Kurma Purana — Purva Vibhaga — Chapter 43
KuP 1 43.1
सूत उवाच एतद् ब्रह्माण्डमाख्यातं चतुर्दशविधं महत् । अतः परं प्रवक्ष्यामि भूर्लोकस्यास्य निर्णयम्
sūta uvāca etad brahmāṇḍamākhyātaṃ caturdaśavidhaṃ mahat / ataḥ paraṃ pravakṣyāmi bhūrlokasyāsya nirṇayam
Sūta said: This great egg of Brahmā, of fourteen kinds, has been declared. Next after this I shall proclaim the determination of this earth-world.
AI translation rendered from the Sanskrit, not a published edition
KuP 1 43.2
जम्बुद्वीपः प्रधानो ऽयं प्लक्षः शाल्मल एव च । कुशः क्रौञ्चश्च शाकश्च पुष्करश्चैव सप्तमः
jambudvīpaḥ pradhāno 'yaṃ plakṣaḥ śālmala eva ca / kuśaḥ krauñcaśca śākaśca puṣkaraścaiva saptamaḥ
This Jambudvīpa is the chief, and Plakṣa, and Śālmala, Kuśa, Krauñca, and Śāka, and Puṣkara as the seventh.
AI translation rendered from the Sanskrit, not a published edition
KuP 1 43.3
एते सप्त महाद्वीपाः समुद्रैः सप्तभिर्वृताः । द्वीपाद् द्वीपो महानुक्तः सागरादपि सागरः
ete sapta mahādvīpāḥ samudraiḥ saptabhirvṛtāḥ / dvīpād dvīpo mahānuktaḥ sāgarādapi sāgaraḥ
These seven great continents are encircled by seven oceans; each continent is said to be greater than the (preceding) continent, and each ocean greater than the (preceding) ocean.
AI translation rendered from the Sanskrit, not a published edition
KuP 1 43.4
क्षारोदेक्षुरसोदश्च सुरोदश्च घृतोदकः । दध्योदः क्षीरसलिलः स्वादूदश्चेति सागराः
kṣārodekṣurasodaśca surodaśca ghṛtodakaḥ / dadhyodaḥ kṣīrasalilaḥ svādūdaśceti sāgarāḥ
The salt-water, the sugarcane-juice-water, the liquor-water, the ghee-water, the curd-water, the milk-water, and the sweet-water: these are the oceans.
AI translation rendered from the Sanskrit, not a published edition
KuP 1 43.5
पञ्चाशत्कोटिविस्तीर्णा ससमुद्रा धरा स्मृता । द्वीपैश्च सप्तभिर्युक्ता योजनानां समासतः
pañcāśatkoṭivistīrṇā sasamudrā dharā smṛtā / dvīpaiśca saptabhiryuktā yojanānāṃ samāsataḥ
The earth together with its oceans is held to extend fifty crores (of yojanas), joined with the seven continents—of yojanas, in sum.
AI translation rendered from the Sanskrit, not a published edition
KuP 1 43.6
जम्बूद्वीपः समस्तानां द्वीपानां मध्यतः शुभः । तस्य मध्ये महामेरुर्विश्रुतः कनकप्रभः
jambūdvīpaḥ samastānāṃ dvīpānāṃ madhyataḥ śubhaḥ / tasya madhye mahāmerurviśrutaḥ kanakaprabhaḥ
Jambūdvīpa, auspicious, is in the middle of all the continents; in its middle is the famed great Meru, gold in radiance.
AI translation rendered from the Sanskrit, not a published edition
KuP 1 43.7
चतुरशीतिसाहस्त्रो योजनैस्तस्य चोच्छ्रयः । प्रविष्टः षोडशाधस्ताद्द्वात्रिंशन्मूर्ध्नि विस्तृतः
caturaśītisāhastro yojanaistasya cocchrayaḥ / praviṣṭaḥ ṣoḍaśādhastāddvātriṃśanmūrdhni vistṛtaḥ
Its height is eighty-four thousand yojanas; it is sunk sixteen thousand below, and spread out thirty-two thousand at its summit.
AI translation rendered from the Sanskrit, not a published edition
KuP 1 43.8
मूले षोडशसाहस्त्रो विस्तारस्तस्य सर्वतः । भूपद्मास्यास्य शैलो ऽसौ कर्णिकात्वेन संस्थितः
mūle ṣoḍaśasāhastro vistārastasya sarvataḥ / bhūpadmāsyāsya śailo 'sau karṇikātvena saṃsthitaḥ
At its base its breadth is sixteen thousand on every side; that mountain stands as the pericarp of this earth-lotus.
