Linga Purana — Chapter 107
LiP 107.1
पुरोपमन्युना सूत गाणपत्यं महेश्वरात् क्षीरार्णवः कथं लब्धो वक्तुमर्हसि सांप्रतम्
puropamanyunā sūta gāṇapatyaṃ maheśvarāt kṣīrārṇavaḥ kathaṃ labdho vaktumarhasi sāṃpratam
"Sūta, how in former times did Upamanyu obtain from Maheśvara the state of a Gaṇapati and the ocean of milk? You ought to tell (this) now."
AI translation rendered from the Sanskrit, not a published edition
LiP 107.2
एवं कालीम् उपालभ्य गते देवे त्रियंबके उपमन्युः समभ्यर्च्य तपसा लब्धवान्फलम्
evaṃ kālīm upālabhya gate deve triyaṃbake upamanyuḥ samabhyarcya tapasā labdhavānphalam
When the god Tryambaka had thus reproached Kālī and departed, Upamanyu, having worshipped (him) well, obtained the fruit through austerity.
AI translation rendered from the Sanskrit, not a published edition
LiP 107.3
उपमन्युरिति ख्यातो मुनिश् च द्विजसत्तमाः कुमार इव तेजस्वी क्रीडमानो यदृच्छया
upamanyuriti khyāto muniś ca dvijasattamāḥ kumāra iva tejasvī krīḍamāno yadṛcchayā
And, O best of twice-born, there was a sage renowned as Upamanyu, radiant like Kumāra, playing about at his own pleasure.
AI translation rendered from the Sanskrit, not a published edition
LiP 107.4
कदाचित् क्षीरम् अल्पं च पीतवान् मातुलाश्रमे ईर्ष्यया मातुलसुतो ह्य् अपिबत् क्षीरम् उत्तमम्
kadācit kṣīram alpaṃ ca pītavān mātulāśrame īrṣyayā mātulasuto hy apibat kṣīram uttamam
Once, in his maternal uncle's hermitage, he drank but a little milk, while his uncle's son out of envy drank the best milk.
AI translation rendered from the Sanskrit, not a published edition
LiP 107.5
पीत्वा स्थितं यथाकामं दृष्ट्वा प्रोवाच मातरम् मातर्मातर्महाभागे मम देहि तपस्विनि
pītvā sthitaṃ yathākāmaṃ dṛṣṭvā provāca mātaram mātarmātarmahābhāge mama dehi tapasvini
Seeing (his cousin) sitting there having drunk as much as he wished, he said to his mother: "Mother, mother, greatly blessed one, ascetic lady, give me (some)!
AI translation rendered from the Sanskrit, not a published edition
LiP 107.6
गव्यं क्षीरम् अतिस्वादु नाल्पमुष्णं नमाम्यहम् उपलालितैवं पुत्रेण पुत्रम् आलिङ्ग्य सादरम्
gavyaṃ kṣīram atisvādu nālpamuṣṇaṃ namāmyaham upalālitaivaṃ putreṇa putram āliṅgya sādaram
"Cow's milk, very sweet, not scanty, warm — I bow to you." Thus coaxed by her son, embracing the boy with affection,
AI translation rendered from the Sanskrit, not a published edition
LiP 107.7
दुःखिता विललापार्ता स्मृत्वा नैर्धन्यमात्मनः स्मृत्वा स्मृत्वा पुनः क्षीरम् उपमन्युरपि द्विजाः देहि देहीति तामाह रोदमानो महाद्युतिः
duḥkhitā vilalāpārtā smṛtvā nairdhanyamātmanaḥ smṛtvā smṛtvā punaḥ kṣīram upamanyurapi dvijāḥ dehi dehīti tāmāha rodamāno mahādyutiḥ
grieved and stricken she lamented, remembering her own destitution; and, O twice-born, Upamanyu too, remembering the milk again and again, weeping, of great splendour, said to her, "Give, give!"
