Kurma Purana — Upari Vibhaga — Chapter 39
KuP 2 39.1
मार्कण्डेय उवाच नर्मदा सरितां श्रेष्ठा सर्वपापविनाशिनी । मुनिभिः कथिता पूर्वमीश्वरेण स्वयंभुवा
mārkaṇḍeya uvāca narmadā saritāṃ śreṣṭhā sarvapāpavināśinī / munibhiḥ kathitā pūrvamīśvareṇa svayaṃbhuvā
Mārkaṇḍeya said: The Narmadā, best of rivers, destroying all sins, was formerly declared to the sages by the Lord, the self-existent one.
AI translation rendered from the Sanskrit, not a published edition
KuP 2 39.2
मुनिभिः संस्तुता ह्येषा नर्मदा प्रवरा नदी । रुद्रगात्राद् विनिष्क्रान्ता लोकानां हितकाम्यया
munibhiḥ saṃstutā hyeṣā narmadā pravarā nadī / rudragātrād viniṣkrāntā lokānāṃ hitakāmyayā
This Narmadā, the foremost river, has been praised by the sages; it issued forth from Rudra's body out of a desire for the welfare of the worlds.
AI translation rendered from the Sanskrit, not a published edition
KuP 2 39.3
सर्वपापहरा नित्यं सर्वदेवनमस्कृता । संस्तुता देवगन्धर्वैरप्यरोभिस्तथैव च
sarvapāpaharā nityaṃ sarvadevanamaskṛtā / saṃstutā devagandharvairapyarobhistathaiva ca
She always removes all sins, is saluted by all the gods, and is praised by gods, gandharvas, and likewise by apsarases.
AI translation rendered from the Sanskrit, not a published edition
KuP 2 39.4
उत्तरे चैव तत्कूले तीर्थं त्रैलोक्यविश्रुतम् । नाम्ना भद्रेश्वरं पुण्यं सर्वपापहरं शुभम् । तत्र स्नात्वा नरो राजन् दैवतैः सह मोहते
uttare caiva tatkūle tīrthaṃ trailokyaviśrutam / nāmnā bhadreśvaraṃ puṇyaṃ sarvapāpaharaṃ śubham / tatra snātvā naro rājan daivataiḥ saha mohate
And on its northern bank is a sacred ford famed in the three worlds, holy and auspicious, Bhadreśvara by name, remover of all sins; bathing there, O king, a man rejoices together with the gods.
AI translation rendered from the Sanskrit, not a published edition
KuP 2 39.5
ततो गच्छेत राजेन्द्र तीर्थमाम्रातकेश्वरम् । तत्र स्नात्वा नरो राजन् गोसहस्रफलं लभेत्
tato gaccheta rājendra tīrthamāmrātakeśvaram / tatra snātvā naro rājan gosahasraphalaṃ labhet
Then, O best of kings, one should go to the ford Āmrātakeśvara; bathing there, O king, a man would gain the fruit of (giving) a thousand cows.
AI translation rendered from the Sanskrit, not a published edition
KuP 2 39.6
ततो ऽङ्गारेश्वरं गच्छेन्नियतो नियताशनः । सर्वपापविशुद्धात्मा रुद्रलोके महीयते
tato 'ṅgāreśvaraṃ gacchenniyato niyatāśanaḥ / sarvapāpaviśuddhātmā rudraloke mahīyate
Then one should go to Aṅgāreśvara, restrained and restrained in food; his self purified of all sins, he is honoured in the world of Rudra.
AI translation rendered from the Sanskrit, not a published edition
KuP 2 39.7
ततो गच्छेत राजेन्द्र केदारं नाम पुण्यदम् । तत्र स्नात्वोदकं कृत्वा सर्वान् कामानवाप्नुयात्
tato gaccheta rājendra kedāraṃ nāma puṇyadam / tatra snātvodakaṃ kṛtvā sarvān kāmānavāpnuyāt
Then, O best of kings, one should go to the merit-giving (place) named Kedāra; bathing there and making a water-offering, one would obtain all desires.
AI translation rendered from the Sanskrit, not a published edition
KuP 2 39.8
पिप्पलेशं ततो गच्छेत् सर्वपापविनाशनम् । तत्र स्नात्वा महाराज रुद्रलोके महीयते
pippaleśaṃ tato gacchet sarvapāpavināśanam / tatra snātvā mahārāja rudraloke mahīyate
Then one should go to Pippaleśa, destroyer of all sins; bathing there, great king, one is honoured in the world of Rudra.
AI translation rendered from the Sanskrit, not a published edition
KuP 2 39.9
ततो गच्छेत राजेन्द्र विमलेश्वरमुत्तमम् । तत्र प्राणान् परित्यज्य रुद्रलोकमवाप्नुयात्
tato gaccheta rājendra vimaleśvaramuttamam / tatra prāṇān parityajya rudralokamavāpnuyāt
Then, O best of kings, one should go to excellent Vimaleśvara; giving up one's life-breaths there, one would attain the world of Rudra.
AI translation rendered from the Sanskrit, not a published edition
KuP 2 39.10
ततः पुष्करिणीं गच्छेत् स्नानं तत्र समाचरेत् । स्नातमात्रो नरस्तत्र इन्द्रस्यार्धासनं लभेत्
tataḥ puṣkariṇīṃ gacchet snānaṃ tatra samācaret / snātamātro narastatra indrasyārdhāsanaṃ labhet
Then one should go to Puṣkariṇī and perform a bath there; merely by bathing there a man obtains half of Indra's seat.
AI translation rendered from the Sanskrit, not a published edition
KuP 2 39.11
ततो गच्छेत राजेन्द्र शूलभेदमिति श्रुतम् । तत्र स्नात्वार्चयेद् देवं गोसहस्रफलं लभेत्
tato gaccheta rājendra śūlabhedamiti śrutam / tatra snātvārcayed devaṃ gosahasraphalaṃ labhet
Then, O best of kings, one should go to what is known as Śūlabheda; having bathed there one should worship the god, and one obtains the reward of a thousand cows.
AI translation rendered from the Sanskrit, not a published edition
KuP 2 39.12
ततो गच्छेत राजेन्द्र बलितीर्थमनुत्तम् । तत्र स्नात्वा नरो राजन् सिहासनपतिर्भवेत्
tato gaccheta rājendra balitīrthamanuttam / tatra snātvā naro rājan sihāsanapatirbhavet
Then, O best of kings, one should go to Balitīrtha, than which there is none higher; having bathed there, O king, a man becomes lord of a lion-throne.
AI translation rendered from the Sanskrit, not a published edition
KuP 2 39.13
शक्रतीर्थं ततो गच्छेत् कूले चैव तु दक्षिणे । उपोष्य रजनीमेकां स्नानं कृत्वा यथाविधि
śakratīrthaṃ tato gacchet kūle caiva tu dakṣiṇe / upoṣya rajanīmekāṃ snānaṃ kṛtvā yathāvidhi
Then one should go to Śakratīrtha, on the southern bank; having fasted for one night and bathed according to the rule,
AI translation rendered from the Sanskrit, not a published edition
KuP 2 39.14
आराधयेन्महायोगं देवं नारायणं हरिम् । गोसहस्रफलं प्राप्य विष्णुलोकं स गच्छति
ārādhayenmahāyogaṃ devaṃ nārāyaṇaṃ harim / gosahasraphalaṃ prāpya viṣṇulokaṃ sa gacchati
one should worship the great yoga(-lord), the god Nārāyaṇa Hari; having gained the reward of a thousand cows, he goes to Viṣṇu's world.
