Kurma Purana — Purva Vibhaga — Chapter 9
KuP 1 9.1
सूत उवाच एतच्छ्रुत्वा तु वचनं नारदाद्या महर्षयः । प्रणम्य वरदं विष्णुं पप्रच्छुः संशयान्विता
sūta uvāca etacchrutvā tu vacanaṃ nāradādyā maharṣayaḥ / praṇamya varadaṃ viṣṇuṃ papracchuḥ saṃśayānvitā
Sūta said: Having heard this speech, the great seers, Nārada and the rest, bowing to Viṣṇu the boon-giver, asked, being filled with doubt:
AI translation rendered from the Sanskrit, not a published edition
KuP 1 9.2
ऋषय ऊचुः कथितो भवता सर्गो मुख्यादीनां जनार्दन । इदानीं संशयं चेममस्माकं छेत्तुमर्हसि
ṛṣaya ūcuḥ kathito bhavatā sargo mukhyādīnāṃ janārdana / idānīṃ saṃśayaṃ cemamasmākaṃ chettumarhasi
The seers said: The creation of the chief ones and the rest has been recounted by you, O Janārdana; now you should cut away this doubt of ours.
AI translation rendered from the Sanskrit, not a published edition
KuP 1 9.3
कथं स भगवानीशः पूर्वजो ऽपि पिनाकधृक् । पुत्रत्वमगच्छंभुर्ब्रह्मणो ऽव्यक्तजन्मनः
kathaṃ sa bhagavānīśaḥ pūrvajo 'pi pinākadhṛk / putratvamagacchaṃbhurbrahmaṇo 'vyaktajanmanaḥ
How did that Lord, the Blessed One, the bearer of the Pināka, Śambhu, though himself the elder-born, come to sonship of Brahmā, who is born of the Unmanifest?
AI translation rendered from the Sanskrit, not a published edition
KuP 1 9.4
कथं च भगवाञ्जज्ञे ब्रह्मा लोकपितामहः । अण्डजो जगतामीशस्तन्नो वक्तुमिहार्हसि
kathaṃ ca bhagavāñjajñe brahmā lokapitāmahaḥ / aṇḍajo jagatāmīśastanno vaktumihārhasi
And how was the Blessed Brahmā, the grandfather of the worlds, the lord of the worlds, born from an egg? That you should tell us here.
AI translation rendered from the Sanskrit, not a published edition
KuP 1 9.5
श्रीकूर्म उवाच शृणुध्वमृषयः सर्वे शङ्करस्यामितौजसः । पुत्रत्वं ब्रह्मणस्तस्य पद्मयोनित्वमेव च
śrīkūrma uvāca śṛṇudhvamṛṣayaḥ sarve śaṅkarasyāmitaujasaḥ / putratvaṃ brahmaṇastasya padmayonitvameva ca
The blessed Kūrma said: Hear, all you seers, of the sonship of Śaṅkara of immeasurable might, and of the lotus-birth of that Brahmā.
AI translation rendered from the Sanskrit, not a published edition
KuP 1 9.6
अतीतकल्पावसाने तमोभूतं जगत् त्रयम् । आसीदेकार्णवं सर्वं न देवाद्या न चर्षयः
atītakalpāvasāne tamobhūtaṃ jagat trayam / āsīdekārṇavaṃ sarvaṃ na devādyā na carṣayaḥ
At the end of the past kalpa the three worlds had become darkness; all was a single ocean — there were no gods and the rest, nor seers.
AI translation rendered from the Sanskrit, not a published edition
KuP 1 9.7
तत्र नारायणो देवो निर्जने निरुपप्लवे । आश्रित्य शेषशयनं सुष्वाप पुरुषोत्तमः
tatra nārāyaṇo devo nirjane nirupaplave / āśritya śeṣaśayanaṃ suṣvāpa puruṣottamaḥ
There, in that empty place free of disturbance, the god Nārāyaṇa, the highest person, resting upon his couch, Śeṣa, slept.
AI translation rendered from the Sanskrit, not a published edition
KuP 1 9.8
सहस्त्रशीर्षा भूत्वा स सहस्त्राक्षः सहस्त्रपात् । सहस्त्रबाहुः सर्वज्ञश्चिन्त्यमानो मनीषिभिः
sahastraśīrṣā bhūtvā sa sahastrākṣaḥ sahastrapāt / sahastrabāhuḥ sarvajñaścintyamāno manīṣibhiḥ
Having become thousand-headed, thousand-eyed, thousand-footed, thousand-armed, all-knowing, meditated upon by the wise;
AI translation rendered from the Sanskrit, not a published edition
KuP 1 9.9
पीतवासा विशालाक्षो नीलजिमूतसन्निभः । महाविभूतिर्योगात्मा योगिनां हृदयालयः
pītavāsā viśālākṣo nīlajimūtasannibhaḥ / mahāvibhūtiryogātmā yogināṃ hṛdayālayaḥ
clad in yellow, wide-eyed, like a dark rain-cloud, of great majesty, whose self is yoga, dwelling in the heart of yogins.
AI translation rendered from the Sanskrit, not a published edition
KuP 1 9.10
कदाचित् तस्य सुप्तस्य लीलार्थं दिव्यमद्भुतम् । त्रैलोक्यसारं विमलं नाभ्यां पङ्कजमुद्वभौ
kadācit tasya suptasya līlārthaṃ divyamadbhutam / trailokyasāraṃ vimalaṃ nābhyāṃ paṅkajamudvabhau
Once, while he slept, for the sake of play there rose up from his navel a divine, wondrous, spotless lotus, the essence of the three worlds,
AI translation rendered from the Sanskrit, not a published edition
KuP 1 9.11
शतयोजनविस्तीर्णं तरुणादित्यसन्निभम् । दिव्यगन्धमयं पुण्यं कर्णिकाकेसरान्वितम्
śatayojanavistīrṇaṃ taruṇādityasannibham / divyagandhamayaṃ puṇyaṃ karṇikākesarānvitam
a hundred yojanas broad, like the young sun, full of divine fragrance, holy, endowed with pericarp and filaments.