AI translation rendered from the Sanskrit, not a published edition
LiP 107.8
उञ्छवृत्त्यार्जितान् बीजान् स्वयं पिष्ट्वा च सा तदा बीजपिष्टं तदालोड्य तोयेन कलभाषिणी
uñchavṛttyārjitān bījān svayaṃ piṣṭvā ca sā tadā bījapiṣṭaṃ tadāloḍya toyena kalabhāṣiṇī
Then she, of sweet speech, herself grinding the seeds gathered by gleaning, and stirring that seed-flour with water,
AI translation rendered from the Sanskrit, not a published edition
LiP 107.9
ऐह्येहि मम पुत्रेति सामपूर्वं ततः सुतम् आलिङ्ग्यादाय दुःखार्ता प्रददौ कृत्रिमं पयः
aihyehi mama putreti sāmapūrvaṃ tataḥ sutam āliṅgyādāya duḥkhārtā pradadau kṛtrimaṃ payaḥ
(said) "Come, come, my son" — thus, with conciliatory words, then taking her son and embracing him, she, stricken with grief, gave (him) the counterfeit milk.
AI translation rendered from the Sanskrit, not a published edition
LiP 107.10
पीत्वा च कृत्रिमं क्षीरं मात्रा दत्तं द्विजोत्तमाः नैतत्क्षीरमिति प्राह मातरं चातिविह्वलः
pītvā ca kṛtrimaṃ kṣīraṃ mātrā dattaṃ dvijottamāḥ naitatkṣīramiti prāha mātaraṃ cātivihvalaḥ
And having drunk the counterfeit milk given by his mother, O best of the twice-born, he, greatly agitated, said to his mother, "This is not milk."
AI translation rendered from the Sanskrit, not a published edition
LiP 107.11
दुःखिता सा तदा प्राह सम्प्रेक्ष्याघ्राय मूर्धनि संमार्ज्य नेत्रे पुत्रस्य कराभ्यां कमलायते
duḥkhitā sā tadā prāha samprekṣyāghrāya mūrdhani saṃmārjya netre putrasya karābhyāṃ kamalāyate
Then she, grieved, gazing at him and kissing him on the head, wiping her son's eyes with her two hands that were like lotuses, said:
AI translation rendered from the Sanskrit, not a published edition
LiP 107.12
तटिनी रत्नपूर्णास्ते स्वर्गपातालगोचराः भाग्यहीना न पश्यन्ति भक्तिहीनाश् च ये शिवे
taṭinī ratnapūrṇāste svargapātālagocarāḥ bhāgyahīnā na paśyanti bhaktihīnāś ca ye śive
"Those rivers full of jewels are to be found in heaven and in the underworld; the luckless do not see them, and those who are without devotion to Śiva (do not see them).
AI translation rendered from the Sanskrit, not a published edition
LiP 107.13
राज्यं स्वर्गं च मोक्षं च भोजनं क्षीरसंभवम् न लभन्ते प्रियाण्येषां नो तुष्यति सदा भवः
rājyaṃ svargaṃ ca mokṣaṃ ca bhojanaṃ kṣīrasaṃbhavam na labhante priyāṇyeṣāṃ no tuṣyati sadā bhavaḥ
Kingdom, heaven, liberation, and food made of milk they do not obtain; their dear things (are not attained), nor is Bhava ever pleased (with them).
AI translation rendered from the Sanskrit, not a published edition
LiP 107.14
भवप्रसादजं सर्वं नान्यदेवप्रसादजम् अन्यदेवेषु निरता दुःखार्ता विभ्रमन्ति च
bhavaprasādajaṃ sarvaṃ nānyadevaprasādajam anyadeveṣu niratā duḥkhārtā vibhramanti ca
Everything arises from Bhava's grace, not from the grace of another god; those devoted to other gods, afflicted by sorrow, wander astray.
