Kurma Purana — Purva Vibhaga — Chapter 25
KuP 1 25.1
सूत उवाच प्रविश्य मेरुशिखरं कैलासं कनकप्रभम् । रराम भगवान् सोमः केशवेन महेश्वरः
sūta uvāca praviśya meruśikharaṃ kailāsaṃ kanakaprabham / rarāma bhagavān somaḥ keśavena maheśvaraḥ
Sūta said: Having entered Kailāsa, the peak of Meru, gleaming like gold, the Lord Soma, Maheśvara, took delight together with Keśava.
AI translation rendered from the Sanskrit, not a published edition
KuP 1 25.2
अपश्यंस्तं महात्मानं कैलासगिरिवासिनः । पूजयाञ्चक्रिरे कृष्णं देवदेवमथाच्युतम्
apaśyaṃstaṃ mahātmānaṃ kailāsagirivāsinaḥ / pūjayāñcakrire kṛṣṇaṃ devadevamathācyutam
The dwellers on Mount Kailāsa, seeing that great-souled one, then honored Kṛṣṇa, the god of gods, the imperishable one:
AI translation rendered from the Sanskrit, not a published edition
KuP 1 25.3
चतुर्बाहुमुदाराङ्गं कालमेघसमप्रभम् । किरीटिनं शार्ङ्गपाणि श्रीवत्साङ्कितवक्षसम्
caturbāhumudārāṅgaṃ kālameghasamaprabham / kirīṭinaṃ śārṅgapāṇi śrīvatsāṅkitavakṣasam
four-armed, with noble limbs, radiant like a dark rain-cloud, wearing a diadem, holding the Śārṅga bow, his chest marked with the śrīvatsa,
AI translation rendered from the Sanskrit, not a published edition
KuP 1 25.4
दीर्घबाहुं विशालाक्षं पीतवाससमच्युतम् । दधानमुरसा मालां वैजयन्तीमनुत्तमाम्
dīrghabāhuṃ viśālākṣaṃ pītavāsasamacyutam / dadhānamurasā mālāṃ vaijayantīmanuttamām
long-armed, wide-eyed, yellow-robed, the imperishable one, bearing on his breast the unsurpassed Vaijayantī garland,
AI translation rendered from the Sanskrit, not a published edition
KuP 1 25.5
भ्राजमानं श्रिया दिव्यं युवानमतिकोमलम् । पद्माङ्घ्रिनयनं चारु सुस्मितं सुगतिप्रदम्
bhrājamānaṃ śriyā divyaṃ yuvānamatikomalam / padmāṅghrinayanaṃ cāru susmitaṃ sugatipradam
shining with splendor, divine, youthful, exceedingly tender, with lotus feet and eyes, lovely, smiling sweetly, granting a good destiny.
AI translation rendered from the Sanskrit, not a published edition
KuP 1 25.6
कदाचित् तत्र लीलार्थं देवकीनन्दवर्धनः । भ्राजमानः श्रीया कृष्णश्चचार गिरिकन्दरे
kadācit tatra līlārthaṃ devakīnandavardhanaḥ / bhrājamānaḥ śrīyā kṛṣṇaścacāra girikandare
Once, for the sake of play, Kṛṣṇa, the increaser of Devakī's joy, shining with splendor, walked there in a mountain glen.
AI translation rendered from the Sanskrit, not a published edition
KuP 1 25.7
गन्धर्वाप्सरसां मुख्या नागकन्याश्च कृत्स्नशः । सिद्धा यक्षाश्च गन्धर्वास्तत्र तत्र जगन्मयम्
gandharvāpsarasāṃ mukhyā nāgakanyāśca kṛtsnaśaḥ / siddhā yakṣāśca gandharvāstatra tatra jaganmayam
The chief among the gandharvas and apsarases, and all the serpent-maidens, and siddhas and yakṣas and gandharvas, (saw) there and there him who is made of all the world—
AI translation rendered from the Sanskrit, not a published edition — the model flagged this verse as uncertain
KuP 1 25.8
दृष्ट्वाश्चर्यं परं गत्वा हर्षादुत्फुल्लोचनाः । मुमुचुः पुष्पवर्षाणि तस्य मूर्ध्नि महात्मनः
dṛṣṭvāścaryaṃ paraṃ gatvā harṣādutphullocanāḥ / mumucuḥ puṣpavarṣāṇi tasya mūrdhni mahātmanaḥ
having seen the supreme wonder, approaching, their eyes wide open with delight, they released showers of flowers upon the head of that great-souled one.
AI translation rendered from the Sanskrit, not a published edition
KuP 1 25.9
गन्धर्वकन्यका दिव्यास्तद्वदप्सरसां वराः । दृष्ट्वा चकमिरे कृष्णं स्त्रस्तवस्त्रविभूषणाः
gandharvakanyakā divyāstadvadapsarasāṃ varāḥ / dṛṣṭvā cakamire kṛṣṇaṃ strastavastravibhūṣaṇāḥ
The divine gandharva maidens, and likewise the best of the apsarases, having seen Kṛṣṇa, desired him, their garments and ornaments slipping loose.
AI translation rendered from the Sanskrit, not a published edition
KuP 1 25.10
काश्चिद् गायन्ति विविधां गीतिं गीतविशारदाः । संप्रेक्ष्य देवकीसूनुं सुन्दर्यः काममोहिताः
kāścid gāyanti vividhāṃ gītiṃ gītaviśāradāḥ / saṃprekṣya devakīsūnuṃ sundaryaḥ kāmamohitāḥ
Some, skilled in song, sang songs of many kinds—beautiful women bewildered by desire, gazing at the son of Devakī.
AI translation rendered from the Sanskrit, not a published edition
KuP 1 25.11
काश्चिद्विलासबहुला नृत्यन्ति स्म तदग्रतः । संप्रेक्ष्य संस्थिताः काश्चित् पपुस्तद्वदनामृतम्
kāścidvilāsabahulā nṛtyanti sma tadagrataḥ / saṃprekṣya saṃsthitāḥ kāścit papustadvadanāmṛtam
Some, full of coquetry, danced before him; some, standing still and gazing, drank the nectar of his face.
AI translation rendered from the Sanskrit, not a published edition
KuP 1 25.12
काश्चिद् भूषणवर्याणि स्वाङ्गादादाय सादरम् । भूषयाञ्चक्रिरे कृष्णं कामिन्यो लोकभूषणम्
kāścid bhūṣaṇavaryāṇi svāṅgādādāya sādaram / bhūṣayāñcakrire kṛṣṇaṃ kāminyo lokabhūṣaṇam
Some amorous women, taking the finest ornaments from their own bodies with reverence, adorned Kṛṣṇa, the ornament of the world.
AI translation rendered from the Sanskrit, not a published edition
KuP 1 25.13
काश्चिद् भूषणवर्याणि समादाय तदङ्गतः । स्वात्मानं बूषयामासुः स्वात्मगैरपि माधवम्
kāścid bhūṣaṇavaryāṇi samādāya tadaṅgataḥ / svātmānaṃ būṣayāmāsuḥ svātmagairapi mādhavam
Some, taking the finest ornaments from his body, adorned themselves, and (adorned) Mādhava too with those from their own persons.
AI translation rendered from the Sanskrit, not a published edition
KuP 1 25.14
काश्चिदागत्य कृष्णस्य समीपं काममोहिताः । चुचुम्बुर्वदनाम्भोजं हरेर्मुग्धमृगेक्षणाः
kāścidāgatya kṛṣṇasya samīpaṃ kāmamohitāḥ / cucumburvadanāmbhojaṃ harermugdhamṛgekṣaṇāḥ
Some, bewildered by desire, came near to Kṛṣṇa and kissed the lotus face of Hari, those women with the eyes of bewitching does.
