Kurma Purana — Purva Vibhaga — Chapter 45
KuP 1 45.1
सूत उवाच केतुमाले नराः कालाः सर्वे पनसभोजनाः । स्त्रियश्चोत्पलपत्राभा जीवन्ति च वर्षायुतम्
sūta uvāca ketumāle narāḥ kālāḥ sarve panasabhojanāḥ / striyaścotpalapatrābhā jīvanti ca varṣāyutam
Sūta said: In Ketumāla the men are all black and eat breadfruit, and the women have the sheen of lotus petals; and they live for ten thousand years.
AI translation rendered from the Sanskrit, not a published edition
KuP 1 45.2
भद्राश्वे पुरुषाः शुक्लाः स्त्रियश्चन्द्रांशुसन्निभाः । दश वर्षसहस्त्राणि जीवन्ते आम्रभोजनाः
bhadrāśve puruṣāḥ śuklāḥ striyaścandrāṃśusannibhāḥ / daśa varṣasahastrāṇi jīvante āmrabhojanāḥ
In Bhadrāśva the men are white and the women like the rays of the moon; they live ten thousand years, eating mangoes.
AI translation rendered from the Sanskrit, not a published edition
KuP 1 45.3
रम्यके पुरुषा नार्यो रमन्ते रजतप्रभाः । दशवर्षसहस्त्राणि शतानि दश पञ्च च । जीवन्ति चैव सत्त्वस्था न्यग्रोधफलभोजनाः
ramyake puruṣā nāryo ramante rajataprabhāḥ / daśavarṣasahastrāṇi śatāni daśa pañca ca / jīvanti caiva sattvasthā nyagrodhaphalabhojanāḥ
In Ramyaka the men and women, silver-hued, take their pleasure; and, established in goodness, eating the fruit of the banyan, they live ten thousand years and fifteen hundred more.
AI translation rendered from the Sanskrit, not a published edition
KuP 1 45.4
हिरण्मये हिरण्याभाः सर्वे च लकुचाशनाः । एकादशसहस्त्राणि शतानि दश पञ्च च । जीवन्ति पुरुषा नार्यो देवलोकस्थिता इव
hiraṇmaye hiraṇyābhāḥ sarve ca lakucāśanāḥ / ekādaśasahastrāṇi śatāni daśa pañca ca / jīvanti puruṣā nāryo devalokasthitā iva
In Hiraṇmaya all are of golden sheen and eat the lakuca fruit; the men and women live eleven thousand years and fifteen hundred more, as though dwelling in the world of the gods.
AI translation rendered from the Sanskrit, not a published edition
KuP 1 45.5
त्रयोदशसहस्त्राणि शतानि दश पञ्च च । जीवन्ति कुरुवर्षे तु श्यामाङ्गाः क्षीरभोजनाः
trayodaśasahastrāṇi śatāni daśa pañca ca / jīvanti kuruvarṣe tu śyāmāṅgāḥ kṣīrabhojanāḥ
But in the Kuru region, dark-limbed and living on milk, they live thirteen thousand years and fifteen hundred more.
AI translation rendered from the Sanskrit, not a published edition
KuP 1 45.6
सर्वे मिथुनजाताश्च नित्यं सुखनिषेविनः । चन्द्रद्वीपे महादेवं यजन्ति सततं शिवम्
sarve mithunajātāśca nityaṃ sukhaniṣevinaḥ / candradvīpe mahādevaṃ yajanti satataṃ śivam
And all are born as couples and constantly enjoy pleasure; on the moon-island they worship the Great God Śiva perpetually.
AI translation rendered from the Sanskrit, not a published edition
KuP 1 45.7
तथा किंपुरुषे विप्रा मानवा हेमसन्निभाः । दशवर्षहस्त्राणि जीवन्ति प्लक्षभोजनाः
tathā kiṃpuruṣe viprā mānavā hemasannibhāḥ / daśavarṣahastrāṇi jīvanti plakṣabhojanāḥ
So too in Kiṃpuruṣa, O brahmins, the men are like gold; they live ten thousand years, eating the plakṣa fruit.
AI translation rendered from the Sanskrit, not a published edition
KuP 1 45.8
यजन्ति सततं देवं चतुर्मूर्ति चतुर्मुखम् । ध्याने मनः समाधाय सादरं भक्तिसंयुताः
yajanti satataṃ devaṃ caturmūrti caturmukham / dhyāne manaḥ samādhāya sādaraṃ bhaktisaṃyutāḥ
They constantly worship the god of four forms and four faces, fixing the mind in meditation, reverently and full of devotion.