AI translation rendered from the Sanskrit, not a published edition
KuP 1 43.9
हिमवान् हेमकूटश्च निषधश्चास्य दक्षिणे । नीलः श्वेतश्च शृङ्गी च उत्तरे वर्षपर्वताः
himavān hemakūṭaśca niṣadhaścāsya dakṣiṇe / nīlaḥ śvetaśca śṛṅgī ca uttare varṣaparvatāḥ
Himavān, Hemakūṭa and Niṣadha are to its south; Nīla, Śveta and Śṛṅgī to the north—the boundary mountains of the regions.
AI translation rendered from the Sanskrit, not a published edition
KuP 1 43.10
लक्षप्रमाणौ द्वौ मध्ये दशहीनास्तथा परे । सहस्त्रद्वितयोच्छ्रायास्तावद्विस्तारिणश्च ते
lakṣapramāṇau dvau madhye daśahīnāstathā pare / sahastradvitayocchrāyāstāvadvistāriṇaśca te
The two in the middle measure a lakh (of yojanas), and the others are less by ten thousand; they are two thousand in height and just as much in breadth.
AI translation rendered from the Sanskrit, not a published edition — the model flagged this verse as uncertain
KuP 1 43.11
भारतं दक्षिणं वर्षं ततः किंपुरुषं स्मृतम् । हरिवर्षं तथैवान्यन्मेरोर्दक्षिणतो द्विजाः
bhārataṃ dakṣiṇaṃ varṣaṃ tataḥ kiṃpuruṣaṃ smṛtam / harivarṣaṃ tathaivānyanmerordakṣiṇato dvijāḥ
Bhārata is the southern region, then Kiṃpuruṣa is recorded, and Harivarṣa likewise as another—(these) to the south of Meru, O twice-born ones.
AI translation rendered from the Sanskrit, not a published edition
KuP 1 43.12
रम्यकं चोत्तरं वर्षं तस्यैवानुहिरण्मयम् । उत्तराः कुरवश्चैव यथैते भरतास्तथा
ramyakaṃ cottaraṃ varṣaṃ tasyaivānuhiraṇmayam / uttarāḥ kuravaścaiva yathaite bharatāstathā
Ramyaka is the northern region, and next to it Hiraṇmaya, and the Northern Kurus; as these (southern ones are), so are the Bhāratas.
AI translation rendered from the Sanskrit, not a published edition
KuP 1 43.13
नवसाहस्त्रमेकैकमेतेषां द्विजसत्तमाः । इलावृतं च तन्मध्ये तन्मध्ये मेरुरुच्छ्रितः
navasāhastramekaikameteṣāṃ dvijasattamāḥ / ilāvṛtaṃ ca tanmadhye tanmadhye merurucchritaḥ
Each one of these is nine thousand (yojanas), O best of the twice-born; and in the middle of that is Ilāvṛta, and in the middle of that Meru rises up.
AI translation rendered from the Sanskrit, not a published edition
KuP 1 43.14
मेरोश्चतुर्दिशं तत्र नवसाहस्त्रविस्तृतम् । इलावृतं महाभागाश्चात्वारस्तत्र पर्वताः । विष्कम्भा रचिता मेरोर्योजनायुतमुच्छ्रिताः
meroścaturdiśaṃ tatra navasāhastravistṛtam / ilāvṛtaṃ mahābhāgāścātvārastatra parvatāḥ / viṣkambhā racitā meroryojanāyutamucchritāḥ
There, on all four sides of Meru, extends Ilāvṛta, nine thousand (yojanas) wide; and there, O greatly fortunate ones, are four mountains, set as buttresses of Meru, rising ten thousand yojanas high.
AI translation rendered from the Sanskrit, not a published edition
KuP 1 43.15
पूर्वेण मन्दरो नाम दक्षिणे गन्धमादनः । विपुलः पश्चिमे पार्श्वे सुपार्श्वश्चोत्तरे स्मृतः
pūrveṇa mandaro nāma dakṣiṇe gandhamādanaḥ / vipulaḥ paścime pārśve supārśvaścottare smṛtaḥ
On the east is (the mountain) named Mandara, on the south Gandhamādana, on the western side Vipula, and on the north Supārśva is recorded.
