Kurma Purana — Upari Vibhaga — Chapter 7
KuP 2 7.1
ईश्वर उवाच शृणुध्वमृषयः सर्वे प्रभावं परमेष्ठिनः । यं ज्ञात्वा पुरुषो मुक्तो न संसारे पतेत् पुनः
īśvara uvāca śṛṇudhvamṛṣayaḥ sarve prabhāvaṃ parameṣṭhinaḥ / yaṃ jñātvā puruṣo mukto na saṃsāre patet punaḥ
The Lord said: Hear, all you sages, the power of the Highest One, knowing which a man is freed and does not fall again into the round of rebirth.
AI translation rendered from the Sanskrit, not a published edition
KuP 2 7.2
परात् परतरं ब्रह्म शाश्वतं निष्कलं ध्रुवम् । नित्यानन्दं निर्विकल्पं तद्धाम परमं मम
parāt parataraṃ brahma śāśvataṃ niṣkalaṃ dhruvam / nityānandaṃ nirvikalpaṃ taddhāma paramaṃ mama
Brahman, higher than the high, eternal, without parts, unshakable, ever blissful, free of differentiation — that is my supreme abode.
AI translation rendered from the Sanskrit, not a published edition
KuP 2 7.3
अहं ब्रह्मविदां ब्रह्मा स्वयंभूर्विश्वतोमुखः । मायाविनामहं देवः पुराणो हरिरव्ययः
ahaṃ brahmavidāṃ brahmā svayaṃbhūrviśvatomukhaḥ / māyāvināmahaṃ devaḥ purāṇo hariravyayaḥ
Among the knowers of Brahman I am Brahmā, the self-existent, facing all directions; among wielders of illusion I am the god, the ancient, imperishable Hari.
AI translation rendered from the Sanskrit, not a published edition
KuP 2 7.4
योगिनामस्म्यहं शंभुः स्त्रीणां देवी गिरीन्द्रजा । आदित्यानामहं विष्णुर्वसूनामस्मि पावकः
yogināmasmyahaṃ śaṃbhuḥ strīṇāṃ devī girīndrajā / ādityānāmahaṃ viṣṇurvasūnāmasmi pāvakaḥ
Among yogins I am Śambhu, among women the Goddess, daughter of the lord of mountains; among the Ādityas I am Viṣṇu, among the Vasus I am Fire.
AI translation rendered from the Sanskrit, not a published edition
KuP 2 7.5
रुद्राणां शङ्करश्चाहं गरुडः पततामहम् । ऐरावतो गजेन्द्राणां रामः शस्त्रभृतामहम्
rudrāṇāṃ śaṅkaraścāhaṃ garuḍaḥ patatāmaham / airāvato gajendrāṇāṃ rāmaḥ śastrabhṛtāmaham
Among the Rudras I am Śaṅkara, among birds I am Garuḍa; among lordly elephants I am Airāvata, among bearers of weapons I am Rāma.
AI translation rendered from the Sanskrit, not a published edition
KuP 2 7.6
ऋषीणां च वसिष्ठो ऽहं देवानां च शतक्रतुः । शिल्पिनां विश्वकर्माहं प्रह्लादो ऽस्म्यमरद्विषाम्
ṛṣīṇāṃ ca vasiṣṭho 'haṃ devānāṃ ca śatakratuḥ / śilpināṃ viśvakarmāhaṃ prahlādo 'smyamaradviṣām
Among the sages I am Vasiṣṭha, and among the gods Śatakratu (Indra); among artisans I am Viśvakarman, among the enemies of the immortals I am Prahlāda.
AI translation rendered from the Sanskrit, not a published edition
KuP 2 7.7
मुनीनामप्यहं व्यासो गणानां च विनायकः । वीराणां वीरभद्रो ऽहं सिद्धानां कपिलो मुनिः
munīnāmapyahaṃ vyāso gaṇānāṃ ca vināyakaḥ / vīrāṇāṃ vīrabhadro 'haṃ siddhānāṃ kapilo muniḥ
Among the ascetics too I am Vyāsa, and among the hosts (gaṇas) Vināyaka; among heroes I am Vīrabhadra, among the Siddhas the sage Kapila.
AI translation rendered from the Sanskrit, not a published edition
KuP 2 7.8
पर्वतानामहं मेरुर्नक्षत्राणां च चन्द्रमाः । वज्रं प्रहरणानां च व्रतानां सत्यमस्म्यहम्
parvatānāmahaṃ merurnakṣatrāṇāṃ ca candramāḥ / vajraṃ praharaṇānāṃ ca vratānāṃ satyamasmyaham
Among mountains I am Meru, and among the stars the Moon; among striking weapons I am the thunderbolt, and among vows I am truth.
