Kurma Purana — Upari Vibhaga — Chapter 42
KuP 2 42.1
सूत उवाच अन्यच्च तीर्थप्रवरं जप्येश्वरसमीपतः । नाम्ना पञ्चनदं पुण्यं सर्वपापप्रणाशनम्
sūta uvāca anyacca tīrthapravaraṃ japyeśvarasamīpataḥ / nāmnā pañcanadaṃ puṇyaṃ sarvapāpapraṇāśanam
Sūta said: And there is another excellent sacred place near Japyeśvara, holy, called Pañcanada by name, destroyer of all sins.
AI translation rendered from the Sanskrit, not a published edition
KuP 2 42.2
त्रिरात्रोपोषितस्तत्र पूजयित्वा महेश्वरम् । सर्वपापविशुद्धात्मा रुद्रलोके महीयते
trirātropoṣitastatra pūjayitvā maheśvaram / sarvapāpaviśuddhātmā rudraloke mahīyate
One who has fasted there for three nights and worshipped Maheśvara, his self purified of all sins, is honored in the world of Rudra.
AI translation rendered from the Sanskrit, not a published edition
KuP 2 42.3
अन्यच्च तीर्थप्रवरं शङ्करस्यामितौजसः । महाभैरवमित्युक्तं महापातकनाशनम्
anyacca tīrthapravaraṃ śaṅkarasyāmitaujasaḥ / mahābhairavamityuktaṃ mahāpātakanāśanam
And there is another excellent sacred place of Śaṅkara of measureless might, called Mahābhairava, destroyer of the great sins.
AI translation rendered from the Sanskrit, not a published edition
KuP 2 42.4
तीर्थानां च परं तीर्थं वितस्ता परमा नदी । सर्वपापहरा पुण्या स्वयमेव गिरीन्द्रजा
tīrthānāṃ ca paraṃ tīrthaṃ vitastā paramā nadī / sarvapāpaharā puṇyā svayameva girīndrajā
And the highest of sacred places is the Vitastā, the supreme river, remover of all sins, holy, herself born of the lord of mountains.
AI translation rendered from the Sanskrit, not a published edition
KuP 2 42.5
तीर्थं पञ्चतपं नाम शंभोरमिततेजसः । यत्र देवादिदेवेन चक्रार्थं पूजितो भवः
tīrthaṃ pañcatapaṃ nāma śaṃbhoramitatejasaḥ / yatra devādidevena cakrārthaṃ pūjito bhavaḥ
There is a sacred place named Pañcatapa, of Śaṃbhu of measureless splendor, where Bhava was worshipped by the first god of the gods for the sake of the discus.
AI translation rendered from the Sanskrit, not a published edition
KuP 2 42.6
पिण्डदानादिकं तत्र प्रेत्यानन्तफलप्रदम् । मृतस्तत्रापि नियमाद् ब्रह्मलोके महीयते
piṇḍadānādikaṃ tatra pretyānantaphalapradam / mṛtastatrāpi niyamād brahmaloke mahīyate
There the offering of piṇḍa and the rest yields endless fruit after death; and one who dies there under (proper) observance is honored in the world of Brahmā.
AI translation rendered from the Sanskrit, not a published edition
KuP 2 42.7
कायावरोहणं नाम महादेवालयं शुभम् । यत्र माहेश्वरा धर्मा मुनिभिः संप्रवर्तिताः
kāyāvarohaṇaṃ nāma mahādevālayaṃ śubham / yatra māheśvarā dharmā munibhiḥ saṃpravartitāḥ
(There is) the auspicious temple of Mahādeva named Kāyāvarohaṇa, where the Māheśvara observances were set going by the sages.
AI translation rendered from the Sanskrit, not a published edition
KuP 2 42.8
श्राद्धं दानं तपो होम उपवासस्तथाक्षयः । परित्यजति यः प्राणान् रुद्रलोकं स गच्छति
śrāddhaṃ dānaṃ tapo homa upavāsastathākṣayaḥ / parityajati yaḥ prāṇān rudralokaṃ sa gacchati
(There) the ancestral offering, the gift, austerity, the oblation, and likewise fasting are imperishable; whoever gives up his life-breaths (there) goes to the world of Rudra.