AI translation rendered from the Sanskrit, not a published edition
KuP 1 9.12
तस्यैवं सुचिरं कालं वर्तमानस्य शार्ङ्गिणः । हिरण्यगर्भो भगवांस्तं देशमुपचक्रमे
tasyaivaṃ suciraṃ kālaṃ vartamānasya śārṅgiṇaḥ / hiraṇyagarbho bhagavāṃstaṃ deśamupacakrame
While the bearer of the bow was abiding thus for a very long time, the Lord Hiraṇyagarbha approached that place.
AI translation rendered from the Sanskrit, not a published edition
KuP 1 9.13
स तं करेण विश्वात्मा समुत्थाप्य सनातनम् । प्रोवाच मधुरं वाक्यं मायया तस्य मोहितः
sa taṃ kareṇa viśvātmā samutthāpya sanātanam / provāca madhuraṃ vākyaṃ māyayā tasya mohitaḥ
He, the self of all, raising up that eternal one with his hand, spoke sweet words, deluded by his (Viṣṇu's) māyā.
AI translation rendered from the Sanskrit, not a published edition
KuP 1 9.14
अस्मिन्नेकार्णवे घोरे निर्जने तमसावृते । एकाकी को भवाञ्छेते ब्रूहि मे पुरुषर्षभ
asminnekārṇave ghore nirjane tamasāvṛte / ekākī ko bhavāñchete brūhi me puruṣarṣabha
In this dreadful single ocean, empty and covered with darkness, who are you who lie here alone? Tell me, bull among men.
AI translation rendered from the Sanskrit, not a published edition
KuP 1 9.15
तस्य तद् वचनं श्रुत्वा विहस्य गरुडध्वजः । उवाच देवं ब्रह्माणं मेघगम्भीरनिः स्वनः
tasya tad vacanaṃ śrutvā vihasya garuḍadhvajaḥ / uvāca devaṃ brahmāṇaṃ meghagambhīraniḥ svanaḥ
Hearing that speech of his, the one with the Garuḍa banner laughed and spoke to the god Brahmā, his voice deep as a cloud:
AI translation rendered from the Sanskrit, not a published edition
KuP 1 9.16
भो भो नारायणं देवं लोकानां प्रभवाप्ययम् । महायोगेश्वरं मां त्वं जानीहि पुरुषोत्तमम्
bho bho nārāyaṇaṃ devaṃ lokānāṃ prabhavāpyayam / mahāyogeśvaraṃ māṃ tvaṃ jānīhi puruṣottamam
"Ho, ho! Know me as the god Nārāyaṇa, the origin and the end of the worlds, the great lord of yoga, the highest person.
AI translation rendered from the Sanskrit, not a published edition
KuP 1 9.17
मयि पश्य जगत् कृत्स्नं त्वां च लोकपितामहम् । सपर्वतमहाद्वीपं समुद्रैः सप्तभिर्वृतम्
mayi paśya jagat kṛtsnaṃ tvāṃ ca lokapitāmaham / saparvatamahādvīpaṃ samudraiḥ saptabhirvṛtam
See in me the whole world, and yourself, the grandfather of the worlds, with its mountains and great continents, encircled by the seven oceans."
AI translation rendered from the Sanskrit, not a published edition
KuP 1 9.18
एवमाभाष्य विश्चात्मा प्रोवाच पुरुषं हरिः । जानन्नपि महायोगी को भवानिति वेधसम्
evamābhāṣya viścātmā provāca puruṣaṃ hariḥ / jānannapi mahāyogī ko bhavāniti vedhasam
Having spoken thus, Hari, the self of all, the great yogin, said to that person, to the creator, though he knew: "Who are you?"
AI translation rendered from the Sanskrit, not a published edition
KuP 1 9.19
ततः प्रहस्य भगवान् ब्रह्मा वेदनिधिः प्रभुः । प्रत्युवाचाम्बुजाभाक्षं सस्मितं श्लक्ष्णया गिरा
tataḥ prahasya bhagavān brahmā vedanidhiḥ prabhuḥ / pratyuvācāmbujābhākṣaṃ sasmitaṃ ślakṣṇayā girā
Then the lord Brahmā, the treasury of the Vedas, the master, laughing, replied with a smile in a gentle voice to the lotus-eyed one:
AI translation rendered from the Sanskrit, not a published edition
KuP 1 9.20
अहं धाता विधाता च स्वयंभूः प्रपितामहः । मय्येव संस्थितं विश्वं ब्रह्माहं विश्वतोमुखः
ahaṃ dhātā vidhātā ca svayaṃbhūḥ prapitāmahaḥ / mayyeva saṃsthitaṃ viśvaṃ brahmāhaṃ viśvatomukhaḥ
"I am the establisher and the ordainer, the self-existent, the great-grandfather; in me alone the universe abides; I am Brahmā, whose faces are turned in all directions."
AI translation rendered from the Sanskrit, not a published edition
KuP 1 9.21
श्रुत्वा वाचं स भगवान् विष्णुः सत्यपराक्रमः । अनुज्ञाप्याथ योगेन प्रविष्टो ब्रह्मणस्तनुम्
śrutvā vācaṃ sa bhagavān viṣṇuḥ satyaparākramaḥ / anujñāpyātha yogena praviṣṭo brahmaṇastanum
Having heard (this) speech, that lord Viṣṇu, whose valour is true, then, having taken leave, entered Brahmā's body by yoga.