AI translation rendered from the Sanskrit, not a published edition
KuP 2 7.9
अनन्तो भोगिनां देवः सेनानीनां च पावकिः । आश्रमाणां च गार्हस्थमीश्वराणां महेश्वरः
ananto bhogināṃ devaḥ senānīnāṃ ca pāvakiḥ / āśramāṇāṃ ca gārhasthamīśvarāṇāṃ maheśvaraḥ
Among serpents I am the god Ananta, and among army commanders the son of Fire (Skanda); among the stages of life the householder's, among lords the Great Lord.
AI translation rendered from the Sanskrit, not a published edition
KuP 2 7.10
महाकल्पश्च कल्पानां युगानां कृतमस्म्यहम् । कुबेरः सर्वयक्षाणां गणेशानां च वीरकः
mahākalpaśca kalpānāṃ yugānāṃ kṛtamasmyaham / kuberaḥ sarvayakṣāṇāṃ gaṇeśānāṃ ca vīrakaḥ
Among the kalpas I am the Mahākalpa, among the ages I am the Kṛta; among all Yakṣas I am Kubera, and among the lords of hosts Vīraka.
AI translation rendered from the Sanskrit, not a published edition
KuP 2 7.11
प्रजापतीनां दक्षो ऽहं निरृतिः सर्वरक्षसाम् । वायुर्बलवतामस्मि द्वीपानां पुष्करो ऽस्म्यहम्
prajāpatīnāṃ dakṣo 'haṃ nirṛtiḥ sarvarakṣasām / vāyurbalavatāmasmi dvīpānāṃ puṣkaro 'smyaham
Among the Prajāpatis I am Dakṣa, among all Rākṣasas I am Nirṛti; among the strong I am the wind, among islands I am Puṣkara.
AI translation rendered from the Sanskrit, not a published edition
KuP 2 7.12
मृगेन्द्राणां च सिंहो ऽहं यन्त्राणां धनुरेव च । वेदानां सामवेदो ऽहं यजुषां शतरुद्रियम्
mṛgendrāṇāṃ ca siṃho 'haṃ yantrāṇāṃ dhanureva ca / vedānāṃ sāmavedo 'haṃ yajuṣāṃ śatarudriyam
Among the lords of beasts I am the lion, and among instruments the bow; among the Vedas I am the Sāmaveda, among the Yajus formulas the Śatarudriya.
AI translation rendered from the Sanskrit, not a published edition
KuP 2 7.13
सावित्री सर्वजप्यानां गुह्यानां प्रणवो ऽस्म्यहम् । सूक्तानां पौरुषं सूक्तं ज्येष्ठसाम च सामसु
sāvitrī sarvajapyānāṃ guhyānāṃ praṇavo 'smyaham / sūktānāṃ pauruṣaṃ sūktaṃ jyeṣṭhasāma ca sāmasu
Among all things to be recited I am the Sāvitrī, among secret things I am the praṇava (Oṃ); among hymns the Puruṣa hymn, and among the sāmans the Jyeṣṭha-sāman.
AI translation rendered from the Sanskrit, not a published edition
KuP 2 7.14
सर्ववेदार्थविदुषां मनुः स्वायंभुवो ऽस्म्यहम् । ब्रह्मावर्तस्तु देशानां क्षेत्राणामविमुक्तकम्
sarvavedārthaviduṣāṃ manuḥ svāyaṃbhuvo 'smyaham / brahmāvartastu deśānāṃ kṣetrāṇāmavimuktakam
Among those who know the meaning of all the Vedas I am Manu Svāyaṃbhuva; among regions Brahmāvarta, among sacred fields Avimuktaka.
AI translation rendered from the Sanskrit, not a published edition
KuP 2 7.15
विद्यानामात्मविद्याहं ज्ञानानामैश्वरं परम् । भूतानामस्म्यहं व्योम सत्त्वानां मृत्युरेव च
vidyānāmātmavidyāhaṃ jñānānāmaiśvaraṃ param / bhūtānāmasmyahaṃ vyoma sattvānāṃ mṛtyureva ca
Among the sciences I am the knowledge of the Self, among kinds of knowledge the supreme knowledge of the Lord; among the elements I am space, and among living beings I am death.
