Kurma Purana — Upari Vibhaga — Chapter 6
KuP 2 6.1
ईश्वर उवाच शृणुध्वमृषयः सर्वे यथावत् परमेष्ठिनः । वक्ष्यामीशस्य माहात्म्यं यत्तद्वेदविदो विदुः
īśvara uvāca śṛṇudhvamṛṣayaḥ sarve yathāvat parameṣṭhinaḥ / vakṣyāmīśasya māhātmyaṃ yattadvedavido viduḥ
The Lord said: Hear, all you seers, rightly of the highest one; I shall declare the greatness of the Lord, which those who know the Vedas know.
AI translation rendered from the Sanskrit, not a published edition
KuP 2 6.2
सर्वलोकैकनिर्माता सर्वलोकैकरक्षिता । सर्वलोकैकसंहर्ता सर्वात्माहं सनातनः
sarvalokaikanirmātā sarvalokaikarakṣitā / sarvalokaikasaṃhartā sarvātmāhaṃ sanātanaḥ
I am the sole maker of all the worlds, the sole protector of all the worlds, the sole destroyer of all the worlds, the self of all, the eternal.
AI translation rendered from the Sanskrit, not a published edition
KuP 2 6.3
सर्वेषामेव वस्तूनामन्तर्यामी पिता ह्यहम् । मध्ये चान्तः स्थितं सर्वं नाहं सर्वत्र संस्थितः
sarveṣāmeva vastūnāmantaryāmī pitā hyaham / madhye cāntaḥ sthitaṃ sarvaṃ nāhaṃ sarvatra saṃsthitaḥ
For I am the inner controller and the father of all things whatsoever; everything stands within, in the middle, (yet) I do not stand everywhere.
AI translation rendered from the Sanskrit, not a published edition — the model flagged this verse as uncertain
KuP 2 6.4
भवद्भिरद्भुतं दृष्टं यत्स्वरूपं तु मामकम् । ममैषा ह्युपमा विप्रा मायया दर्शिता मया
bhavadbhiradbhutaṃ dṛṣṭaṃ yatsvarūpaṃ tu māmakam / mamaiṣā hyupamā viprā māyayā darśitā mayā
That wondrous form of mine which was seen by you — this, O brahmins, is (only) a likeness of me, displayed by me through māyā.
AI translation rendered from the Sanskrit, not a published edition
KuP 2 6.5
सर्वेषामेव भावानामन्तरा समवस्थितः । प्रेरयामि जगत् कृत्स्नं क्रियाशाक्तिरियं मम
sarveṣāmeva bhāvānāmantarā samavasthitaḥ / prerayāmi jagat kṛtsnaṃ kriyāśāktiriyaṃ mama
Abiding within all beings, I set the whole world in motion; this is my power of action.
AI translation rendered from the Sanskrit, not a published edition
KuP 2 6.6
ययेदं चेष्टते विश्वं तत्स्वभावानुवर्ति च । सो ऽहं कालो जगत् कृत्स्नं प्रेरयामि कलात्मकम्
yayedaṃ ceṣṭate viśvaṃ tatsvabhāvānuvarti ca / so 'haṃ kālo jagat kṛtsnaṃ prerayāmi kalātmakam
By which this universe moves, conforming to its own nature — I am that Time, made of the parts (of time), and I impel the whole world.
AI translation rendered from the Sanskrit, not a published edition
KuP 2 6.7
एकांशेन जगत् कृत्स्नं करोमि मुनिपुङ्गवाः । संहराम्येकरूपेण द्विधावस्था ममैव तु
ekāṃśena jagat kṛtsnaṃ karomi munipuṅgavāḥ / saṃharāmyekarūpeṇa dvidhāvasthā mamaiva tu
With one portion I make the whole world, O foremost of sages, and with one form I destroy it; but the two conditions are of me alone.