AI translation rendered from the Sanskrit, not a published edition
KuP 1 9.22
त्रलोक्यमेतत् सकलं सदेवासुरमानुषम् । उदरे तस्य देवस्य दृष्ट्वा विस्मयमागतः
tralokyametat sakalaṃ sadevāsuramānuṣam / udare tasya devasya dṛṣṭvā vismayamāgataḥ
Seeing in the belly of that god this whole triple world with its gods, demons and men, he was filled with astonishment.
AI translation rendered from the Sanskrit, not a published edition
KuP 1 9.23
तदास्य वक्त्रान्निष्क्रम्य पन्नगेन्द्रनिकेतनः । अजातशत्रुर्भगवान् पितामहमथाब्रवीत्
tadāsya vaktrānniṣkramya pannagendraniketanaḥ / ajātaśatrurbhagavān pitāmahamathābravīt
Then, coming out from his mouth, the lord whose enemy is unborn, whose dwelling is the king of serpents, spoke to the Grandfather:
AI translation rendered from the Sanskrit, not a published edition
KuP 1 9.24
भवानप्येवमेवाद्य शाश्वतं हि ममोहरम् । प्रविश्य लोकान् पश्यैतान् विचित्रान् पुरुषर्षभ
bhavānapyevamevādya śāśvataṃ hi mamoharam / praviśya lokān paśyaitān vicitrān puruṣarṣabha
"You too, in just this way, now enter my eternal (body), which is charming; behold these manifold worlds, O bull among men."
AI translation rendered from the Sanskrit, not a published edition
KuP 1 9.25
ततः प्रह्लादनीं वाणी श्रुत्वा तस्याभिनन्द्य च । श्रीपतेरुदरं भूयः प्रविवेश कुशध्वजः
tataḥ prahlādanīṃ vāṇī śrutvā tasyābhinandya ca / śrīpaterudaraṃ bhūyaḥ praviveśa kuśadhvajaḥ
Then, having heard his gladdening speech and having applauded it, Kuśadhvaja (Brahmā) again entered the belly of the Lord of Śrī.
AI translation rendered from the Sanskrit, not a published edition
KuP 1 9.26
तानेव लोकान् गर्भस्थानपश्यत् सत्यविक्रमः । पर्यटित्वा तु देवस्य ददृशे ऽन्तं न वै हरेः
tāneva lokān garbhasthānapaśyat satyavikramaḥ / paryaṭitvā tu devasya dadṛśe 'ntaṃ na vai hareḥ
He of true prowess saw those very same worlds situated in the womb; but though he wandered about, he did not see the end of the god Hari.
AI translation rendered from the Sanskrit, not a published edition
KuP 1 9.27
ततो द्वाराणि सर्वाणि पिहितानि महात्मना । जनार्दनेन ब्रह्मासौ नाभ्यां द्वारमविन्दत
tato dvārāṇi sarvāṇi pihitāni mahātmanā / janārdanena brahmāsau nābhyāṃ dvāramavindata
Then all the doors were closed by the great-souled Janārdana, and that Brahmā found a door at the navel.
AI translation rendered from the Sanskrit, not a published edition
KuP 1 9.28
तत्र योगबलेनासौ प्रविश्य कनकाण्डजः । उज्जहारात्मनो रूपं पुष्कराच्चतुराननः
tatra yogabalenāsau praviśya kanakāṇḍajaḥ / ujjahārātmano rūpaṃ puṣkarāccaturānanaḥ
There, having entered by the power of yoga, the four-faced one born of the golden egg brought forth his own form out of the lotus.
AI translation rendered from the Sanskrit, not a published edition
KuP 1 9.29
विरराजारविन्दस्थः पद्मगर्भसमद्युतिः । ब्रह्मा स्वयंभूर्भगवान् जगद्योनिः पितामहः
virarājāravindasthaḥ padmagarbhasamadyutiḥ / brahmā svayaṃbhūrbhagavān jagadyoniḥ pitāmahaḥ
Seated on the lotus, with radiance like a lotus's centre, the self-existent lord Brahmā, the womb of the world, the Grandfather, shone forth.
AI translation rendered from the Sanskrit, not a published edition
KuP 1 9.30
समन्यमानो विश्वेशमात्मानं परमं पदम् । प्रोवाच पुरुषं विष्णुं मेघगम्भीरया गिरा
samanyamāno viśveśamātmānaṃ paramaṃ padam / provāca puruṣaṃ viṣṇuṃ meghagambhīrayā girā
Deeming himself the lord of all, the supreme state, he spoke to the person Viṣṇu in a voice deep as a cloud:
AI translation rendered from the Sanskrit, not a published edition
KuP 1 9.31
किं कृतं भवतेदानीमात्मनो जयकाङ्क्षया । एको ऽहं प्रबलो नान्यो मां वै को ऽबिभविष्यति
kiṃ kṛtaṃ bhavatedānīmātmano jayakāṅkṣayā / eko 'haṃ prabalo nānyo māṃ vai ko 'bibhaviṣyati
"What is this that has now been done by you, out of a desire for your own victory? I alone am mighty, no other; who indeed shall overpower me?"
AI translation rendered from the Sanskrit, not a published edition
KuP 1 9.32
श्रुत्वा नारायणो वाक्यं ब्रह्मणो लोकतन्त्रिणः । सान्त्वपूर्वमिदं वाक्यं बभाषे मधुरं हरिः
śrutvā nārāyaṇo vākyaṃ brahmaṇo lokatantriṇaḥ / sāntvapūrvamidaṃ vākyaṃ babhāṣe madhuraṃ hariḥ
Having heard the speech of Brahmā, the governor of the worlds, Nārāyaṇa Hari spoke these sweet words, beginning with conciliation:
AI translation rendered from the Sanskrit, not a published edition
KuP 1 9.33
भवान् धाता विधाता च स्वयंभूः प्रपितामहः । न मात्सर्याभियोगेन द्वाराणि पिहितानि मे
bhavān dhātā vidhātā ca svayaṃbhūḥ prapitāmahaḥ / na mātsaryābhiyogena dvārāṇi pihitāni me
"You are the establisher and the ordainer, the self-existent, the great-grandfather; the doors were not closed by me out of any assault of envy.