AI translation rendered from the Sanskrit, not a published edition
KuP 1 25.15
प्रगृह्य काश्चिद् गोविन्दं करेण भवनं स्वकम् । प्रापयामासुर्लोकादिं मायया तस्य मोहिताः
pragṛhya kāścid govindaṃ kareṇa bhavanaṃ svakam / prāpayāmāsurlokādiṃ māyayā tasya mohitāḥ
Some, seizing Govinda by the hand, brought the origin of the world to their own dwelling, deluded by his māyā.
AI translation rendered from the Sanskrit, not a published edition
KuP 1 25.16
तासां स भगवान् कृष्णः कामान् कमललोचनः । बहूनि कृत्वा रूपाणि पूरयामास लीलया
tāsāṃ sa bhagavān kṛṣṇaḥ kāmān kamalalocanaḥ / bahūni kṛtvā rūpāṇi pūrayāmāsa līlayā
That lotus-eyed lord Kṛṣṇa, making many forms, fulfilled their desires in play.
AI translation rendered from the Sanskrit, not a published edition
KuP 1 25.17
एवं वै सुचिरं कालं देवदेवपुरे हरिः । रेमे नारायणः श्रीमान् मायया मोहयञ्जगत्
evaṃ vai suciraṃ kālaṃ devadevapure hariḥ / reme nārāyaṇaḥ śrīmān māyayā mohayañjagat
Thus for a very long time Hari, the glorious Nārāyaṇa, took his pleasure in the city of the god of gods, deluding the world with his māyā.
AI translation rendered from the Sanskrit, not a published edition
KuP 1 25.18
गते बहुतिथे काले द्वारवत्यां निवासिनः । बभूवुर्विह्वला भीता गोविन्दविरहे जनाः
gate bahutithe kāle dvāravatyāṃ nivāsinaḥ / babhūvurvihvalā bhītā govindavirahe janāḥ
When much time had passed, the people dwelling in Dvāravatī became distressed and frightened at the absence of Govinda.
AI translation rendered from the Sanskrit, not a published edition
KuP 1 25.19
ततः सुपर्णो बलवान् पूर्वमेव विसजितः । कृष्णेन मार्गमाणस्तं हिमवन्तं ययौ गिरिम्
tataḥ suparṇo balavān pūrvameva visajitaḥ / kṛṣṇena mārgamāṇastaṃ himavantaṃ yayau girim
Then the mighty Suparṇa, who had been sent off earlier by Kṛṣṇa, searching for him, went to the Himavat mountain.
AI translation rendered from the Sanskrit, not a published edition
KuP 1 25.20
अदृष्ट्वा तत्र गोविन्दं प्रणम्य शिरसा मुनिम् । आजगामोपमन्युं तं पुरीं द्वारवतीं पुनः
adṛṣṭvā tatra govindaṃ praṇamya śirasā munim / ājagāmopamanyuṃ taṃ purīṃ dvāravatīṃ punaḥ
Not seeing Govinda there, and bowing his head to the sage Upamanyu, he came back again to the city Dvāravatī.
AI translation rendered from the Sanskrit, not a published edition
KuP 1 25.21
तदन्तरे महादैत्या राक्षसाश्चातिभीषणाः । आजग्मुर्द्वारकां शुभ्रां भीषयन्तः सहस्त्रशः
tadantare mahādaityā rākṣasāścātibhīṣaṇāḥ / ājagmurdvārakāṃ śubhrāṃ bhīṣayantaḥ sahastraśaḥ
In the meantime great daityas and most terrifying rākṣasas came by the thousands to shining Dvārakā, spreading terror.
AI translation rendered from the Sanskrit, not a published edition
KuP 1 25.22
स तान् सुपर्णो बलवान् कृष्णतुल्यपराक्रमः । हत्वा युद्धेन महता रक्षति स्म पुरीं शुभाम्
sa tān suparṇo balavān kṛṣṇatulyaparākramaḥ / hatvā yuddhena mahatā rakṣati sma purīṃ śubhām
That mighty Suparṇa (Garuḍa), equal to Kṛṣṇa in valour, having slain them in a great battle, guarded the fair city.
AI translation rendered from the Sanskrit, not a published edition
KuP 1 25.23
एतस्मिन्नेव काले तु नारदो भगवानृषिः । दृष्ट्वा कैलासशिखरे कृष्णं द्वारवतीं गतः
etasminneva kāle tu nārado bhagavānṛṣiḥ / dṛṣṭvā kailāsaśikhare kṛṣṇaṃ dvāravatīṃ gataḥ
But at just this time the venerable seer Nārada, having seen Kṛṣṇa on the peak of Kailāsa, went to Dvāravatī.
AI translation rendered from the Sanskrit, not a published edition
KuP 1 25.24
तं दृष्ट्वा नारदमृषिं सर्वे तत्र निवासिनः । प्रोचुर्नारायणो नाथः कुत्रास्ते भगवान् हरिः
taṃ dṛṣṭvā nāradamṛṣiṃ sarve tatra nivāsinaḥ / procurnārāyaṇo nāthaḥ kutrāste bhagavān hariḥ
Seeing him, the seer Nārada, all the residents there said: "Where is Nārāyaṇa, the Lord, the blessed Hari?"
AI translation rendered from the Sanskrit, not a published edition
KuP 1 25.25
स तानुवाच भगवान् कैलसशिखरे हरिः । रमते ऽद्य महायोगीं तं दृष्ट्वाहमिहागतः
sa tānuvāca bhagavān kailasaśikhare hariḥ / ramate 'dya mahāyogīṃ taṃ dṛṣṭvāhamihāgataḥ
He said to them: "The blessed Hari today takes his pleasure on the peak of Kailāsa; having seen that great yogin, I have come here."
AI translation rendered from the Sanskrit, not a published edition
KuP 1 25.26
तस्योपश्रुत्य वचनं सुपर्णः पततां वरः । जगामाकाशगो विप्राः कैलासं गिरिमुत्तमम्
tasyopaśrutya vacanaṃ suparṇaḥ patatāṃ varaḥ / jagāmākāśago viprāḥ kailāsaṃ girimuttamam
Hearing his words, Suparṇa, the best of birds, travelling through the sky, O brahmins, went to Kailāsa, the highest mountain.
AI translation rendered from the Sanskrit, not a published edition
KuP 1 25.27
ददर्श देवकीसूनुं भवने रत्नमण्डिते । वरासनस्थं गोविन्दं देवदेवान्तिके हरिम्
dadarśa devakīsūnuṃ bhavane ratnamaṇḍite / varāsanasthaṃ govindaṃ devadevāntike harim
He saw the son of Devakī in a jewel-adorned dwelling, Govinda, Hari, seated on an excellent seat near the God of gods.
AI translation rendered from the Sanskrit, not a published edition
KuP 1 25.28
उपास्यमानममरैर्दिव्यस्त्रीभिः समन्ततः । महादेवगणैः सिद्धैर्योगिभिः परिवारितम्
upāsyamānamamarairdivyastrībhiḥ samantataḥ / mahādevagaṇaiḥ siddhairyogibhiḥ parivāritam
(He saw him) being attended on all sides by the immortals and by celestial women, surrounded by the hosts of Mahādeva, by Siddhas and by yogins.
AI translation rendered from the Sanskrit, not a published edition
KuP 1 25.29
प्रणम्य दण्डवद् भूमौ सुपर्णः शङ्करं शिवम् । निवेदयामास हरेः प्रवृत्तिं द्वारके पुरे
praṇamya daṇḍavad bhūmau suparṇaḥ śaṅkaraṃ śivam / nivedayāmāsa hareḥ pravṛttiṃ dvārake pure
Bowing to the ground like a staff before Śaṅkara, the auspicious one, Suparṇa reported the news of Hari('s city), of the city Dvārakā.
