Kurma Purana — Purva Vibhaga — Chapter 31
KuP 1 31.1
सूत उवाच समाभाष्य मुनीन् धीमान् देवदेवस्य शूलिनः । जगाम लिङ्गं तद् द्रष्टुं कपर्देश्वरमव्ययम्
sūta uvāca samābhāṣya munīn dhīmān devadevasya śūlinaḥ / jagāma liṅgaṃ tad draṣṭuṃ kapardeśvaramavyayam
Sūta said: Having addressed the sages, the wise one went to see that liṅga of the god of gods, the trident-bearer, the imperishable Kapardeśvara.
AI translation rendered from the Sanskrit, not a published edition
KuP 1 31.2
स्नात्वा तत्र विधानेन तर्पयित्वा पितॄन् द्विजाः । पिशाचमोचने तीर्थे पूजयामास शूलिनम्
snātvā tatra vidhānena tarpayitvā pitṝn dvijāḥ / piśācamocane tīrthe pūjayāmāsa śūlinam
Having bathed there according to the rule and having offered libations to the ancestors, O twice-born ones, at the Piśācamocana ford he worshipped the trident-bearer.
AI translation rendered from the Sanskrit, not a published edition
KuP 1 31.3
तत्राश्चर्यमपश्यंस्ते मुनयो गुरुणा सह । मेनिरे क्षेत्रमाहात्म्यं प्रणेमुर्गिरिशं हरम्
tatrāścaryamapaśyaṃste munayo guruṇā saha / menire kṣetramāhātmyaṃ praṇemurgiriśaṃ haram
There those sages, together with (their) teacher, saw a marvel; they recognised the greatness of the sacred field, and bowed to Hara, the lord of the mountain.
AI translation rendered from the Sanskrit, not a published edition
KuP 1 31.4
कश्चिदभ्याजगामेदं शार्दूलो घोररूपधृक् । मृगीमेकां भक्षयितुं कपर्देश्वरमुत्तमम्
kaścidabhyājagāmedaṃ śārdūlo ghorarūpadhṛk / mṛgīmekāṃ bhakṣayituṃ kapardeśvaramuttamam
Some tiger, bearing a terrible form, came to this excellent Kapardeśvara to devour a doe.
AI translation rendered from the Sanskrit, not a published edition
KuP 1 31.5
तत्र सा भीतहृदया कृत्वा कृत्वा प्रदक्षिणम् । धावमाना सुसंभ्रान्ता व्याघ्रस्य वशमागता
tatra sā bhītahṛdayā kṛtvā kṛtvā pradakṣiṇam / dhāvamānā susaṃbhrāntā vyāghrasya vaśamāgatā
There she, with terrified heart, circling round and round (the liṅga), running in great confusion, came into the tiger's power.
AI translation rendered from the Sanskrit, not a published edition
KuP 1 31.6
तां विदार्य नखैस्तीक्ष्णैः शार्दूलः सुमहाबलः । जगाम चान्यं विजनं देशं दृष्ट्वा मुनीश्वरान्
tāṃ vidārya nakhaistīkṣṇaiḥ śārdūlaḥ sumahābalaḥ / jagāma cānyaṃ vijanaṃ deśaṃ dṛṣṭvā munīśvarān
The exceedingly powerful tiger, having torn her with sharp claws, and having seen the great sages, went to another, uninhabited place.
AI translation rendered from the Sanskrit, not a published edition
KuP 1 31.7
मृतमात्रा च सा बाला कपर्देशाग्रतो मृगी । अदृश्यत महाज्वाला व्योम्नि सूर्यसमप्रभा
mṛtamātrā ca sā bālā kapardeśāgrato mṛgī / adṛśyata mahājvālā vyomni sūryasamaprabhā
And that young doe, as soon as she died before Kapardeśa, was seen in the sky as a great flame, with radiance equal to the sun's,
AI translation rendered from the Sanskrit, not a published edition
KuP 1 31.8
त्रिनेत्रा नीलकण्ठा च शशाङ्काङ्कितमूर्धजा । वृषाधिरूढा पुरुषैस्तादृशैरेव संवृता
trinetrā nīlakaṇṭhā ca śaśāṅkāṅkitamūrdhajā / vṛṣādhirūḍhā puruṣaistādṛśaireva saṃvṛtā
three-eyed and blue-throated, with hair marked by the moon, mounted on a bull, surrounded by men just like that (in form).
