Kurma Purana — Purva Vibhaga — Chapter 47
KuP 1 47.1
सूत उवाच जम्बूद्वीपस्य विस्ताराद् द्विगुणेन समन्ततः । संवेष्टयित्वा क्षारोदं प्लक्षद्वीपो व्यवस्थितः
sūta uvāca jambūdvīpasya vistārād dviguṇena samantataḥ / saṃveṣṭayitvā kṣārodaṃ plakṣadvīpo vyavasthitaḥ
Sūta said: Twice the extent of Jambūdvīpa, all around, enclosing the salt ocean, lies the continent Plakṣa.
AI translation rendered from the Sanskrit, not a published edition
KuP 1 47.2
प्लक्षद्वीपे च विप्रेन्द्राः सप्तासन् कुलपर्वताः । ऋज्वायताः सुपर्वाणः सिद्धसङ्घनिषेविताः
plakṣadvīpe ca viprendrāḥ saptāsan kulaparvatāḥ / ṛjvāyatāḥ suparvāṇaḥ siddhasaṅghaniṣevitāḥ
And on Plakṣadvīpa, O best of brahmins, there were seven principal mountains, straight and extended, with fine ridges, frequented by throngs of Siddhas.
AI translation rendered from the Sanskrit, not a published edition
KuP 1 47.3
गोमेदः प्रथमस्तेषां द्वितीयश्चन्द्र उच्यते । नारादो दुन्दुभिश्चैव सोमश्च ऋषभस्तथा । वैभ्राजः सप्तमः प्रोक्तो ब्रह्मणो ऽत्यन्तवल्लभः
gomedaḥ prathamasteṣāṃ dvitīyaścandra ucyate / nārādo dundubhiścaiva somaśca ṛṣabhastathā / vaibhrājaḥ saptamaḥ prokto brahmaṇo 'tyantavallabhaḥ
Gomeda is the first of them, the second is called Candra; also Nārāda, Dundubhi, Soma, and Ṛṣabha; the seventh is said to be Vaibhrāja, exceedingly dear to Brahmā.
AI translation rendered from the Sanskrit, not a published edition
KuP 1 47.4
तत्र देवर्षिगन्धर्वैः सिद्धैश्च भगवानजः । उपास्यते स विश्वात्मा साक्षी सर्वस्य विश्वसृक्
tatra devarṣigandharvaiḥ siddhaiśca bhagavānajaḥ / upāsyate sa viśvātmā sākṣī sarvasya viśvasṛk
There the unborn Lord is worshipped by gods, seers, gandharvas and siddhas — he, the Self of all, the witness of everything, the maker of the universe.
AI translation rendered from the Sanskrit, not a published edition
KuP 1 47.5
तेषु पुण्या जनपदा नाधयो व्याधयो न च । न तत्र पापकर्तारः पुरुषा वा कथञ्चन
teṣu puṇyā janapadā nādhayo vyādhayo na ca / na tatra pāpakartāraḥ puruṣā vā kathañcana
In them are holy countries: there are no mental afflictions nor diseases, nor are there there any men who do evil, in any way.
AI translation rendered from the Sanskrit, not a published edition
KuP 1 47.6
तेषां नद्यश्च सप्तैव वर्षाणां तु समुद्रगाः । तासु ब्रह्मर्षयो नित्यं पितामहपुपासते
teṣāṃ nadyaśca saptaiva varṣāṇāṃ tu samudragāḥ / tāsu brahmarṣayo nityaṃ pitāmahapupāsate
And their rivers are seven, belonging to the regions and flowing to the sea; on them the brahmin seers constantly worship the Grandfather.
AI translation rendered from the Sanskrit, not a published edition
KuP 1 47.7
अनुतप्ता शिखी चैव विपापा त्रिदिवा कृता । अमृता सुकृता चैव नामतः परिकीर्तिताः
anutaptā śikhī caiva vipāpā tridivā kṛtā / amṛtā sukṛtā caiva nāmataḥ parikīrtitāḥ
Anutaptā, Śikhī, Vipāpā, Tridivā, Kṛtā, Amṛtā and Sukṛtā — these are proclaimed by name.
AI translation rendered from the Sanskrit, not a published edition
KuP 1 47.8
क्षुद्रनद्यस्त्वसंख्याताः सरांसि सुबहून्यपि । न चैतेषु युगावस्था पुरुषा वै चिरायुषः
kṣudranadyastvasaṃkhyātāḥ sarāṃsi subahūnyapi / na caiteṣu yugāvasthā puruṣā vai cirāyuṣaḥ
But the small rivers are countless, and the lakes very many too; and in these (lands) there is no condition of the yugas, and the men are indeed long-lived.