AI translation rendered from the Sanskrit, not a published edition — the model flagged this verse as uncertain
KuP 1 25.30
ततः प्रणम्य शिरसा शङ्करं नीललोहितम् । आजगाम पुरीं कृष्णः सो ऽनुज्ञातो हरेण तु
tataḥ praṇamya śirasā śaṅkaraṃ nīlalohitam / ājagāma purīṃ kṛṣṇaḥ so 'nujñāto hareṇa tu
Then, having bowed with his head to Śaṅkara, the dark-red one, Kṛṣṇa came to the city, being given leave by Hara.
AI translation rendered from the Sanskrit, not a published edition
KuP 1 25.31
आरुह्य कश्यपसुतं स्त्रीगणैरभिपूजितः । वचोभिरमृतास्वादैर्मानितो मधुसूदनः
āruhya kaśyapasutaṃ strīgaṇairabhipūjitaḥ / vacobhiramṛtāsvādairmānito madhusūdanaḥ
Mounting the son of Kaśyapa (Garuḍa), Madhusūdana was worshipped by the throngs of women and honoured with words of ambrosial taste.
AI translation rendered from the Sanskrit, not a published edition
KuP 1 25.32
वीक्ष्य यान्तममित्रघ्नं गन्धर्वाप्सरसां वराः । अन्वगच्छन् महोयोगं शङ्खचक्रगदाधरम्
vīkṣya yāntamamitraghnaṃ gandharvāpsarasāṃ varāḥ / anvagacchan mahoyogaṃ śaṅkhacakragadādharam
Seeing the slayer of foes departing, the foremost of the Gandharvas and Apsarases followed the great yogin, bearer of conch, discus and mace.
AI translation rendered from the Sanskrit, not a published edition
KuP 1 25.33
विसर्जयित्वा विश्वात्मा सर्वा एवाङ्गना हरिः । ययौ स तूर्णं गोविन्दो दिव्यां द्वारवतीं पुरीम्
visarjayitvā viśvātmā sarvā evāṅganā hariḥ / yayau sa tūrṇaṃ govindo divyāṃ dvāravatīṃ purīm
Having dismissed all those women, Hari, the Self of the universe, Govinda, went swiftly to the divine city Dvāravatī.
AI translation rendered from the Sanskrit, not a published edition
KuP 1 25.34
गते मुररिपौ नैव कामिन्यो मुनिपुङ्गवाः । निशेव चन्द्ररहिता विना तेन चकाशिरे
gate muraripau naiva kāminyo munipuṅgavāḥ / niśeva candrarahitā vinā tena cakāśire
When the foe of Mura had gone, O bulls among sages, the loving women, without him, shone not at all, like a night bereft of the moon.
AI translation rendered from the Sanskrit, not a published edition
KuP 1 25.35
श्रुत्वा पौरजनास्तूर्णं कृष्णागमनमुत्तमम् । मण्डयाञ्चक्रिरे दिव्यां पुरीं द्वारवतीं शुभाम्
śrutvā paurajanāstūrṇaṃ kṛṣṇāgamanamuttamam / maṇḍayāñcakrire divyāṃ purīṃ dvāravatīṃ śubhām
Hearing at once of the excellent coming of Kṛṣṇa, the townspeople decorated the divine, fair city Dvāravatī.
AI translation rendered from the Sanskrit, not a published edition
KuP 1 25.36
पताकाभिर्विशालाभिर्ध्वजै रत्नपरिष्कृतैः । लाजादिभिः पुरीं रम्यां भूषयाञ्चक्रिरे तदा
patākābhirviśālābhirdhvajai ratnapariṣkṛtaiḥ / lājādibhiḥ purīṃ ramyāṃ bhūṣayāñcakrire tadā
With broad banners, with flags set with jewels, with parched grain and the rest, they then adorned the lovely city.
AI translation rendered from the Sanskrit, not a published edition
KuP 1 25.37
अवादयन्त विविधान् वादित्रान् मधुरस्वनान् । शङ्खान् सहस्त्रशो दध्मुर्वोणावादान् वितेनिरे
avādayanta vividhān vāditrān madhurasvanān / śaṅkhān sahastraśo dadhmurvoṇāvādān vitenire
They sounded various sweet-toned instruments, blew conches by the thousands, and spread abroad the playing of lutes.
AI translation rendered from the Sanskrit, not a published edition
KuP 1 25.38
प्रविष्टमात्रे गोविन्दे पुरीं द्वारवतीं शुभाम् । अगायन् मधुरं गानं स्त्रियो यौवनशालिनः
praviṣṭamātre govinde purīṃ dvāravatīṃ śubhām / agāyan madhuraṃ gānaṃ striyo yauvanaśālinaḥ
The moment Govinda entered the fair city Dvāravatī, women in the bloom of youth sang sweet song.
AI translation rendered from the Sanskrit, not a published edition
KuP 1 25.39
दृष्ट्वा ननृतुरीशानं स्थिताः प्रासादमूर्धसु । मुमुचुः पुष्पवर्षाणि वसुदेवसुतोपरि
dṛṣṭvā nanṛturīśānaṃ sthitāḥ prāsādamūrdhasu / mumucuḥ puṣpavarṣāṇi vasudevasutopari
Seeing the Lord, they danced, standing on the tops of the palaces, and released showers of flowers upon the son of Vasudeva.
AI translation rendered from the Sanskrit, not a published edition
KuP 1 25.40
प्रविश्य भवनं कृष्ण आशीर्वादाभिवर्धितः । वरासने महायोगी भाति देवीभिरन्वितः
praviśya bhavanaṃ kṛṣṇa āśīrvādābhivardhitaḥ / varāsane mahāyogī bhāti devībhiranvitaḥ
Entering his dwelling, Kṛṣṇa, exalted with benedictions, the great yogin, shines on an excellent seat, accompanied by his queens.
AI translation rendered from the Sanskrit, not a published edition
KuP 1 25.41
सुरम्ये मण्डपे शुभ्रे शङ्खाद्यैः परिवारितः । आत्मजैरभितो मुख्यैः स्त्रीसहस्त्रैश्च संवृतः
suramye maṇḍape śubhre śaṅkhādyaiḥ parivāritaḥ / ātmajairabhito mukhyaiḥ strīsahastraiśca saṃvṛtaḥ
In a lovely bright pavilion, surrounded by Śaṅkha and the others, encircled on both sides by his chief sons and by thousands of women,
AI translation rendered from the Sanskrit, not a published edition
KuP 1 25.42
तत्रासनवरे रम्ये जाम्बवत्या सहाच्युतः । भ्राजते मालया देवो यथा देव्या समन्वितः
tatrāsanavare ramye jāmbavatyā sahācyutaḥ / bhrājate mālayā devo yathā devyā samanvitaḥ
There, on that lovely excellent seat, Acyuta together with Jāmbavatī, the god, shines with his garland like (Śiva) accompanied by the Goddess.
AI translation rendered from the Sanskrit, not a published edition
KuP 1 25.43
आजग्मुर्देवगन्धर्वा द्रष्टुं लोकादिमव्ययम् । महर्षयः पूर्वजाता मार्कण्डेयादयो द्विजाः
ājagmurdevagandharvā draṣṭuṃ lokādimavyayam / maharṣayaḥ pūrvajātā mārkaṇḍeyādayo dvijāḥ
Gods and gandharvas came to see the imperishable origin of the world, and the great seers born of old, the brahmins Mārkaṇḍeya and the rest.
