Kurma Purana — Upari Vibhaga — Chapter 35

KuP 2 35.1

सूत उवाच अन्यत् पवित्रं विपुलं तीर्थं त्रैलोक्यविश्रुतम् । रुद्रकोटिरिति ख्यातं रुद्रस्य परमेष्ठिनः

sūta uvāca anyat pavitraṃ vipulaṃ tīrthaṃ trailokyaviśrutam / rudrakoṭiriti khyātaṃ rudrasya parameṣṭhinaḥ

Sūta said: There is another holy, extensive sacred ford, famed in the three worlds, known as Rudrakoṭi, (the ford) of Rudra the supreme lord.

AI translation rendered from the Sanskrit, not a published edition

KuP 2 35.2

पुरा पुण्यतमे काले देवदर्शनतत्पराः । कोटिब्रह्मर्षयो दान्तास्तं देशमगमन् परम्

purā puṇyatame kāle devadarśanatatparāḥ / koṭibrahmarṣayo dāntāstaṃ deśamagaman param

Formerly, in a most auspicious age, ten million self-controlled brahmin sages, intent on seeing the god, went to that excellent place.

AI translation rendered from the Sanskrit, not a published edition

KuP 2 35.3

अहं द्रक्ष्यामि गिरिशं पूर्वमेव पिनाकिनम् । अन्यो ऽन्यं भक्तियुक्तानां व्याघातो जायते किल

ahaṃ drakṣyāmi giriśaṃ pūrvameva pinākinam / anyo 'nyaṃ bhaktiyuktānāṃ vyāghāto jāyate kila

"I shall see the mountain-dweller, the bearer of the Pināka, first of all" — thus among those filled with devotion a mutual contention arose.

AI translation rendered from the Sanskrit, not a published edition

KuP 2 35.4

तेषां भक्तिं तदा दृष्ट्वा गिरिशो योगिनां गुरुः । कोटिरूपो ऽभवद् रुद्रो रुद्रकोटिस्ततः स्मृतः

teṣāṃ bhaktiṃ tadā dṛṣṭvā giriśo yogināṃ guruḥ / koṭirūpo 'bhavad rudro rudrakoṭistataḥ smṛtaḥ

Then, seeing their devotion, Giriśa, the teacher of yogins, Rudra, became ten million forms; hence it is remembered as Rudrakoṭi.

AI translation rendered from the Sanskrit, not a published edition

KuP 2 35.5

ते स्म सर्वे महादेवं हरं गिरिगुहाशयम् । पश्यन्तः पार्वतीनाथं हृष्टपुष्टधियो ऽभवन्

te sma sarve mahādevaṃ haraṃ giriguhāśayam / paśyantaḥ pārvatīnāthaṃ hṛṣṭapuṣṭadhiyo 'bhavan

All of them, beholding Mahādeva, Hara, who dwells in mountain caves, the lord of Pārvatī, became delighted and full in mind.

AI translation rendered from the Sanskrit, not a published edition

KuP 2 35.6

अनाद्यन्तं महादेवं पूर्वमेवाहमीश्वरम् । दृष्टवानिति भक्त्या ते रुद्रन्यस्तधियो ऽभवन्

anādyantaṃ mahādevaṃ pūrvamevāhamīśvaram / dṛṣṭavāniti bhaktyā te rudranyastadhiyo 'bhavan

"I have seen Mahādeva, the Lord without beginning or end, first of all" — thus with devotion they became ones whose minds were fixed on Rudra.

AI translation rendered from the Sanskrit, not a published edition

KuP 2 35.7

अथान्तरिक्षे विमलं पश्यन्ति स्म महत्तरम् । ज्योतिस्तत्रैव ते सर्वे ऽभिलषन्तः परं पदम्

athāntarikṣe vimalaṃ paśyanti sma mahattaram / jyotistatraiva te sarve 'bhilaṣantaḥ paraṃ padam

Then in the sky they saw a spotless, very great light; and there itself they all longed for the supreme state.

AI translation rendered from the Sanskrit, not a published edition

KuP 2 35.8

एतत् सदेशाध्युषितं तीर्थं पुण्यतमं शुभम् । दृष्ट्वा रुद्रं समभ्यर्च्य रुद्रसामीप्यमाप्नुयात्

etat sadeśādhyuṣitaṃ tīrthaṃ puṇyatamaṃ śubham / dṛṣṭvā rudraṃ samabhyarcya rudrasāmīpyamāpnuyāt

Having seen this most holy and auspicious sacred place, inhabited together with its region, and having duly worshipped Rudra, one would attain nearness to Rudra.

