Kurma Purana — Purva Vibhaga — Chapter 21
KuP 1 21.1
रोमहर्षण उवाच ऐलः पुरूरवाश्चाथ राजा राज्यमपालयत् । तस्य पुत्रा बभूवुर्हि षडिन्द्रसमतेजसः
romaharṣaṇa uvāca ailaḥ purūravāścātha rājā rājyamapālayat / tasya putrā babhūvurhi ṣaḍindrasamatejasaḥ
Romaharṣaṇa said: Then king Purūravas, son of Iḷā, ruled the kingdom. He had six sons, equal in splendour to Indra.
AI translation rendered from the Sanskrit, not a published edition
KuP 1 21.2
आयुर्मायुरमावायुर्विश्वायुश्चैव वीर्यवान् । शतायुश्च श्रुतायुश्च दिव्याश्चैवोर्वशीसुताः
āyurmāyuramāvāyurviśvāyuścaiva vīryavān / śatāyuśca śrutāyuśca divyāścaivorvaśīsutāḥ
Āyu, Māyu, Amāvāyu, and the valiant Viśvāyu, and Śatāyu and Śrutāyu — divine were these sons of Urvaśī.
AI translation rendered from the Sanskrit, not a published edition
KuP 1 21.3
आयुषस्तनया वीराः पञ्चैवासन् महौजसः । स्वर्भानुतनयायां वै प्रभायामिति नः श्रुतम्
āyuṣastanayā vīrāḥ pañcaivāsan mahaujasaḥ / svarbhānutanayāyāṃ vai prabhāyāmiti naḥ śrutam
Āyu's sons were five heroes of great vigour, (born) of Prabhā, the daughter of Svarbhānu — so we have heard.
AI translation rendered from the Sanskrit, not a published edition
KuP 1 21.4
नहुषः प्रथमस्तेषां धर्मज्ञो लोकविश्रुतः । नहुषस्य तु दायादाः षडिन्द्रोपमतेजसः
nahuṣaḥ prathamasteṣāṃ dharmajño lokaviśrutaḥ / nahuṣasya tu dāyādāḥ ṣaḍindropamatejasaḥ
The first of them was Nahuṣa, knower of dharma, renowned in the world; and Nahuṣa had six heirs, of splendour like Indra's,
AI translation rendered from the Sanskrit, not a published edition
KuP 1 21.5
उत्पन्नाः पितृकन्यायां विरजायां महाबलाः । यतिर्ययातिः संयातिरायातिः पञ्चको ऽश्वकः
utpannāḥ pitṛkanyāyāṃ virajāyāṃ mahābalāḥ / yatiryayātiḥ saṃyātirāyātiḥ pañcako 'śvakaḥ
born of Virajā, a daughter of the Pitṛs, of great strength: Yati, Yayāti, Saṃyāti, Āyāti, the fifth, and Aśvaka.
AI translation rendered from the Sanskrit, not a published edition
KuP 1 21.6
तेषां ययातिः पञ्चानां महाबलपराक्रमः । देवयानीमुखनसः सुतां भार्यामवाप सः । शर्मिष्ठामासुरीं चैव तनयां वृषपर्वणः
teṣāṃ yayātiḥ pañcānāṃ mahābalaparākramaḥ / devayānīmukhanasaḥ sutāṃ bhāryāmavāpa saḥ / śarmiṣṭhāmāsurīṃ caiva tanayāṃ vṛṣaparvaṇaḥ
Of these five, Yayāti, of great strength and prowess, took as wife Devayānī, the daughter of Uśanas (Śukra), and also Śarmiṣṭhā, the Asura woman, daughter of Vṛṣaparvan.
AI translation rendered from the Sanskrit, not a published edition
KuP 1 21.7
यदुं च तुर्वसुं चैव देवयानी व्यजायत । द्रुह्युं चानुं च पूरुं च शर्मिष्ठा चाप्यजीजनत्
yaduṃ ca turvasuṃ caiva devayānī vyajāyata / druhyuṃ cānuṃ ca pūruṃ ca śarmiṣṭhā cāpyajījanat
Devayānī gave birth to Yadu and Turvasu, and Śarmiṣṭhā bore Druhyu, Anu and Pūru.
AI translation rendered from the Sanskrit, not a published edition
KuP 1 21.8
सो ऽभ्यषिञ्चदतिक्रम्य ज्येष्ठं यदुमनिन्दितम् । पुरुमेव कनीयासं पितुर्वचनपालकम्
so 'bhyaṣiñcadatikramya jyeṣṭhaṃ yadumaninditam / purumeva kanīyāsaṃ piturvacanapālakam
Passing over the eldest, the blameless Yadu, he consecrated Puru, the youngest, who kept his father's word.
AI translation rendered from the Sanskrit, not a published edition
KuP 1 21.9
दिशि दक्षिणपूर्वस्यां तुर्वसुं पुत्रमादिशत् । दक्षिणापरयो राजा यदुं ज्येष्ठं न्ययोजयत् । प्रतीच्यामुत्तारायां च द्रुह्युं चानुमकल्पयत्
diśi dakṣiṇapūrvasyāṃ turvasuṃ putramādiśat / dakṣiṇāparayo rājā yaduṃ jyeṣṭhaṃ nyayojayat / pratīcyāmuttārāyāṃ ca druhyuṃ cānumakalpayat
In the south-eastern quarter he appointed his son Turvasu; the king installed the eldest, Yadu, in the south-west; and he assigned Druhyu and Anu to the west and the north.