AI translation rendered from the Sanskrit, not a published edition
KuP 2 39.15
ऋषितीर्थं ततो गत्वा सर्वपापहरं नृणाम् । स्नातमात्रो नरस्तत्र शिवलोके महीयते
ṛṣitīrthaṃ tato gatvā sarvapāpaharaṃ nṛṇām / snātamātro narastatra śivaloke mahīyate
Then, having gone to Ṛṣitīrtha, which removes all sins of men, a man merely by bathing there is honoured in Śiva's world.
AI translation rendered from the Sanskrit, not a published edition
KuP 2 39.16
नारदस्य तु तत्रैव तीर्थं परमशोभनम् । स्नातमात्रो नरस्तत्र गोसहस्रफलं लभेत्
nāradasya tu tatraiva tīrthaṃ paramaśobhanam / snātamātro narastatra gosahasraphalaṃ labhet
And in that very place is Nārada's most splendid tīrtha; merely by bathing there a man obtains the reward of a thousand cows.
AI translation rendered from the Sanskrit, not a published edition
KuP 2 39.17
यत्र तप्तं तपः पूर्वं नारदेन सुरर्षिणा । प्रतीस्तस्य ददौ योगं देवदेवो महेश्वरः
yatra taptaṃ tapaḥ pūrvaṃ nāradena surarṣiṇā / pratīstasya dadau yogaṃ devadevo maheśvaraḥ
Where formerly austerity was practised by Nārada, the seer among the gods, and, being pleased, the god of gods Maheśvara granted him yoga.
AI translation rendered from the Sanskrit, not a published edition
KuP 2 39.18
ब्रह्मणा निर्मितं लिङ्गं ब्रह्मेश्वरमिति श्रुतम् । यत्र स्नात्वा नरो राजन् ब्रह्मलोके महीयते
brahmaṇā nirmitaṃ liṅgaṃ brahmeśvaramiti śrutam / yatra snātvā naro rājan brahmaloke mahīyate
The liṅga fashioned by Brahmā is known as Brahmeśvara; bathing there, O king, a man is honoured in Brahmā's world.
AI translation rendered from the Sanskrit, not a published edition
KuP 2 39.19
ऋणतीर्थं ततो गच्छेत् स ऋणान्मुच्यते ध्रुवम् । महेश्वरं ततो गच्छेत् पर्याप्तं जन्मनः फलम्
ṛṇatīrthaṃ tato gacchet sa ṛṇānmucyate dhruvam / maheśvaraṃ tato gacchet paryāptaṃ janmanaḥ phalam
Then one should go to Ṛṇatīrtha; he is surely freed from debt. Then one should go to Maheśvara — (there) the fruit of birth is complete.
AI translation rendered from the Sanskrit, not a published edition
KuP 2 39.20
भीमेश्वरं ततो गच्छेत् सर्वव्याधिविनाशनम् । स्नातमात्रो नरस्तत्र सर्वदुःखैः प्रमुच्यते
bhīmeśvaraṃ tato gacchet sarvavyādhivināśanam / snātamātro narastatra sarvaduḥkhaiḥ pramucyate
Then one should go to Bhīmeśvara, which destroys all diseases; merely by bathing there a man is released from all sorrows.
AI translation rendered from the Sanskrit, not a published edition
KuP 2 39.21
ततो गच्छेत राजेन्द्र पिङ्गलेश्वरमुत्तमम् । अहोरात्रोपवासेन त्रिरात्रफलमाप्नुयात्
tato gaccheta rājendra piṅgaleśvaramuttamam / ahorātropavāsena trirātraphalamāpnuyāt
Then, O best of kings, one should go to excellent Piṅgaleśvara; by fasting a day and a night one would obtain the reward of three nights.
AI translation rendered from the Sanskrit, not a published edition
KuP 2 39.22
तस्मिंमस्तीर्थे तु राजेन्द्र कपिलां यः प्रयच्छति । यावन्ति तस्या रोमाणि तत्प्रसूतिकुलेषु च । तावद् वर्षसहस्राणि रुद्रलोके महीयते
tasmiṃmastīrthe tu rājendra kapilāṃ yaḥ prayacchati / yāvanti tasyā romāṇi tatprasūtikuleṣu ca / tāvad varṣasahasrāṇi rudraloke mahīyate
But at that tīrtha, O best of kings, whoever gives away a tawny cow — as many as are the hairs on her, and on those of her offspring's line, for that many thousands of years he is honoured in the world of Rudra.
AI translation rendered from the Sanskrit, not a published edition
KuP 2 39.23
यस्तु प्राणपरित्यागं कुर्यात् तत्र नराधिप । अक्षयं मोदते कालं यावच्चन्द्रदिवाकरौ
yastu prāṇaparityāgaṃ kuryāt tatra narādhipa / akṣayaṃ modate kālaṃ yāvaccandradivākarau
But he who gives up his life-breaths there, O lord of men, rejoices for undecaying time, as long as sun and moon (endure).
AI translation rendered from the Sanskrit, not a published edition
KuP 2 39.24
नर्मदातटमाश्रित्य तिष्ठन्ते ये तु मानवाः । ते मृताः स्वर्गमायान्ति सन्तः सुकृतिनो यथा
narmadātaṭamāśritya tiṣṭhante ye tu mānavāḥ / te mṛtāḥ svargamāyānti santaḥ sukṛtino yathā
Those men who dwell resorting to the bank of the Narmadā, when dead they go to heaven, like good men who have done meritorious deeds.
AI translation rendered from the Sanskrit, not a published edition
KuP 2 39.25
ततो दीप्तेश्वरं गच्छेद् व्यासतीर्थं तपोवनम् । निवर्तिता पुरा तत्र व्यासभीता महानदी । हुङ्कारिता तु व्यासेन दक्षिणेन ततो गता
tato dīpteśvaraṃ gacched vyāsatīrthaṃ tapovanam / nivartitā purā tatra vyāsabhītā mahānadī / huṅkāritā tu vyāsena dakṣiṇena tato gatā
Then one should go to Dīpteśvara, to Vyāsatīrtha, the penance-grove; there formerly the great river was turned back, in fear of Vyāsa, and, made to (flow with) a roar by Vyāsa, it then went southward.
AI translation rendered from the Sanskrit, not a published edition — the model flagged this verse as uncertain
KuP 2 39.26
प्रदक्षिणं तु यः कुर्यात् तस्मिंस्तीर्थे युधिष्ठिर । प्रीतस्तस्य भवेद् व्यासो वाञ्छितं लभते फलम्
pradakṣiṇaṃ tu yaḥ kuryāt tasmiṃstīrthe yudhiṣṭhira / prītastasya bhaved vyāso vāñchitaṃ labhate phalam
Whoever makes a circumambulation at that tīrtha, O Yudhiṣṭhira, Vyāsa becomes pleased with him, and he obtains the fruit he desires.