AI translation rendered from the Sanskrit, not a published edition
LiP 107.15
क्षीरं तत्र कुतो ऽस्माकं महादेवो न पूजितः पूर्वजन्मनि यद्दत्तं शिवमुद्यम्य वै सुत
kṣīraṃ tatra kuto 'smākaṃ mahādevo na pūjitaḥ pūrvajanmani yaddattaṃ śivamudyamya vai suta
Whence then is milk for us? Mahādeva has not been worshipped (by us). Whatever, my son, was given in a former birth with Śiva held up (as the object of offering),
AI translation rendered from the Sanskrit, not a published edition — the model flagged this verse as uncertain
LiP 107.16
तदेव लभ्यं नान्यत्तु विष्णुमुद्यम्य वा प्रभुम् निशम्य वचनं मातुर् उपमन्युर्महाद्युतिः
tadeva labhyaṃ nānyattu viṣṇumudyamya vā prabhum niśamya vacanaṃ mātur upamanyurmahādyutiḥ
that alone is obtainable, and nothing else — or (what was given) holding up Lord Viṣṇu. Having heard his mother's words, Upamanyu of great splendour,
AI translation rendered from the Sanskrit, not a published edition
LiP 107.17
बालो ऽपि मातरं प्राह प्रणिपत्य तपस्विनीम् त्यज शोकं महाभागे महादेवो ऽस्ति चेत्क्वचित्
bālo 'pi mātaraṃ prāha praṇipatya tapasvinīm tyaja śokaṃ mahābhāge mahādevo 'sti cetkvacit
though a child, bowing down, said to his ascetic mother: "Abandon grief, greatly blessed one; if Mahādeva exists anywhere,
AI translation rendered from the Sanskrit, not a published edition
LiP 107.18
चिराद्वा ह्यचिराद्वापि क्षीरोदं साधयाम्यहम् तां प्रणम्यैवमुक्त्वा स तपः कर्तुं प्रचक्रमे
cirādvā hyacirādvāpi kṣīrodaṃ sādhayāmyaham tāṃ praṇamyaivamuktvā sa tapaḥ kartuṃ pracakrame
then sooner or later I shall win the ocean of milk." Having spoken thus and bowed to her, he set about performing austerity.
AI translation rendered from the Sanskrit, not a published edition
LiP 107.19
तमाह माता सुशुभं कुर्विति सुतरां सुतम् अनुज्ञातस्तया तत्र तपस्तेपे सुदुस्तरम्
tamāha mātā suśubhaṃ kurviti sutarāṃ sutam anujñātastayā tatra tapastepe sudustaram
His mother said to her son, "Do what is very auspicious, and more than that"; permitted by her, he there performed austerity most hard to endure.
AI translation rendered from the Sanskrit, not a published edition
LiP 107.20
हिमवत्पर्वतं प्राप्य वायुभक्षः समाहितः तपसा तस्य विप्रस्य विधूपितमभूज्जगत्
himavatparvataṃ prāpya vāyubhakṣaḥ samāhitaḥ tapasā tasya viprasya vidhūpitamabhūjjagat
Reaching the Himālaya mountain, feeding on air, concentrated — by that brahmin's austerity the world became scorched.
AI translation rendered from the Sanskrit, not a published edition
LiP 107.21
प्रणम्याहुस्तु तत्सर्वे हरये देवसत्तमाः श्रुत्वा तेषां तदा वाक्यं भगवान्पुरुषोत्तमः
praṇamyāhustu tatsarve haraye devasattamāḥ śrutvā teṣāṃ tadā vākyaṃ bhagavānpuruṣottamaḥ
All those most excellent gods bowed and spoke that to Hari; and hearing their words then, the Lord, the highest of persons,
AI translation rendered from the Sanskrit, not a published edition
LiP 107.22
किमिदं त्विति संचिन्त्य ज्ञात्वा तत्कारणं च सः जगाम मन्दरं तूर्णं महेश्वरदिदृक्षया
kimidaṃ tviti saṃcintya jñātvā tatkāraṇaṃ ca saḥ jagāma mandaraṃ tūrṇaṃ maheśvaradidṛkṣayā
reflecting "What is this?" and coming to know its cause, he went swiftly to Mandara, wishing to see Maheśvara.
AI translation rendered from the Sanskrit, not a published edition
LiP 107.23
दृष्ट्वा देवं प्रणम्यैवं प्रोवाचेदं कृताञ्जलिः भगवन् ब्राह्मणः कश्चिद् उपमन्युरितिश्रुतः
dṛṣṭvā devaṃ praṇamyaivaṃ provācedaṃ kṛtāñjaliḥ bhagavan brāhmaṇaḥ kaścid upamanyuritiśrutaḥ
Seeing the god, he bowed thus and, with palms joined, said this: "Lord, a certain brahmin known as Upamanyu
AI translation rendered from the Sanskrit, not a published edition
LiP 107.24
क्षीरार्थमदहत्सर्वं तपसा तं निवारय एतस्मिन्नन्तरे देवः पिनाकी परमेश्वरः शक्ररूपं समास्थाय गन्तुं चक्रे मतिं तदा
kṣīrārthamadahatsarvaṃ tapasā taṃ nivāraya etasminnantare devaḥ pinākī parameśvaraḥ śakrarūpaṃ samāsthāya gantuṃ cakre matiṃ tadā
has been burning up everything by his austerity for the sake of milk — restrain him." Meanwhile the god Pinākin, the Supreme Lord, taking on the form of Śakra, then made up his mind to go.