AI translation rendered from the Sanskrit, not a published edition
KuP 1 21.10
तैरियं पृथिवी सर्वा धर्मतः परिपालिता । राजापि दारसहितो नवं प्राप महायशाः
tairiyaṃ pṛthivī sarvā dharmataḥ paripālitā / rājāpi dārasahito navaṃ prāpa mahāyaśāḥ
By them this whole earth was protected according to dharma; and the king of great fame, together with his wife, went to the forest.
AI translation rendered from the Sanskrit, not a published edition — the model flagged this verse as uncertain
KuP 1 21.11
यदोरप्यभवन् पुत्राः पञ्च देवसुतोपमाः । सहस्त्रजित् तथाज्येष्ठः क्रोषटुर्नालो ऽजितोरघुः
yadorapyabhavan putrāḥ pañca devasutopamāḥ / sahastrajit tathājyeṣṭhaḥ kroṣaṭurnālo 'jitoraghuḥ
Yadu too had five sons, like the sons of the gods: Sahasrajit the eldest, and Kroṣṭu, Nāla, Ajita and Raghu.
AI translation rendered from the Sanskrit, not a published edition
KuP 1 21.12
सहस्त्रजित्सुतस्तद्वच्छतजिन्नाम पार्थिवः । सुताः शतजितो ऽप्यासंस्त्रयः परमधार्मिकाः
sahastrajitsutastadvacchatajinnāma pārthivaḥ / sutāḥ śatajito 'pyāsaṃstrayaḥ paramadhārmikāḥ
Sahasrajit's son was likewise a king named Śatajit; and Śatajit had three sons, supremely righteous:
AI translation rendered from the Sanskrit, not a published edition
KuP 1 21.13
हैहयश्च हयश्चैव राजा वेणुहयः परः । हैहयस्याभवत् पुत्रो धर्म इत्यभिविश्रुतः
haihayaśca hayaścaiva rājā veṇuhayaḥ paraḥ / haihayasyābhavat putro dharma ityabhiviśrutaḥ
Haihaya and Haya, and a third, king Veṇuhaya. Haihaya had a son widely known as Dharma.
AI translation rendered from the Sanskrit, not a published edition
KuP 1 21.14
तस्य पुत्रो ऽभवद् विप्रा धर्मनेत्रः प्रतापवान् । धर्मनेत्रस्य कीर्तिस्तु संजितस्तत्सुतो ऽभवत्
tasya putro 'bhavad viprā dharmanetraḥ pratāpavān / dharmanetrasya kīrtistu saṃjitastatsuto 'bhavat
His son, O brahmins, was the mighty Dharmanetra; Dharmanetra's (son) was Kīrti, and his son was Saṃjita.
AI translation rendered from the Sanskrit, not a published edition
KuP 1 21.15
महिष्मान् संजितस्याभूद् भद्रश्रेण्यस्तदन्वयः । भद्रश्रेण्यस्य दायादो दुर्दमो नाम पार्थिवः
mahiṣmān saṃjitasyābhūd bhadraśreṇyastadanvayaḥ / bhadraśreṇyasya dāyādo durdamo nāma pārthivaḥ
Saṃjita's (son) was Mahiṣmān, and in his line came Bhadraśreṇya; Bhadraśreṇya's heir was a king named Durdama.
AI translation rendered from the Sanskrit, not a published edition
KuP 1 21.16
दुर्दमस्य सुतो धीमान् धनको नाम वीर्यवान् । धनकस्य तु दायादाश्चत्वारो लोकसम्मताः
durdamasya suto dhīmān dhanako nāma vīryavān / dhanakasya tu dāyādāścatvāro lokasammatāḥ
Durdama's son was the wise and valiant one named Dhanaka; and Dhanaka had four heirs, honoured by the world:
AI translation rendered from the Sanskrit, not a published edition
KuP 1 21.17
कृतवीर्यः कृताग्निश्च कृतवर्मा तथैव च । कृतौजाश्च चतुर्थो ऽभूत् कार्तवीर्योर्ऽजुनो ऽभवत्
kṛtavīryaḥ kṛtāgniśca kṛtavarmā tathaiva ca / kṛtaujāśca caturtho 'bhūt kārtavīryor'juno 'bhavat
Kṛtavīrya, Kṛtāgni, and likewise Kṛtavarman, and Kṛtaujas was the fourth; and of Kṛtavīrya was born Arjuna,
AI translation rendered from the Sanskrit, not a published edition
KuP 1 21.18
सहस्त्रबाहुर्द्युतिमान् धनुर्वेदविदां वरः । तस्य रामो ऽभवन्मृत्युर्जामदग्न्यो जनार्दनः
sahastrabāhurdyutimān dhanurvedavidāṃ varaḥ / tasya rāmo 'bhavanmṛtyurjāmadagnyo janārdanaḥ
thousand-armed, radiant, best among those who knew the science of the bow; his death came about through Rāma Jāmadagnya, (who was) Janārdana.
AI translation rendered from the Sanskrit, not a published edition
KuP 1 21.19
तस्य पुत्रशतान्यासन् पञ्च तत्र महारथाः । कृतास्त्रा बलिनः शूरा धर्मात्मानो नमस्विनः
tasya putraśatānyāsan pañca tatra mahārathāḥ / kṛtāstrā balinaḥ śūrā dharmātmāno namasvinaḥ
He had five hundred sons, great chariot-warriors there, trained in weapons, strong, heroic, righteous in soul, honoured.