AI translation rendered from the Sanskrit, not a published edition — the model flagged this verse as uncertain

KuP 2 35.9

अन्यच्च तीर्थप्रवरं नाम्ना मधुवनं स्मृतम् । तत्र गत्वा नियमवानिन्द्रस्यार्धासनं लभेत्

anyacca tīrthapravaraṃ nāmnā madhuvanaṃ smṛtam / tatra gatvā niyamavānindrasyārdhāsanaṃ labhet

And another excellent sacred place is known by the name Madhuvana; going there, one who keeps the observances would obtain half of Indra's seat.

AI translation rendered from the Sanskrit, not a published edition

KuP 2 35.10

अथान्यत्पुष्पनगरी देशः पुण्यतमः शुभः । तत्र गत्वा पितॄन् पूज्य कुलानां तारयेच्छतम्

athānyatpuṣpanagarī deśaḥ puṇyatamaḥ śubhaḥ / tatra gatvā pitṝn pūjya kulānāṃ tārayecchatam

Then another region, most holy and auspicious, is Puṣpanagarī; going there and honouring the ancestors, one would carry a hundred family lines across.

AI translation rendered from the Sanskrit, not a published edition

KuP 2 35.11

कालञ्जरं महातीर्थं लोके रुद्रो महेश्वरः । कालं जरितवान् देवो यत्र भक्तिप्रियो हरः

kālañjaraṃ mahātīrthaṃ loke rudro maheśvaraḥ / kālaṃ jaritavān devo yatra bhaktipriyo haraḥ

Kālañjara is a great sacred place—in the world Rudra is Maheśvara—where the god Hara, who is fond of devotion, wore down (i.e. destroyed) Kāla (Death).

AI translation rendered from the Sanskrit, not a published edition — the model flagged this verse as uncertain

KuP 2 35.12

श्वेतो नाम शिवे भक्तो राजर्षिप्रवरः पुरा । तदाशीस्तन्नमस्कारः पूजयामास शूलिनम्

śveto nāma śive bhakto rājarṣipravaraḥ purā / tadāśīstannamaskāraḥ pūjayāmāsa śūlinam

Formerly there was one named Śveta, devoted to Śiva, the foremost of royal sages; with blessings to him and obeisance to him, he worshipped the bearer of the trident.

AI translation rendered from the Sanskrit, not a published edition — the model flagged this verse as uncertain

KuP 2 35.13

संस्थाप्य विधिना लिङ्गं भक्तियोगपुरः सरः । जजाप रुद्रमनिशं तत्र संन्यस्तमानसः

saṃsthāpya vidhinā liṅgaṃ bhaktiyogapuraḥ saraḥ / jajāpa rudramaniśaṃ tatra saṃnyastamānasaḥ

Having installed a liṅga according to rule, putting the discipline of devotion first, he muttered (the name of) Rudra there ceaselessly, his mind wholly surrendered.

AI translation rendered from the Sanskrit, not a published edition

KuP 2 35.14

स तं कालो ऽथ दीप्तात्मा शूलमादाय भीषणम् । नेतुमभ्यागतो देशं स राजा यत्र तिष्ठति

sa taṃ kālo 'tha dīptātmā śūlamādāya bhīṣaṇam / netumabhyāgato deśaṃ sa rājā yatra tiṣṭhati

Then Kāla, of blazing self, taking up his terrifying spear, came to that place where the king was, to lead him away.

AI translation rendered from the Sanskrit, not a published edition

KuP 2 35.15

वीक्ष्य राजा भयाविष्टः शूलहस्तं समागतम् । कालं कालकरं घोरं भीषणं चण्डदीधितिम्

vīkṣya rājā bhayāviṣṭaḥ śūlahastaṃ samāgatam / kālaṃ kālakaraṃ ghoraṃ bhīṣaṇaṃ caṇḍadīdhitim

The king, seized with fear, seeing Kāla come with spear in hand—the maker of the end, dreadful, terrifying, of fierce radiance—

AI translation rendered from the Sanskrit, not a published edition

KuP 2 35.16

उबाभ्यामथ हस्ताभ्यां स्पृट्वासौ लिङ्गमैश्वरम् । ननाम शिरसा रुद्रं जजाप शतरुद्रियम्

ubābhyāmatha hastābhyāṃ spṛṭvāsau liṅgamaiśvaram / nanāma śirasā rudraṃ jajāpa śatarudriyam

then, touching the liṅga of the Lord with both hands, he bowed his head to Rudra and recited the Śatarudriya.

