Linga Purana — Chapter 2
LiP 2.1
ईशानकल्पवृत्तान्तम् अधिकृत्य महात्मना ब्रह्मणा कल्पितं पूर्वं पुराणं लैङ्गम् उत्तमम्
īśānakalpavṛttāntam adhikṛtya mahātmanā brahmaṇā kalpitaṃ pūrvaṃ purāṇaṃ laiṅgam uttamam
Taking as its subject the account of the Īśāna kalpa, the excellent Liṅga Purāṇa was formerly composed by the great-souled Brahmā,
AI translation rendered from the Sanskrit, not a published edition
LiP 2.2
ग्रन्थकोटिप्रमाणं तु शतकोटिप्रविस्तरे चतुर्लक्षेण संक्षिप्ते व्यासैः सर्वान्तरेषु वै
granthakoṭipramāṇaṃ tu śatakoṭipravistare caturlakṣeṇa saṃkṣipte vyāsaiḥ sarvāntareṣu vai
of the measure of a crore of verses within an extent of a hundred crores; it was abridged to four lakhs by the Vyāsas in all the intervening (manvantaras).
AI translation rendered from the Sanskrit, not a published edition — the model flagged this verse as uncertain
LiP 2.3
व्यस्तेष्टा दशधा चैव ब्रह्मादौ द्वापरादिषु लिङ्गमेकादशं प्रोक्तं मया व्यासाच्छ्रुतं च तत्
vyasteṣṭā daśadhā caiva brahmādau dvāparādiṣu liṅgamekādaśaṃ proktaṃ mayā vyāsācchrutaṃ ca tat
(The Purāṇa) was divided tenfold in the case of Brahmā and the rest, in the dvāpara ages and so on; the Liṅga (Purāṇa) is declared to be the eleventh, and that I heard from Vyāsa.
AI translation rendered from the Sanskrit, not a published edition — the model flagged this verse as uncertain
LiP 2.4
अस्यैकादशसाहस्रे ग्रन्थमानमिह द्विजाः तस्मात्संक्षेपतो वक्ष्ये न श्रुतं विस्तरेण यत्
asyaikādaśasāhasre granthamānamiha dvijāḥ tasmātsaṃkṣepato vakṣye na śrutaṃ vistareṇa yat
Its extent of text here, O twice-born, is eleven thousand (verses); therefore I shall speak in brief that which has not been heard at length.
AI translation rendered from the Sanskrit, not a published edition
LiP 2.5
चतुर्लक्षेण संक्षिप्ते कृष्णद्वैपायनेन तु अत्रैकादशसाहस्रैः कथितो लिङ्गसम्भवः
caturlakṣeṇa saṃkṣipte kṛṣṇadvaipāyanena tu atraikādaśasāhasraiḥ kathito liṅgasambhavaḥ
But in the (collection) condensed into four hundred thousand (verses) by Kṛṣṇa Dvaipāyana, here, in eleven thousand (verses), the arising of the liṅga is told.