AI translation rendered from the Sanskrit, not a published edition
KuP 1 21.20
शूरश्च शूरसेनश्च धृष्णः कृष्णस्तथैव च । जयध्वजश्च बलवान् नारायणपरो नृपः
śūraśca śūrasenaśca dhṛṣṇaḥ kṛṣṇastathaiva ca / jayadhvajaśca balavān nārāyaṇaparo nṛpaḥ
Śūra and Śūrasena, Dhṛṣṇa and likewise Kṛṣṇa, and the powerful king Jayadhvaja, devoted to Nārāyaṇa.
AI translation rendered from the Sanskrit, not a published edition
KuP 1 21.21
शूरसेनादयः सर्वे चत्वारः प्रथितौजसः । रुद्रभक्ता महात्मानः पूजयन्ति स्म शङ्करम्
śūrasenādayaḥ sarve catvāraḥ prathitaujasaḥ / rudrabhaktā mahātmānaḥ pūjayanti sma śaṅkaram
All four, Śūrasena and the rest, of famed vigour, were devotees of Rudra, great souls, and used to worship Śaṅkara.
AI translation rendered from the Sanskrit, not a published edition
KuP 1 21.22
जयध्वजस्तु मतिमान् देवं नारायणं हरिम् । जगाम शरणं विष्णुं दैवतं धर्मतत्परः
jayadhvajastu matimān devaṃ nārāyaṇaṃ harim / jagāma śaraṇaṃ viṣṇuṃ daivataṃ dharmatatparaḥ
But the wise Jayadhvaja, intent on dharma, went for refuge to the god Nārāyaṇa, Hari, Viṣṇu, as his deity.
AI translation rendered from the Sanskrit, not a published edition
KuP 1 21.23
तमूचुरितरे पुत्रा नायं धर्मस्तवानघ । ईश्वराराधनरतः पितास्माकमभूदिति
tamūcuritare putrā nāyaṃ dharmastavānagha / īśvarārādhanarataḥ pitāsmākamabhūditi
The other sons said to him: "This is not your dharma, O sinless one; our father was devoted to the worship of Īśvara."
AI translation rendered from the Sanskrit, not a published edition
KuP 1 21.24
तानब्रवीन्महातेजा एष धर्मः परो मम । विष्णोरंशेन संभूता राजानो यन्महीतले
tānabravīnmahātejā eṣa dharmaḥ paro mama / viṣṇoraṃśena saṃbhūtā rājāno yanmahītale
The greatly splendid one said to them: "This is my highest duty: since kings on the surface of the earth have come into being from a portion of Viṣṇu,
AI translation rendered from the Sanskrit, not a published edition
KuP 1 21.25
राज्यं पालयतावश्यं भगवान् पुरुषोत्तमः । पूजनीयो यतो विष्णुः पालको जगतो हरिः
rājyaṃ pālayatāvaśyaṃ bhagavān puruṣottamaḥ / pūjanīyo yato viṣṇuḥ pālako jagato hariḥ
for those who protect the kingdom the Lord, the Supreme Person, must necessarily (be worshipped); for Viṣṇu, Hari, is to be honoured, since he is the protector of the world.
AI translation rendered from the Sanskrit, not a published edition
KuP 1 21.26
सात्त्विकी राजसी चैव तामसी च स्वयंभुवः । तिस्त्रस्तु मूर्तयः प्रोक्ताः सृष्टिस्थित्यन्तहेतवः
sāttvikī rājasī caiva tāmasī ca svayaṃbhuvaḥ / tistrastu mūrtayaḥ proktāḥ sṛṣṭisthityantahetavaḥ
Three forms of the Self-existent are declared: the sāttvika, the rājasa, and the tāmasa, which are the causes of creation, maintenance and end.
AI translation rendered from the Sanskrit, not a published edition
KuP 1 21.27
सत्त्वात्मा भगवान् विष्णुः संस्थापयति सर्वदा । सृजेद् ब्रह्मा रजोमूर्तिः संहरेत् तामसो हरः
sattvātmā bhagavān viṣṇuḥ saṃsthāpayati sarvadā / sṛjed brahmā rajomūrtiḥ saṃharet tāmaso haraḥ
The Lord Viṣṇu, whose nature is sattva, always maintains; Brahmā, whose form is rajas, creates; the tāmasa Hara destroys.
AI translation rendered from the Sanskrit, not a published edition
KuP 1 21.28
तस्मान्महीपतीनां तु राज्यं पालयतामयम् । आराध्यो भगवान् विष्णुः केशवः केशिमर्दनः
tasmānmahīpatīnāṃ tu rājyaṃ pālayatāmayam / ārādhyo bhagavān viṣṇuḥ keśavaḥ keśimardanaḥ
Therefore, for kings who protect the kingdom, this Lord Viṣṇu, Keśava, the crusher of Keśin, is to be propitiated."
AI translation rendered from the Sanskrit, not a published edition
KuP 1 21.29
निशम्य तस्य वचनं भ्रातरो ऽन्ये मनस्विनः । प्रोचुः संहारकृद् रुद्रः पूजनीयो मुमुक्षुभिः
niśamya tasya vacanaṃ bhrātaro 'nye manasvinaḥ / procuḥ saṃhārakṛd rudraḥ pūjanīyo mumukṣubhiḥ
Having heard his speech, the other spirited brothers said: "Rudra, the doer of destruction, is to be worshipped by those who seek release.
