Kurma Purana — Upari Vibhaga — Chapter 29
KuP 2 29.1
व्यास उवाच एवं स्वाश्रमनिष्ठानां यतीनां नियतात्मनाम् । भैक्षेण वर्तनं प्रोक्तं फलमूलैरथापि वा
vyāsa uvāca evaṃ svāśramaniṣṭhānāṃ yatīnāṃ niyatātmanām / bhaikṣeṇa vartanaṃ proktaṃ phalamūlairathāpi vā
Vyāsa said: Thus for ascetics of restrained selves, established in their own stage of life, subsistence by begged food has been enjoined, or else by fruits and roots.
AI translation rendered from the Sanskrit, not a published edition
KuP 2 29.2
एककालं चरेद् भैक्षं न प्रसज्येत विस्तरे । भैक्षे प्रसक्तो हि यतिर्विषयेष्वपि सज्जति
ekakālaṃ cared bhaikṣaṃ na prasajyeta vistare / bhaikṣe prasakto hi yatirviṣayeṣvapi sajjati
He should go for alms at one (fixed) time (of day), and should not become attached to abundance; for an ascetic attached to alms becomes attached to sense-objects as well.
AI translation rendered from the Sanskrit, not a published edition
KuP 2 29.3
सप्तागारं चरेद् भैक्षमलाभात् तु पुनश्चरेत् । प्रक्षाल्य पात्रे भुञ्जीयादद्भिः प्रक्षालयेत् तु तत्
saptāgāraṃ cared bhaikṣamalābhāt tu punaścaret / prakṣālya pātre bhuñjīyādadbhiḥ prakṣālayet tu tat
He should beg alms at seven houses; if he gets nothing, he may go again. He should eat after washing (the food) in his bowl, and should wash that (bowl) with water.
AI translation rendered from the Sanskrit, not a published edition
KuP 2 29.4
अथवान्यदुपादाय पात्रे भुञ्जीत नित्यशः । भुक्त्वा तत् संत्यजेत् पात्रं यात्रामात्रमलोलुपः
athavānyadupādāya pātre bhuñjīta nityaśaḥ / bhuktvā tat saṃtyajet pātraṃ yātrāmātramalolupaḥ
Or else, taking another (bowl), he may eat regularly from that bowl; having eaten, he should discard that bowl, being free of greed and (taking) only what sustains life.
AI translation rendered from the Sanskrit, not a published edition — the model flagged this verse as uncertain
KuP 2 29.5
विधूमे सन्नमुसले व्यङ्गारे भुक्तवज्जने । वृत्ते शरावसंपाते भिक्षां नित्यं यतिश्चरेत्
vidhūme sannamusale vyaṅgāre bhuktavajjane / vṛtte śarāvasaṃpāte bhikṣāṃ nityaṃ yatiścaret
When the smoke has gone, when the pestle is at rest, when the embers are out, when the people have eaten, when the setting down of the dishes is over — then the ascetic should always go for alms.
AI translation rendered from the Sanskrit, not a published edition
KuP 2 29.6
गोदोहमात्रं तिष्ठेत कालं भिक्षुरधोमुखः । भिक्षेत्युक्त्वा सकृत् तूष्णीमश्नीयाद् वाग्यतः शुचिः
godohamātraṃ tiṣṭheta kālaṃ bhikṣuradhomukhaḥ / bhikṣetyuktvā sakṛt tūṣṇīmaśnīyād vāgyataḥ śuciḥ
The mendicant should stand there only for the time of a cow's milking, with face downcast; having said "alms!" once, he should eat in silence, with speech restrained and pure.
AI translation rendered from the Sanskrit, not a published edition
KuP 2 29.7
प्रक्षाल्य पाणिपादौ च समाचम्य यथाविधि । आदित्ये दर्शयित्वान्नं भुञ्जीत प्राङ्मुखोत्तरः
prakṣālya pāṇipādau ca samācamya yathāvidhi / āditye darśayitvānnaṃ bhuñjīta prāṅmukhottaraḥ
Having washed his hands and feet and sipped water according to rule, having shown the food to the sun, he should eat facing east or north.
AI translation rendered from the Sanskrit, not a published edition
KuP 2 29.8
हुत्वा प्राणाहुतीः पञ्च ग्रासानष्टौ समाहितः । आचम्य देवं ब्रह्माणं ध्यायीत परमेश्वरम्
hutvā prāṇāhutīḥ pañca grāsānaṣṭau samāhitaḥ / ācamya devaṃ brahmāṇaṃ dhyāyīta parameśvaram
Having offered the five oblations to the breaths, (eating) eight mouthfuls with collected mind, having sipped water, he should meditate on the god Brahman, the supreme Lord.
