Kurma Purana — Purva Vibhaga — Chapter 48
KuP 1 48.1
सूत उवाच शाकद्वीपस्य विस्ताराद् द्विगुणेन व्यवस्थितः । क्षीरार्णवं समाश्रित्य द्वीपः पुष्करसंवृतः
sūta uvāca śākadvīpasya vistārād dviguṇena vyavasthitaḥ / kṣīrārṇavaṃ samāśritya dvīpaḥ puṣkarasaṃvṛtaḥ
Sūta said: Twice the extent of Śākadvīpa is the island surrounded by Puṣkara, situated resting upon the ocean of milk.
AI translation rendered from the Sanskrit, not a published edition
KuP 1 48.2
एक एवात्र विप्रेन्द्राः पर्वतो मानसोत्तरः । योजनानां सहस्त्राणि सार्धं पञ्चाशदुच्छ्रितः । तावदेव च विस्तीर्णः सर्वतः परिमण्डलः
eka evātra viprendrāḥ parvato mānasottaraḥ / yojanānāṃ sahastrāṇi sārdhaṃ pañcāśaducchritaḥ / tāvadeva ca vistīrṇaḥ sarvataḥ parimaṇḍalaḥ
Here, O best of brahmins, there is but one mountain, Mānasottara, fifty thousand yojanas and a half in height, and just so much in breadth, circular on all sides.
AI translation rendered from the Sanskrit, not a published edition
KuP 1 48.3
स एव द्वीपः पश्चार्धे मानसोत्तरसंज्ञितः । एक एव महासानुः संनिवेशाद् द्विधा कृतः
sa eva dvīpaḥ paścārdhe mānasottarasaṃjñitaḥ / eka eva mahāsānuḥ saṃniveśād dvidhā kṛtaḥ
That very continent, in its western half, is called Mānasottara; being but one great ridge, it is made twofold by (this) arrangement.
AI translation rendered from the Sanskrit, not a published edition
KuP 1 48.4
तस्मिन् द्वीपे स्मृतौ द्वौ तु पुण्यौ जनपदौ शुभौ । अपरौ मानसस्याथ पर्वतस्यानुमण्डलौ । महावीतं स्मृतं वर्षं धातकीखण्डमेव च
tasmin dvīpe smṛtau dvau tu puṇyau janapadau śubhau / aparau mānasasyātha parvatasyānumaṇḍalau / mahāvītaṃ smṛtaṃ varṣaṃ dhātakīkhaṇḍameva ca
In that continent two holy and auspicious regions are recorded, lying on the far side of the Mānasa mountain and following its circle: the region called Mahāvīta and Dhātakīkhaṇḍa.
AI translation rendered from the Sanskrit, not a published edition — the model flagged this verse as uncertain
KuP 1 48.5
स्वादूदकेनोदधिना पुष्करः परिवारितः । तस्मिन् द्वीपे महावृक्षो न्यग्रोधो ऽमरपूजितः
svādūdakenodadhinā puṣkaraḥ parivāritaḥ / tasmin dvīpe mahāvṛkṣo nyagrodho 'marapūjitaḥ
Puṣkara is encircled by the ocean of sweet water. In that continent is the great tree, the banyan, honoured by the immortals.
AI translation rendered from the Sanskrit, not a published edition
KuP 1 48.6
तस्मिन् निवसति ब्रह्मा विश्वात्मा विश्वभावनः । तत्रैव मुनिशार्दूलाः शिवनारायणालयः
tasmin nivasati brahmā viśvātmā viśvabhāvanaḥ / tatraiva muniśārdūlāḥ śivanārāyaṇālayaḥ
There dwells Brahmā, the self of all, the producer of all; there itself, O tigers among sages, is the abode of Śiva and Nārāyaṇa.
AI translation rendered from the Sanskrit, not a published edition
KuP 1 48.7
वसत्यत्र महादेवो हरोर्ऽद्धहरिरव्ययः । संपूज्यमानो ब्रह्माद्यैः कुमाराद्यैश्च योगिभिः । गन्धर्वैः किन्नरैर्यक्षैरीश्वरः कृष्णपिङ्गलः
vasatyatra mahādevo haror'ddhahariravyayaḥ / saṃpūjyamāno brahmādyaiḥ kumārādyaiśca yogibhiḥ / gandharvaiḥ kinnarairyakṣairīśvaraḥ kṛṣṇapiṅgalaḥ
There dwells the Great God, the imperishable Hari who is half of Hari, worshipped by Brahmā and the others and by the yogins headed by Kumāra, by gandharvas, kinnaras and yakṣas — the Lord, dark and tawny.