AI translation rendered from the Sanskrit, not a published edition
KuP 1 9.34
किन्तु लीलार्थमेवैतन्न त्वां बाधितुमिच्छया । को हि बाधितुमन्विच्छेद् देवदेवं पितामहम्
kintu līlārthamevaitanna tvāṃ bādhitumicchayā / ko hi bādhitumanvicched devadevaṃ pitāmaham
But this was merely for the sake of play, not with a wish to obstruct you; for who would seek to obstruct the god of gods, the Grandfather?
AI translation rendered from the Sanskrit, not a published edition
KuP 1 9.35
न ते ऽन्यथावगन्तव्यं मान्यो मे सर्वथा भवान् । सर्वमन्वय कल्याणं यन्मयापहृतं तव
na te 'nyathāvagantavyaṃ mānyo me sarvathā bhavān / sarvamanvaya kalyāṇaṃ yanmayāpahṛtaṃ tava
You should not understand it otherwise; you are in every way to be honoured by me. Take back in full the good (or: whatever) of yours that was taken away by me.
AI translation rendered from the Sanskrit, not a published edition — the model flagged this verse as uncertain
KuP 1 9.36
अस्माच्च कारणाद् ब्रह्मन् पुत्रो भवतु मे भवान् । पद्मयोनिरिति ख्यातो मत्प्रियार्थं जगन्मय
asmācca kāraṇād brahman putro bhavatu me bhavān / padmayoniriti khyāto matpriyārthaṃ jaganmaya
And for this reason, O brahman, let you be my son, known as 'the lotus-born', for my pleasure, O you who are the world itself.
AI translation rendered from the Sanskrit, not a published edition
KuP 1 9.37
ततः स भगवान् देवो वरं दत्त्वा किरीटिने । प्रहर्षमतुलं गत्वा पुनर्विष्णुमभाषत
tataḥ sa bhagavān devo varaṃ dattvā kirīṭine / praharṣamatulaṃ gatvā punarviṣṇumabhāṣata
Then that lord god (Brahmā), having granted a boon to the diademed one, and having attained incomparable joy, spoke again to Viṣṇu:
AI translation rendered from the Sanskrit, not a published edition
KuP 1 9.38
भवान् सर्वात्मको ऽनन्तः सर्वेषां परमेश्वरः । सर्वभूतान्तरात्मा वै परं बह्म सनातनम्
bhavān sarvātmako 'nantaḥ sarveṣāṃ parameśvaraḥ / sarvabhūtāntarātmā vai paraṃ bahma sanātanam
"You are the self of all, endless, the supreme lord of all, the inner self of all beings, the supreme eternal Brahman."
AI translation rendered from the Sanskrit, not a published edition
KuP 1 9.39
अहं वै सर्वलोकानामात्मा लोकमहेश्वरः । मन्मयं सर्वमेवेदं ब्रह्माहं पुरुषः परः
ahaṃ vai sarvalokānāmātmā lokamaheśvaraḥ / manmayaṃ sarvamevedaṃ brahmāhaṃ puruṣaḥ paraḥ
"I indeed am the Self of all the worlds, the great lord of the world; all this is made of me. I am brahman, the supreme Puruṣa."
AI translation rendered from the Sanskrit, not a published edition
KuP 1 9.40
नावाभ्यां विद्यते ह्यन्यो लोकानां परमेश्वरः । एका मूर्तिर्द्विधा भिन्ना नारायणपितामहौ
nāvābhyāṃ vidyate hyanyo lokānāṃ parameśvaraḥ / ekā mūrtirdvidhā bhinnā nārāyaṇapitāmahau
"For there is no other supreme lord of the worlds than we two: one form split in two ways, Nārāyaṇa and the Grandfather."
AI translation rendered from the Sanskrit, not a published edition
KuP 1 9.41
तेनैवमुक्तो ब्रह्माणं वासुदेवो ऽब्रवीदिदम् । इयं प्रतिज्ञा भवतो विनाशाय भविष्यति
tenaivamukto brahmāṇaṃ vāsudevo 'bravīdidam / iyaṃ pratijñā bhavato vināśāya bhaviṣyati
Addressed thus by him, Vāsudeva said this to Brahmā: "This claim of yours will lead to (your) destruction.
AI translation rendered from the Sanskrit, not a published edition
KuP 1 9.42
किं न पश्यसि योगेशं ब्रह्माधिपतिमव्ययम् । प्रधानपुरुषेशानं वेदाहं परमेश्वरम्
kiṃ na paśyasi yogeśaṃ brahmādhipatimavyayam / pradhānapuruṣeśānaṃ vedāhaṃ parameśvaram
Do you not see the lord of yoga, the imperishable overlord of Brahmā? I know him, the supreme lord, the ruler of pradhāna and puruṣa,
AI translation rendered from the Sanskrit, not a published edition
KuP 1 9.43
यं न पश्यन्ति योगीन्द्राः सांख्या अपि महेश्वरम् । अनादिनिधनं ब्रह्म तमेव शरणं व्रज
yaṃ na paśyanti yogīndrāḥ sāṃkhyā api maheśvaram / anādinidhanaṃ brahma tameva śaraṇaṃ vraja
the Great Lord whom neither the chiefs of yogins nor the Sāṃkhyas behold, the brahman without beginning or end — to him alone go for refuge."