AI translation rendered from the Sanskrit, not a published edition
LiP 2.6
सर्गः प्राधानिकः पश्चात् प्राकृतो वैकृतानि च अण्डस्यास्य च सम्भूतिर् अण्डस्यावरणाष्टकम्
sargaḥ prādhānikaḥ paścāt prākṛto vaikṛtāni ca aṇḍasyāsya ca sambhūtir aṇḍasyāvaraṇāṣṭakam
Then the creation from the primordial (pradhāna), the material (prākṛta) creation and the derivative (vaikṛta) ones, and the coming into being of this egg, and the eightfold covering of the egg;
AI translation rendered from the Sanskrit, not a published edition
LiP 2.7
अण्डोद्भवत्वं शर्वस्य रजोगुणसमाश्रयात् विष्णुत्वं कालरुद्रत्वं शयनं चाप्सु तस्य च
aṇḍodbhavatvaṃ śarvasya rajoguṇasamāśrayāt viṣṇutvaṃ kālarudratvaṃ śayanaṃ cāpsu tasya ca
Śarva's arising from the egg, through his reliance on the quality of rajas; (his) being Viṣṇu, (his) being Kāla-Rudra, and his lying down upon the waters;
AI translation rendered from the Sanskrit, not a published edition
LiP 2.8
प्रजापतीनां सर्गश् च पृथिव्युद्धरणं तथा ब्रह्मणश् च दिवारात्रम् आयुषो गणनं पुनः
prajāpatīnāṃ sargaś ca pṛthivyuddharaṇaṃ tathā brahmaṇaś ca divārātram āyuṣo gaṇanaṃ punaḥ
and the creation of the Prajāpatis, likewise the raising up of the earth, and Brahmā's day and night, and again the reckoning of (his) lifespan;
AI translation rendered from the Sanskrit, not a published edition
LiP 2.9
सवनं ब्रह्मणश्चैव युगकल्पश् च तस्य तु दिव्यं च मानुषं वर्षम् आर्षं वै ध्रौव्यमेव च
savanaṃ brahmaṇaścaiva yugakalpaś ca tasya tu divyaṃ ca mānuṣaṃ varṣam ārṣaṃ vai dhrauvyameva ca
And the savana (sacrificial period) of Brahmā, and his yuga and kalpa; and the divine, the human, the ṛṣi year, and the polar (dhruva) one as well.
AI translation rendered from the Sanskrit, not a published edition — the model flagged this verse as uncertain
LiP 2.10
पित्र्यं पितॄणां सम्भूतिर् धर्मश्चाश्रमिणां तथा अवृद्धिर्जगतो भूयो देव्याः शक्त्युद्भवस्तथा
pitryaṃ pitṝṇāṃ sambhūtir dharmaścāśramiṇāṃ tathā avṛddhirjagato bhūyo devyāḥ śaktyudbhavastathā
The (year) of the fathers, the origin of the fathers, and likewise the duty of those in the (four) stages of life; further, the non-increase (decline) of the world, and likewise the arising of the Goddess's power.
AI translation rendered from the Sanskrit, not a published edition — the model flagged this verse as uncertain
LiP 2.11
स्त्रीपुम्भावो विरिञ्चस्य सर्गो मिथुनसम्भवः आख्याष्टकं हि रुद्रस्य कथितं रोदनान्तरे
strīpumbhāvo viriñcasya sargo mithunasambhavaḥ ākhyāṣṭakaṃ hi rudrasya kathitaṃ rodanāntare
The condition of female and male, the creation by Viriñca (Brahmā), the arising of the (first) couple; and indeed the group of eight names of Rudra was told in connection with (his) weeping.
AI translation rendered from the Sanskrit, not a published edition — the model flagged this verse as uncertain
LiP 2.12
ब्रह्मविष्णुविवादश् च पुनर्लिङ्गस्य सम्भवः शिलादस्य तपश्चैव वृत्रारेर्दर्शनं तथा
brahmaviṣṇuvivādaś ca punarliṅgasya sambhavaḥ śilādasya tapaścaiva vṛtrārerdarśanaṃ tathā
And the dispute between Brahmā and Viṣṇu, and again the arising of the liṅga, and the austerity of Śilāda, and likewise the appearing of the foe of Vṛtra (Indra).
AI translation rendered from the Sanskrit, not a published edition
LiP 2.13
प्रार्थना योनिजस्याथ दुर्लभत्वं सुतस्य तु शिलादशक्रसंवादः पद्मयोनित्वमेव च
prārthanā yonijasyātha durlabhatvaṃ sutasya tu śilādaśakrasaṃvādaḥ padmayonitvameva ca
Then the request for one born of a womb, and the difficulty of (obtaining) a son; the conversation of Śilāda and Śakra, and (Brahmā's) being lotus-born.
AI translation rendered from the Sanskrit, not a published edition — the model flagged this verse as uncertain
LiP 2.14
भवस्य दर्शनं चैव तिष्येष्वाचार्यशिष्ययोः व्यासावताराश् च तथा कल्पमन्वन्तराणि च
bhavasya darśanaṃ caiva tiṣyeṣvācāryaśiṣyayoḥ vyāsāvatārāś ca tathā kalpamanvantarāṇi ca
And the appearance of Bhava, and, in the Tiṣya (Kali) ages, (the accounts) of the teachers and disciples; and likewise the incarnations of Vyāsa, and the kalpas and manvantaras.
