Linga Purana — Chapter 103
LiP 103.1
अथ ब्रह्मा महादेवम् अभिवन्द्य कृताञ्जलिः उद्वाहः क्रियतां देव इत्युवाच महेश्वरम्
atha brahmā mahādevam abhivandya kṛtāñjaliḥ udvāhaḥ kriyatāṃ deva ityuvāca maheśvaram
Then Brahmā, having saluted Mahādeva with hands joined, said to Maheśvara: "Let the marriage be performed, O God."
AI translation rendered from the Sanskrit, not a published edition
LiP 103.2
तस्य तद्वचनं श्रुत्वा ब्रह्मणः परमेष्ठिनः यथेष्टमिति लोकेशं प्राह भूतपतिः प्रभुः
tasya tadvacanaṃ śrutvā brahmaṇaḥ parameṣṭhinaḥ yatheṣṭamiti lokeśaṃ prāha bhūtapatiḥ prabhuḥ
Hearing that speech of his, of Brahmā the highest-placed, the Lord, the master of beings, said to the lord of the world: "As you wish."
AI translation rendered from the Sanskrit, not a published edition
LiP 103.3
उद्वाहार्थं महेशस्य तत्क्षणादेव सुव्रताः ब्रह्मणा कल्पितं दिव्यं पुरं रत्नमयं शुभम्
udvāhārthaṃ maheśasya tatkṣaṇādeva suvratāḥ brahmaṇā kalpitaṃ divyaṃ puraṃ ratnamayaṃ śubham
For the sake of Maheśa's marriage, O you of good vows, that very instant a divine, auspicious city made of jewels was fashioned by Brahmā.
AI translation rendered from the Sanskrit, not a published edition
LiP 103.4
अथादितिर्दितिः साक्षाद् दनुः कद्रुः सुकालिका पुलोमा सुरसा चैव सिंहिका विनता तथा
athāditirditiḥ sākṣād danuḥ kadruḥ sukālikā pulomā surasā caiva siṃhikā vinatā tathā
Then Aditi, Diti in person, Danu, Kadrū, Sukālikā, Pulomā, and Surasā, Siṃhikā and likewise Vinatā,
AI translation rendered from the Sanskrit, not a published edition
LiP 103.5
सिद्धिर्माया क्रिया दुर्गा देवी साक्षात्सुधा स्वधा सावित्री वेदमाता च रजनी दक्षिणा द्युतिः
siddhirmāyā kriyā durgā devī sākṣātsudhā svadhā sāvitrī vedamātā ca rajanī dakṣiṇā dyutiḥ
Siddhi, Māyā, Kriyā, Durgā, the goddess Sudhā in person, Svadhā, Sāvitrī and Vedamātā, Rajanī, Dakṣiṇā, Dyuti,
AI translation rendered from the Sanskrit, not a published edition
LiP 103.6
स्वाहा स्वाहामतिर् बुद्धिर् ऋद्धिर् वृद्धिः सरस्वती राका कुहूः सिनीवाली देवी अनुमती तथा
svāhā svāhāmatir buddhir ṛddhir vṛddhiḥ sarasvatī rākā kuhūḥ sinīvālī devī anumatī tathā
Svāhā, Svāhāmati, Buddhi, Ṛddhi, Vṛddhi, Sarasvatī, Rākā, Kuhū, Sinīvālī, and likewise the goddess Anumatī,
AI translation rendered from the Sanskrit, not a published edition
LiP 103.7
धरणी धारणी चेला शची नारायणी तथा एताश्चान्याश् च देवानां मातरः पत्नयस् तथा
dharaṇī dhāraṇī celā śacī nārāyaṇī tathā etāścānyāś ca devānāṃ mātaraḥ patnayas tathā
Dharaṇī, Dhāraṇī, Celā, Śacī, and likewise Nārāyaṇī — these and other mothers and wives of the gods,
AI translation rendered from the Sanskrit, not a published edition
LiP 103.8
उद्वाहः शङ्करस्येति जग्मुः सर्वा मुदान्विताः उरगा गरुडा यक्षा गन्धर्वाः किन्नरा गणाः
udvāhaḥ śaṅkarasyeti jagmuḥ sarvā mudānvitāḥ uragā garuḍā yakṣā gandharvāḥ kinnarā gaṇāḥ
"It is Śaṅkara's wedding!" — so all (of them) went, filled with joy: the serpents, the garuḍas, the yakṣas, the gandharvas, the kinnaras, the (Śiva-)hosts.
AI translation rendered from the Sanskrit, not a published edition
LiP 103.9
सागरा गिरयो मेघा मासाः संवत्सरास् तथा वेदा मन्त्रास् तथा यज्ञाः स्तोमा धर्माश् च सर्वशः
sāgarā girayo meghā māsāḥ saṃvatsarās tathā vedā mantrās tathā yajñāḥ stomā dharmāś ca sarvaśaḥ
The oceans, the mountains, the clouds, the months and the years, the Vedas, the mantras, and the sacrifices, the hymns of praise, and the dharmas in every form,
AI translation rendered from the Sanskrit, not a published edition
LiP 103.10
हुङ्कारः प्रणवश्चैव प्रतिहाराः सहस्रशः कोटिरप्सरसो दिव्यास् तासां च परिचारिकाः
huṅkāraḥ praṇavaścaiva pratihārāḥ sahasraśaḥ koṭirapsaraso divyās tāsāṃ ca paricārikāḥ
the Huṅkāra and the Praṇava, and the pratihāras by the thousands, a crore of divine apsarases, and their attendant maids,
AI translation rendered from the Sanskrit, not a published edition
LiP 103.11
याश् च सर्वेषु द्वीपेषु देवलोकेषु निम्नगाः ताश् च स्त्रीविग्रहाः सर्वाः संजग्मुर्हृष्टमानसाः
yāś ca sarveṣu dvīpeṣu devalokeṣu nimnagāḥ tāś ca strīvigrahāḥ sarvāḥ saṃjagmurhṛṣṭamānasāḥ
and the rivers that (flow) in all the continents and in the worlds of the gods — all of them, in the shape of women, came together with delighted hearts.