AI translation rendered from the Sanskrit, not a published edition
KuP 1 21.30
अयं हि भगवान् रुद्रः सर्वं जगदिदं शिवः । तमोगुणं समाश्रित्य कल्पान्ते संहरेत् प्रभुः
ayaṃ hi bhagavān rudraḥ sarvaṃ jagadidaṃ śivaḥ / tamoguṇaṃ samāśritya kalpānte saṃharet prabhuḥ
For this Lord Rudra, Śiva, the mighty one, resorting to the quality of tamas, destroys this whole world at the end of the aeon.
AI translation rendered from the Sanskrit, not a published edition
KuP 1 21.31
या सा घोरतरा मूर्तिरस्य तेजामयी परा । संहरेद् विद्यया सर्वं संसारं शूलभृत् तया
yā sā ghoratarā mūrtirasya tejāmayī parā / saṃhared vidyayā sarvaṃ saṃsāraṃ śūlabhṛt tayā
That most terrible form of his, supreme and made of fiery energy—by it, the bearer of the trident destroys, through knowledge, the whole round of existence.
AI translation rendered from the Sanskrit, not a published edition — the model flagged this verse as uncertain
KuP 1 21.32
ततस्तानब्रवीद् राजा विचिन्त्यासौ जयध्वजः । सत्त्वेन मुच्यते जन्तुः सत्त्वात्मा भगवान् हरिः
tatastānabravīd rājā vicintyāsau jayadhvajaḥ / sattvena mucyate jantuḥ sattvātmā bhagavān hariḥ
Then that king Jayadhvaja, having reflected, said to them: "A creature is freed by sattva, and the Lord Hari is one whose self is sattva."
AI translation rendered from the Sanskrit, not a published edition
KuP 1 21.33
तमूचुर्भ्रातरो रुद्रः सेवितः सात्त्विकैर्जनैः । मोचयेत् सत्त्वसंयुक्तः पूजयेशं ततो हरम्
tamūcurbhrātaro rudraḥ sevitaḥ sāttvikairjanaiḥ / mocayet sattvasaṃyuktaḥ pūjayeśaṃ tato haram
The brothers said to him: "Rudra, when served by people of sattva, being joined with sattva, sets (them) free; therefore worship the lord Hara."
AI translation rendered from the Sanskrit, not a published edition
KuP 1 21.34
अथाब्रवीद् राजपुत्रः प्रहसन् वै जयध्वजः । स्वधर्मो मुक्तये पन्था नान्यो मुनिभिरष्यते
athābravīd rājaputraḥ prahasan vai jayadhvajaḥ / svadharmo muktaye panthā nānyo munibhiraṣyate
Then the prince Jayadhvaja said, laughing: "One's own duty is the path to release; no other is sought by the sages.
AI translation rendered from the Sanskrit, not a published edition
KuP 1 21.35
तथा च वैष्णवी शक्तिर्नृपाणां देवता सदा । आराधनं परो धर्मो पुरारेरमितौजसः
tathā ca vaiṣṇavī śaktirnṛpāṇāṃ devatā sadā / ārādhanaṃ paro dharmo purāreramitaujasaḥ
And so the power of Viṣṇu is always the deity of kings; the worship of the foe of the cities, of measureless might, is the highest duty."
AI translation rendered from the Sanskrit, not a published edition — the model flagged this verse as uncertain
KuP 1 21.36
तमब्रवीद् राजपुत्रः कृष्णो मतिमतां वरः । यदर्जुनो ऽस्मज्जनकः स्वधर्मं कृतवानिति
tamabravīd rājaputraḥ kṛṣṇo matimatāṃ varaḥ / yadarjuno 'smajjanakaḥ svadharmaṃ kṛtavāniti
The prince Kṛṣṇa, best of the wise, said to him: "Because Arjuna, our father, practised his own duty."
AI translation rendered from the Sanskrit, not a published edition
KuP 1 21.37
एवं विवादे वितते शूरसेनो ऽब्रवीद् वचः । प्रमाणमृषयो ह्यत्र ब्रूयुस्ते यत् तथैव तत्
evaṃ vivāde vitate śūraseno 'bravīd vacaḥ / pramāṇamṛṣayo hyatra brūyuste yat tathaiva tat
When the dispute had spread out in this way, Śūrasena spoke these words: "The sages are the authority in this matter; whatever they say, just so it is."
AI translation rendered from the Sanskrit, not a published edition
KuP 1 21.38
ततस्ते राजशार्दूलाः पप्रच्छुर्ब्रह्मवादिनः । गत्वा सर्वे सुसंरब्धाः सप्तर्षोणां तदाश्रमम्
tataste rājaśārdūlāḥ papracchurbrahmavādinaḥ / gatvā sarve susaṃrabdhāḥ saptarṣoṇāṃ tadāśramam
Then those tigers among kings, all greatly excited, went to the hermitage of the seven seers and questioned those expounders of brahman.
