Kurma Purana — Purva Vibhaga — Chapter 44
KuP 1 44.1
सूत उवाच चतुर्दशसहस्त्रणि योजनानां महापुरी । मेरोरुपरि विख्याता देवदेवस्य वेधसः
sūta uvāca caturdaśasahastraṇi yojanānāṃ mahāpurī / merorupari vikhyātā devadevasya vedhasaḥ
Sūta said: Fourteen thousand yojanas (in extent) is the great city, renowned, upon Meru, of the god of gods, the Creator.
AI translation rendered from the Sanskrit, not a published edition
KuP 1 44.2
तत्रास्ते भगवान् ब्रह्मा विश्वात्मा विश्वभावनः । उपास्यमानो योगीन्द्रैर्मुनीन्द्रोपेन्द्रशङ्करैः
tatrāste bhagavān brahmā viśvātmā viśvabhāvanaḥ / upāsyamāno yogīndrairmunīndropendraśaṅkaraiḥ
There abides the Lord Brahmā, the Self of all, the bringer-forth of all, worshipped by the lords of yoga, by the chief of sages, by Upendra and Śaṅkara.
AI translation rendered from the Sanskrit, not a published edition
KuP 1 44.3
तत्र देवेश्वरेशानं विश्वात्मानं प्रजापतिम् । सनत्कुमारो भगवानुपास्ते नित्यमेव हि
tatra deveśvareśānaṃ viśvātmānaṃ prajāpatim / sanatkumāro bhagavānupāste nityameva hi
There the venerable Sanatkumāra constantly attends upon the ruler of the lords of gods, the Self of all, the Lord of creatures.
AI translation rendered from the Sanskrit, not a published edition
KuP 1 44.4
स सिद्धैरृषिगन्धर्वैः पूज्यमानः सुरैरपि । समास्ते योगयुक्तत्मा पीत्वा तत्परमामृतम्
sa siddhairṛṣigandharvaiḥ pūjyamānaḥ surairapi / samāste yogayuktatmā pītvā tatparamāmṛtam
Honoured by Siddhas, seers and Gandharvas, and by the gods as well, he sits with self joined in yoga, having drunk that supreme nectar.
AI translation rendered from the Sanskrit, not a published edition
KuP 1 44.5
तत्र देवादिदेवस्य शंभोरमिततेजसः । दीप्तमायतनं शुभ्रं पुरस्ताद् ब्रह्मणः स्थितम्
tatra devādidevasya śaṃbhoramitatejasaḥ / dīptamāyatanaṃ śubhraṃ purastād brahmaṇaḥ sthitam
There, in front of Brahmā, stands the blazing, gleaming white abode of Śambhu, the god prior to (all) gods, of measureless splendour.
AI translation rendered from the Sanskrit, not a published edition
KuP 1 44.6
दिव्यकान्तिसमायुक्तं चतुर्धारं सुशोभनम् । महर्षिगणसंकीर्णं ब्रह्मविद्भिर्निषेवितम्
divyakāntisamāyuktaṃ caturdhāraṃ suśobhanam / maharṣigaṇasaṃkīrṇaṃ brahmavidbhirniṣevitam
(It is) endowed with divine loveliness, with four gates, most beautiful, thronged with hosts of great seers, frequented by the knowers of brahman.
AI translation rendered from the Sanskrit, not a published edition
KuP 1 44.7
देव्या सह महादेवः शशाङ्कार्काग्निलोचनः । रमते तत्र विश्वेशः प्रमथैः प्रमथेश्वरः
devyā saha mahādevaḥ śaśāṅkārkāgnilocanaḥ / ramate tatra viśveśaḥ pramathaiḥ pramatheśvaraḥ
There the Great God, whose eyes are the moon, the sun and fire, the Lord of the universe, the lord of the Pramathas, takes his pleasure together with the Goddess and with the Pramathas.
AI translation rendered from the Sanskrit, not a published edition
KuP 1 44.8
तत्र वेदविदः शान्ता मुनयो ब्रह्मचारिणः । पूजयन्ति महादेवं तापसाः सत्यवादिनः
tatra vedavidaḥ śāntā munayo brahmacāriṇaḥ / pūjayanti mahādevaṃ tāpasāḥ satyavādinaḥ
There sages who know the Vedas, serene, chaste, ascetics, speakers of truth, worship the Great God.