AI translation rendered from the Sanskrit, not a published edition
KuP 2 6.8
आदिमध्यान्तनिर्मुक्तो मायातत्त्वप्रवर्तकः । क्षोभयामि च सर्गादौ प्रधानपुरुषावुभौ
ādimadhyāntanirmukto māyātattvapravartakaḥ / kṣobhayāmi ca sargādau pradhānapuruṣāvubhau
Free of beginning, middle and end, the setter-in-motion of the principle of māyā, at the start of creation I stir up both pradhāna and puruṣa.
AI translation rendered from the Sanskrit, not a published edition
KuP 2 6.9
ताभ्यां संजायते विश्वं संयुक्ताभ्यां परस्परम् । महदादिक्रमेणैव मम तेजो विजृम्भते
tābhyāṃ saṃjāyate viśvaṃ saṃyuktābhyāṃ parasparam / mahadādikrameṇaiva mama tejo vijṛmbhate
From those two, joined to each other, the universe comes to be; and by the sequence beginning with mahat my radiance unfolds.
AI translation rendered from the Sanskrit, not a published edition
KuP 2 6.10
यो हि सर्वजगत्साक्षी कालचक्रप्रवर्तकः । हिरण्यगर्भो मार्तण्डः सो ऽपि मद्देहसंभवः
yo hi sarvajagatsākṣī kālacakrapravartakaḥ / hiraṇyagarbho mārtaṇḍaḥ so 'pi maddehasaṃbhavaḥ
He who is the witness of the whole world, the turner of the wheel of time, Hiraṇyagarbha, the sun — he too arose from my body.
AI translation rendered from the Sanskrit, not a published edition
KuP 2 6.11
तस्मै दिव्यं स्वमैश्वर्यं ज्ञानयोगं सनातनम् । दत्तवानात्मजान् वेदान् कल्पादौ चतुरो द्विजाः
tasmai divyaṃ svamaiśvaryaṃ jñānayogaṃ sanātanam / dattavānātmajān vedān kalpādau caturo dvijāḥ
To him, O twice-born, at the beginning of the kalpa I gave my divine sovereignty, the eternal yoga of knowledge, and the four Vedas born of myself.
AI translation rendered from the Sanskrit, not a published edition
KuP 2 6.12
स मन्नियोगतो देवो ब्रह्मा मद्भावभावितः । दिव्यं तन्मामकैश्वर्यं सर्वदा वहति स्वयम्
sa manniyogato devo brahmā madbhāvabhāvitaḥ / divyaṃ tanmāmakaiśvaryaṃ sarvadā vahati svayam
That god Brahmā, by my command, pervaded by my being, himself always bears that divine sovereignty of mine.
AI translation rendered from the Sanskrit, not a published edition
KuP 2 6.13
स सर्वलोकनिर्माता मन्नियोगेन सर्ववित् । भूत्वा चतुर्मुखः सर्गं सृजत्येवात्मसंभवः
sa sarvalokanirmātā manniyogena sarvavit / bhūtvā caturmukhaḥ sargaṃ sṛjatyevātmasaṃbhavaḥ
He, the maker of all the worlds, all-knowing by my command, becoming four-faced, brings forth the creation, being himself sprung from me.
AI translation rendered from the Sanskrit, not a published edition
KuP 2 6.14
यो ऽपि नारायणो ऽनन्तो लोकानां प्रभवाव्ययः । ममैव परमा मूर्तिः करोति परिपालनम्
yo 'pi nārāyaṇo 'nanto lokānāṃ prabhavāvyayaḥ / mamaiva paramā mūrtiḥ karoti paripālanam
And Nārāyaṇa too, the endless, the origin and end of the worlds, is my own supreme form; he carries out the preserving (of all).
AI translation rendered from the Sanskrit, not a published edition
KuP 2 6.15
यो ऽन्तकः सर्वभूतानां रुद्रः कालात्मकः प्रभुः । मदाज्ञयासौ सततं संहरिष्यति मे तनुः
yo 'ntakaḥ sarvabhūtānāṃ rudraḥ kālātmakaḥ prabhuḥ / madājñayāsau satataṃ saṃhariṣyati me tanuḥ
He who is the ender of all beings, Rudra, the lord whose nature is time — he, my body, will by my command destroy (them) continually.