AI translation rendered from the Sanskrit, not a published edition
LiP 107.26
अथ जगाम मुनेस्तु तपोवनं गजवरेण सितेन सदाशिवः सह सुरासुरसिद्धमहोरगैर् अमरराजतनुं स्वयमास्थितः ॥ लिप्_१,१०७।२५ सहैव चारुह्य तदा द्विपं तं प्रगृह्य वालव्यजनं विवस्वान् ।* वामेन शच्या सहितं सुरेन्द्रं करेण चान्येन सितातपत्रम्
atha jagāma munestu tapovanaṃ gajavareṇa sitena sadāśivaḥ saha surāsurasiddhamahoragair amararājatanuṃ svayamāsthitaḥ // LiP_1,107.25 sahaiva cāruhya tadā dvipaṃ taṃ pragṛhya vālavyajanaṃ vivasvān /* vāmena śacyā sahitaṃ surendraṃ kareṇa cānyena sitātapatram
Then Sadāśiva went to the sage's grove of austerities on a white lordly elephant, together with gods, asuras, siddhas and great serpents, having himself assumed the body of the king of the immortals; // and mounting that elephant along (with him) then, Vivasvān took up the yak-tail fan — with his left hand (fanning) the lord of the gods accompanied by Śacī, and with the other hand the white parasol.
AI translation rendered from the Sanskrit, not a published edition — the model flagged this verse as uncertain
LiP 107.27
रराज भगवान् सोमः शक्ररूपी सदाशिवः सितातपत्रेण यथा चन्द्रबिंबेन मन्दरः
rarāja bhagavān somaḥ śakrarūpī sadāśivaḥ sitātapatreṇa yathā candrabiṃbena mandaraḥ
The Lord Soma, Sadāśiva in the form of Śakra, shone with the white parasol as Mandara does with the orb of the moon.
AI translation rendered from the Sanskrit, not a published edition
LiP 107.28
आस्थायैवं हि शक्रस्य स्वरूपं परमेश्वरः जगामानुग्रहं कर्तुम् उपमन्योस् तदाश्रमम्
āsthāyaivaṃ hi śakrasya svarūpaṃ parameśvaraḥ jagāmānugrahaṃ kartum upamanyos tadāśramam
Thus having assumed the very form of Śakra, the Supreme Lord went to Upamanyu's hermitage in order to show him favour.
AI translation rendered from the Sanskrit, not a published edition
LiP 107.29
तं दृष्ट्वा परमेशानं शक्ररूपधरं शिवम् प्रणम्य शिरसा प्राह मुनिर्मुनिवराः स्वयम्
taṃ dṛṣṭvā parameśānaṃ śakrarūpadharaṃ śivam praṇamya śirasā prāha munirmunivarāḥ svayam
Seeing him, the Supreme Ruler Śiva bearing the form of Śakra, the sage bowed with his head and himself spoke, O best of sages:
AI translation rendered from the Sanskrit, not a published edition
LiP 107.30
पावितश्चाश्रमश्चायं मम देवेश्वरः स्वयम् प्राप्तः शक्रो जगन्नाथो भगवान्भानुना प्रभुः
pāvitaścāśramaścāyaṃ mama deveśvaraḥ svayam prāptaḥ śakro jagannātho bhagavānbhānunā prabhuḥ
"This hermitage of mine has been purified: the lord of gods himself has come, Śakra, the master of the world, the Lord, mighty, with the sun."
AI translation rendered from the Sanskrit, not a published edition — the model flagged this verse as uncertain
LiP 107.31
एवमुक्त्वा स्थितं वीक्ष्य कृताञ्जलिपुटं द्विजम् प्राह गंभीरया वाचा शक्ररूपधरो हरः
evamuktvā sthitaṃ vīkṣya kṛtāñjalipuṭaṃ dvijam prāha gaṃbhīrayā vācā śakrarūpadharo haraḥ
Having spoken thus, and seeing the brahmin standing with his palms joined, Hara in the form of Śakra spoke with a deep voice:
AI translation rendered from the Sanskrit, not a published edition
LiP 107.32
तुष्टो ऽस्मि ते वरं ब्रूहि तपसानेन सुव्रत ददामि चेप्सितान् सर्वान् धौम्याग्रज महामते
tuṣṭo 'smi te varaṃ brūhi tapasānena suvrata dadāmi cepsitān sarvān dhaumyāgraja mahāmate
"I am pleased with you; ask a boon, O you of good vows, on account of this austerity; and I grant all that is desired, O elder brother of Dhaumya, O greatly wise one."