AI translation rendered from the Sanskrit, not a published edition

KuP 2 35.17

जपन्तमाह राजानं नमन्तमसकृद् भवम् । एह्येहीति पुरः स्थित्वा कृतान्तः प्रहसन्निव

japantamāha rājānaṃ namantamasakṛd bhavam / ehyehīti puraḥ sthitvā kṛtāntaḥ prahasanniva

Standing before the king, who was muttering and bowing again and again to Bhava, the Ender said, as if laughing, "Come, come!"

AI translation rendered from the Sanskrit, not a published edition

KuP 2 35.18

तमुवाच भयाविष्टो राजा रुद्रपरायणः । एकमीशार्चनरतं विहायान्यं निषूदय

tamuvāca bhayāviṣṭo rājā rudraparāyaṇaḥ / ekamīśārcanarataṃ vihāyānyaṃ niṣūdaya

The king, seized with fear and wholly devoted to Rudra, said to him: "Leaving aside one who is intent on worshipping the Lord, slay another."

AI translation rendered from the Sanskrit, not a published edition

KuP 2 35.19

इत्युक्तवन्तं भगवानब्रवीद् भीतमानसम् । रुद्रार्चनरतो वान्यो मद्वशे को न तिष्ठति

ityuktavantaṃ bhagavānabravīd bhītamānasam / rudrārcanarato vānyo madvaśe ko na tiṣṭhati

To him who had spoken thus, terrified in mind, the Lord (Kāla) said: "Who, even one intent on the worship of Rudra, does not stand in my power?"

AI translation rendered from the Sanskrit, not a published edition

KuP 2 35.20

एवमुक्त्वा स राजानं कालो लोकप्रकालनः । बबन्ध पाशै राजापि जजाप शतरुद्रियम्

evamuktvā sa rājānaṃ kālo lokaprakālanaḥ / babandha pāśai rājāpi jajāpa śatarudriyam

Having spoken thus, Kāla, the destroyer of the worlds, bound the king with his nooses; and the king too went on reciting the Śatarudriya.

AI translation rendered from the Sanskrit, not a published edition

KuP 2 35.21

अथान्तरिक्षे विमलं दीप्यमानं तेजोराशिं भूतभर्तुः पुराणम् । ज्वालामालासंवृतं व्याप्य विश्वं प्रादुर्भूतं संस्थितं संददर्श

athāntarikṣe vimalaṃ dīpyamānaṃ tejorāśiṃ bhūtabhartuḥ purāṇam / jvālāmālāsaṃvṛtaṃ vyāpya viśvaṃ prādurbhūtaṃ saṃsthitaṃ saṃdadarśa

Then in the sky he beheld the spotless, blazing, ancient mass of splendour of the Lord of beings, wreathed in garlands of flame, pervading the universe, manifested and standing there.

AI translation rendered from the Sanskrit, not a published edition

KuP 2 35.22

तन्मध्ये ऽसौ पुरुषं रुक्मवर्णं देव्या देवं चन्द्रलेखोज्ज्वलाङ्गम् । तेजोरूपं पश्यति स्मातिहृष्टो मेने चास्मन्नाथ आगच्छतीति

tanmadhye 'sau puruṣaṃ rukmavarṇaṃ devyā devaṃ candralekhojjvalāṅgam / tejorūpaṃ paśyati smātihṛṣṭo mene cāsmannātha āgacchatīti

In the midst of it he saw the Person of golden hue, the god with the Goddess, his body radiant as the crescent moon, whose form is pure light; and, greatly delighted, he thought, "Our Lord is coming!"

AI translation rendered from the Sanskrit, not a published edition

KuP 2 35.23

आगच्छन्तं नातिदूरे ऽथ दृष्ट्वा कालो रुद्रं देवदेव्या महेशम् । व्यपेतभीरखिलेशैकनाथं राजर्षिस्तं नेतुमभ्याजगाम

āgacchantaṃ nātidūre 'tha dṛṣṭvā kālo rudraṃ devadevyā maheśam / vyapetabhīrakhileśaikanāthaṃ rājarṣistaṃ netumabhyājagāma

Then, seeing Rudra, Maheśa, coming with the God's Goddess not far off, Kāla, his fear gone, approached to carry off that royal sage, the sole Lord of the lord of all.