AI translation rendered from the Sanskrit, not a published edition
KuP 2 6.16
हव्यं वहति देवानां कव्यं कव्याशिनामपि । पाकं च कुरुते वह्निः सो ऽपि मच्छक्तिचोदितः
havyaṃ vahati devānāṃ kavyaṃ kavyāśināmapi / pākaṃ ca kurute vahniḥ so 'pi macchakticoditaḥ
Fire carries the oblation to the gods and the funerary offering to those who eat such offerings, and it does the cooking — it too is impelled by my power.
AI translation rendered from the Sanskrit, not a published edition
KuP 2 6.17
भुक्तमाहारजातं च पचते तदहर्निशम् । वैश्वानरो ऽग्निर्भगवानीश्वरस्य नियोगतः
bhuktamāhārajātaṃ ca pacate tadaharniśam / vaiśvānaro 'gnirbhagavānīśvarasya niyogataḥ
And Fire, the lord Vaiśvānara, digests day and night the whole mass of food that has been eaten, by the appointment of the Lord.
AI translation rendered from the Sanskrit, not a published edition
KuP 2 6.18
यो ऽपि सर्वाम्भसां योनिर्वरुणो देवपुङ्गवः । सो ऽपि संजीवयेत् कृत्स्नमीशस्यैव नियोगतः
yo 'pi sarvāmbhasāṃ yonirvaruṇo devapuṅgavaḥ / so 'pi saṃjīvayet kṛtsnamīśasyaiva niyogataḥ
And Varuṇa too, the bull among gods, who is the womb of all waters, he keeps everything alive by the appointment of the Lord alone.
AI translation rendered from the Sanskrit, not a published edition
KuP 2 6.19
यो ऽन्तस्तिष्ठति भूतानां बहिर्देवः प्रभञ्जनः । मदाज्ञयासौ भूतानां शरीराणि बिभर्ति हि
yo 'ntastiṣṭhati bhūtānāṃ bahirdevaḥ prabhañjanaḥ / madājñayāsau bhūtānāṃ śarīrāṇi bibharti hi
The god Wind, who abides within beings and without — by my command he sustains the bodies of beings.
AI translation rendered from the Sanskrit, not a published edition
KuP 2 6.20
यो ऽपि संजीवनो नॄणां देवानाममृताकरः । सोमः स मन्नियोगेन चोदितः किल वर्तते
yo 'pi saṃjīvano nṝṇāṃ devānāmamṛtākaraḥ / somaḥ sa manniyogena coditaḥ kila vartate
And Soma too, who gives life to men and is the mine of nectar for the gods, indeed operates impelled by my appointment.
AI translation rendered from the Sanskrit, not a published edition
KuP 2 6.21
यः स्वभासा जगत् कृत्स्नं प्रकाशयति सर्वदा । सूर्यो वृष्टिं वितनुते शास्त्रेणैव स्वयंभुवः
yaḥ svabhāsā jagat kṛtsnaṃ prakāśayati sarvadā / sūryo vṛṣṭiṃ vitanute śāstreṇaiva svayaṃbhuvaḥ
The Sun, who by his own light always illumines the whole world, spreads out the rain by the ordinance of the Self-existent alone.
AI translation rendered from the Sanskrit, not a published edition
KuP 2 6.22
यो ऽप्यशेषजगच्छास्ता शक्रः सर्वामरेश्वरः । यज्वनां फलदो देवो वर्तते ऽसौ मदाज्ञया
yo 'pyaśeṣajagacchāstā śakraḥ sarvāmareśvaraḥ / yajvanāṃ phalado devo vartate 'sau madājñayā
And Śakra too, the ruler of the entire world, lord of all the immortals, the god who gives the fruit to sacrificers — he operates by my command.