AI translation rendered from the Sanskrit, not a published edition
KuP 1 47.9
आर्यकाः कुरवाश्चैव विदशा भाविनस्तथा । ब्रह्मक्षत्रियविट्शूद्रास्तस्मिन् द्वीपे प्रकीर्तिताः
āryakāḥ kuravāścaiva vidaśā bhāvinastathā / brahmakṣatriyaviṭśūdrāstasmin dvīpe prakīrtitāḥ
Āryakas, Kuravas, Vidaśas and Bhāvins — (these are) the brahmins, kṣatriyas, vaiśyas and śūdras proclaimed in that continent.
AI translation rendered from the Sanskrit, not a published edition
KuP 1 47.10
इज्यते भगवान् सोमो वर्णैस्तत्र निवासिभिः । तेषां च सोमसायुज्यं सारूप्यं मुनिपुङ्गवाः
ijyate bhagavān somo varṇaistatra nivāsibhiḥ / teṣāṃ ca somasāyujyaṃ sārūpyaṃ munipuṅgavāḥ
There the Lord Soma is worshipped by the (four) classes dwelling there; and theirs, O foremost of sages, is union with Soma and likeness of form (with him).
AI translation rendered from the Sanskrit, not a published edition
KuP 1 47.11
सर्वे धर्मपरा नित्यं नित्यं मुदितमानसाः । पञ्चवर्षसहस्त्राणि जीवन्ति च निरामयाः
sarve dharmaparā nityaṃ nityaṃ muditamānasāḥ / pañcavarṣasahastrāṇi jīvanti ca nirāmayāḥ
All are ever devoted to dharma, ever glad of mind, and they live five thousand years free of disease.
AI translation rendered from the Sanskrit, not a published edition
KuP 1 47.12
प्लक्षद्वीपप्रमाणं तु द्विगुणेन समन्ततः । संवेष्ट्येक्षुरसाम्भोधिं शाल्मलिः संव्यवस्थितः
plakṣadvīpapramāṇaṃ tu dviguṇena samantataḥ / saṃveṣṭyekṣurasāmbhodhiṃ śālmaliḥ saṃvyavasthitaḥ
Twice the measure of Plakṣadvīpa all around, encircling the ocean of sugarcane juice, Śālmali is situated.
AI translation rendered from the Sanskrit, not a published edition
KuP 1 47.13
सप्त वर्षाणि तत्रापि सप्तैव कुलपर्वताः । ऋज्वायताः सुपर्वाणः सप्त नद्यश्च सुव्रताः
sapta varṣāṇi tatrāpi saptaiva kulaparvatāḥ / ṛjvāyatāḥ suparvāṇaḥ sapta nadyaśca suvratāḥ
There too are seven regions and seven mountain ranges, straight-extending and well-jointed, and seven rivers, O you of good vows.
AI translation rendered from the Sanskrit, not a published edition
KuP 1 47.14
कुमुदश्चोन्नतश्चैव तृतीयश्च बलाहकः । द्रोणः कङ्कस्तु महिषः ककुद्वान् सप्त पर्वताः
kumudaśconnataścaiva tṛtīyaśca balāhakaḥ / droṇaḥ kaṅkastu mahiṣaḥ kakudvān sapta parvatāḥ
Kumuda and Unnata, and third Balāhaka, Droṇa, Kaṅka, Mahiṣa, and Kakudvān—(these are) the seven mountains.
AI translation rendered from the Sanskrit, not a published edition
KuP 1 47.15
योनी तोया वितृष्णा च चन्द्रा शुक्ला विमोचनी । निवृत्तिश्चैति ता नद्यः स्मृता पापहरा नृणाम्
yonī toyā vitṛṣṇā ca candrā śuklā vimocanī / nivṛttiścaiti tā nadyaḥ smṛtā pāpaharā nṛṇām
Yonī, Toyā, Vitṛṣṇā, Candrā, Śuklā, Vimocanī, and Nivṛtti—these are the rivers, held to remove men's sins.
AI translation rendered from the Sanskrit, not a published edition
KuP 1 47.16
न तेषु विद्यते लोभः क्रोधो वा द्विजसत्तमाः । न चैवास्ति युगावस्था जना जीवन्त्यनामयाः
na teṣu vidyate lobhaḥ krodho vā dvijasattamāḥ / na caivāsti yugāvasthā janā jīvantyanāmayāḥ
Among them there is found no greed or anger, O best of the twice-born, nor is there any condition of the (four) ages; the people live free of disease.
AI translation rendered from the Sanskrit, not a published edition
KuP 1 47.17
यजन्ति सततं तत्र वर्णा वायुं सनातनम् । तेषां तस्याथ सायुज्यं सारूप्यं च सलोकता
yajanti satataṃ tatra varṇā vāyuṃ sanātanam / teṣāṃ tasyātha sāyujyaṃ sārūpyaṃ ca salokatā
There the classes constantly worship the eternal Vāyu; and theirs is union with him, likeness of form, and dwelling in his world.