AI translation rendered from the Sanskrit, not a published edition
KuP 1 44.9
तेषां साक्षान्महादेवो मुनीनां ब्रह्मवादिनाम् । गृह्णाति पूजां शिरसा पार्वत्या परमेश्वरः
teṣāṃ sākṣānmahādevo munīnāṃ brahmavādinām / gṛhṇāti pūjāṃ śirasā pārvatyā parameśvaraḥ
The Great God, the Supreme Lord, together with Pārvatī, receives in person upon his head the worship of those sages who declare brahman.
AI translation rendered from the Sanskrit, not a published edition
KuP 1 44.10
तत्रैव पर्वतवरे शक्रस्य परमा पुरी । नाम्नामरावती पूर्वे सर्वशोभासमन्विता
tatraiva parvatavare śakrasya paramā purī / nāmnāmarāvatī pūrve sarvaśobhāsamanvitā
On that same best of mountains, on the east, is Śakra's supreme city, Amarāvatī by name, endowed with every beauty.
AI translation rendered from the Sanskrit, not a published edition
KuP 1 44.11
तमिन्द्रमप्सरः सङ्घा गन्धर्वा गीततत्पराः । उपासते सहस्त्राक्षं देवास्तत्र सहस्त्रशः
tamindramapsaraḥ saṅghā gandharvā gītatatparāḥ / upāsate sahastrākṣaṃ devāstatra sahastraśaḥ
Hosts of Apsarases and Gandharvas intent on song attend upon that thousand-eyed Indra, and gods there by the thousands.
AI translation rendered from the Sanskrit, not a published edition
KuP 1 44.12
ये धार्मिका वेदविदो यागहोमपरायणाः । तेषां तत् परमं स्थानं देवानामपि दुर्लभम्
ye dhārmikā vedavido yāgahomaparāyaṇāḥ / teṣāṃ tat paramaṃ sthānaṃ devānāmapi durlabham
Those who are righteous, knowers of the Vedas, devoted to sacrifice and oblation — theirs is that supreme station, hard to attain even for the gods.
AI translation rendered from the Sanskrit, not a published edition
KuP 1 44.13
तस्य दक्षिणदिग्भागे वह्नेरमिततेजसः । तेजोवती नाम पुरी दिव्याश्चर्यसमन्विता
tasya dakṣiṇadigbhāge vahneramitatejasaḥ / tejovatī nāma purī divyāścaryasamanvitā
In the southern quarter of it (is) the city named Tejovatī, of Fire of measureless splendour, filled with divine marvels.
AI translation rendered from the Sanskrit, not a published edition
KuP 1 44.14
तत्रास्ते भगवान् वह्निर्भ्राजमानः स्वतेजसा । जपिनां होमिनां स्थानं दानवानां दुरासदम्
tatrāste bhagavān vahnirbhrājamānaḥ svatejasā / japināṃ homināṃ sthānaṃ dānavānāṃ durāsadam
There abides the Lord Fire, shining with his own splendour — the station of those who mutter prayers and offer oblations, unapproachable by the Dānavas.
AI translation rendered from the Sanskrit, not a published edition
KuP 1 44.15
दक्षिणे पर्वतवरे यमस्यापि महापुरी । नाम्ना संयमनी दिव्या सिद्धगन्धर्वसेविता
dakṣiṇe parvatavare yamasyāpi mahāpurī / nāmnā saṃyamanī divyā siddhagandharvasevitā
On the south of the best of mountains is the great city of Yama, divine, named Saṃyamanī, frequented by Siddhas and Gandharvas.
AI translation rendered from the Sanskrit, not a published edition
KuP 1 44.16
तत्र वैवस्वतं देवं देवाद्याः पर्युपासते । स्थानं तत् सत्यसंधानां लोके पुण्यकृतां नृणाम्
tatra vaivasvataṃ devaṃ devādyāḥ paryupāsate / sthānaṃ tat satyasaṃdhānāṃ loke puṇyakṛtāṃ nṛṇām
There the gods and others wait upon the god, the son of Vivasvat; that is the place of those true to their word, of men in the world who have done meritorious deeds.
AI translation rendered from the Sanskrit, not a published edition
KuP 1 44.17
तस्यास्तु पश्चिमे भागे निरृतेस्तु महात्मनः । रक्षोवती नाम पुरी राक्षसैः सर्वतो वृता
tasyāstu paścime bhāge nirṛtestu mahātmanaḥ / rakṣovatī nāma purī rākṣasaiḥ sarvato vṛtā
But in the western quarter of it (lies) the city named Rakṣovatī, of the great Nirṛti, surrounded on all sides by Rākṣasas.