AI translation rendered from the Sanskrit, not a published edition
KuP 1 31.9
पुष्पवृष्टिं विमुञ्चिन्ति खेचरास्तस्य मूर्धनि । गणेश्वरः स्वयं भूत्वा न दृष्टस्तत्क्षणात् ततः
puṣpavṛṣṭiṃ vimuñcinti khecarāstasya mūrdhani / gaṇeśvaraḥ svayaṃ bhūtvā na dṛṣṭastatkṣaṇāt tataḥ
The sky-travellers released a rain of flowers on her head; having herself become a lord of the (Śiva's) hosts, she was from that moment no longer seen.
AI translation rendered from the Sanskrit, not a published edition
KuP 1 31.10
दृष्ट्वैतदाश्चर्यवरं जैमिनिप्रमुखा द्विजाः । कपर्देश्वरमाहात्म्यं पप्रच्छुर्गुरुमच्युतम्
dṛṣṭvaitadāścaryavaraṃ jaiminipramukhā dvijāḥ / kapardeśvaramāhātmyaṃ papracchurgurumacyutam
Having seen this greatest of marvels, the twice-born ones led by Jaimini asked the unfailing teacher about the greatness of Kapardeśvara.
AI translation rendered from the Sanskrit, not a published edition
KuP 1 31.11
तेषां प्रोवाच भगवान् देवाग्रे चोपविश्य सः । कपर्देशस्य माहात्म्यं प्रणम्य वृषभध्वजम्
teṣāṃ provāca bhagavān devāgre copaviśya saḥ / kapardeśasya māhātmyaṃ praṇamya vṛṣabhadhvajam
And the lord, seating himself before the god and bowing to him whose banner is the bull, told them the greatness of Kapardeśa:
AI translation rendered from the Sanskrit, not a published edition
KuP 1 31.12
इदं देवस्य तल्लिङ्गं कपर्दोश्वरमुत्तमम् । स्मृत्वैवाशेषपापौघं क्षिप्रमस्य विमुञ्चति
idaṃ devasya talliṅgaṃ kapardośvaramuttamam / smṛtvaivāśeṣapāpaughaṃ kṣipramasya vimuñcati
This is that liṅga of the god, the excellent Kapardeśvara; by merely remembering (it), it quickly releases one from the whole flood of sins.
AI translation rendered from the Sanskrit, not a published edition
KuP 1 31.13
कामक्रोधादयो दोषा वाराणसीनिवासिनाम् । विघ्नाः सर्वे विनश्यन्ति कपर्देश्वरपूजनात्
kāmakrodhādayo doṣā vārāṇasīnivāsinām / vighnāḥ sarve vinaśyanti kapardeśvarapūjanāt
The faults of those who dwell in Vārāṇasī — desire, anger and the rest — and all obstacles perish through the worship of Kapardeśvara.
AI translation rendered from the Sanskrit, not a published edition
KuP 1 31.14
तस्मात् सदैव द्रष्टव्यं कपर्देश्वरमुत्तमम् । पूजितव्यं प्रयत्नेन स्तोतव्यं वैदिकैः स्तवैः
tasmāt sadaiva draṣṭavyaṃ kapardeśvaramuttamam / pūjitavyaṃ prayatnena stotavyaṃ vaidikaiḥ stavaiḥ
Therefore the excellent Kapardeśvara should always be looked upon, should be worshipped with effort, should be praised with Vedic hymns.
AI translation rendered from the Sanskrit, not a published edition
KuP 1 31.15
ध्यायतामत्र नियतं योगिनां शान्तचेतसाम् । जायते योगसंसिद्धिः सा षण्मासे न संशयः
dhyāyatāmatra niyataṃ yogināṃ śāntacetasām / jāyate yogasaṃsiddhiḥ sā ṣaṇmāse na saṃśayaḥ
For yogins of tranquil mind who meditate here constantly, that full attainment of yoga arises within six months — there is no doubt.