AI translation rendered from the Sanskrit, not a published edition
KuP 1 45.9
तथा च हरिवर्षे तु महारजतसन्निभाः । दशवर्षसहस्त्राणि जीवन्तीक्षुरसाशिनः
tathā ca harivarṣe tu mahārajatasannibhāḥ / daśavarṣasahastrāṇi jīvantīkṣurasāśinaḥ
And so in Harivarṣa (the people) resemble refined silver; they live ten thousand years, feeding on sugarcane juice.
AI translation rendered from the Sanskrit, not a published edition
KuP 1 45.10
तत्र नारायणं देवं विश्वयोनिं सनातनम् । उपासते सदा विष्णुं मानवा विष्णुभाविताः
tatra nārāyaṇaṃ devaṃ viśvayoniṃ sanātanam / upāsate sadā viṣṇuṃ mānavā viṣṇubhāvitāḥ
There the men, filled with thoughts of Viṣṇu, always worship the god Nārāyaṇa, Viṣṇu, the eternal womb of the universe.
AI translation rendered from the Sanskrit, not a published edition
KuP 1 45.11
तत्र चन्द्रप्रभं शुभ्रं शुद्धस्फटिकनिर्मितम् । विमानं वासुदेवस्य पारिजातवनाश्रितम्
tatra candraprabhaṃ śubhraṃ śuddhasphaṭikanirmitam / vimānaṃ vāsudevasya pārijātavanāśritam
There is Vāsudeva's palace, moon-bright, gleaming white, made of pure crystal, set within a grove of pārijāta trees,
AI translation rendered from the Sanskrit, not a published edition
KuP 1 45.12
चतुर्धारमनोपम्यं चतुस्तोरणसंयुतम् । प्राकारैर्दशभिर्युक्तं दुराधर्षं सुदुर्गमम्
caturdhāramanopamyaṃ catustoraṇasaṃyutam / prākārairdaśabhiryuktaṃ durādharṣaṃ sudurgamam
having four gates, incomparable, furnished with four archways, provided with ten ramparts, unassailable, very hard to reach,
AI translation rendered from the Sanskrit, not a published edition
KuP 1 45.13
स्फाटिकैर्मण्डपैर्युक्तं देवराजगृहोपमम् । स्वर्णस्तम्भसहस्त्रैश्च सर्वतः समलङ्कृतम्
sphāṭikairmaṇḍapairyuktaṃ devarājagṛhopamam / svarṇastambhasahastraiśca sarvataḥ samalaṅkṛtam
furnished with crystal pavilions, like the house of the king of the gods, adorned on all sides with thousands of golden pillars,
AI translation rendered from the Sanskrit, not a published edition
KuP 1 45.14
हेमसोपानसंयुक्तं नानारत्नोपशोभितम् । दिव्यसिंहासनोपेतं सर्वशोभासमन्वितम्
hemasopānasaṃyuktaṃ nānāratnopaśobhitam / divyasiṃhāsanopetaṃ sarvaśobhāsamanvitam
provided with golden stairways, resplendent with many jewels, equipped with a divine lion-throne, endowed with every beauty,
AI translation rendered from the Sanskrit, not a published edition
KuP 1 45.15
सरोभिः स्वादुपानीयैर्नदीभिश्चोपशोभितम् । नारायणपरैः शुद्धैर्वेदाध्ययनतत्परैः
sarobhiḥ svādupānīyairnadībhiścopaśobhitam / nārāyaṇaparaiḥ śuddhairvedādhyayanatatparaiḥ
(It is) adorned with lakes of sweet water and with rivers, and (peopled) by pure men devoted to Nārāyaṇa, intent upon the study of the Vedas,
AI translation rendered from the Sanskrit, not a published edition
KuP 1 45.16
योगिभिश्च समाकीर्णं ध्यायद्भिः पुरुषं हरिम् । स्तुवद्भिः सततं मन्त्रैर्नमस्यद्भिश्च माधवम्
yogibhiśca samākīrṇaṃ dhyāyadbhiḥ puruṣaṃ harim / stuvadbhiḥ satataṃ mantrairnamasyadbhiśca mādhavam
and it is thronged with yogins who meditate on Hari, the Person, who praise (him) constantly with mantras and make obeisance to Mādhava.
