Kurma Purana — Purva Vibhaga — Chapter 29
KuP 1 29.1
ऋषय ऊचुः प्राप्य वाराणसीं दिव्यां कृष्णद्वैपायनो मुनिः । किमकार्षोन्महाबुद्धिः श्रोतुं कौतूहलं हि नः
ṛṣaya ūcuḥ prāpya vārāṇasīṃ divyāṃ kṛṣṇadvaipāyano muniḥ / kimakārṣonmahābuddhiḥ śrotuṃ kautūhalaṃ hi naḥ
The seers said: When the sage Kṛṣṇa Dvaipāyana of great intellect reached divine Vārāṇasī, what did he do? For we are curious to hear.
AI translation rendered from the Sanskrit, not a published edition
KuP 1 29.2
सूत उवाच प्राप्य वाराणसी दिव्यामुपस्पृश्य महामुनिः । पूजयामास जाह्नव्यां देवं विश्वेश्वरं शिवम्
sūta uvāca prāpya vārāṇasī divyāmupaspṛśya mahāmuniḥ / pūjayāmāsa jāhnavyāṃ devaṃ viśveśvaraṃ śivam
The Sūta said: Having reached divine Vārāṇasī and bathed there, the great sage worshipped on the Jāhnavī (Ganges) the god Śiva, lord of the universe.
AI translation rendered from the Sanskrit, not a published edition
KuP 1 29.3
तमागतं पुनिं दृष्ट्वा तत्र ये निवसन्ति वै । पूजयाञ्चक्रिरे व्यासं मुनयो मुनिपुङ्गवम्
tamāgataṃ puniṃ dṛṣṭvā tatra ye nivasanti vai / pūjayāñcakrire vyāsaṃ munayo munipuṅgavam
Seeing that sage arrived, the sages who dwelt there honoured Vyāsa, the bull among sages.
AI translation rendered from the Sanskrit, not a published edition
KuP 1 29.4
पप्रच्छुः प्रणताः सर्वे कथाः पापविनाशनीः । महादेवाश्रयाः पुण्या मोक्षधर्मान् सनातनान्
papracchuḥ praṇatāḥ sarve kathāḥ pāpavināśanīḥ / mahādevāśrayāḥ puṇyā mokṣadharmān sanātanān
All of them, bowing down, asked (him) for the sin-destroying tales, the holy ones that rest upon Mahādeva, and for the eternal laws of liberation.
AI translation rendered from the Sanskrit, not a published edition
KuP 1 29.5
स चापि कथयामास सर्वज्ञो भगवानृषिः । माहात्म्यं देवदेवस्य धर्मान् वेदनिदर्शितान्
sa cāpi kathayāmāsa sarvajño bhagavānṛṣiḥ / māhātmyaṃ devadevasya dharmān vedanidarśitān
And he, the all-knowing venerable seer, recounted the greatness of the God of gods and the duties set forth in the Vedas.
AI translation rendered from the Sanskrit, not a published edition
KuP 1 29.6
तेषां मध्ये मुनीन्द्राणां व्यासशिष्यो महामुनिः । पृष्टवान् जैमिनिर्व्यासं गूढमर्थं सनातनम्
teṣāṃ madhye munīndrāṇāṃ vyāsaśiṣyo mahāmuniḥ / pṛṣṭavān jaiminirvyāsaṃ gūḍhamarthaṃ sanātanam
In the midst of those chief sages, Jaimini, the great sage, Vyāsa's pupil, asked Vyāsa about the hidden, eternal matter.
AI translation rendered from the Sanskrit, not a published edition
KuP 1 29.7
जैमिनिरुवाच भगवन् संशयं त्वेकं छेत्तुमर्हसि तत्त्वतः । न विद्यते ह्यविदितं भवता परमर्षिणा
jaiminiruvāca bhagavan saṃśayaṃ tvekaṃ chettumarhasi tattvataḥ / na vidyate hyaviditaṃ bhavatā paramarṣiṇā
Jaimini said: Venerable one, you ought to cut off one doubt (of mine) according to the truth, for there is nothing unknown to you, the supreme seer.
AI translation rendered from the Sanskrit, not a published edition
KuP 1 29.8
केचिद् ध्यानं प्रशंसन्ति धर्ममेवापरे जनाः । अन्ये सांख्यं तथा योगं तपस्त्वन्ये महर्षयः
kecid dhyānaṃ praśaṃsanti dharmamevāpare janāḥ / anye sāṃkhyaṃ tathā yogaṃ tapastvanye maharṣayaḥ
Some praise meditation, other people (praise) duty alone; others (praise) Sāṃkhya and likewise Yoga, and other great seers (praise) austerity.
AI translation rendered from the Sanskrit, not a published edition
KuP 1 29.9
ब्रह्मचर्यमथो मौनमन्ये प्राहर्महर्षयः । अहिंसां सत्यमप्यन्ये संन्यासमपरे विदुः
brahmacaryamatho maunamanye prāharmaharṣayaḥ / ahiṃsāṃ satyamapyanye saṃnyāsamapare viduḥ
And other great seers have declared chastity, and silence; others too (declare) non-injury and truth; others hold renunciation (to be best).
AI translation rendered from the Sanskrit, not a published edition
KuP 1 29.10
केचिद् दयां प्रशंसन्ति दानमध्ययनं तथा । तीर्थयात्रां तथा केचिदन्ये चेन्द्रियनिग्रहम्
kecid dayāṃ praśaṃsanti dānamadhyayanaṃ tathā / tīrthayātrāṃ tathā kecidanye cendriyanigraham
Some praise compassion, and giving, and study; and some (praise) pilgrimage to holy places, and others restraint of the senses.
