Kurma Purana — Purva Vibhaga — Chapter 24
KuP 1 24.1
सूत उवाच अथ देवो हृषीकेशो भगवान् पुरुषोत्तमः । तताप घोरं पुत्रार्थं निदानं तपसस्तपः
sūta uvāca atha devo hṛṣīkeśo bhagavān puruṣottamaḥ / tatāpa ghoraṃ putrārthaṃ nidānaṃ tapasastapaḥ
Sūta said: Then the god Hṛṣīkeśa, the blessed one, the highest person, practised for the sake of a son a terrible austerity, the very source of austerity.
AI translation rendered from the Sanskrit, not a published edition
KuP 1 24.2
स्वेच्छयाप्यवतीर्णो ऽसौ कृतकृत्यो ऽपि विश्वधृक् । चचार स्वात्मनो मूलं बोधयन् भावमैश्वरम्
svecchayāpyavatīrṇo 'sau kṛtakṛtyo 'pi viśvadhṛk / cacāra svātmano mūlaṃ bodhayan bhāvamaiśvaram
Although he had descended by his own will, and although, as the upholder of the universe, he had nothing left to accomplish, he acted so as to make known the root of his own self, his sovereign nature.
AI translation rendered from the Sanskrit, not a published edition
KuP 1 24.3
जगाम योगिभिर्जुष्टं नानापक्षिसमाकुलम् । आश्रमं तूपमन्योर्वै मुनीन्द्रस्य महात्मनः
jagāma yogibhirjuṣṭaṃ nānāpakṣisamākulam / āśramaṃ tūpamanyorvai munīndrasya mahātmanaḥ
He went to the hermitage of Upamanyu, the great-souled lord of sages, frequented by yogins and thronged with birds of many kinds.
AI translation rendered from the Sanskrit, not a published edition
KuP 1 24.4
तपत्त्रिराजमारूढः सुपर्णमतितेजसम् । शङ्खचक्रगदापाणिः श्रीवत्सकृतलक्षणः
tapattrirājamārūḍhaḥ suparṇamatitejasam / śaṅkhacakragadāpāṇiḥ śrīvatsakṛtalakṣaṇaḥ
Mounted on Suparṇa of exceeding splendour, the king of birds, with conch, discus and mace in his hands, marked with the śrīvatsa,
AI translation rendered from the Sanskrit, not a published edition — the model flagged this verse as uncertain
KuP 1 24.5
नानाद्रुमलताकीर्णं नानापुष्पोपशोभितम् । ऋषीणामाश्रमैर्जुष्टं वेदघोषनिनादितम्
nānādrumalatākīrṇaṃ nānāpuṣpopaśobhitam / ṛṣīṇāmāśramairjuṣṭaṃ vedaghoṣanināditam
(the hermitage) strewn with many trees and creepers, adorned with many flowers, frequented by the hermitages of sages, resounding with the sound of Vedic recitation,
AI translation rendered from the Sanskrit, not a published edition
KuP 1 24.6
सिंहर्क्षशरभाकीर्णं शार्दूलगजसंयुतम् । विमलस्वादुपानीयैः सरोभिरुपशोभितम्
siṃharkṣaśarabhākīrṇaṃ śārdūlagajasaṃyutam / vimalasvādupānīyaiḥ sarobhirupaśobhitam
filled with lions, bears and śarabhas, inhabited by tigers and elephants, made beautiful by lakes with clear, sweet water,
AI translation rendered from the Sanskrit, not a published edition
KuP 1 24.7
आरामैर्विविधैर्जुष्टं देवतायतनैः शुभैः । ऋषिकैरृषिपुत्रैश्च महामुनिगणैस्तथा
ārāmairvividhairjuṣṭaṃ devatāyatanaiḥ śubhaiḥ / ṛṣikairṛṣiputraiśca mahāmunigaṇaistathā
furnished with various groves and with auspicious shrines of the gods, and with lesser seers, sons of seers, and troops of great sages,
AI translation rendered from the Sanskrit, not a published edition
KuP 1 24.8
वेदाध्ययनसंपन्नैः सेवितं चाग्निहोत्रिभिः । योगिभिर्ध्याननिरतैर्नासाग्रगतलोचनैः
vedādhyayanasaṃpannaiḥ sevitaṃ cāgnihotribhiḥ / yogibhirdhyānaniratairnāsāgragatalocanaiḥ
attended by those accomplished in Vedic study and by keepers of the sacrificial fire, by yogins devoted to meditation, their eyes fixed on the tip of the nose,
AI translation rendered from the Sanskrit, not a published edition
KuP 1 24.9
उपेतं सर्वतः पुण्यं ज्ञानिभिस्तत्त्वदर्शिभिः । नदीभिरभितो जुष्टं जापकैर्ब्रह्मवादिभिः
upetaṃ sarvataḥ puṇyaṃ jñānibhistattvadarśibhiḥ / nadībhirabhito juṣṭaṃ jāpakairbrahmavādibhiḥ
holy on every side, endowed with knowers who see the truth, flanked all about by rivers, frequented by murmurers of prayers who discourse on brahman,
AI translation rendered from the Sanskrit, not a published edition
KuP 1 24.10
सेवितं तापसैः पुण्यैरीशाराधनतत्परैः । प्रशान्तैः सत्यसंकल्पैर्निः शोकैर्निरुपद्रवैः
sevitaṃ tāpasaiḥ puṇyairīśārādhanatatparaiḥ / praśāntaiḥ satyasaṃkalpairniḥ śokairnirupadravaiḥ
attended by holy ascetics intent on the worship of the Lord, calm, whose resolves come true, free of sorrow and free of affliction,
AI translation rendered from the Sanskrit, not a published edition
KuP 1 24.11
भस्मावदातसर्वाङ्गै रुद्रजाप्यपरायणैः । मुण्डितैर्जटिलैः शुद्धैस्तथान्यैश्च शिखाजटैः । सेवितं तापसैर्नित्य ज्ञानिभिर्ब्रह्मचारिभिः
bhasmāvadātasarvāṅgai rudrajāpyaparāyaṇaiḥ / muṇḍitairjaṭilaiḥ śuddhaistathānyaiśca śikhājaṭaiḥ / sevitaṃ tāpasairnitya jñānibhirbrahmacāribhiḥ
with all their limbs pale with ash, devoted to the muttering of the Rudra hymns, some shaven, some with matted locks, pure, and others with a topknot of matted hair — such was it always attended by ascetics, by knowers and by celibate students.
AI translation rendered from the Sanskrit, not a published edition
KuP 1 24.12
तत्राश्रमवरे रम्ये सिद्धाश्रमविभूषिते । गङ्गा भगवती नित्यं वहत्येवाघनाशिनी
tatrāśramavare ramye siddhāśramavibhūṣite / gaṅgā bhagavatī nityaṃ vahatyevāghanāśinī
There, in that lovely best of hermitages, adorned by the hermitages of the perfected ones, the blessed Gaṅgā, destroyer of sin, flows perpetually.