AI translation rendered from the Sanskrit, not a published edition
KuP 1 9.44
ततः क्रुद्धो ऽम्बुजाभाक्षं ब्रह्मा प्रोवाच केशवम् । भवान् न नूनमात्मानं वेत्ति तत् परमक्षरम्
tataḥ kruddho 'mbujābhākṣaṃ brahmā provāca keśavam / bhavān na nūnamātmānaṃ vetti tat paramakṣaram
Then Brahmā, angered, said to the lotus-petal-eyed Keśava: "Surely you do not know yourself, that supreme imperishable one —
AI translation rendered from the Sanskrit, not a published edition
KuP 1 9.45
ब्रह्माणं जगतामेकमात्मानं परमं पदम् । नावाभ्यां विद्यते ह्यन्यो लोकानां परमेश्वरः
brahmāṇaṃ jagatāmekamātmānaṃ paramaṃ padam / nāvābhyāṃ vidyate hyanyo lokānāṃ parameśvaraḥ
brahman, the one Self of the worlds, the supreme abode. For there is no other supreme lord of the worlds than we two.
AI translation rendered from the Sanskrit, not a published edition
KuP 1 9.46
संत्यज्य निद्रां विपुलां स्वमात्मानं विलोकय । तस्य तत् क्रोधजं वाक्यं श्रुत्वा विष्णुरभाषत
saṃtyajya nidrāṃ vipulāṃ svamātmānaṃ vilokaya / tasya tat krodhajaṃ vākyaṃ śrutvā viṣṇurabhāṣata
Abandoning (your) vast sleep, behold your own self." Hearing that speech of his, born of anger, Viṣṇu spoke:
AI translation rendered from the Sanskrit, not a published edition
KuP 1 9.47
मा मैवं वद कल्याण परिवादं महात्मनः । न मे ऽस्त्यविदितं ब्रह्मन् नान्यथाहं वदामिते
mā maivaṃ vada kalyāṇa parivādaṃ mahātmanaḥ / na me 'styaviditaṃ brahman nānyathāhaṃ vadāmite
"No, no, do not speak thus, good sir — (do not utter) reproach of the great one. Nothing is unknown to me, O brahmin; I am not telling you otherwise (than the truth)."
AI translation rendered from the Sanskrit, not a published edition
KuP 1 9.48
किन्तु मोहयति ब्रह्मन् भवन्तं पारमेश्वरी । मायाशेषविशेषाणां हेतुरात्मसमुद्भावा
kintu mohayati brahman bhavantaṃ pārameśvarī / māyāśeṣaviśeṣāṇāṃ heturātmasamudbhāvā
"But, O brahmin, the supreme Lord's own māyā — the cause of all the particular distinctions, arisen from himself — deludes you."
AI translation rendered from the Sanskrit, not a published edition — the model flagged this verse as uncertain
KuP 1 9.49
एतावदुक्त्वा भगवान् विष्णुस्तूष्णीं बभूव ह । ज्ञात्वा तत् परमं तत्त्वं स्वमात्मानं महेश्वरम्
etāvaduktvā bhagavān viṣṇustūṣṇīṃ babhūva ha / jñātvā tat paramaṃ tattvaṃ svamātmānaṃ maheśvaram
Having said only this much, the Lord Viṣṇu fell silent, having recognized that supreme reality, his own self, Maheśvara.
AI translation rendered from the Sanskrit, not a published edition
KuP 1 9.50
कुतो ऽप्यपरिमेयात्मा भूतानां परमेश्वरः । प्रसादं ब्रह्मणे कर्तुं प्रादुरासीत् ततो हरः
kuto 'pyaparimeyātmā bhūtānāṃ parameśvaraḥ / prasādaṃ brahmaṇe kartuṃ prādurāsīt tato haraḥ
Then, from somewhere, Hara, the supreme Lord of beings, whose self is immeasurable, appeared, in order to show favour to Brahmā.
AI translation rendered from the Sanskrit, not a published edition
KuP 1 9.51
ललाटनयनो ऽनन्तो जटामण्डलमण्डितः । त्रिशूलपाणिर्भगवांस्तेजसां परमो निधिः
lalāṭanayano 'nanto jaṭāmaṇḍalamaṇḍitaḥ / triśūlapāṇirbhagavāṃstejasāṃ paramo nidhiḥ
With an eye in his forehead, endless, adorned with a mass of matted hair, holding a trident in his hand — the Lord, the highest treasury of splendours,
AI translation rendered from the Sanskrit, not a published edition
KuP 1 9.52
दिव्यां विशालां ग्रथितां ग्रहैः सार्केन्दुतारकैः । मालामत्यद्भुताकारां धारयन् पादलम्बिनीम्
divyāṃ viśālāṃ grathitāṃ grahaiḥ sārkendutārakaiḥ / mālāmatyadbhutākārāṃ dhārayan pādalambinīm
wearing a divine, vast garland strung with the planets together with sun, moon and stars, of most wondrous form, hanging down to his feet.
AI translation rendered from the Sanskrit, not a published edition
KuP 1 9.53
तं दृष्ट्वा देवमीशानं ब्रह्मा लोकपितामहः । मोहितो माययात्यर्थं पीतवाससमब्वीत्
taṃ dṛṣṭvā devamīśānaṃ brahmā lokapitāmahaḥ / mohito māyayātyarthaṃ pītavāsasamabvīt
Seeing that god, the Ruler, Brahmā, the grandfather of the worlds, exceedingly deluded by (his) māyā, said to the yellow-robed one:
AI translation rendered from the Sanskrit, not a published edition
KuP 1 9.54
क एष पुरुषो ऽनन्तः शूलपाणिस्त्रिलोचनः । तेजोराशिरमेयात्मा समायाति जनार्दन
ka eṣa puruṣo 'nantaḥ śūlapāṇistrilocanaḥ / tejorāśirameyātmā samāyāti janārdana
"Who is this endless person, trident in hand, three-eyed, a mass of splendour, of immeasurable self, who is approaching, O Janārdana?"