AI translation rendered from the Sanskrit, not a published edition
KuP 1 29.11
किमेतेषां भवेज्ज्यायः प्रब्रूहि मुनिपुङ्गव । यदि वा विद्यते ऽप्यन्यद् गुह्यं तद्वक्तुमर्हसि
kimeteṣāṃ bhavejjyāyaḥ prabrūhi munipuṅgava / yadi vā vidyate 'pyanyad guhyaṃ tadvaktumarhasi
Which of these would be the greater? Tell (me), O bull among sages; or if there is yet another secret (thing), you ought to speak of it.
AI translation rendered from the Sanskrit, not a published edition
KuP 1 29.12
श्रुत्वा स जैमिनेर्वाक्यं कृष्णद्वैपायनो मुनिः । प्राह गम्भीरया वाचा प्रणम्य वृषकेतनम्
śrutvā sa jaiminervākyaṃ kṛṣṇadvaipāyano muniḥ / prāha gambhīrayā vācā praṇamya vṛṣaketanam
Having heard Jaimini's words, the sage Kṛṣṇa Dvaipāyana, after bowing to (Śiva) whose banner is the bull, spoke with a deep voice:
AI translation rendered from the Sanskrit, not a published edition
KuP 1 29.13
साधु साधु महाभाग यत्पृष्टं भवता मुने । वक्ष्ये गुह्यतमाद् गुह्यं श्रुण्वन्त्वन्ये महर्षयः
sādhu sādhu mahābhāga yatpṛṣṭaṃ bhavatā mune / vakṣye guhyatamād guhyaṃ śruṇvantvanye maharṣayaḥ
Good, good, O greatly fortunate sage, that which has been asked by you! I shall declare what is more secret than the most secret; let the other great seers listen.
AI translation rendered from the Sanskrit, not a published edition
KuP 1 29.14
ईश्वरेण पुरा प्रोक्तं ज्ञानमेतत् सनातनम् । गूढमप्राज्ञविद्विष्टं सेवितं सूक्ष्मदर्शिभिः
īśvareṇa purā proktaṃ jñānametat sanātanam / gūḍhamaprājñavidviṣṭaṃ sevitaṃ sūkṣmadarśibhiḥ
This eternal knowledge was declared of old by the Lord — hidden, hated by the unwise, cultivated by those of subtle vision.
AI translation rendered from the Sanskrit, not a published edition
KuP 1 29.15
नाश्रद्दधाने दातव्यं नाभक्ते परमेष्ठिनः । न वेदविद्विषु शुभं ज्ञाननानां ज्ञानमुत्तमम्
nāśraddadhāne dātavyaṃ nābhakte parameṣṭhinaḥ / na vedavidviṣu śubhaṃ jñānanānāṃ jñānamuttamam
It is not to be given to one without faith, nor to one who is not devoted to the Supreme One, nor to those who hate the Vedas — (this) auspicious knowledge, the highest of knowledges.
AI translation rendered from the Sanskrit, not a published edition
KuP 1 29.16
मेरुशृङ्गे पुरा देवमीशानं त्रिपुरद्विषम् । देवासनगता देवी महादेवमपृच्छत
meruśṛṅge purā devamīśānaṃ tripuradviṣam / devāsanagatā devī mahādevamapṛcchata
Long ago, on the peak of Meru, the Goddess, seated on the divine seat, asked the god Īśāna, the foe of Tripura, Mahādeva:
AI translation rendered from the Sanskrit, not a published edition
KuP 1 29.17
देव्युवाच देवदेव महादेव भक्तानामार्तिनाशन । कथं त्वां पुरुषो देवमचिरादेव पश्यति
devyuvāca devadeva mahādeva bhaktānāmārtināśana / kathaṃ tvāṃ puruṣo devamacirādeva paśyati
The Goddess said: O God of gods, Mahādeva, destroyer of the affliction of the devotees, how does a man see you, the god, in a very short time?
AI translation rendered from the Sanskrit, not a published edition
KuP 1 29.18
सांख्ययोगस्तथा ध्यानं कर्मयोगो ऽथ वैदिकः । आयासबहुला लोके यानि चान्यानि शङ्कर
sāṃkhyayogastathā dhyānaṃ karmayogo 'tha vaidikaḥ / āyāsabahulā loke yāni cānyāni śaṅkara
(There are) Sāṃkhya, Yoga, and meditation, and the Vedic path of action, and whatever others there are in the world, O Śaṅkara, that are full of toil —
AI translation rendered from the Sanskrit, not a published edition
KuP 1 29.19
येन विब्रान्तचित्तानां योगिनां कर्मिणामपि । दृश्यो हि भगवान् सूक्ष्मः सर्वेषामथ देहिनाम्
yena vibrāntacittānāṃ yogināṃ karmiṇāmapi / dṛśyo hi bhagavān sūkṣmaḥ sarveṣāmatha dehinām
— (tell me that) by which the venerable subtle (Lord) is indeed visible to yogins whose minds are unsteady, and even to men of action, and to all embodied beings.