AI translation rendered from the Sanskrit, not a published edition
KuP 2 29.9
अलाबुं दारुपात्रं च मृण्मयं वैणवं ततः । चत्वारि यतिपात्राणि मनुराह प्रजापतिः
alābuṃ dārupātraṃ ca mṛṇmayaṃ vaiṇavaṃ tataḥ / catvāri yatipātrāṇi manurāha prajāpatiḥ
A gourd, a wooden bowl, one of clay, and one of bamboo: these four are the ascetic's bowls, so said Manu Prajāpati.
AI translation rendered from the Sanskrit, not a published edition
KuP 2 29.10
प्राग्रात्रे पररात्रे च मध्यरात्रे तथैव च । संध्यास्वह्नि विशेषेण चिन्तयेन्नित्यमीश्वरम्
prāgrātre pararātre ca madhyarātre tathaiva ca / saṃdhyāsvahni viśeṣeṇa cintayennityamīśvaram
In the first part of the night, in the last part of the night, and likewise at midnight, and especially at the twilights and by day, he should constantly contemplate the Lord.
AI translation rendered from the Sanskrit, not a published edition
KuP 2 29.11
कृत्वा हृत्पद्मनिलये विश्वाख्यं विश्वसंभवम् । आत्मानं सर्वभूतानां परस्तात् तमसः स्थितम्
kṛtvā hṛtpadmanilaye viśvākhyaṃ viśvasaṃbhavam / ātmānaṃ sarvabhūtānāṃ parastāt tamasaḥ sthitam
Having placed in the dwelling of the heart-lotus (him who is) named the All, the source of the All, the Self of all beings, standing beyond darkness —
AI translation rendered from the Sanskrit, not a published edition
KuP 2 29.12
सर्वस्याधारभूतानामानन्दं ज्योतिरव्ययम् । प्रधानपुरुषातीतमाकाशं दहनं शिवम्
sarvasyādhārabhūtānāmānandaṃ jyotiravyayam / pradhānapuruṣātītamākāśaṃ dahanaṃ śivam
— the bliss of (or: support of) all that has come to be the substratum of everything, the imperishable light, beyond the pradhāna and the puruṣa, sky-like, burning, auspicious (Śiva) —
AI translation rendered from the Sanskrit, not a published edition — the model flagged this verse as uncertain
KuP 2 29.13
तदन्तः सर्वभावानामीश्वरं ब्रह्मरूपिणम् । ध्यायेदनादिमद्वैतमानन्दादिगुणालयम्
tadantaḥ sarvabhāvānāmīśvaraṃ brahmarūpiṇam / dhyāyedanādimadvaitamānandādiguṇālayam
— within that, one should meditate on the Lord of all existent things, whose form is Brahman, beginningless, non-dual, the abode of bliss and the other qualities.
AI translation rendered from the Sanskrit, not a published edition
KuP 2 29.14
महान्तं परमं ब्रह्म पुरुषं सत्यमव्ययम् । सितेतरारुणाकारं महेशं विश्वरूपिणम्
mahāntaṃ paramaṃ brahma puruṣaṃ satyamavyayam / sitetarāruṇākāraṃ maheśaṃ viśvarūpiṇam
(One should meditate on) the great, supreme Brahman, the Person, real and imperishable, of a dark-red form, the Great Lord whose form is the universe.
AI translation rendered from the Sanskrit, not a published edition
KuP 2 29.15
ओङ्कारान्ते ऽथ चात्मानं संस्थाप्य परमात्मनि । आकाशे देवमीशानं ध्यायीताकाशमध्यगम्
oṅkārānte 'tha cātmānaṃ saṃsthāpya paramātmani / ākāśe devamīśānaṃ dhyāyītākāśamadhyagam
Then, at the end of the syllable OM, having established the self in the supreme Self, one should meditate on the god Īśāna in the ether, dwelling in the midst of the ether.
AI translation rendered from the Sanskrit, not a published edition
KuP 2 29.16
कारणं सर्वभावानामानन्दैकसमाश्रयम् । पुराणं पुरुषं शंभुं ध्यायन् मुच्येत बन्धनात्
kāraṇaṃ sarvabhāvānāmānandaikasamāśrayam / purāṇaṃ puruṣaṃ śaṃbhuṃ dhyāyan mucyeta bandhanāt
Meditating on Śambhu, the ancient Person, the cause of all existent things, the sole resort of bliss, one would be freed from bondage.