AI translation rendered from the Sanskrit, not a published edition
KuP 1 24.13
स तानन्विष्य विश्वात्मा तापसान् वीतकल्मषान् । प्रणामेनाथ वचसा पूजयामास माधवः
sa tānanviṣya viśvātmā tāpasān vītakalmaṣān / praṇāmenātha vacasā pūjayāmāsa mādhavaḥ
He, Mādhava, the Self of all, having sought out those ascetics free of stain, honoured them with a bow and with words.
AI translation rendered from the Sanskrit, not a published edition
KuP 1 24.14
ते ते दृष्ट्वा जगद्योनिं शङ्खचक्रगदाधरम् । प्रणेमुर्भक्तिसंयुक्ता योगिनां परमं गुरुम्
te te dṛṣṭvā jagadyoniṃ śaṅkhacakragadādharam / praṇemurbhaktisaṃyuktā yogināṃ paramaṃ gurum
Those (sages), seeing the womb of the world, the bearer of conch, discus and mace, bowed down, filled with devotion, to the supreme teacher of yogins.
AI translation rendered from the Sanskrit, not a published edition
KuP 1 24.15
स्तुवन्ति वैदिकैर्मन्त्रैः कृत्वा हृदि सनातनम् । प्रोचुरन्योन्यमव्यक्तमादिदेवं महामुनिम्
stuvanti vaidikairmantraiḥ kṛtvā hṛdi sanātanam / procuranyonyamavyaktamādidevaṃ mahāmunim
They praise (him) with Vedic mantras, having placed the eternal one in their hearts, and they said to one another: (this is) the unmanifest primordial god, the great sage.
AI translation rendered from the Sanskrit, not a published edition
KuP 1 24.16
अयं स भगवानेकः साक्षान्नारायणः परः । अगच्छत्यधुना देवः पुराणपुरुषः स्वयम्
ayaṃ sa bhagavānekaḥ sākṣānnārāyaṇaḥ paraḥ / agacchatyadhunā devaḥ purāṇapuruṣaḥ svayam
This is he, the one Lord, the supreme Nārāyaṇa in person; now the god, the ancient Person, comes himself.
AI translation rendered from the Sanskrit, not a published edition
KuP 1 24.17
अयमेवाव्ययः स्त्रष्टा संहर्ता चैव रक्षकः । अमूर्तो मूर्तिमान् भूत्वा मुनीन् द्रष्टुमिहागतः
ayamevāvyayaḥ straṣṭā saṃhartā caiva rakṣakaḥ / amūrto mūrtimān bhūtvā munīn draṣṭumihāgataḥ
He indeed is the imperishable creator, the destroyer and also the protector; formless, having become possessed of form, he has come here to see the sages.
AI translation rendered from the Sanskrit, not a published edition
KuP 1 24.18
एष धाता विधाता च समागच्छति सर्वगः । अनादिरक्षयो ऽनन्तो महाभूतो महेश्वरः
eṣa dhātā vidhātā ca samāgacchati sarvagaḥ / anādirakṣayo 'nanto mahābhūto maheśvaraḥ
This is the establisher and the ordainer, the all-pervading one, who is coming: beginningless, undecaying, endless, the great being, the great Lord.
AI translation rendered from the Sanskrit, not a published edition
KuP 1 24.19
श्रुत्वा श्रुत्वा हरिस्तेषां वचांसि वचनातिगः । ययौ स तूर्णं गोविन्दः स्थानं तस्य महात्मनः
śrutvā śrutvā haristeṣāṃ vacāṃsi vacanātigaḥ / yayau sa tūrṇaṃ govindaḥ sthānaṃ tasya mahātmanaḥ
Hearing again and again their words, Hari, who is beyond words—Govinda—went swiftly to the abode of that great soul.
AI translation rendered from the Sanskrit, not a published edition
KuP 1 24.20
उपस्पृश्याथ भावेन तीर्थे तीर्थे स यादवः । चकार देवकीसूनुर्देवर्षिपितृतर्पणम्
upaspṛśyātha bhāvena tīrthe tīrthe sa yādavaḥ / cakāra devakīsūnurdevarṣipitṛtarpaṇam
Then, touching (the water) with feeling at each sacred ford, that Yādava, the son of Devakī, performed the offering of water to gods, seers and ancestors.
AI translation rendered from the Sanskrit, not a published edition
KuP 1 24.21
नदीनां तीरसंस्थानि स्थापितानि मुनीश्वरैः । लिङ्गानि पूजयामास शंभोरमिततेजसः
nadīnāṃ tīrasaṃsthāni sthāpitāni munīśvaraiḥ / liṅgāni pūjayāmāsa śaṃbhoramitatejasaḥ
He worshipped the liṅgas of Śambhu of measureless splendour, set up on the banks of the rivers by the lords of sages.
AI translation rendered from the Sanskrit, not a published edition
KuP 1 24.22
दृष्ट्वा दृष्ट्वा समायान्तं यत्र यत्र जनार्दनम् । पूजयाञ्चक्रिरे पुष्पैरक्षतैस्तत्र वासिनः
dṛṣṭvā dṛṣṭvā samāyāntaṃ yatra yatra janārdanam / pūjayāñcakrire puṣpairakṣataistatra vāsinaḥ
Wherever the dwellers saw Janārdana coming, there they worshipped him with flowers and unbroken rice.
AI translation rendered from the Sanskrit, not a published edition
KuP 1 24.23
समीक्ष्य वासुदेवं तं शार्ङ्गशङ्खासिधारिणम् । तस्थिरे निश्चलाः सर्वे शुभाङ्गं तन्निवासिनः
samīkṣya vāsudevaṃ taṃ śārṅgaśaṅkhāsidhāriṇam / tasthire niścalāḥ sarve śubhāṅgaṃ tannivāsinaḥ
Beholding that Vāsudeva, bearer of the Śārṅga bow, the conch and the sword, fair of limb, all the dwellers there stood motionless.
AI translation rendered from the Sanskrit, not a published edition
KuP 1 24.24
यानि तत्रारुरुक्षूणां मानसानि जनार्दनम् । दृष्ट्वा समीहितान्यासन् निष्क्रामन्ति पुराहिरम्
yāni tatrārurukṣūṇāṃ mānasāni janārdanam / dṛṣṭvā samīhitānyāsan niṣkrāmanti purāhiram
Whatever things were desired in the minds of those there who aspired to ascend, on seeing Janārdana—(those) go forth to Hari ahead (of them).