AI translation rendered from the Sanskrit, not a published edition
KuP 2 6.23
यः प्रशास्ता ह्यसाधूनां वर्तते नियमादिह । यमो वैवस्वतो देवो देवदेवनियोगतः
yaḥ praśāstā hyasādhūnāṃ vartate niyamādiha / yamo vaivasvato devo devadevaniyogataḥ
He who rules over the wicked here operates according to (fixed) rule — Yama, the god son of Vivasvat, by the appointment of the God of gods.
AI translation rendered from the Sanskrit, not a published edition
KuP 2 6.24
यो ऽपि सर्वधनाध्यक्षो धनानां संप्रदायकः । सो ऽपीश्वरनियोगेन कुबेरो वर्तते सदा
yo 'pi sarvadhanādhyakṣo dhanānāṃ saṃpradāyakaḥ / so 'pīśvaraniyogena kubero vartate sadā
And Kubera too, who is the overseer of all wealth and the bestower of riches, he too always operates by the appointment of the Lord.
AI translation rendered from the Sanskrit, not a published edition
KuP 2 6.25
यः सर्वरक्षसां नाथस्तामसानां फलप्रदः । मन्नियोगादसौ देवो वर्तते निरृतिः सदा
yaḥ sarvarakṣasāṃ nāthastāmasānāṃ phalapradaḥ / manniyogādasau devo vartate nirṛtiḥ sadā
He who is the lord of all the demons and gives the fruit (of deeds) to those of dark nature — that god Nirṛti always operates by my appointment.
AI translation rendered from the Sanskrit, not a published edition
KuP 2 6.26
वेतालगणभूतानां स्वामी भोगफलप्रदः । ईशानः किल भक्तानां सो ऽपि तिष्ठन्ममाज्ञया
vetālagaṇabhūtānāṃ svāmī bhogaphalapradaḥ / īśānaḥ kila bhaktānāṃ so 'pi tiṣṭhanmamājñayā
Īśāna, the master of the hosts of vetālas and spirits, who gives to his devotees the fruit that is enjoyment — he too stands by my command.
AI translation rendered from the Sanskrit, not a published edition
KuP 2 6.27
यो वामदेवो ऽङ्गिरसः शिष्यो रुद्रगणाग्रणीः । रक्षको योगिनां नित्यं वर्तते ऽसौ मदाज्ञया
yo vāmadevo 'ṅgirasaḥ śiṣyo rudragaṇāgraṇīḥ / rakṣako yogināṃ nityaṃ vartate 'sau madājñayā
Vāmadeva, the pupil of Aṅgiras, foremost of Rudra's hosts, who is ever the protector of yogins — he operates by my command.
AI translation rendered from the Sanskrit, not a published edition
KuP 2 6.28
यश्च सर्वजगत्पूज्यो वर्तते विघ्नकारकः । विनायको धर्मनेता सो ऽपि मद्वचनात् किल
yaśca sarvajagatpūjyo vartate vighnakārakaḥ / vināyako dharmanetā so 'pi madvacanāt kila
And he who is worshipped by the whole world and acts as the maker of obstacles, Vināyaka, the leader in dharma — he too indeed (acts) by my word.
AI translation rendered from the Sanskrit, not a published edition
KuP 2 6.29
यो ऽपि ब्रह्मविदां श्रेष्ठो देवसेनापतिः प्रभुः । स्कन्दो ऽसौ वर्तते नित्यं स्वयंभूर्विधिचोदितः
yo 'pi brahmavidāṃ śreṣṭho devasenāpatiḥ prabhuḥ / skando 'sau vartate nityaṃ svayaṃbhūrvidhicoditaḥ
And Skanda too, the best of the knowers of brahman, the mighty commander of the army of the gods, he ever operates impelled by the ordinance of the Self-existent.