AI translation rendered from the Sanskrit, not a published edition
KuP 1 29.20
एतद् गुह्यतमं ज्ञानं गूढं ब्रह्मादिसेवितम । हिताय सर्वभक्तानां ब्रूहि कामाङ्गनाशन
etad guhyatamaṃ jñānaṃ gūḍhaṃ brahmādisevitama / hitāya sarvabhaktānāṃ brūhi kāmāṅganāśana
This most secret knowledge, hidden, resorted to by Brahmā and the others — declare it for the benefit of all devotees, O destroyer of the body of Kāma.
AI translation rendered from the Sanskrit, not a published edition
KuP 1 29.21
ईश्वर उवाच अवाच्यमेतद् विज्ञानं ज्ञानमज्ञैर्बहिष्कृतम् । वक्ष्ये तव यथा तत्त्वं यदुक्तं परमर्षिभिः
īśvara uvāca avācyametad vijñānaṃ jñānamajñairbahiṣkṛtam / vakṣye tava yathā tattvaṃ yaduktaṃ paramarṣibhiḥ
The Lord said: This discernment is not to be spoken of; (it is) knowledge shut out from the ignorant. I shall declare (it) to you as it truly is, as it was told by the supreme seers.
AI translation rendered from the Sanskrit, not a published edition
KuP 1 29.22
परं गुह्यतमं क्षेत्रं मम वाराणसी पुरी । सर्वेषामेव भूतानां संसारार्णवतारिणी
paraṃ guhyatamaṃ kṣetraṃ mama vārāṇasī purī / sarveṣāmeva bhūtānāṃ saṃsārārṇavatāriṇī
My supreme, most secret sacred field is the city of Vārāṇasī, which carries all beings across the ocean of transmigration.
AI translation rendered from the Sanskrit, not a published edition
KuP 1 29.23
तत्र भक्ता महादेवि मदीयं व्रतमास्थिताः । निवसन्ति महात्मानः परं नियममास्थिताः
tatra bhaktā mahādevi madīyaṃ vratamāsthitāḥ / nivasanti mahātmānaḥ paraṃ niyamamāsthitāḥ
There, O great Goddess, devotees who have undertaken my observance dwell — great souls who have taken up the highest self-restraint.
AI translation rendered from the Sanskrit, not a published edition
KuP 1 29.24
उत्तमं सर्वतीर्थानां स्थानानामुत्तमं च तत् । ज्ञानानामुत्तमं ज्ञानमविमुक्तं परं मम
uttamaṃ sarvatīrthānāṃ sthānānāmuttamaṃ ca tat / jñānānāmuttamaṃ jñānamavimuktaṃ paraṃ mama
It is the best of all sacred fords and the best of places; the highest of knowledges is knowledge (of it): Avimukta, my supreme (abode).
AI translation rendered from the Sanskrit, not a published edition
KuP 1 29.25
स्थानान्तरं पवित्राणि तीर्थान्यायतनानि च । श्मशानसंस्थितान्येव दिव्यभूमिगतानि च
sthānāntaraṃ pavitrāṇi tīrthānyāyatanāni ca / śmaśānasaṃsthitānyeva divyabhūmigatāni ca
Elsewhere are the pure fords and shrines, whether situated in cremation grounds or set in divine regions.
AI translation rendered from the Sanskrit, not a published edition — the model flagged this verse as uncertain
KuP 1 29.26
भूर्लोके नैव संलग्नमन्तरिक्षे ममालयम् । अयुक्तास्तन्न पश्यन्ति युक्ताः पश्यन्ति चेतसा
bhūrloke naiva saṃlagnamantarikṣe mamālayam / ayuktāstanna paśyanti yuktāḥ paśyanti cetasā
My abode is attached neither to the earthly world nor to the mid-region; the unyoked do not see it, but the yoked see it with the mind.
AI translation rendered from the Sanskrit, not a published edition
KuP 1 29.27
श्मसानमेतद् विख्यातमविमुक्तमिति श्रुतम् । कालो भूत्वा जगदिदं संहराम्यत्र सुन्दरि
śmasānametad vikhyātamavimuktamiti śrutam / kālo bhūtvā jagadidaṃ saṃharāmyatra sundari
This cremation ground is renowned, and it is heard of as 'Avimukta'; becoming Time, I withdraw this world here, O lovely one.
AI translation rendered from the Sanskrit, not a published edition
KuP 1 29.28
देवीदं सर्वगुह्यानां स्थानं प्रियतमं मम । मद्भक्तास्तत्र गच्छन्ति मामेव प्रविशन्ति ते
devīdaṃ sarvaguhyānāṃ sthānaṃ priyatamaṃ mama / madbhaktāstatra gacchanti māmeva praviśanti te
O Goddess, of all secret things this place is the dearest to me; my devotees go there, and they enter into me alone.
AI translation rendered from the Sanskrit, not a published edition
KuP 1 29.29
दत्तं जप्तं हुतं चेष्टं तपस्तप्तं कृतं च यत् । ध्यानमध्ययनं ज्ञानं सर्वं तत्राक्षयं भवेत्
dattaṃ japtaṃ hutaṃ ceṣṭaṃ tapastaptaṃ kṛtaṃ ca yat / dhyānamadhyayanaṃ jñānaṃ sarvaṃ tatrākṣayaṃ bhavet
Whatever is given, muttered, offered in fire, or sacrificed, whatever austerity is practised and deed done, meditation, recitation, knowledge — all of it becomes imperishable there.