AI translation rendered from the Sanskrit, not a published edition
KuP 2 39.27
ततो गच्छेत राजेन्द्र इक्षुनद्यास्तु संगमम् । त्रैलोक्यविश्रुतं पुण्यं तत्र सन्निहितः शिवः । तत्र स्तनात्वा नरो राजन् गाणपत्यमवाप्नुयात्
tato gaccheta rājendra ikṣunadyāstu saṃgamam / trailokyaviśrutaṃ puṇyaṃ tatra sannihitaḥ śivaḥ / tatra stanātvā naro rājan gāṇapatyamavāpnuyāt
Then, O best of kings, one should go to the confluence of the Ikṣu river, famed in the three worlds, holy; there Śiva is present. Having bathed there, O king, a man would attain the rank of a Gaṇa-lord.
AI translation rendered from the Sanskrit, not a published edition
KuP 2 39.28
स्कन्दतीर्थं ततो गच्छेत् सर्वपापप्रणाशनम् । आजन्मनः कृतं पापं स्नातस्तीव्रं व्यपोहति
skandatīrthaṃ tato gacchet sarvapāpapraṇāśanam / ājanmanaḥ kṛtaṃ pāpaṃ snātastīvraṃ vyapohati
Then one should go to Skandatīrtha, which destroys all sin; having bathed, he casts off the grievous sin committed since birth.
AI translation rendered from the Sanskrit, not a published edition
KuP 2 39.29
तत्र देवाः सगन्धर्वा भवात्मजमनुत्तमम् । उपासते महात्मानं स्कन्दं शक्तिधिरं प्रभुम्
tatra devāḥ sagandharvā bhavātmajamanuttamam / upāsate mahātmānaṃ skandaṃ śaktidhiraṃ prabhum
There the gods together with the gandharvas worship Bhava's (Śiva's) unsurpassed son, the great-souled lord Skanda, bearer of the spear.
AI translation rendered from the Sanskrit, not a published edition
KuP 2 39.30
ततो गच्छेदाङ्गिरसं स्नानं तत्र समाचरेत् । गोसहस्रफलं प्राप्य रुद्रलोकं स गच्छति
tato gacchedāṅgirasaṃ snānaṃ tatra samācaret / gosahasraphalaṃ prāpya rudralokaṃ sa gacchati
Then one should go to (the tīrtha) of Āṅgirasa and perform bathing there; having gained the reward of a thousand cows, he goes to the world of Rudra.
AI translation rendered from the Sanskrit, not a published edition
KuP 2 39.31
अङ्गिरा यत्र देवेशं ब्रह्मपुत्रो वृषध्वजम् । तपसाराध्य विश्वेशं लब्धवान् योगमुत्तमम्
aṅgirā yatra deveśaṃ brahmaputro vṛṣadhvajam / tapasārādhya viśveśaṃ labdhavān yogamuttamam
Where Aṅgiras, Brahmā's son, having propitiated by austerity the lord of gods, the bull-bannered lord of all, obtained the highest yoga.
AI translation rendered from the Sanskrit, not a published edition
KuP 2 39.32
कुशतीर्थं ततो गच्छेत् सर्वपापप्रणाशनम् । स्नानं तत्र प्रकुर्वोत अश्वमेधफलं लभेत्
kuśatīrthaṃ tato gacchet sarvapāpapraṇāśanam / snānaṃ tatra prakurvota aśvamedhaphalaṃ labhet
Then one should go to Kuśatīrtha, which destroys all sins; performing a bath there, one obtains the reward of a horse-sacrifice.
AI translation rendered from the Sanskrit, not a published edition
KuP 2 39.33
कोटितीर्थं ततो गच्छेत् सर्वपापप्रणाशनम् । तत्र स्त्रात्वा नरो राज्यं लभते नात्र संशयः
koṭitīrthaṃ tato gacchet sarvapāpapraṇāśanam / tatra strātvā naro rājyaṃ labhate nātra saṃśayaḥ
Then one should go to Koṭitīrtha, which destroys all sins; having bathed there a man obtains kingship — there is no doubt in this.
AI translation rendered from the Sanskrit, not a published edition
KuP 2 39.34
चन्द्रभागां ततो गच्छेत् स्नानं तत्र समाचरेत् । स्नातमात्रो नरस्तत्र सोमलोके महीयते
candrabhāgāṃ tato gacchet snānaṃ tatra samācaret / snātamātro narastatra somaloke mahīyate
Then one should go to the Candrabhāgā and perform bathing there; merely by bathing, a man is honoured there in the world of Soma.
AI translation rendered from the Sanskrit, not a published edition
KuP 2 39.35
नर्मदादक्षिणे कूले संगमेश्वरमुत्तमम् । तत्र स्नात्वा नरो राजन् सर्वयज्ञफलं लभेत्
narmadādakṣiṇe kūle saṃgameśvaramuttamam / tatra snātvā naro rājan sarvayajñaphalaṃ labhet
On the southern bank of the Narmadā is the excellent (shrine of) Saṃgameśvara; having bathed there, O king, a man obtains the reward of all sacrifices.
AI translation rendered from the Sanskrit, not a published edition
KuP 2 39.36
नर्मदायोत्तरे कूले तीर्थं परमशोभनम् । आदित्यायतनं रम्यमीश्वरेण तु भाषितम्
narmadāyottare kūle tīrthaṃ paramaśobhanam / ādityāyatanaṃ ramyamīśvareṇa tu bhāṣitam
On the northern bank of the Narmadā there is a most splendid tīrtha, the lovely abode of the Sun, so declared by the Lord (Śiva).
AI translation rendered from the Sanskrit, not a published edition
KuP 2 39.37
तत्र स्नात्वा तु राजेन्द्र दत्त्वा दानं तु शक्तितः । तस्य तीर्थप्रभावेण लभते चाक्षयं फलम्
tatra snātvā tu rājendra dattvā dānaṃ tu śaktitaḥ / tasya tīrthaprabhāveṇa labhate cākṣayaṃ phalam
Having bathed there, O best of kings, and having given a gift according to his ability, by the power of that tīrtha he obtains an imperishable reward.
AI translation rendered from the Sanskrit, not a published edition
KuP 2 39.38
दरिद्रा व्याधिता ये तु ये च दुष्कृतकारिणः । मुच्यन्ते सर्वपापेभ्यः सूर्यलोकं प्रयान्ति च
daridrā vyādhitā ye tu ye ca duṣkṛtakāriṇaḥ / mucyante sarvapāpebhyaḥ sūryalokaṃ prayānti ca
Those who are poor, those who are diseased, and those who do evil deeds are freed from all sins and go to the world of the Sun.
AI translation rendered from the Sanskrit, not a published edition
KuP 2 39.39
मार्गेश्वरं ततो गच्छेत् स्नानं तत्र समाचरेत् । स्नातमात्रो नरस्तत्र स्वर्गलोकमवाप्नुयात्
mārgeśvaraṃ tato gacchet snānaṃ tatra samācaret / snātamātro narastatra svargalokamavāpnuyāt
Then one should go to Mārgeśvara and perform bathing there; merely by bathing, a man would attain the world of heaven there.