AI translation rendered from the Sanskrit, not a published edition
KuP 2 29.17
यद्वा गुहायां प्रकृतौ जगत्संमोहनालये । विचिन्त्य परमं व्योम सर्वभूतैककारणम्
yadvā guhāyāṃ prakṛtau jagatsaṃmohanālaye / vicintya paramaṃ vyoma sarvabhūtaikakāraṇam
Or else, contemplating in the cave, in prakṛti, the abode that deludes the world, the supreme void, the one cause of all beings —
AI translation rendered from the Sanskrit, not a published edition
KuP 2 29.18
जीवनं सर्वभूतानां यत्र लोकः प्रलीयते । आनन्दं ब्रह्मणः सूक्ष्मं यत् पश्यन्ति मुमुक्षवः
jīvanaṃ sarvabhūtānāṃ yatra lokaḥ pralīyate / ānandaṃ brahmaṇaḥ sūkṣmaṃ yat paśyanti mumukṣavaḥ
— the life of all beings, in which the world dissolves, the subtle bliss of Brahman, which those desiring release behold —
AI translation rendered from the Sanskrit, not a published edition
KuP 2 29.19
तन्मध्ये निहितं ब्रह्म केवलं ज्ञानलक्षणम् । अनन्तं सत्यमीशानं विचिन्त्यासीत संयतः
tanmadhye nihitaṃ brahma kevalaṃ jñānalakṣaṇam / anantaṃ satyamīśānaṃ vicintyāsīta saṃyataḥ
— set within that is Brahman, alone, having knowledge as its mark, endless, real, the Lord: contemplating it, he should sit restrained.
AI translation rendered from the Sanskrit, not a published edition
KuP 2 29.20
गुह्याद् गुह्यतमं ज्ञानं यतीनामेतदीरितम् । यो ऽनुतिष्ठेन्महेशेन सो ऽश्नुते योगमैश्वरम्
guhyād guhyatamaṃ jñānaṃ yatīnāmetadīritam / yo 'nutiṣṭhenmaheśena so 'śnute yogamaiśvaram
This knowledge, more secret than the secret, has been declared for ascetics; whoever practises it attains, through Maheśvara, the lordly yoga.
AI translation rendered from the Sanskrit, not a published edition
KuP 2 29.21
तस्माद् ध्यानरतो नित्यमात्मविद्यापरायणः । ज्ञानं समभ्यसेद् ब्राह्मं येन मुच्येत बन्धनात्
tasmād dhyānarato nityamātmavidyāparāyaṇaḥ / jñānaṃ samabhyased brāhmaṃ yena mucyeta bandhanāt
Therefore, ever devoted to meditation and intent upon knowledge of the Self, one should thoroughly practise the knowledge of Brahman, by which one may be freed from bondage.
AI translation rendered from the Sanskrit, not a published edition
KuP 2 29.22
मत्वा पृथक् स्वमात्मानं सर्वस्मादेव केवलम् । आनन्दमजरं ज्ञानं ध्यायीत च पुनः परम्
matvā pṛthak svamātmānaṃ sarvasmādeva kevalam / ānandamajaraṃ jñānaṃ dhyāyīta ca punaḥ param
Having recognised one's own Self as separate from everything, as alone, as bliss, unaging, as knowledge, one should further meditate on the supreme.
AI translation rendered from the Sanskrit, not a published edition
KuP 2 29.23
यस्मात् भवन्ति भूतानि यद् गत्वा नेह जायते । स तस्मादीश्वरो देवः परस्माद् यो ऽधितिष्ठति
yasmāt bhavanti bhūtāni yad gatvā neha jāyate / sa tasmādīśvaro devaḥ parasmād yo 'dhitiṣṭhati
That from which beings come to be, and having gone to which one is not born here again — higher than that is he, the god, the Lord, who presides over (all).
AI translation rendered from the Sanskrit, not a published edition — the model flagged this verse as uncertain
KuP 2 29.24
यदन्तरे तद् गगनं शाश्वतं शिवमव्ययम् । यदंशस्तत्परो यस्तु स देवः स्यान्महेश्वरः
yadantare tad gaganaṃ śāśvataṃ śivamavyayam / yadaṃśastatparo yastu sa devaḥ syānmaheśvaraḥ
That which is within is that space, eternal, benign, imperishable; and he of whom that is a portion, who is higher than that — he would be the god Maheśvara.