AI translation rendered from the Sanskrit, not a published edition
KuP 2 6.30
ये च प्रजानां पतयो मरीच्याद्या महर्षयः । सृजन्ति विविधं लोकं परस्यैव नियोगतः
ye ca prajānāṃ patayo marīcyādyā maharṣayaḥ / sṛjanti vividhaṃ lokaṃ parasyaiva niyogataḥ
And the lords of creatures, the great seers Marīci and the rest, who create the manifold world — (they do so) by the appointment of the Supreme alone.
AI translation rendered from the Sanskrit, not a published edition
KuP 2 6.31
या च श्रीः सर्वभूतानां ददाति विपुलां श्रियम् । पत्नी नारायणस्यासौ वर्तते मदनुग्रहात्
yā ca śrīḥ sarvabhūtānāṃ dadāti vipulāṃ śriyam / patnī nārāyaṇasyāsau vartate madanugrahāt
And Śrī, who gives abundant prosperity to all beings, she, the wife of Nārāyaṇa, operates by my favour.
AI translation rendered from the Sanskrit, not a published edition
KuP 2 6.32
वाचं ददाति विपुलां या च देवी सरस्वती । सापीश्वरनियोगेन चोदिता संप्रवर्तते
vācaṃ dadāti vipulāṃ yā ca devī sarasvatī / sāpīśvaraniyogena coditā saṃpravartate
And the goddess Sarasvatī, who bestows abundant speech, she too, impelled by the appointment of the Lord, carries on (her work).
AI translation rendered from the Sanskrit, not a published edition
KuP 2 6.33
याशेषपुरुषान् घोरान्नरकात् तारयिष्यति । सावित्री संस्मृता देवी देवाज्ञानुविधायिनी
yāśeṣapuruṣān ghorānnarakāt tārayiṣyati / sāvitrī saṃsmṛtā devī devājñānuvidhāyinī
And the goddess Sāvitrī, who, when remembered, will carry all men across from dreadful hell — she carries out the command of the God.
AI translation rendered from the Sanskrit, not a published edition
KuP 2 6.34
पार्वती परमा देवी ब्रह्मविद्याप्रदायिनी । यापि ध्याता विशेषेण सापि मद्वचनानुगा
pārvatī paramā devī brahmavidyāpradāyinī / yāpi dhyātā viśeṣeṇa sāpi madvacanānugā
Pārvatī, the supreme goddess, the giver of the knowledge of brahman, who is meditated upon in a special way — she too follows my word.
AI translation rendered from the Sanskrit, not a published edition
KuP 2 6.35
यो ऽनन्तमहिमानन्तः शेषो ऽशेषामरप्रभुः । दधाति शिरसा लोकं सो ऽपि देवनियोगतः
yo 'nantamahimānantaḥ śeṣo 'śeṣāmaraprabhuḥ / dadhāti śirasā lokaṃ so 'pi devaniyogataḥ
Ananta, of endless majesty, Śeṣa, lord of all the immortals, who holds the world upon his head — he too (does so) by the appointment of the God.
AI translation rendered from the Sanskrit, not a published edition
KuP 2 6.36
यो ऽग्निः संवर्तको नित्यं वडवारूपसंस्थितः । पिबत्यखिलमम्भोधिमीश्वरस्य नियोगतः
yo 'gniḥ saṃvartako nityaṃ vaḍavārūpasaṃsthitaḥ / pibatyakhilamambhodhimīśvarasya niyogataḥ
The fire Saṃvartaka, which abides perpetually in the form of a mare, drinks up the whole ocean by the command of the Lord.
AI translation rendered from the Sanskrit, not a published edition
KuP 2 6.37
ये चतुर्दश लोके ऽस्मिन् मनवः प्रथितौजसः । पालयन्ति प्रजाः सर्वास्ते ऽपि तस्य नियोगतः
ye caturdaśa loke 'smin manavaḥ prathitaujasaḥ / pālayanti prajāḥ sarvāste 'pi tasya niyogataḥ
And the fourteen Manus of renowned might in this world, who protect all creatures — they too (do so) by his command.