AI translation rendered from the Sanskrit, not a published edition — the model flagged this verse as uncertain
LiP 2.15
कल्पत्वं चैव कल्पानाम् आख्याभेदेष्वनुक्रमात् कल्पेषु कल्पे वाराहे वाराहत्वं हरेस् तथा
kalpatvaṃ caiva kalpānām ākhyābhedeṣvanukramāt kalpeṣu kalpe vārāhe vārāhatvaṃ hares tathā
And the kalpa-hood of the kalpas, in sequence, in (their) different names; and among the kalpas, in the Vārāha kalpa, the boar-hood of Hari;
AI translation rendered from the Sanskrit, not a published edition — the model flagged this verse as uncertain
LiP 2.16
मेघवाहनकल्पस्य वृत्तान्तं रुद्रगौरवम् पुनर्लिङ्गोद्भवश्चैव ऋषिमध्ये पिनाकिनः
meghavāhanakalpasya vṛttāntaṃ rudragauravam punarliṅgodbhavaścaiva ṛṣimadhye pinākinaḥ
the narrative of the Meghavāhana kalpa, the greatness of Rudra, and again the arising of the liṅga of the Pinākin (Śiva) in the midst of the sages;
AI translation rendered from the Sanskrit, not a published edition
LiP 2.17
लिङ्गस्याराधनं स्नानविधानं शौचलक्षणम् वाराणस्याश् च माहात्म्यं क्षेत्रमाहात्म्यवर्णनम्
liṅgasyārādhanaṃ snānavidhānaṃ śaucalakṣaṇam vārāṇasyāś ca māhātmyaṃ kṣetramāhātmyavarṇanam
The worship of the liṅga, the rules for bathing, the marks of purity; and the greatness of Vārāṇasī, the description of the greatness of (sacred) places;
AI translation rendered from the Sanskrit, not a published edition
LiP 2.18
भुवि रुद्रालयानां तु संख्या विष्णोर्गृहस्य च अन्तरिक्षे तथाण्डे ऽस्मिन् देवायतनवर्णनम्
bhuvi rudrālayānāṃ tu saṃkhyā viṣṇorgṛhasya ca antarikṣe tathāṇḍe 'smin devāyatanavarṇanam
and the number of Rudra's abodes on earth, and of Viṣṇu's house; likewise in the middle region and in this (cosmic) egg — the description of the temples of the gods.
AI translation rendered from the Sanskrit, not a published edition
LiP 2.19
दक्षस्य पतनं भूमौ पुनः स्वारोचिषे ऽन्तरे दक्षशापश् च दक्षस्य शापमोक्षस्तथैव च
dakṣasya patanaṃ bhūmau punaḥ svārociṣe 'ntare dakṣaśāpaś ca dakṣasya śāpamokṣastathaiva ca
(Then) Dakṣa's fall to the earth, again in the Svārociṣa interval, and Dakṣa's curse, and likewise Dakṣa's release from the curse;
AI translation rendered from the Sanskrit, not a published edition
LiP 2.20
कैलासवर्णनं चैव योगः पाशुपतस् तथा चतुर्युगप्रमाणं च युगधर्मः सुविस्तरः
kailāsavarṇanaṃ caiva yogaḥ pāśupatas tathā caturyugapramāṇaṃ ca yugadharmaḥ suvistaraḥ
and the description of Kailāsa, and likewise the Pāśupata yoga, and the measure of the four ages, and the duty of each age at great length;
AI translation rendered from the Sanskrit, not a published edition
LiP 2.21
संध्यांशकप्रमाणं च संध्यावृत्तं भवस्य च श्मशाननिलयश्चैव चन्द्ररेखासमुद्भवः
saṃdhyāṃśakapramāṇaṃ ca saṃdhyāvṛttaṃ bhavasya ca śmaśānanilayaścaiva candrarekhāsamudbhavaḥ
And the measure of the twilight portions, and Bhava's twilight observance, and (his) dwelling in the cremation ground, and the origin of the crescent (moon-streak).