AI translation rendered from the Sanskrit, not a published edition
KuP 1 31.16
ब्रह्महत्यादयः पापा विनश्यन्त्यस्य पूजनात् । पिशाचमोचने कुण्डे स्नातस्यात्र समीपतः
brahmahatyādayaḥ pāpā vinaśyantyasya pūjanāt / piśācamocane kuṇḍe snātasyātra samīpataḥ
Sins such as brahmin-killing are destroyed by worshipping him, (and) by one's bathing here nearby in the pool Piśācamocana.
AI translation rendered from the Sanskrit, not a published edition
KuP 1 31.17
अस्मिन् क्षेत्रे पुरा विप्रास्तपस्वी शंसितव्रतः । शङ्कुकर्ण इति ख्यातः पूजयामास शङ्करम् । जजाप रुद्रमनिशं प्रणवं ब्रह्मरूपिणम्
asmin kṣetre purā viprāstapasvī śaṃsitavrataḥ / śaṅkukarṇa iti khyātaḥ pūjayāmāsa śaṅkaram / jajāpa rudramaniśaṃ praṇavaṃ brahmarūpiṇam
In this sacred field, O brahmins, formerly an ascetic of famed vows, known as Śaṅkukarṇa, worshipped Śaṅkara; ceaselessly he muttered (the name of) Rudra, the syllable Om, whose form is Brahman.
AI translation rendered from the Sanskrit, not a published edition
KuP 1 31.18
पुष्पधूपादिभिः स्तोत्रैर्नमस्कारैः प्रदक्षिणैः । उवास तत्र योगात्मा कृत्वा दीक्षां तु नैष्ठिकीम
puṣpadhūpādibhiḥ stotrairnamaskāraiḥ pradakṣiṇaiḥ / uvāsa tatra yogātmā kṛtvā dīkṣāṃ tu naiṣṭhikīma
With flowers, incense and the rest, with hymns, with prostrations, with circumambulations — that man of yogic soul dwelt there, having taken the lifelong (naiṣṭhika) initiation.
AI translation rendered from the Sanskrit, not a published edition
KuP 1 31.19
कदाचिदागतं प्रेतं पश्यति स्म क्षुधान्वितम् । अस्थिचर्मपिनद्धाङ्गं निः श्वसन्तं मुहुर्मुहुः
kadācidāgataṃ pretaṃ paśyati sma kṣudhānvitam / asthicarmapinaddhāṅgaṃ niḥ śvasantaṃ muhurmuhuḥ
Once he saw a ghost that had come, afflicted with hunger, its limbs bound up (of nothing but) bone and skin, sighing again and again.
AI translation rendered from the Sanskrit, not a published edition
KuP 1 31.20
तं दृष्ट्वा स मुनिश्रेष्ठः कृपया परया युतः । प्रोवाच को भवान् कस्माद् देशाद् देशमिमंश्रितः
taṃ dṛṣṭvā sa muniśreṣṭhaḥ kṛpayā parayā yutaḥ / provāca ko bhavān kasmād deśād deśamimaṃśritaḥ
Seeing him, that best of sages, filled with supreme compassion, said: "Who are you? From what country have you come to this country?"
AI translation rendered from the Sanskrit, not a published edition
KuP 1 31.21
तस्मै पिशाचः क्षुधया पीड्यमानो ऽब्रवीद् वचः । पूर्वजन्मन्यहं विप्रो धनधान्यसमन्वितः । पुत्रपौत्रादिभिर्युक्तः कुटुम्बभरणोत्सुकः
tasmai piśācaḥ kṣudhayā pīḍyamāno 'bravīd vacaḥ / pūrvajanmanyahaṃ vipro dhanadhānyasamanvitaḥ / putrapautrādibhiryuktaḥ kuṭumbabharaṇotsukaḥ
To him the ghost, tormented by hunger, spoke these words: "In a former birth I was a brahmin, possessed of wealth and grain, provided with sons and grandsons and the rest, eager to support my household.