AI translation rendered from the Sanskrit, not a published edition
KuP 2 42.9
अन्यच्च तीर्थप्रवरं कन्यातीर्थमिति श्रुतम् । तत्र गत्वा त्यजेत् प्राणांल्लोकान् प्राप्नोति शाश्वतान्
anyacca tīrthapravaraṃ kanyātīrthamiti śrutam / tatra gatvā tyajet prāṇāṃllokān prāpnoti śāśvatān
And another most excellent sacred ford is heard of, called Kanyātīrtha; going there, one should give up one's life-breaths, (and) one attains the eternal worlds.
AI translation rendered from the Sanskrit, not a published edition
KuP 2 42.10
जामदग्न्यस्य तु शुभं रामस्याक्लिष्टकर्मणः । तत्र स्नात्वा तीर्थ वरे गोसहस्रफलं लभेत्
jāmadagnyasya tu śubhaṃ rāmasyākliṣṭakarmaṇaḥ / tatra snātvā tīrtha vare gosahasraphalaṃ labhet
But (there is) the auspicious (ford) of Rāma, the son of Jamadagni, of untiring deeds; bathing there at that excellent ford one would obtain the fruit of (giving) a thousand cows.
AI translation rendered from the Sanskrit, not a published edition
KuP 2 42.11
महाकालमिति ख्यातं तीर्थं त्रैलोक्यविश्रुतम् । गत्वा प्राणान् परित्यज्य गाणपत्यमवाप्नुयात्
mahākālamiti khyātaṃ tīrthaṃ trailokyaviśrutam / gatvā prāṇān parityajya gāṇapatyamavāpnuyāt
Having gone to the ford known as Mahākāla, renowned in the three worlds, and having given up one's life-breaths, one would attain the state of a Gaṇapati (attendant of Śiva).
AI translation rendered from the Sanskrit, not a published edition
KuP 2 42.12
गुह्याद् गुह्यतमं तीर्थं नकुलीश्वरमुत्तमम् । तत्र सन्निहितः श्रीमान् भगवान् नकुलीश्वरः
guhyād guhyatamaṃ tīrthaṃ nakulīśvaramuttamam / tatra sannihitaḥ śrīmān bhagavān nakulīśvaraḥ
The ford Nakulīśvara, the most excellent, is more secret than the secret; there the glorious Lord Nakulīśvara is present.
AI translation rendered from the Sanskrit, not a published edition
KuP 2 42.13
हिमवच्छिखरे रम्ये गङ्गाद्वारे सुशोभने । देव्या सह महादेवो नित्यं शिष्यैश्च संवृतः
himavacchikhare ramye gaṅgādvāre suśobhane / devyā saha mahādevo nityaṃ śiṣyaiśca saṃvṛtaḥ
On the delightful peak of Himavat, at the beautiful gate of the Gaṅgā, Mahādeva (dwells) always together with the Goddess and surrounded by his disciples.
AI translation rendered from the Sanskrit, not a published edition
KuP 2 42.14
तत्र स्नात्वा महादेवं पूजयित्वा वृषध्वजम् । सर्वपापैर्विमुच्येत मृतस्तज्ज्ञानमाप्नुयात्
tatra snātvā mahādevaṃ pūjayitvā vṛṣadhvajam / sarvapāpairvimucyeta mṛtastajjñānamāpnuyāt
Having bathed there and worshipped Mahādeva, whose banner is the bull, one would be freed from all sins, and when dead one would attain that knowledge (of his).
AI translation rendered from the Sanskrit, not a published edition
KuP 2 42.15
अन्यच्च देवदेवस्य स्थानं पुण्यतमं शुभम् । भीमेश्वरमिति ख्यातं गत्वा मुञ्चति पातकम्
anyacca devadevasya sthānaṃ puṇyatamaṃ śubham / bhīmeśvaramiti khyātaṃ gatvā muñcati pātakam
And there is another most holy, auspicious abode of the God of gods, known as Bhīmeśvara; going (there), one casts off sin.
AI translation rendered from the Sanskrit, not a published edition
KuP 2 42.16
तथान्यच्चण्डवेगायाः संभेदः पापनाशनः । तत्र स्नात्वा च पीत्वा च मुच्यते ब्रह्महत्यया
tathānyaccaṇḍavegāyāḥ saṃbhedaḥ pāpanāśanaḥ / tatra snātvā ca pītvā ca mucyate brahmahatyayā
And likewise another (place) is the confluence of the Caṇḍavegā, destroyer of sin; bathing there and drinking (its water), one is freed from the killing of a brahmin.