AI translation rendered from the Sanskrit, not a published edition
LiP 103.12
गणपाश् च महाभागाः सर्वलोकनमस्कृताः उद्वाहः शङ्करस्येति तत्राजग्मुर्मुदान्विताः
gaṇapāś ca mahābhāgāḥ sarvalokanamaskṛtāḥ udvāhaḥ śaṅkarasyeti tatrājagmurmudānvitāḥ
And the lords of the hosts, greatly fortunate, honored by all the worlds — "It is Śaṅkara's wedding!" — came there filled with joy.
AI translation rendered from the Sanskrit, not a published edition
LiP 103.13
अभ्ययुः शङ्खवर्णाश् च गणकोट्यो गणेश्वराः दशभिः केकराक्षश् च विद्युतो ऽष्टाभिर् एव च
abhyayuḥ śaṅkhavarṇāś ca gaṇakoṭyo gaṇeśvarāḥ daśabhiḥ kekarākṣaś ca vidyuto 'ṣṭābhir eva ca
And the conch-colored ones came near, the lords of the hosts with their crores of hosts: Kekarākṣa with ten (crores), and Vidyut with eight,
AI translation rendered from the Sanskrit, not a published edition
LiP 103.14
चतुःषष्ट्या विशाखाश् च नवभिः पारयात्रिकः षड्भिः सर्वान्तकः श्रीमान् तथैव विकृताननः
catuḥṣaṣṭyā viśākhāś ca navabhiḥ pārayātrikaḥ ṣaḍbhiḥ sarvāntakaḥ śrīmān tathaiva vikṛtānanaḥ
and Viśākha with sixty-four, Pārayātrika with nine, the illustrious Sarvāntaka with six, and likewise Vikṛtānana,
AI translation rendered from the Sanskrit, not a published edition
LiP 103.15
ज्वालाकेशो द्वादशभिः कोटिभिर् गणपुङ्गवः सप्तभिः समदः श्रीमान् दुन्दुभो ऽष्टाभिर् एव च
jvālākeśo dvādaśabhiḥ koṭibhir gaṇapuṅgavaḥ saptabhiḥ samadaḥ śrīmān dundubho 'ṣṭābhir eva ca
Jvālākeśa, that bull among the hosts, with twelve crores, the illustrious Samada with seven, and Dundubha with eight,
AI translation rendered from the Sanskrit, not a published edition
LiP 103.16
पञ्चभिश् च कपालीशः षड्भिः संदारकः शुभः कोटिकोटिभिर् एवेह गण्डकः कुंभकस् तथा
pañcabhiś ca kapālīśaḥ ṣaḍbhiḥ saṃdārakaḥ śubhaḥ koṭikoṭibhir eveha gaṇḍakaḥ kuṃbhakas tathā
and Kapālīśa with five, the auspicious Saṃdāraka with six, and here Gaṇḍaka and Kuṃbhaka with crores upon crores,
AI translation rendered from the Sanskrit, not a published edition
LiP 103.17
विष्टम्भो ऽष्टाभिर् एवेह गणपः सर्वसत्तमः पिप्पलश् च सहस्रेण संनादश् च तथा द्विजाः
viṣṭambho 'ṣṭābhir eveha gaṇapaḥ sarvasattamaḥ pippalaś ca sahasreṇa saṃnādaś ca tathā dvijāḥ
here Viṣṭambha, the host-lord, best of all, with eight, and Pippala with a thousand, and likewise Saṃnāda, O twice-born ones,
AI translation rendered from the Sanskrit, not a published edition
LiP 103.18
आवेष्टनस् तथाष्टाभिः सप्तभिश्चन्द्रतापनः महाकेशः सहस्रेण कोटीनां गणपो वृतः
āveṣṭanas tathāṣṭābhiḥ saptabhiścandratāpanaḥ mahākeśaḥ sahasreṇa koṭīnāṃ gaṇapo vṛtaḥ
Āveṣṭana too with eight, Candratāpana with seven, (and) the host-lord Mahākeśa surrounded by a thousand crores,
AI translation rendered from the Sanskrit, not a published edition
LiP 103.19
कुण्डी द्वादशभिर् वीरस् तथा पर्वतकः शुभः कालश् च कालकश्चैव महाकालः शतेन वै
kuṇḍī dvādaśabhir vīras tathā parvatakaḥ śubhaḥ kālaś ca kālakaścaiva mahākālaḥ śatena vai
the hero Kuṇḍī with twelve, and the auspicious Parvataka, and Kāla and Kālaka, and Mahākāla with a hundred,
AI translation rendered from the Sanskrit, not a published edition
LiP 103.20
आग्निकः शतकोट्या वै कोट्याग्निमुख एव च आदित्यमूर्धा कोट्या च तथा चैव धनावहः
āgnikaḥ śatakoṭyā vai koṭyāgnimukha eva ca ādityamūrdhā koṭyā ca tathā caiva dhanāvahaḥ
Āgnika indeed with a hundred crores, and Agnimukha with a crore, and Ādityamūrdhā with a crore, and likewise Dhanāvaha,
AI translation rendered from the Sanskrit, not a published edition
LiP 103.21
संनामश् च शतेनैव कुमुदः कोटिभिस् तथा अमोघः कोकिलश्चैव कोटिकोट्या सुमन्त्रकः