AI translation rendered from the Sanskrit, not a published edition
KuP 2 39.40
ततः पश्चिमतो गच्छेन्मरुदालयमुत्तमम् । तत्र स्नात्वा तु राजेन्द्र शुचिर्भूत्वा प्रयत्नतः
tataḥ paścimato gacchenmarudālayamuttamam / tatra snātvā tu rājendra śucirbhūtvā prayatnataḥ
Then one should go westward to the excellent abode of the Maruts; having bathed there, O best of kings, and having become pure with care —
AI translation rendered from the Sanskrit, not a published edition
KuP 2 39.41
काञ्चनं तु द्विजो दद्याद् यथाविभवविस्तरम् । पुष्पकेण विमानेन वायुलोकं स गच्छति
kāñcanaṃ tu dvijo dadyād yathāvibhavavistaram / puṣpakeṇa vimānena vāyulokaṃ sa gacchati
— a twice-born should give gold in proportion to his wealth; he goes to the world of Vāyu in the Puṣpaka chariot.
AI translation rendered from the Sanskrit, not a published edition
KuP 2 39.42
ततो गच्छेत राजेन्द्र अहल्यातीर्थमुत्तमम् । स्नानमात्रादप्सरोभिर्मोदते कालमक्षयम्
tato gaccheta rājendra ahalyātīrthamuttamam / snānamātrādapsarobhirmodate kālamakṣayam
Then, O best of kings, one should go to the excellent Ahalyā-tīrtha; merely by bathing (there) one delights with the apsarases for endless time.
AI translation rendered from the Sanskrit, not a published edition
KuP 2 39.43
चैत्रमासे तु संप्राप्ते शुक्लपक्षे त्रयोदशी । कामदेवदिने तस्मिन्नहल्यां यस्तु पूजयेत्
caitramāse tu saṃprāpte śuklapakṣe trayodaśī / kāmadevadine tasminnahalyāṃ yastu pūjayet
When the month of Caitra has come, on the thirteenth of the bright fortnight, on that day of Kāmadeva, whoever worships Ahalyā —
AI translation rendered from the Sanskrit, not a published edition
KuP 2 39.44
यत्र तत्र नरोत्पन्नो वरस्तत्र प्रियो भवेत् । स्त्रीवल्लभो भवेच्छ्रीमान् कामदेव इवापरः
yatra tatra narotpanno varastatra priyo bhavet / strīvallabho bhavecchrīmān kāmadeva ivāparaḥ
— wherever that man is born, there he becomes an excellent, beloved one; he becomes dear to women, prosperous, like a second Kāmadeva.
AI translation rendered from the Sanskrit, not a published edition
KuP 2 39.45
अयोध्यां तु समासाद्य तीर्थं शक्रस्य विश्रुतम् । स्नातमात्रो नरस्तत्र गोसहस्रफलं लभेत्
ayodhyāṃ tu samāsādya tīrthaṃ śakrasya viśrutam / snātamātro narastatra gosahasraphalaṃ labhet
Reaching Ayodhyā, the famed tīrtha of Śakra, a man merely by bathing there obtains the reward of a thousand cows.
AI translation rendered from the Sanskrit, not a published edition
KuP 2 39.46
सोमतीर्थं ततो गच्छेत् स्नानं तत्र समाचरेत् । स्नातमात्रो नरस्तत्र सर्वपापैः प्रमुच्यते
somatīrthaṃ tato gacchet snānaṃ tatra samācaret / snātamātro narastatra sarvapāpaiḥ pramucyate
Then one should go to Somatīrtha and perform bathing there; merely by bathing, a man is released there from all sins.
AI translation rendered from the Sanskrit, not a published edition
KuP 2 39.47
सोमग्रहे तु राजेन्द्र पापक्षयकरं भवेत् । त्रैलोक्यविश्रुतं राजन् सोमतीर्थं महाफलम्
somagrahe tu rājendra pāpakṣayakaraṃ bhavet / trailokyaviśrutaṃ rājan somatīrthaṃ mahāphalam
At a lunar eclipse, O best of kings, it becomes destructive of sin; renowned in the three worlds, O king, is Somatīrtha of great fruit.
AI translation rendered from the Sanskrit, not a published edition
KuP 2 39.48
यस्तु चान्द्रायणं कुर्यात् तत्र तीर्थे समाहितः । सर्वपापविशुद्धात्मा सोमलोकं स गच्छति
yastu cāndrāyaṇaṃ kuryāt tatra tīrthe samāhitaḥ / sarvapāpaviśuddhātmā somalokaṃ sa gacchati
Whoever, concentrated, performs the cāndrāyaṇa (vow) at that tīrtha, his self purified of all sin, goes to the world of Soma.
AI translation rendered from the Sanskrit, not a published edition
KuP 2 39.49
अग्निप्रवेशं यः कुर्यात् सोमतीर्थे नराधिप । जले चानशनं वापि नासौ मर्त्यो ऽभिजायते
agnipraveśaṃ yaḥ kuryāt somatīrthe narādhipa / jale cānaśanaṃ vāpi nāsau martyo 'bhijāyate
He who enters the fire at the Soma-tīrtha, O lord of men, or (undertakes) fasting in the water, is not born mortal (again).
AI translation rendered from the Sanskrit, not a published edition
KuP 2 39.50
स्तम्भतीर्थं ततो गच्छेत् स्नानं तत्र समाचरेत् । स्नातमात्रो नरस्तत्र सोमलोके महीयते
stambhatīrthaṃ tato gacchet snānaṃ tatra samācaret / snātamātro narastatra somaloke mahīyate
Then he should go to Stambha-tīrtha and perform bathing there; merely by bathing, a man is honored there in the world of Soma.
AI translation rendered from the Sanskrit, not a published edition
KuP 2 39.51
ततो गच्छेत राजेन्द्र विष्णुतीर्थमनुत्तमम् । योधनीपुरमाख्यातं विष्णोः स्थानमनुत्तमम्
tato gaccheta rājendra viṣṇutīrthamanuttamam / yodhanīpuramākhyātaṃ viṣṇoḥ sthānamanuttamam
Then, O best of kings, one should go to the unsurpassed Viṣṇu-tīrtha, called Yodhanīpura, the supreme abode of Viṣṇu.
AI translation rendered from the Sanskrit, not a published edition
KuP 2 39.52
असुरा योधितास्तत्र वासुदेवेन कोटिशः । तत्र तीर्थं समुत्पन्नं विष्णुश्रीको भवेदिह । अहोरात्रोपवासेन ब्रह्महत्यां व्यपोहति
asurā yodhitāstatra vāsudevena koṭiśaḥ / tatra tīrthaṃ samutpannaṃ viṣṇuśrīko bhavediha / ahorātropavāsena brahmahatyāṃ vyapohati
There demons were fought by Vāsudeva by the tens of millions; there a tīrtha arose — here one becomes possessed of Viṣṇu's splendor; by fasting for a day and a night one removes (even) the killing of a brahmin.