AI translation rendered from the Sanskrit, not a published edition — the model flagged this verse as uncertain
KuP 2 29.25
व्रतानि यानि भिक्षूणां तथैवोपव्रतानि च । एकैकातिक्रमे तेषां प्रायश्चित्तं विधीयते
vratāni yāni bhikṣūṇāṃ tathaivopavratāni ca / ekaikātikrame teṣāṃ prāyaścittaṃ vidhīyate
For the vows of mendicants, and likewise the minor vows — for the transgression of each one of them an expiation is prescribed.
AI translation rendered from the Sanskrit, not a published edition
KuP 2 29.26
उपेत्य च स्त्रियं कामात् प्रायश्चित्तं समाहितः । प्राणायामसमायुक्तं कुर्यात् सांतपनं शुचिः
upetya ca striyaṃ kāmāt prāyaścittaṃ samāhitaḥ / prāṇāyāmasamāyuktaṃ kuryāt sāṃtapanaṃ śuciḥ
And having approached a woman out of desire, (the mendicant), collected and pure, should perform as expiation the sāṃtapana penance joined with breath-restraints.
AI translation rendered from the Sanskrit, not a published edition
KuP 2 29.27
ततश्चरेत नियमात् कृच्छ्रं संयतमानसः । पुनराश्रममागम्य चरेद् भिश्रुरतन्द्रितः
tataścareta niyamāt kṛcchraṃ saṃyatamānasaḥ / punarāśramamāgamya cared bhiśruratandritaḥ
Then, with mind restrained, he should duly perform the kṛcchra penance; and returning again to his mode of life, the mendicant should conduct himself unwearied.
AI translation rendered from the Sanskrit, not a published edition
KuP 2 29.28
न धर्मयुक्तमनृतं हिनस्तीति मनीषिणः । तथापि च न कर्तव्यं प्रसङ्गो ह्येष दारुणः
na dharmayuktamanṛtaṃ hinastīti manīṣiṇaḥ / tathāpi ca na kartavyaṃ prasaṅgo hyeṣa dāruṇaḥ
The wise say that an untruth joined to dharma does not destroy (one); yet even so it should not be done, for this is a dreadful habit-forming course.
AI translation rendered from the Sanskrit, not a published edition
KuP 2 29.29
एकरात्रोपवासश्च प्राणायामशतं तथा । उक्त्वानृतं प्रकर्तव्यं यतिना धर्मलिप्सुना
ekarātropavāsaśca prāṇāyāmaśataṃ tathā / uktvānṛtaṃ prakartavyaṃ yatinā dharmalipsunā
And a fast of one night, and likewise a hundred breath-restraints, are to be performed by an ascetic who, desiring dharma, has spoken an untruth.
AI translation rendered from the Sanskrit, not a published edition
KuP 2 29.30
परमापद्गतेनापि न कार्यं स्तेयमन्यतः । स्तेयादभ्यधिकः कश्चिन्नास्त्यधर्म इति स्मृतिः । हिंसा चैषापरा दिष्टा या चात्मज्ञाननाशिका
paramāpadgatenāpi na kāryaṃ steyamanyataḥ / steyādabhyadhikaḥ kaścinnāstyadharma iti smṛtiḥ / hiṃsā caiṣāparā diṣṭā yā cātmajñānanāśikā
Even by one fallen into the utmost distress, theft from another is not to be committed; the tradition is that there is no unrighteousness greater than theft; and this is declared to be a further kind of injury, one that destroys knowledge of the Self.
AI translation rendered from the Sanskrit, not a published edition
KuP 2 29.31
यदेतद् द्रविणं नाम प्राण ह्येते बहिश्वराः । स तस्य हरति प्राणान् यो यस्य हरते धनम्
yadetad draviṇaṃ nāma prāṇa hyete bahiśvarāḥ / sa tasya harati prāṇān yo yasya harate dhanam
For this thing called wealth — these are indeed (a man's) vital breaths, existing outside (him); he who takes another's wealth takes away his vital breaths.
AI translation rendered from the Sanskrit, not a published edition
KuP 2 29.32
एवं कृत्वा स दुष्टात्मा भिन्नवृत्तो व्रताच्च्युतः । भूयो निर्वेदमापन्नश्चरेच्चान्द्रायणव्रतम्
evaṃ kṛtvā sa duṣṭātmā bhinnavṛtto vratāccyutaḥ / bhūyo nirvedamāpannaścareccāndrāyaṇavratam
Having acted thus, that evil-souled one, with his conduct broken and fallen from his vow, should again come to disgust (with worldliness) and perform the cāndrāyaṇa vow.