AI translation rendered from the Sanskrit, not a published edition
LiP 107.33
एवमुक्तस्तदा तेन शक्रेण मुनिसत्तमः वरयामि शिवे भक्तिम् इत्युवाच कृताञ्जलिः
evamuktastadā tena śakreṇa munisattamaḥ varayāmi śive bhaktim ityuvāca kṛtāñjaliḥ
Being thus addressed then by that Śakra, the most excellent of sages said, with palms joined, "I choose devotion to Śiva."
AI translation rendered from the Sanskrit, not a published edition
LiP 107.34
ततो निशम्य वचनं मुनेः कुपितवत्प्रभुः प्राह सव्यग्रमीशानः शक्ररूपधरः स्वयम्
tato niśamya vacanaṃ muneḥ kupitavatprabhuḥ prāha savyagramīśānaḥ śakrarūpadharaḥ svayam
Then, hearing the sage's words, the Lord, as if angered, the Ruler himself in the form of Śakra, spoke agitatedly:
AI translation rendered from the Sanskrit, not a published edition
LiP 107.35
मां न जानासि देवर्षे देवराजानमीश्वरम् त्रैलोक्याधिपतिं शक्रं सर्वदेवनमस्कृतम्
māṃ na jānāsi devarṣe devarājānamīśvaram trailokyādhipatiṃ śakraṃ sarvadevanamaskṛtam
"Do you not know me, O divine sage — the king of the gods, the Lord, the sovereign of the three worlds, Śakra, saluted by all the gods?
AI translation rendered from the Sanskrit, not a published edition
LiP 107.36
मद्भक्तो भव विप्रर्षे मामेवार्चय सर्वदा ददामि सर्वं भद्रं ते त्यज रुद्रं च निर्गुणम्
madbhakto bhava viprarṣe māmevārcaya sarvadā dadāmi sarvaṃ bhadraṃ te tyaja rudraṃ ca nirguṇam
Be my devotee, O brahmin sage; worship me alone always. I shall give you everything — blessings on you — and abandon Rudra, who is devoid of qualities."
AI translation rendered from the Sanskrit, not a published edition
LiP 107.37
ततः शक्रस्य वचनं श्रुत्वा श्रोत्रविदारणम् उपमन्युरिदं प्राह जपन् पञ्चाक्षरं शुभम्
tataḥ śakrasya vacanaṃ śrutvā śrotravidāraṇam upamanyuridaṃ prāha japan pañcākṣaraṃ śubham
Then, having heard Śakra's speech, which tore his ears, Upamanyu, muttering the auspicious five-syllable (mantra), said this:
AI translation rendered from the Sanskrit, not a published edition
LiP 107.38
मन्ये शक्रस्य रूपेण नूनम् अत्रागतः स्वयम् कर्तुं दैत्याधमः कश्चिद् धर्मविघ्नं च नान्यथा
manye śakrasya rūpeṇa nūnam atrāgataḥ svayam kartuṃ daityādhamaḥ kaścid dharmavighnaṃ ca nānyathā
"I think that surely some vile daitya has himself come here in the form of Śakra to make an obstruction to dharma, and not otherwise.
AI translation rendered from the Sanskrit, not a published edition
LiP 107.39
त्वयैव कथितं सर्वं भवनिन्दारतेन वै प्रसंगाद्देवदेवस्य निर्गुणत्वं महात्मनः
tvayaiva kathitaṃ sarvaṃ bhavanindāratena vai prasaṃgāddevadevasya nirguṇatvaṃ mahātmanaḥ
All of it has been told by you yourself, who delight in reviling Bhava, when in passing (you spoke) of the qualitylessness of the great-souled God of gods.
AI translation rendered from the Sanskrit, not a published edition
LiP 107.40
बहुनात्र किमुक्तेन मयाद्यानुमितं महत् भवान्तरकृतं पापं श्रुता निन्दा भवस्य तु
bahunātra kimuktena mayādyānumitaṃ mahat bhavāntarakṛtaṃ pāpaṃ śrutā nindā bhavasya tu
What need of much speech here? Today a great sin committed in another existence has been inferred by me — for reviling of Bhava has been heard.