AI translation rendered from the Sanskrit, not a published edition
KuP 1 31.22
न पूजिता मया देवा गावो ऽप्यतिथयस्तथा । न कदाचित् कृतं पुण्यमल्पं वा स्वल्पमेव वा
na pūjitā mayā devā gāvo 'pyatithayastathā / na kadācit kṛtaṃ puṇyamalpaṃ vā svalpameva vā
"I honoured neither the gods, nor cows, nor guests; never did I perform a meritorious act, whether small or even the least.
AI translation rendered from the Sanskrit, not a published edition
KuP 1 31.23
एकदा भगवान् देवो गोवृषेश्वरवाहनः । विश्वेश्वरो वाराणस्यां दृष्टः स्पृष्टे नमस्कृतः
ekadā bhagavān devo govṛṣeśvaravāhanaḥ / viśveśvaro vārāṇasyāṃ dṛṣṭaḥ spṛṣṭe namaskṛtaḥ
"Once the Lord God whose mount is the bull-lord, Viśveśvara, was seen by me in Vārāṇasī, touched and bowed to.
AI translation rendered from the Sanskrit, not a published edition
KuP 1 31.24
तदाचिरेण कालेन पञ्चत्वमहमागतः । न दृष्टं नन्मया घोरं यमस्य वदनं मुने
tadācireṇa kālena pañcatvamahamāgataḥ / na dṛṣṭaṃ nanmayā ghoraṃ yamasya vadanaṃ mune
"Then before long I came to death; yet I did not see the terrible face of Yama, O sage.
AI translation rendered from the Sanskrit, not a published edition
KuP 1 31.25
ईदृशीं योनिमापन्नः पैशाचीं क्षुधयान्वितः । पिपासयाधुनाक्रान्तो न जानामि हिताहितम्
īdṛśīṃ yonimāpannaḥ paiśācīṃ kṣudhayānvitaḥ / pipāsayādhunākrānto na jānāmi hitāhitam
"(Instead) I attained such a birth as this, a ghostly one, beset with hunger; now overcome by thirst, I do not know what is good for me and what is not.
AI translation rendered from the Sanskrit, not a published edition
KuP 1 31.26
यदि कञ्चित् समुद्धर्तुमुपायं पश्यसि प्रभो । कुरुष्व तं नमस्तुभ्यं त्वामहं शरणं गतः
yadi kañcit samuddhartumupāyaṃ paśyasi prabho / kuruṣva taṃ namastubhyaṃ tvāmahaṃ śaraṇaṃ gataḥ
"If you see any means to lift me out, O lord, do it. Homage to you — I have come to you for refuge."
AI translation rendered from the Sanskrit, not a published edition
KuP 1 31.27
इत्युक्तः शङ्कुकर्णो ऽथ पिशाचमिदमब्रवीत् । त्वादृशो न हि लोके ऽस्मिन् विद्यते पुण्यकृत्तमः
ityuktaḥ śaṅkukarṇo 'tha piśācamidamabravīt / tvādṛśo na hi loke 'smin vidyate puṇyakṛttamaḥ
Addressed thus, Śaṅkukarṇa then said this to the ghost: "Indeed there is not in this world one who has done greater merit than you.
AI translation rendered from the Sanskrit, not a published edition
KuP 1 31.28
यत् त्वया भगवान् पूर्वं दृष्टो विश्वेश्वरः शिवः । संस्पृष्टो वन्दितो भूयः को ऽन्यस्त्वत्सदृशो भुवि
yat tvayā bhagavān pūrvaṃ dṛṣṭo viśveśvaraḥ śivaḥ / saṃspṛṣṭo vandito bhūyaḥ ko 'nyastvatsadṛśo bhuvi
"Since by you the Lord Śiva, Viśveśvara, was formerly seen, touched and further saluted — who else on earth is like you?
AI translation rendered from the Sanskrit, not a published edition
KuP 1 31.29
तेन कर्मविपाकेन देशमेतं समागतः । स्नानं कुरुष्व शीघ्रं त्वमस्मिन् कुण्डे समाहितः । येनेमां कुत्सितां योनिं क्षिप्रमेव प्रहास्यसि
tena karmavipākena deśametaṃ samāgataḥ / snānaṃ kuruṣva śīghraṃ tvamasmin kuṇḍe samāhitaḥ / yenemāṃ kutsitāṃ yoniṃ kṣiprameva prahāsyasi
"By the ripening of that deed you have come to this country. Bathe quickly, with concentrated mind, in this pool, whereby you will very soon abandon this despicable birth."