AI translation rendered from the Sanskrit, not a published edition
KuP 1 44.18
तत्र तं निरृतिं देवं राक्षसाः पर्युपासते । गच्छन्ति तां धर्मरता ये वै तामसवृत्तयः
tatra taṃ nirṛtiṃ devaṃ rākṣasāḥ paryupāsate / gacchanti tāṃ dharmaratā ye vai tāmasavṛttayaḥ
There the Rākṣasas wait upon that god Nirṛti; those who delight in dharma but whose conduct is of the quality of darkness go there.
AI translation rendered from the Sanskrit, not a published edition
KuP 1 44.19
पश्चिमे पर्वतवरे वरुणस्य महापुरी । नाम्ना सुद्धवती पुण्या सर्वकामर्धिसंयुता
paścime parvatavare varuṇasya mahāpurī / nāmnā suddhavatī puṇyā sarvakāmardhisaṃyutā
On the west of the best of mountains is the great city of Varuṇa, named Śuddhavatī, holy, endowed with the abundance of all desired things.
AI translation rendered from the Sanskrit, not a published edition
KuP 1 44.20
तत्राप्सरोगणैः सिद्धैः सेव्यमानो ऽमराधिपः । आस्ते स वरुणो राजा तत्र गच्छन्ति ये ऽम्बुदाः । तीर्थयात्रापरी नित्यं ये च लोके ऽधमर्षिणः
tatrāpsarogaṇaiḥ siddhaiḥ sevyamāno 'marādhipaḥ / āste sa varuṇo rājā tatra gacchanti ye 'mbudāḥ / tīrthayātrāparī nityaṃ ye ca loke 'dhamarṣiṇaḥ
There, attended by hosts of Apsarases and by Siddhas, that king Varuṇa, lord of the immortals, dwells; there go those who are cloud-like (givers of water), those ever intent on pilgrimages to holy fords, and those in the world who forbear the low.
AI translation rendered from the Sanskrit, not a published edition — the model flagged this verse as uncertain
KuP 1 44.21
तस्या उत्तरदिग्भागे वायोरपि महापुरी । नाम्ना गन्धवती पुण्या तत्रास्ते ऽसौ प्रभञ्जनः
tasyā uttaradigbhāge vāyorapi mahāpurī / nāmnā gandhavatī puṇyā tatrāste 'sau prabhañjanaḥ
In the northern quarter of that (city) is the great city of Vāyu as well, named Gandhavatī, holy; there dwells that Shatterer (of trees, the wind).
AI translation rendered from the Sanskrit, not a published edition
KuP 1 44.22
अप्सरोगणगन्धर्वैः सेव्यमानो ऽमरप्रभुः । प्राणायामपरामर्त्यास्थानन्तद्यान्ति शाश्वतम्
apsarogaṇagandharvaiḥ sevyamāno 'maraprabhuḥ / prāṇāyāmaparāmartyāsthānantadyānti śāśvatam
(There is) the lord of the immortals, attended by hosts of Apsarases and Gandharvas; mortals devoted to breath-control go to that everlasting place.
AI translation rendered from the Sanskrit, not a published edition — the model flagged this verse as uncertain
KuP 1 44.23
तस्याः पूर्वेण दिग्भागे सोमस्य परमा पुरी । नाम्ना कान्तिमती शुभ्रा तत्र सोमो विराजते
tasyāḥ pūrveṇa digbhāge somasya paramā purī / nāmnā kāntimatī śubhrā tatra somo virājate
In the eastern quarter of that (city) is the supreme city of Soma, named Kāntimatī, gleaming white; there Soma shines forth.
AI translation rendered from the Sanskrit, not a published edition
KuP 1 44.24
तत्र ये भोगनिरता स्वधर्मं पुर्यपासते । तेषां तद् रचितं स्थानं नानाभोगसमन्वितम्
tatra ye bhoganiratā svadharmaṃ puryapāsate / teṣāṃ tad racitaṃ sthānaṃ nānābhogasamanvitam
Those there who, devoted to enjoyments, honour their own duty—for them that place has been fashioned, furnished with manifold enjoyments.