AI translation rendered from the Sanskrit, not a published edition
KuP 1 9.55
तस्य तद् वचनं श्रुत्वा विष्णुर्दानवमर्दनः । अपश्यदीश्वरं देवं ज्वलन्तं विमले ऽम्भसि
tasya tad vacanaṃ śrutvā viṣṇurdānavamardanaḥ / apaśyadīśvaraṃ devaṃ jvalantaṃ vimale 'mbhasi
Hearing that speech of his, Viṣṇu, the crusher of the Dānavas, saw the god, the Lord, blazing in the clear water.
AI translation rendered from the Sanskrit, not a published edition
KuP 1 9.56
ज्ञात्वा तत्परमं भावमैश्वरं ब्रह्मभावनम् । प्रोवाचोत्थाय भगवान् देवदेवं पितामहम्
jñātvā tatparamaṃ bhāvamaiśvaraṃ brahmabhāvanam / provācotthāya bhagavān devadevaṃ pitāmaham
Having recognized that supreme state, belonging to the Lord, which brings about (the realization of) brahman, the Lord rose and spoke to the grandfather, the god of gods:
AI translation rendered from the Sanskrit, not a published edition — the model flagged this verse as uncertain
KuP 1 9.57
अयं देवो महादेवः स्वयञ्ज्योतिः सनातनः । अनादिनिधनो ऽचिन्त्यो लोकानामीश्वरो महान्
ayaṃ devo mahādevaḥ svayañjyotiḥ sanātanaḥ / anādinidhano 'cintyo lokānāmīśvaro mahān
"This god is Mahādeva, self-luminous, eternal, without beginning or end, unthinkable, the great Lord of the worlds,
AI translation rendered from the Sanskrit, not a published edition
KuP 1 9.58
शङ्करः शंभुरीशानः सर्वात्मा परमेश्वरः । भूतानामधिपो योगी महेशो विमलः शिवः
śaṅkaraḥ śaṃbhurīśānaḥ sarvātmā parameśvaraḥ / bhūtānāmadhipo yogī maheśo vimalaḥ śivaḥ
Śaṅkara, Śambhu, Īśāna, the self of all, the supreme Lord, the overlord of beings, the yogin, Maheśa, the stainless Śiva.
AI translation rendered from the Sanskrit, not a published edition
KuP 1 9.59
एष धाता विधाता च प्रधानपुरुषेश्वरः । यं प्रपश्यन्ति यतयो ब्रह्मभावेन भाविताः
eṣa dhātā vidhātā ca pradhānapuruṣeśvaraḥ / yaṃ prapaśyanti yatayo brahmabhāvena bhāvitāḥ
He is the establisher and the ordainer, the lord of pradhāna and puruṣa, whom ascetics, matured in the state of brahman, behold.
AI translation rendered from the Sanskrit, not a published edition
KuP 1 9.60
सृजत्येष जगत् कृत्स्नं पाति संहरते तथा । कालो भूत्वा महादेवः केवलो निष्कलः शिवः
sṛjatyeṣa jagat kṛtsnaṃ pāti saṃharate tathā / kālo bhūtvā mahādevaḥ kevalo niṣkalaḥ śivaḥ
He creates this whole world, protects it, and likewise withdraws it, having become Time — Mahādeva, alone, undivided, Śiva.
AI translation rendered from the Sanskrit, not a published edition
KuP 1 9.61
ब्रह्माणं विदधे पूर्वं भवन्तं यः सनातनः । वेदांश्च प्रददौ तुभ्यं सो ऽयमायाति शङ्करः
brahmāṇaṃ vidadhe pūrvaṃ bhavantaṃ yaḥ sanātanaḥ / vedāṃśca pradadau tubhyaṃ so 'yamāyāti śaṅkaraḥ
He, the eternal one, who formerly fashioned you as Brahmā and gave you the Vedas — this same Śaṅkara is coming.
AI translation rendered from the Sanskrit, not a published edition
KuP 1 9.62
अस्यैव चापरां मूर्ति विश्वयोनिं सनातनीम् । वासुदेवाभिधानां मामवेहि प्रपितामह
asyaiva cāparāṃ mūrti viśvayoniṃ sanātanīm / vāsudevābhidhānāṃ māmavehi prapitāmaha
And know me, O great-grandfather, to be another form of him alone, the womb of the universe, eternal, named Vāsudeva.
AI translation rendered from the Sanskrit, not a published edition
KuP 1 9.63
किं न पश्यसि योगेशं ब्रह्माधिपतिमव्ययम् । दिव्यं भवतु ते चक्षुर्येन द्रक्ष्यसि तत्परम्
kiṃ na paśyasi yogeśaṃ brahmādhipatimavyayam / divyaṃ bhavatu te cakṣuryena drakṣyasi tatparam
Why do you not see the lord of yoga, the imperishable overlord of Brahmā? Let your eye become divine, by which you will see that supreme one."
AI translation rendered from the Sanskrit, not a published edition
KuP 1 9.64
लब्ध्वा शैवं तदा चक्षुर्विष्णोर्लोकपितामहः । बुबुधे परमेशानं पुरतः समवस्थितम्
labdhvā śaivaṃ tadā cakṣurviṣṇorlokapitāmahaḥ / bubudhe parameśānaṃ purataḥ samavasthitam
Then, having received Śiva's eye from Viṣṇu, the grandfather of the worlds recognized the supreme Ruler standing before him.
AI translation rendered from the Sanskrit, not a published edition
KuP 1 9.65
स लब्ध्वा परमं ज्ञानमैश्वरं प्रपितामहः । प्रपेदे शरणं देवं तमेव पितरं शिवम्
sa labdhvā paramaṃ jñānamaiśvaraṃ prapitāmahaḥ / prapede śaraṇaṃ devaṃ tameva pitaraṃ śivam
Having obtained that supreme knowledge of the Lord, the great-grandfather went for refuge to that very god, his father, Śiva.