AI translation rendered from the Sanskrit, not a published edition
KuP 1 31.30
स एवमुक्तो मुनिना पिशाचो दयालुना देववरं त्रिनेत्रम् । स्मृत्वा कपर्देश्वरमीशितारं चक्रे समाधाय मनो ऽवगाहम्
sa evamukto muninā piśāco dayālunā devavaraṃ trinetram / smṛtvā kapardeśvaramīśitāraṃ cakre samādhāya mano 'vagāham
Thus addressed by the compassionate sage, the ghost, recalling the three-eyed best of gods, Kapardeśvara the ruler, fixed his mind and made the plunge.
AI translation rendered from the Sanskrit, not a published edition
KuP 1 31.31
तदावगाढो मुनिसंनिधाने ममार दिव्याभरणोपपन्नः । अदृश्यतार्कप्रतिमे विमाने शशाङ्कचिह्नाङ्कितचारुमौलिः
tadāvagāḍho munisaṃnidhāne mamāra divyābharaṇopapannaḥ / adṛśyatārkapratime vimāne śaśāṅkacihnāṅkitacārumauliḥ
Then, having plunged in, he died in the sage's presence, and (reappeared) endowed with divine ornaments; he was seen in a chariot like the sun, his lovely crown marked with the emblem of the moon.
AI translation rendered from the Sanskrit, not a published edition
KuP 1 31.32
विभाति रुद्रैरभितो दिवस्थैः समावृतो योगिभैरप्रमेयैः । सबालखिल्यादिभिरेष देवो यथोदये भानुरशेषदेवः
vibhāti rudrairabhito divasthaiḥ samāvṛto yogibhairaprameyaiḥ / sabālakhilyādibhireṣa devo yathodaye bhānuraśeṣadevaḥ
He shines, surrounded on all sides by the heaven-dwelling Rudras and by immeasurable yogins, together with the Bālakhilyas and the rest — this god, like the sun at its rising, (himself) all the gods.
AI translation rendered from the Sanskrit, not a published edition
KuP 1 31.33
स्तुवन्ति सिद्धा दिवि देवसङ्घा नृत्यन्ति दिव्याप्सरसो ऽभिरामाः । मुञ्चन्ति वृष्टिं कुसुमाम्बुमिश्रां गन्धर्वविद्याधरकिंनराद्याः
stuvanti siddhā divi devasaṅghā nṛtyanti divyāpsaraso 'bhirāmāḥ / muñcanti vṛṣṭiṃ kusumāmbumiśrāṃ gandharvavidyādharakiṃnarādyāḥ
The Siddhas and the hosts of gods in heaven praise (him), the lovely divine apsarases dance, and the Gandharvas, Vidyādharas, Kinnaras and others release a rain mingled with flowers and water.
AI translation rendered from the Sanskrit, not a published edition
KuP 1 31.34
संस्तूयमानो ऽथ मुनीन्द्रसङ्घै- रवाप्य बोधं भगवात्प्रसादात् । समाविशन्मण्डलमेतदग्र्यं त्रयीमयं यत्र विभाति रुद्रः
saṃstūyamāno 'tha munīndrasaṅghai- ravāpya bodhaṃ bhagavātprasādāt / samāviśanmaṇḍalametadagryaṃ trayīmayaṃ yatra vibhāti rudraḥ
Then, praised by the throngs of chief sages, having obtained awakening by the Lord's grace, he entered this foremost sphere, made of the three Vedas, wherein Rudra shines.
AI translation rendered from the Sanskrit, not a published edition
KuP 1 31.35
दृष्ट्वा विमुक्तं स पिशाचभूतं मुनिः प्रहृष्टो मनसा महेशम् । विचिन्त्य रुद्रं कविमेकमग्निं प्रणम्य तुष्टाव कपर्दिनं तम्
dṛṣṭvā vimuktaṃ sa piśācabhūtaṃ muniḥ prahṛṣṭo manasā maheśam / vicintya rudraṃ kavimekamagniṃ praṇamya tuṣṭāva kapardinaṃ tam
Seeing that former ghost released, the sage, delighted in mind, contemplating Maheśa, Rudra, the one seer, the fire, bowed down and praised that wearer of matted locks.