AI translation rendered from the Sanskrit, not a published edition
LiP 2.22
उद्वाहः शंकरस्याथ पुत्रोत्पादनमेव च मैथुनातिप्रसङ्गेन विनाशो जगतां भयम्
udvāhaḥ śaṃkarasyātha putrotpādanameva ca maithunātiprasaṅgena vināśo jagatāṃ bhayam
Then the marriage of Śaṃkara, and the begetting of a son; and, through excessive indulgence in intercourse, destruction, the terror of the worlds.
AI translation rendered from the Sanskrit, not a published edition
LiP 2.23
शापः सत्या कृतो देवान्पुरा विष्णुं च पालितम् शुक्रोत्सर्गस्तु रुद्रस्य गाङ्गेयोद्भव एव च
śāpaḥ satyā kṛto devānpurā viṣṇuṃ ca pālitam śukrotsargastu rudrasya gāṅgeyodbhava eva ca
The curse laid by Satyā upon the gods formerly, and Viṣṇu's being protected; the emission of Rudra's seed, and the origin of the son of Gaṅgā.
AI translation rendered from the Sanskrit, not a published edition — the model flagged this verse as uncertain
LiP 2.24
ग्रहणादिषु कालेषु स्नाप्य लिङ्गं फलं तथा क्षुब्धधी च विवादश् च दधीचोपेन्द्रयोस् तथा
grahaṇādiṣu kāleṣu snāpya liṅgaṃ phalaṃ tathā kṣubdhadhī ca vivādaś ca dadhīcopendrayos tathā
And the fruit (obtained) by bathing the liṅga at eclipse-times and the like; and the agitation of mind, and the quarrel of Dadhīca (Dadhīci) and Upendra.
AI translation rendered from the Sanskrit, not a published edition — the model flagged this verse as uncertain
LiP 2.25
उत्पत्तिर्नन्दिनाम्ना तु देवदेवस्य शूलिनः पतिव्रतायाश्चाख्यानं पशुपाशविचारणा
utpattirnandināmnā tu devadevasya śūlinaḥ pativratāyāścākhyānaṃ paśupāśavicāraṇā
The origination of the God of gods, the trident-bearer, under the name Nandin; and the tale of the faithful wife; and the investigation of the bound soul and its bond.
AI translation rendered from the Sanskrit, not a published edition — the model flagged this verse as uncertain
LiP 2.26
प्रवृत्तिलक्षणं ज्ञानं निवृत्त्यधिकृता तथा वसिष्ठतनयोत्पत्तिर् वासिष्ठानां महात्मनाम्
pravṛttilakṣaṇaṃ jñānaṃ nivṛttyadhikṛtā tathā vasiṣṭhatanayotpattir vāsiṣṭhānāṃ mahātmanām
The knowledge characterized by outward activity (pravṛtti), and likewise that established in cessation (nivṛtti); the birth of Vasiṣṭha's son, and of the great-souled descendants of Vasiṣṭha.
AI translation rendered from the Sanskrit, not a published edition
LiP 2.27
मुनीनां वंशविस्तारो राज्ञां शक्तेर्विनाशनम् दौरात्म्यं कौशिकस्याथ सुरभेर्बन्धनं तथा
munīnāṃ vaṃśavistāro rājñāṃ śaktervināśanam daurātmyaṃ kauśikasyātha surabherbandhanaṃ tathā
The extension of the lineages of the sages and of kings; the destruction of Śakti; then the wickedness of Kauśika (Viśvāmitra), and likewise the binding of Surabhi.