AI translation rendered from the Sanskrit, not a published edition
KuP 2 6.38
आदित्या वसवो रुद्रा मरुतश्च तथाश्विनौ । अन्याश्च देवताः सर्वा मच्छास्त्रेणैव धिष्ठिताः
ādityā vasavo rudrā marutaśca tathāśvinau / anyāśca devatāḥ sarvā macchāstreṇaiva dhiṣṭhitāḥ
The Ādityas, the Vasus, the Rudras, the Maruts, and the two Aśvins, and all the other deities, are established by my ordinance alone.
AI translation rendered from the Sanskrit, not a published edition
KuP 2 6.39
गन्धर्वा गरुडा ऋक्षाः सिद्धाः साध्याश्चचारणाः । यक्षरक्षः पिशाचाश्च स्थिताः शास्त्रे स्वयंभुवः
gandharvā garuḍā ṛkṣāḥ siddhāḥ sādhyāścacāraṇāḥ / yakṣarakṣaḥ piśācāśca sthitāḥ śāstre svayaṃbhuvaḥ
Gandharvas, Garuḍas, bears, Siddhas, Sādhyas and Cāraṇas, Yakṣas, Rākṣasas and Piśācas stand within the ordinance of the Self-existent.
AI translation rendered from the Sanskrit, not a published edition
KuP 2 6.40
कलाकाष्ठानिमेषाश्च मुहूर्ता दिवसाः क्षपाः । ऋतवः पक्षमासाश्च स्थिताः शास्त्रे प्रजापतेः
kalākāṣṭhānimeṣāśca muhūrtā divasāḥ kṣapāḥ / ṛtavaḥ pakṣamāsāśca sthitāḥ śāstre prajāpateḥ
The kalās, kāṣṭhās and nimeṣas, the muhūrtas, days and nights, the seasons, fortnights and months stand within the ordinance of the Lord of creatures.
AI translation rendered from the Sanskrit, not a published edition
KuP 2 6.41
युगमन्वन्तराण्येव मम तिष्ठन्ति शासने । पराश्चैव परार्धाश्च कालभेदास्तथा परे
yugamanvantarāṇyeva mama tiṣṭhanti śāsane / parāścaiva parārdhāśca kālabhedāstathā pare
The yugas and the manvantaras stand under my rule, and the paras and parārdhas and the other divisions of time as well.
AI translation rendered from the Sanskrit, not a published edition
KuP 2 6.42
चतुर्विधानि भूतानि स्थावराणि चराणि च । नियोगादेव वर्तन्ते देवस्य परमात्मनः
caturvidhāni bhūtāni sthāvarāṇi carāṇi ca / niyogādeva vartante devasya paramātmanaḥ
Beings of four kinds, both immobile and moving, function solely by the command of the God who is the Supreme Self.
AI translation rendered from the Sanskrit, not a published edition
KuP 2 6.43
पातालानि च सर्वाणि भुवनानि च शासनात् । ब्रह्माण्डानि च वर्तन्ते सर्वाण्येव स्वयंभुवः
pātālāni ca sarvāṇi bhuvanāni ca śāsanāt / brahmāṇḍāni ca vartante sarvāṇyeva svayaṃbhuvaḥ
And all the nether regions and the worlds, and all the world-eggs too, function by the rule of the Self-existent.
AI translation rendered from the Sanskrit, not a published edition
KuP 2 6.44
अतीतान्यप्यसंख्यानि ब्रह्माण्डानि ममाज्ञया । प्रवृत्तानि पदार्थौघैः सहितानि समन्ततः
atītānyapyasaṃkhyāni brahmāṇḍāni mamājñayā / pravṛttāni padārthaughaiḥ sahitāni samantataḥ
And the countless world-eggs that are past came forth by my order, together with the masses of things (in them) on every side.