AI translation rendered from the Sanskrit, not a published edition
KuP 1 43.16
कदम्बस्तेषु जम्बुश्च पिप्पलो वट एव च । जम्बूद्वीपस्य सा जम्बूर्नामहेतुर्महर्षयः
kadambasteṣu jambuśca pippalo vaṭa eva ca / jambūdvīpasya sā jambūrnāmaheturmaharṣayaḥ
On them (grow) the kadamba, the jambū, the pippala and the banyan; that jambū, great sages, is the reason for the name of Jambūdvīpa.
AI translation rendered from the Sanskrit, not a published edition
KuP 1 43.17
महागजप्रमाणानि जम्ब्वास्तस्याः फलानि च । पतन्ति भूभृतः पृष्ठे शीर्यमाणानि सर्वतः
mahāgajapramāṇāni jambvāstasyāḥ phalāni ca / patanti bhūbhṛtaḥ pṛṣṭhe śīryamāṇāni sarvataḥ
And the fruits of that jambū, of the size of great elephants, fall on the surface of the earth, bursting apart on all sides.
AI translation rendered from the Sanskrit, not a published edition
KuP 1 43.18
रसेन तस्याः प्रख्याता तत्र जम्बूनदीति वै । सरित् प्रवर्तते चापि पीयते तत्र वासिभिः
rasena tasyāḥ prakhyātā tatra jambūnadīti vai / sarit pravartate cāpi pīyate tatra vāsibhiḥ
From its juice a river arises there, well known indeed as the Jambū river, and it is drunk by those who dwell there.
AI translation rendered from the Sanskrit, not a published edition
KuP 1 43.19
न स्वेदो न च दौर्गन्ध्यं न जरा नेन्द्रियक्षयः । तत्पानात् सुस्थमनसां नराणां तत्र जायते
na svedo na ca daurgandhyaṃ na jarā nendriyakṣayaḥ / tatpānāt susthamanasāṃ narāṇāṃ tatra jāyate
From drinking it, no sweat, no bad smell, no old age and no decay of the senses arises there for the men, whose minds are at ease.
AI translation rendered from the Sanskrit, not a published edition
KuP 1 43.20
तीरमृत्तत्र संप्राप्य वायुना सुविशोषिता । जाम्बूनदाख्यं भवति सुवर्णं सिद्धभूषणम्
tīramṛttatra saṃprāpya vāyunā suviśoṣitā / jāmbūnadākhyaṃ bhavati suvarṇaṃ siddhabhūṣaṇam
The clay of its bank there, when well dried by the wind, becomes gold called jāmbūnada, the ornament of the Siddhas.
AI translation rendered from the Sanskrit, not a published edition
KuP 1 43.21
भद्राश्वः पूर्वतो मेरोः केतुमालश्च पश्चिमे । वर्षे द्वे तु मुनिश्रेष्ठास्तयोर्मध्ये इलावृतम्
bhadrāśvaḥ pūrvato meroḥ ketumālaśca paścime / varṣe dve tu muniśreṣṭhāstayormadhye ilāvṛtam
East of Meru is Bhadrāśva and to the west Ketumāla — two regions, best of sages; between those two is Ilāvṛta.
AI translation rendered from the Sanskrit, not a published edition
KuP 1 43.22
वनं चैत्ररथं पूर्वे दक्षिणे गन्धमादनम् । वैभ्राजं पश्चिमे विद्यादुत्तरे सवितुर्वनम्
vanaṃ caitrarathaṃ pūrve dakṣiṇe gandhamādanam / vaibhrājaṃ paścime vidyāduttare saviturvanam
One should know the Caitraratha wood on the east, Gandhamādana on the south, Vaibhrāja on the west, and on the north the wood of the Sun.
AI translation rendered from the Sanskrit, not a published edition
KuP 1 43.23
अरुणोदं महाभद्रमसितोदं च मानसम् । सरांस्येतानि चत्वारि देवयोग्यानि सर्वदा
aruṇodaṃ mahābhadramasitodaṃ ca mānasam / sarāṃsyetāni catvāri devayogyāni sarvadā
Aruṇoda, Mahābhadra, Asitoda and Mānasa — these four lakes are always fit for the gods.