AI translation rendered from the Sanskrit, not a published edition
KuP 1 25.44
ततः स भगवान् कृष्णो मार्कण्डेयं समागतम् । ननामोत्थाय शिरसा स्वासनं च ददौ हरिः
tataḥ sa bhagavān kṛṣṇo mārkaṇḍeyaṃ samāgatam / nanāmotthāya śirasā svāsanaṃ ca dadau hariḥ
Then the blessed Kṛṣṇa, Hari, rose and bowed his head to Mārkaṇḍeya who had come, and gave him his own seat.
AI translation rendered from the Sanskrit, not a published edition
KuP 1 25.45
संपूज्य तानृषिगणान् प्रणामेन महाभुजः । विसर्जयामास हरिर्दत्त्वा तदभिवाञ्छितान्
saṃpūjya tānṛṣigaṇān praṇāmena mahābhujaḥ / visarjayāmāsa harirdattvā tadabhivāñchitān
Having honoured those hosts of seers with a bow, the mighty-armed Hari dismissed them, granting what they desired.
AI translation rendered from the Sanskrit, not a published edition
KuP 1 25.46
तदा मध्याह्नसमये देवदेवः स्वयं हरिः । स्नात्वा शुक्लाम्बरो भानुमुपतिष्ठत् कृताञ्जलिः
tadā madhyāhnasamaye devadevaḥ svayaṃ hariḥ / snātvā śuklāmbaro bhānumupatiṣṭhat kṛtāñjaliḥ
Then, at the midday hour, Hari himself, the god of gods, having bathed and dressed in white garments, stood facing the sun with joined palms.
AI translation rendered from the Sanskrit, not a published edition
KuP 1 25.47
जजाप जाप्यं विधिवत् प्रेक्षमाणो दिवाकरम् । तर्पयामास देवेशो देवेशो देवान् मुनिगणान् पितॄन्
jajāpa jāpyaṃ vidhivat prekṣamāṇo divākaram / tarpayāmāsa deveśo deveśo devān munigaṇān pitṝn
He muttered the prayer to be muttered, according to rule, gazing at the maker of day; and the lord of gods satisfied (with libations) the gods, the hosts of sages, and the ancestors.
AI translation rendered from the Sanskrit, not a published edition
KuP 1 25.48
प्रविश्य देवभवनं मार्कण्डेयेन चैव हि । पूजयामास लिङ्गस्थं भूतेशं भूतिभूषणम्
praviśya devabhavanaṃ mārkaṇḍeyena caiva hi / pūjayāmāsa liṅgasthaṃ bhūteśaṃ bhūtibhūṣaṇam
Entering the god's house together with Mārkaṇḍeya, he worshipped the lord of beings, adorned with ashes, present in the liṅga.
AI translation rendered from the Sanskrit, not a published edition
KuP 1 25.49
समाप्य नियमं सर्वं नियन्तासौ नृणां स्वयम् । भोजयित्वा मुनिवरं ब्राह्मणानभिपूज्य च
samāpya niyamaṃ sarvaṃ niyantāsau nṛṇāṃ svayam / bhojayitvā munivaraṃ brāhmaṇānabhipūjya ca
Having completed the whole observance, he who is himself the controller of men, having fed the best of sages and honoured the brahmins,
AI translation rendered from the Sanskrit, not a published edition
KuP 1 25.50
कृत्वात्मयोगं विप्रेन्द्रा मार्कण्डेयेन चाच्युतः । कथाः पौराणिकीः पुण्याश्चक्रे पुत्रादिभिर्वृतः
kṛtvātmayogaṃ viprendrā mārkaṇḍeyena cācyutaḥ / kathāḥ paurāṇikīḥ puṇyāścakre putrādibhirvṛtaḥ
having practised the yoga of the self, O best of brahmins, Acyuta, surrounded by his sons and others, held holy Purāṇic conversations with Mārkaṇḍeya.
AI translation rendered from the Sanskrit, not a published edition
KuP 1 25.51
अथैतत् सर्वमखिलं दृष्ट्वा कर्म महामुनिः । मार्कण्डेयो हसन् कृष्णं बभाषे मधुरं वचः
athaitat sarvamakhilaṃ dṛṣṭvā karma mahāmuniḥ / mārkaṇḍeyo hasan kṛṣṇaṃ babhāṣe madhuraṃ vacaḥ
Then, having seen all this observance entire, the great sage Mārkaṇḍeya, smiling, spoke sweet words to Kṛṣṇa.
AI translation rendered from the Sanskrit, not a published edition
KuP 1 25.52
मार्कण्डेय उवाच कः समाराध्यते देवो भवता कर्मभिः शुभैः । ब्रूहि त्वं कर्मभिः पूज्यो योगिनां ध्येय एव च
mārkaṇḍeya uvāca kaḥ samārādhyate devo bhavatā karmabhiḥ śubhaiḥ / brūhi tvaṃ karmabhiḥ pūjyo yogināṃ dhyeya eva ca
Mārkaṇḍeya said: Which god is being propitiated by you with these auspicious rites? Tell (me). You yourself are the one to be worshipped with rites and to be meditated on by yogins.
AI translation rendered from the Sanskrit, not a published edition
KuP 1 25.53
त्वं हि तत् परमं ब्रह्म निर्वाणममलं पदम् । भारावतरणार्थाय जातो वृष्णिकुले प्रभुः
tvaṃ hi tat paramaṃ brahma nirvāṇamamalaṃ padam / bhārāvataraṇārthāya jāto vṛṣṇikule prabhuḥ
For you are that supreme brahman, the stainless state of nirvāṇa; you, the Lord, were born in the Vṛṣṇi family in order to remove the (earth's) burden.
AI translation rendered from the Sanskrit, not a published edition
KuP 1 25.54
तमब्रवीन्महाबाहुः कृष्णो ब्रह्मविदां वरः । शृण्वतामेव पुत्राणां सर्वेषां प्रहसन्निव
tamabravīnmahābāhuḥ kṛṣṇo brahmavidāṃ varaḥ / śṛṇvatāmeva putrāṇāṃ sarveṣāṃ prahasanniva
To him the mighty-armed Kṛṣṇa, best of the knowers of brahman, said, as if laughing, while all his sons were listening:
AI translation rendered from the Sanskrit, not a published edition
KuP 1 25.55
श्रीभगवानुवाच भवता कथितं सर्वं तथ्यमेव न संशयः । तथापि देवमीशानं पूजयामि सनातनम्
śrībhagavānuvāca bhavatā kathitaṃ sarvaṃ tathyameva na saṃśayaḥ / tathāpi devamīśānaṃ pūjayāmi sanātanam
The Blessed Lord said: All that you have said is indeed true, there is no doubt. Nevertheless I worship the eternal god Īśāna.
AI translation rendered from the Sanskrit, not a published edition
KuP 1 25.56
न मे विप्रास्ति कर्तव्यं नानवाप्तं कथञ्चन । पूजयामि तथापीशं जानन्नैतत् परं शिवम्
na me viprāsti kartavyaṃ nānavāptaṃ kathañcana / pūjayāmi tathāpīśaṃ jānannaitat paraṃ śivam
There is nothing, O brahmin, that I must do, nor anything at all unattained (by me); yet I worship the Lord, knowing this supreme Śiva.
AI translation rendered from the Sanskrit, not a published edition
KuP 1 25.57
न वै पश्यन्ति तं देवं मायया मोहिता जनाः । ततो ऽहं स्वात्मनो मूलं ज्ञापयन् पूजयामि तम्
na vai paśyanti taṃ devaṃ māyayā mohitā janāḥ / tato 'haṃ svātmano mūlaṃ jñāpayan pūjayāmi tam
People, deluded by māyā, do not see that god; therefore I worship him, making known the root of my own self.