AI translation rendered from the Sanskrit, not a published edition
KuP 2 39.53
नर्मदादक्षिणे कूले तीर्थं परमशोभनम् । कामतीर्थमिति ख्यातं यत्र कामोर्ऽचयद् भवम्
narmadādakṣiṇe kūle tīrthaṃ paramaśobhanam / kāmatīrthamiti khyātaṃ yatra kāmor'cayad bhavam
On the southern bank of the Narmadā there is a most splendid tīrtha, known as Kāma-tīrtha, where Kāma worshipped Bhava (Śiva).
AI translation rendered from the Sanskrit, not a published edition
KuP 2 39.54
तस्मिंस्तीर्थे नरः स्नात्वा उपवासपरायणः । कुसुमायुधरूपेण रुद्रोलोके महीयते
tasmiṃstīrthe naraḥ snātvā upavāsaparāyaṇaḥ / kusumāyudharūpeṇa rudroloke mahīyate
A man who has bathed in that tīrtha and is devoted to fasting is honored in Rudra's world in the form of the flower-arrowed one (Kāma).
AI translation rendered from the Sanskrit, not a published edition
KuP 2 39.55
ततो गच्छेत राजेन्द्र ब्रह्मतीर्थमनुत्तमम् । उमाहकमिति ख्यातं तत्र संतर्पयेत् पितॄन्
tato gaccheta rājendra brahmatīrthamanuttamam / umāhakamiti khyātaṃ tatra saṃtarpayet pitṝn
Then, O best of kings, one should go to the unsurpassed Brahma-tīrtha, known as Umāhaka; there one should satisfy the ancestors.
AI translation rendered from the Sanskrit, not a published edition
KuP 2 39.56
पौर्णमास्याममावास्यां श्र्धं कुर्याद् यथाविधि । गजरूपा शिला तत्र तोयमध्ये व्यवस्थिता
paurṇamāsyāmamāvāsyāṃ śrdhaṃ kuryād yathāvidhi / gajarūpā śilā tatra toyamadhye vyavasthitā
On the full-moon and on the new-moon day he should perform the śrāddha according to rule; there a stone in the shape of an elephant stands in the midst of the water.
AI translation rendered from the Sanskrit, not a published edition
KuP 2 39.57
तस्मिंस्तु दापयेत् पिण्डान् वैशाख्यान्तु विशेषतः । स्नात्वा समाहितमना दम्भमात्सर्यवर्जितः । तृप्यन्ति पितरस्तस्य यावत् तिष्ठति मेदिनी
tasmiṃstu dāpayet piṇḍān vaiśākhyāntu viśeṣataḥ / snātvā samāhitamanā dambhamātsaryavarjitaḥ / tṛpyanti pitarastasya yāvat tiṣṭhati medinī
On that (stone) he should offer the piṇḍas, especially on the full moon of Vaiśākha, having bathed, with concentrated mind, free of hypocrisy and envy; his ancestors are satisfied as long as the earth endures.
AI translation rendered from the Sanskrit, not a published edition
KuP 2 39.58
सिद्धेश्वरं ततो गच्छेत् स्नानं तत्र समाचरेत् । स्नातमात्रो नरस्तत्र गाणपत्यपदं लभेत्
siddheśvaraṃ tato gacchet snānaṃ tatra samācaret / snātamātro narastatra gāṇapatyapadaṃ labhet
Then he should go to Siddheśvara and perform bathing there; merely by bathing, a man there attains the station of the lord of Gaṇas.
AI translation rendered from the Sanskrit, not a published edition
KuP 2 39.59
ततो गच्छेत राजेन्द्र लिङ्गो यत्र जनार्दनः । तत्र स्नात्वा तु राजेन्द्र विष्णुलोके महीयते
tato gaccheta rājendra liṅgo yatra janārdanaḥ / tatra snātvā tu rājendra viṣṇuloke mahīyate
Then, O lord of kings, one should go where Janārdana is (present as) a liṅga; having bathed there, O lord of kings, one is honored in Viṣṇu's world.
AI translation rendered from the Sanskrit, not a published edition
KuP 2 39.60
यत्र नारायणो देवो मुनोनां भावितात्मनाम् । स्वात्मानं दर्शयामास लिङ्गं तत् परमं पदम्
yatra nārāyaṇo devo munonāṃ bhāvitātmanām / svātmānaṃ darśayāmāsa liṅgaṃ tat paramaṃ padam
Where the god Nārāyaṇa showed his own self to the sages of disciplined mind — that liṅga is the supreme abode.
AI translation rendered from the Sanskrit, not a published edition
KuP 2 39.61
अङ्कोलं तु ततो गच्छेत् सर्वपापविनाशनम् । स्नानं दानं च तत्रैव ब्राह्मणानां च भोजनम् । पिण्डप्रिदानं च कृतं प्रेत्यानन्तफलप्रदम्
aṅkolaṃ tu tato gacchet sarvapāpavināśanam / snānaṃ dānaṃ ca tatraiva brāhmaṇānāṃ ca bhojanam / piṇḍapridānaṃ ca kṛtaṃ pretyānantaphalapradam
Then one should go to Aṅkola, the destroyer of all sins; bathing and giving there, and the feeding of brahmins, and the offering of piṇḍas performed there, yield endless fruit after death.
AI translation rendered from the Sanskrit, not a published edition
KuP 2 39.62
त्रैयम्बकेन तोयेन यश्चरुं श्रपयेत् ततः । अङ्कोलमूले दद्याच्च पिण्डांश्चैव यथाविधि । तारिताः पितरस्तेन तृप्यन्त्याचन्द्रतारकम्
traiyambakena toyena yaścaruṃ śrapayet tataḥ / aṅkolamūle dadyācca piṇḍāṃścaiva yathāvidhi / tāritāḥ pitarastena tṛpyantyācandratārakam
He who then cooks the caru with the water of Tryambaka, and offers the piṇḍas at the root of the aṅkola tree according to rule — by him the ancestors are carried across and are satisfied as long as the moon and stars endure.
AI translation rendered from the Sanskrit, not a published edition
KuP 2 39.63
ततो गच्छेत राजेन्द्र तापसेश्वरमुत्तमम् । तत्र स्नात्वा तु राजेन्द्र प्राप्नुयात् तपसः फलम्
tato gaccheta rājendra tāpaseśvaramuttamam / tatra snātvā tu rājendra prāpnuyāt tapasaḥ phalam
Then, O lord of kings, one should go to the excellent Tāpaseśvara; having bathed there, O lord of kings, one would obtain the fruit of ascetic practice.
AI translation rendered from the Sanskrit, not a published edition
KuP 2 39.64
शुक्लतीर्थं ततो गच्छेत् सर्वपापविनाशनम् । नास्ति तेन सम तीर्थं नर्मदायां युधिष्ठिर
śuklatīrthaṃ tato gacchet sarvapāpavināśanam / nāsti tena sama tīrthaṃ narmadāyāṃ yudhiṣṭhira
Then one should go to Śukla-tīrtha, the destroyer of all sins; there is no tīrtha equal to it on the Narmadā, O Yudhiṣṭhira.