AI translation rendered from the Sanskrit, not a published edition — the model flagged this verse as uncertain
KuP 1 24.25
अथावगाह्य गङ्गायां कृत्वा देवादितर्पणम् । आदाय पुष्पवर्याणि मुनीन्द्रस्याविशद् गृहम्
athāvagāhya gaṅgāyāṃ kṛtvā devāditarpaṇam / ādāya puṣpavaryāṇi munīndrasyāviśad gṛham
Then, having bathed in the Gaṅgā and made the water-offering to the gods and others, taking the choicest flowers he entered the house of the chief of sages.
AI translation rendered from the Sanskrit, not a published edition
KuP 1 24.26
दृष्ट्वा तं योगिनां श्रेष्ठं भस्मोद्धूलितविग्रहम् । जटाचीरधरं शान्तं ननाम शिरसा मुनिम्
dṛṣṭvā taṃ yogināṃ śreṣṭhaṃ bhasmoddhūlitavigraham / jaṭācīradharaṃ śāntaṃ nanāma śirasā munim
Seeing that best of yogins, his body smeared with ash, wearing matted hair and bark garments, tranquil, he bowed with his head to the sage.
AI translation rendered from the Sanskrit, not a published edition
KuP 1 24.27
आलोक्य कृष्णमायान्तं पूजयामास तत्त्ववित् । आसने चासयामास योगिनां प्रथमातिथिम्
ālokya kṛṣṇamāyāntaṃ pūjayāmāsa tattvavit / āsane cāsayāmāsa yogināṃ prathamātithim
Seeing Kṛṣṇa coming, the knower of truth worshipped him, and seated on a seat the foremost guest of yogins.
AI translation rendered from the Sanskrit, not a published edition
KuP 1 24.28
उवाच वचसां योनिं जानीमः परमं पदम् । विष्णुमव्यक्तसंस्थानं शिष्यभावेन संस्थितम्
uvāca vacasāṃ yoniṃ jānīmaḥ paramaṃ padam / viṣṇumavyaktasaṃsthānaṃ śiṣyabhāvena saṃsthitam
He said: We know (you as) the source of words, the supreme abode, Viṣṇu abiding in the unmanifest, (here) established in the guise of a pupil.
AI translation rendered from the Sanskrit, not a published edition
KuP 1 24.29
स्वागतं ते हृषीकेश सफलानि तपांसि नः । यद् साक्षादेव विश्वात्मा मद्गेहं विष्णुरागतः
svāgataṃ te hṛṣīkeśa saphalāni tapāṃsi naḥ / yad sākṣādeva viśvātmā madgehaṃ viṣṇurāgataḥ
Welcome to you, Hṛṣīkeśa! Our austerities have borne fruit, since the Self of the universe, Viṣṇu himself, has come in person to my house.
AI translation rendered from the Sanskrit, not a published edition
KuP 1 24.30
त्वां न पश्यन्ति मुनयो यतन्तो ऽपि हि योगिनः । तादृशस्याथ भवतः किमागमनकारणम्
tvāṃ na paśyanti munayo yatanto 'pi hi yoginaḥ / tādṛśasyātha bhavataḥ kimāgamanakāraṇam
Sages and yogins do not see you even though they strive; what then is the reason for the coming of one such as you?
AI translation rendered from the Sanskrit, not a published edition
KuP 1 24.31
श्रुत्वोपमन्योस्तद् वाक्यं भगवान् केशिमर्दनः । व्याजहार महायोगी वचनं प्रणिपत्य तम्
śrutvopamanyostad vākyaṃ bhagavān keśimardanaḥ / vyājahāra mahāyogī vacanaṃ praṇipatya tam
Hearing that speech of Upamanyu, the Lord, the crusher of Keśin, the great yogin, bowing to him, uttered these words.
AI translation rendered from the Sanskrit, not a published edition
KuP 1 24.32
श्रीकृष्ण उवाच भगवन् द्रष्टुमिच्छामि गिरीशं कृत्तिवाससम् । संप्राप्तो भवतः स्थानं भगवद्दर्शनोत्सुकः
śrīkṛṣṇa uvāca bhagavan draṣṭumicchāmi girīśaṃ kṛttivāsasam / saṃprāpto bhavataḥ sthānaṃ bhagavaddarśanotsukaḥ
Śrī Kṛṣṇa said: Lord, I wish to see the mountain-lord, the wearer of the hide; I have come to your abode, eager for the sight of the Lord.
AI translation rendered from the Sanskrit, not a published edition
KuP 1 24.33
कथं स भगवानीशो दृश्यो योगविदां वरः । मयाचिरेण कुत्राहं द्रक्ष्यामि तमुमापतिम्
kathaṃ sa bhagavānīśo dṛśyo yogavidāṃ varaḥ / mayācireṇa kutrāhaṃ drakṣyāmi tamumāpatim
How can that Lord God, the best of the knowers of yoga, be seen by me soon? Where shall I see him, the husband of Umā?
AI translation rendered from the Sanskrit, not a published edition
KuP 1 24.34
इत्याह भगवानुक्तो दृश्यते परमेश्वरः । भक्त्या चोग्रेण तपसा तत्कुरुष्वेह यत्नतः
ityāha bhagavānukto dṛśyate parameśvaraḥ / bhaktyā cogreṇa tapasā tatkuruṣveha yatnataḥ
So he spoke: "When the Lord is invoked, the Supreme Lord becomes visible; through devotion and through fierce austerity — do that here, with effort."
AI translation rendered from the Sanskrit, not a published edition — the model flagged this verse as uncertain
KuP 1 24.35
इहेश्वरं देवदेवं मुनीन्द्रा ब्रह्मवादिनः । ध्यायन्तो ऽत्रासते देवं जापिनस्तापसाश्च ये
iheśvaraṃ devadevaṃ munīndrā brahmavādinaḥ / dhyāyanto 'trāsate devaṃ jāpinastāpasāśca ye
Here the chief of sages, expounders of brahman, meditating on the Lord, the god of gods, dwell; and those who are murmurers of prayer and ascetics (dwell here too).
AI translation rendered from the Sanskrit, not a published edition
KuP 1 24.36
इह देवः सपत्नीको भगवान् वृषभध्वजः । क्रीडते विविधैर्भूतैर्योगिभिः परिवारितः
iha devaḥ sapatnīko bhagavān vṛṣabhadhvajaḥ / krīḍate vividhairbhūtairyogibhiḥ parivāritaḥ
Here the god, the Lord whose banner is the bull, together with his wife, plays with beings of many kinds, surrounded by yogins.