AI translation rendered from the Sanskrit, not a published edition
KuP 1 21.39
तानब्रुवंस्ते मुनयो वसिष्ठाद्या यथार्थतः । या यस्याभिमता पुंसः सा हि तस्यैव देवता
tānabruvaṃste munayo vasiṣṭhādyā yathārthataḥ / yā yasyābhimatā puṃsaḥ sā hi tasyaiva devatā
Those sages, Vasiṣṭha and the rest, told them as it truly is: "Whichever (deity) is approved by a man, that indeed is his deity.
AI translation rendered from the Sanskrit, not a published edition
KuP 1 21.40
किन्तु कार्यविशेषेण पूजिताश्चेष्टदा नृणाम् । विशेषात् सर्वदा नायं नियमो ह्यन्यथा नृपाः
kintu kāryaviśeṣeṇa pūjitāśceṣṭadā nṛṇām / viśeṣāt sarvadā nāyaṃ niyamo hyanyathā nṛpāḥ
But, according to the particular task, (the deities) when worshipped grant men what they wish; there is no rule, O kings, that this is so always in a specific way, or otherwise.
AI translation rendered from the Sanskrit, not a published edition — the model flagged this verse as uncertain
KuP 1 21.41
नृपाणां दैवतं विष्णुस्तथैव च पुरन्दरः । विप्राणामग्निरादित्यो ब्रह्मा चैव पिनाकधृक्
nṛpāṇāṃ daivataṃ viṣṇustathaiva ca purandaraḥ / viprāṇāmagnirādityo brahmā caiva pinākadhṛk
The deity of kings is Viṣṇu and likewise Purandara; of brahmins, Agni, Āditya, Brahmā, and the bearer of the Pināka.
AI translation rendered from the Sanskrit, not a published edition
KuP 1 21.42
देवानां दैवतं विष्णुर्दानवानां त्रिशूलभृत् । गन्धर्वाणां तथा सोमो यक्षाणामपि कथ्यते
devānāṃ daivataṃ viṣṇurdānavānāṃ triśūlabhṛt / gandharvāṇāṃ tathā somo yakṣāṇāmapi kathyate
The deity of the gods is Viṣṇu; of the dānavas, the bearer of the trident; of the gandharvas, Soma—and he is said (to be the deity) of the yakṣas too.
AI translation rendered from the Sanskrit, not a published edition
KuP 1 21.43
विद्याधराणां वाग्देवी साध्यानां भगवान्रविः । रक्षसां शङ्करो रुद्रः किंनराणां च पार्वती
vidyādharāṇāṃ vāgdevī sādhyānāṃ bhagavānraviḥ / rakṣasāṃ śaṅkaro rudraḥ kiṃnarāṇāṃ ca pārvatī
Of the vidyādharas, the goddess of speech; of the sādhyas, the lord Sun; of the rākṣasas, Śaṅkara Rudra; and of the kiṃnaras, Pārvatī.
AI translation rendered from the Sanskrit, not a published edition
KuP 1 21.44
ऋषीणां दैवतं ब्रह्मा महादेवश्च शूलभृत् । मनूनां स्यादुमा देवी तथा विष्णुः सभास्करः
ṛṣīṇāṃ daivataṃ brahmā mahādevaśca śūlabhṛt / manūnāṃ syādumā devī tathā viṣṇuḥ sabhāskaraḥ
Of the seers the deity is Brahmā, and Mahādeva the trident-bearer; of the Manus it is the goddess Umā, and likewise Viṣṇu together with the sun.
AI translation rendered from the Sanskrit, not a published edition
KuP 1 21.45
गृहस्थानां च सर्वे स्युर्ब्रह्मा वै ब्रह्मचारिणाम् । वैखानसानामर्कः स्याद् यतीनां च महेश्वरः
gṛhasthānāṃ ca sarve syurbrahmā vai brahmacāriṇām / vaikhānasānāmarkaḥ syād yatīnāṃ ca maheśvaraḥ
Of householders all (the gods) are (the deities); Brahmā indeed of the celibate students; of the forest-dwelling (vaikhānasa) ascetics the sun would be, and of the renouncers Maheśvara.
AI translation rendered from the Sanskrit, not a published edition
KuP 1 21.46
भूतानां भगवान् रुद्रः कूष्माण्डानां विनायकः । सर्वेषां भगवान् ब्रह्मा देवदेवः प्रजापतिः
bhūtānāṃ bhagavān rudraḥ kūṣmāṇḍānāṃ vināyakaḥ / sarveṣāṃ bhagavān brahmā devadevaḥ prajāpatiḥ
Of the bhūtas the lord Rudra, of the kūṣmāṇḍas Vināyaka; of all, the lord Brahmā, the god of gods, the lord of creatures.
AI translation rendered from the Sanskrit, not a published edition
KuP 1 21.47
इत्येवं भगवान् ब्रह्मा स्वयं देवो ऽभ्यभाषत । तस्माज्जयध्वजो नूनं विष्ण्वाराधनमर्हति
ityevaṃ bhagavān brahmā svayaṃ devo 'bhyabhāṣata / tasmājjayadhvajo nūnaṃ viṣṇvārādhanamarhati
Thus indeed did the lord Brahmā, the god himself, speak; therefore Jayadhvaja is surely fit for the worship of Viṣṇu.
AI translation rendered from the Sanskrit, not a published edition
KuP 1 21.48
तान् प्रणम्याथ ते जग्मुः पुरीं परमशोभनाम् । पालयाञ्चक्रिरे पृथ्वीं जित्वा सर्वरिपून् रणे
tān praṇamyātha te jagmuḥ purīṃ paramaśobhanām / pālayāñcakrire pṛthvīṃ jitvā sarvaripūn raṇe
Then, having bowed to them, they went to the exceedingly beautiful city, and, having conquered all their foes in battle, they ruled the earth.