AI translation rendered from the Sanskrit, not a published edition
KuP 1 29.30
जन्मान्तरसहस्त्रेषु यत्पापं पूर्वसंचितम् । अविमुक्तं प्रविष्टस्य तत्सर्वं व्रजति क्षयम्
janmāntarasahastreṣu yatpāpaṃ pūrvasaṃcitam / avimuktaṃ praviṣṭasya tatsarvaṃ vrajati kṣayam
Whatever sin was accumulated before, over thousands of other births, all of it goes to destruction for one who has entered Avimukta.
AI translation rendered from the Sanskrit, not a published edition
KuP 1 29.31
ब्राह्मणाः क्षत्रिया वैश्याः शूद्रा ये वर्णसंकराः । स्त्रियो म्लेच्छाश्च ये चान्ये संकीर्णाः पापयोनयः
brāhmaṇāḥ kṣatriyā vaiśyāḥ śūdrā ye varṇasaṃkarāḥ / striyo mlecchāśca ye cānye saṃkīrṇāḥ pāpayonayaḥ
Brahmins, Kshatriyas, Vaishyas, Shudras, those of mixed classes, women, barbarians, and whatever others are of mingled stock and sinful birth,
AI translation rendered from the Sanskrit, not a published edition
KuP 1 29.32
कोटाः पिपीलिकाश्चैव ये चान्ये मृगपक्षिणः । कालेन निधनं प्राप्ता अविमुक्ते वरानने
koṭāḥ pipīlikāścaiva ye cānye mṛgapakṣiṇaḥ / kālena nidhanaṃ prāptā avimukte varānane
insects and ants and whatever other beasts and birds — (all) who have met their death in due time in Avimukta, O fair-faced one,
AI translation rendered from the Sanskrit, not a published edition
KuP 1 29.33
चन्द्रार्धमौलयस्त्र्यक्षा महावृषभवाहनाः । शिवे मम पुरे देवि जायन्ते तत्र मानवाः
candrārdhamaulayastryakṣā mahāvṛṣabhavāhanāḥ / śive mama pure devi jāyante tatra mānavāḥ
there in my auspicious city, O Goddess, those human beings are born (again) with the half-moon as crest, three-eyed, riding the great bull.
AI translation rendered from the Sanskrit, not a published edition
KuP 1 29.34
नाविमुक्ते मृतः कश्चिन्नरकं याति किल्बिषी । ईश्वरानुगृहीता हि सर्वे यान्ति परां गतिम्
nāvimukte mṛtaḥ kaścinnarakaṃ yāti kilbiṣī / īśvarānugṛhītā hi sarve yānti parāṃ gatim
No sinner who has died in Avimukta goes to hell; for all, being favoured by the Lord, go to the highest goal.
AI translation rendered from the Sanskrit, not a published edition
KuP 1 29.35
मोक्षं सुदुर्लभं मत्वा संसारं चातिभीषणम् । अश्मना चरणौ हत्वा वाराणस्यां वसेन्नरः
mokṣaṃ sudurlabhaṃ matvā saṃsāraṃ cātibhīṣaṇam / aśmanā caraṇau hatvā vārāṇasyāṃ vasennaraḥ
Reckoning liberation to be very hard to win and transmigration exceedingly terrible, a man should smash his feet with a stone and dwell in Varanasi.
AI translation rendered from the Sanskrit, not a published edition
KuP 1 29.36
दुर्लभा तपसा चापि पूतस्य परमेश्वरि । यत्र तत्र विपन्नस्य गतिः संसारमोक्षणी
durlabhā tapasā cāpi pūtasya parameśvari / yatra tatra vipannasya gatiḥ saṃsāramokṣaṇī
Even by austerity, O supreme Goddess, that goal which releases from transmigration is hard to obtain for one purified, dying in whatever place.
AI translation rendered from the Sanskrit, not a published edition — the model flagged this verse as uncertain
KuP 1 29.37
प्रसादाज्जायते ह्येतन्मम शैलेन्द्रनन्दिनि । अप्रबुद्धा न पश्यन्ति मम मायाविमोहिताः
prasādājjāyate hyetanmama śailendranandini / aprabuddhā na paśyanti mama māyāvimohitāḥ
For this arises by my grace, O daughter of the lord of mountains; the unawakened, deluded by my māyā, do not see it.
AI translation rendered from the Sanskrit, not a published edition
KuP 1 29.38
अविमुक्तं न सेवन्ति मूढा ये तमसावृताः । विण्मूत्ररेतसां मध्ये ते वसन्ति पुनः पुनः
avimuktaṃ na sevanti mūḍhā ye tamasāvṛtāḥ / viṇmūtraretasāṃ madhye te vasanti punaḥ punaḥ
The deluded ones, covered by darkness, who do not resort to Avimukta, dwell again and again amid dung, urine and semen.
AI translation rendered from the Sanskrit, not a published edition
KuP 1 29.39
हन्यमानो ऽपि यो विद्वान् वसेद् विघ्नशतैरपि । स याति परमं स्थानं यत्र गत्वा न शोचति
hanyamāno 'pi yo vidvān vased vighnaśatairapi / sa yāti paramaṃ sthānaṃ yatra gatvā na śocati
The wise man who, even while being struck, would dwell (there) despite hundreds of obstacles, goes to the supreme place, having gone where one does not grieve.