AI translation rendered from the Sanskrit, not a published edition
LiP 107.41
श्रुत्वा निन्दां भवस्याथ तत्क्षणादेव संत्यजेत् स्वदेहं तं निहत्याशु शिवलोकं स गच्छति
śrutvā nindāṃ bhavasyātha tatkṣaṇādeva saṃtyajet svadehaṃ taṃ nihatyāśu śivalokaṃ sa gacchati
Having heard reviling of Bhava, one should give up one's own body that very instant; having quickly slain him (the reviler), one goes to Śiva's world.
AI translation rendered from the Sanskrit, not a published edition
LiP 107.42
यो वाचोत्पाटयेज्जिह्वां शिवनिन्दारतस्य तु त्रिः सप्तकुलमुद्धृत्य शिवलोकं स गच्छति
yo vācotpāṭayejjihvāṃ śivanindāratasya tu triḥ saptakulamuddhṛtya śivalokaṃ sa gacchati
And he who tears out with a word the tongue of one who delights in reviling Śiva—having raised up thrice seven generations of his family, he goes to Śiva's world.
AI translation rendered from the Sanskrit, not a published edition — the model flagged this verse as uncertain
LiP 107.43
आस्तां तावन्ममेच्छायाः क्षीरं प्रति सुराधमम् निहत्य त्वां शिवास्त्रेण त्यजाम्येतत्कलेवरम्
āstāṃ tāvanmamecchāyāḥ kṣīraṃ prati surādhamam nihatya tvāṃ śivāstreṇa tyajāmyetatkalevaram
Let (the matter) of my wish concerning the milk stand aside for now, basest of gods: having slain you with the Śiva-weapon, I abandon this body.
AI translation rendered from the Sanskrit, not a published edition
LiP 107.44
पुरा मात्रा तु कथितं तथ्यमेव न संशयः पूर्वजन्मनि चास्माभिर् अपूजित इति प्रभुः
purā mātrā tu kathitaṃ tathyameva na saṃśayaḥ pūrvajanmani cāsmābhir apūjita iti prabhuḥ
What was said before by (my) mother is indeed the truth, there is no doubt: that in a former birth the Lord was not worshipped by us.
AI translation rendered from the Sanskrit, not a published edition
LiP 107.45
एवमुक्त्वा तु तं देवम् उपमन्युरभीतवत् शक्रं चक्रे मतिं हन्तुम् अथर्वास्त्रेण मन्त्रवित्
evamuktvā tu taṃ devam upamanyurabhītavat śakraṃ cakre matiṃ hantum atharvāstreṇa mantravit
Having spoken thus to that god, Upamanyu, as if fearless, knower of mantras, made up his mind to slay Śakra with the Atharva weapon.
AI translation rendered from the Sanskrit, not a published edition
LiP 107.46
भस्माधारान्महातेजा भस्ममुष्टिं प्रगृह्य च अथर्वास्त्रं ततस्तस्मै ससर्ज च ननाद च
bhasmādhārānmahātejā bhasmamuṣṭiṃ pragṛhya ca atharvāstraṃ tatastasmai sasarja ca nanāda ca
And the greatly radiant one, taking a handful of ash from the ash-vessel, then hurled the Atharva weapon at him and roared.
AI translation rendered from the Sanskrit, not a published edition
LiP 107.47
दग्धुं स्वदेहम् आग्नेयीं ध्यात्वा वै धारणां तदा अतिष्ठच्च महातेजाः शुष्केन्धनमिवाव्ययः
dagdhuṃ svadeham āgneyīṃ dhyātvā vai dhāraṇāṃ tadā atiṣṭhacca mahātejāḥ śuṣkendhanamivāvyayaḥ
Then, having meditated on the fiery concentration in order to burn his own body, the greatly radiant, imperishable one stood there like dry fuel.
AI translation rendered from the Sanskrit, not a published edition
LiP 107.48
एवं व्यवसिते विप्रे भगवान्भगनेत्रहा वारयामास सौम्येन धारणां तस्य योगिनः
evaṃ vyavasite vipre bhagavānbhaganetrahā vārayāmāsa saumyena dhāraṇāṃ tasya yoginaḥ
When the brahmin had thus resolved, the Lord, the destroyer of Bhaga's eye, gently checked that yogin's concentration.