saṃnāmaś ca śatenaiva kumudaḥ koṭibhis tathā amoghaḥ kokilaścaiva koṭikoṭyā sumantrakaḥ
and Saṃnāma with just a hundred, and Kumuda with crores, and Amogha and Kokila, (and) Sumantraka with a crore of crores,
AI translation rendered from the Sanskrit, not a published edition
LiP 103.22
काकपाटो ऽपरः षष्ट्या षष्ट्या संतानकः प्रभुः महाबलश् च नवभिर् मधुपिङ्गश् च पिङ्गलः
kākapāṭo 'paraḥ ṣaṣṭyā ṣaṣṭyā saṃtānakaḥ prabhuḥ mahābalaś ca navabhir madhupiṅgaś ca piṅgalaḥ
another, Kākapāṭa, with sixty, the lord Saṃtānaka with sixty, and Mahābala with nine, and Madhupiṅga and Piṅgala,
AI translation rendered from the Sanskrit, not a published edition
LiP 103.23
नीलो नवत्या देवेशः पूर्णभद्रस्तथैव च कोटीनां चैव सप्तत्या चतुर्वक्त्रो महाबलः
nīlo navatyā deveśaḥ pūrṇabhadrastathaiva ca koṭīnāṃ caiva saptatyā caturvaktro mahābalaḥ
Nīla, lord of gods, with ninety, and likewise Pūrṇabhadra, and Caturvaktra of great strength with seventy crores,
AI translation rendered from the Sanskrit, not a published edition
LiP 103.24
कोटिकोटिसहस्राणां शतैर् विंशतिभिर् वृताः तत्राजग्मुस् तथा देवास् ते सर्वे शङ्करं भवम्
koṭikoṭisahasrāṇāṃ śatair viṃśatibhir vṛtāḥ tatrājagmus tathā devās te sarve śaṅkaraṃ bhavam
surrounded by twenty hundreds of thousands of crores of crores — thus the gods, all of them, came there to Śaṅkara Bhava.
AI translation rendered from the Sanskrit, not a published edition
LiP 103.25
भूतकोटिसहस्रेण प्रमथः कोटिभिस्त्रिभिः वीरभद्रश्चतुःषष्ट्या रोमजाश्चैव कोटिभिः
bhūtakoṭisahasreṇa pramathaḥ koṭibhistribhiḥ vīrabhadraścatuḥṣaṣṭyā romajāścaiva koṭibhiḥ
Pramatha with a thousand crores of spirits, Vīrabhadra with three crores, and the Romajas with sixty-four crores,
AI translation rendered from the Sanskrit, not a published edition
LiP 103.26
करणश्चैव विंशत्या नवत्या केवलः शुभः पञ्चाक्षः शतमन्युश् च मेघमन्युस् तथैव च
karaṇaścaiva viṃśatyā navatyā kevalaḥ śubhaḥ pañcākṣaḥ śatamanyuś ca meghamanyus tathaiva ca
and Karaṇa with twenty, the auspicious Kevala with ninety, and Pañcākṣa and Śatamanyu, and likewise Meghamanyu,
AI translation rendered from the Sanskrit, not a published edition
LiP 103.27
काष्ठकूटश् चतुःषष्ट्या सुकेशो वृषभस् तथा विरूपाक्षश् च भगवान् चतुःषष्ट्या सनातनः
kāṣṭhakūṭaś catuḥṣaṣṭyā sukeśo vṛṣabhas tathā virūpākṣaś ca bhagavān catuḥṣaṣṭyā sanātanaḥ
Kāṣṭhakūṭa with sixty-four, and Sukeśa and Vṛṣabha, and the eternal lord Virūpākṣa with sixty-four,
AI translation rendered from the Sanskrit, not a published edition
LiP 103.28
तालुकेतुः षडास्यश् च पञ्चास्यश् च सनातनः संवर्तकस् तथा चैत्रो लकुलीशः स्वयं प्रभुः
tāluketuḥ ṣaḍāsyaś ca pañcāsyaś ca sanātanaḥ saṃvartakas tathā caitro lakulīśaḥ svayaṃ prabhuḥ
Tāluketu, and Ṣaḍāsya, and Pañcāsya, Sanātana, and Saṃvartaka, Caitra, Lakulīśa, himself the lord.
AI translation rendered from the Sanskrit, not a published edition
LiP 103.29
लोकान्तकश् च दीप्तास्यस् तथा दैत्यान्तकः प्रभुः मृत्युहृत् कालहा कालो मृत्युञ्जयकरस् तथा
lokāntakaś ca dīptāsyas tathā daityāntakaḥ prabhuḥ mṛtyuhṛt kālahā kālo mṛtyuñjayakaras tathā
And Lokāntaka and Dīptāsya, and the lord Daityāntaka, Mṛtyuhṛt, Kālahā, Kāla, and Mṛtyuñjayakara.
AI translation rendered from the Sanskrit, not a published edition
LiP 103.30
विषादो विषदश्चैव विद्युतः कान्तकः प्रभुः देवो भृङ्गी रिटिः श्रीमान् देवदेवप्रियस् तथा
viṣādo viṣadaścaiva vidyutaḥ kāntakaḥ prabhuḥ devo bhṛṅgī riṭiḥ śrīmān devadevapriyas tathā
Viṣāda and Viṣada, Vidyut, the lord Kāntaka, the god Bhṛṅgī, Riṭi the glorious, and Devadevapriya.