AI translation rendered from the Sanskrit, not a published edition
KuP 2 39.65
दर्शनात् स्पर्शनात् तस्य स्नानदानतपोजपात् । होमाच्चैवोपवासाच्च शुक्लतीर्थे महत् फलम्
darśanāt sparśanāt tasya snānadānatapojapāt / homāccaivopavāsācca śuklatīrthe mahat phalam
From seeing it, from touching it, from bathing, giving, austerity and muttering (of prayers), and from oblation and fasting, there is great fruit at Śukla-tīrtha.
AI translation rendered from the Sanskrit, not a published edition
KuP 2 39.66
योजनं तत् स्मृतं क्षेत्रं देवगन्धर्वसेवितम् । शुक्लतीर्थमिति ख्यातं सर्वपापविनाशनम्
yojanaṃ tat smṛtaṃ kṣetraṃ devagandharvasevitam / śuklatīrthamiti khyātaṃ sarvapāpavināśanam
That sacred field is reckoned (to extend) a yojana, frequented by gods and gandharvas; it is known as Śukla-tīrtha, the destroyer of all sins.
AI translation rendered from the Sanskrit, not a published edition
KuP 2 39.67
पादपाग्रेण दृष्टेन ब्रह्महत्यां व्यपोहति । देव्या सह सदा भर्गस्तत्र तिष्ठति शङ्करः
pādapāgreṇa dṛṣṭena brahmahatyāṃ vyapohati / devyā saha sadā bhargastatra tiṣṭhati śaṅkaraḥ
By (its) being seen (even) by the top of a tree, one removes the killing of a brahmin; there Bharga Śaṅkara ever dwells together with the Goddess.
AI translation rendered from the Sanskrit, not a published edition — the model flagged this verse as uncertain
KuP 2 39.68
कृष्णपक्षे चतुर्दश्यां वैशाखे मासि सुव्रत । कैलासाच्चाभिनिष्क्रम्य तत्र सन्निहितो हरः
kṛṣṇapakṣe caturdaśyāṃ vaiśākhe māsi suvrata / kailāsāccābhiniṣkramya tatra sannihito haraḥ
On the fourteenth of the dark fortnight in the month of Vaiśākha, O you of good vows, Hara, having set out from Kailāsa, is present there.
AI translation rendered from the Sanskrit, not a published edition
KuP 2 39.69
देवदानवगन्धर्वाः सिद्धविद्याधरास्तथा । गणाश्चाप्सरसां नागास्तत्र तिष्ठन्ति पुङ्गव
devadānavagandharvāḥ siddhavidyādharāstathā / gaṇāścāpsarasāṃ nāgāstatra tiṣṭhanti puṅgava
Gods, dānavas and gandharvas, siddhas and vidyādharas likewise, the gaṇas, and the nāgas of the apsarases dwell there, O bull (among men).
AI translation rendered from the Sanskrit, not a published edition
KuP 2 39.70
रजकेन यथा वस्त्रं शुक्लं भवति वारिणा । आजन्मनि कृतं पापं शुक्लतीर्थे व्यपोहति । स्नानं दानं तपः श्राद्धमनन्तं तत्र दृश्यते
rajakena yathā vastraṃ śuklaṃ bhavati vāriṇā / ājanmani kṛtaṃ pāpaṃ śuklatīrthe vyapohati / snānaṃ dānaṃ tapaḥ śrāddhamanantaṃ tatra dṛśyate
As a garment is made white by a washerman with water, so at Śuklatīrtha (the water) washes away sin committed since birth. Bathing, giving, austerity and śrāddha (performed) there are seen to be endless (in fruit).
AI translation rendered from the Sanskrit, not a published edition
KuP 2 39.71
शुक्लतीर्थात् परं तीर्थं न भूतं न भविष्यति । पूर्वे वयसि कर्माणि कृत्वा पापानि मानवः । अहोरात्रोपवासेन शुक्लतीर्थे व्यपोहति
śuklatīrthāt paraṃ tīrthaṃ na bhūtaṃ na bhaviṣyati / pūrve vayasi karmāṇi kṛtvā pāpāni mānavaḥ / ahorātropavāsena śuklatīrthe vyapohati
There has not been, nor will there be, a tīrtha superior to Śuklatīrtha. A man who has done sinful deeds in his earlier years washes them away at Śuklatīrtha by fasting for a day and a night.
AI translation rendered from the Sanskrit, not a published edition
KuP 2 39.72
कार्तिकस्य तु मासस्य कृष्णपक्षे चतुर्दशी । घृतेन स्नापयेद् देवमुपोष्य परमेश्वरम् । एकविंशत्कुलोपेतो न च्यवेदैश्वरात् पदात्
kārtikasya tu māsasya kṛṣṇapakṣe caturdaśī / ghṛtena snāpayed devamupoṣya parameśvaram / ekaviṃśatkulopeto na cyavedaiśvarāt padāt
But on the fourteenth of the dark fortnight of the month of Kārttika, having fasted, one should bathe the god, the supreme lord, with ghee; together with twenty-one generations of his family he will not fall from the state of Īśvara.
AI translation rendered from the Sanskrit, not a published edition
KuP 2 39.73
तपसा ब्रह्मचर्येण यज्ञदानेन वा पुनः । न तां गतिमवाप्नोति शुक्लतीर्थे तु यां लभेत्
tapasā brahmacaryeṇa yajñadānena vā punaḥ / na tāṃ gatimavāpnoti śuklatīrthe tu yāṃ labhet
By austerity, by chastity, or again by sacrifice and giving, one does not attain that goal which one may obtain at Śuklatīrtha.
AI translation rendered from the Sanskrit, not a published edition
KuP 2 39.74
शुक्लतीर्थं महातीर्थमृषिसिद्धनिषेवितम् । तत्र स्नात्वा नरो राजन् पुनर्जन्म न विन्दति
śuklatīrthaṃ mahātīrthamṛṣisiddhaniṣevitam / tatra snātvā naro rājan punarjanma na vindati
Śuklatīrtha is a great tīrtha, frequented by seers and siddhas; having bathed there, O king, a man does not meet with birth again.
AI translation rendered from the Sanskrit, not a published edition
KuP 2 39.75
अयने वा चतुर्दश्यां संक्रान्तौ विषुवे तथा । स्नात्वा तु सोपवासः सन् विजितात्मा समाहितः
ayane vā caturdaśyāṃ saṃkrāntau viṣuve tathā / snātvā tu sopavāsaḥ san vijitātmā samāhitaḥ
Or (bathing) at a solstice, on the fourteenth, at a saṃkrānti, or at an equinox, having bathed and while fasting, self-controlled and concentrated —
AI translation rendered from the Sanskrit, not a published edition
KuP 2 39.76
दानं दद्याद् यथाशक्ति प्रीयेतां हरिशङ्करौ । एतत् तीर्थप्रभावेण सर्वं भवति चाक्षयम्
dānaṃ dadyād yathāśakti prīyetāṃ hariśaṅkarau / etat tīrthaprabhāveṇa sarvaṃ bhavati cākṣayam
— he should give a gift according to his ability; (thereby) Hari and Śaṅkara are both pleased. By the power of this tīrtha all (this) becomes imperishable.