AI translation rendered from the Sanskrit, not a published edition
KuP 1 21.49
ततः कदाचिद् विप्रेन्द्रा विदेहो नाम दानवः । भीषणः सर्वसत्त्वानां पुरीं तेषां समाययौ
tataḥ kadācid viprendrā videho nāma dānavaḥ / bhīṣaṇaḥ sarvasattvānāṃ purīṃ teṣāṃ samāyayau
Then at some time, O best of brahmins, a dānava named Videha, terrifying to all creatures, came to their city.
AI translation rendered from the Sanskrit, not a published edition
KuP 1 21.50
दंष्ट्राकरालो दीप्तात्मा युगान्तदहनोपमः । शूलमादाय सूर्याभं नादयन् वै दिशो दश
daṃṣṭrākarālo dīptātmā yugāntadahanopamaḥ / śūlamādāya sūryābhaṃ nādayan vai diśo daśa
Gaping with fangs, blazing of body, like the fire at the end of an age, taking up a sun-bright trident, making the ten directions resound,
AI translation rendered from the Sanskrit, not a published edition
KuP 1 21.51
तन्नादश्रवणान्मर्त्यास्तत्र ये निवसन्ति ते । तत्यजुर्जोवितं त्वन्ये दुद्रुवुर्भयविह्वलाः
tannādaśravaṇānmartyāstatra ye nivasanti te / tatyajurjovitaṃ tvanye dudruvurbhayavihvalāḥ
From hearing that roar, those mortals who dwelt there gave up their lives, while others fled, overwhelmed with fear.
AI translation rendered from the Sanskrit, not a published edition
KuP 1 21.52
ततः सर्वे सुसंयत्ताः कार्तवीर्यात्मजास्तदा । युयुधुर्दानवं शक्तिगिरिकूटासिमुद्गरैः
tataḥ sarve susaṃyattāḥ kārtavīryātmajāstadā / yuyudhurdānavaṃ śaktigirikūṭāsimudgaraiḥ
Then all the sons of Kārtavīrya, well girded for battle, fought the dānava with spears, mountain-peaks, swords and clubs.
AI translation rendered from the Sanskrit, not a published edition
KuP 1 21.53
तान् सर्वान् दानवो विप्राः शूलेन प्रहसन्निव । वारयामास घोरात्मा कल्पान्ते भैरवो यथा
tān sarvān dānavo viprāḥ śūlena prahasanniva / vārayāmāsa ghorātmā kalpānte bhairavo yathā
All of them, O brahmins, the dānava of dreadful nature, as if laughing, warded off with his trident, like Bhairava at the end of a kalpa.
AI translation rendered from the Sanskrit, not a published edition
KuP 1 21.54
शूरसेनादयः पञ्च राजानस्तु महाबलाः । युद्धाय कृतसंरम्भा विदेहं त्वभिदुद्रुवुः
śūrasenādayaḥ pañca rājānastu mahābalāḥ / yuddhāya kṛtasaṃrambhā videhaṃ tvabhidudruvuḥ
But the five kings, Śūrasena and the rest, of great strength, roused to fury for battle, rushed upon Videha.
AI translation rendered from the Sanskrit, not a published edition
KuP 1 21.55
शूरो ऽस्त्रं प्राहिणोद् रौद्रं शूरसेनस्तु वारुणम् । प्राजापत्यं तथा कृष्णो वायव्यं धृष्ण एव च
śūro 'straṃ prāhiṇod raudraṃ śūrasenastu vāruṇam / prājāpatyaṃ tathā kṛṣṇo vāyavyaṃ dhṛṣṇa eva ca
Śūra discharged the Raudra weapon, and Śūrasena the Vāruṇa; likewise Kṛṣṇa the Prājāpatya, and Dhṛṣṇa the Vāyavya.
AI translation rendered from the Sanskrit, not a published edition
KuP 1 21.56
जयध्वजश्च कौबेरमैन्द्रमाग्नेयमेव च । भञ्जयामास शूलेन तान्यस्त्राणि स दानवः
jayadhvajaśca kauberamaindramāgneyameva ca / bhañjayāmāsa śūlena tānyastrāṇi sa dānavaḥ
And Jayadhvaja (discharged) the Kaubera, the Aindra and the Āgneya; but that dānava shattered those weapons with his trident.
AI translation rendered from the Sanskrit, not a published edition
KuP 1 21.57
ततः कृष्णो महावीर्यो गदामादाय भीषणाम् । स्पृष्ट्वा मन्त्रेण तरसा चिक्षेप न ननाद च
tataḥ kṛṣṇo mahāvīryo gadāmādāya bhīṣaṇām / spṛṣṭvā mantreṇa tarasā cikṣepa na nanāda ca
Then Kṛṣṇa of great might, taking up a fearsome mace and touching it with a mantra, hurled it swiftly and roared.
AI translation rendered from the Sanskrit, not a published edition — the model flagged this verse as uncertain
KuP 1 21.58
संप्राप्य सा गादास्योरो विदेहस्य शिलोपमम् । न दानवं चालयितुं शशाकान्तकसंनिभम्
saṃprāpya sā gādāsyoro videhasya śilopamam / na dānavaṃ cālayituṃ śaśākāntakasaṃnibham
Reaching the rock-like chest of Videha, that mace was unable to make the dānava, who was like Death itself, stir.