AI translation rendered from the Sanskrit, not a published edition
LiP 2.28
सुतशोको वसिष्ठस्य अरुन्धत्याः प्रलापनम् स्नुषायाः प्रेषणं चैव गर्भस्थस्य वचस् तथा
sutaśoko vasiṣṭhasya arundhatyāḥ pralāpanam snuṣāyāḥ preṣaṇaṃ caiva garbhasthasya vacas tathā
Vasiṣṭha's grief for his son, Arundhatī's lamentation, and the sending away of the daughter-in-law, and likewise the speech of the (child) in the womb.
AI translation rendered from the Sanskrit, not a published edition
LiP 2.29
पराशरस्यावतारो व्यासस्य च शुकस्य च विनाशो राक्षसानां च कृतो वै शक्तिसूनुना
parāśarasyāvatāro vyāsasya ca śukasya ca vināśo rākṣasānāṃ ca kṛto vai śaktisūnunā
The descent (birth) of Parāśara, and of Vyāsa and of Śuka; and the destruction of the rākṣasas wrought by the son of Śakti.
AI translation rendered from the Sanskrit, not a published edition
LiP 2.30
देवतापरमार्थं तु विज्ञानं च प्रसादतः पुराणकरणं चैव पुलस्त्यस्याज्ञया गुरोः
devatāparamārthaṃ tu vijñānaṃ ca prasādataḥ purāṇakaraṇaṃ caiva pulastyasyājñayā guroḥ
The highest truth about the deity, and (its) discernment through (his) grace; and the making of the Purāṇa by the command of the teacher Pulastya.
AI translation rendered from the Sanskrit, not a published edition — the model flagged this verse as uncertain
LiP 2.31
भुवनानां प्रमाणं च ग्रहाणां ज्योतिषां गतिः जीवच्छ्राद्धविधानं च श्राद्धार्हाः श्राद्धमेव च
bhuvanānāṃ pramāṇaṃ ca grahāṇāṃ jyotiṣāṃ gatiḥ jīvacchrāddhavidhānaṃ ca śrāddhārhāḥ śrāddhameva ca
The measure of the worlds, the courses of the planets and the luminaries; the rule of the śrāddha performed while living, those worthy of śrāddha, and the śrāddha itself.
AI translation rendered from the Sanskrit, not a published edition
LiP 2.32
नान्दीश्राद्धविधानं च तथाध्ययनलक्षणम् पञ्चयज्ञप्रभावश् च पञ्चयज्ञविधिस् तथा
nāndīśrāddhavidhānaṃ ca tathādhyayanalakṣaṇam pañcayajñaprabhāvaś ca pañcayajñavidhis tathā
The rule of the auspicious-opening (nāndī) śrāddha, and likewise the characteristics of (Vedic) study; the efficacy of the five sacrifices, and likewise the rule of the five sacrifices.
AI translation rendered from the Sanskrit, not a published edition
LiP 2.33
रजस्वलानां वृत्तिश् च वृत्त्या पुत्रविशिष्टता मैथुनस्य विधिश्चैव प्रतिवर्णमनुक्रमात्
rajasvalānāṃ vṛttiś ca vṛttyā putraviśiṣṭatā maithunasya vidhiścaiva prativarṇamanukramāt
The conduct (prescribed) for menstruating women, and the excellence of the son (obtained) through that conduct; and the rule of sexual union for each class in order.
AI translation rendered from the Sanskrit, not a published edition — the model flagged this verse as uncertain
LiP 2.34
भोज्याभोज्यविधानं च सर्वेषामेव वर्णिनाम् प्रायश्चित्तम् अशेषस्य प्रत्येकं चैव विस्तरात्
bhojyābhojyavidhānaṃ ca sarveṣāmeva varṇinām prāyaścittam aśeṣasya pratyekaṃ caiva vistarāt
And the rule of what may and may not be eaten for all members of the classes; expiation for everything, and for each (offence) individually, at length.
AI translation rendered from the Sanskrit, not a published edition
LiP 2.35
नरकाणां स्वरूपं च दण्डः कर्मानुरूपतः स्वर्गिनारकिणां पुंसां चिह्नं जन्मान्तरेषु च
narakāṇāṃ svarūpaṃ ca daṇḍaḥ karmānurūpataḥ svarginārakiṇāṃ puṃsāṃ cihnaṃ janmāntareṣu ca
The nature of the hells, and punishment in accordance with (one's) deeds; and the marks of men bound for heaven or for hell in their other births.