AI translation rendered from the Sanskrit, not a published edition
KuP 1 31.36
शङ्कुकर्ण उवाच कपर्दिनं त्वां परतः परस्ताद् गोप्तारमेकं पुरुषं पुराणम् । व्रजामि योगेश्वरमीशितार- मादित्यमग्निं कपिलाधिरूढम्
śaṅkukarṇa uvāca kapardinaṃ tvāṃ parataḥ parastād goptāramekaṃ puruṣaṃ purāṇam / vrajāmi yogeśvaramīśitāra- mādityamagniṃ kapilādhirūḍham
Śaṅkukarṇa said: To you, the wearer of matted hair, beyond the beyond, the sole protector, the ancient Person, I go — the lord of yoga, the ruler, the sun, the fire, mounted upon the tawny (bull).
AI translation rendered from the Sanskrit, not a published edition
KuP 1 31.37
त्वां ब्रह्मपारं हृदि सन्निविष्टं हिरण्मयं योगिनमादिमन्तम् । व्रजामि रुद्रं शरणं दिवस्थं महामुनिं ब्रह्ममयं पवित्रम्
tvāṃ brahmapāraṃ hṛdi sanniviṣṭaṃ hiraṇmayaṃ yoginamādimantam / vrajāmi rudraṃ śaraṇaṃ divasthaṃ mahāmuniṃ brahmamayaṃ pavitram
To you, beyond Brahman, seated within the heart, golden, the yogin, having a beginning (or: the primordial one), to Rudra dwelling in heaven, the great sage, made of brahman, pure — I go for refuge.
AI translation rendered from the Sanskrit, not a published edition — the model flagged this verse as uncertain
KuP 1 31.38
सहस्त्रपादाक्षिशिरो ऽभियुक्तं सहस्त्रबाहुं नमसः परस्तात् । त्वां ब्रहामपारं प्रणमामि शंभुं हिरण्यगर्भाधिपतिं त्रिनेत्रम्
sahastrapādākṣiśiro 'bhiyuktaṃ sahastrabāhuṃ namasaḥ parastāt / tvāṃ brahāmapāraṃ praṇamāmi śaṃbhuṃ hiraṇyagarbhādhipatiṃ trinetram
(You who are) joined with a thousand feet, eyes and heads, thousand-armed, beyond the sky — to you, beyond Brahman, I bow, to Śaṃbhu, the overlord of Hiraṇyagarbha, the three-eyed.
AI translation rendered from the Sanskrit, not a published edition
KuP 1 31.39
यतः प्रसूतिर्जगतो विनाशो येनावृतं सर्वमिदं शिवेन । तं ब्रह्मपारं भगवन्तमीशं प्रणम्य नित्यं शरणं प्रपद्ये
yataḥ prasūtirjagato vināśo yenāvṛtaṃ sarvamidaṃ śivena / taṃ brahmapāraṃ bhagavantamīśaṃ praṇamya nityaṃ śaraṇaṃ prapadye
From whom is the emanation and the destruction of the world, by whom, Śiva, all this is pervaded — bowing to him, beyond Brahman, the Blessed Lord, I ever go for refuge.
AI translation rendered from the Sanskrit, not a published edition
KuP 1 31.40
अलिङ्गमालोकविहीनरूपं स्वयंप्रभं चित्पतिमेकरुद्रम् । तं ब्रह्मपारं परमेश्वरं त्वां नमस्करिष्ये न यतो ऽन्यदस्ति
aliṅgamālokavihīnarūpaṃ svayaṃprabhaṃ citpatimekarudram / taṃ brahmapāraṃ parameśvaraṃ tvāṃ namaskariṣye na yato 'nyadasti
To you, without mark, whose form is devoid of visible appearance, self-luminous, lord of consciousness, the one Rudra, beyond Brahman, the supreme Lord — I shall pay homage, than whom there is nothing else.