AI translation rendered from the Sanskrit, not a published edition — the model flagged this verse as uncertain

KuP 2 35.24

आलोक्यासौ भगवानुग्रकर्मा देवो रुद्रो भूतभर्ता पुराणः । एकं भक्तं मत्परं मां स्मरन्तं देहीतीमं कालमूचे ममेति

ālokyāsau bhagavānugrakarmā devo rudro bhūtabhartā purāṇaḥ / ekaṃ bhaktaṃ matparaṃ māṃ smarantaṃ dehītīmaṃ kālamūce mameti

Seeing (this), the Lord of fierce deeds, the god Rudra, the ancient sustainer of beings, said to that Kāla: "Give up this one devotee of mine, devoted to me, remembering me—he is mine."

AI translation rendered from the Sanskrit, not a published edition

KuP 2 35.25

श्रुत्वा वाख्यं गोपतेरुग्रभावः कालात्मासौ मन्यमानः स्वभावम् । बद्ध्वा भक्तं पुनरेवाथ पाशैः क्रुद्धो रुद्रमभिदुद्राव वेगात्

śrutvā vākhyaṃ gopaterugrabhāvaḥ kālātmāsau manyamānaḥ svabhāvam / baddhvā bhaktaṃ punarevātha pāśaiḥ kruddho rudramabhidudrāva vegāt

Hearing the word of the Lord of the herds, that one whose nature is Kāla, of fierce disposition, considering it his own nature, again bound the devotee with nooses and, enraged, rushed swiftly at Rudra.

AI translation rendered from the Sanskrit, not a published edition

KuP 2 35.26

प्रेक्ष्यायान्तं शैलपुत्रीमथेशः सो ऽन्वीक्ष्यान्ते विश्वमायाविधिज्ञः । सावज्ञं वै वामपादेन मृत्युं श्वेतस्यैनं पश्यतो व्याजघान

prekṣyāyāntaṃ śailaputrīmatheśaḥ so 'nvīkṣyānte viśvamāyāvidhijñaḥ / sāvajñaṃ vai vāmapādena mṛtyuṃ śvetasyainaṃ paśyato vyājaghāna

Then the Lord, knowing the workings of the world's illusion, seeing him coming on, looked at the Daughter of the Mountain beside him, and contemptuously with his left foot struck down Death, while Śveta looked on.

AI translation rendered from the Sanskrit, not a published edition

KuP 2 35.27

ममार सो ऽतिभीषणो महेशपादघातितः । रराज देवतापतिः सहोमया पिनाकधृक्

mamāra so 'tibhīṣaṇo maheśapādaghātitaḥ / rarāja devatāpatiḥ sahomayā pinākadhṛk

That most terrifying one died, struck by Maheśa's foot; and the Lord of the gods, bearer of the Pināka, shone forth together with Umā.

AI translation rendered from the Sanskrit, not a published edition

KuP 2 35.28

निरीक्ष्य देवमीश्वरं प्रहृष्टमानसो हरम् । ननाम साम्बमव्ययं स राजपुङ्गवस्तदा

nirīkṣya devamīśvaraṃ prahṛṣṭamānaso haram / nanāma sāmbamavyayaṃ sa rājapuṅgavastadā

Seeing the god, the lord Hara, that bull among kings, his mind greatly delighted, then bowed to the imperishable one who is with Ambā.

AI translation rendered from the Sanskrit, not a published edition

KuP 2 35.29

नमो भवाय हेतवे हराय विश्वसंभवे । नमः शिवाय धीमते नमो ऽपवर्गदायिने

namo bhavāya hetave harāya viśvasaṃbhave / namaḥ śivāya dhīmate namo 'pavargadāyine

"Homage to Bhava, to the cause, to Hara, to the source of the universe; homage to Śiva the wise, homage to the giver of final release.

AI translation rendered from the Sanskrit, not a published edition

KuP 2 35.30

नमो नमो नमो ऽस्तु ते महाविभूतये नमः । विभागहीनरूपिणे नमो नराधिपाय ते

namo namo namo 'stu te mahāvibhūtaye namaḥ / vibhāgahīnarūpiṇe namo narādhipāya te

Homage, homage, homage be to you; homage to (him of) great majesty, to him whose form is without division; homage to you, the ruler of men.