AI translation rendered from the Sanskrit, not a published edition
KuP 2 7.16
पाशानामस्म्यहं माया कालः कलयतामहम् । गतीनां मुक्तिरेवाहं परेषां परमेश्वरः
pāśānāmasmyahaṃ māyā kālaḥ kalayatāmaham / gatīnāṃ muktirevāhaṃ pareṣāṃ parameśvaraḥ
Among bonds I am māyā, among those that measure out (all things) I am time; among goals I am liberation itself, and of the highest ones I am the highest Lord.
AI translation rendered from the Sanskrit, not a published edition
KuP 2 7.17
यच्चान्यदपि लोके ऽस्मिन् सत्त्वं तेजोबलाधिकम् । तत्सर्वं प्रतिजानीध्वं मम तेजोविजृम्भितम्
yaccānyadapi loke 'smin sattvaṃ tejobalādhikam / tatsarvaṃ pratijānīdhvaṃ mama tejovijṛmbhitam
And whatever other being in this world excels in radiance and strength, know all that to be an expansion of my own radiance.
AI translation rendered from the Sanskrit, not a published edition
KuP 2 7.18
आत्मानः पशवः प्रोक्ताः सर्वे संसारवर्तिनः । तेषां पतिरहं देवः स्मृतः पशुपतिर्बुधैः
ātmānaḥ paśavaḥ proktāḥ sarve saṃsāravartinaḥ / teṣāṃ patirahaṃ devaḥ smṛtaḥ paśupatirbudhaiḥ
All selves that revolve in transmigration are declared to be cattle (paśus); I, the god, am their lord, and so am called Paśupati by the wise.
AI translation rendered from the Sanskrit, not a published edition
KuP 2 7.19
मायापाशेन बध्नामि पशूनेतान् स्वलीलया । मामेव मोचकं प्राहुः पशूनां वेदवादिनः
māyāpāśena badhnāmi paśūnetān svalīlayā / māmeva mocakaṃ prāhuḥ paśūnāṃ vedavādinaḥ
With the noose of māyā I bind these cattle by my own play; those who speak according to the Veda declare me alone to be the releaser of the cattle.
AI translation rendered from the Sanskrit, not a published edition
KuP 2 7.20
मायापाशेन बद्धानां मोचको ऽन्यो न विद्यते । मामृते परमात्मानं भूताधिपतिमव्ययम्
māyāpāśena baddhānāṃ mocako 'nyo na vidyate / māmṛte paramātmānaṃ bhūtādhipatimavyayam
For those bound by the noose of māyā there exists no other releaser apart from me, the supreme Self, the imperishable lord of beings.
AI translation rendered from the Sanskrit, not a published edition
KuP 2 7.21
चतुर्विंशतितत्त्वानि माया कर्म गुणा इति । एते पाशाः पशुपतेः क्लेशाश्च पशुबन्धनाः
caturviṃśatitattvāni māyā karma guṇā iti / ete pāśāḥ paśupateḥ kleśāśca paśubandhanāḥ
The twenty-four principles, māyā, karma, and the qualities (guṇas) — these are the nooses of Paśupati, and the afflictions that bind the cattle.
AI translation rendered from the Sanskrit, not a published edition
KuP 2 7.22
मनो बुद्धिरहङ्कारः खानिलाग्निजलानि भूः । एताः प्रकृतयस्त्वष्टौ विकाराश्च तथापरे
mano buddhirahaṅkāraḥ khānilāgnijalāni bhūḥ / etāḥ prakṛtayastvaṣṭau vikārāśca tathāpare
Mind, intellect, ego, space, wind, fire, water, earth — these are the eight primary constituents; and the modifications are others (besides these).
AI translation rendered from the Sanskrit, not a published edition
KuP 2 7.23
श्रोत्रं त्वक्चक्षुषी जिह्वा घ्राणं चैव तु पञ्चमम् । पायूपस्थं करौ पादौ वाक् चैव दशमी मता
śrotraṃ tvakcakṣuṣī jihvā ghrāṇaṃ caiva tu pañcamam / pāyūpasthaṃ karau pādau vāk caiva daśamī matā
Ear, skin, the two eyes, tongue, and smell as the fifth; anus, genitals, the two hands, the two feet, and speech is reckoned the tenth.
AI translation rendered from the Sanskrit, not a published edition
KuP 2 7.24
शब्दः स्पर्शश्च रूपं च रसो गन्धस्तथैव च । त्रयोविंशतिरेतानि तत्त्वानि प्राकृतानि तु
śabdaḥ sparśaśca rūpaṃ ca raso gandhastathaiva ca / trayoviṃśatiretāni tattvāni prākṛtāni tu
Sound, touch, form, taste, and likewise smell — these are the twenty-three principles belonging to primal nature.