AI translation rendered from the Sanskrit, not a published edition — the model flagged this verse as uncertain
KuP 1 48.8
स्वस्थास्तत्र प्रजाः सर्वा ब्रह्मणा सदृशत्विषः । निरामया विशोकाश्च रागद्वेषविवर्जिताः
svasthāstatra prajāḥ sarvā brahmaṇā sadṛśatviṣaḥ / nirāmayā viśokāśca rāgadveṣavivarjitāḥ
There all the creatures are at ease, equal in radiance to Brahmā, free from disease and from sorrow, devoid of attachment and hatred.
AI translation rendered from the Sanskrit, not a published edition
KuP 1 48.9
सत्यानृते न तत्रास्तां नोत्तमाधममध्यमाः । न वर्णाश्रमधर्माश्च न नद्यो न च पर्वताः
satyānṛte na tatrāstāṃ nottamādhamamadhyamāḥ / na varṇāśramadharmāśca na nadyo na ca parvatāḥ
There truth and falsehood did not exist, nor highest, lowest and middling, nor the duties of classes and life-stages, nor rivers, nor mountains.
AI translation rendered from the Sanskrit, not a published edition
KuP 1 48.10
परेण पुष्करस्याथ स्थितो महान् । स्वादूदकसमुद्रस्तु समन्ताद् द्विजसत्तमाः
pareṇa puṣkarasyātha sthito mahān / svādūdakasamudrastu samantād dvijasattamāḥ
Beyond Puṣkara, O best of the twice-born, stands the great ocean of sweet water, all around.
AI translation rendered from the Sanskrit, not a published edition
KuP 1 48.11
परेण तस्य महती दृश्यते लोकसंस्थितिः । काञ्चनी द्विगुणा भूमिः सर्वा चैव शिलोपमा
pareṇa tasya mahatī dṛśyate lokasaṃsthitiḥ / kāñcanī dviguṇā bhūmiḥ sarvā caiva śilopamā
Beyond that, a great world-formation is seen: a golden ground, twice as large, and all of it like (one) rock.
AI translation rendered from the Sanskrit, not a published edition
KuP 1 48.12
तस्याः परेण शैलस्तु मर्यादात्मात्ममण्डलः । प्रकाशश्चाप्रकाशश्च लोकालोकः स उच्यते
tasyāḥ pareṇa śailastu maryādātmātmamaṇḍalaḥ / prakāśaścāprakāśaśca lokālokaḥ sa ucyate
Beyond it is a mountain, itself a boundary, its circle being its own; it is both lit and unlit, and is called Lokāloka.
AI translation rendered from the Sanskrit, not a published edition — the model flagged this verse as uncertain
KuP 1 48.13
योजनानां सहस्त्राणि दश तस्योच्छ्रयः स्मृतः । तावानेव च विस्तारो लोकालोको महागिरिः
yojanānāṃ sahastrāṇi daśa tasyocchrayaḥ smṛtaḥ / tāvāneva ca vistāro lokāloko mahāgiriḥ
Its height is recorded as ten thousand yojanas, and its breadth is just as much — Lokāloka, the great mountain.
AI translation rendered from the Sanskrit, not a published edition
KuP 1 48.14
समावृत्य तु तं शैलं सर्वतो वै तमः स्थितम् । तमश्चाण्डकटाहेन समन्तात् परिवेष्टितम्
samāvṛtya tu taṃ śailaṃ sarvato vai tamaḥ sthitam / tamaścāṇḍakaṭāhena samantāt pariveṣṭitam
Enveloping that mountain, darkness stands on every side; and the darkness is encompassed all around by the shell of the (cosmic) egg.
AI translation rendered from the Sanskrit, not a published edition
KuP 1 48.15
एतै सप्त महालोकाः पातालाः सप्तकीर्तिताः । ब्रह्माण्डस्यैष विस्तारः संक्षेपेण मयोदितः
etai sapta mahālokāḥ pātālāḥ saptakīrtitāḥ / brahmāṇḍasyaiṣa vistāraḥ saṃkṣepeṇa mayoditaḥ
These are the seven great worlds, and the seven nether regions have been declared. This is the extent of Brahmā's egg, stated by me in brief.
AI translation rendered from the Sanskrit, not a published edition
KuP 1 48.16
अण्डानामीदृशानां तु कोट्यो ज्ञेयाः सहस्त्रशः । सर्वगत्वात् प्रधानस्य कारणस्याव्ययात्मनः
aṇḍānāmīdṛśānāṃ tu koṭyo jñeyāḥ sahastraśaḥ / sarvagatvāt pradhānasya kāraṇasyāvyayātmanaḥ
But of eggs such as this, thousands of crores are to be known, because of the all-pervadingness of the primal cause, whose nature is imperishable.