AI translation rendered from the Sanskrit, not a published edition
KuP 1 25.58
न च लिङ्गार्चनात् पुण्यं लोकेस्मिन् भीतिनाशनम् । तथा लिङ्गे हितायैषां लोकानां पूजयेच्छिवम्
na ca liṅgārcanāt puṇyaṃ lokesmin bhītināśanam / tathā liṅge hitāyaiṣāṃ lokānāṃ pūjayecchivam
And there is no merit in this world destroying fear (equal to) the worship of the liṅga; so, for the good of these worlds, one should worship Śiva in the liṅga.
AI translation rendered from the Sanskrit, not a published edition — the model flagged this verse as uncertain
KuP 1 25.59
यो ऽहं तल्लिङ्गमित्याहुर्वेदवादविदो जनाः । ततो ऽहमात्ममीशानं पूजयाम्यात्मनैव तु
yo 'haṃ talliṅgamityāhurvedavādavido janāḥ / tato 'hamātmamīśānaṃ pūjayāmyātmanaiva tu
Those people who know the doctrine of the Veda say that what I am is that liṅga; therefore I worship Īśāna, my own self, by my very self.
AI translation rendered from the Sanskrit, not a published edition
KuP 1 25.60
तस्यैव परमा मूर्तिस्तन्मयो ऽहं न संशयः । नावयोर्द्यिते भेदो वेदेष्वेवं विनिश्चयः
tasyaiva paramā mūrtistanmayo 'haṃ na saṃśayaḥ / nāvayordyite bhedo vedeṣvevaṃ viniścayaḥ
(I am) his very own supreme form; I consist of him, there is no doubt. No difference between us two is seen: such is the settled conclusion in the Vedas.
AI translation rendered from the Sanskrit, not a published edition — the model flagged this verse as uncertain
KuP 1 25.61
एष देवो महादेवः सदा संसारभीरुभिः । ध्येयः पूज्यश्च वन्द्यश्च ज्ञेयो लिङ्गे महेश्वरः
eṣa devo mahādevaḥ sadā saṃsārabhīrubhiḥ / dhyeyaḥ pūjyaśca vandyaśca jñeyo liṅge maheśvaraḥ
This god, Mahādeva, is always to be meditated on, worshipped and saluted by those who fear transmigration; Maheśvara is to be known in the liṅga.
AI translation rendered from the Sanskrit, not a published edition
KuP 1 25.62
मार्कण्डेय उवाच किं तल्लिङ्गं सुरश्रेष्ठ लिङ्गे संपूज्यते च कः । ब्रूहि कृष्ण विशालाक्ष गहनं ह्येतदुत्तमम्
mārkaṇḍeya uvāca kiṃ talliṅgaṃ suraśreṣṭha liṅge saṃpūjyate ca kaḥ / brūhi kṛṣṇa viśālākṣa gahanaṃ hyetaduttamam
Mārkaṇḍeya said: What is that liṅga, O best of the gods, and who is worshipped in the liṅga? Tell (me), Kṛṣṇa of wide eyes, for this is a deep and lofty matter.
AI translation rendered from the Sanskrit, not a published edition
KuP 1 25.63
अव्यक्तं लिङ्गमित्याहुरानन्दं ज्योतिरक्षरम् । वेदा महेस्वरं देवमाहुर्लिङ्गिनमव्ययम्
avyaktaṃ liṅgamityāhurānandaṃ jyotirakṣaram / vedā mahesvaraṃ devamāhurliṅginamavyayam
They call the liṅga the unmanifest, bliss, light, imperishable; the Vedas call the god Maheśvara the possessor of the liṅga, undecaying.
AI translation rendered from the Sanskrit, not a published edition
KuP 1 25.64
पुरा चैकार्णवे घोरे नष्टे स्थावरजङ्गमे । प्रबोधार्थं ब्रह्मणो मे प्रादुर्भूतः स्वयं शिवः
purā caikārṇave ghore naṣṭe sthāvarajaṅgame / prabodhārthaṃ brahmaṇo me prādurbhūtaḥ svayaṃ śivaḥ
And formerly, in the terrible single ocean, when things moving and unmoving had perished, Śiva himself appeared for the awakening of Brahmā and of me.
AI translation rendered from the Sanskrit, not a published edition
KuP 1 25.65
तस्मात् कालात् समारभ्य ब्रह्मा चाहं सदैव हि । पूजयावो महादेवं लोकानां हितकाम्यया
tasmāt kālāt samārabhya brahmā cāhaṃ sadaiva hi / pūjayāvo mahādevaṃ lokānāṃ hitakāmyayā
Beginning from that time, Brahmā and I always indeed worship Mahādeva, out of desire for the welfare of the worlds.
AI translation rendered from the Sanskrit, not a published edition
KuP 1 25.66
मार्कण्डेय उवाच कथं लिङ्गमभूत् पूर्वमैश्वरं परमं पदम् । प्रबोधार्थं स्वयं कृष्ण वक्तुमर्हसि सांप्रतम्
mārkaṇḍeya uvāca kathaṃ liṅgamabhūt pūrvamaiśvaraṃ paramaṃ padam / prabodhārthaṃ svayaṃ kṛṣṇa vaktumarhasi sāṃpratam
Mārkaṇḍeya said: How did the liṅga, the supreme abode belonging to the Lord, come to be formerly for the sake of (your) awakening? You should tell (this) yourself now, Kṛṣṇa.
AI translation rendered from the Sanskrit, not a published edition
KuP 1 25.67
श्रीभगवानुवाच आसोदेकार्णवं घोरमविभागं तमोमयम् । मध्ये चैकार्णवे तस्मिन् शङ्खचक्रगदाधरः
śrībhagavānuvāca āsodekārṇavaṃ ghoramavibhāgaṃ tamomayam / madhye caikārṇave tasmin śaṅkhacakragadādharaḥ
The Blessed Lord said: There was a terrible single ocean, undivided, made of darkness; and in the middle of that single ocean (was I,) bearing conch, discus and mace,
AI translation rendered from the Sanskrit, not a published edition
KuP 1 25.68
सहस्त्रशीर्षा भूत्वाहं सहस्त्राक्षः सहस्त्रपात् सहस्त्रबाहुर्युक्तात्मा शयितो ऽहं सनातनः
sahastraśīrṣā bhūtvāhaṃ sahastrākṣaḥ sahastrapāt sahastrabāhuryuktātmā śayito 'haṃ sanātanaḥ
having become thousand-headed, thousand-eyed, thousand-footed, thousand-armed, with self composed (in yoga), I, the eternal one, lay (there).
AI translation rendered from the Sanskrit, not a published edition
KuP 1 25.69
एतस्मिन्नन्तरे दूरता पश्यमि ह्यमितप्रभम् । कोटिसूर्यप्रतीकाशं भ्राजमानं श्रियावृतम्
etasminnantare dūratā paśyami hyamitaprabham / koṭisūryapratīkāśaṃ bhrājamānaṃ śriyāvṛtam
In that interval I see from afar (something) of immeasurable radiance, resembling ten million suns, blazing, encompassed by splendour:
AI translation rendered from the Sanskrit, not a published edition
KuP 1 25.70
चतुर्वरक्त्रं महायोगं पुरुषं काञ्चनप्रभम् । कृष्णाजिरधरं देवमृग्यजुः सामभिः स्तुतम्
caturvaraktraṃ mahāyogaṃ puruṣaṃ kāñcanaprabham / kṛṣṇājiradharaṃ devamṛgyajuḥ sāmabhiḥ stutam
a four-faced Person of great yoga, golden in radiance, wearing a black antelope skin, a god praised by the Ṛg, Yajus and Sāman (verses).
