyanti catvāraste payodharāḥ

And therefore all cattle will be four-footed, and hence they will have those four teats.

AI translation rendered from the Sanskrit, not a published edition

LiP 23.40

सोमश् च मन्त्रसंयुक्तो यस्मान्मम मुखाच्च्युतः जीवः प्राणभृतां ब्रह्मन् पुनः पीतस्तनाः स्मृताः

somaś ca mantrasaṃyukto yasmānmama mukhāccyutaḥ jīvaḥ prāṇabhṛtāṃ brahman punaḥ pītastanāḥ smṛtāḥ

And since soma joined with mantra fell from my mouth as the life of breathing creatures, O brahman, therefore they are known as having teats that are sucked.

AI translation rendered from the Sanskrit, not a published edition — the model flagged this verse as uncertain

LiP 23.41

तस्मात्सोममयं चैव अमृतं जीवसंज्ञितम् चतुष्पादा भविष्यन्ति श्वेतत्वं चास्य तेन तत्

tasmātsomamayaṃ caiva amṛtaṃ jīvasaṃjñitam catuṣpādā bhaviṣyanti śvetatvaṃ cāsya tena tat

Therefore the nectar named jīva (life) consists of soma; (the cattle) will be four-footed, and by that its whiteness is (explained).

AI translation rendered from the Sanskrit, not a published edition — the model flagged this verse as uncertain

LiP 23.42

यस्माच्चैव क्रिया भूत्वा द्विपदा च महेश्वरी दृष्टा पुनस्तथैवैषा सावित्री लोकभाविनी

yasmāccaiva kriyā bhūtvā dvipadā ca maheśvarī dṛṣṭā punastathaivaiṣā sāvitrī lokabhāvinī

And since Maheśvarī, having become Kriyā, was seen (by you) as two-footed, and again likewise as this Sāvitrī who brings the worlds into being—

AI translation rendered from the Sanskrit, not a published edition

LiP 23.43

तस्माच्च द्विपदाः सर्वे द्विस्तनाश् च नराः शुभाः तस्माच्चेयमजा भूत्वा सर्ववर्णा महेश्वरी

tasmācca dvipadāḥ sarve dvistanāś ca narāḥ śubhāḥ tasmācceyamajā bhūtvā sarvavarṇā maheśvarī

therefore all men are two-footed and two-breasted and fair; and since this Maheśvarī became a she-goat of all colours,

AI translation rendered from the Sanskrit, not a published edition

LiP 23.44

या वै दृष्टा महासत्त्वा सर्वभूतधरा त्वया तस्माच्च विश्वरूपत्वं प्रजानां वै भविष्यति

yā vai dṛṣṭā mahāsattvā sarvabhūtadharā tvayā tasmācca viśvarūpatvaṃ prajānāṃ vai bhaviṣyati

she who was seen by you, of great being, the bearer of all creatures—therefore the creatures will have every form.

AI translation rendered from the Sanskrit, not a published edition

LiP 23.45

अजश्चैव महातेजा विश्वरूपो भविष्यति अमोघरेताः सर्वत्र मुखे चास्य हुताशनः

ajaścaiva mahātejā viśvarūpo bhaviṣyati amogharetāḥ sarvatra mukhe cāsya hutāśanaḥ

And the he-goat, of great splendour, will be of every form, of unfailing seed everywhere, and in his mouth is the fire that eats the oblation.

AI translation rendered from the Sanskrit, not a published edition

LiP 23.46

तस्मात्सर्वगतो मेध्यः पशुरूपी हुताशनः तपसा भावितात्मानो ये मां द्रक्ष्यन्ति वै द्विजाः

tasmātsarvagato medhyaḥ paśurūpī hutāśanaḥ tapasā bhāvitātmāno ye māṃ drakṣyanti vai dvijāḥ

Therefore the oblation-eating fire is all-pervading, fit for sacrifice, in the form of a beast. Those twice-born whose selves are matured by austerity, who shall see me—

AI translation rendered from the Sanskrit, not a published edition

LiP 23.47

ईशित्वे च वशित्वे च सर्वगं सर्वतः स्थितम् रजस्तमोभ्यां निर्मुक्तास् त्यक्त्वा मानुष्यकं वपुः

īśitve ca vaśitve ca sarvagaṃ sarvataḥ sthitam rajastamobhyāṃ nirmuktās tyaktvā mānuṣyakaṃ vapuḥ

in (my) sovereignty and mastery, all-pervading, standing on every side—freed from rajas and tamas, having cast off the human body,

AI translation rendered from the Sanskrit, not a published edition

LiP 23.48

मत्समीपमुपेष्यन्ति पुनरावृत्तिदुर्लभम् इत्येवमुक्तो भगवान् ब्रह्मा रुद्रेण वै द्विजाः

matsamīpamupeṣyanti punarāvṛttidurlabham ityevamukto bhagavān brahmā rudreṇa vai dvijāḥ

they will come near to me, whence return is hard to come by. Thus addressed by Rudra, O twice-born, the Lord Brahmā,

AI translation rendered from the Sanskrit, not a published edition

LiP 23.49

प्रणम्य प्रयतो भूत्वा पुनराह पितामहः य एवं भगवान् विद्वान् गायत्र्या वै महेश्वरम्

praṇamya prayato bhūtvā punarāha pitāmahaḥ ya evaṃ bhagavān vidvān gāyatryā vai maheśvaram

having bowed and become collected, the Grandfather spoke again: "Whoever, O Lord, knows thus by the gāyatrī Maheśvara,

AI translation rendered from the Sanskrit, not a published edition

LiP 23.50

विश्वात्मानं हि सर्वं त्वां गायत्र्यास्तव चेश्वर तस्य देहि परं स्थानं तथास्त्विति च सो ऽब्रवीत्

viśvātmānaṃ hi sarvaṃ tvāṃ gāyatryāstava ceśvara tasya dehi paraṃ sthānaṃ tathāstviti ca so 'bravīt

knows you as the Self of all, as the whole—of the gāyatrī and of you, O Lord—to him grant the supreme station." And he said, "So be it."

AI translation rendered from the Sanskrit, not a published edition — the model flagged this verse as uncertain

LiP 23.51

तस्माद्विद्वान् हि विश्वत्वम् अस्याश्चास्य महात्मनः स याति ब्रह्मसायुज्यं वचनाद् ब्रह्मणः प्रभोः

tasmādvidvān hi viśvatvam asyāścāsya mahātmanaḥ sa yāti brahmasāyujyaṃ vacanād brahmaṇaḥ prabhoḥ

Therefore one who knows the all-form nature of her and of this great one goes to union with Brahman, by the word of Lord Brahmā.

AI translation rendered from the Sanskrit, not a published edition