AI translation rendered from the Sanskrit, not a published edition
KuP 1 29.40
जन्ममृत्युजरामुक्तं परं याति शिवालयम् । अपुनर्मरणानां हि सा गतिर्मोक्षकाङ्क्षिणाम् । यां प्राप्य कृतकृत्यः स्यादिति मन्यन्ति पण्डताः
janmamṛtyujarāmuktaṃ paraṃ yāti śivālayam / apunarmaraṇānāṃ hi sā gatirmokṣakāṅkṣiṇām / yāṃ prāpya kṛtakṛtyaḥ syāditi manyanti paṇḍatāḥ
He goes to the supreme abode of Shiva, free of birth, death and old age; for that is the goal of those who seek liberation and are not to die again — attaining which one has done all that is to be done, so the learned hold.
AI translation rendered from the Sanskrit, not a published edition
KuP 1 29.41
न दानैर्न तपोभिश्च न यज्ञैर्नापि विद्यया । प्राप्यते गतिरुत्कृष्टा याविमुक्ते तु लभ्यते
na dānairna tapobhiśca na yajñairnāpi vidyayā / prāpyate gatirutkṛṣṭā yāvimukte tu labhyate
Not by gifts, nor by austerities, nor by sacrifices, nor even by learning is that highest goal attained which is gained in Avimukta.
AI translation rendered from the Sanskrit, not a published edition
KuP 1 29.42
नानावर्णा विवर्णाश्च चण्डालाद्या जुगुप्सिताः । किल्बिषैः पूर्णदेहा ये विशिष्टैः पातकैस्तथा । भेषजं परमं तेषामविमुक्तं विदुर्बुधाः
nānāvarṇā vivarṇāśca caṇḍālādyā jugupsitāḥ / kilbiṣaiḥ pūrṇadehā ye viśiṣṭaiḥ pātakaistathā / bheṣajaṃ paramaṃ teṣāmavimuktaṃ vidurbudhāḥ
Those of various castes and of no caste, the loathsome ones beginning with the Chandalas, whose bodies are filled with defilements and with distinct grave sins — for them the wise know Avimukta to be the supreme medicine.
AI translation rendered from the Sanskrit, not a published edition
KuP 1 29.43
अविमुक्तं परं ज्ञानमविमुक्तं परं पदम् । अविमुक्तं परं तत्त्वमविमुक्तं परं शिवम्
avimuktaṃ paraṃ jñānamavimuktaṃ paraṃ padam / avimuktaṃ paraṃ tattvamavimuktaṃ paraṃ śivam
Avimukta is the highest knowledge, Avimukta is the highest station; Avimukta is the highest reality, Avimukta is the highest Śiva.
AI translation rendered from the Sanskrit, not a published edition
KuP 1 29.44
कृत्वा वै नैष्ठिकीं दीक्षामविमुक्ते वसन्ति ये । तेषां तत्परमं ज्ञानं ददाम्यन्ते परं पदम्
kṛtvā vai naiṣṭhikīṃ dīkṣāmavimukte vasanti ye / teṣāṃ tatparamaṃ jñānaṃ dadāmyante paraṃ padam
Those who, having taken the final (naiṣṭhikī) initiation, dwell in Avimukta — to them I grant that highest knowledge and, at the end, the highest station.
AI translation rendered from the Sanskrit, not a published edition
KuP 1 29.45
प्रायागं नैमिषं पुण्यं श्रीशैलो ऽथ महालयः । केदारं भद्रकर्णं च गया पुष्करमेव च
prāyāgaṃ naimiṣaṃ puṇyaṃ śrīśailo 'tha mahālayaḥ / kedāraṃ bhadrakarṇaṃ ca gayā puṣkarameva ca
Prayāga, holy Naimiṣa, then Śrīśaila, Mahālaya, Kedāra and Bhadrakarṇa, Gayā and Puṣkara too,
AI translation rendered from the Sanskrit, not a published edition
KuP 1 29.46
कुरुक्षेत्रं रुद्रकोटिर्नर्मदाम्रातकेश्वरम् । शालिग्रामं च कुब्जाम्रं कोकामुखमनुत्तमम् । प्रभासं विजयेशानं गोकर्णं भद्रकर्णकम्
kurukṣetraṃ rudrakoṭirnarmadāmrātakeśvaram / śāligrāmaṃ ca kubjāmraṃ kokāmukhamanuttamam / prabhāsaṃ vijayeśānaṃ gokarṇaṃ bhadrakarṇakam
Kurukṣetra, Rudrakoṭi, Narmadā, Āmrātakeśvara, Śāligrāma and Kubjāmra, the unsurpassed Kokāmukha, Prabhāsa, Vijayeśāna, Gokarṇa, Bhadrakarṇaka —
AI translation rendered from the Sanskrit, not a published edition
KuP 1 29.47
एतानि पुण्यस्थानानि त्रैलोक्ये विश्रुतानि ह । न यास्यन्ति परं मोक्षं वाराणस्यां यथा मृताः
etāni puṇyasthānāni trailokye viśrutāni ha / na yāsyanti paraṃ mokṣaṃ vārāṇasyāṃ yathā mṛtāḥ
these holy places, indeed famed in the three worlds — (those who die there) will not attain supreme release as do those who die in Vārāṇasī.
AI translation rendered from the Sanskrit, not a published edition
KuP 1 29.48
वाराणस्यां विशेषेण गङ्गा त्रिपथगामिनी । प्रविष्टा नाशयेत् पापं जन्मान्तरशतैः कृतम्
vārāṇasyāṃ viśeṣeṇa gaṅgā tripathagāminī / praviṣṭā nāśayet pāpaṃ janmāntaraśataiḥ kṛtam
Especially in Vārāṇasī, the Gaṅgā that flows by three paths, once entered, destroys the sin committed in hundreds of other births.