AI translation rendered from the Sanskrit, not a published edition — the model flagged this verse as uncertain
LiP 103.31
अशनिर् भासकश् चैव चतुःषष्ट्या सहस्रपात् एते चान्ये च गणपा असंख्याता महाबलाः
aśanir bhāsakaś caiva catuḥṣaṣṭyā sahasrapāt ete cānye ca gaṇapā asaṃkhyātā mahābalāḥ
Aśani and Bhāsaka, and Sahasrapāt with sixty-four (thousand) — these and other lords of hosts, uncountable, of great strength.
AI translation rendered from the Sanskrit, not a published edition — the model flagged this verse as uncertain
LiP 103.32
सर्वे सहस्रहस्ताश् च जटामुकुटधारिणः चन्द्ररेखावतंसाश् च नीलकण्ठास् त्रिलोचनाः
sarve sahasrahastāś ca jaṭāmukuṭadhāriṇaḥ candrarekhāvataṃsāś ca nīlakaṇṭhās trilocanāḥ
All thousand-handed and wearing crowns of matted hair, with the crescent of the moon as their ornament, blue-throated, three-eyed,
AI translation rendered from the Sanskrit, not a published edition
LiP 103.33
हारकुण्डलकेयूरमुकुटाद्यैर् अलंकृताः ब्रह्मेन्द्रविष्णुसंकाशा अणिमादिगुणैर्वृताः
hārakuṇḍalakeyūramukuṭādyair alaṃkṛtāḥ brahmendraviṣṇusaṃkāśā aṇimādiguṇairvṛtāḥ
adorned with necklaces, earrings, armlets, crowns and the rest, resembling Brahmā, Indra and Viṣṇu, possessed of the powers beginning with aṇimā (minuteness),
AI translation rendered from the Sanskrit, not a published edition
LiP 103.34
सूर्यकोटिप्रतीकाशास् तत्राजग्मुर्गणेश्वराः पातालचारिणश्चैव सर्वलोकनिवासिनः
sūryakoṭipratīkāśās tatrājagmurgaṇeśvarāḥ pātālacāriṇaścaiva sarvalokanivāsinaḥ
shining like ten million suns — there came the lords of hosts, both those who move in the netherworld and those who dwell in all the worlds.
AI translation rendered from the Sanskrit, not a published edition
LiP 103.35
तुंबरुर्नारदो हाहा हूहूश्चैव तु सामगाः रत्नान्यादाय वाद्यांश् च तत्राजग्मुस्तदा पुरम्
tuṃbarurnārado hāhā hūhūścaiva tu sāmagāḥ ratnānyādāya vādyāṃś ca tatrājagmustadā puram
Tumburu, Nārada, Hāhā and Hūhū, singers of the Sāman, taking jewels and musical instruments, then came there to the city.
AI translation rendered from the Sanskrit, not a published edition
LiP 103.36
ऋषयः कृत्स्नशस्तत्र देवगीतास्तपोधनाः पुण्यान् वैवाहिकान् मन्त्रान् अजपुर् हृष्टमानसाः
ṛṣayaḥ kṛtsnaśastatra devagītāstapodhanāḥ puṇyān vaivāhikān mantrān ajapur hṛṣṭamānasāḥ
The sages, all of them there, praised in song by the gods, rich in austerity, with delighted minds recited the auspicious marriage mantras.
AI translation rendered from the Sanskrit, not a published edition
LiP 103.37
तत एवं प्रवृत्ते तु सर्वतश् च समागमे गिरिजां ताम् अलंकृत्य स्वयमेव शुचिस्मिताम्
tata evaṃ pravṛtte tu sarvataś ca samāgame girijāṃ tām alaṃkṛtya svayameva śucismitām
Then, when the gathering had thus come about from every side, having himself adorned that daughter of the mountain, of pure smile,
AI translation rendered from the Sanskrit, not a published edition
LiP 103.38
पुरं प्रवेशयामास स्वयम् आदाय केशवः सदस्याह च देवेशं नारायणमजो हरिम्
puraṃ praveśayāmāsa svayam ādāya keśavaḥ sadasyāha ca deveśaṃ nārāyaṇamajo harim
Keśava himself took her and brought her into the city; and in the assembly the unborn one (Brahmā) spoke to the lord of gods, Nārāyaṇa, Hari:
AI translation rendered from the Sanskrit, not a published edition
LiP 103.39
भवानग्रे समुत्पन्नो भवान्या सह दैवतैः वामाङ्गादस्य रुद्रस्य दक्षिणाङ्गादहं प्रभो
bhavānagre samutpanno bhavānyā saha daivataiḥ vāmāṅgādasya rudrasya dakṣiṇāṅgādahaṃ prabho
"You, sir, arose first, together with Bhavānī and the gods; from the left side of this Rudra, and I from his right side, O lord.
AI translation rendered from the Sanskrit, not a published edition
LiP 103.40
मन्मूर्तिस्तुहिनाद्रीशो यज्ञार्थं सृष्ट एव हि एषा हैमवती जज्ञे मायया परमेष्ठिनः
manmūrtistuhinādrīśo yajñārthaṃ sṛṣṭa eva hi eṣā haimavatī jajñe māyayā parameṣṭhinaḥ
My own form is the lord of the snowy mountain (Himālaya), created indeed for the sake of sacrifice; this Haimavatī was born through the māyā of the Supreme One.