AI translation rendered from the Sanskrit, not a published edition
KuP 2 42.17
सर्वेषामपि चैतेषां तीर्थानां परमा पुरी । नाम्नावाराणसी दिव्या कोटिकोट्ययुताधिका
sarveṣāmapi caiteṣāṃ tīrthānāṃ paramā purī / nāmnāvārāṇasī divyā koṭikoṭyayutādhikā
And of all these fords the supreme city is the divine one named Vārāṇasī, exceeding (them) by ten thousand times ten million times ten million.
AI translation rendered from the Sanskrit, not a published edition
KuP 2 42.18
तस्याः पुरस्तान्माहात्म्यं भाषितं वो मया त्विह । नान्यत्र लभ्यते मुक्तिर्योगिनाप्येकजन्मना
tasyāḥ purastānmāhātmyaṃ bhāṣitaṃ vo mayā tviha / nānyatra labhyate muktiryogināpyekajanmanā
Its greatness has been declared to you by me here previously; nowhere else is liberation obtained in a single birth, even by a yogin.
AI translation rendered from the Sanskrit, not a published edition
KuP 2 42.19
एते प्राधान्यतः प्रोक्ता देशाः पापहरा नृणाम् । गत्वा संक्षालयेत् पापं जन्मान्तरशतैः कृतम्
ete prādhānyataḥ proktā deśāḥ pāpaharā nṛṇām / gatvā saṃkṣālayet pāpaṃ janmāntaraśataiḥ kṛtam
These regions, which remove the sins of men, have been declared according to their pre-eminence; going (there) one may wash away sin committed in hundreds of other births.
AI translation rendered from the Sanskrit, not a published edition
KuP 2 42.20
यः स्वधर्मान् परित्यज्य तीर्थसेवां करोति हि । न तस्य फलते तीर्थमहि लोके परत्र च
yaḥ svadharmān parityajya tīrthasevāṃ karoti hi / na tasya phalate tīrthamahi loke paratra ca
He who, abandoning his own duties, resorts to the sacred fords—for him the ford bears no fruit, neither in this world nor in the next.
AI translation rendered from the Sanskrit, not a published edition
KuP 2 42.21
प्रायश्चित्ती च विधुरस्तथा पापचरो गृही । प्रकुर्यात् तीर्थसंसेवां ये चान्ये तादृशा जनाः
prāyaścittī ca vidhurastathā pāpacaro gṛhī / prakuryāt tīrthasaṃsevāṃ ye cānye tādṛśā janāḥ
One performing an expiation, a man who has lost his wife, likewise a householder who has acted sinfully, and whatever other people are of that sort, may undertake the resorting to sacred fords.
AI translation rendered from the Sanskrit, not a published edition
KuP 2 42.22
सहाग्निर्वा सपत्नीको गच्छेत् तीर्थानि यत्नतः । सर्वपापविनिर्मुक्तो यथोक्तां गतिमाप्नुयात्
sahāgnirvā sapatnīko gacchet tīrthāni yatnataḥ / sarvapāpavinirmukto yathoktāṃ gatimāpnuyāt
Together with his (sacred) fire or together with his wife he should visit the fords with effort; freed from all sins he would attain the goal as declared.
AI translation rendered from the Sanskrit, not a published edition
KuP 2 42.23
ऋणानि त्रीण्यपाकृत्य कुर्याद् वा तीर्थसेवनम् । विधाय वृत्तिं पुत्राणां भार्यां तेषु निधाय च
ṛṇāni trīṇyapākṛtya kuryād vā tīrthasevanam / vidhāya vṛttiṃ putrāṇāṃ bhāryāṃ teṣu nidhāya ca
Or, having discharged the three debts, he may undertake the resorting to fords, after arranging a livelihood for his sons and placing his wife in their care.
AI translation rendered from the Sanskrit, not a published edition
KuP 2 42.24
प्रायश्चित्तप्रसङ्गेन तीर्थमाहात्म्यमीरितम् । यः पठेच्छृणुयाद् वापि मुच्यते सर्वपातकैः
prāyaścittaprasaṅgena tīrthamāhātmyamīritam / yaḥ paṭhecchṛṇuyād vāpi mucyate sarvapātakaiḥ
In connection with (the subject of) expiation the greatness of the sacred fords has been declared; he who recites it, or even hears it, is freed from all sins.
AI translation rendered from the Sanskrit, not a published edition