AI translation rendered from the Sanskrit, not a published edition
KuP 1 29.49
अन्यत्र सुलभा गङ्गा श्राद्धं दानं तपो जपः । व्रतानि सर्वमेवैतद् वाराणस्यां सुदुर्लभम्
anyatra sulabhā gaṅgā śrāddhaṃ dānaṃ tapo japaḥ / vratāni sarvamevaitad vārāṇasyāṃ sudurlabham
Elsewhere the Gaṅgā, śrāddha, giving, austerity, muttered prayer, and vows are easily had — all this is very hard to obtain in Vārāṇasī.
AI translation rendered from the Sanskrit, not a published edition — the model flagged this verse as uncertain
KuP 1 29.50
यजेत जुहुयान्नित्यं ददात्यर्चयते ऽमरान् । वायुभक्षश्च सततं वाराणस्यां स्तितो नरः
yajeta juhuyānnityaṃ dadātyarcayate 'marān / vāyubhakṣaśca satataṃ vārāṇasyāṃ stito naraḥ
A man who stays in Vārāṇasī sacrifices, makes oblation constantly, gives, worships the immortals, and lives always on air (alone).
AI translation rendered from the Sanskrit, not a published edition
KuP 1 29.51
यदि पापो यदि शठो यदि वाधार्मिको नरः । वाराणसीं समासाद्य पुनाति सकलं नरः
yadi pāpo yadi śaṭho yadi vādhārmiko naraḥ / vārāṇasīṃ samāsādya punāti sakalaṃ naraḥ
Whether a man be sinful, or a cheat, or unrighteous, on reaching Vārāṇasī the man is wholly purified.
AI translation rendered from the Sanskrit, not a published edition
KuP 1 29.52
वाराणस्यां महादेवं येर्ऽचयन्ति स्तुवन्ति वै । सर्वपापविनिर्मुक्तास्ते विज्ञेया गणेश्वराः
vārāṇasyāṃ mahādevaṃ yer'cayanti stuvanti vai / sarvapāpavinirmuktāste vijñeyā gaṇeśvarāḥ
Those who in Vārāṇasī worship and praise Mahādeva are freed from all sins and are to be known as lords of the (Śiva's) hosts.
AI translation rendered from the Sanskrit, not a published edition
KuP 1 29.53
अन्यत्र योगज्ञानाभ्यां संन्यासादथवान्यतः । प्राप्यते तत् परं स्थानं सहस्त्रेणैव जन्मना
anyatra yogajñānābhyāṃ saṃnyāsādathavānyataḥ / prāpyate tat paraṃ sthānaṃ sahastreṇaiva janmanā
Elsewhere that highest station is reached by yoga and knowledge, or by renunciation, or by other means, only after a thousand births.
AI translation rendered from the Sanskrit, not a published edition
KuP 1 29.54
ये भक्ता देवदेवेशे वाराणस्यां वसन्ति वै । ते विन्दन्ति परं मोक्षमेकेनैव तु जन्मना
ye bhaktā devadeveśe vārāṇasyāṃ vasanti vai / te vindanti paraṃ mokṣamekenaiva tu janmanā
But those who, devoted to the God of gods, dwell in Vārāṇasī obtain supreme release by one birth alone.
AI translation rendered from the Sanskrit, not a published edition
KuP 1 29.55
यत्र योगस्तथा ज्ञानं मुक्तिरेकेन जन्मना । अविमुक्तं समासाद्य नान्यद् गच्छेत् तपोवनम्
yatra yogastathā jñānaṃ muktirekena janmanā / avimuktaṃ samāsādya nānyad gacchet tapovanam
Where there is yoga and likewise knowledge, and liberation in a single birth — having reached Avimukta, one should not go to any other grove of austerity.
AI translation rendered from the Sanskrit, not a published edition
KuP 1 29.56
यतो मया न मुक्तं तदविमुक्तं ततः स्मृतम् । तदेव गुह्यं गुह्यानामेतद् विज्ञाय मुच्यते
yato mayā na muktaṃ tadavimuktaṃ tataḥ smṛtam / tadeva guhyaṃ guhyānāmetad vijñāya mucyate
Since it was never abandoned by me, it is therefore called Avimukta ('not-let-go'); that alone is the secret of secrets — knowing this, one is released.
AI translation rendered from the Sanskrit, not a published edition
KuP 1 29.57
ज्ञानाज्ञानाभिनिष्ठानां परमानन्दमिच्छताम् । या गतिर्विहिता सुभ्रु साविमुक्ते मृतस्य तु
jñānājñānābhiniṣṭhānāṃ paramānandamicchatām / yā gatirvihitā subhru sāvimukte mṛtasya tu
O fair-browed one, whatever goal is ordained for those established in knowledge and in ignorance (alike) who desire the highest bliss, that (goal) belongs to one who dies in Avimukta.
AI translation rendered from the Sanskrit, not a published edition
KuP 1 29.58
यानि चैवाविमुक्तस्य देहे तूक्तानि कृत्स्नशः । पुरी वाराणसी तेभ्यः स्थानेभ्यो ह्यधिकाशुभा
yāni caivāvimuktasya dehe tūktāni kṛtsnaśaḥ / purī vārāṇasī tebhyaḥ sthānebhyo hyadhikāśubhā
And (as for) those (places) which have all been declared to be in the body of Avimukta — the city Vārāṇasī is more auspicious than those places.