AI translation rendered from the Sanskrit, not a published edition
KuP 2 29.33
विधिना शास्त्रदृष्टेन संवत्सरमिति श्रुतिः । भूयो निर्वेदमापन्नश्चरेद् भिक्षुरतन्द्रितः
vidhinā śāstradṛṣṭena saṃvatsaramiti śrutiḥ / bhūyo nirvedamāpannaścared bhikṣuratandritaḥ
By the rule seen in the scriptures, for a year — so says the sacred text; then, having again come to detachment, the mendicant should conduct himself unwearied.
AI translation rendered from the Sanskrit, not a published edition
KuP 2 29.34
अकस्मादेव हिंसां तु यदि भिक्षुः समाचरेत् । कुर्यात्कृछ्रातिकृच्छ्रं तु चान्द्रायणमथापि वा
akasmādeva hiṃsāṃ tu yadi bhikṣuḥ samācaret / kuryātkṛchrātikṛcchraṃ tu cāndrāyaṇamathāpi vā
But if a mendicant should commit injury without cause, he should perform the kṛcchra or the atikṛcchra, or else the cāndrāyaṇa.
AI translation rendered from the Sanskrit, not a published edition
KuP 2 29.35
स्कन्देदिन्द्रियदौर्बल्यात् स्त्रियं दृष्ट्वा यतिर्यदि । तेन धारयितव्या वै प्राणायामास्तु षोडश । दिवास्कन्दे त्रिरात्रं स्यात् प्राणायामशतं तथा
skandedindriyadaurbalyāt striyaṃ dṛṣṭvā yatiryadi / tena dhārayitavyā vai prāṇāyāmāstu ṣoḍaśa / divāskande trirātraṃ syāt prāṇāyāmaśataṃ tathā
If an ascetic, from weakness of the senses, should emit semen on seeing a woman, then sixteen breath-restraints are to be held by him; in the case of emission by day it should be three nights (of fasting) and a hundred breath-restraints.
AI translation rendered from the Sanskrit, not a published edition
KuP 2 29.36
एकान्ने मधुमांसे च नवश्राद्धे तथैव च । प्रत्यक्षलवणे चोक्तं प्राजापत्यं विशोधनम्
ekānne madhumāṃse ca navaśrāddhe tathaiva ca / pratyakṣalavaṇe coktaṃ prājāpatyaṃ viśodhanam
In the case of (eating) a single-host's food, honey and meat, and likewise a fresh śrāddha offering, and salt taken directly, the prājāpatya penance is declared to be the purification.
AI translation rendered from the Sanskrit, not a published edition — the model flagged this verse as uncertain
KuP 2 29.37
ध्याननिष्ठस्य सततं नश्यते सर्वपातकम् । तस्मान्महेश्वरं ज्ञात्वा तस्य ध्यानपरो भवेत्
dhyānaniṣṭhasya satataṃ naśyate sarvapātakam / tasmānmaheśvaraṃ jñātvā tasya dhyānaparo bhavet
For one established in meditation all sin is constantly destroyed; therefore, having known Maheśvara, one should be devoted to meditation on him.
AI translation rendered from the Sanskrit, not a published edition
KuP 2 29.38
यद् ब्रह्म परमं ज्योतिः प्रतिष्ठाक्षरमद्वयम् । यो ऽन्तरात्र परं ब्रह्म स विज्ञेयो महेश्वरः
yad brahma paramaṃ jyotiḥ pratiṣṭhākṣaramadvayam / yo 'ntarātra paraṃ brahma sa vijñeyo maheśvaraḥ
That Brahman which is the supreme light, the foundation, imperishable, without a second — he who is the supreme Brahman within, he is to be known as Maheśvara.
AI translation rendered from the Sanskrit, not a published edition
KuP 2 29.39
एष देवो महादेवः केवलः परमः शिवः । तदेवाक्षरमद्वैतं तदादित्यान्तरं परम्
eṣa devo mahādevaḥ kevalaḥ paramaḥ śivaḥ / tadevākṣaramadvaitaṃ tadādityāntaraṃ param
This god is Mahādeva, alone, supreme, Śiva; that alone is the imperishable, the non-dual, that is the supreme within the sun.