AI translation rendered from the Sanskrit, not a published edition
KuP 1 45.17
तत्र देवादिदेवस्य विष्णोरमिततेजसः । राजानः सर्वकालं तु महिमानं प्रकुर्वते
tatra devādidevasya viṣṇoramitatejasaḥ / rājānaḥ sarvakālaṃ tu mahimānaṃ prakurvate
There the kings at all times magnify the greatness of Viṣṇu, the god of gods, of measureless splendour.
AI translation rendered from the Sanskrit, not a published edition
KuP 1 45.18
गायन्ति चैव नृत्यन्ति विलासिन्यो मनोरमाः । स्त्रियो यौवनशालिन्यः सदा मण्डनतत्पराः
gāyanti caiva nṛtyanti vilāsinyo manoramāḥ / striyo yauvanaśālinyaḥ sadā maṇḍanatatparāḥ
And charming, coquettish women, endowed with youth and always intent on adornment, sing and dance (there).
AI translation rendered from the Sanskrit, not a published edition
KuP 1 45.19
इलावृते पद्मवर्णा जम्बूफलरसाशिनः । त्रयोदश सहस्त्राणि वर्षाणां वै स्थिरायुषः
ilāvṛte padmavarṇā jambūphalarasāśinaḥ / trayodaśa sahastrāṇi varṣāṇāṃ vai sthirāyuṣaḥ
In Ilāvṛta (the people are) lotus-coloured, feeding on the juice of the jambū fruit, with a fixed lifespan of thirteen thousand years.
AI translation rendered from the Sanskrit, not a published edition
KuP 1 45.20
भारते तु स्त्रियः पुंसो नानावर्णाः प्रकीर्तिताः । नानादेवार्चने युक्ता नानाकर्माणि कुर्वते । परमायुः स्मृतं तेषां शतं वर्षाणि सुव्रताः
bhārate tu striyaḥ puṃso nānāvarṇāḥ prakīrtitāḥ / nānādevārcane yuktā nānākarmāṇi kurvate / paramāyuḥ smṛtaṃ teṣāṃ śataṃ varṣāṇi suvratāḥ
But in Bhārata the women and men are declared to be of many classes; engaged in the worship of many gods, they perform many kinds of acts. Their maximum lifespan is held to be a hundred years, O you of good vows.
AI translation rendered from the Sanskrit, not a published edition
KuP 1 45.21
नानाहाराश्च जीवन्ति पुण्यपापनिमित्ततः । नवयोजनसाहस्त्रं वर्षमेतत् प्रकीर्तितम् । कर्मभूमिरियं विप्रा नराणामधिकारिणाम्
nānāhārāśca jīvanti puṇyapāpanimittataḥ / navayojanasāhastraṃ varṣametat prakīrtitam / karmabhūmiriyaṃ viprā narāṇāmadhikāriṇām
And they live on various foods, by reason of their merit and demerit. This region (varṣa) is declared to be nine thousand yojanas (in extent). This, O brahmins, is the land of action for men who are competent (for rites).
AI translation rendered from the Sanskrit, not a published edition
KuP 1 45.22
महेन्द्रो मलयः सह्यः शुक्तिमानृक्षपर्वतः । विन्ध्यश्च पारियात्रश्च सप्तात्र कुलपर्वताः
mahendro malayaḥ sahyaḥ śuktimānṛkṣaparvataḥ / vindhyaśca pāriyātraśca saptātra kulaparvatāḥ
Mahendra, Malaya, Sahya, Śuktimān, the Ṛkṣa mountain, the Vindhya, and the Pāriyātra — these are the seven principal mountains here.
AI translation rendered from the Sanskrit, not a published edition
KuP 1 45.23
इन्द्रद्युम्नः कशेरुमांस्ताम्रवर्णो गभस्तिमान् । नागद्वीपस्तथा सौम्यो गन्धर्वस्त्वथ वारुणः
indradyumnaḥ kaśerumāṃstāmravarṇo gabhastimān / nāgadvīpastathā saumyo gandharvastvatha vāruṇaḥ
Indradyumna, Kaśerumān, Tāmravarṇa, Gabhastimān, Nāgadvīpa, likewise Saumya, Gandharva, and then Vāruṇa —
AI translation rendered from the Sanskrit, not a published edition
KuP 1 45.24
अयं तु नवमस्तेषां द्वीपः सागरसंवृतः । योजनानां सहस्त्रं तु द्वीपो ऽयं दक्षिणोत्तरः
ayaṃ tu navamasteṣāṃ dvīpaḥ sāgarasaṃvṛtaḥ / yojanānāṃ sahastraṃ tu dvīpo 'yaṃ dakṣiṇottaraḥ
and this, the ninth of them, is the island encircled by the ocean; this island extends a thousand yojanas from south to north.