AI translation rendered from the Sanskrit, not a published edition
KuP 1 47.18
कपिला ब्राह्मणाः प्रोक्ता राजानश्चारुणास्तथा । पीता वैश्याः स्मृताः कृष्णा द्वीपे ऽस्मिन् वृषला द्विजाः
kapilā brāhmaṇāḥ proktā rājānaścāruṇāstathā / pītā vaiśyāḥ smṛtāḥ kṛṣṇā dvīpe 'smin vṛṣalā dvijāḥ
On this island, O twice-born, the brahmins are called tawny, the kings red, the vaiśyas are held to be yellow, and the śūdras black.
AI translation rendered from the Sanskrit, not a published edition
KuP 1 47.19
शाल्मलस्य तु विस्ताराद् द्विगुणेन समन्ततः । संवेष्ट्य तु सुरोदाब्धिं कुशद्वीपो व्यवस्थितः
śālmalasya tu vistārād dviguṇena samantataḥ / saṃveṣṭya tu surodābdhiṃ kuśadvīpo vyavasthitaḥ
Twice the extent of Śālmala all around, encircling the ocean of wine, Kuśadvīpa is situated.
AI translation rendered from the Sanskrit, not a published edition
KuP 1 47.20
विद्रुमश्चैव हेमश्च द्युतिमान् पुष्पवांस्तथा । कुशेशयो हरिश्चाथ मन्दरः सप्त पर्वताः
vidrumaścaiva hemaśca dyutimān puṣpavāṃstathā / kuśeśayo hariścātha mandaraḥ sapta parvatāḥ
Vidruma, Hema, Dyutimān, Puṣpavān, Kuśeśaya, Hari, and Mandara—(these are) the seven mountains.
AI translation rendered from the Sanskrit, not a published edition
KuP 1 47.22
धुतपापा शिवा चैव पवित्रा संमता तथा । विद्युदम्भा मही चेति नद्यस्तत्र जलावहाः ॥ कूर्म्प्_१,४७।२१ ॥ अन्याश्च शतशोविप्रा नद्यो मणिजलाः शुभाः । तासु ब्रह्माणमीशानं देवाद्याः पर्युपासते
dhutapāpā śivā caiva pavitrā saṃmatā tathā / vidyudambhā mahī ceti nadyastatra jalāvahāḥ // kūrmp_1,47.21 // anyāśca śataśoviprā nadyo maṇijalāḥ śubhāḥ / tāsu brahmāṇamīśānaṃ devādyāḥ paryupāsate
Dhutapāpā, Śivā, Pavitrā, Saṃmatā, Vidyudambhā, and Mahī—these are the rivers that carry water there. (47.21) And there are hundreds of other auspicious rivers with gem-like waters, O brahmins; in them the gods and others attend upon Brahmā the lord.
AI translation rendered from the Sanskrit, not a published edition
KuP 1 47.23
ब्राह्मणा द्रविणो विप्राः क्षत्रियाः शुष्मिणस्तथा । वैश्याः स्नेहास्तु मन्देहाः शूद्रास्तत्र प्रकीर्तिताः
brāhmaṇā draviṇo viprāḥ kṣatriyāḥ śuṣmiṇastathā / vaiśyāḥ snehāstu mandehāḥ śūdrāstatra prakīrtitāḥ
There the brahmins are declared to be the Draviṇas, the kṣatriyas the Śuṣmins, the vaiśyas the Snehas, and the śūdras the Mandehas.
AI translation rendered from the Sanskrit, not a published edition
KuP 1 47.24
सर्वे विज्ञानसंपन्ना मैत्रादिगुणसंयुताः । यथोक्तकारिणः सर्वे सर्वे भूतहिते रताः
sarve vijñānasaṃpannā maitrādiguṇasaṃyutāḥ / yathoktakāriṇaḥ sarve sarve bhūtahite ratāḥ
All are endowed with knowledge, possessed of friendliness and the other virtues; all do as they are bidden, all delight in the welfare of beings.
AI translation rendered from the Sanskrit, not a published edition
KuP 1 47.25
यजन्ति विविधैर्यज्ञैर्ब्रह्माणं परमेष्ठिनम् । तेषां च ब्रह्मसायुज्यं सारूप्यं च सलोकता
yajanti vividhairyajñairbrahmāṇaṃ parameṣṭhinam / teṣāṃ ca brahmasāyujyaṃ sārūpyaṃ ca salokatā
With various sacrifices they worship Brahmā the supreme lord; and theirs is union with Brahmā, likeness of form, and dwelling in his world.
AI translation rendered from the Sanskrit, not a published edition
KuP 1 47.26
कुशद्वीपस्य विस्ताराद् द्विगुणेन समन्ततः । क्रौञ्चद्वीपस्ततो विप्रा वेष्टयित्वा घृतोदधिम्
kuśadvīpasya vistārād dviguṇena samantataḥ / krauñcadvīpastato viprā veṣṭayitvā ghṛtodadhim
Twice the extent of Kuśadvīpa all around, O brahmins, is Krauñcadvīpa, encircling the ocean of ghee.
