Kurma Purana — Upari Vibhaga — Chapter 10
KuP 2 10.1
ईश्वर उवाच अलिङ्गमेकमव्यक्तं लिङ्गं ब्रह्मेति निश्चितम् । स्वयञ्ज्योतिः परं तत्त्वं परे व्योम्नि व्यवस्थितम्
īśvara uvāca aliṅgamekamavyaktaṃ liṅgaṃ brahmeti niścitam / svayañjyotiḥ paraṃ tattvaṃ pare vyomni vyavasthitam
The Lord said: The one, unmanifest, markless (aliṅga) is determined to be the mark (liṅga) that is Brahman — the self-luminous supreme reality, established in the highest sky.
AI translation rendered from the Sanskrit, not a published edition — the model flagged this verse as uncertain
KuP 2 10.2
अव्यक्तं कारणं यत्तदक्षरं परमं पदम् । निर्गुणं शुद्धविज्ञानं तद् वै पश्यन्ति सूरयः
avyaktaṃ kāraṇaṃ yattadakṣaraṃ paramaṃ padam / nirguṇaṃ śuddhavijñānaṃ tad vai paśyanti sūrayaḥ
That which is the unmanifest cause, the imperishable, the supreme abode, without qualities, pure knowing — that indeed the wise see.
AI translation rendered from the Sanskrit, not a published edition
KuP 2 10.3
तन्निष्ठाः शान्तसंकल्पा नित्यं तद्भावभाविताः । पश्यन्ति तत् परं ब्रह्म यत्तल्लिङ्गमिति श्रुतिः
tanniṣṭhāḥ śāntasaṃkalpā nityaṃ tadbhāvabhāvitāḥ / paśyanti tat paraṃ brahma yattalliṅgamiti śrutiḥ
Devoted to that, their intentions stilled, ever suffused with the thought of it, they see that supreme Brahman; that (Brahman) is the liṅga — so says scripture.
AI translation rendered from the Sanskrit, not a published edition
KuP 2 10.4
अन्यथा नहि मां द्रष्टुं शक्यं वै मुनिपुङ्गवाः । नहि तद् विद्यते ज्ञानं यतस्तज्ज्ञायते परम्
anyathā nahi māṃ draṣṭuṃ śakyaṃ vai munipuṅgavāḥ / nahi tad vidyate jñānaṃ yatastajjñāyate param
Otherwise I cannot be seen, O bulls among sages; for there exists no (other) knowledge by which that Supreme could be known.
AI translation rendered from the Sanskrit, not a published edition
KuP 2 10.5
एतत्तत्परमं ज्ञानं केवलं कवयो विदुः । अज्ञानमितरत् सर्वं यस्मान्मायामयं जगत्
etattatparamaṃ jñānaṃ kevalaṃ kavayo viduḥ / ajñānamitarat sarvaṃ yasmānmāyāmayaṃ jagat
This is that supreme knowledge, which the wise alone know; all else is ignorance, since the world is made of illusion.
AI translation rendered from the Sanskrit, not a published edition
KuP 2 10.6
यज्ज्ञानं निर्मलं सूक्ष्मं निर्विकल्पं यदव्ययम् । ममात्मासौ तदेवेमिति प्राहुर्विपश्चितः
yajjñānaṃ nirmalaṃ sūkṣmaṃ nirvikalpaṃ yadavyayam / mamātmāsau tadevemiti prāhurvipaścitaḥ
That knowledge which is spotless, subtle, free of differentiation, imperishable — 'this very thing is my Self' — so the learned declare.
AI translation rendered from the Sanskrit, not a published edition
KuP 2 10.7
ये ऽप्यनेकं प्रपश्यन्ति ते ऽपि पश्यन्ति तत्परम् । आश्रिताः परमां निष्ठां बुद्ध्वैकं तत्त्वमव्ययम्
ye 'pyanekaṃ prapaśyanti te 'pi paśyanti tatparam / āśritāḥ paramāṃ niṣṭhāṃ buddhvaikaṃ tattvamavyayam
Even those who see (Him) as many, they too see that Supreme, having resorted to the highest steadfastness, having understood the one imperishable reality.
AI translation rendered from the Sanskrit, not a published edition
KuP 2 10.8
ये पुनः परमं तत्त्वमेकं वानेकमीश्वरम् । भक्त्या मां संप्रपश्यन्ति विज्ञेयास्ते तदात्मकाः
ye punaḥ paramaṃ tattvamekaṃ vānekamīśvaram / bhaktyā māṃ saṃprapaśyanti vijñeyāste tadātmakāḥ
But those who, with devotion, fully behold me, the Lord, the supreme reality, as one or as many — they are to be known as having their being in That.
AI translation rendered from the Sanskrit, not a published edition
KuP 2 10.9
साक्षादेव प्रपश्यन्ति स्वात्मानं परमेश्वरम् । नित्यानन्दं निर्विकल्पं सत्यरूपमिति स्थितिः
sākṣādeva prapaśyanti svātmānaṃ parameśvaram / nityānandaṃ nirvikalpaṃ satyarūpamiti sthitiḥ
They behold directly their own Self as the Supreme Lord, of everlasting bliss, free of differentiation, whose form is truth — such is (their) state.