AI translation rendered from the Sanskrit, not a published edition
KuP 1 45.25
पूर्वे किरातास्तस्यान्ते पशिचमे यवनास्तथा । ब्राह्मणाः क्षत्रिया वैश्य मध्ये शूद्रास्तथैव च
pūrve kirātāstasyānte paśicame yavanāstathā / brāhmaṇāḥ kṣatriyā vaiśya madhye śūdrāstathaiva ca
At its (eastern) border in the east are the Kirātas, and in the west the Yavanas; in the middle are brahmins, kṣatriyas, vaiśyas, and śūdras as well.
AI translation rendered from the Sanskrit, not a published edition
KuP 1 45.26
इज्यायुद्धवणिज्याभिर्वर्तयन्त्यत्र मानवाः । स्त्रवन्ते पावना नद्यः पर्वतेभ्यो विनिः सृताः
ijyāyuddhavaṇijyābhirvartayantyatra mānavāḥ / stravante pāvanā nadyaḥ parvatebhyo viniḥ sṛtāḥ
Here men live by sacrifice, war, and trade. Purifying rivers, issuing from the mountains, flow (here).
AI translation rendered from the Sanskrit, not a published edition
KuP 1 45.27
शतद्रुश्चन्द्रभागा च सरयूर्यमुना तथा । इरावती वितस्ता च विपाशा देविका कुहूः
śatadruścandrabhāgā ca sarayūryamunā tathā / irāvatī vitastā ca vipāśā devikā kuhūḥ
Śatadru and Candrabhāgā, and Sarayū and Yamunā, Irāvatī and Vitastā, Vipāśā, Devikā, Kuhū,
AI translation rendered from the Sanskrit, not a published edition
KuP 1 45.28
गोमती धूतपापा च बाहुदा च दृषद्वती । कौशिकी लोहिता चैव हिमवत्पादनिः सृताः
gomatī dhūtapāpā ca bāhudā ca dṛṣadvatī / kauśikī lohitā caiva himavatpādaniḥ sṛtāḥ
Gomatī and Dhūtapāpā, and Bāhudā and Dṛṣadvatī, Kauśikī and Lohitā — these issue from the foot of the Himavat.
AI translation rendered from the Sanskrit, not a published edition
KuP 1 45.29
वेदस्मृतिर्वेदवती व्रतघ्नी त्रिदिवा तथा । पर्णाशा वन्दना चैव सदानीरा मनोरमा
vedasmṛtirvedavatī vrataghnī tridivā tathā / parṇāśā vandanā caiva sadānīrā manoramā
Vedasmṛti, Vedavatī, Vrataghnī, and Tridivā, Parṇāśā and Vandanā, Sadānīrā, Manoramā,
AI translation rendered from the Sanskrit, not a published edition
KuP 1 45.30
चर्मण्वती तथा दूर्या विदिशा वेत्रवत्यपि । शिग्रुः स्वशिल्पापि तथा पारियात्राश्रयाः स्मृताः
carmaṇvatī tathā dūryā vidiśā vetravatyapi / śigruḥ svaśilpāpi tathā pāriyātrāśrayāḥ smṛtāḥ
Carmaṇvatī and Dūryā, Vidiśā and Vetravatī too, Śigru and Svaśilpā — these are held to have the Pāriyātra as their source.