AI translation rendered from the Sanskrit, not a published edition
KuP 1 47.27
क्रौञ्चो वामनकश्चैव तृतीयश्चान्धकारकः । देवावृच्च विविन्दश्च पुण्डरीकस्तथैव च । नाम्ना च सप्तमः प्रोक्तः पर्वतो दुन्दुभिस्वनः
krauñco vāmanakaścaiva tṛtīyaścāndhakārakaḥ / devāvṛcca vivindaśca puṇḍarīkastathaiva ca / nāmnā ca saptamaḥ proktaḥ parvato dundubhisvanaḥ
Krauñca and Vāmanaka, and third Andhakāraka, Devāvṛt, Vivinda, and likewise Puṇḍarīka; and the seventh mountain is said by name to be Dundubhisvana.
AI translation rendered from the Sanskrit, not a published edition
KuP 1 47.28
गौरी कुमुद्विती चैव संध्या रात्रिर्मनोजवा । ख्यातिश्च पुण्डरीकाच नद्यः प्राधान्यतः स्मृताः
gaurī kumudvitī caiva saṃdhyā rātrirmanojavā / khyātiśca puṇḍarīkāca nadyaḥ prādhānyataḥ smṛtāḥ
Gaurī, Kumudvatī, Saṃdhyā, Rātri, Manojavā, Khyāti, and Puṇḍarīkā—these are recorded as the principal rivers.
AI translation rendered from the Sanskrit, not a published edition
KuP 1 47.29
पुष्कराः पुष्कला धन्यास्तिष्यास्तस्य क्रमेण वै । ब्राह्मणाः क्षत्रिया वैश्याः शूद्राश्चैव द्विजोत्तमाः
puṣkarāḥ puṣkalā dhanyāstiṣyāstasya krameṇa vai / brāhmaṇāḥ kṣatriyā vaiśyāḥ śūdrāścaiva dvijottamāḥ
The Puṣkaras, Puṣkalas, Dhanyas, and Tiṣyas are, in order, its brahmins, kṣatriyas, vaiśyas, and śūdras, O best of the twice-born.
AI translation rendered from the Sanskrit, not a published edition
KuP 1 47.30
अर्चयन्ति महादेवं यज्ञदानसमाधिभिः । व्रतोपवासैर्विविधैर्हेमैः स्वाध्यायतर्पणैः
arcayanti mahādevaṃ yajñadānasamādhibhiḥ / vratopavāsairvividhairhemaiḥ svādhyāyatarpaṇaiḥ
They worship Mahādeva with sacrifices, gifts, and meditations, with various vows and fasts, with gold, with private recitation and libations.
AI translation rendered from the Sanskrit, not a published edition
KuP 1 47.31
तेषां वै रुद्रसायुज्यं सारूप्यं चातिदुर्लभम् । सलोकता च सामीप्यं जायते तत्प्रसादतः
teṣāṃ vai rudrasāyujyaṃ sārūpyaṃ cātidurlabham / salokatā ca sāmīpyaṃ jāyate tatprasādataḥ
For them there arises, by his grace, union with Rudra and likeness (to him)—both most hard to win—and dwelling in his world and nearness (to him).
AI translation rendered from the Sanskrit, not a published edition
KuP 1 47.32
क्रौञ्चद्वीपस्य विस्ताराद् द्विगुणेन समन्ततः । शाकद्वीपः स्थितो विप्रा आवेष्ट्य दधिसागरम्
krauñcadvīpasya vistārād dviguṇena samantataḥ / śākadvīpaḥ sthito viprā āveṣṭya dadhisāgaram
Twice the extent of Krauñcadvīpa on every side, O brahmins, lies Śākadvīpa, encircling the ocean of curds.
AI translation rendered from the Sanskrit, not a published edition
KuP 1 47.33
उदयो रैवतश्चैव श्यामाको ऽस्तगिरिस्तथा । आम्बिकेयस्तथा रम्यः केशरी चेति पर्वताः
udayo raivataścaiva śyāmāko 'stagiristathā / āmbikeyastathā ramyaḥ keśarī ceti parvatāḥ
Udaya, Raivata, Śyāmāka, and Astagiri, likewise Āmbikeya, Ramya, and Keśarī—these are the mountains.
AI translation rendered from the Sanskrit, not a published edition
KuP 1 47.34
सुकुमारी कुमारी च नलिनी रेणुका तथा । इक्षुका धेनुका चैव गभस्तिश्चेति निम्नगाः
sukumārī kumārī ca nalinī reṇukā tathā / ikṣukā dhenukā caiva gabhastiśceti nimnagāḥ
Sukumārī, Kumārī, Nalinī, and Reṇukā, Ikṣukā, Dhenukā, and Gabhasti—these are the rivers.