AI translation rendered from the Sanskrit, not a published edition
LiP 103.41
श्रौतस्मार्तप्रवृत्त्यर्थम् उद्वाहार्थम् इहागतः अतो ऽसौ जगतां धात्री धाता तव ममापि च
śrautasmārtapravṛttyartham udvāhārtham ihāgataḥ ato 'sau jagatāṃ dhātrī dhātā tava mamāpi ca
For the sake of setting in motion the Śrauta and Smārta (rites), and for the sake of the marriage, he has come here; therefore she is the sustainer of the worlds, and the sustainer of you and of me too.
AI translation rendered from the Sanskrit, not a published edition
LiP 103.42
अस्य देवस्य रुद्रस्य मूर्तिभिर् विहितं जगत् क्ष्माबग्निखेन्दुसूर्यात्मपवनात्मा यतो भवः
asya devasya rudrasya mūrtibhir vihitaṃ jagat kṣmābagnikhendusūryātmapavanātmā yato bhavaḥ
By the forms of this god Rudra the world is fashioned, since Bhava is the self of earth, water, fire, ether, moon, sun and wind.
AI translation rendered from the Sanskrit, not a published edition
LiP 103.43
तथापि तस्मै दातव्या वचनाच्च गिरेर्मम एषा ह्य् अजा शुक्लकृष्णा लोहिता प्रकृतिर्भवान्
tathāpi tasmai dātavyā vacanācca girermama eṣā hy ajā śuklakṛṣṇā lohitā prakṛtirbhavān
Nevertheless she must be given to him, and by the word of the mountain, mine (too); for she is the unborn she-goat, white, black and red — she is Prakṛti, and you are (Puruṣa).
AI translation rendered from the Sanskrit, not a published edition — the model flagged this verse as uncertain
LiP 103.44
श्रेयो ऽपि शैलराजेन संबन्धो ऽयं तवापि च तव पाद्मे समुद्भूतः कल्पे नाभ्यंबुजादहम्
śreyo 'pi śailarājena saṃbandho 'yaṃ tavāpi ca tava pādme samudbhūtaḥ kalpe nābhyaṃbujādaham
This connection with the king of mountains is a benefit for you as well; you arose in the Padma kalpa, and I from the lotus of (your) navel.
AI translation rendered from the Sanskrit, not a published edition
LiP 103.45
मदंशस्यास्य शैलस्य ममापि च गुरुर्भवान् बाढम् इत्यजम् आहासौ देवदेवो जनार्दनः
madaṃśasyāsya śailasya mamāpi ca gururbhavān bāḍham ityajam āhāsau devadevo janārdanaḥ
You are the teacher of this mountain, who is my portion, and of me as well." "Very well," said that god of gods, Janārdana, to the unborn one,
AI translation rendered from the Sanskrit, not a published edition
LiP 103.46
देवाश् च मुनयः सर्वे देवदेवश् च शङ्करः ततश्चोत्थाय विद्वान्सः पद्मनाभः प्रणम्य ताम्
devāś ca munayaḥ sarve devadevaś ca śaṅkaraḥ tataścotthāya vidvānsaḥ padmanābhaḥ praṇamya tām
and so did the gods and all the sages, and Śaṅkara the god of gods. Then that wise lotus-naveled one rose and bowed to her,
AI translation rendered from the Sanskrit, not a published edition
LiP 103.47
पादौ प्रक्षाल्य देवस्य कराभ्यां कमलेक्षणः अभ्युक्षद् आत्मनो मूर्ध्नि ब्रह्मणश् च गिरेस् तथा
pādau prakṣālya devasya karābhyāṃ kamalekṣaṇaḥ abhyukṣad ātmano mūrdhni brahmaṇaś ca gires tathā
and having washed the god's feet with his two hands, the lotus-eyed one sprinkled (the water) on his own head, and on Brahmā's and on the mountain's.
AI translation rendered from the Sanskrit, not a published edition
LiP 103.48
त्वदीयैषा विवाहार्थं मेनजा ह्यनुजा मम इत्युक्त्वा सोदकं दत्त्वा देवीं देवेश्वराय ताम्
tvadīyaiṣā vivāhārthaṃ menajā hyanujā mama ityuktvā sodakaṃ dattvā devīṃ deveśvarāya tām
"This one, born of Menā, my younger sister, is yours for marriage" — having said this and given (her) with water, (he gave) that goddess to the lord of gods,
AI translation rendered from the Sanskrit, not a published edition
LiP 103.49
स्वात्मानमपि देवाय सोदकं प्रददौ हरिः अथ सर्वे मुनिश्रेष्ठाः सर्ववेदार्थपारगाः
svātmānamapi devāya sodakaṃ pradadau hariḥ atha sarve muniśreṣṭhāḥ sarvavedārthapāragāḥ
Hari gave himself also, with water, to the god. Then all the best of sages, who had gone to the far shore of the meaning of all the Vedas,
AI translation rendered from the Sanskrit, not a published edition
LiP 103.50
ऊचुर्दाता गृहीता च फलं द्रव्यं विचारतः एष देवो हरो नूनं मायया हि ततो जगत्
ūcurdātā gṛhītā ca phalaṃ dravyaṃ vicārataḥ eṣa devo haro nūnaṃ māyayā hi tato jagat
said: "The giver and the receiver, the fruit and the substance — on consideration, this god is surely Hara; from him, indeed, comes the world through māyā."