AI translation rendered from the Sanskrit, not a published edition
KuP 1 43.24
सितान्तश्च कुमुद्वांश्च कुरुरी माल्यवांस्तथा । वैकङ्को मणिशैलश्च ऋक्षवांश्चाचलोत्तमाः
sitāntaśca kumudvāṃśca kururī mālyavāṃstathā / vaikaṅko maṇiśailaśca ṛkṣavāṃścācalottamāḥ
Sitānta and Kumudvān, Kururī and likewise Mālyavān, Vaikaṅka and Maṇiśaila and Ṛkṣavān — the best of mountains;
AI translation rendered from the Sanskrit, not a published edition
KuP 1 43.25
महानीलो ऽथ रुचकः सबिन्दुर्मन्दरस्तथा । वेणुमांश्चैव मेघश्च निषधो देवपर्वतः । इत्येते देवरचिताः सिद्धावासाः प्रकीर्तिताः
mahānīlo 'tha rucakaḥ sabindurmandarastathā / veṇumāṃścaiva meghaśca niṣadho devaparvataḥ / ityete devaracitāḥ siddhāvāsāḥ prakīrtitāḥ
then Mahānīla, Rucaka, Sabindu and likewise Mandara, and Veṇumān and Megha, Niṣadha, Devaparvata: these are proclaimed as made by the gods, the dwellings of the Siddhas.
AI translation rendered from the Sanskrit, not a published edition
KuP 1 43.26
अरुणोदस्य सरसः पूर्वतः केसराचलः । त्रिकूटशिखरश्चैव पतङ्गो रुचकस्तथा
aruṇodasya sarasaḥ pūrvataḥ kesarācalaḥ / trikūṭaśikharaścaiva pataṅgo rucakastathā
East of the lake Aruṇoda is the Kesara mountain, and Trikūṭaśikhara, Pataṅga and likewise Rucaka,
AI translation rendered from the Sanskrit, not a published edition
KuP 1 43.27
निषधो वसुधारश्च कलिङ्गस्त्रिशिखः शुभः । समूलो वसुधारश्च कुरवश्चैव सानुमान्
niṣadho vasudhāraśca kaliṅgastriśikhaḥ śubhaḥ / samūlo vasudhāraśca kuravaścaiva sānumān
Niṣadha and Vasudhāra, Kaliṅga, the auspicious Triśikha, Samūla and Vasudhāra, and Kuravas and Sānumān,
AI translation rendered from the Sanskrit, not a published edition
KuP 1 43.28
ताम्रातश्च विशालश्च कुमुदो वेणुर्वतः । एकशृङ्गो महाशैलो गजशैलः पिशाचकः
tāmrātaśca viśālaśca kumudo veṇurvataḥ / ekaśṛṅgo mahāśailo gajaśailaḥ piśācakaḥ
Tāmrāta and Viśāla, Kumuda, Veṇu, Vata, Ekaśṛṅga, Mahāśaila, Gajaśaila, Piśācaka,
AI translation rendered from the Sanskrit, not a published edition
KuP 1 43.29
पञ्चशैलो ऽथ कैलासो हिमवांशचाचलोत्तमः । इत्येते देवचरिता उत्कटाः पर्वतोत्तमाः
pañcaśailo 'tha kailāso himavāṃśacācalottamaḥ / ityete devacaritā utkaṭāḥ parvatottamāḥ
then Pañcaśaila, Kailāsa and Himavān, best of mountains: these lofty, best of mountains are frequented by the gods.