AI translation rendered from the Sanskrit, not a published edition — the model flagged this verse as uncertain
KuP 1 44.25
तस्याश्च पूर्वदिग्भागे शङ्करस्य महापुरी । नाम्ना यशोवती पुण्या सर्वेषां सुदुरासदा
tasyāśca pūrvadigbhāge śaṅkarasya mahāpurī / nāmnā yaśovatī puṇyā sarveṣāṃ sudurāsadā
And in the eastern quarter of that (city) is the great city of Śaṅkara, named Yaśovatī, holy, very hard for all to reach.
AI translation rendered from the Sanskrit, not a published edition
KuP 1 44.26
तत्रेशानस्य भवनं रुद्रविष्णुतनोः शुभम् । घमेश्वरस्य विपुलं तत्रास्ते स गणैर्वृतः
tatreśānasya bhavanaṃ rudraviṣṇutanoḥ śubham / ghameśvarasya vipulaṃ tatrāste sa gaṇairvṛtaḥ
There is the fair, vast dwelling of Īśāna, whose body is Rudra and Viṣṇu, of the Lord of (the House?); there he dwells, surrounded by his hosts.
AI translation rendered from the Sanskrit, not a published edition — the model flagged this verse as uncertain
KuP 1 44.27
तत्र भोगाभिलिप्सूनां भक्तानां परमेष्ठिनः । निवासः कल्पितः पूर्वं देवदेवेन शूलिना
tatra bhogābhilipsūnāṃ bhaktānāṃ parameṣṭhinaḥ / nivāsaḥ kalpitaḥ pūrvaṃ devadevena śūlinā
There a dwelling was fashioned of old by the God of gods, the bearer of the trident, for those devotees of the Supreme One who still crave enjoyments.
AI translation rendered from the Sanskrit, not a published edition
KuP 1 44.28
विष्णुपादाद् विनिष्क्रान्ता प्लावयित्वेन्दुमण्डलम् । समन्ताद् ब्रह्मणः पुर्यां गङ्गा पतति वै दिवः
viṣṇupādād viniṣkrāntā plāvayitvendumaṇḍalam / samantād brahmaṇaḥ puryāṃ gaṅgā patati vai divaḥ
Issuing from Viṣṇu's foot, and having flooded the disc of the moon, the Gaṅgā falls from heaven all around, into the city of Brahmā.
AI translation rendered from the Sanskrit, not a published edition
KuP 1 44.29
सा तत्र पतिता दिक्षु चतुर्धा ह्यभवद् द्विजाः । सीता चालकनन्दा च सुचक्षुर्भद्रनामिका
sā tatra patitā dikṣu caturdhā hyabhavad dvijāḥ / sītā cālakanandā ca sucakṣurbhadranāmikā
Having fallen there, she became fourfold toward the (four) directions, O twice-born: Sītā, and Alakanandā, and Sucakṣu, and the one named Bhadrā.
AI translation rendered from the Sanskrit, not a published edition
KuP 1 44.30
पूर्वेण सीता शैलात् तु शैलं यात्यन्तरिक्षतः । ततश्च पूर्ववर्षेण भद्राश्वेनैति चार्णवम्
pūrveṇa sītā śailāt tu śailaṃ yātyantarikṣataḥ / tataśca pūrvavarṣeṇa bhadrāśvenaiti cārṇavam
To the east, Sītā goes from mountain to mountain through the sky, and then, by the eastern continent Bhadrāśva, reaches the ocean.
AI translation rendered from the Sanskrit, not a published edition
KuP 1 44.31
तथैवालकनन्दा च दक्षिणादेत्य भारतम् । प्रयाति सागरं भित्त्वा सप्तभेदा द्विजोत्तमाः
tathaivālakanandā ca dakṣiṇādetya bhāratam / prayāti sāgaraṃ bhittvā saptabhedā dvijottamāḥ
So too Alakanandā, coming from the south to Bhārata, goes on and, splitting into seven branches, reaches the sea, O best of the twice-born.
AI translation rendered from the Sanskrit, not a published edition
KuP 1 44.32
सुचक्षुः पश्चिमगिरीनतीत्य सकलांस्तथा । पश्चिमं केतुमालाख्यं वर्षं गत्वैति चार्णवम्
sucakṣuḥ paścimagirīnatītya sakalāṃstathā / paścimaṃ ketumālākhyaṃ varṣaṃ gatvaiti cārṇavam
Sucakṣu, likewise passing beyond all the western mountains, goes through the western continent called Ketumāla and reaches the ocean.