AI translation rendered from the Sanskrit, not a published edition — the model flagged this verse as uncertain
KuP 1 29.59
यत्र साक्षान्महादेवो देहान्ते स्वयमीश्वरः । व्याचष्टे तारकं ब्रह्म तत्रैव ह्यविमुक्तकम्
yatra sākṣānmahādevo dehānte svayamīśvaraḥ / vyācaṣṭe tārakaṃ brahma tatraiva hyavimuktakam
Where Mahādeva, the Lord himself, in person expounds the saving (tāraka) brahman at the end of the body — there indeed is Avimukta.
AI translation rendered from the Sanskrit, not a published edition
KuP 1 29.60
यत् तत् परतरं तत्त्वमविमुक्तमिति श्रुतम् । एकेन जन्मना देवि वाराणस्यां तदाप्नुयात्
yat tat parataraṃ tattvamavimuktamiti śrutam / ekena janmanā devi vārāṇasyāṃ tadāpnuyāt
That highest reality which is heard of as "Avimukta" — in Vārāṇasī, O Goddess, one would attain it in a single birth.
AI translation rendered from the Sanskrit, not a published edition
KuP 1 29.61
भ्रूमध्ये नाभिमध्ये च हृदये चैव मूर्धनि । यथाविमुक्तादित्ये वाराणस्यां व्यवस्थितम्
bhrūmadhye nābhimadhye ca hṛdaye caiva mūrdhani / yathāvimuktāditye vārāṇasyāṃ vyavasthitam
In the middle of the brows, in the middle of the navel, in the heart, and in the head — as (it is) in Avimukta, the sun, so it is established in Vārāṇasī.
AI translation rendered from the Sanskrit, not a published edition — the model flagged this verse as uncertain
KuP 1 29.62
वरणायास्तथा चास्या मध्ये वाराणसी पुरी । तत्रैव संस्थितं तत्त्वं नित्यमेवाविमुक्तकम्
varaṇāyāstathā cāsyā madhye vārāṇasī purī / tatraiva saṃsthitaṃ tattvaṃ nityamevāvimuktakam
And between the Varaṇā and this (the Asī) is the city Vārāṇasī; there indeed the reality abides, eternally unabandoned (avimukta).
AI translation rendered from the Sanskrit, not a published edition
KuP 1 29.63
वाराणस्याः परं स्थानं न भूतं न भविष्यति । यत्र नारायणो देवो महादेवो दिवेश्वरः
vārāṇasyāḥ paraṃ sthānaṃ na bhūtaṃ na bhaviṣyati / yatra nārāyaṇo devo mahādevo diveśvaraḥ
There has not been, nor will there be, a place higher than Vārāṇasī, where (dwell) the god Nārāyaṇa and Mahādeva, the lord of heaven.
AI translation rendered from the Sanskrit, not a published edition
KuP 1 29.64
तत्र देवाः सगन्धर्वाः सयक्षोरगराक्षसाः । उपासते मां सततं देवदेवं पितामहम्
tatra devāḥ sagandharvāḥ sayakṣoragarākṣasāḥ / upāsate māṃ satataṃ devadevaṃ pitāmaham
There the gods, together with the gandharvas, with the yakṣas, serpents and rākṣasas, constantly worship me, the god of gods, the grandfather.
AI translation rendered from the Sanskrit, not a published edition
KuP 1 29.65
महापातकिनो ये च ये तेभ्यः पापकृत्तमाः । वाराणसीं समासाद्य ते यान्ति परमां गतिम्
mahāpātakino ye ca ye tebhyaḥ pāpakṛttamāḥ / vārāṇasīṃ samāsādya te yānti paramāṃ gatim
Those who are guilty of the great sins, and those who are worse sinners than they, on reaching Vārāṇasī go to the highest goal.
AI translation rendered from the Sanskrit, not a published edition
KuP 1 29.66
तस्मान्मुमुक्षुर्नियतो वसेद् वै मरणान्तिकम् । वाराणस्यां महादेवाज्ज्ञानं लब्ध्वा विमुच्यते
tasmānmumukṣurniyato vased vai maraṇāntikam / vārāṇasyāṃ mahādevājjñānaṃ labdhvā vimucyate
Therefore one who desires release should dwell (there), self-controlled, until death; in Vārāṇasī, having obtained knowledge from Mahādeva, he is set free.
AI translation rendered from the Sanskrit, not a published edition
KuP 1 29.67
किन्तु विघ्ना भविष्यन्ति पापोपहतचेतसः । ततो नैव चरेत् पापं कायेन मनसा गिरा
kintu vighnā bhaviṣyanti pāpopahatacetasaḥ / tato naiva caret pāpaṃ kāyena manasā girā
But obstacles will arise for one whose mind is damaged by sin; therefore one should not commit sin with body, mind, or speech.
AI translation rendered from the Sanskrit, not a published edition
KuP 1 29.68
एतद् रहस्यं वेदानां पुराणानां च सुव्रताः । अविमुक्ताश्रयं ज्ञानं न कश्चिद् वेत्ति तत्त्वतः
etad rahasyaṃ vedānāṃ purāṇānāṃ ca suvratāḥ / avimuktāśrayaṃ jñānaṃ na kaścid vetti tattvataḥ
This, O you of good vows, is the secret of the Vedas and of the Purāṇas: the knowledge that rests on Avimukta, which no one knows as it truly is.