AI translation rendered from the Sanskrit, not a published edition
KuP 1 43.30
महाभद्रस्य सरसो दक्षिणे केसराचलः । शिखिवासश्च वैदूर्यः कपिलो गन्धमादनः
mahābhadrasya saraso dakṣiṇe kesarācalaḥ / śikhivāsaśca vaidūryaḥ kapilo gandhamādanaḥ
South of the lake Mahābhadra is the Kesara mountain, and Śikhivāsa, Vaidūrya, Kapila, Gandhamādana,
AI translation rendered from the Sanskrit, not a published edition
KuP 1 43.31
जारुधिश्च सुगन्धिश्च श्रीशृङ्गश्चाचलोत्तमः । सुपार्श्वश्च सुपक्षश्च कङ्कः कपिल एव च
jārudhiśca sugandhiśca śrīśṛṅgaścācalottamaḥ / supārśvaśca supakṣaśca kaṅkaḥ kapila eva ca
and Jārudhi and Sugandhi and Śrīśṛṅga, best of mountains, and Supārśva and Supakṣa, Kaṅka and Kapila,
AI translation rendered from the Sanskrit, not a published edition
KuP 1 43.32
पिञ्जरो भद्रशैलश्च सुरसश्च महाबलः । अञ्जनो मधुमांस्तद्वत् कुमुदो मुकुटस्तथा
piñjaro bhadraśailaśca surasaśca mahābalaḥ / añjano madhumāṃstadvat kumudo mukuṭastathā
Piñjara and Bhadraśaila, and Surasa, Mahābala, Añjana, likewise Madhumān, Kumuda and Mukuṭa,
AI translation rendered from the Sanskrit, not a published edition
KuP 1 43.33
सहस्त्रशिखरश्चैव पाण्डुरः कृष्ण एव च । पारिजातो महाशैलस्तथैव कपिलोदकः
sahastraśikharaścaiva pāṇḍuraḥ kṛṣṇa eva ca / pārijāto mahāśailastathaiva kapilodakaḥ
and Sahasraśikhara, Pāṇḍura and Kṛṣṇa, Pārijāta, Mahāśaila, and likewise Kapilodaka,
AI translation rendered from the Sanskrit, not a published edition
KuP 1 43.34
सुषेणः पुण्डरीकश्च महामेघस्तथैव च । एते पर्वतराजानः सिद्धगन्धर्वसेविताः
suṣeṇaḥ puṇḍarīkaśca mahāmeghastathaiva ca / ete parvatarājānaḥ siddhagandharvasevitāḥ
Suṣeṇa and Puṇḍarīka, and likewise Mahāmegha — these are kings among mountains, frequented by Siddhas and Gandharvas.
AI translation rendered from the Sanskrit, not a published edition
KuP 1 43.35
असितोदस्य सरसः पश्चिमे केसराचलः । शङ्खकूटो ऽथ वृषभो हंसो नागस्तथा परः
asitodasya sarasaḥ paścime kesarācalaḥ / śaṅkhakūṭo 'tha vṛṣabho haṃso nāgastathā paraḥ
To the west of Lake Asitoda (stands) Mount Kesara, then Śaṅkhakūṭa, Vṛṣabha, Haṃsa, and further Nāga.
AI translation rendered from the Sanskrit, not a published edition
KuP 1 43.36
कालाञ्जनः शुक्रशैलो नीलः कमल एव च । पुष्पकश्च सुमेघश्च वाराहो विरजास्तथा । मयूरः कपिलश्चैव महाकपिल एव च
kālāñjanaḥ śukraśailo nīlaḥ kamala eva ca / puṣpakaśca sumeghaśca vārāho virajāstathā / mayūraḥ kapilaścaiva mahākapila eva ca
Kālāñjana, Mount Śukra, Nīla, and Kamala, and Puṣpaka and Sumegha, Vārāha and Virajas, Mayūra and Kapila, and Mahākapila too.
AI translation rendered from the Sanskrit, not a published edition
KuP 1 43.37
इत्येते देवगन्धर्वसिद्धसङ्घनिषेविताः । सरसो मानसस्येह उत्तरे केसराचलाः
ityete devagandharvasiddhasaṅghaniṣevitāḥ / saraso mānasasyeha uttare kesarācalāḥ
Thus these Kesara mountains, frequented by hosts of gods, Gandharvas and Siddhas, are here to the north of Lake Mānasa.
AI translation rendered from the Sanskrit, not a published edition
KuP 1 43.38
एतेषां शैलमुख्यानामन्तरेषु यथाक्रमम् । सन्ति चैवान्तरद्रोण्यः सरांसि च वनानि च
eteṣāṃ śailamukhyānāmantareṣu yathākramam / santi caivāntaradroṇyaḥ sarāṃsi ca vanāni ca
Between these chief mountains there are, in due order, intervening valleys, lakes, and forests.
AI translation rendered from the Sanskrit, not a published edition
KuP 1 43.39
वसन्ति तत्र मुनयः सिद्धाश्च ब्रह्मभाविताः । प्रसन्नाः शान्तरजसः सर्वदुः खविवर्जिताः
vasanti tatra munayaḥ siddhāśca brahmabhāvitāḥ / prasannāḥ śāntarajasaḥ sarvaduḥ khavivarjitāḥ
There dwell sages and Siddhas who have realized brahman, serene, their passion stilled, free from all sorrow.
AI translation rendered from the Sanskrit, not a published edition