AI translation rendered from the Sanskrit, not a published edition — the model flagged this verse as uncertain
LiP 103.51
इत्युक्त्वा तं प्रणेमुश् च प्रीतिकण्टकितत्वचः ससृजुः पुष्पवर्षाणि खेचराः सिद्धचारणाः
ityuktvā taṃ praṇemuś ca prītikaṇṭakitatvacaḥ sasṛjuḥ puṣpavarṣāṇi khecarāḥ siddhacāraṇāḥ
Having said this they bowed to him, the skin (of their bodies) bristling with delight; the sky-goers, the Siddhas and Cāraṇas let fall showers of flowers.
AI translation rendered from the Sanskrit, not a published edition
LiP 103.52
देवदुन्दुभयो नेदुर् ननृतुश्चाप्सरोगणाः वेदाश् च मूर्तिमन्तस्ते प्रणेमुस्तं महेश्वरम्
devadundubhayo nedur nanṛtuścāpsarogaṇāḥ vedāś ca mūrtimantaste praṇemustaṃ maheśvaram
The divine drums sounded, and the hosts of Apsarases danced; and the Vedas, taking bodily form, presented themselves and bowed to that Maheśvara,
AI translation rendered from the Sanskrit, not a published edition
LiP 103.53
ब्रह्मणा मुनिभिः सार्धं देवदेवमुमापतिम् देवो ऽपि देवीमालोक्य सलज्जां हिमशैलजाम्
brahmaṇā munibhiḥ sārdhaṃ devadevamumāpatim devo 'pi devīmālokya salajjāṃ himaśailajām
— (they bowed) together with Brahmā and the sages to the god of gods, Umā's husband. The god too, gazing at the goddess, the daughter of the snow-mountain, who was full of modesty,
AI translation rendered from the Sanskrit, not a published edition
LiP 103.54
न तृप्यत्यनवद्याङ्गी सा च देवं वृषध्वजम् वरदो ऽस्मीति तं प्राह हरिं सो ऽप्याह शङ्करम्
na tṛpyatyanavadyāṅgī sā ca devaṃ vṛṣadhvajam varado 'smīti taṃ prāha hariṃ so 'pyāha śaṅkaram
was not sated — she of faultless limbs (likewise gazed) at the bull-bannered god (unsated). He said to Hari, "I am a giver of boons"; and he (Hari) too spoke to Śaṅkara.
AI translation rendered from the Sanskrit, not a published edition — the model flagged this verse as uncertain
LiP 103.55
त्वयि भक्तिः प्रसीदेति ब्रह्माख्यां च ददौ तु सः ततस्तु पुनरेवाह ब्रह्मा विज्ञापयन्प्रभुम्
tvayi bhaktiḥ prasīdeti brahmākhyāṃ ca dadau tu saḥ tatastu punarevāha brahmā vijñāpayanprabhum
"Let devotion to you be favourable (to me)" — and he gave (him) the title of brahman. Then again Brahmā spoke, making a request to the Lord:
AI translation rendered from the Sanskrit, not a published edition — the model flagged this verse as uncertain
LiP 103.56
हविर्जुहोमि वह्नौ तु उपाध्यायपदे स्थितः ददासि मम यद्याज्ञां कर्तव्यो ह्यकृतो विधिः
havirjuhomi vahnau tu upādhyāyapade sthitaḥ dadāsi mama yadyājñāṃ kartavyo hyakṛto vidhiḥ
"I will offer the oblation into the fire, standing in the place of the officiating teacher, if you grant me permission; for the rite not yet performed must be performed."
AI translation rendered from the Sanskrit, not a published edition
LiP 103.57
तमाह शङ्करो देवं देवदेवो जगत्पतिः यद्यदिष्टं सुरश्रेष्ठ तत्कुरुष्व यथेप्सितम्
tamāha śaṅkaro devaṃ devadevo jagatpatiḥ yadyadiṣṭaṃ suraśreṣṭha tatkuruṣva yathepsitam
To him Śaṅkara, the god of gods, the lord of the world, said: "Whatever is desired, best of gods, do that as you wish."
AI translation rendered from the Sanskrit, not a published edition
LiP 103.58
कर्तास्मि वचनं सर्वं देवदेव पितामह ततः प्रणम्य हृष्टात्मा ब्रह्मा लोकपितामहः
kartāsmi vacanaṃ sarvaṃ devadeva pitāmaha tataḥ praṇamya hṛṣṭātmā brahmā lokapitāmahaḥ
"I shall do all that you say, god of gods, grandfather." Then, having bowed, Brahmā, the grandfather of the worlds, glad at heart,
AI translation rendered from the Sanskrit, not a published edition
LiP 103.59
हस्तं देवस्य देव्याश् च युयोज परमं प्रभुः ज्वलनश् च स्वयं तत्र कृताञ्जलिरुपस्थितः
hastaṃ devasya devyāś ca yuyoja paramaṃ prabhuḥ jvalanaś ca svayaṃ tatra kṛtāñjalirupasthitaḥ
the supreme lord, joined the hand of the god and of the goddess; and Fire himself stood present there with hands folded.