AI translation rendered from the Sanskrit, not a published edition
KuP 1 25.71
निमेषमात्रेण स मां प्राप्तो योगविदां वरः । व्याजहार स्वयं ब्रह्मा स्मयमानो महाद्युतिः
nimeṣamātreṇa sa māṃ prāpto yogavidāṃ varaḥ / vyājahāra svayaṃ brahmā smayamāno mahādyutiḥ
In the mere blink of an eye he, the best of knowers of yoga, reached me; Brahmā himself, of great brilliance, smiling, spoke:
AI translation rendered from the Sanskrit, not a published edition
KuP 1 25.72
कस्त्वं कुतो वा किं चेह तिष्ठसे वह मे प्रभो । अहं कर्ता हि लोकानां स्वयंभूः प्रपितामहः
kastvaṃ kuto vā kiṃ ceha tiṣṭhase vaha me prabho / ahaṃ kartā hi lokānāṃ svayaṃbhūḥ prapitāmahaḥ
"Who are you, or from where, and why do you stay here? Tell me, lord. For I am the maker of the worlds, self-born, the great-grandfather."
AI translation rendered from the Sanskrit, not a published edition
KuP 1 25.73
एवमुक्तस्तदा तेन ब्रह्मणाहमुवाच ह । अहं कर्तास्मि लोकानां संहर्ता च पुनः पुनः
evamuktastadā tena brahmaṇāhamuvāca ha / ahaṃ kartāsmi lokānāṃ saṃhartā ca punaḥ punaḥ
Being thus addressed then by that Brahmā, I said: "I am the maker of the worlds, and the destroyer, again and again."
AI translation rendered from the Sanskrit, not a published edition
KuP 1 25.74
एवं विवादे वितते मायया परमेष्ठिनः । प्रबोधार्थं परं लिङ्गं प्रादुर्भूतं शिवात्मकम्
evaṃ vivāde vitate māyayā parameṣṭhinaḥ / prabodhārthaṃ paraṃ liṅgaṃ prādurbhūtaṃ śivātmakam
When the dispute had thus spread out through the māyā of the Supreme One, for the sake of (our) awakening the supreme liṅga, whose essence is Śiva, appeared,
AI translation rendered from the Sanskrit, not a published edition
KuP 1 25.75
कालानलसमप्रख्यं ज्वालामालासमाकुलम् । क्षयवृद्धिविनिर्मुक्तमादिमध्यान्तवर्जितम्
kālānalasamaprakhyaṃ jvālāmālāsamākulam / kṣayavṛddhivinirmuktamādimadhyāntavarjitam
looking like the fire of time, thronged with garlands of flames, free from decrease and increase, devoid of beginning, middle and end.
AI translation rendered from the Sanskrit, not a published edition
KuP 1 25.76
ततो मामाह भगवानधो गच्छ त्वमाशु वै । अन्तमस्य विजानीम ऊर्ध्वं गच्छे ऽहमित्यजः
tato māmāha bhagavānadho gaccha tvamāśu vai / antamasya vijānīma ūrdhvaṃ gacche 'hamityajaḥ
Then the Lord (Brahmā) said to me: "Go you down quickly; let us two find out the end of this — I shall go upward," said the Unborn.
AI translation rendered from the Sanskrit, not a published edition
KuP 1 25.77
तदाशु समयं कृत्वा गतावूर्ध्वमधश्च द्वौ । पितामहो ऽप्यहं नान्तं ज्ञातवन्तौ समाः शतम्
tadāśu samayaṃ kṛtvā gatāvūrdhvamadhaśca dvau / pitāmaho 'pyahaṃ nāntaṃ jñātavantau samāḥ śatam
Then quickly making an agreement, the two went upward and downward; both the Grandfather and I did not come to know its end for a hundred years.
AI translation rendered from the Sanskrit, not a published edition
KuP 1 25.78
ततो विस्मयमापन्नौ भीतौ देवस्य शूलिनः । मायया मोहितौ तस्य ध्यायन्तौ विश्वमीश्वरम्
tato vismayamāpannau bhītau devasya śūlinaḥ / māyayā mohitau tasya dhyāyantau viśvamīśvaram
Then the two, filled with astonishment, afraid of the god who bears the trident, deluded by his māyā, meditating on the Lord of the universe,
AI translation rendered from the Sanskrit, not a published edition
KuP 1 25.79
प्रोच्चारन्तौ महानादमोङ्कारं परमं पदम् । प्रह्वाञ्जलिपुटोपेतौ शंभुं तुष्टुवतुः परम्
proccārantau mahānādamoṅkāraṃ paramaṃ padam / prahvāñjalipuṭopetau śaṃbhuṃ tuṣṭuvatuḥ param
uttering aloud the great sound Oṃ, the supreme abode, bowed low with hollowed palms joined, praised the supreme Śambhu.
AI translation rendered from the Sanskrit, not a published edition
KuP 1 25.80
ब्रह्मविष्णू ऊचतुः । अनादिमलसंसाररोगवैद्याय शंभवे । नमः शिवाय शान्ताय ब्रह्मणे लिङ्गमूर्तये
brahmaviṣṇū ūcatuḥ / anādimalasaṃsārarogavaidyāya śaṃbhave / namaḥ śivāya śāntāya brahmaṇe liṅgamūrtaye
Brahmā and Viṣṇu said: To Śambhu, the physician for the disease of beginningless, impure saṃsāra — homage to Śiva, the tranquil, brahman, whose form is the liṅga.
AI translation rendered from the Sanskrit, not a published edition
KuP 1 25.81
प्रलयार्णवसंस्थाय प्रलयोद्भूतिहेतवे । नमः शिवाय शान्ताय ब्रह्मणे लिङ्गमूर्तये
pralayārṇavasaṃsthāya pralayodbhūtihetave / namaḥ śivāya śāntāya brahmaṇe liṅgamūrtaye
To him who abides in the ocean of dissolution, the cause of dissolution and of arising — homage to Śiva, the tranquil, brahman, whose form is the liṅga.
AI translation rendered from the Sanskrit, not a published edition
KuP 1 25.82
ज्वालामालावृताङ्गाय ज्वलनस्तम्भरूपिणे । नमः शिवाय शान्ताय ब्रह्मणे लिङ्गमूर्तये
jvālāmālāvṛtāṅgāya jvalanastambharūpiṇe / namaḥ śivāya śāntāya brahmaṇe liṅgamūrtaye
To him whose body is wrapped in garlands of flame, whose form is a pillar of fire: homage to Śiva, the peaceful, to Brahman, whose form is the liṅga.
AI translation rendered from the Sanskrit, not a published edition
KuP 1 25.83
आदिमध्यान्तहीनाय स्वबावामलदीप्तये । नमः शिवाय शान्ताय ब्रह्मणे लिङ्गमूर्तये
ādimadhyāntahīnāya svabāvāmaladīptaye / namaḥ śivāya śāntāya brahmaṇe liṅgamūrtaye
To him who is without beginning, middle, or end, whose radiance is by its own nature stainless: homage to Śiva, the peaceful, to Brahman, whose form is the liṅga.
AI translation rendered from the Sanskrit, not a published edition
KuP 1 25.84
महादेवाय महते ज्योतिषे ऽनन्ततेजसे । नमः शिवाय शान्ताय ब्रह्मणे लिङ्गमूर्तये
mahādevāya mahate jyotiṣe 'nantatejase / namaḥ śivāya śāntāya brahmaṇe liṅgamūrtaye
To Mahādeva, to the great one, to the light, to him of infinite splendour: homage to Śiva, the peaceful, to Brahman, whose form is the liṅga.
AI translation rendered from the Sanskrit, not a published edition
KuP 1 25.85
प्रधानपुरुषेशाय व्योमरूपाय वेधसे । नमः शिवाय शान्ताय ब्रह्मणे लिङ्गमूर्तये
pradhānapuruṣeśāya vyomarūpāya vedhase / namaḥ śivāya śāntāya brahmaṇe liṅgamūrtaye
To the lord of primal matter and spirit, whose form is space, the creator: homage to Śiva, the peaceful, to Brahman, whose form is the liṅga.