AI translation rendered from the Sanskrit, not a published edition
KuP 2 39.77
अनाथं दुर्गतं विप्रं नाथवन्तमथापि वा । उद्वादयति यस्तीर्थे तस्य पुण्यफलं शृणु
anāthaṃ durgataṃ vipraṃ nāthavantamathāpi vā / udvādayati yastīrthe tasya puṇyaphalaṃ śṛṇu
He who at this tīrtha gets married a brahmin who is without a protector and in distress, or even one who has a protector — hear the fruit of his merit.
AI translation rendered from the Sanskrit, not a published edition — the model flagged this verse as uncertain
KuP 2 39.78
यावत् तद्रोमसंख्या तु तत्प्रसूतिकुलेषु च । तावद् वर्षसहस्राणि रुद्रलोके महीयते
yāvat tadromasaṃkhyā tu tatprasūtikuleṣu ca / tāvad varṣasahasrāṇi rudraloke mahīyate
As many as is the number of hairs on him and in the families of his offspring, for so many thousands of years he is honoured in the world of Rudra.
AI translation rendered from the Sanskrit, not a published edition
KuP 2 39.79
ततो गच्छेत राजेन्द्र यमतीर्थ मनुत्तमम् । कृष्णपक्षे चतुर्दश्यां माघमासे युधिष्ठिर । स्नानं कृत्वा नक्तभीजी न पश्येद् योनिसङ्कटम्
tato gaccheta rājendra yamatīrtha manuttamam / kṛṣṇapakṣe caturdaśyāṃ māghamāse yudhiṣṭhira / snānaṃ kṛtvā naktabhījī na paśyed yonisaṅkaṭam
Then, O lord of kings, one should go to Yamatīrtha, the most excellent; on the fourteenth of the dark fortnight in the month of Māgha, O Yudhiṣṭhira, having bathed and eating only at night, one will not see the strait of the womb.
AI translation rendered from the Sanskrit, not a published edition
KuP 2 39.80
ततो गच्छेत राजेन्द्र एरण्डीतीर्थमुत्तमम् । संगमे तु नरः स्नायादुपवासपरायणः । ब्राह्मणं भोजयेदेकं कोटिर्भवति भोजिताः
tato gaccheta rājendra eraṇḍītīrthamuttamam / saṃgame tu naraḥ snāyādupavāsaparāyaṇaḥ / brāhmaṇaṃ bhojayedekaṃ koṭirbhavati bhojitāḥ
Then, O lord of kings, one should go to the excellent Eraṇḍītīrtha; at the confluence a man should bathe, devoted to fasting; should he feed a single brahmin, it becomes as though a crore had been fed.
AI translation rendered from the Sanskrit, not a published edition
KuP 2 39.81
एरण्डीसंगमे स्नात्वा भक्तिभावात् तुरञ्जितः । मृत्तिकां शिरसि स्थाप्य अवगाह्य च तज्जलम् । नर्मदोदकसंमिश्रं मुच्यते सर्वकिल्बिषैः
eraṇḍīsaṃgame snātvā bhaktibhāvāt turañjitaḥ / mṛttikāṃ śirasi sthāpya avagāhya ca tajjalam / narmadodakasaṃmiśraṃ mucyate sarvakilbiṣaiḥ
Having bathed at the confluence of the Eraṇḍī, urged on by a feeling of devotion, placing the clay on his head and plunging into that water mingled with the water of the Narmadā, he is freed from all defilements.
AI translation rendered from the Sanskrit, not a published edition
KuP 2 39.82
ततो गच्छेत राजेन्द्र तीर्थं कार्णाटिकेश्वरम् । गङ्गावतरते तत्र दिने पुण्ये न संशयः
tato gaccheta rājendra tīrthaṃ kārṇāṭikeśvaram / gaṅgāvatarate tatra dine puṇye na saṃśayaḥ
Then, O lord of kings, one should go to the tīrtha Kārṇāṭikeśvara; there the Gaṅgā descends on the holy day, (of this there is) no doubt.
AI translation rendered from the Sanskrit, not a published edition
KuP 2 39.83
तत्र स्नात्वा च पीत्वा च दत्त्वा चैव यथाविधि । सर्वपापविनिर्मुक्तो ब्रह्मलोके महीयते
tatra snātvā ca pītvā ca dattvā caiva yathāvidhi / sarvapāpavinirmukto brahmaloke mahīyate
Having bathed there, and drunk (the water), and given (gifts) according to rule, one is freed from all sins and is honoured in the world of Brahmā.
AI translation rendered from the Sanskrit, not a published edition
KuP 2 39.84
नन्दितीर्थं ततो गच्छेत् स्नानं तत्र समाचरेत् । प्रीयते तस्य नन्दीशः सोमलोके महीयते
nanditīrthaṃ tato gacchet snānaṃ tatra samācaret / prīyate tasya nandīśaḥ somaloke mahīyate
Then one should go to Nanditīrtha and perform a bath there; Nandīśa is pleased with him, and he is honoured in the world of Soma.
AI translation rendered from the Sanskrit, not a published edition
KuP 2 39.85
ततो गच्छेत राजेन्द्र तीर्थं त्वनरकं शुभम् । तत्र स्नात्वा नरो राजन् नरकं नैव पश्यति
tato gaccheta rājendra tīrthaṃ tvanarakaṃ śubham / tatra snātvā naro rājan narakaṃ naiva paśyati
Then, O lord of kings, one should go to the auspicious tīrtha called Anaraka; having bathed there, O king, a man does not see hell at all.
AI translation rendered from the Sanskrit, not a published edition
KuP 2 39.86
तस्मिंस्तीर्थे तु राजेन्द्र स्वान्यस्थीनि विनिक्षिपेत् । रूपवान् जायते लोके धनभोगसमन्वितः
tasmiṃstīrthe tu rājendra svānyasthīni vinikṣipet / rūpavān jāyate loke dhanabhogasamanvitaḥ
And at that tīrtha, O lord of kings, one should deposit one's own bones; (such a one) is born in the world handsome, endowed with wealth and enjoyments.
AI translation rendered from the Sanskrit, not a published edition
KuP 2 39.87
ततो गच्छेत राजेन्द्र कपिलातीर्थ मुत्तमम् । तत्र स्नात्वा नरो राजन् गोसहस्रफलं लभेत्
tato gaccheta rājendra kapilātīrtha muttamam / tatra snātvā naro rājan gosahasraphalaṃ labhet
Then, O lord of kings, one should go to the excellent Kapilātīrtha; having bathed there, O king, a man obtains the fruit of (giving) a thousand cows.
AI translation rendered from the Sanskrit, not a published edition
KuP 2 39.88
ज्येष्ठमासे तु संप्राप्ते चतुर्दश्यां विशेषतः । तत्रोपोष्य नरो भक्त्या दद्याद् दीपं घृतेन तु
jyeṣṭhamāse tu saṃprāpte caturdaśyāṃ viśeṣataḥ / tatropoṣya naro bhaktyā dadyād dīpaṃ ghṛtena tu
And when the month of Jyeṣṭha has come, on the fourteenth especially, a man should fast there and with devotion offer a lamp with ghee.