AI translation rendered from the Sanskrit, not a published edition
LiP 103.60
श्रौतैरेतैर्महामन्त्रैर् मूर्तिमद्भिर् उपस्थितैः यथोक्तविधिना हुत्वा लाजानपि यथाक्रमम्
śrautairetairmahāmantrair mūrtimadbhir upasthitaiḥ yathoktavidhinā hutvā lājānapi yathākramam
With these great Vedic mantras, embodied and standing present, having offered oblation by the rule as prescribed, and the parched grains too in due order,
AI translation rendered from the Sanskrit, not a published edition
LiP 103.61
आनीतान्विष्णुना विप्रान् सम्पूज्य विविधैर्वरैः त्रिश् च तं ज्वलनं देवं कारयित्वा प्रदक्षिणम्
ānītānviṣṇunā viprān sampūjya vividhairvaraiḥ triś ca taṃ jvalanaṃ devaṃ kārayitvā pradakṣiṇam
having honoured with various gifts the brahmins brought by Viṣṇu, and having had (the pair) circle that god Fire three times to the right,
AI translation rendered from the Sanskrit, not a published edition
LiP 103.62
मुक्त्वा हस्तसमायोगं सहितैः सर्वदैवतैः सुरैश् च मानवैः सर्वैः प्रहृष्टेनान्तरात्मना
muktvā hastasamāyogaṃ sahitaiḥ sarvadaivataiḥ suraiś ca mānavaiḥ sarvaiḥ prahṛṣṭenāntarātmanā
and having released the joining of the hands, together with all the deities, and with all the gods and men, with delighted inner heart,
AI translation rendered from the Sanskrit, not a published edition
LiP 103.63
ननाम भगवान्ब्रह्मा देवदेवमुमापतिम् ततः पाद्यं तयोर् दत्त्वा शंभोराचमनं तथा
nanāma bhagavānbrahmā devadevamumāpatim tataḥ pādyaṃ tayor dattvā śaṃbhorācamanaṃ tathā
the Lord Brahmā bowed to the god of gods, Umā's husband. Then, having given water for the feet of the two, and likewise sipping-water to Śambhu,
AI translation rendered from the Sanskrit, not a published edition
LiP 103.64
मधुपर्कं तथा गां च प्रणम्य च पुनः शिवम् अतिष्ठद्भगवान्ब्रह्मा देवैरिन्द्रपुरोगमैः
madhuparkaṃ tathā gāṃ ca praṇamya ca punaḥ śivam atiṣṭhadbhagavānbrahmā devairindrapurogamaiḥ
and the honey-mixture and a cow, and having again bowed to Śiva, the Lord Brahmā took his stand with the gods led by Indra.
AI translation rendered from the Sanskrit, not a published edition
LiP 103.65
भृग्वाद्यमुनयः सर्वे चाक्षतैस्तिलतण्डुलैः सूर्यादयः समभ्यर्च्य तुष्टुवुर्वृषभध्वजम्
bhṛgvādyamunayaḥ sarve cākṣataistilataṇḍulaiḥ sūryādayaḥ samabhyarcya tuṣṭuvurvṛṣabhadhvajam
All the sages beginning with Bhṛgu, and Sūrya and the others, having worshipped the bull-bannered one with unbroken grain, sesame and rice, praised him.
AI translation rendered from the Sanskrit, not a published edition
LiP 103.66
शिवः समाप्य देवोक्तं वह्निमारोप्य चात्मनि तया समागतो रुद्रः सर्वलोकहिताय वै
śivaḥ samāpya devoktaṃ vahnimāropya cātmani tayā samāgato rudraḥ sarvalokahitāya vai
Śiva, having completed what the god had said, and having taken the fire up into himself, Rudra came together with her indeed for the good of all the worlds.
AI translation rendered from the Sanskrit, not a published edition
LiP 103.67
यः पठेच्छृणुयाद्वापि भवोद्वाहं शुचिस्मितः श्रावयेद्वा द्विजाञ्छुद्धान् वेदवेदाङ्गपारगान्
yaḥ paṭhecchṛṇuyādvāpi bhavodvāhaṃ śucismitaḥ śrāvayedvā dvijāñchuddhān vedavedāṅgapāragān
He who, with a pure smile, should read or hear the marriage of Bhava, or should cause it to be heard by pure twice-born men who have mastered the Veda and its ancillary sciences,
AI translation rendered from the Sanskrit, not a published edition
LiP 103.68
स लब्ध्वा गाणपत्यं च भवेन सह मोदते यत्रायं कीर्त्यते विप्रैस् तावदास्ते तदा भवः
sa labdhvā gāṇapatyaṃ ca bhavena saha modate yatrāyaṃ kīrtyate viprais tāvadāste tadā bhavaḥ
He, having obtained the rank of a Gaṇa-lord, rejoices together with Bhava; and wherever this is recited by brahmins, there Bhava abides for that long.
AI translation rendered from the Sanskrit, not a published edition
LiP 103.69
तस्मात् सम्पूज्य विधिवत् कीर्तयेन्नान्यथा द्विजाः उद्वाहे च द्विजेन्द्राणां क्षत्रियाणां द्विजोत्तमाः
tasmāt sampūjya vidhivat kīrtayennānyathā dvijāḥ udvāhe ca dvijendrāṇāṃ kṣatriyāṇāṃ dvijottamāḥ
Therefore, having worshipped (him) according to rule, one should recite (it), not otherwise, O twice-born; and at the wedding of chief brahmins and of kṣatriyas, O best of the twice-born,
AI translation rendered from the Sanskrit, not a published edition
LiP 103.70
कीर्तनीयमिदं सर्वं भवोद्वाहमनुत्तमम् कृतोद्वाहस्तदा देव्या हैमवत्या वृषध्वजः
kīrtanīyamidaṃ sarvaṃ bhavodvāhamanuttamam kṛtodvāhastadā devyā haimavatyā vṛṣadhvajaḥ
this whole unsurpassed (account of) Bhava's marriage is to be recited. Then, when his marriage with the goddess, the daughter of Himavat, had been performed, the bull-bannered one,
AI translation rendered from the Sanskrit, not a published edition
LiP 103.71
सगणो नन्दिना सार्धं सर्वदेवगणैर्वृतः पुरीं वाराणसीं दिव्याम् आजगाम महाद्युतिः
sagaṇo nandinā sārdhaṃ sarvadevagaṇairvṛtaḥ purīṃ vārāṇasīṃ divyām ājagāma mahādyutiḥ
with his hosts, together with Nandin, surrounded by all the troops of gods, of great splendour, came to the divine city Vārāṇasī.