AI translation rendered from the Sanskrit, not a published edition
KuP 1 24.37
इहाश्रमे पुरा रुद्रात् तपस्तप्त्वा सुदारुणम् । लेभे महेश्वराद् योगं वसिष्ठो भगवानृषिः
ihāśrame purā rudrāt tapastaptvā sudāruṇam / lebhe maheśvarād yogaṃ vasiṣṭho bhagavānṛṣiḥ
Here in this hermitage, long ago, having performed most terrible austerity, the venerable seer Vasiṣṭha obtained yoga from Rudra, the Great Lord.
AI translation rendered from the Sanskrit, not a published edition
KuP 1 24.38
इहैव भगवान् व्यसः कृष्णद्वैपायनः प्रभुः । दृष्ट्वा तं परमं ज्ञानं लब्धवानीश्वरेश्वरम्
ihaiva bhagavān vyasaḥ kṛṣṇadvaipāyanaḥ prabhuḥ / dṛṣṭvā taṃ paramaṃ jñānaṃ labdhavānīśvareśvaram
Here indeed the venerable Vyāsa, Kṛṣṇa Dvaipāyana, the mighty one, having seen him, the Lord of lords, obtained that supreme knowledge.
AI translation rendered from the Sanskrit, not a published edition
KuP 1 24.39
इहाश्रमवरे रम्ये तपस्तप्त्वा कपर्दिनः । अविन्दत् पुत्रकान् रुद्रात् सुरभिर्भक्तिसंयुता
ihāśramavare ramye tapastaptvā kapardinaḥ / avindat putrakān rudrāt surabhirbhaktisaṃyutā
Here in this excellent, delightful hermitage, having performed austerity to the matted-haired one, Surabhi, filled with devotion, obtained sons from Rudra.
AI translation rendered from the Sanskrit, not a published edition
KuP 1 24.40
इहैव देवताः पूर्वं कालाद् भीता महेश्वरम् । दृष्टवन्तो हरं श्रीमन्निर्भया निर्वृतिं ययुः
ihaiva devatāḥ pūrvaṃ kālād bhītā maheśvaram / dṛṣṭavanto haraṃ śrīmannirbhayā nirvṛtiṃ yayuḥ
Here indeed the gods, formerly afraid of Time, saw Maheśvara, Hara; and, O glorious one, freed from fear, they attained peace.
AI translation rendered from the Sanskrit, not a published edition
KuP 1 24.41
इहाराध्य महादेवं सावर्णिस्तपतां वरः । लब्धवान् परमं योगं ग्रन्थकारत्वमुत्तमम्
ihārādhya mahādevaṃ sāvarṇistapatāṃ varaḥ / labdhavān paramaṃ yogaṃ granthakāratvamuttamam
Here, having propitiated Mahādeva, Sāvarṇi, the best of ascetics, obtained supreme yoga and the excellent status of an author of texts.
AI translation rendered from the Sanskrit, not a published edition
KuP 1 24.42
प्रवर्तयामास शुभां कृत्वा वै संहितां द्विजः । पौराणिकीं सुपुण्यार्थां सच्छिष्येषु द्विजातिषु
pravartayāmāsa śubhāṃ kṛtvā vai saṃhitāṃ dvijaḥ / paurāṇikīṃ supuṇyārthāṃ sacchiṣyeṣu dvijātiṣu
That twice-born one, having made an auspicious Purāṇic compendium of most holy content, propagated it among his good pupils, the twice-born.
AI translation rendered from the Sanskrit, not a published edition
KuP 1 24.43
इहैव संहितां दृष्ट्वा कापेयः शांशपायनः । महादेवं चकारेमां पौराणीं तन्नियोगतः । द्वादशैव सहस्त्राणि श्लोकानां पुरुषोत्तम
ihaiva saṃhitāṃ dṛṣṭvā kāpeyaḥ śāṃśapāyanaḥ / mahādevaṃ cakāremāṃ paurāṇīṃ tanniyogataḥ / dvādaśaiva sahastrāṇi ślokānāṃ puruṣottama
Here indeed Kāpeya Śāṃśapāyana, having seen that compendium, composed this Purāṇic (work) on Mahādeva at his command — twelve thousand verses, O best of men.
AI translation rendered from the Sanskrit, not a published edition
KuP 1 24.44
इह प्रवर्तिता पुण्या द्व्यष्टसाहस्त्रिकोत्तरा । वायवीयोत्तरं नाम पुराणं वेदसंमितम् । इहैव ख्यापितं शिष्यैः शांशपायनभाषितम्
iha pravartitā puṇyā dvyaṣṭasāhastrikottarā / vāyavīyottaraṃ nāma purāṇaṃ vedasaṃmitam / ihaiva khyāpitaṃ śiṣyaiḥ śāṃśapāyanabhāṣitam
Here was propagated the holy Purāṇa named Vāyavīyottara, exceeding sixteen thousand (verses), equal to the Veda; here indeed what Śāṃśapāyana spoke was made known by his pupils.
AI translation rendered from the Sanskrit, not a published edition
KuP 1 24.45
याज्ञवल्क्यो महायोगी दृष्ट्वात्र तपसा हरम् । चकार तन्नियोगेन योगशास्त्रमनुत्तमम्
yājñavalkyo mahāyogī dṛṣṭvātra tapasā haram / cakāra tanniyogena yogaśāstramanuttamam
Yājñavalkya, the great yogin, having seen Hara here by austerity, composed at his command the unsurpassed treatise on yoga.
AI translation rendered from the Sanskrit, not a published edition
KuP 1 24.46
इहैव भृगुणा पूर्वं तप्त्वा वै परमं तपः । शुक्रो महेश्वरात् पुत्रो लब्धो योगविदां वरः
ihaiva bhṛguṇā pūrvaṃ taptvā vai paramaṃ tapaḥ / śukro maheśvarāt putro labdho yogavidāṃ varaḥ
Here indeed formerly, by Bhṛgu, having performed supreme austerity, a son Śukra, the best of knowers of yoga, was obtained from Maheśvara.
AI translation rendered from the Sanskrit, not a published edition
KuP 1 24.47
तस्मादिहैव देवेशं तपस्तप्त्वा महेश्वरम् । द्रष्टुमर्हसि विश्वेशमुग्रं भीमं कपर्दिनम्
tasmādihaiva deveśaṃ tapastaptvā maheśvaram / draṣṭumarhasi viśveśamugraṃ bhīmaṃ kapardinam
Therefore right here, having performed austerity, you are fit to see the Lord of gods Maheśvara, the Lord of all, the fierce, the terrible, the matted-haired one.
AI translation rendered from the Sanskrit, not a published edition
KuP 1 24.48
एवमुक्त्वा ददौ ज्ञानमुपमन्युर्महामुनिः । व्रतं पाशुपतं योगं कृष्णायाक्लिष्टकर्मणे
evamuktvā dadau jñānamupamanyurmahāmuniḥ / vrataṃ pāśupataṃ yogaṃ kṛṣṇāyākliṣṭakarmaṇe
Having spoken thus, the great sage Upamanyu gave the knowledge, the Pāśupata vow and yoga, to Kṛṣṇa of untiring deeds.