AI translation rendered from the Sanskrit, not a published edition
LiP 107.49
अथर्वास्त्रं तदा तस्य संहृतं चन्द्रकेण तु कालाग्निसदृशं चेदं नियोगान्नन्दिनस् तथा
atharvāstraṃ tadā tasya saṃhṛtaṃ candrakeṇa tu kālāgnisadṛśaṃ cedaṃ niyogānnandinas tathā
Then his Atharva weapon, like the fire of time, was withdrawn by (Śiva's) crescent moon, and so too by Nandin's command.
AI translation rendered from the Sanskrit, not a published edition — the model flagged this verse as uncertain
LiP 107.50
स्वरूपमेव भगवान् आस्थाय परमेश्वरः दर्शयामास विप्राय बालेन्दुकृतशेखरम्
svarūpameva bhagavān āsthāya parameśvaraḥ darśayāmāsa viprāya bālendukṛtaśekharam
The Lord, the supreme ruler, taking on his own true form, showed the brahmin (that form) crested with the new moon.
AI translation rendered from the Sanskrit, not a published edition
LiP 107.51
क्षीरधारासहस्रं च क्षीरोदार्णवमेव च दध्यादेरर्णवं चैव घृतोदार्णवमेव च
kṣīradhārāsahasraṃ ca kṣīrodārṇavameva ca dadhyāderarṇavaṃ caiva ghṛtodārṇavameva ca
And a thousand streams of milk, and an ocean of milk, and an ocean of curds and the rest, and an ocean of ghee,
AI translation rendered from the Sanskrit, not a published edition
LiP 107.52
फलार्णवं च बालस्य भक्ष्यभोज्यार्णवं तथा अपूपगिरयश्चैव तथातिष्ठन् समन्ततः
phalārṇavaṃ ca bālasya bhakṣyabhojyārṇavaṃ tathā apūpagirayaścaiva tathātiṣṭhan samantataḥ
and an ocean of fruit for the boy, and an ocean of foods to chew and to eat, and mountains of cakes—thus they stood on all sides.
AI translation rendered from the Sanskrit, not a published edition
LiP 107.53
उपमन्युमुवाच सस्मितो भगवान्बन्धुजनैः समावृतम् गिरिजाम् अवलोक्य सस्मितां सघृणं प्रेक्ष्यतु तं तदा घृणी
upamanyumuvāca sasmito bhagavānbandhujanaiḥ samāvṛtam girijām avalokya sasmitāṃ saghṛṇaṃ prekṣyatu taṃ tadā ghṛṇī
Smiling, the Lord spoke to Upamanyu, who was surrounded by kinsfolk, looking at the smiling daughter of the mountain—and the compassionate one then gazed at him with compassion.
AI translation rendered from the Sanskrit, not a published edition — the model flagged this verse as uncertain
LiP 107.54
भुङ्क्ष्व भोगान्यथाकामं बान्धवैः पश्य वत्स मे ।* उपमन्यो महाभाग तवांबैषा हि पार्वती
bhuṅkṣva bhogānyathākāmaṃ bāndhavaiḥ paśya vatsa me /* upamanyo mahābhāga tavāṃbaiṣā hi pārvatī
"Enjoy the pleasures as you wish; see, my child, (them) with your kinsmen. Upamanyu, greatly fortunate one, this Pārvatī is indeed your mother.
AI translation rendered from the Sanskrit, not a published edition
LiP 107.55
मया पुत्रीकृतो ऽस्यद्य दत्तः क्षीरोदधिस् तथा मधुनश्चार्णवश्चैव दध्नश्चार्णव एव च
mayā putrīkṛto 'syadya dattaḥ kṣīrodadhis tathā madhunaścārṇavaścaiva dadhnaścārṇava eva ca
You have today been made her son by me, and the ocean of milk has been given, and the ocean of honey, and the ocean of curds too,
AI translation rendered from the Sanskrit, not a published edition
LiP 107.56
आज्योदनार्णवश्चैव फललेह्यार्णवस् तथा अपूपगिरयश्चैव भक्ष्यभोज्यार्णवः पुनः
ājyodanārṇavaścaiva phalalehyārṇavas tathā apūpagirayaścaiva bhakṣyabhojyārṇavaḥ punaḥ
and the ocean of ghee-rice, and likewise the ocean of fruit-syrups, and mountains of cakes, and again the ocean of foods to chew and eat.