AI translation rendered from the Sanskrit, not a published edition
LiP 2.36
नानाविधानि दानानि प्रेतराजपुरं तथा कल्पं पञ्चाक्षरस्याथ रुद्रमाहात्म्यमेव च
nānāvidhāni dānāni pretarājapuraṃ tathā kalpaṃ pañcākṣarasyātha rudramāhātmyameva ca
Gifts of various kinds, and likewise the city of the king of the dead; then the rite of the five-syllabled (mantra), and the greatness of Rudra.
AI translation rendered from the Sanskrit, not a published edition — the model flagged this verse as uncertain
LiP 2.37
वृत्रेन्द्रयोर्महायुद्धं विश्वरूपविमर्दनम् श्वेतस्य मृत्योः संवादः श्वेतार्थे कालनाशनम्
vṛtrendrayormahāyuddhaṃ viśvarūpavimardanam śvetasya mṛtyoḥ saṃvādaḥ śvetārthe kālanāśanam
The great battle of Vṛtra and Indra, the crushing of Viśvarūpa; the conversation of Śveta and Death, and the destroying of Kāla (Time/Death) for Śveta's sake.
AI translation rendered from the Sanskrit, not a published edition
LiP 2.38
देवदारुवने शम्भोः प्रवेशः शंकरस्य तु सुदर्शनस्य चाख्यानं क्रमसंन्यासलक्षणम्
devadāruvane śambhoḥ praveśaḥ śaṃkarasya tu sudarśanasya cākhyānaṃ kramasaṃnyāsalakṣaṇam
Śambhu's entering into the Devadāru forest — Śaṃkara's, that is; and the tale of Sudarśana; the marks of renunciation by stages.
AI translation rendered from the Sanskrit, not a published edition — the model flagged this verse as uncertain
LiP 2.39
श्रद्धासाध्यो ऽथ रुद्रस्तु कथितं ब्रह्मणा तदा मधुना कैटभेनैव पुरा हृतगतेर्विभोः
śraddhāsādhyo 'tha rudrastu kathitaṃ brahmaṇā tadā madhunā kaiṭabhenaiva purā hṛtagatervibhoḥ
Then Rudra, who is to be attained by faith, was declared by Brahmā at that time — when formerly the Lord's course (of knowledge) had been carried off by Madhu and Kaiṭabha.
AI translation rendered from the Sanskrit, not a published edition — the model flagged this verse as uncertain
LiP 2.40
ब्रह्मणः परमं ज्ञानम् आदातुं मीनता हरेः सर्वावस्थासु विष्णोश् च जननं लीलयैव तु
brahmaṇaḥ paramaṃ jñānam ādātuṃ mīnatā hareḥ sarvāvasthāsu viṣṇoś ca jananaṃ līlayaiva tu
Hari's becoming a fish in order to recover Brahmā's supreme knowledge; and Viṣṇu's births in all conditions, (undertaken) merely in play.
AI translation rendered from the Sanskrit, not a published edition
LiP 2.41
रुद्रप्रसादाद्विष्णोश् च जिष्णोश्चैव तु सम्भवः मन्थानधारणार्थाय हरेः कूर्मत्वमेवच
rudraprasādādviṣṇoś ca jiṣṇoścaiva tu sambhavaḥ manthānadhāraṇārthāya hareḥ kūrmatvamevaca
And the coming into being of Viṣṇu and of Jiṣṇu by Rudra's grace; and Hari's becoming a tortoise in order to support the churning-stick.
AI translation rendered from the Sanskrit, not a published edition
LiP 2.42
संकर्षणस्य चोत्पत्तिः कौशिक्याश् च पुनर्भवः यदूनां चैव सम्भूतिर् यादवत्वं हरेः स्वयम्
saṃkarṣaṇasya cotpattiḥ kauśikyāś ca punarbhavaḥ yadūnāṃ caiva sambhūtir yādavatvaṃ hareḥ svayam
And the birth of Saṃkarṣaṇa, and the rebirth of Kauśikī; and the coming into being of the Yadus, and Hari's own becoming a Yādava.