AI translation rendered from the Sanskrit, not a published edition
KuP 2 7.25
चतुर्विंशकमव्यक्तं प्रधानं गुणलक्षणम् । अनादिमध्यनिधनं कारणं जगतः परम्
caturviṃśakamavyaktaṃ pradhānaṃ guṇalakṣaṇam / anādimadhyanidhanaṃ kāraṇaṃ jagataḥ param
The twenty-fourth is the Unmanifest, the Primary (pradhāna), characterized by the qualities, without beginning, middle, or end, the supreme cause of the world.
AI translation rendered from the Sanskrit, not a published edition
KuP 2 7.26
सत्त्वं रजस्तमश्चेति गुणत्रयमुदाहृतम् । साम्यावस्थितिमेतेषामव्यक्तं प्रकृतिं विदुः
sattvaṃ rajastamaśceti guṇatrayamudāhṛtam / sāmyāvasthitimeteṣāmavyaktaṃ prakṛtiṃ viduḥ
Sattva, rajas, and tamas — these are declared to be the three qualities; their state of equilibrium is what (the wise) know as the Unmanifest, prakṛti.
AI translation rendered from the Sanskrit, not a published edition
KuP 2 7.27
सत्त्वं ज्ञानं तमो ऽज्ञानं रजो मिश्रमुदाहृतम् । गुणानां बुद्धिवैषम्याद् वैषम्यं कवयो विदुः
sattvaṃ jñānaṃ tamo 'jñānaṃ rajo miśramudāhṛtam / guṇānāṃ buddhivaiṣamyād vaiṣamyaṃ kavayo viduḥ
Sattva is knowledge, tamas is ignorance, rajas is said to be a mixture; the seers know that the imbalance (of the world) comes from the imbalance of the qualities in the intellect.
AI translation rendered from the Sanskrit, not a published edition — the model flagged this verse as uncertain
KuP 2 7.28
धर्माधर्माविति प्रोक्तौ पाशौ द्वौ बन्धसंज्ञितौ । मय्यर्पितानि कर्माणि निबन्धाय विमुक्तये
dharmādharmāviti proktau pāśau dvau bandhasaṃjñitau / mayyarpitāni karmāṇi nibandhāya vimuktaye
Merit and demerit are called the two bonds, designated as bondage; but acts dedicated to me (do not serve) for binding but for liberation.
AI translation rendered from the Sanskrit, not a published edition
KuP 2 7.29
अविद्यामस्मितां रागं द्वेषं चाभिनिवेशकम् । क्लेशाख्यानचलान् प्राहुः पाशानात्मनिबन्धनान्
avidyāmasmitāṃ rāgaṃ dveṣaṃ cābhiniveśakam / kleśākhyānacalān prāhuḥ pāśānātmanibandhanān
Ignorance, egoity, attachment, aversion, and clinging (to life) — these they call the unshakable bonds named the afflictions, which bind the self.
AI translation rendered from the Sanskrit, not a published edition
KuP 2 7.30
एतेषामेव पाशानां माया कारणमुच्यते । मूलप्रकृतिरव्यक्ता सा शक्तिर्मयि तिष्ठति
eteṣāmeva pāśānāṃ māyā kāraṇamucyate / mūlaprakṛtiravyaktā sā śaktirmayi tiṣṭhati
Of these very bonds, māyā is said to be the cause; she is the root nature, unmanifest — that power abides in me.
AI translation rendered from the Sanskrit, not a published edition
KuP 2 7.31
स एव मूलप्रकृतिः प्रधानं पुरुषो ऽपि च । विकारा महदादीनि देवदेवः सनातनः
sa eva mūlaprakṛtiḥ pradhānaṃ puruṣo 'pi ca / vikārā mahadādīni devadevaḥ sanātanaḥ
He alone is the root nature, the pradhāna, and also the puruṣa; (his) modifications are the Great One and the rest — (he is) the eternal God of gods.
AI translation rendered from the Sanskrit, not a published edition
KuP 2 7.32
स एव बन्धः स च बन्धकर्ता स एव पाशः पशवः स एव । स वेद सर्वं न च तस्य वेत्ता तमाहुरग्र्यं पुरुषं पुराणम्
sa eva bandhaḥ sa ca bandhakartā sa eva pāśaḥ paśavaḥ sa eva / sa veda sarvaṃ na ca tasya vettā tamāhuragryaṃ puruṣaṃ purāṇam
He alone is the bond, and he the maker of the bond; he alone is the tether, and he the tethered beasts; he knows everything, and there is no knower of him — him they call the foremost, ancient Puruṣa.
AI translation rendered from the Sanskrit, not a published edition