AI translation rendered from the Sanskrit, not a published edition
KuP 1 47.35
आसां पिबन्तः सलिलं जीवन्ते तत्र मानवाः । अनामया ह्यशोकाश्च रागद्वेषविवर्जिताः
āsāṃ pibantaḥ salilaṃ jīvante tatra mānavāḥ / anāmayā hyaśokāśca rāgadveṣavivarjitāḥ
Drinking the water of these, the people live there free of disease and free of sorrow, rid of attraction and aversion.
AI translation rendered from the Sanskrit, not a published edition
KuP 1 47.36
मगाश्च मगधाश्चैव मानवा मन्दगास्तथा । ब्राह्मणाः क्षत्रिया वैश्याः शूद्राश्चात्र क्रमेण तु
magāśca magadhāścaiva mānavā mandagāstathā / brāhmaṇāḥ kṣatriyā vaiśyāḥ śūdrāścātra krameṇa tu
The Magas, the Magadhas, the Mānavas, and the Mandagas—these here are, in order, the brahmins, kṣatriyas, vaiśyas, and śūdras.
AI translation rendered from the Sanskrit, not a published edition
KuP 1 47.37
यजन्ति सततं देवं सर्वलोकैकसाक्षिणम् । व्रतोपवासैर्विविधैर्देवदेवं दिवाकरम्
yajanti satataṃ devaṃ sarvalokaikasākṣiṇam / vratopavāsairvividhairdevadevaṃ divākaram
They constantly worship the god, the sole witness of all the worlds, the god of gods, the maker of day, with various vows and fasts.
AI translation rendered from the Sanskrit, not a published edition
KuP 1 47.38
तेषां सूर्येण सायुज्यं सामीप्यं च सरूपता । सलोकता च विप्रेन्द्रा जायते तत्प्रसादतः
teṣāṃ sūryeṇa sāyujyaṃ sāmīpyaṃ ca sarūpatā / salokatā ca viprendrā jāyate tatprasādataḥ
For them, O chief of brahmins, there arises by his grace union with the Sun, nearness (to him), likeness of form, and dwelling in his world.
AI translation rendered from the Sanskrit, not a published edition
KuP 1 47.39
शाकद्वीपं समावृत्य क्षीरोदः सागरः स्थितः । श्वेतद्वीपश्च तन्मध्ये नारायणपरायणाः
śākadvīpaṃ samāvṛtya kṣīrodaḥ sāgaraḥ sthitaḥ / śvetadvīpaśca tanmadhye nārāyaṇaparāyaṇāḥ
Encircling Śākadvīpa lies the ocean of milk, and in its midst is Śvetadvīpa, (whose people are) devoted to Nārāyaṇa.
AI translation rendered from the Sanskrit, not a published edition
KuP 1 47.40
तत्र पुण्या जनपदा नानाश्चर्यसमन्विताः । श्वेतास्तत्र नरा नित्यं जायन्ते विष्णुतत्पराः
tatra puṇyā janapadā nānāścaryasamanvitāḥ / śvetāstatra narā nityaṃ jāyante viṣṇutatparāḥ
There the regions are holy, filled with many marvels; there men are born white, ever intent upon Viṣṇu.
AI translation rendered from the Sanskrit, not a published edition
KuP 1 47.41
नाधयो व्याधयस्तत्र जरामृत्युभयं न च । क्रोधलोभविनिर्मुक्ता मायामात्सर्यवर्जिताः
nādhayo vyādhayastatra jarāmṛtyubhayaṃ na ca / krodhalobhavinirmuktā māyāmātsaryavarjitāḥ
There are no mental afflictions there nor bodily diseases, nor fear of old age and death; (the people are) wholly free of anger and greed, rid of deceit and envy.
AI translation rendered from the Sanskrit, not a published edition
KuP 1 47.42
नित्यपुष्टा निरातङ्का नित्यानन्दाश्च भोगिनः । नारायणपराः सर्वे नारायणपरायणाः
nityapuṣṭā nirātaṅkā nityānandāśca bhoginaḥ / nārāyaṇaparāḥ sarve nārāyaṇaparāyaṇāḥ
Ever thriving, without dread, ever joyful and enjoying pleasures, all of them hold Nārāyaṇa supreme and take Nārāyaṇa as their refuge.
AI translation rendered from the Sanskrit, not a published edition
KuP 1 47.43
केचिद् ध्यानपरा नित्यं योगिनः संयतेन्द्रियाः । केचिज्जपन्ति तप्यन्ति केचिद् विज्ञानिनो ऽपरे
kecid dhyānaparā nityaṃ yoginaḥ saṃyatendriyāḥ / kecijjapanti tapyanti kecid vijñānino 'pare
Some are yogins ever devoted to meditation, with their senses restrained; some recite (mantras), some practise austerity, and others are possessed of knowledge.