AI translation rendered from the Sanskrit, not a published edition
KuP 1 24.49
स तेन मुनिवर्येण व्याहृतो मधुसूदनः । तत्रैव तपसा देवं रुद्रमाराधयत् प्रभुः
sa tena munivaryeṇa vyāhṛto madhusūdanaḥ / tatraiva tapasā devaṃ rudramārādhayat prabhuḥ
Addressed thus by that best of sages, the mighty slayer of Madhu propitiated the god Rudra there by austerity.
AI translation rendered from the Sanskrit, not a published edition
KuP 1 24.50
भस्मौद्धूलितसर्वाङ्गो मुण्डो वल्कलसंयुतः । जजाप रुद्रमनिशं शिवैकाहितमानसः
bhasmauddhūlitasarvāṅgo muṇḍo valkalasaṃyutaḥ / jajāpa rudramaniśaṃ śivaikāhitamānasaḥ
With all his limbs smeared with ash, shaven-headed, clad in bark, his mind fixed solely on Śiva, he murmured (the name of) Rudra ceaselessly.
AI translation rendered from the Sanskrit, not a published edition
KuP 1 24.51
ततो बहुतिथे काले सोमः सोमार्धभूषणः । अदृश्यत महादेवो व्योम्नि देव्या महेश्वरः
tato bahutithe kāle somaḥ somārdhabhūṣaṇaḥ / adṛśyata mahādevo vyomni devyā maheśvaraḥ
Then, after a long time, Mahādeva, Soma, adorned with the half-moon, Maheśvara, became visible in the sky with the Goddess.
AI translation rendered from the Sanskrit, not a published edition
KuP 1 24.52
किरीटिनं गदिनं चित्रमालं पिनाकिनं शूलिनं देवदेवम् । शार्दूलचर्माम्बरसंवृताङ्गं देव्या महादेवमसौ ददर्श
kirīṭinaṃ gadinaṃ citramālaṃ pinākinaṃ śūlinaṃ devadevam / śārdūlacarmāmbarasaṃvṛtāṅgaṃ devyā mahādevamasau dadarśa
He saw Mahādeva, the god of gods, with the Goddess: crowned, bearing a mace, wearing a many-coloured garland, holding the Pināka bow and the trident, his body wrapped in a tiger-skin garment.
AI translation rendered from the Sanskrit, not a published edition
KuP 1 24.53
परश्वधासक्तकरं त्रिनेत्रं नृसिंहचर्मावृतसर्वगात्रम् । समुद्गिरन्तं प्रणवं बृहन्तं सहस्त्रसूर्यप्रतिमं ददर्श
paraśvadhāsaktakaraṃ trinetraṃ nṛsiṃhacarmāvṛtasarvagātram / samudgirantaṃ praṇavaṃ bṛhantaṃ sahastrasūryapratimaṃ dadarśa
He saw him with an axe held fast in his hand, three-eyed, all his limbs covered with a man-lion's skin, uttering forth the great Praṇava, like a thousand suns.
AI translation rendered from the Sanskrit, not a published edition
KuP 1 24.54
प्रभुं पुराणं पुरुषं पुरस्तात् सनातनं योगिनमीशितारम् । अणोरणीयांसमनन्तशक्तिं प्राणेश्वरं शंभुमसौ ददर्श
prabhuṃ purāṇaṃ puruṣaṃ purastāt sanātanaṃ yoginamīśitāram / aṇoraṇīyāṃsamanantaśaktiṃ prāṇeśvaraṃ śaṃbhumasau dadarśa
He saw before (him) Śambhu — the Lord, the ancient Puruṣa, the eternal one, the yogin, the ruler, subtler than the subtle, of endless power, the lord of the breaths.
AI translation rendered from the Sanskrit, not a published edition
KuP 1 24.55
न यस्य देवा न पितामहो ऽपि नेन्द्रो न चाग्निर्वरुणो न मृत्युः । प्रभावमद्यापि वदन्ति रुद्रं तमादिदेवं पुरतो ददर्श
na yasya devā na pitāmaho 'pi nendro na cāgnirvaruṇo na mṛtyuḥ / prabhāvamadyāpi vadanti rudraṃ tamādidevaṃ purato dadarśa
He saw before (him) that primal god, Rudra, whose might even now neither the gods nor the Grandfather, nor Indra, nor Agni, nor Varuṇa, nor Death can tell.
AI translation rendered from the Sanskrit, not a published edition
KuP 1 24.56
तदान्वपश्यद् गिरिशस्य वामे स्वात्मानमव्यक्तमनन्तरूपम् । स्तुवन्तमीशं बहुभिर्वचोभिः शङ्खासिचक्रार्पितहस्तमाद्यम्
tadānvapaśyad giriśasya vāme svātmānamavyaktamanantarūpam / stuvantamīśaṃ bahubhirvacobhiḥ śaṅkhāsicakrārpitahastamādyam
Then, at Giriśa's left, he saw his own Self, unmanifest and of endless form, the primal one with hands bearing conch, sword and discus, praising the Lord with many words.
AI translation rendered from the Sanskrit, not a published edition
KuP 1 24.57
कृताञ्जलिं दक्षिणतः सुरेशं हंसाधिरूढं पुरुषं ददर्श । स्तुवानमीशस्य परं प्रभावं पितामहं लोकगुरुं दिवस्थम्
kṛtāñjaliṃ dakṣiṇataḥ sureśaṃ haṃsādhirūḍhaṃ puruṣaṃ dadarśa / stuvānamīśasya paraṃ prabhāvaṃ pitāmahaṃ lokaguruṃ divastham
On the right he saw the lord of the gods with palms joined, the Puruṣa mounted on a goose, praising the supreme might of the Lord — the Grandfather, teacher of the worlds, abiding in the sky.
AI translation rendered from the Sanskrit, not a published edition
KuP 1 24.58
गणेश्वरानर्कसहस्त्रकल्पान् नन्दीश्वरादीनमितप्रभावान् । त्रिलोकभर्तुः पुरतो ऽन्वपश्यत् कुमारमग्निपतिमं सशाखम्
gaṇeśvarānarkasahastrakalpān nandīśvarādīnamitaprabhāvān / trilokabhartuḥ purato 'nvapaśyat kumāramagnipatimaṃ saśākham
Before the sustainer of the three worlds he saw the lords of the hosts, like a thousand suns, Nandīśvara and the others, of measureless might, and Kumāra, lord of fire, with (his) spear.