AI translation rendered from the Sanskrit, not a published edition
KuP 2 39.89
घृतेन स्नापयेद् रुद्रं सघृतं श्रीफलं दहेत् । घण्टाभरणसंयुक्तां कपिलां वै प्रदापयेत्
ghṛtena snāpayed rudraṃ saghṛtaṃ śrīphalaṃ dahet / ghaṇṭābharaṇasaṃyuktāṃ kapilāṃ vai pradāpayet
He should bathe Rudra with ghee and burn a bilva fruit together with ghee; and he should give away a tawny (cow) fitted with a bell as its ornament.
AI translation rendered from the Sanskrit, not a published edition
KuP 2 39.90
सर्वाभरणसंयुक्तः सर्वदेवनमस्कृतः । शिवतुल्यबलो भूत्वा शिववत् क्रीडते चिरम्
sarvābharaṇasaṃyuktaḥ sarvadevanamaskṛtaḥ / śivatulyabalo bhūtvā śivavat krīḍate ciram
Fitted out with every ornament, saluted by all the gods, having become equal in strength to Śiva, he plays for a long time like Śiva.
AI translation rendered from the Sanskrit, not a published edition
KuP 2 39.91
अङ्गारकदिने प्राप्ते चतुर्थ्यां तु विशेषतः । स्नापयित्वा शिवं दद्याद् ब्राह्मणेभ्यस्तु भोजनम्
aṅgārakadine prāpte caturthyāṃ tu viśeṣataḥ / snāpayitvā śivaṃ dadyād brāhmaṇebhyastu bhojanam
When the day of Mars arrives, and especially on the fourth (lunar day), having bathed Śiva (in the image), he should give food to brahmins.
AI translation rendered from the Sanskrit, not a published edition
KuP 2 39.92
सर्वभोगसमायुक्तो विमानैः सार्वकामिकैः । गत्वा शक्रस्य भवनं शक्रेण सह मोदते
sarvabhogasamāyukto vimānaiḥ sārvakāmikaiḥ / gatvā śakrasya bhavanaṃ śakreṇa saha modate
Endowed with every enjoyment, with celestial cars that grant all desires, having gone to Śakra's dwelling he rejoices together with Śakra.
AI translation rendered from the Sanskrit, not a published edition
KuP 2 39.93
ततः स्वर्गात् परिभ्रष्टो धनवान् भोगवान् भवेत् । अङ्गारकनवम्यां तु अमावास्यां तथैव च । स्नापयेत् तत्र यत्नेन रूपवान् सुभगो भवेत्
tataḥ svargāt paribhraṣṭo dhanavān bhogavān bhavet / aṅgārakanavamyāṃ tu amāvāsyāṃ tathaiva ca / snāpayet tatra yatnena rūpavān subhago bhavet
Then, fallen from heaven, he becomes wealthy and full of enjoyments. And on the Mars-ninth (day), and likewise on the new-moon day, he should there diligently bathe (the god); he becomes handsome and fortunate.
AI translation rendered from the Sanskrit, not a published edition
KuP 2 39.94
ततो गच्छेत राजेन्द्र गणेश्वरमनुत्तमम् । श्रावणे मासी संप्राप्ते कृष्णपक्षे चतुर्दशी
tato gaccheta rājendra gaṇeśvaramanuttamam / śrāvaṇe māsī saṃprāpte kṛṣṇapakṣe caturdaśī
Then, best of kings, one should go to the unsurpassed Gaṇeśvara, when the month of Śrāvaṇa has come, on the fourteenth of the dark fortnight.
AI translation rendered from the Sanskrit, not a published edition
KuP 2 39.95
स्नातमात्रो नरस्तत्र रुद्रलोके महीयते । पितॄणां तर्पणं कृत्वा मुच्यते ऽसावॄणत्रयात्
snātamātro narastatra rudraloke mahīyate / pitṝṇāṃ tarpaṇaṃ kṛtvā mucyate 'sāvṝṇatrayāt
A man who has merely bathed there is honoured in Rudra's world; and having made the libation to the ancestors, he is freed from the three debts.
AI translation rendered from the Sanskrit, not a published edition
KuP 2 39.96
गङ्गेश्वरसमीपे तु गङ्गावदनमुत्तमम् । अकामो वा सकामो वा तत्र स्नात्वा तु मानवः । आजन्मजनितैः पापैर्मुच्यते नात्र संशयः
gaṅgeśvarasamīpe tu gaṅgāvadanamuttamam / akāmo vā sakāmo vā tatra snātvā tu mānavaḥ / ājanmajanitaiḥ pāpairmucyate nātra saṃśayaḥ
Near Gaṅgeśvara is the excellent Gaṅgāvadana; whether without desire or with desire, a man who bathes there is freed from the sins committed since birth — there is no doubt of this.
AI translation rendered from the Sanskrit, not a published edition
KuP 2 39.97
तस्य वै पश्चिमे देशे समीपे नातिदूरतः । दशाश्वमेधिकं तीर्थं त्रिषु लोकेषु विश्रुतम्
tasya vai paścime deśe samīpe nātidūrataḥ / daśāśvamedhikaṃ tīrthaṃ triṣu lokeṣu viśrutam
To the west of that place, nearby, not too far off, is the Daśāśvamedhika ford, renowned in the three worlds.
AI translation rendered from the Sanskrit, not a published edition
KuP 2 39.98
उपोष्य रजनीमेकां मासि भाद्रपदे शुभे । अमावस्यां नरः स्नात्वा पूजयेद् वृषभध्वजम्
upoṣya rajanīmekāṃ māsi bhādrapade śubhe / amāvasyāṃ naraḥ snātvā pūjayed vṛṣabhadhvajam
Having fasted for one night in the auspicious month of Bhādrapada, a man should bathe on the new-moon day and worship the bull-bannered (god).
AI translation rendered from the Sanskrit, not a published edition
KuP 2 39.99
काञ्चनेन विमानेन किङ्किणीजालमालिना । गत्वा रुद्रपुरं रम्यं रुद्रेण सह मोदते
kāñcanena vimānena kiṅkiṇījālamālinā / gatvā rudrapuraṃ ramyaṃ rudreṇa saha modate
By a golden aerial car garlanded with a net of small bells, having gone to the delightful city of Rudra, he rejoices together with Rudra.
AI translation rendered from the Sanskrit, not a published edition
KuP 2 39.100
सर्वत्र सर्वदिवसे स्नानं तत्र समाचरेत् । पितॄणां तर्पणं कुर्यादश्वमेधफलं लभेत्
sarvatra sarvadivase snānaṃ tatra samācaret / pitṝṇāṃ tarpaṇaṃ kuryādaśvamedhaphalaṃ labhet
Everywhere and on every day one should perform bathing there; he should make the libation to the ancestors, and he obtains the fruit of a horse-sacrifice.
AI translation rendered from the Sanskrit, not a published edition