AI translation rendered from the Sanskrit, not a published edition
KuP 1 47.44
अन्ये निर्बोजयोगेन ब्रह्मभावेन भाविताः । ध्यायन्ति तत् परं व्योम वासुदेवं परं पदम्
anye nirbojayogena brahmabhāvena bhāvitāḥ / dhyāyanti tat paraṃ vyoma vāsudevaṃ paraṃ padam
Others, made pervaded by the state of Brahman through seedless yoga, meditate on that highest firmament, Vāsudeva, the supreme abode.
AI translation rendered from the Sanskrit, not a published edition
KuP 1 47.45
एकान्तिनो निरालम्बा महाभागवताः परे । पश्यन्ति परमं ब्रह्म विष्णवाख्यं तमसः परं
ekāntino nirālambā mahābhāgavatāḥ pare / paśyanti paramaṃ brahma viṣṇavākhyaṃ tamasaḥ paraṃ
Others, devoted to the One, without support, great devotees (of Viṣṇu), behold the supreme Brahman named Viṣṇu, beyond the darkness.
AI translation rendered from the Sanskrit, not a published edition
KuP 1 47.46
सर्वे चतुर्भुजाकाराः शङ्खचक्रगदाधराः । सुपीतवाससः सर्वे श्रीवत्साङ्कितवक्षसः
sarve caturbhujākārāḥ śaṅkhacakragadādharāḥ / supītavāsasaḥ sarve śrīvatsāṅkitavakṣasaḥ
All have the form of four arms, bearing conch, discus and mace; all wear fine yellow garments, their breasts marked with the śrīvatsa.
AI translation rendered from the Sanskrit, not a published edition
KuP 1 47.47
अन्ये महेश्वरपरास्त्रिपुण्ड्राङ्कितमस्तकाः । स्वयोगोद्भूतकिरणा महागरुडवाहनाः
anye maheśvaraparāstripuṇḍrāṅkitamastakāḥ / svayogodbhūtakiraṇā mahāgaruḍavāhanāḥ
Others are devoted to Maheśvara, their foreheads marked with the three lines, their rays arisen from their own yoga, riding on the great Garuḍa.
AI translation rendered from the Sanskrit, not a published edition
KuP 1 47.48
सर्वशक्तिसमायुक्ता नित्यानन्दाश्च निर्मलाः । वसन्ति तत्र पुरुषा विष्णोरन्तरचारिणः
sarvaśaktisamāyuktā nityānandāśca nirmalāḥ / vasanti tatra puruṣā viṣṇorantaracāriṇaḥ
Endowed with all powers, ever blissful and stainless, there dwell the men who move within Viṣṇu.
AI translation rendered from the Sanskrit, not a published edition
KuP 1 47.49
तत्र नारायणस्यान्यद् दुर्गमं दुरतिक्रमम् । नारायणं नाम पुरं व्यासाद्यैरुपशोभितम्
tatra nārāyaṇasyānyad durgamaṃ duratikramam / nārāyaṇaṃ nāma puraṃ vyāsādyairupaśobhitam
There is another (city) of Nārāyaṇa there, hard of access and hard to pass, a city called Nārāyaṇa, adorned by Vyāsa and others.
AI translation rendered from the Sanskrit, not a published edition
KuP 1 47.50
हेमप्राकारसंसुक्तं स्फाटिकैर्मण्डपैर्युतम् । प्रभासहस्त्रकलिलं दुराधर्षं सुशोभनम् । हर्म्यप्राकारसंयुक्तमट्टालकसमाकुलम्
hemaprākārasaṃsuktaṃ sphāṭikairmaṇḍapairyutam / prabhāsahastrakalilaṃ durādharṣaṃ suśobhanam / harmyaprākārasaṃyuktamaṭṭālakasamākulam
Joined with golden ramparts, furnished with crystal pavilions, filled with a thousand splendours, unassailable, most beautiful, provided with mansions and walls, thronged with watchtowers.
AI translation rendered from the Sanskrit, not a published edition
KuP 1 47.51
हेमगोपुरसाहस्त्रैर्नानारत्नोपशोभितैः । शुभ्रास्तरणसंयुक्तं विचित्रैः समलङ्कृतम्
hemagopurasāhastrairnānāratnopaśobhitaiḥ / śubhrāstaraṇasaṃyuktaṃ vicitraiḥ samalaṅkṛtam
(It was) adorned with thousands of golden gate-towers set with various jewels, furnished with white coverings, and decorated with manifold (ornaments).
AI translation rendered from the Sanskrit, not a published edition
KuP 1 47.52
नन्दनैर्विविधाकारैः स्त्रवन्तीभीश्च शोभितम् । सरोभिः सर्वतो युक्तं वीणावेणुनिनादितम्
nandanairvividhākāraiḥ stravantībhīśca śobhitam / sarobhiḥ sarvato yuktaṃ vīṇāveṇunināditam
Beautified with pleasure-gardens of many kinds and with flowing streams, provided on all sides with lakes, and resounding with lutes and flutes.