AI translation rendered from the Sanskrit, not a published edition

KuP 2 35.31

नमो ऽस्तु ते गणेश्वर प्रपन्नदुः खनाशन । अनादिनित्यभूतये वराहशृङ्गधारिणे

namo 'stu te gaṇeśvara prapannaduḥ khanāśana / anādinityabhūtaye varāhaśṛṅgadhāriṇe

Homage be to you, lord of the gaṇas, destroyer of the suffering of those who take refuge, whose being is beginningless and eternal, bearer of the boar's tusk.

AI translation rendered from the Sanskrit, not a published edition

KuP 2 35.32

नमो वृषध्वजाय ते कपालमालिने नमः । नमो महानटाय ते नमो वृषध्वजाय ते

namo vṛṣadhvajāya te kapālamāline namaḥ / namo mahānaṭāya te namo vṛṣadhvajāya te

Homage to you whose banner is the bull; homage to the one garlanded with skulls; homage to you, the great dancer; homage to you whose banner is the bull."

AI translation rendered from the Sanskrit, not a published edition

KuP 2 35.33

अथानुगृह्य शङ्करः प्रणामतत्परं नृपम् । स्वगाणपत्यमव्ययं सरूपतामथो ददौ

athānugṛhya śaṅkaraḥ praṇāmatatparaṃ nṛpam / svagāṇapatyamavyayaṃ sarūpatāmatho dadau

Then Śaṅkara, favouring the king who was intent on obeisance, granted him imperishable lordship over his gaṇas and a form like his own.

AI translation rendered from the Sanskrit, not a published edition

KuP 2 35.34

सहोमया सपार्षदः सराजपुङ्गवो हरः । मुनीशसिद्धवन्दितः क्षणाददृश्यतामगात्

sahomayā sapārṣadaḥ sarājapuṅgavo haraḥ / munīśasiddhavanditaḥ kṣaṇādadṛśyatāmagāt

Then Hara, together with Umā, with his attendants, and with that bull among kings, praised by the chief sages and the siddhas, in an instant became invisible.

AI translation rendered from the Sanskrit, not a published edition

KuP 2 35.35

काले महेशाभिहते लोकनाथः पितामहः । अयाचत वरं रुद्रं सजीवो ऽयं भवत्विति

kāle maheśābhihate lokanāthaḥ pitāmahaḥ / ayācata varaṃ rudraṃ sajīvo 'yaṃ bhavatviti

When Kāla had been struck down by Maheśa, the Grandfather, lord of the worlds, begged a boon of Rudra: "Let him be alive again."

AI translation rendered from the Sanskrit, not a published edition

KuP 2 35.36

नास्ति कश्चिदपीशान दोषलेशो वृषध्वज । कृतान्तस्यैव भवता तत्कार्ये विनियोजितः

nāsti kaścidapīśāna doṣaleśo vṛṣadhvaja / kṛtāntasyaiva bhavatā tatkārye viniyojitaḥ

"There is not even the least fault (in him), O Īśāna, O bull-bannered one; Kṛtānta was indeed appointed by you yourself to that task."

AI translation rendered from the Sanskrit, not a published edition — the model flagged this verse as uncertain

KuP 2 35.37

स देवदेववचनाद् देवदेवेश्वरो हरः । तथास्त्वित्याह विश्वात्मा सो ऽपि तादृग्विधो ऽभवत्

sa devadevavacanād devadeveśvaro haraḥ / tathāstvityāha viśvātmā so 'pi tādṛgvidho 'bhavat

At the word of the god of gods, Hara, the lord of the gods of gods, the self of all, said "So be it"; and he too became such as he had been.

AI translation rendered from the Sanskrit, not a published edition

KuP 2 35.38

इत्येतत् परमं तीर्थं कालञ्जरमिति श्रुतम् । गत्वाभ्यर्च्य महादेवं गाणपत्यं स विन्दति

ityetat paramaṃ tīrthaṃ kālañjaramiti śrutam / gatvābhyarcya mahādevaṃ gāṇapatyaṃ sa vindati

Thus this supreme tīrtha is known as Kālañjara; having gone there and worshipped Mahādeva, one obtains lordship over the gaṇas.

AI translation rendered from the Sanskrit, not a published edition