AI translation rendered from the Sanskrit, not a published edition
KuP 1 45.31
नर्मदा सुरसा शोण दशार्णा च महानदी । मन्दाकिनी चित्रकूटा तामसी च पिशाचिका
narmadā surasā śoṇa daśārṇā ca mahānadī / mandākinī citrakūṭā tāmasī ca piśācikā
Narmadā, Surasā, Śoṇa, and Daśārṇā, Mahānadī, Mandākinī, Citrakūṭā, Tāmasī, and Piśācikā,
AI translation rendered from the Sanskrit, not a published edition
KuP 1 45.32
चित्रोत्पला विपाशा च मञ्जुला वालुवाहिनी । ऋक्षवत्पादजा नद्यः सर्वपापहरा नृणाम्
citrotpalā vipāśā ca mañjulā vāluvāhinī / ṛkṣavatpādajā nadyaḥ sarvapāpaharā nṛṇām
Citrotpalā and Vipāśā, Mañjulā, Vāluvāhinī — these rivers, born from the foot of the Ṛkṣavat, remove all sins of men.
AI translation rendered from the Sanskrit, not a published edition
KuP 1 45.33
तापी पयोष्णी निर्विन्ध्या शीघ्रोदा च महानदी । वेण्या वैतरणी चैव बलाका च कुमुद्वती
tāpī payoṣṇī nirvindhyā śīghrodā ca mahānadī / veṇyā vaitaraṇī caiva balākā ca kumudvatī
Tāpī, Payoṣṇī, Nirvindhyā, and Śīghrodā, Mahānadī, Veṇyā and Vaitaraṇī, Balākā and Kumudvatī,
AI translation rendered from the Sanskrit, not a published edition
KuP 1 45.34
तोया चैव महागैरी दुर्गा चान्तः शिला तथा । विन्ध्यपादप्रसूतास्ता नद्यः पुण्यजलाः शुभाः
toyā caiva mahāgairī durgā cāntaḥ śilā tathā / vindhyapādaprasūtāstā nadyaḥ puṇyajalāḥ śubhāḥ
and Toyā, Mahāgairī, Durgā, and Antaḥśilā — these auspicious rivers with holy waters spring from the foot of the Vindhya.
AI translation rendered from the Sanskrit, not a published edition
KuP 1 45.35
सोदावरी भीमरथी कृष्णा वर्णा च मत्सरी । तुङ्गभ्द्रा सुप्रयोगा कावेरी च द्विजोत्तमाः । दक्षिणापथगा नद्यः सह्यपादविनिः सृताः
sodāvarī bhīmarathī kṛṣṇā varṇā ca matsarī / tuṅgabhdrā suprayogā kāverī ca dvijottamāḥ / dakṣiṇāpathagā nadyaḥ sahyapādaviniḥ sṛtāḥ
The Sodāvarī (Godāvarī), Bhīmarathī, Kṛṣṇā, Varṇā and Matsarī, the Tuṅgabhadrā, Suprayogā and the Kāverī — O best of the twice-born, these are the rivers that flow through the southern country, issuing from the foot of the Sahya range.
AI translation rendered from the Sanskrit, not a published edition
KuP 1 45.36
ऋतुमाला ताम्रपर्णो पुष्पवत्युत्पलावती । मलयान्निः सृता नद्यः सर्वाः शीतजलाः स्मृताः
ṛtumālā tāmraparṇo puṣpavatyutpalāvatī / malayānniḥ sṛtā nadyaḥ sarvāḥ śītajalāḥ smṛtāḥ
The Ṛtumālā, Tāmraparṇī, Puṣpavatī and Utpalāvatī — these rivers issue from the Malaya (mountain), and all are said to have cool waters.
AI translation rendered from the Sanskrit, not a published edition
KuP 1 45.37
ऋषिकुल्या त्रिसामा च मन्दगा मन्दगामिनी । रूपा पालासिनी चैव ऋषिका वंशकारिणी । शुक्तिमत्पादसंजाताः सर्वपापहरा नृणाम्
ṛṣikulyā trisāmā ca mandagā mandagāminī / rūpā pālāsinī caiva ṛṣikā vaṃśakāriṇī / śuktimatpādasaṃjātāḥ sarvapāpaharā nṛṇām
The Ṛṣikulyā and Trisāmā, the Mandagā and Mandagāminī, the Rūpā and the Pālāsinī, the Ṛṣikā and the Vaṃśakāriṇī — these are born from the foot of the Śuktimat (mountain), and they take away all the sins of men.
AI translation rendered from the Sanskrit, not a published edition
KuP 1 45.38
आसां नद्युपनद्यश्च शतशो द्विजपुङ्गवाः । सर्वपापहराः पुण्याः स्नानदानादिकर्मसु
āsāṃ nadyupanadyaśca śataśo dvijapuṅgavāḥ / sarvapāpaharāḥ puṇyāḥ snānadānādikarmasu
Of these there are also tributary rivers by the hundreds, O foremost of the twice-born, all holy and removing every sin in the rites of bathing, giving and the rest.