AI translation rendered from the Sanskrit, not a published edition
KuP 1 47.53
पताकाभिर्विचित्राभिरनेकाभिश्च शोभितम् । वीथीभिः सर्वतो युक्तं सोपानै रत्नभूषितैः
patākābhirvicitrābhiranekābhiśca śobhitam / vīthībhiḥ sarvato yuktaṃ sopānai ratnabhūṣitaiḥ
Adorned with many variegated banners, provided on all sides with avenues and with stairways set with jewels.
AI translation rendered from the Sanskrit, not a published edition
KuP 1 47.54
नारीशतसहस्त्राढ्यं दिव्यगोयसमन्वितम् । हंसकारण्डवाकीर्णं चक्रवाकोपशोभितम् । चतुर्द्वारमनौपम्यमगम्यं देवविद्विषाम्
nārīśatasahastrāḍhyaṃ divyagoyasamanvitam / haṃsakāraṇḍavākīrṇaṃ cakravākopaśobhitam / caturdvāramanaupamyamagamyaṃ devavidviṣām
Rich with hundreds of thousands of women, furnished with divine cattle (?), thronged with geese and kāraṇḍava ducks, beautified with cakravāka birds, having four gates, incomparable, unapproachable by the enemies of the gods.
AI translation rendered from the Sanskrit, not a published edition — the model flagged this verse as uncertain
KuP 1 47.55
तत्र तत्राप्सरः सङ्धैर्नृत्यद्भिरुपशोभितम् । नानागीतविधानज्ञैर्देवानामपि दुर्लभैः
tatra tatrāpsaraḥ saṅdhairnṛtyadbhirupaśobhitam / nānāgītavidhānajñairdevānāmapi durlabhaiḥ
Here and there it was made lovely by troops of apsarases dancing, skilled in the manifold modes of song, hard for even the gods to obtain,
AI translation rendered from the Sanskrit, not a published edition
KuP 1 47.56
नानाविलाससंपन्नैः कामुकैरतिकोमलैः । प्रभूतचन्द्रवदनैर्नूपुरारावसंयुतैः
nānāvilāsasaṃpannaiḥ kāmukairatikomalaiḥ / prabhūtacandravadanairnūpurārāvasaṃyutaiḥ
endowed with many charms, amorous, exceedingly tender, with faces like the full moon, accompanied by the jingling of anklets,
AI translation rendered from the Sanskrit, not a published edition
KuP 1 47.57
ईषत्स्मितैः सुबिम्बोष्ठैर्बालमुग्धमृगेक्षणैः । अशेषविभवोपेतैर्भूषितैस्तनुमध्यमैः
īṣatsmitaiḥ subimboṣṭhairbālamugdhamṛgekṣaṇaiḥ / aśeṣavibhavopetairbhūṣitaistanumadhyamaiḥ
with slight smiles, with beautiful bimba-fruit lips, with the innocent eyes of young does, possessed of every splendour, ornamented, slender-waisted,
AI translation rendered from the Sanskrit, not a published edition
KuP 1 47.58
सुराजहंसचलनैः सुवेषैर्मधुरस्वनैः । संलापालापकुशलैर्दिव्याभरणभूषैतैः
surājahaṃsacalanaiḥ suveṣairmadhurasvanaiḥ / saṃlāpālāpakuśalairdivyābharaṇabhūṣaitaiḥ
moving gracefully like royal geese, finely dressed, sweet-voiced, skilled in conversation and repartee, adorned with divine ornaments,
AI translation rendered from the Sanskrit, not a published edition
KuP 1 47.59
स्तनभारविनम्रैश्च मदघूर्णितलोचनैः । नानावर्णविचित्राङ्गैर्नानाभोगरतिप्रियैः
stanabhāravinamraiśca madaghūrṇitalocanaiḥ / nānāvarṇavicitrāṅgairnānābhogaratipriyaiḥ
bent down by the weight of their breasts, with eyes rolling from intoxication, with limbs variegated in many hues, fond of many enjoyments and of love-play.