AI translation rendered from the Sanskrit, not a published edition
KuP 1 48.17
अण्डेष्वेतेषु सर्वेषु भुवनानि चतुर्दश । तत्र तत्र चतुर्वक्त्रा रुद्रा नारायणादयः
aṇḍeṣveteṣu sarveṣu bhuvanāni caturdaśa / tatra tatra caturvaktrā rudrā nārāyaṇādayaḥ
In all these eggs there are the fourteen worlds, and in each of them the four-faced (Brahmās), the Rudras, the Nārāyaṇas, and so on.
AI translation rendered from the Sanskrit, not a published edition
KuP 1 48.18
दशोत्तरमथैकैकमण्डावरणसप्तकम् । समन्तात् संस्थितं विप्रा यत्र यान्ति मनीषिणः
daśottaramathaikaikamaṇḍāvaraṇasaptakam / samantāt saṃsthitaṃ viprā yatra yānti manīṣiṇaḥ
And each single egg has a sevenfold covering, each (successive one) ten times greater, standing all around, O brahmins — whither the wise go.
AI translation rendered from the Sanskrit, not a published edition — the model flagged this verse as uncertain
KuP 1 48.19
अनन्तमेकमव्यक्तनादिनिधनं महत् । अतीत्य वर्तते सर्वं जगत् प्रकृतिरक्षरम्
anantamekamavyaktanādinidhanaṃ mahat / atītya vartate sarvaṃ jagat prakṛtirakṣaram
The endless, the one, the unmanifest, without beginning or end, the great — transcending the whole world it abides, prakṛti, imperishable.
AI translation rendered from the Sanskrit, not a published edition — the model flagged this verse as uncertain
KuP 1 48.20
अनन्तत्वमनन्तस्य यतः संख्या न विद्यते । तदव्यक्तमिति ज्ञेयं तद् ब्रह्म परमं पदम्
anantatvamanantasya yataḥ saṃkhyā na vidyate / tadavyaktamiti jñeyaṃ tad brahma paramaṃ padam
The endlessness of the endless is because no counting of it exists. That is to be known as the unmanifest, that is brahman, the highest station.
AI translation rendered from the Sanskrit, not a published edition
KuP 1 48.21
अनन्त एष सर्वत्र सर्वस्थानेषु पठ्यते । तस्य पूर्वं मयाप्युक्तं यत्तन्माहात्म्यमव्ययम्
ananta eṣa sarvatra sarvasthāneṣu paṭhyate / tasya pūrvaṃ mayāpyuktaṃ yattanmāhātmyamavyayam
This Endless One is proclaimed as being everywhere, in all places. Of him I too have earlier spoken — that undecaying greatness of his.
AI translation rendered from the Sanskrit, not a published edition
KuP 1 48.22
गतः स एष सर्वत्र सर्वस्थानेषु वर्तते । भूमौ रसातले चैव आकाशे पवने ऽनले । अर्णवेषु च सर्वेषु दिवि चैव न सशयः
gataḥ sa eṣa sarvatra sarvasthāneṣu vartate / bhūmau rasātale caiva ākāśe pavane 'nale / arṇaveṣu ca sarveṣu divi caiva na saśayaḥ
Having gone everywhere, this same (one) abides in all places: on the earth, in the netherworld, in the sky, in the wind, in fire, and in all the oceans, and in heaven too — there is no doubt.
AI translation rendered from the Sanskrit, not a published edition
KuP 1 48.23
तथा तमसि सत्त्वे च एष एव महाद्युतिः । अनेकधा विभक्ताङ्गः क्रीडते पुरुषोत्तमः
tathā tamasi sattve ca eṣa eva mahādyutiḥ / anekadhā vibhaktāṅgaḥ krīḍate puruṣottamaḥ
So too in darkness (tamas) and in goodness (sattva) it is this same one of great splendour; with his limbs divided in many ways, the Supreme Person plays.
AI translation rendered from the Sanskrit, not a published edition
KuP 1 48.24
महेश्वरः परो ऽव्यक्तादण्डमव्यक्तसंभवम् । अण्डाद् ब्रह्मा समुत्पन्नस्तेन सृष्टमिदं जगत्
maheśvaraḥ paro 'vyaktādaṇḍamavyaktasaṃbhavam / aṇḍād brahmā samutpannastena sṛṣṭamidaṃ jagat
Maheśvara is beyond the unmanifest; the egg arises from the unmanifest; from the egg Brahmā was born, and by him this world was created.
AI translation rendered from the Sanskrit, not a published edition