AI translation rendered from the Sanskrit, not a published edition — the model flagged this verse as uncertain
KuP 1 24.59
मरीचिमत्रिं पुलहं पुलस्त्यं प्रचेतसं दक्षमथापि कण्वम् । पराशरं तत्परतो वसिष्ठं स्वायंभुवं चापि मनुं ददर्श
marīcimatriṃ pulahaṃ pulastyaṃ pracetasaṃ dakṣamathāpi kaṇvam / parāśaraṃ tatparato vasiṣṭhaṃ svāyaṃbhuvaṃ cāpi manuṃ dadarśa
He saw Marīci, Atri, Pulaha, Pulastya, Pracetas, and also Dakṣa, Kaṇva, Parāśara, and beyond him Vasiṣṭha, and also Manu Svāyaṃbhuva.
AI translation rendered from the Sanskrit, not a published edition
KuP 1 24.60
तुष्टाव मन्त्रैरमरप्रधानं बद्धाञ्जलिर्विष्णुरुदारबुद्धिः । प्रणम्य देव्या गिरिशं सभक्त्या स्वात्मन्यथात्मानमसौ विचिन्त्य
tuṣṭāva mantrairamarapradhānaṃ baddhāñjalirviṣṇurudārabuddhiḥ / praṇamya devyā giriśaṃ sabhaktyā svātmanyathātmānamasau vicintya
Viṣṇu of noble mind, with palms joined, having bowed with devotion together with the Goddess to Giriśa, and having meditated on the Self as within his own self, praised with sacred formulas the chief of the immortals.
AI translation rendered from the Sanskrit, not a published edition
KuP 1 24.61
श्रीकृष्ण उवाच नमो ऽस्तु ते शाश्वत सर्वयोने ब्रह्माधिपं त्वामृषयो वदन्ति । तपश्च सत्त्वं च रजस्तमश्च त्वामेव सर्व प्रवदन्ति सन्तः
śrīkṛṣṇa uvāca namo 'stu te śāśvata sarvayone brahmādhipaṃ tvāmṛṣayo vadanti / tapaśca sattvaṃ ca rajastamaśca tvāmeva sarva pravadanti santaḥ
Śrī Kṛṣṇa said: Homage be to you, eternal one, source of all; the seers call you the overlord of Brahmā. The good declare that austerity, and sattva, rajas and tamas, are you alone, O All.
AI translation rendered from the Sanskrit, not a published edition
KuP 1 24.62
त्वं ब्रह्मा हरिरथ विश्वयोनिरग्निः संहर्ता दिनकरमण्डलाधिवासः । प्राणस्त्वं हुतवहवासवादिभेद- सत्वामेकं शरणमुपैमि देवमीशम्
tvaṃ brahmā hariratha viśvayoniragniḥ saṃhartā dinakaramaṇḍalādhivāsaḥ / prāṇastvaṃ hutavahavāsavādibheda- satvāmekaṃ śaraṇamupaimi devamīśam
You are Brahmā, and Hari, the womb of the universe, Agni the destroyer, the one dwelling in the sun's orb; you are breath — the distinctions of fire-bearer, Vāsava and the rest (are you): to you alone, the god, the Lord, I go for refuge.
AI translation rendered from the Sanskrit, not a published edition
KuP 1 24.63
सांख्यास्त्वां विगुणमथाहुरेकरूपं योगास्त्वां सततमुपासते हृदिस्थम् । वेदास्त्वामभिदधतीह रुद्रमग्निं त्वामेकं शरणमुपैमि देवमीशम्
sāṃkhyāstvāṃ viguṇamathāhurekarūpaṃ yogāstvāṃ satatamupāsate hṛdistham / vedāstvāmabhidadhatīha rudramagniṃ tvāmekaṃ śaraṇamupaimi devamīśam
The Sāṃkhyas call you devoid of qualities and of a single form; the Yogas constantly worship you as seated in the heart; the Vedas here name you Rudra, Agni: to you alone, the god, the Lord, I go for refuge.
AI translation rendered from the Sanskrit, not a published edition
KuP 1 24.64
त्वात्पादे कुसुममथापि पत्रमेकं दत्त्वासौ भवति विमुक्तविश्वबन्धः । सर्वाघं प्रणुदति सिद्धयोगिजुष्टं स्मृत्वा ते पदयुगलं भवत्प्रसादात्
tvātpāde kusumamathāpi patramekaṃ dattvāsau bhavati vimuktaviśvabandhaḥ / sarvāghaṃ praṇudati siddhayogijuṣṭaṃ smṛtvā te padayugalaṃ bhavatprasādāt
Having offered at your foot a flower, or even a single leaf, one becomes freed from all the world's bonds; by your grace, remembering that pair of your feet resorted to by perfected yogins, one drives away every sin.
AI translation rendered from the Sanskrit, not a published edition
KuP 1 24.65
यस्याशेषविभागहीनममलं हृद्यन्तरावस्थितं तत्त्वं ज्योतिरनन्तमेकमचलं सत्यं परं सर्वगम् । स्थानं प्राहुरनादिमध्यनिधनं यस्मादिदं जायते नित्यं त्वामहमुपैमि सत्यविभवंविश्वेश्वरन्तंशिवम्
yasyāśeṣavibhāgahīnamamalaṃ hṛdyantarāvasthitaṃ tattvaṃ jyotiranantamekamacalaṃ satyaṃ paraṃ sarvagam / sthānaṃ prāhuranādimadhyanidhanaṃ yasmādidaṃ jāyate nityaṃ tvāmahamupaimi satyavibhavaṃviśveśvarantaṃśivam
That whose reality, stainless, wholly without division, abiding within the heart — light, endless, one, unmoving, true, supreme, all-pervading — (the wise) call the abode without beginning, middle or end, from which this (world) is ever born: to you I come, whose glory is truth, lord of the universe, that Śiva.
AI translation rendered from the Sanskrit, not a published edition
KuP 1 24.66
ॐ नमो नीलकण्ठाय त्रिनेत्राय च रंहसे । महादेवाय ते नित्यमीशानाय नमो नमः
oṃ namo nīlakaṇṭhāya trinetrāya ca raṃhase / mahādevāya te nityamīśānāya namo namaḥ
Om. Homage to the blue-throated one, to the three-eyed, to the swift one; homage, homage forever to you, Mahādeva, the ruler.
AI translation rendered from the Sanskrit, not a published edition
KuP 1 24.67
नमः पिनाकिने तुभ्यं नमो मुण्डाय दण्डिने । नमस्ते वज्रहस्ताय दिग्वस्त्राय कपर्दिने
namaḥ pinākine tubhyaṃ namo muṇḍāya daṇḍine / namaste vajrahastāya digvastrāya kapardine
Homage to you, bearer of the Pināka; homage to the shaven-headed one, the staff-bearer; homage to you whose hand holds the thunderbolt, whose garment is the (four) directions, who wears matted braids.