AI translation rendered from the Sanskrit, not a published edition
KuP 1 47.60
प्रफुल्लकुसुमोद्यानैरितश्चेतश्च शोभितम् । असंख्येयगुणं शुद्धमागम्यं त्रिदशैरपि
praphullakusumodyānairitaścetaśca śobhitam / asaṃkhyeyaguṇaṃ śuddhamāgamyaṃ tridaśairapi
Beautified here and there with gardens of blossoming flowers, of innumerable virtues, pure, unreachable even by the thirty (gods),
AI translation rendered from the Sanskrit, not a published edition
KuP 1 47.61
श्रीमत्पवित्रं देवस्य श्रीपतेरमितौजसः । तस्य मध्ये ऽतितेजस्कमुच्चप्राकारतोरणम्
śrīmatpavitraṃ devasya śrīpateramitaujasaḥ / tasya madhye 'titejaskamuccaprākāratoraṇam
glorious and holy, (the place) of the god, the Lord of Śrī, of measureless might. In the midst of it (was) something of surpassing brilliance, with high walls and archways,
AI translation rendered from the Sanskrit, not a published edition
KuP 1 47.62
स्थानं पद् वैष्णवं दिव्यं योगिनामपि दुर्लभम् । तन्मध्ये भगवानेकः पुण्डरीकदलद्युतिः । शेते ऽशेषजगत्सूतिः शेषाहिशयने हरिः
sthānaṃ pad vaiṣṇavaṃ divyaṃ yogināmapi durlabham / tanmadhye bhagavānekaḥ puṇḍarīkadaladyutiḥ / śete 'śeṣajagatsūtiḥ śeṣāhiśayane hariḥ
the divine Vaiṣṇava abode, hard to attain even for yogins. In the midst of that the Lord, alone, with the radiance of a lotus petal, Hari, the begetter of the whole world, lies upon the couch of the serpent Śeṣa,
AI translation rendered from the Sanskrit, not a published edition
KuP 1 47.63
विचिन्त्यमानो योगीन्द्रैः सनन्दनपुरोगमैः । स्वात्मानन्दामृतं पीत्वा परं तत् तमसः परम्
vicintyamāno yogīndraiḥ sanandanapurogamaiḥ / svātmānandāmṛtaṃ pītvā paraṃ tat tamasaḥ param
meditated upon by the chief of yogins with Sanandana at their head, having drunk the nectar of the bliss of his own self — that supreme (one), beyond darkness,
AI translation rendered from the Sanskrit, not a published edition
KuP 1 47.64
सुपीतवसनो ऽनन्तो महामायो महाभुजः । क्षीरोदकन्यया नित्यं गृहीतचरणद्वयः
supītavasano 'nanto mahāmāyo mahābhujaḥ / kṣīrodakanyayā nityaṃ gṛhītacaraṇadvayaḥ
clad in fine yellow raiment, endless, of great māyā, mighty-armed, his two feet held ever by the daughter of the milk-ocean.
AI translation rendered from the Sanskrit, not a published edition
KuP 1 47.65
सा च देवी जगद्वन्द्या पादमूले हरिप्रिया । समास्ते तन्मना नित्यं पीत्वा नारायणामृतम्
sā ca devī jagadvandyā pādamūle haripriyā / samāste tanmanā nityaṃ pītvā nārāyaṇāmṛtam
And that goddess, to be revered by the world, the beloved of Hari, abides at the base of (his) feet, her mind fixed on him, ever drinking the nectar of Nārāyaṇa.
AI translation rendered from the Sanskrit, not a published edition
KuP 1 47.66
न तत्राधार्मिका यान्ति न च देवान्तराश्रयाः । वैकुण्ठं नाम तत् स्थानं त्रिदशैरपि वन्दितम्
na tatrādhārmikā yānti na ca devāntarāśrayāḥ / vaikuṇṭhaṃ nāma tat sthānaṃ tridaśairapi vanditam
The unrighteous do not go there, nor those who resort to other gods; that place is named Vaikuṇṭha, revered even by the thirty (gods).
AI translation rendered from the Sanskrit, not a published edition
KuP 1 47.67
न मे ऽत्र भवति प्रज्ञा कृत्स्नशस्तन्निरूपणे । एतावच्छक्यते वक्तुं नारायणपुरं हि तत्
na me 'tra bhavati prajñā kṛtsnaśastannirūpaṇe / etāvacchakyate vaktuṃ nārāyaṇapuraṃ hi tat
I have not the understanding here to describe it completely; only so much can be said — that it is the city of Nārāyaṇa.
AI translation rendered from the Sanskrit, not a published edition
KuP 1 47.68
स एव परमं ब्रह्म वासुदेवः सनातनः । शेते नारायणः श्रीमान् मायया मोहयञ्जगत्
sa eva paramaṃ brahma vāsudevaḥ sanātanaḥ / śete nārāyaṇaḥ śrīmān māyayā mohayañjagat
He indeed is the supreme Brahman, Vāsudeva, the eternal; the glorious Nārāyaṇa lies (there), deluding the world by his māyā.
AI translation rendered from the Sanskrit, not a published edition
KuP 1 47.69
नारायणादिदं जातं तस्मिन्नेव व्यवस्थितम् । तमेवाभ्येति कल्पान्ते स एव परमा गतिः
nārāyaṇādidaṃ jātaṃ tasminneva vyavasthitam / tamevābhyeti kalpānte sa eva paramā gatiḥ
From Nārāyaṇa this (world) has arisen, and in him alone it is established; to him it goes at the end of the aeon; he alone is the supreme goal.
AI translation rendered from the Sanskrit, not a published edition