AI translation rendered from the Sanskrit, not a published edition
KuP 1 31.41
यं योगिनस्त्यक्तसबीजयोगा लब्ध्वा समाधिं परमार्थभूताः । पश्यन्ति देवं प्रणतो ऽस्मि नित्यं तं ब्रह्मपारं भवतः स्वरूपम्
yaṃ yoginastyaktasabījayogā labdhvā samādhiṃ paramārthabhūtāḥ / paśyanti devaṃ praṇato 'smi nityaṃ taṃ brahmapāraṃ bhavataḥ svarūpam
The god whom yogins, having abandoned yoga-with-seed and attained absorption, having become (one with) the highest reality, behold — to him, beyond Brahman, your own form, I am ever bowed down.
AI translation rendered from the Sanskrit, not a published edition
KuP 1 31.42
न यत्र नामादिविशेषकॢप्ति- र् न संदृशे तिष्ठति यत्स्वरूपम् । तं ब्रह्मपारं प्रणतो ऽस्मि नित्यं स्वयंभुवं त्वां शरणं प्रपद्ये
na yatra nāmādiviśeṣakḷpti- r na saṃdṛśe tiṣṭhati yatsvarūpam / taṃ brahmapāraṃ praṇato 'smi nityaṃ svayaṃbhuvaṃ tvāṃ śaraṇaṃ prapadye
In whom there is no formation of distinctions such as name and the rest, whose own form does not stand within sight — to him, beyond Brahman, I am ever bowed; to you, the self-existent, I go for refuge.
AI translation rendered from the Sanskrit, not a published edition
KuP 1 31.43
यद् वेदवादाभिरता विदेहं सब्रह्मविज्ञानमभेदमेकम् । पश्यन्त्यनेकं भवतः स्वरूपं सब्रह्मपारं प्रणतो ऽस्मि नित्यम्
yad vedavādābhiratā videhaṃ sabrahmavijñānamabhedamekam / paśyantyanekaṃ bhavataḥ svarūpaṃ sabrahmapāraṃ praṇato 'smi nityam
That which those devoted to the words of the Veda behold as bodiless, as knowledge together with brahman, undivided, one — (and yet) as manifold — your own form, beyond brahman, to that I am ever bowed.
AI translation rendered from the Sanskrit, not a published edition — the model flagged this verse as uncertain
KuP 1 31.44
यतः प्रधानं पुरुषः पुराणो विवर्तते यं प्रणमन्ति देवाः । नमामि तं ज्योतिषि संनिविष्टं कालं बृहन्तं भवतः स्वरूपम्
yataḥ pradhānaṃ puruṣaḥ purāṇo vivartate yaṃ praṇamanti devāḥ / namāmi taṃ jyotiṣi saṃniviṣṭaṃ kālaṃ bṛhantaṃ bhavataḥ svarūpam
From whom the primordial matter and the ancient Person unfold, whom the gods salute — I bow to him, established in the light, to Time the vast, your own form.
AI translation rendered from the Sanskrit, not a published edition
KuP 1 31.45
व्रजामि नित्यं शरणं गुहेशं स्थाणुं प्रपद्ये गिरिशं पुरारिम् । शिवं प्रपद्ये हरमिन्दुमौलिं पिनाकिनं त्वां शरणं व्रजामि
vrajāmi nityaṃ śaraṇaṃ guheśaṃ sthāṇuṃ prapadye giriśaṃ purārim / śivaṃ prapadye haramindumauliṃ pinākinaṃ tvāṃ śaraṇaṃ vrajāmi
I ever go for refuge to the lord of the cave; I approach Sthāṇu, Giriśa, the foe of the citadels; I approach Śiva, Hara, the moon-crested; to you, the bearer of the Pināka bow, I go for refuge.
AI translation rendered from the Sanskrit, not a published edition
KuP 1 31.46
स्तुत्वैवं शङ्कुकर्णो ऽसौ भगवन्तं कपर्दिनम् । पपात दण्डवद् भूमौ प्रोच्चरन् प्रणवं परम्
stutvaivaṃ śaṅkukarṇo 'sau bhagavantaṃ kapardinam / papāta daṇḍavad bhūmau proccaran praṇavaṃ param
Having praised the Blessed One, the wearer of matted hair, in this way, that Śaṅkukarṇa fell to the ground like a staff, loudly uttering the supreme praṇava (Om).