AI translation rendered from the Sanskrit, not a published edition
KuP 1 24.68
नमो भैरवनादाय कालरूपाय दंष्ट्रिणे । नागयज्ञोपवीताय नमस्ते वह्निरेतसे
namo bhairavanādāya kālarūpāya daṃṣṭriṇe / nāgayajñopavītāya namaste vahniretase
Homage to the one of terrible roar, to the one whose form is Time, to the fanged one; homage to you whose sacred thread is a serpent, whose seed is fire.
AI translation rendered from the Sanskrit, not a published edition
KuP 1 24.69
नमो ऽस्तु ते गिरीशाय स्वाहाकाराय ते नमः । नमो मुक्ताट्टहासाय भीमाय च नमो नमः
namo 'stu te girīśāya svāhākārāya te namaḥ / namo muktāṭṭahāsāya bhīmāya ca namo namaḥ
Homage be to you, lord of the mountain; homage to you who are the utterance 'svāhā'; homage to the one of unrestrained loud laughter, and homage, homage to the terrible one.
AI translation rendered from the Sanskrit, not a published edition
KuP 1 24.70
नमस्ते कामनाशाय नमः कालप्रमाथिने । नमो भैरववेषाय हराय च निषङ्गिणे
namaste kāmanāśāya namaḥ kālapramāthine / namo bhairavaveṣāya harāya ca niṣaṅgiṇe
Homage to you, destroyer of Kāma; homage to the crusher of Time; homage to the one in Bhairava's garb, to Hara who bears a quiver.
AI translation rendered from the Sanskrit, not a published edition
KuP 1 24.71
नमो ऽस्तु ते त्र्यम्बकाय नमस्ते कृत्तिवाससे । नमो ऽम्बिकाधिपतये पशूनां पतये नमः
namo 'stu te tryambakāya namaste kṛttivāsase / namo 'mbikādhipataye paśūnāṃ pataye namaḥ
Homage be to you, the three-eyed; homage to you whose garment is a hide; homage to the lord of Ambikā; homage to the lord of creatures.
AI translation rendered from the Sanskrit, not a published edition
KuP 1 24.72
नमस्ते व्योमरूपाय व्योमाधिपतये नमः । नरनारीशरीराय सांख्ययोगप्रवर्तिने
namaste vyomarūpāya vyomādhipataye namaḥ / naranārīśarīrāya sāṃkhyayogapravartine
Homage to you whose form is space; homage to the lord of space; (homage) to the one whose body is man and woman, the promoter of Sāṃkhya and Yoga.
AI translation rendered from the Sanskrit, not a published edition
KuP 1 24.73
नमो दैवतनाथाय देवानुगतलिङ्गिने । कुमारगुरवे तुभ्यं देवदेवाय ते नमः
namo daivatanāthāya devānugataliṅgine / kumāragurave tubhyaṃ devadevāya te namaḥ
Homage to the lord of the deities, to the one whose mark (liṅga) the gods follow; homage to you, teacher of Kumāra, to you, god of gods.
AI translation rendered from the Sanskrit, not a published edition
KuP 1 24.74
तमो यज्ञाधिपतये नमस्ते ब्रह्मचारिणे । मृगव्याधाय महते ब्रह्माधिपतये नमः
tamo yajñādhipataye namaste brahmacāriṇe / mṛgavyādhāya mahate brahmādhipataye namaḥ
Homage to the lord of sacrifice; homage to you, the chaste one; to the hunter of the deer, to the great one, to the lord of Brahmā, homage.
AI translation rendered from the Sanskrit, not a published edition — the model flagged this verse as uncertain
KuP 1 24.75
नमो हंसाय विश्वाय मोहनाय नमो नमः । योगिने योगगम्याय योगमायाय ते नमः
namo haṃsāya viśvāya mohanāya namo namaḥ / yogine yogagamyāya yogamāyāya te namaḥ
Homage to the Swan, to the All, to the Deluder, homage and homage; to you, the yogin, reachable by yoga, whose māyā is yoga, homage.
AI translation rendered from the Sanskrit, not a published edition
KuP 1 24.76
नमस्ते प्राणपालाय घण्टानादप्रियाय च । कपालिने नमस्तुभ्यं ज्योतिषां पतये नमः
namaste prāṇapālāya ghaṇṭānādapriyāya ca / kapāline namastubhyaṃ jyotiṣāṃ pataye namaḥ
Homage to you, protector of breath, and to you who love the sound of the bell; homage to you, the skull-bearer; homage to the lord of the lights (heavenly bodies).
AI translation rendered from the Sanskrit, not a published edition
KuP 1 24.77
नमो नमो नमस्तुभ्यं भूय एव नमो नमः । मह्यं सर्वात्मना कामान् प्रयच्छ परमेश्वर
namo namo namastubhyaṃ bhūya eva namo namaḥ / mahyaṃ sarvātmanā kāmān prayaccha parameśvara
Homage, homage, homage to you; and again homage, homage. Grant me my desires with your whole self, O Supreme Lord.
AI translation rendered from the Sanskrit, not a published edition
KuP 1 24.78
एवं हि भक्त्या देवेशमभिष्टूय स माधवः । पपात पादयोर्विप्रा देवदेव्योः स दण्डवत्
evaṃ hi bhaktyā deveśamabhiṣṭūya sa mādhavaḥ / papāta pādayorviprā devadevyoḥ sa daṇḍavat
Thus, having praised the Lord of gods with devotion, that Mādhava, O brahmins, fell like a staff at the feet of the God of gods and of the Goddess.
AI translation rendered from the Sanskrit, not a published edition
KuP 1 24.79
उत्थाप्य भगवान् सोमः कृष्णं केशिनिषूदनम् । बभाषे मधुरं वाक्यं मेघगम्भीरनिः स्वनः
utthāpya bhagavān somaḥ kṛṣṇaṃ keśiniṣūdanam / babhāṣe madhuraṃ vākyaṃ meghagambhīraniḥ svanaḥ
The Lord Soma (Śiva), raising up Kṛṣṇa, the slayer of Keśin, spoke sweet words, his voice deep as a cloud:
AI translation rendered from the Sanskrit, not a published edition
KuP 1 24.80
किमर्थं पुण्डरीकाक्ष तपस्तप्तं त्वयाव्यय । त्वमेव दाता सर्वेषां कामानां कामिनामिह
kimarthaṃ puṇḍarīkākṣa tapastaptaṃ tvayāvyaya / tvameva dātā sarveṣāṃ kāmānāṃ kāmināmiha
"For what purpose has this austerity been performed by you, lotus-eyed, imperishable one? You yourself are the giver of all desires to those who desire here."