AI translation rendered from the Sanskrit, not a published edition
KuP 1 25.86
निर्विकाराय सत्याय नित्यायामलतेजसे । नमः शिवाय शान्ताय ब्रह्मणे लिङ्गमूर्तये
nirvikārāya satyāya nityāyāmalatejase / namaḥ śivāya śāntāya brahmaṇe liṅgamūrtaye
To the changeless, the real, the eternal, of stainless splendour: homage to Śiva, the peaceful, to Brahman, whose form is the liṅga.
AI translation rendered from the Sanskrit, not a published edition
KuP 1 25.87
वेदान्तसाररूपाय कालरूपाय धीमते । नमः शिवाय शान्ताय ब्रह्मणे लिङ्गमूर्तये
vedāntasārarūpāya kālarūpāya dhīmate / namaḥ śivāya śāntāya brahmaṇe liṅgamūrtaye
To him whose form is the essence of the Vedānta, whose form is time, the wise one: homage to Śiva, the peaceful, to Brahman, whose form is the liṅga.
AI translation rendered from the Sanskrit, not a published edition
KuP 1 25.88
एवं संस्तूयमानस्तु व्यक्तो भूत्वा महेश्वरः । भाति देवो महायोगी सूर्यकोटिसमप्रभः
evaṃ saṃstūyamānastu vyakto bhūtvā maheśvaraḥ / bhāti devo mahāyogī sūryakoṭisamaprabhaḥ
Thus praised, Maheśvara became manifest, and the god, the great yogin, shone with a radiance equal to ten million suns.
AI translation rendered from the Sanskrit, not a published edition
KuP 1 25.89
वक्त्रकोटिसहस्त्रेण ग्रसमान इवाम्बरम् । सहस्त्रहस्तचरणः सूर्यसोमाग्निलोचनः
vaktrakoṭisahastreṇa grasamāna ivāmbaram / sahastrahastacaraṇaḥ sūryasomāgnilocanaḥ
With ten billion mouths, as though swallowing the sky, with a thousand hands and feet, with the sun, moon, and fire for eyes,
AI translation rendered from the Sanskrit, not a published edition
KuP 1 25.90
पिनाकपाणिर्भगवान् कृत्तिवासास्त्रिशूलभृत् । व्यालयज्ञोपवीतश्च मेघदुन्दुभिनिः स्वनः
pinākapāṇirbhagavān kṛttivāsāstriśūlabhṛt / vyālayajñopavītaśca meghadundubhiniḥ svanaḥ
the Lord bearing the Pināka bow in his hand, clad in a hide, holding the trident, with a serpent for his sacred thread, his voice like the drum of the thunderclouds.
AI translation rendered from the Sanskrit, not a published edition
KuP 1 25.91
अथोवाच महादेवः प्रीतो ऽहं सुरसत्तमौ । पश्येतं मां महादेवं भयं सर्वं प्रमुच्यताम्
athovāca mahādevaḥ prīto 'haṃ surasattamau / paśyetaṃ māṃ mahādevaṃ bhayaṃ sarvaṃ pramucyatām
Then Mahādeva said: "I am pleased, you two best of gods. Behold me, Mahādeva; let all fear be released.
AI translation rendered from the Sanskrit, not a published edition
KuP 1 25.92
युवां प्रसूतौ गात्रेभ्यो मम पूर्वं सनातनौ । अयं मे दक्षिणे पार्श्वे ब्रह्मा लोकपितामहः । वामपार्श्वे च मे विष्णुः पालको हृदये हरः
yuvāṃ prasūtau gātrebhyo mama pūrvaṃ sanātanau / ayaṃ me dakṣiṇe pārśve brahmā lokapitāmahaḥ / vāmapārśve ca me viṣṇuḥ pālako hṛdaye haraḥ
You two, ancient ones, were formerly born from my limbs. This Brahmā, the grandfather of the worlds, (is) on my right side; and on my left side is Viṣṇu the protector, and in the heart Hara.
AI translation rendered from the Sanskrit, not a published edition
KuP 1 25.93
प्रीतो ऽहं युवयोः सम्यक् वरं दद्मि यथेप्सितम् । एवमुक्त्वाथ मां देवो महादेवः स्वयं शिवः । आलिङ्ग्य देवं ब्रह्माणं प्रसादाभिमुखो ऽभवत्
prīto 'haṃ yuvayoḥ samyak varaṃ dadmi yathepsitam / evamuktvātha māṃ devo mahādevaḥ svayaṃ śivaḥ / āliṅgya devaṃ brahmāṇaṃ prasādābhimukho 'bhavat
I am well pleased with you both; I grant a boon as you wish." Having spoken thus to me, the god Mahādeva, Śiva himself, embraced the god Brahmā and turned toward (us) with favour.
AI translation rendered from the Sanskrit, not a published edition
KuP 1 25.94
ततः प्रहृष्टमनसौ प्रणिपत्य महेश्वरम् । ऊचतुः प्रेक्ष्य तद्वक्त्रं नारायणपितामहौ
tataḥ prahṛṣṭamanasau praṇipatya maheśvaram / ūcatuḥ prekṣya tadvaktraṃ nārāyaṇapitāmahau
Then the two, Nārāyaṇa and the grandfather, with delighted minds, bowing down to Maheśvara and gazing at his face, said:
AI translation rendered from the Sanskrit, not a published edition
KuP 1 25.95
यदि प्रीतिः समुत्पन्ना यदि देयो वरश्च नौ । भक्तिर्भवतु नौ नित्यं त्वयि देव महेश्वरे
yadi prītiḥ samutpannā yadi deyo varaśca nau / bhaktirbhavatu nau nityaṃ tvayi deva maheśvare
"If pleasure has arisen (in you), and if a boon is to be given to us, let there be for us constant devotion to you, O god, to Maheśvara."
AI translation rendered from the Sanskrit, not a published edition
KuP 1 25.96
ततः स भगवानीशः प्रहसन् परमेश्वरः । उवाच मां महादेवः प्रीतः प्रीतेन चेतसा
tataḥ sa bhagavānīśaḥ prahasan parameśvaraḥ / uvāca māṃ mahādevaḥ prītaḥ prītena cetasā
Then that lord, the blessed supreme lord Mahādeva, laughing, pleased, spoke to me with a gratified mind.
AI translation rendered from the Sanskrit, not a published edition
KuP 1 25.97
देव उवाच प्रलयस्थितिसर्गाणां कर्ता त्वं धरणीपते । वत्स वत्स हरे विश्वं पालयैतच्चराचरम्
deva uvāca pralayasthitisargāṇāṃ kartā tvaṃ dharaṇīpate / vatsa vatsa hare viśvaṃ pālayaitaccarācaram
The god said: You are the maker of dissolution, maintenance, and creation, O lord of the earth. Child, dear child Hari, protect this universe with its moving and unmoving (beings).
AI translation rendered from the Sanskrit, not a published edition
KuP 1 25.98
त्रिधा भिन्नो ऽस्म्यहं विष्णो ब्रह्मविष्णुहराख्यया । सर्गरक्षालयगुणैर्निर्गुणो ऽपि निरञ्जनः
tridhā bhinno 'smyahaṃ viṣṇo brahmaviṣṇuharākhyayā / sargarakṣālayaguṇairnirguṇo 'pi nirañjanaḥ
I am divided threefold, O Viṣṇu, under the names Brahmā, Viṣṇu, and Hara, by the qualities of creation, preservation, and dissolution — though I am without qualities and unstained.