AI translation rendered from the Sanskrit, not a published edition
LiP 103.72
अविमुक्ते सुखासीनं प्रणम्य वृषभध्वजम् अपृच्छत्क्षेत्रमाहात्म्यं भवानी हर्षितानना
avimukte sukhāsīnaṃ praṇamya vṛṣabhadhvajam apṛcchatkṣetramāhātmyaṃ bhavānī harṣitānanā
Having bowed to the bull-bannered one seated at ease in Avimukta, Bhavānī, her face joyful, asked about the greatness of the sacred field.
AI translation rendered from the Sanskrit, not a published edition
LiP 103.73
अथाहार्धेन्दुतिलकः क्षेत्रमाहात्म्यमुत्तमम् अविमुक्तस्य माहात्म्यं विस्तराच्छक्यते नहि
athāhārdhendutilakaḥ kṣetramāhātmyamuttamam avimuktasya māhātmyaṃ vistarācchakyate nahi
Then he whose mark is the half-moon said: the supreme greatness of the field, the greatness of Avimukta, cannot be (told) in detail
AI translation rendered from the Sanskrit, not a published edition
LiP 103.74
वक्तुं मया सुरेशानि ऋषिसंघाभिपूजितम् किं मया वर्ण्यते देवी ह्य् अविमुक्तफलोदयः
vaktuṃ mayā sureśāni ṛṣisaṃghābhipūjitam kiṃ mayā varṇyate devī hy avimuktaphalodayaḥ
—to be told by me, O mistress of the gods, (this place) honoured by the throngs of sages. What can be described by me, O goddess, of the arising of the fruit of Avimukta?
AI translation rendered from the Sanskrit, not a published edition
LiP 103.75
पापिनां यत्र मुक्तिः स्यान् मृतानाम् एकजन्मना अन्यत्र तु कृतं पापं वाराणस्यां व्यपोहति
pāpināṃ yatra muktiḥ syān mṛtānām ekajanmanā anyatra tu kṛtaṃ pāpaṃ vārāṇasyāṃ vyapohati
Where there would be liberation for sinners who have died, by a single birth; but sin committed elsewhere is wiped away in Vārāṇasī.
AI translation rendered from the Sanskrit, not a published edition
LiP 103.76
वाराणस्यां कृतं पापं पैशाच्यनरकावहम् कृत्वा पापसहस्राणि पिशाचत्वं वरं नृणाम्
vārāṇasyāṃ kṛtaṃ pāpaṃ paiśācyanarakāvaham kṛtvā pāpasahasrāṇi piśācatvaṃ varaṃ nṛṇām
Sin committed in Vārāṇasī brings on the hell of becoming a piśāca; yet having done thousands of sins, becoming a piśāca (there) is better for men,
AI translation rendered from the Sanskrit, not a published edition
LiP 103.77
न तु शक्रसहस्रत्वं स्वर्गे काशीपुरीं विना यत्र त्रिविष्टपो देवो यत्र विश्वेश्वरो विभुः
na tu śakrasahasratvaṃ svarge kāśīpurīṃ vinā yatra triviṣṭapo devo yatra viśveśvaro vibhuḥ
and not being a thousand Indras in heaven, apart from the city of Kāśī — where the god of the third heaven (dwells), where the pervading Lord of the universe (dwells),
AI translation rendered from the Sanskrit, not a published edition — the model flagged this verse as uncertain
LiP 103.78
ॐकारेशः कृत्तिवासा मृतानां न पुनर्भवः उक्त्वा क्षेत्रस्य माहात्म्यं संक्षेपाच्छशिशेखरः
oṃkāreśaḥ kṛttivāsā mṛtānāṃ na punarbhavaḥ uktvā kṣetrasya māhātmyaṃ saṃkṣepācchaśiśekharaḥ
(where is) Oṃkāreśa, Kṛttivāsas — for those who die (there) there is no rebirth. Having thus told the greatness of the field in brief, the moon-crested one
AI translation rendered from the Sanskrit, not a published edition
LiP 103.79
दर्शयामास चोद्यानं परित्यज्य गणेश्वरान् तत्रैव भगवान् जातो गजवक्त्रो विनायकः
darśayāmāsa codyānaṃ parityajya gaṇeśvarān tatraiva bhagavān jāto gajavaktro vināyakaḥ
showed the garden, leaving aside the lords of the gaṇas; and there itself the blessed elephant-faced Vināyaka was born,
AI translation rendered from the Sanskrit, not a published edition
LiP 103.80
दैत्यानां विघ्नरूपार्थम् अविघ्नाय दिवौकसाम् एतद्वः कथितं सर्वं कथासर्वस्वमुत्तमम्
daityānāṃ vighnarūpārtham avighnāya divaukasām etadvaḥ kathitaṃ sarvaṃ kathāsarvasvamuttamam
in order to be an obstacle for the daityas, and for the freedom from obstacles of the dwellers in heaven. All this has been told to you, the excellent essence of all tales,
AI translation rendered from the Sanskrit, not a published edition
LiP 103.81
यथाश्रुतं मया सर्वं प्रसादाद्वः सुशोभनम्
yathāśrutaṃ mayā sarvaṃ prasādādvaḥ suśobhanam
all of it as I heard it, by your favour, most beautiful.
AI translation rendered from the Sanskrit, not a published edition