AI translation rendered from the Sanskrit, not a published edition
LiP 2.43
भोजराजस्य दौरात्म्यं मातुलस्य हरेर्विभोः बालभावे हरेः क्रीडा पुत्रार्थं शंकरार्चनम्
bhojarājasya daurātmyaṃ mātulasya harervibhoḥ bālabhāve hareḥ krīḍā putrārthaṃ śaṃkarārcanam
The wickedness of Bhojarāja, the maternal uncle of the mighty Hari; Hari's play in his childhood; the worship of Śaṃkara for the sake of a son;
AI translation rendered from the Sanskrit, not a published edition
LiP 2.44
नारस्य च तथोत्पत्तिः कपाले वैष्णवाद्धरात् भूभारनिग्रहार्थे तु रुद्रस्याराधनं हरेः
nārasya ca tathotpattiḥ kapāle vaiṣṇavāddharāt bhūbhāranigrahārthe tu rudrasyārādhanaṃ hareḥ
and likewise the origin of Nāra in the skull, from Hara who belongs to Viṣṇu(?); and Hari's propitiation of Rudra for the removal of the earth's burden;
AI translation rendered from the Sanskrit, not a published edition — the model flagged this verse as uncertain
LiP 2.45
वैन्येन पृथुना भूमेः पुरा दोहप्रवर्तनम् देवासुरे पुरा लब्धो भृगुशापश् च विष्णुना
vainyena pṛthunā bhūmeḥ purā dohapravartanam devāsure purā labdho bhṛguśāpaś ca viṣṇunā
the milking of the Earth carried out of old by Pṛthu, son of Vena; and the curse of Bhṛgu incurred by Viṣṇu of old in the war of gods and asuras;
AI translation rendered from the Sanskrit, not a published edition
LiP 2.46
कृष्णत्वे द्वारकायां तु निलयो माधवस्य तु लब्धो हिताय शापस्तु दुर्वासस्याननाद्धरेः
kṛṣṇatve dvārakāyāṃ tu nilayo mādhavasya tu labdho hitāya śāpastu durvāsasyānanāddhareḥ
in the state of being Kṛṣṇa, Mādhava's dwelling in Dvārakā; and the curse received by Hari from the mouth of Durvāsas, (which was) for (the world's) good;
AI translation rendered from the Sanskrit, not a published edition
LiP 2.47
वृष्ण्यन्धकविनाशाय शापः पिण्डारवासिनाम् एरकस्य तथोत्पत्तिस् तोमरस्योद्भवस् तथा
vṛṣṇyandhakavināśāya śāpaḥ piṇḍāravāsinām erakasya tathotpattis tomarasyodbhavas tathā
the curse of those dwelling at Piṇḍāraka, for the destruction of the Vṛṣṇis and Andhakas; and likewise the origin of the eraka grass, and the arising of the tomara (iron club);
AI translation rendered from the Sanskrit, not a published edition
LiP 2.48
एरकालाभतो ऽन्योन्यं विवादे वृष्णिविग्रहः लीलया चैव कृष्णेन स्वकुलस्य च संहृतिः
erakālābhato 'nyonyaṃ vivāde vṛṣṇivigrahaḥ līlayā caiva kṛṣṇena svakulasya ca saṃhṛtiḥ
the strife among the Vṛṣṇis in a mutual quarrel arising from the getting of the eraka grass; and the destruction of his own clan by Kṛṣṇa in mere sport;
AI translation rendered from the Sanskrit, not a published edition — the model flagged this verse as uncertain
LiP 2.49
एरकास्त्रबलेनैव गमनं स्वेच्छयैव तु ब्रह्मणश्चैव मोक्षस्य विज्ञानं तु सुविस्तरम्
erakāstrabalenaiva gamanaṃ svecchayaiva tu brahmaṇaścaiva mokṣasya vijñānaṃ tu suvistaram
the departure, by his own will alone, through the power of the eraka weapon; and the very extensive knowledge of Brahman and of liberation;