AI translation rendered from the Sanskrit, not a published edition
KuP 2 6.45
ब्रह्माण्डानि भविष्यन्ति सह वस्तुभिरात्मगैः । वहिष्यन्ति सदैवाज्ञां परस्य परमात्मनः
brahmāṇḍāni bhaviṣyanti saha vastubhirātmagaiḥ / vahiṣyanti sadaivājñāṃ parasya paramātmanaḥ
World-eggs will come into being together with the objects contained in them, and they will always carry out the order of the supreme Supreme Self.
AI translation rendered from the Sanskrit, not a published edition
KuP 2 6.46
भूमिरापो ऽनलो वायुः खं मनो बुद्धिरेव च । भूतादिरादिप्रकृतिर्नियोगे मम वर्तते
bhūmirāpo 'nalo vāyuḥ khaṃ mano buddhireva ca / bhūtādirādiprakṛtirniyoge mama vartate
Earth, water, fire, wind, space, mind and intellect, the origin of the elements, and primordial nature — (all) operate under my command.
AI translation rendered from the Sanskrit, not a published edition
KuP 2 6.47
याशेषजगतां योनिर्मोहिनी सर्वदेहिनाम् । माया विवर्तते नित्यं सापीश्वरनियोगतः
yāśeṣajagatāṃ yonirmohinī sarvadehinām / māyā vivartate nityaṃ sāpīśvaraniyogataḥ
That Māyā which is the womb of the entire universe, the deluder of all embodied beings, and which is perpetually evolving — she too (does so) by the command of the Lord.
AI translation rendered from the Sanskrit, not a published edition
KuP 2 6.48
यो वै देहभृतां देवः पुरुषः पठ्यते परः । आत्मासौ वर्तते नित्यमीश्वरस्य नियोगतः
yo vai dehabhṛtāṃ devaḥ puruṣaḥ paṭhyate paraḥ / ātmāsau vartate nityamīśvarasya niyogataḥ
The God who is proclaimed as the supreme Puruṣa of the embodied — that Self exists perpetually by the command of the Lord.
AI translation rendered from the Sanskrit, not a published edition
KuP 2 6.49
विधूय मोहकलिलं यया पश्यति तत् पदम् । सापि विद्या महेशस्य नियोगवशवर्तिनी
vidhūya mohakalilaṃ yayā paśyati tat padam / sāpi vidyā maheśasya niyogavaśavartinī
And that Knowledge by which, having shaken off the murk of delusion, one sees that state — she too is subject to the command of the Great Lord.
AI translation rendered from the Sanskrit, not a published edition
KuP 2 6.50
बहुनात्र किमुक्तेन मम शक्त्यात्मकं जगत् । मयैव प्रेर्यते कृत्स्नं मय्येव प्रलयं व्रजेत्
bahunātra kimuktena mama śaktyātmakaṃ jagat / mayaiva preryate kṛtsnaṃ mayyeva pralayaṃ vrajet
What is the use of much talk here? The world consists of my power; it is entirely impelled by me alone, and into me alone it goes to its dissolution.
AI translation rendered from the Sanskrit, not a published edition
KuP 2 6.51
अहं हि भगवानीशः स्वयं ज्योतिः सनातनः । परमात्मा परं ब्रह्म मत्तो ह्यन्यन्न विद्यते
ahaṃ hi bhagavānīśaḥ svayaṃ jyotiḥ sanātanaḥ / paramātmā paraṃ brahma matto hyanyanna vidyate
For I am the Blessed Lord, self-luminous, everlasting, the Supreme Self, the highest Brahman; indeed there is nothing other than me.
AI translation rendered from the Sanskrit, not a published edition
KuP 2 6.52
इत्येतत् परमं ज्ञानं युष्माकं कथितं मया । ज्ञात्वा विमुच्यते जन्तुर्जन्मसंसारबन्धनात्
ityetat paramaṃ jñānaṃ yuṣmākaṃ kathitaṃ mayā / jñātvā vimucyate janturjanmasaṃsārabandhanāt
Thus this supreme knowledge has been told to you by me; knowing it, a creature is released from the bondage of birth and transmigration.
AI translation rendered from the Sanskrit, not a published edition