AI translation rendered from the Sanskrit, not a published edition
KuP 1 21.59
दुद्रुवुस्ते भयग्रस्ता दृष्ट्वा तस्यातिपौरुषम् । जयध्वजस्तु मतिमान् सस्मार जगतः पतिम्
dudruvuste bhayagrastā dṛṣṭvā tasyātipauruṣam / jayadhvajastu matimān sasmāra jagataḥ patim
Seized by fear at seeing his surpassing prowess, they fled; but the wise Jayadhvaja called to mind the lord of the world,
AI translation rendered from the Sanskrit, not a published edition
KuP 1 21.60
विष्णुं ग्रसिष्णुं लोकादिमप्रमेयमनामयम् । त्रातारं पुरुषं पूर्वं श्रीपतिं पीतवाससम्
viṣṇuṃ grasiṣṇuṃ lokādimaprameyamanāmayam / trātāraṃ puruṣaṃ pūrvaṃ śrīpatiṃ pītavāsasam
Viṣṇu the devourer, the beginning of the worlds, immeasurable, free from ill, the protector, the primeval Person, the lord of Śrī, clad in yellow.
AI translation rendered from the Sanskrit, not a published edition
KuP 1 21.61
ततः प्रादुरभूच्चक्रं सूर्यायुतसमप्रभम् । आदेशाद् वासुदेवस्य भक्तानुग्रहकारणात्
tataḥ prādurabhūccakraṃ sūryāyutasamaprabham / ādeśād vāsudevasya bhaktānugrahakāraṇāt
Then a discus appeared, with brilliance equal to ten thousand suns, by the command of Vāsudeva, for the sake of showing favour to (his) devotee.
AI translation rendered from the Sanskrit, not a published edition
KuP 1 21.62
जग्राह जगतां योनिं स्मृत्वा नारायणं नृपः । प्राहिणोद् वै विदेहाय दानवेभ्यो यथा हरिः
jagrāha jagatāṃ yoniṃ smṛtvā nārāyaṇaṃ nṛpaḥ / prāhiṇod vai videhāya dānavebhyo yathā hariḥ
Remembering Nārāyaṇa, the womb of the worlds, the king took it up and hurled it at Videha, as Hari does at the dānavas.
AI translation rendered from the Sanskrit, not a published edition
KuP 1 21.63
संप्राप्य तस्य घोरस्य स्कन्धदेशं सुदर्शनम् । पृथिव्यां पातयामास शिरो ऽद्रिशिखराकृति
saṃprāpya tasya ghorasya skandhadeśaṃ sudarśanam / pṛthivyāṃ pātayāmāsa śiro 'driśikharākṛti
Reaching the shoulder-region of that dreadful one, the Sudarśana felled to the earth his head, shaped like a mountain peak.
AI translation rendered from the Sanskrit, not a published edition
KuP 1 21.64
तस्मिन् हते देवरिपौ शीराद्या भ्रातरो नृपाः । समाययुः पुरीं रम्यां भ्रातरं चाप्यपूजयन्
tasmin hate devaripau śīrādyā bhrātaro nṛpāḥ / samāyayuḥ purīṃ ramyāṃ bhrātaraṃ cāpyapūjayan
When that enemy of the gods had been slain, the kings Śūra and the rest, (his) brothers, came to the lovely city, and they honoured their brother.
AI translation rendered from the Sanskrit, not a published edition
KuP 1 21.65
श्रुत्वाजगाम भगवान् जयध्वजपराक्रमम् । कार्तवीर्यसुतं द्रष्टुं विश्वामित्रो महामुनिः
śrutvājagāma bhagavān jayadhvajaparākramam / kārtavīryasutaṃ draṣṭuṃ viśvāmitro mahāmuniḥ
Having heard of Jayadhvaja's prowess, the venerable Viśvāmitra, the great sage, came to see the son of Kārtavīrya.
AI translation rendered from the Sanskrit, not a published edition
KuP 1 21.66
तमागतमथो दृष्ट्वा राजा संभ्रान्तमानसः । समावेश्यासने रम्ये पूजयामास भावतः
tamāgatamatho dṛṣṭvā rājā saṃbhrāntamānasaḥ / samāveśyāsane ramye pūjayāmāsa bhāvataḥ
Then, seeing him arrived, the king, with an excited mind, seated him on a lovely seat and honoured him with feeling.
AI translation rendered from the Sanskrit, not a published edition
KuP 1 21.67
उवाच भगवान् घोरः प्रसादाद् भवतो ऽसुरः । निपातितो मया संख्ये विदेहो दानवेश्वरः
uvāca bhagavān ghoraḥ prasādād bhavato 'suraḥ / nipātito mayā saṃkhye videho dānaveśvaraḥ
He said: "Venerable one, by your grace the dreadful demon Videha, lord of the Dānavas, was struck down by me in battle.
AI translation rendered from the Sanskrit, not a published edition
KuP 1 21.68
त्वद्वाक्याच्छिन्नसंदेहो विष्णुं सत्यपराक्रमम् । प्रपन्नः शरणं तेन प्रसादो मे कृतः शुभः
tvadvākyācchinnasaṃdeho viṣṇuṃ satyaparākramam / prapannaḥ śaraṇaṃ tena prasādo me kṛtaḥ śubhaḥ
With my doubt cut away by your words, I took refuge in Viṣṇu of true prowess; by that a blessed grace was granted to me.