AI translation rendered from the Sanskrit, not a published edition
KuP 1 9.66
ओङ्कारं समनुस्मृत्य संस्तभ्यात्मानमात्मना । अथर्वशिरसा देवं तुष्टाव च कृताञ्जलिः
oṅkāraṃ samanusmṛtya saṃstabhyātmānamātmanā / atharvaśirasā devaṃ tuṣṭāva ca kṛtāñjaliḥ
Recollecting the syllable Oṃ, steadying himself by himself, with palms joined he praised the god with the Atharvaśiras.
AI translation rendered from the Sanskrit, not a published edition
KuP 1 9.67
संस्तुतस्तेन भगवान् ब्रह्मणा परमेश्वरः । अवाप परमां प्रीतिं व्याजहार स्मयन्निव
saṃstutastena bhagavān brahmaṇā parameśvaraḥ / avāpa paramāṃ prītiṃ vyājahāra smayanniva
Praised by that Brahmā, the Blessed Supreme Lord attained the highest delight and spoke, as if smiling.
AI translation rendered from the Sanskrit, not a published edition
KuP 1 9.68
मत्समस्त्वं न संदेहो मद्भक्तश्च यतो भवान् । मयैवोत्पादितः पूर्वं लोकसृष्ट्यर्थमव्ययम्
matsamastvaṃ na saṃdeho madbhaktaśca yato bhavān / mayaivotpāditaḥ pūrvaṃ lokasṛṣṭyarthamavyayam
"You are equal to me, there is no doubt, and since you are my devotee, you were formerly brought forth by me alone, imperishable, for the purpose of creating the worlds."
AI translation rendered from the Sanskrit, not a published edition
KuP 1 9.69
त्वमात्मा ह्यादिपुरुषो मम देहसमुद्भवः । वरं वरय विश्वात्मन् वरदो ऽहं तवानघ
tvamātmā hyādipuruṣo mama dehasamudbhavaḥ / varaṃ varaya viśvātman varado 'haṃ tavānagha
"For you are the Self, the primordial Person, arisen from my body. Choose a boon, Soul of all; I am the giver of boons to you, sinless one."
AI translation rendered from the Sanskrit, not a published edition
KuP 1 9.70
स देवदेववचनं निशम्य कमलोद्भवः । निरीक्ष्य विष्णुं पुरुषं प्रणम्याह वृषध्वजम्
sa devadevavacanaṃ niśamya kamalodbhavaḥ / nirīkṣya viṣṇuṃ puruṣaṃ praṇamyāha vṛṣadhvajam
Having heard the words of the God of gods, the lotus-born one, gazing upon Viṣṇu the Person, bowed and spoke to the bull-bannered god.
AI translation rendered from the Sanskrit, not a published edition
KuP 1 9.71
भगवन् भूतभव्येश महादेवाम्बिकापते । त्वामेव पुत्रमिच्छामि त्वया वा सदृशं सतम्
bhagavan bhūtabhavyeśa mahādevāmbikāpate / tvāmeva putramicchāmi tvayā vā sadṛśaṃ satam
"O Blessed One, Lord of what has been and what will be, Great God, husband of Ambikā, I wish for you yourself as my son, or for a good one like you."
AI translation rendered from the Sanskrit, not a published edition
KuP 1 9.72
मोहितो ऽस्मि महादेव मायया सूक्ष्मया त्वया । न जाने परमं भावं याथातथ्येन ते शिव
mohito 'smi mahādeva māyayā sūkṣmayā tvayā / na jāne paramaṃ bhāvaṃ yāthātathyena te śiva
"I have been deluded, Great God, by your subtle māyā; I do not know your supreme nature as it truly is, O Śiva."
AI translation rendered from the Sanskrit, not a published edition
KuP 1 9.73
त्वमेव देव भक्तानां भ्राता माता पिता सुहृत् । प्रसीद तव पादाब्जं नमामि शरणं गतः
tvameva deva bhaktānāṃ bhrātā mātā pitā suhṛt / prasīda tava pādābjaṃ namāmi śaraṇaṃ gataḥ
"You alone, O God, are the brother, mother, father and friend of your devotees. Be gracious; I bow to your lotus-foot, having gone (to it) for refuge."
AI translation rendered from the Sanskrit, not a published edition
KuP 1 9.74
स तस्य वचनं श्रुत्वा जगन्नाथो वृषध्वजः । व्याजहार तदा पुत्रं समालोक्य जनार्दनम्
sa tasya vacanaṃ śrutvā jagannātho vṛṣadhvajaḥ / vyājahāra tadā putraṃ samālokya janārdanam
Having heard his words, the bull-bannered Lord of the world then, looking at Janārdana, spoke to (his) son.
AI translation rendered from the Sanskrit, not a published edition
KuP 1 9.75
यदर्थितं भगवता तत् करिष्यामि पुत्रक । विज्ञानमैश्वरं दिव्यमुत्पत्स्यति तवानघ
yadarthitaṃ bhagavatā tat kariṣyāmi putraka / vijñānamaiśvaraṃ divyamutpatsyati tavānagha
"What has been requested by you, sir, that I shall do, little son; divine sovereign knowledge will arise in you, O sinless one."
AI translation rendered from the Sanskrit, not a published edition
KuP 1 9.76
त्वमेव सर्वभूतानामादिकर्ता नियोजितः । तथा कुरुष्व देवेश मया लोकपितामह
tvameva sarvabhūtānāmādikartā niyojitaḥ / tathā kuruṣva deveśa mayā lokapitāmaha
"You yourself have been appointed the first maker of all beings; so act, Lord of gods, as (bidden) by me, O grandfather of the worlds."
AI translation rendered from the Sanskrit, not a published edition
KuP 1 9.77
एष नारायणो ऽनन्तो ममैव परमा तनुः । भविष्यति तवेशानो योगक्षेमवहो हरिः
eṣa nārāyaṇo 'nanto mamaiva paramā tanuḥ / bhaviṣyati taveśāno yogakṣemavaho hariḥ
"This endless Nārāyaṇa is my own supreme body; he, Hari the Lord, will be the bearer of your welfare and security."