AI translation rendered from the Sanskrit, not a published edition
KuP 1 25.99
संमोहं त्यज भो विष्णो पालयैनं पितामहम् । भविष्यत्येष भगवांस्तव पुत्रः सनातनः
saṃmohaṃ tyaja bho viṣṇo pālayainaṃ pitāmaham / bhaviṣyatyeṣa bhagavāṃstava putraḥ sanātanaḥ
Abandon bewilderment, O Viṣṇu; protect this grandfather. This lord will become your eternal son.
AI translation rendered from the Sanskrit, not a published edition
KuP 1 25.100
अहं च भवतो वक्त्रात् कल्पादौ घोररूपधृक् । शूलपाणिर्भविष्यामि क्रोधजस्तव पुत्रकः
ahaṃ ca bhavato vaktrāt kalpādau ghorarūpadhṛk / śūlapāṇirbhaviṣyāmi krodhajastava putrakaḥ
And I, from your mouth, at the beginning of the aeon, bearing a terrible form, trident in hand, shall come to be — your little son born of anger.
AI translation rendered from the Sanskrit, not a published edition
KuP 1 25.101
एवमुक्त्वा महादेवो ब्रह्माणं मुनिसत्तम । अनुगृह्य च मां देवस्तत्रैवान्तरधीयत
evamuktvā mahādevo brahmāṇaṃ munisattama / anugṛhya ca māṃ devastatraivāntaradhīyata
Having spoken thus to Brahmā, O best of sages, and having shown favour to me, the god Mahādeva vanished on that very spot.
AI translation rendered from the Sanskrit, not a published edition
KuP 1 25.102
ततः प्रभृति लोकेषु लिङ्गार्चा सुप्रतिष्ठिता । लिङ्ग तल्लयनाद् ब्रह्मन् ब्रह्मणः परमं वपुः
tataḥ prabhṛti lokeṣu liṅgārcā supratiṣṭhitā / liṅga tallayanād brahman brahmaṇaḥ paramaṃ vapuḥ
From that time on, the worship of the liṅga has been firmly established in the worlds; O Brahman, (it is called) liṅga because (all) dissolves into it — it is the supreme body of Brahman.
AI translation rendered from the Sanskrit, not a published edition — the model flagged this verse as uncertain
KuP 1 25.103
एतल्लिङ्गस्य माहात्म्यं भाषितं ते मयानघ । एतद् बुध्यन्ति योगज्ञा न देवा न च दानवाः
etalliṅgasya māhātmyaṃ bhāṣitaṃ te mayānagha / etad budhyanti yogajñā na devā na ca dānavāḥ
This greatness of the liṅga has been declared to you by me, O sinless one. Those who know yoga understand this; neither the gods nor the demons (do).
AI translation rendered from the Sanskrit, not a published edition
KuP 1 25.104
एतद्धि परमं ज्ञानमव्यक्तं शिवसंज्ञितम् । येन सूक्ष्ममचिन्त्यं तत् पश्यन्ति ज्ञान वक्षुषः
etaddhi paramaṃ jñānamavyaktaṃ śivasaṃjñitam / yena sūkṣmamacintyaṃ tat paśyanti jñāna vakṣuṣaḥ
For this is the supreme knowledge, unmanifest, named Śiva, by which those whose eye is knowledge behold that subtle and unthinkable (reality).
AI translation rendered from the Sanskrit, not a published edition
KuP 1 25.105
तस्मै भगवते नित्यं नमस्कारं प्रकुर्महे । महादेवाय रुद्राय देवदेवाय लिङ्गिने
tasmai bhagavate nityaṃ namaskāraṃ prakurmahe / mahādevāya rudrāya devadevāya liṅgine
To him, the Lord, we constantly offer salutation — to Mahādeva, to Rudra, to the god of gods, to him who bears the liṅga.
AI translation rendered from the Sanskrit, not a published edition
KuP 1 25.106
नमो वेदरहस्याय नीलकण्ठाय वै नमः । विभीषणाय शान्ताय स्थाणवे हेतवे नमः
namo vedarahasyāya nīlakaṇṭhāya vai namaḥ / vibhīṣaṇāya śāntāya sthāṇave hetave namaḥ
Homage to him who is the secret of the Vedas, homage indeed to the blue-throated one; homage to the terrifying one, to the tranquil one, to Sthāṇu, to the (first) cause.
AI translation rendered from the Sanskrit, not a published edition
KuP 1 25.107
ब्रह्मणे वामदेवाय त्रिनेत्राय महीयसे । शङ्कराय महेशाय गिरीशाय शिवाय च
brahmaṇe vāmadevāya trinetrāya mahīyase / śaṅkarāya maheśāya girīśāya śivāya ca
To Brahman, to Vāmadeva, to the three-eyed one, to the most exalted, to Śaṅkara, to Maheśa, to Girīśa, and to Śiva —
AI translation rendered from the Sanskrit, not a published edition
KuP 1 25.108
नमः कुरुष्व सततं ध्यायस्व मनसा हरम् । संसारसागरादस्मादचिरादुत्तरिष्यसि
namaḥ kuruṣva satataṃ dhyāyasva manasā haram / saṃsārasāgarādasmādacirāduttariṣyasi
make your salutation continually; meditate with your mind on Hara. You will soon cross over from this ocean of saṃsāra.
AI translation rendered from the Sanskrit, not a published edition
KuP 1 25.109
एवं स वासुदेवेन व्याहृतो मुनिपुङ्गवः । जगाम मनसा देवमीशानं विश्वतोमुखम्
evaṃ sa vāsudevena vyāhṛto munipuṅgavaḥ / jagāma manasā devamīśānaṃ viśvatomukham
Thus addressed by Vāsudeva, that foremost of sages went in mind to the god Īśāna, whose face is turned in every direction.
AI translation rendered from the Sanskrit, not a published edition
KuP 1 25.110
प्रणम्य शिरसा कृष्णमनुज्ञातो महामुनिः । जगाम चेप्सितं देशं देवदेवस्य शूलिनः
praṇamya śirasā kṛṣṇamanujñāto mahāmuniḥ / jagāma cepsitaṃ deśaṃ devadevasya śūlinaḥ
Bowing his head to Kṛṣṇa and taking leave, the great sage went to the desired region of the god of gods, the bearer of the trident.
AI translation rendered from the Sanskrit, not a published edition
KuP 1 25.111
य इमं श्रावयेन्नित्यं लिङ्गाध्यायमनुत्तमम् । शृणुयाद् वा पठेद् वापि सर्वपापैः प्रमुच्यते
ya imaṃ śrāvayennityaṃ liṅgādhyāyamanuttamam / śṛṇuyād vā paṭhed vāpi sarvapāpaiḥ pramucyate
Whoever constantly causes this unsurpassed chapter on the liṅga to be heard, or hears it, or recites it, is freed from all sins.
AI translation rendered from the Sanskrit, not a published edition
KuP 1 25.112
श्रुत्वा सकृदपि ह्येतत् तपश्चरणमुत्तमम् । वासुदेवस्य विप्रेन्द्राः पापं मुञ्चिति मानवः
śrutvā sakṛdapi hyetat tapaścaraṇamuttamam / vāsudevasya viprendrāḥ pāpaṃ muñciti mānavaḥ
O best of brahmins, even hearing this once — this supreme performance of austerity of Vāsudeva — a man is released from sin.
AI translation rendered from the Sanskrit, not a published edition
KuP 1 25.113
जपेद् वाहरहर्नित्यं ब्रह्मलोके महीयते । एवमाह महायोगी कृष्णद्वैपायनः प्रभुः
japed vāharaharnityaṃ brahmaloke mahīyate / evamāha mahāyogī kṛṣṇadvaipāyanaḥ prabhuḥ
Or if one recites it day after day, constantly, he is honoured in the world of Brahmā. So said the great yogin, the lord Kṛṣṇa Dvaipāyana.
AI translation rendered from the Sanskrit, not a published edition