AI translation rendered from the Sanskrit, not a published edition
KuP 1 45.39
तास्विमे कुरुपाञ्चाला मध्यदेशादयो जनाः । पूर्वदेशादिकाश्चैव कामरूपनिवासिनः
tāsvime kurupāñcālā madhyadeśādayo janāḥ / pūrvadeśādikāścaiva kāmarūpanivāsinaḥ
Upon those (rivers) live these peoples: the Kurus and Pāñcālas, those of the Middle Country and the rest, and those of the eastern regions and so on, and the dwellers in Kāmarūpa,
AI translation rendered from the Sanskrit, not a published edition
KuP 1 45.40
पुण्ड्राः कलिङ्गामगधा दाक्षिणात्याश्चकृत्स्नशः । तथापरान्ताः सौराष्ट्राः शूद्राभीरास्तथार्ऽबुदाः
puṇḍrāḥ kaliṅgāmagadhā dākṣiṇātyāścakṛtsnaśaḥ / tathāparāntāḥ saurāṣṭrāḥ śūdrābhīrāstathār'budāḥ
the Puṇḍras, Kaliṅgas and Magadhas, and the southerners entirely, likewise the people of the western borders, the Saurāṣṭras, the Śūdras, the Ābhīras and the Arbudas,
AI translation rendered from the Sanskrit, not a published edition
KuP 1 45.41
मालका मालवाश्चैव पारियात्रनिवासिनः । सौवीराः सैन्धवा हूणा शाल्वाः कल्पनिवासिनः
mālakā mālavāścaiva pāriyātranivāsinaḥ / sauvīrāḥ saindhavā hūṇā śālvāḥ kalpanivāsinaḥ
the Mālakas and the Mālavas, the dwellers on the Pāriyātra (mountain), the Sauvīras, the Saindhavas, the Hūṇas, the Śālvas, the dwellers in Kalpa,
AI translation rendered from the Sanskrit, not a published edition
KuP 1 45.42
मद्रा रामास्तथाम्बष्ठाः पारसीकास्तथैव च । आसां पिबन्ति सलिलं वसन्ति सरितां सदा
madrā rāmāstathāmbaṣṭhāḥ pārasīkāstathaiva ca / āsāṃ pibanti salilaṃ vasanti saritāṃ sadā
the Madras, the Rāmas, likewise the Ambaṣṭhas, and the Pārasīkas too: they drink the water of these rivers and dwell (beside them) always.
AI translation rendered from the Sanskrit, not a published edition
KuP 1 45.43
चत्वारि भारते वर्षे युगानि कवयो ऽब्रुवन् । कृतं त्रेता द्वापरं च कलिश्चान्यत्र न क्वचित्
catvāri bhārate varṣe yugāni kavayo 'bruvan / kṛtaṃ tretā dvāparaṃ ca kaliścānyatra na kvacit
The seers have declared that in the land of Bhārata there are four ages — Kṛta, Tretā, Dvāpara and Kali — and nowhere else.
AI translation rendered from the Sanskrit, not a published edition
KuP 1 45.44
यानि किंपुरुषाद्यानि वर्षाण्यष्टौ महर्षयः । न तेषु शोको नायासो नोद्वेगः क्षुद्भयं न च
yāni kiṃpuruṣādyāni varṣāṇyaṣṭau maharṣayaḥ / na teṣu śoko nāyāso nodvegaḥ kṣudbhayaṃ na ca
As for the eight regions beginning with Kiṃpuruṣa, O great seers, in them there is no sorrow, no toil, no anxiety, and no fear of hunger.
AI translation rendered from the Sanskrit, not a published edition
KuP 1 45.45
स्वस्थाः प्रजा निरातङ्काः सर्वदुः खविवर्जिताः । रमन्ति विविधैर्भावैः सर्वाश्च स्थिरयौवनाः
svasthāḥ prajā nirātaṅkāḥ sarvaduḥ khavivarjitāḥ / ramanti vividhairbhāvaiḥ sarvāśca sthirayauvanāḥ
The people there are healthy, free of affliction, rid of all pain; they take pleasure in manifold ways, and all of them have unfading youth.
AI translation rendered from the Sanskrit, not a published edition