AI translation rendered from the Sanskrit, not a published edition
KuP 1 29.69
देवतानामृषीणां च शृण्वतां परमेष्ठिनाम् । देव्यै देवेन कथितं सर्वपापविनाशनम्
devatānāmṛṣīṇāṃ ca śṛṇvatāṃ parameṣṭhinām / devyai devena kathitaṃ sarvapāpavināśanam
It was told by the God to the Goddess, while the deities, the seers, and the supreme ones listened — (this) destroyer of all sins.
AI translation rendered from the Sanskrit, not a published edition
KuP 1 29.70
यथा नारायणः श्रेष्ठो देवानां पुरुषोत्तमः । यथेश्वराणां गिरिशः स्थानानां चैतदुत्तमम्
yathā nārāyaṇaḥ śreṣṭho devānāṃ puruṣottamaḥ / yatheśvarāṇāṃ giriśaḥ sthānānāṃ caitaduttamam
As Nārāyaṇa, the highest Person, is the best of the gods, and as Giriśa is (the best) of lords, so is this the highest of places.
AI translation rendered from the Sanskrit, not a published edition
KuP 1 29.71
यैः समाराधितो रुद्रः पूर्वस्मिन्नेव जन्मनि । ते विन्दन्ति परं क्षेत्रमविमुक्तं शिवालयम्
yaiḥ samārādhito rudraḥ pūrvasminneva janmani / te vindanti paraṃ kṣetramavimuktaṃ śivālayam
Those by whom Rudra was propitiated in a former birth — they find the supreme field, Avimukta, the abode of Śiva.
AI translation rendered from the Sanskrit, not a published edition
KuP 1 29.72
कलिकल्मषसंभूता येषामुपहता मतिः । न तेषां वेदितुं शक्यं स्थानं तत् परमेष्ठिनः
kalikalmaṣasaṃbhūtā yeṣāmupahatā matiḥ / na teṣāṃ vedituṃ śakyaṃ sthānaṃ tat parameṣṭhinaḥ
Those whose mind is ruined, born of the impurity of the Kali age — for them that place of the Supreme One cannot be known.
AI translation rendered from the Sanskrit, not a published edition
KuP 1 29.73
ये स्मरन्ति सदा कालं विन्दन्ति च पुरीमिमाम् । तेषां विनश्यति क्षिप्रमिहामुत्र च पातकम्
ye smaranti sadā kālaṃ vindanti ca purīmimām / teṣāṃ vinaśyati kṣipramihāmutra ca pātakam
Those who always remember Kāla and reach this city — for them sin here and hereafter is swiftly destroyed.
AI translation rendered from the Sanskrit, not a published edition
KuP 1 29.74
यानि चेह प्रकुर्वन्ति पातकानि कृतालयाः । नाशयेत् तानि सर्वाणि देवः कालतनुः शिवः
yāni ceha prakurvanti pātakāni kṛtālayāḥ / nāśayet tāni sarvāṇi devaḥ kālatanuḥ śivaḥ
And whatever sins those who have made their dwelling (here) commit here, the god Śiva, whose body is Time, destroys them all.
AI translation rendered from the Sanskrit, not a published edition
KuP 1 29.75
आगच्छतामिदं स्थानं सेवितुं मोक्षकाङ्क्षिणाम् । मृतानां च पुनर्जनम् न भूयो भवसागरे
āgacchatāmidaṃ sthānaṃ sevituṃ mokṣakāṅkṣiṇām / mṛtānāṃ ca punarjanam na bhūyo bhavasāgare
For those seekers of liberation who come to serve this place, and who die (here), there is no rebirth again in the ocean of existence.
AI translation rendered from the Sanskrit, not a published edition
KuP 1 29.76
तस्मात् सर्वप्रयत्नेन वाराणस्यां वसेन्नरः । योगी वाप्यथवायोगी पापी वा पुण्यकृत्तमः
tasmāt sarvaprayatnena vārāṇasyāṃ vasennaraḥ / yogī vāpyathavāyogī pāpī vā puṇyakṛttamaḥ
Therefore with every effort a man should dwell in Vārāṇasī — whether a yogin or not a yogin, a sinner or a great doer of merit.
AI translation rendered from the Sanskrit, not a published edition
KuP 1 29.77
न वेदवचनात् पित्रोर्न चैव गुरुवादतः । मतिरुत्क्रमणीया स्यादविमुक्तगतिं प्रति
na vedavacanāt pitrorna caiva guruvādataḥ / matirutkramaṇīyā syādavimuktagatiṃ prati
Not by a word of the Veda, not by the parents, nor by the instruction of a teacher should the mind be turned away from going to Avimukta.
AI translation rendered from the Sanskrit, not a published edition
KuP 1 29.78
सूत उवाच इत्येवमुक्त्वा भगवान् व्यासो वेदविदां वरः । सहैव शिष्यप्रवरैर्वाराणस्यां चचार ह
sūta uvāca ityevamuktvā bhagavān vyāso vedavidāṃ varaḥ / sahaiva śiṣyapravarairvārāṇasyāṃ cacāra ha
Sūta said: Having spoken thus, the blessed Vyāsa, best of the knowers of the Veda, wandered in Vārāṇasī together with his foremost disciples.
AI translation rendered from the Sanskrit, not a published edition