AI translation rendered from the Sanskrit, not a published edition
KuP 1 44.33
भद्रा तथोत्तरगिरीनुत्तरांश्च तथा कुरून् । अतीत्य चोत्तराम्भोधिं समभ्येति महर्षयः
bhadrā tathottaragirīnuttarāṃśca tathā kurūn / atītya cottarāmbhodhiṃ samabhyeti maharṣayaḥ
Bhadrā likewise, passing beyond the northern mountains and the northern Kurus, comes to the northern sea, O great sages.
AI translation rendered from the Sanskrit, not a published edition
KuP 1 44.34
आनीलनिषधायामौ माल्यवान् गन्धमादनः । तयोर्मध्यगतो मेरुः कर्णिकाकारसंस्थितः
ānīlaniṣadhāyāmau mālyavān gandhamādanaḥ / tayormadhyagato meruḥ karṇikākārasaṃsthitaḥ
Mālyavān and Gandhamādana extend as far as Nīla and Niṣadha; Meru, set between the two, stands in the shape of a pericarp.
AI translation rendered from the Sanskrit, not a published edition
KuP 1 44.35
भारताः केतुमालाश्च भद्राश्वाः कुरवस्तथा । पत्राणि लोकपद्मस्य मर्यादाशैलबाह्यतः
bhāratāḥ ketumālāśca bhadrāśvāḥ kuravastathā / patrāṇi lokapadmasya maryādāśailabāhyataḥ
The Bhāratas, the Ketumālas, the Bhadrāśvas and likewise the Kurus are the petals of the lotus of the world, outside the boundary mountains.
AI translation rendered from the Sanskrit, not a published edition
KuP 1 44.36
जठरो देवकूटश्च मर्यादापर्वतावुभौ । दक्षिणोत्तरमायामावानीलनिषधायतौ
jaṭharo devakūṭaśca maryādāparvatāvubhau / dakṣiṇottaramāyāmāvānīlaniṣadhāyatau
Jaṭhara and Devakūṭa are the two boundary mountains, extending south and north, stretching along Nīla and Niṣadha.
AI translation rendered from the Sanskrit, not a published edition
KuP 1 44.37
गन्धमादनकैलासौ पूर्वपश्चायतावुभौ । अशीतियोजनायामावर्णवान्तर्व्यवस्थितौ
gandhamādanakailāsau pūrvapaścāyatāvubhau / aśītiyojanāyāmāvarṇavāntarvyavasthitau
Gandhamādana and Kailāsa both extend east and west, eighty yojanas in length, situated within the ocean.
AI translation rendered from the Sanskrit, not a published edition
KuP 1 44.38
निषधः पारियात्रश्च मर्यादापर्वताविमौ । मेरोः पश्चिमदिग्भागे यथापूर्वौ तथा स्थितौ
niṣadhaḥ pāriyātraśca maryādāparvatāvimau / meroḥ paścimadigbhāge yathāpūrvau tathā sthitau
Niṣadha and Pāriyātra, these two boundary mountains, stand in the western quarter of Meru just as the former two do.
AI translation rendered from the Sanskrit, not a published edition
KuP 1 44.39
त्रिशृङ्गो जारुधैस्तद्वदुत्तरे वर्षपर्वतौ । पूर्वपश्चायतावेतौ अर्णवान्तर्व्यवस्थितौ
triśṛṅgo jārudhaistadvaduttare varṣaparvatau / pūrvapaścāyatāvetau arṇavāntarvyavasthitau
Triśṛṅga and Jārudhi likewise are the two region-mountains in the north; these two extend east and west, situated within the ocean.
AI translation rendered from the Sanskrit, not a published edition
KuP 1 44.40
मर्यादापर्वताः प्रोक्ता अष्टाविह मया द्विजाः । जठराद्याः स्थिता मेरोश्चतुर्दिक्षु महर्षयः
maryādāparvatāḥ proktā aṣṭāviha mayā dvijāḥ / jaṭharādyāḥ sthitā meroścaturdikṣu maharṣayaḥ
Thus eight boundary mountains have been declared by me here, O twice-born ones; beginning with Jaṭhara they stand in the four directions of Meru, O great seers.
AI translation rendered from the Sanskrit, not a published edition