AI translation rendered from the Sanskrit, not a published edition
LiP 107.57
पिता तव महादेवः पिता वै जगतां मुने माता तव महाभागा जगन्माता न संशयः
pitā tava mahādevaḥ pitā vai jagatāṃ mune mātā tava mahābhāgā jaganmātā na saṃśayaḥ
Your father is Mahādeva, who is indeed the father of the worlds, O sage; your mother is the greatly blessed one, the mother of the world—there is no doubt.
AI translation rendered from the Sanskrit, not a published edition
LiP 107.58
अमरत्वं मया दत्तं गाणपत्यं च शाश्वतम् वरान्वरय दास्यामि नात्र कार्या विचारणा
amaratvaṃ mayā dattaṃ gāṇapatyaṃ ca śāśvatam varānvaraya dāsyāmi nātra kāryā vicāraṇā
Immortality has been given by me, and eternal lordship over the Gaṇas. Choose boons; I shall give them—no deliberation is needed here."
AI translation rendered from the Sanskrit, not a published edition
LiP 107.59
एवमुक्त्वा महादेवः कराभ्यामुपगृह्य तम् आघ्राय मूर्धनि विभुर् ददौ देव्यास्तदा भवः
evamuktvā mahādevaḥ karābhyāmupagṛhya tam āghrāya mūrdhani vibhur dadau devyāstadā bhavaḥ
Having spoken thus, Mahādeva, the pervading Bhava, took him up with both hands, kissed him on the head, and then gave him to the Goddess.
AI translation rendered from the Sanskrit, not a published edition
LiP 107.60
देवी तनयमालोक्य ददौ तस्मै गिरीन्द्रजा योगैश्वर्यं तदा तुष्टा ब्रह्मविद्यां द्विजोत्तमाः
devī tanayamālokya dadau tasmai girīndrajā yogaiśvaryaṃ tadā tuṣṭā brahmavidyāṃ dvijottamāḥ
The Goddess, daughter of the mountain lord, looking upon (him as) her son, then, being pleased, gave him lordship in yoga and the knowledge of brahman, O best of the twice-born.
AI translation rendered from the Sanskrit, not a published edition
LiP 107.61
सो ऽपि लब्ध्वा वरं तस्याः कुमारत्वं च सर्वदा तुष्टाव च महादेवं हर्षगद्गदया गिरा
so 'pi labdhvā varaṃ tasyāḥ kumāratvaṃ ca sarvadā tuṣṭāva ca mahādevaṃ harṣagadgadayā girā
He too, having obtained from her the boon and the state of being (her) son for all time, praised Mahādeva with a voice faltering with joy.
AI translation rendered from the Sanskrit, not a published edition
LiP 107.62
वरयामास च तदा वरेण्यं विरजेक्षणम् कृताञ्जलिपुटो भूत्वा प्रणिपत्य पुनः पुनः
varayāmāsa ca tadā vareṇyaṃ virajekṣaṇam kṛtāñjalipuṭo bhūtvā praṇipatya punaḥ punaḥ
And then, with palms joined in reverence, bowing down again and again, he made his request of that adorable one whose eyes are free of taint.
AI translation rendered from the Sanskrit, not a published edition
LiP 107.63
प्रसीद देवदेवेश त्वयि चाव्यभिचारिणी श्रद्धा चैव महादेव सान्निध्यं चैव सर्वदा
prasīda devadeveśa tvayi cāvyabhicāriṇī śraddhā caiva mahādeva sānnidhyaṃ caiva sarvadā
"Be gracious, O lord of the gods of gods; and (may I have) unwavering faith in you, O Mahādeva, and your nearness always."
AI translation rendered from the Sanskrit, not a published edition
LiP 107.64
एवमुक्तस्तदा तेन प्रहसन्निव शङ्करः दत्त्वेप्सितं हि विप्राय तत्रैवान्तरधीयत
evamuktastadā tena prahasanniva śaṅkaraḥ dattvepsitaṃ hi viprāya tatraivāntaradhīyata
Addressed thus by him, Śaṅkara then, as if laughing, granted the brahmin what he desired and vanished on that very spot.
AI translation rendered from the Sanskrit, not a published edition