AI translation rendered from the Sanskrit, not a published edition
KuP 2 29.40
यस्मान्महीयते देवः स्वधाम्नि ज्ञानसंज्ञिते । आत्मयोगाह्वये तत्त्वे महादेवस्ततः स्मृतः
yasmānmahīyate devaḥ svadhāmni jñānasaṃjñite / ātmayogāhvaye tattve mahādevastataḥ smṛtaḥ
Since the god is magnified in his own abode, which is named knowledge, in the reality called self-yoga (ātmayoga), he is therefore known as Mahādeva.
AI translation rendered from the Sanskrit, not a published edition
KuP 2 29.41
नान्यद् देवान्महादेवाद् व्यतिरिक्तं प्रपश्यति । तमेवात्मानमन्वेति यः स याति परं पदम्
nānyad devānmahādevād vyatiriktaṃ prapaśyati / tamevātmānamanveti yaḥ sa yāti paraṃ padam
He does not see anything else as distinct from the god Mahādeva; he who follows after him alone as (his own) self goes to the supreme state.
AI translation rendered from the Sanskrit, not a published edition
KuP 2 29.42
मन्यते ये स्वमात्मानं विभिन्नं परमेश्वरात् । न ते पश्यन्ति तं देवं वृथा तेषां परिश्रमः
manyate ye svamātmānaṃ vibhinnaṃ parameśvarāt / na te paśyanti taṃ devaṃ vṛthā teṣāṃ pariśramaḥ
Those who think their own self is separate from the Supreme Lord do not see that god; their toil is in vain.
AI translation rendered from the Sanskrit, not a published edition
KuP 2 29.43
एकमेव परं ब्रह्म विज्ञेयं तत्त्वमव्ययम् । स देवस्तु महादेवो नैतद् विज्ञाय बध्यते
ekameva paraṃ brahma vijñeyaṃ tattvamavyayam / sa devastu mahādevo naitad vijñāya badhyate
The one supreme Brahman alone is to be known, the imperishable reality; and that god is Mahādeva—having known this, one is not bound.
AI translation rendered from the Sanskrit, not a published edition
KuP 2 29.44
तस्माद् यतेत नियतं यतिः संयतमानसः । ज्ञानयोगरतः शान्तो महादेवपरायणः
tasmād yateta niyataṃ yatiḥ saṃyatamānasaḥ / jñānayogarataḥ śānto mahādevaparāyaṇaḥ
Therefore let the ascetic strive, restrained, with his mind controlled, devoted to the yoga of knowledge, at peace, having Mahādeva as his highest resort.
AI translation rendered from the Sanskrit, not a published edition
KuP 2 29.45
एष वः कथितो विप्रो यतीनामाश्रमः शुभः । पितामहेन विभुना मुनीनां पूर्वमीरितम्
eṣa vaḥ kathito vipro yatīnāmāśramaḥ śubhaḥ / pitāmahena vibhunā munīnāṃ pūrvamīritam
This auspicious mode of life of ascetics has been told to you, O brahmin, (as it was) formerly declared to the sages by the mighty Grandfather (Brahmā).
AI translation rendered from the Sanskrit, not a published edition
KuP 2 29.46
नापुत्रशिष्ययोगिभ्यो दद्यादिदमनुत्तमम् । ज्ञानं स्वयंभुवा प्रोक्तं यतिधर्माश्रयं शिवम्
nāputraśiṣyayogibhyo dadyādidamanuttamam / jñānaṃ svayaṃbhuvā proktaṃ yatidharmāśrayaṃ śivam
One should not give this unsurpassed knowledge, spoken by the Self-existent, auspicious and grounded in the ascetic's duty, to those who are not sons, disciples, or yogins.
AI translation rendered from the Sanskrit, not a published edition
KuP 2 29.47
इति यतिनियमानामेतदुक्तं विधानं पशुपतिपरितोषे यद् भवेदेकहेतुः । न भवति पुनरेषामुद्भवो वा विनाशः प्रणिहितमनसो ये नित्यमेवाचरन्ति
iti yatiniyamānāmetaduktaṃ vidhānaṃ paśupatiparitoṣe yad bhavedekahetuḥ / na bhavati punareṣāmudbhavo vā vināśaḥ praṇihitamanaso ye nityamevācaranti
Thus has this ordinance of the observances of ascetics been declared, which would be the one means to the satisfaction of Paśupati; and for those who, with mind fixed (on it), practise it constantly, there is no more arising or destruction.
AI translation rendered from the Sanskrit, not a published edition