AI translation rendered from the Sanskrit, not a published edition
KuP 1 31.47
तत्क्षणात् परमं लिङ्गं प्रादुर्भूतं शिवात्मकम् । ज्ञानमानन्दमद्वैतं कोटिकालाग्निसन्निभम्
tatkṣaṇāt paramaṃ liṅgaṃ prādurbhūtaṃ śivātmakam / jñānamānandamadvaitaṃ koṭikālāgnisannibham
In that instant the supreme liṅga appeared, having Śiva's nature, (which is) knowledge, bliss, non-dual, resembling ten million fires of doomsday.
AI translation rendered from the Sanskrit, not a published edition
KuP 1 31.48
शङ्कुकर्णो ऽथ मुक्तात्मा तदात्मा सर्वगो ऽमलः । निलिल्ये विमले लिङ्गे तद्भुतमिवाभवत्
śaṅkukarṇo 'tha muktātmā tadātmā sarvago 'malaḥ / nililye vimale liṅge tadbhutamivābhavat
Then Śaṅkukarṇa, his self liberated, become one with That, all-pervading, spotless, dissolved into the stainless liṅga and became as though that (itself).
AI translation rendered from the Sanskrit, not a published edition
KuP 1 31.49
एतद् रहस्यमाख्यातं माहात्म्यं वः कपर्दिनः । न कश्चिद् वेत्ति तमसा विद्वानप्यत्र मुह्यति
etad rahasyamākhyātaṃ māhātmyaṃ vaḥ kapardinaḥ / na kaścid vetti tamasā vidvānapyatra muhyati
This secret has been told to you, the greatness of the wearer of matted hair; no one knows it because of darkness, and even a learned man is confused here.
AI translation rendered from the Sanskrit, not a published edition
KuP 1 31.50
य इमां शृणुयान्नित्यं कथां पापप्रणाशिनीम् । भक्तः पापविशुद्धात्मा रुद्रसामीप्यमाप्नुयात्
ya imāṃ śṛṇuyānnityaṃ kathāṃ pāpapraṇāśinīm / bhaktaḥ pāpaviśuddhātmā rudrasāmīpyamāpnuyāt
He who, being devoted, constantly hears this narrative that destroys sins, his self purified of sin, would attain nearness to Rudra.
AI translation rendered from the Sanskrit, not a published edition
KuP 1 31.51
पठेच्च सततं शुद्धो ब्रह्मपारं महास्तवम् । प्रातर्मध्याह्नसमये स योगं प्राप्नुयात् परम्
paṭhecca satataṃ śuddho brahmapāraṃ mahāstavam / prātarmadhyāhnasamaye sa yogaṃ prāpnuyāt param
And if one who is pure recites constantly this great hymn 'Beyond Brahman' at dawn and at midday, he would attain the supreme yoga.
AI translation rendered from the Sanskrit, not a published edition
KuP 1 31.52
इहैव नित्यं वत्स्यामो देवदेवं कपर्दिनम् । द्रक्ष्यामः सततं देवं पूजयामो ऽथ शूलिनम्
ihaiva nityaṃ vatsyāmo devadevaṃ kapardinam / drakṣyāmaḥ satataṃ devaṃ pūjayāmo 'tha śūlinam
Right here we shall dwell always (with) the God of gods, the wearer of matted hair; we shall constantly behold the god, and we shall worship the trident-bearer.
AI translation rendered from the Sanskrit, not a published edition
KuP 1 31.53
इत्युक्त्वा भगवान् व्यासः शिष्यैः सह महामुनिः । उवास तत्र युक्तात्मा पूजयन् वै कपर्दिनम्
ityuktvā bhagavān vyāsaḥ śiṣyaiḥ saha mahāmuniḥ / uvāsa tatra yuktātmā pūjayan vai kapardinam
Having said this, the blessed Vyāsa, the great sage, together with his disciples, dwelt there, his self composed, worshipping the wearer of matted hair.
AI translation rendered from the Sanskrit, not a published edition