AI translation rendered from the Sanskrit, not a published edition
KuP 1 24.81
त्वं हि सा परमा मूर्तिर्मम नारायणाह्वया । नानवाप्तं त्वया तात विद्यते पुरुषोत्तम
tvaṃ hi sā paramā mūrtirmama nārāyaṇāhvayā / nānavāptaṃ tvayā tāta vidyate puruṣottama
"For you are that supreme form of mine called Nārāyaṇa; there is nothing not attained by you, dear one, O best of men."
AI translation rendered from the Sanskrit, not a published edition
KuP 1 24.82
वेत्थ नारायणानन्तमात्मानं परमेश्वरम् । महादेवं महायोगं स्वेन योगेन केशव
vettha nārāyaṇānantamātmānaṃ parameśvaram / mahādevaṃ mahāyogaṃ svena yogena keśava
"You know, O Nārāyaṇa, the endless Self, the Supreme Lord, the Great God, the great Yoga, by your own yoga, O Keśava."
AI translation rendered from the Sanskrit, not a published edition
KuP 1 24.83
श्रुत्वा तद्वचनं कृष्णः प्रहसन् वै वृषध्वजम् । उवाच वीक्ष्य विश्वेशं देवीं च हिमशैलजाम्
śrutvā tadvacanaṃ kṛṣṇaḥ prahasan vai vṛṣadhvajam / uvāca vīkṣya viśveśaṃ devīṃ ca himaśailajām
Hearing that speech of his, Kṛṣṇa, laughing, looking at the bull-bannered Lord of the universe and at the Goddess born of the snowy mountain, said:
AI translation rendered from the Sanskrit, not a published edition
KuP 1 24.84
ज्ञातं हि भवता सर्वं स्वेन योगेन शङ्कर । इच्छाम्यात्मसमं पुत्रं त्वद्भक्तं देहि शङ्कर
jñātaṃ hi bhavatā sarvaṃ svena yogena śaṅkara / icchāmyātmasamaṃ putraṃ tvadbhaktaṃ dehi śaṅkara
"Indeed all is known to you by your own yoga, O Śaṅkara. I wish for a son equal to myself, devoted to you—grant it, Śaṅkara."
AI translation rendered from the Sanskrit, not a published edition
KuP 1 24.85
तथास्त्वित्याह विश्वात्मा प्रहृष्टमनसा हरः । देवीमालोक्य गिरिजां केशवं परिषस्वजे
tathāstvityāha viśvātmā prahṛṣṭamanasā haraḥ / devīmālokya girijāṃ keśavaṃ pariṣasvaje
"So be it," said Hara, the Self of the universe, with a delighted mind; and looking at the Goddess, the mountain's daughter, he embraced Keśava.
AI translation rendered from the Sanskrit, not a published edition
KuP 1 24.86
ततः सा जगतां माता शङ्करार्धशरीरिणी । व्याजहार हृषीकेशं देवी हिमगिरीन्द्रजा
tataḥ sā jagatāṃ mātā śaṅkarārdhaśarīriṇī / vyājahāra hṛṣīkeśaṃ devī himagirīndrajā
Then she, the mother of the worlds, who is half the body of Śaṅkara, the Goddess born of the lord of snowy mountains, addressed Hṛṣīkeśa:
AI translation rendered from the Sanskrit, not a published edition
KuP 1 24.87
वत्स जाने तवानन्तां निश्चलां सर्वदाच्युत । अनन्यामीश्वरे भक्तिमात्मन्यपि च केशव
vatsa jāne tavānantāṃ niścalāṃ sarvadācyuta / ananyāmīśvare bhaktimātmanyapi ca keśava
"Child, I know your devotion—endless, unwavering, always, O Acyuta, undivided—toward the Lord and toward yourself as well, O Keśava."
AI translation rendered from the Sanskrit, not a published edition
KuP 1 24.88
त्वं हि नारायणः साक्षात् सर्वात्मा पुरुषोत्तमः । प्रार्थितो दैवतैः पूर्वं संजातो दैवकीसुतः
tvaṃ hi nārāyaṇaḥ sākṣāt sarvātmā puruṣottamaḥ / prārthito daivataiḥ pūrvaṃ saṃjāto daivakīsutaḥ
"For you are Nārāyaṇa himself, the Self of all, the best of men; entreated formerly by the gods, you were born as the son of Devakī."
AI translation rendered from the Sanskrit, not a published edition
KuP 1 24.89
पश्य त्वमात्मनात्मानमात्मीयममलं पदम् । नावयोर्विद्यते भेद एवं पश्यन्ति सूरयः
paśya tvamātmanātmānamātmīyamamalaṃ padam / nāvayorvidyate bheda evaṃ paśyanti sūrayaḥ
"See you, by yourself, the Self, your own stainless state; there is no difference between us two—thus the wise see."
AI translation rendered from the Sanskrit, not a published edition
KuP 1 24.90
इमानिमान् वरानिष्टान् मत्तो गृह्णीष्व केशव । सर्वज्ञत्वं तथैश्वर्यं ज्ञानं तत् पारमेश्वरम् । ईश्वरे निश्चलां भक्तिमात्मन्यपि परं बलम्
imānimān varāniṣṭān matto gṛhṇīṣva keśava / sarvajñatvaṃ tathaiśvaryaṃ jñānaṃ tat pārameśvaram / īśvare niścalāṃ bhaktimātmanyapi paraṃ balam
"Receive from me these very boons that you wish, O Keśava: omniscience, and sovereignty, and that knowledge which belongs to the Supreme Lord, unwavering devotion to the Lord, and supreme strength in yourself as well."
AI translation rendered from the Sanskrit, not a published edition
KuP 1 24.91
एवमुक्तस्तया कृष्णो महादेव्या जनार्दनः । आशिषं शिरसाहृङ्णाद् देवो ऽप्याह महेश्वरः
evamuktastayā kṛṣṇo mahādevyā janārdanaḥ / āśiṣaṃ śirasāhṛṅṇād devo 'pyāha maheśvaraḥ
Thus addressed by her, the Great Goddess, Kṛṣṇa Janārdana accepted the blessing with (bowed) head; and the god Maheśvara also spoke.
AI translation rendered from the Sanskrit, not a published edition
KuP 1 24.92
प्रगृह्य कृष्णं भगवानथेशः करेण देव्या सह देवदेवः । संपूज्यमानो मुनिभिः सुरेशै- र् जगाम कैलासगिरिं गिरीशः
pragṛhya kṛṣṇaṃ bhagavānatheśaḥ kareṇa devyā saha devadevaḥ / saṃpūjyamāno munibhiḥ sureśai- r jagāma kailāsagiriṃ girīśaḥ
Then the Lord, the ruler, the God of gods, the lord of mountains, taking Kṛṣṇa by the hand, together with the Goddess, being worshipped by sages and by the lords of the gods, went to Mount Kailāsa.
AI translation rendered from the Sanskrit, not a published edition