AI translation rendered from the Sanskrit, not a published edition
LiP 2.50
पुरान्धकाग्निदक्षाणां शक्रेभमृगरूपिणाम् मदनस्यादिदेवस्य ब्रह्मणश् चामरारिणाम्
purāndhakāgnidakṣāṇāṃ śakrebhamṛgarūpiṇām madanasyādidevasya brahmaṇaś cāmarāriṇām
of Pura, Andhaka, Agni and Dakṣa; of Śakra, of the elephant and the one in deer form; of Madana, of the primal god, of Brahmā, and of the enemies of the gods;
AI translation rendered from the Sanskrit, not a published edition — the model flagged this verse as uncertain
LiP 2.51
हलाहलस्य दैत्यस्य कृतावज्ञा पिनाकिना जालंधरवधश्चैव सुदर्शनसमुद्भवः
halāhalasya daityasya kṛtāvajñā pinākinā jālaṃdharavadhaścaiva sudarśanasamudbhavaḥ
the disregard shown by the bearer of the Pināka toward the daitya Halāhala; and the slaying of Jālandhara and the arising of the Sudarśana;
AI translation rendered from the Sanskrit, not a published edition
LiP 2.52
विष्णोर्वरायुधावाप्तिस् तथा रुद्रस्य चेष्टितम् तथान्यानि च रुद्रस्य चरितानि सहस्रशः
viṣṇorvarāyudhāvāptis tathā rudrasya ceṣṭitam tathānyāni ca rudrasya caritāni sahasraśaḥ
Viṣṇu's obtaining of the excellent weapon, and likewise Rudra's doing; and also Rudra's other deeds, by the thousand;
AI translation rendered from the Sanskrit, not a published edition
LiP 2.53
हरेः पितामहस्याथ शक्रस्य च महात्मनः प्रभावानुभवश्चैव शिवलोकस्य वर्णनम्
hareḥ pitāmahasyātha śakrasya ca mahātmanaḥ prabhāvānubhavaścaiva śivalokasya varṇanam
then the experience of the power of Hari, of the Grandfather (Brahmā), and of the great-souled Śakra; and the description of Śiva's world;
AI translation rendered from the Sanskrit, not a published edition
LiP 2.54
भूमौ रुद्रस्य लोकं च पाताले हाटकेश्वरम् तपसां लक्षणं चैव द्विजानां वैभवं तथा
bhūmau rudrasya lokaṃ ca pātāle hāṭakeśvaram tapasāṃ lakṣaṇaṃ caiva dvijānāṃ vaibhavaṃ tathā
and Rudra's world on earth, and Hāṭakeśvara in the underworld; the marks of austerities, and likewise the greatness of the twice-born;
AI translation rendered from the Sanskrit, not a published edition
LiP 2.55
आधिक्यं सर्वमूर्तीनां लिङ्गमूर्तेर्विशेषतः लिङ्गे ऽस्मिन्नानुपूर्व्येण विस्तरेणानुकीर्त्यते
ādhikyaṃ sarvamūrtīnāṃ liṅgamūrterviśeṣataḥ liṅge 'sminnānupūrvyeṇa vistareṇānukīrtyate
the pre-eminence of all the forms, and especially of the liṅga-form — (all this) is recounted in due order and at length in this Liṅga (Purāṇa).
AI translation rendered from the Sanskrit, not a published edition
LiP 2.56
एतज्ज्ञात्वा पुराणस्य संक्षेपं कीर्तयेत्तु यः सर्वपापविनिर्मुक्तो ब्रह्मलोकं स गच्छति
etajjñātvā purāṇasya saṃkṣepaṃ kīrtayettu yaḥ sarvapāpavinirmukto brahmalokaṃ sa gacchati
Whoever, having learned this, recites the summary of the Purāṇa, is freed from all sins and goes to Brahmā's world.
AI translation rendered from the Sanskrit, not a published edition