AI translation rendered from the Sanskrit, not a published edition
KuP 1 9.78
एवं व्याहृत्य हस्ताभ्यां प्रीतात्मा परमेश्वरः । संस्पृश्य देवं ब्रह्माणं हरिं वचनमब्रवीत्
evaṃ vyāhṛtya hastābhyāṃ prītātmā parameśvaraḥ / saṃspṛśya devaṃ brahmāṇaṃ hariṃ vacanamabravīt
Having spoken thus, the Supreme Lord, glad at heart, touched the god Brahmā with both hands and spoke a word to Hari.
AI translation rendered from the Sanskrit, not a published edition
KuP 1 9.79
तृष्टो ऽस्मि सर्वथाहन्ते भक्त्या तव जगन्मय । वरं वृणीष्वं नह्यावां विभिन्नौ परमार्थतः
tṛṣṭo 'smi sarvathāhante bhaktyā tava jaganmaya / varaṃ vṛṇīṣvaṃ nahyāvāṃ vibhinnau paramārthataḥ
"I am pleased in every way, O Ananta, by your devotion, you who are made of the world; choose a boon, for we two are not separate in the highest truth."
AI translation rendered from the Sanskrit, not a published edition
KuP 1 9.80
श्रुत्वाथ देववचनं विष्णुर्विश्वजगन्मयः । प्राह प्रसन्नया वाचा समालोक्य चतुर्मुखम्
śrutvātha devavacanaṃ viṣṇurviśvajaganmayaḥ / prāha prasannayā vācā samālokya caturmukham
Then, having heard the god's words, Viṣṇu, who is the whole universe, looked at the four-faced one and spoke with a gracious voice.
AI translation rendered from the Sanskrit, not a published edition
KuP 1 9.81
एष एव वरः श्लोघ्यो यदहं परमेश्वरम् । पश्यामि परमात्मानं भक्तिर्भवतु मे त्वयि
eṣa eva varaḥ śloghyo yadahaṃ parameśvaram / paśyāmi paramātmānaṃ bhaktirbhavatu me tvayi
"This very thing is the praiseworthy boon: that I see the Supreme Lord, the Supreme Self. Let there be devotion in me toward you."
AI translation rendered from the Sanskrit, not a published edition
KuP 1 9.82
तथेत्युक्त्वा महादेवः पुनर्विष्णुमभाषत । भवान् सर्वस्य कार्यस्य कर्ताहऽमधिदैवतम्
tathetyuktvā mahādevaḥ punarviṣṇumabhāṣata / bhavān sarvasya kāryasya kartāha'madhidaivatam
Saying "so be it," the Great God spoke to Viṣṇu again: "You are the doer of every act, and my presiding deity."
AI translation rendered from the Sanskrit, not a published edition
KuP 1 9.83
मन्मयं त्वन्मयं चैव सर्वमेतन्न संशयः । भवान् सोमस्त्वहं सूर्यो भवान् रात्रिरहं दिनम्
manmayaṃ tvanmayaṃ caiva sarvametanna saṃśayaḥ / bhavān somastvahaṃ sūryo bhavān rātrirahaṃ dinam
"All this consists of me and of you, no doubt: you are the moon, I the sun; you are night, I day."
AI translation rendered from the Sanskrit, not a published edition
KuP 1 9.84
भवान् प्रकृतिरव्यक्तमहं पुरुष एव च । भवान् ज्ञानमहं ज्ञाता भवान् मायाहमीश्वरः
bhavān prakṛtiravyaktamahaṃ puruṣa eva ca / bhavān jñānamahaṃ jñātā bhavān māyāhamīśvaraḥ
"You are Nature, the unmanifest; I am the Person. You are knowledge, I the knower. You are māyā, I the Lord."
AI translation rendered from the Sanskrit, not a published edition
KuP 1 9.85
भवान् विद्यात्मिका शक्तिः शक्तिमानहमीश्वरः । यो ऽहं सुनिष्कलो देवः सो ऽपि नारायणः परः
bhavān vidyātmikā śaktiḥ śaktimānahamīśvaraḥ / yo 'haṃ suniṣkalo devaḥ so 'pi nārāyaṇaḥ paraḥ
"You are the power whose essence is knowledge, I am the Lord who possesses power. I who am the wholly undivided god — he too is the supreme Nārāyaṇa."
AI translation rendered from the Sanskrit, not a published edition
KuP 1 9.86
एकीभावेन पश्यन्ति योगिनो ब्रह्मवादिनः । त्वामनाश्रित्य विश्वात्मन् न योगी मामुपैष्यति । पालयैतज्जगत् कृत्स्नं सदेवासुरमानुषम्
ekībhāvena paśyanti yogino brahmavādinaḥ / tvāmanāśritya viśvātman na yogī māmupaiṣyati / pālayaitajjagat kṛtsnaṃ sadevāsuramānuṣam
"Yogins and those who speak of Brahman see (us) as one being. Without resorting to you, Soul of all, no yogin will reach me. Protect this whole world with its gods, demons and men."
AI translation rendered from the Sanskrit, not a published edition
KuP 1 9.87
इतीदमुक्त्वा भगवाननादिः स्वमायया मोहितभूतभेदः । जगाम जन्मर्धिविनाशहीनं धामैकमव्यक्तमनन्तशक्तिः
itīdamuktvā bhagavānanādiḥ svamāyayā mohitabhūtabhedaḥ / jagāma janmardhivināśahīnaṃ dhāmaikamavyaktamanantaśaktiḥ
Having spoken thus, the beginningless Lord, by whose own power of illusion the distinctions among beings are deluded, whose power is endless, went to the one unmanifest abode that is free of birth, growth and destruction.
AI translation rendered from the Sanskrit, not a published edition