AI translation rendered from the Sanskrit, not a published edition
KuP 2 10.10
भजन्ते परमानन्दं सर्वगं यत्तदात्मकम् । स्वात्मन्यवस्थिताः शान्ताः परे ऽव्यक्ते परस्य तु
bhajante paramānandaṃ sarvagaṃ yattadātmakam / svātmanyavasthitāḥ śāntāḥ pare 'vyakte parasya tu
They worship the supreme bliss, all-pervading, which has the nature of That; abiding in their own Self, at peace, in the supreme unmanifest of the Supreme.
AI translation rendered from the Sanskrit, not a published edition — the model flagged this verse as uncertain
KuP 2 10.11
एषा विमुक्तिः परमा मम सायुज्यमुत्तमम् । निर्वाणं ब्रह्मणा चैक्यं कैवल्यं कवयो विदुः
eṣā vimuktiḥ paramā mama sāyujyamuttamam / nirvāṇaṃ brahmaṇā caikyaṃ kaivalyaṃ kavayo viduḥ
This is the highest release, the excellent union with me; the wise know it as extinction, as oneness with Brahman, as isolation (kaivalya).
AI translation rendered from the Sanskrit, not a published edition
KuP 2 10.12
तस्मादनादिमध्यान्तं वस्त्वेकं परमं शिवम् । स ईश्वरो महादेवस्तं विज्ञाय विमुच्यते
tasmādanādimadhyāntaṃ vastvekaṃ paramaṃ śivam / sa īśvaro mahādevastaṃ vijñāya vimucyate
Therefore the one supreme entity, without beginning, middle or end, is Śiva; He is the Lord, the Great God — knowing Him, one is released.
AI translation rendered from the Sanskrit, not a published edition
KuP 2 10.13
न तत्र सूर्यः प्रविभातीह चन्द्रो न नक्षत्राणि तपनो नोत विद्युत् । तद्भासेदमखिलं भाति नित्यं तन्नित्यभासमचलं सद्विभाति
na tatra sūryaḥ pravibhātīha candro na nakṣatrāṇi tapano nota vidyut / tadbhāsedamakhilaṃ bhāti nityaṃ tannityabhāsamacalaṃ sadvibhāti
There the sun does not shine, nor the moon here, nor the stars, nor fire, nor lightning; by its shining all this shines constantly; that, of constant shining, unmoving, real, shines forth.
AI translation rendered from the Sanskrit, not a published edition
KuP 2 10.14
नित्योदितं संविदा निर्विकल्पं शुद्धं बृहन्तं परमं यद्विभाति । अत्रान्तरं ब्रह्मविदो ऽथ नित्यं पश्यन्ति तत्त्वमचलं यत् स ईशः
nityoditaṃ saṃvidā nirvikalpaṃ śuddhaṃ bṛhantaṃ paramaṃ yadvibhāti / atrāntaraṃ brahmavido 'tha nityaṃ paśyanti tattvamacalaṃ yat sa īśaḥ
That which shines forth as eternally risen, as pure awareness, free of all differentiation, pure, vast, supreme — herein the knowers of brahman then see continually that unmoving reality, which is the Lord.
AI translation rendered from the Sanskrit, not a published edition — the model flagged this verse as uncertain
KuP 2 10.15
नित्यानन्दममृतं सत्यरूपं शुद्धं वदन्ति पुरुषं सर्ववेदाः । तदेवेदमिति प्रणवेनेशितारं धायायन्ति वेदार्थविनिश्चितार्थाः
nityānandamamṛtaṃ satyarūpaṃ śuddhaṃ vadanti puruṣaṃ sarvavedāḥ / tadevedamiti praṇaveneśitāraṃ dhāyāyanti vedārthaviniścitārthāḥ
All the Vedas declare the Person to be eternal bliss, deathless, of the nature of truth, pure; and those who have determined the meaning of the Vedas' teaching meditate by means of the syllable OM on the Ruler, (thinking) "this here is just That."
AI translation rendered from the Sanskrit, not a published edition
KuP 2 10.16
न भूमिरापो न मनो न वह्निः प्राणो ऽनिलो गगनं नोत बुद्धिः । न चेतनो ऽन्यत् परमाकाशमध्ये विभाति देवः शिव एव केवलः
na bhūmirāpo na mano na vahniḥ prāṇo 'nilo gaganaṃ nota buddhiḥ / na cetano 'nyat paramākāśamadhye vibhāti devaḥ śiva eva kevalaḥ
Not earth, not water, not mind, not fire, not breath, not wind, not sky, nor intellect, nor the conscious (self), nor anything else: in the midst of the supreme space the God shines forth, Śiva alone.
AI translation rendered from the Sanskrit, not a published edition
KuP 2 10.17
इत्येतदुक्तं परमं रहस्यं ज्ञानामृतं सर्ववेदेषु गूढम् । जानाति योगी विजने ऽथ देशे युञ्जीत योगं प्रयतो ह्यजस्रम्
ityetaduktaṃ paramaṃ rahasyaṃ jñānāmṛtaṃ sarvavedeṣu gūḍham / jānāti yogī vijane 'tha deśe yuñjīta yogaṃ prayato hyajasram
Thus has this supreme secret been declared, the nectar of knowledge hidden in all the Vedas. The yogin who knows it should, in a solitary place, practice yoga, restrained and unceasingly.
AI translation rendered from the Sanskrit, not a published edition