AI translation rendered from the Sanskrit, not a published edition
KuP 1 21.69
यक्ष्यामि परमेशानं विष्णुं पद्मदलेक्षणम् । कथं केन विधानेन संपूज्यो हरिरीश्वरः
yakṣyāmi parameśānaṃ viṣṇuṃ padmadalekṣaṇam / kathaṃ kena vidhānena saṃpūjyo harirīśvaraḥ
I shall sacrifice to the supreme lord Viṣṇu, whose eyes are (like) lotus petals. How and by what procedure is Hari, the lord, to be worshipped?
AI translation rendered from the Sanskrit, not a published edition
KuP 1 21.70
को ऽयं नारायणो देवः किंप्रभावश्च सुव्रत । सर्वमेतन्ममाचक्ष्व परं कौतूहलं हि मे
ko 'yaṃ nārāyaṇo devaḥ kiṃprabhāvaśca suvrata / sarvametanmamācakṣva paraṃ kautūhalaṃ hi me
Who is this god Nārāyaṇa, and what is his power, O you of good vows? Tell me all this, for my curiosity is great.
AI translation rendered from the Sanskrit, not a published edition
KuP 1 21.71
विश्वामित्र उवाच यतः प्रवृत्तिर्भूतानां यस्मिन् सर्वमिदं जगत् । स विष्णुः सर्वभूतात्मा तमाश्रित्य विमुच्यते
viśvāmitra uvāca yataḥ pravṛttirbhūtānāṃ yasmin sarvamidaṃ jagat / sa viṣṇuḥ sarvabhūtātmā tamāśritya vimucyate
Viśvāmitra said: He from whom beings arise, in whom all this world (rests) — he is Viṣṇu, the self of all beings; by taking refuge in him one is released.
AI translation rendered from the Sanskrit, not a published edition
KuP 1 21.72
स्ववर्णाश्रमधर्मेण पूज्यो ऽयं पुरुषोत्तमः । अकामहतभावेन समाराध्यो न चान्यथा
svavarṇāśramadharmeṇa pūjyo 'yaṃ puruṣottamaḥ / akāmahatabhāvena samārādhyo na cānyathā
This Supreme Person is to be worshipped through the duty of one's own class and stage of life; he is to be propitiated with a disposition unstricken by desire, and not otherwise.
AI translation rendered from the Sanskrit, not a published edition
KuP 1 21.73
एतावदुक्त्वा भगवान विश्वामित्रो महामुनिः । शूराद्यैः पूजितो विप्रा जगामाथ स्वमालयम्
etāvaduktvā bhagavāna viśvāmitro mahāmuniḥ / śūrādyaiḥ pūjito viprā jagāmātha svamālayam
Having said just this much, the venerable Viśvāmitra, the great sage, honoured by Śūra and the others, then went, O brahmins, to his own dwelling.
AI translation rendered from the Sanskrit, not a published edition
KuP 1 21.74
अथ शूरादयो देवमयजन्त महेश्वरम् । यज्ञेन यज्ञगम्यं तं निष्कामा रुद्रमव्ययम्
atha śūrādayo devamayajanta maheśvaram / yajñena yajñagamyaṃ taṃ niṣkāmā rudramavyayam
Then Śūra and the others sacrificed to the god Maheśvara — to that imperishable Rudra who is to be reached by sacrifice — with a sacrifice, being free of desire.
AI translation rendered from the Sanskrit, not a published edition
KuP 1 21.75
तान् वसिष्ठस्तु भगवान् याजयामास सर्ववित् । गौतमो ऽत्रिरगस्त्यश्च सर्वे रुद्रपरायणाः
tān vasiṣṭhastu bhagavān yājayāmāsa sarvavit / gautamo 'triragastyaśca sarve rudraparāyaṇāḥ
But the venerable Vasiṣṭha, knower of all, conducted the sacrifice for them; Gautama, Atri and Agastya too were all devoted to Rudra.
AI translation rendered from the Sanskrit, not a published edition
KuP 1 21.76
विश्वामित्रस्तु भगवान् जयध्वजमरिन्दमम् । याजयामास भूतादिमादिदेवं जनार्दनम्
viśvāmitrastu bhagavān jayadhvajamarindamam / yājayāmāsa bhūtādimādidevaṃ janārdanam
But the venerable Viśvāmitra caused Jayadhvaja, subduer of foes, to sacrifice to Janārdana, the primal god, the origin of beings.
AI translation rendered from the Sanskrit, not a published edition
KuP 1 21.77
तस्य यज्ञे महायोगी साक्षाद् देवः स्वयं हरिः । आविरासीत् स भगवान् तदद्भुतमिवाभवत्
tasya yajñe mahāyogī sākṣād devaḥ svayaṃ hariḥ / āvirāsīt sa bhagavān tadadbhutamivābhavat
At his sacrifice the great yogin, the god Hari himself, in visible form, that Blessed One became manifest; that was like a marvel.
AI translation rendered from the Sanskrit, not a published edition
KuP 1 21.78
य इमं शृणुयान्नित्यं जयध्वजपराक्रमम् । सर्वपापविमुक्तात्मा विष्णुलोकं स गच्छति
ya imaṃ śṛṇuyānnityaṃ jayadhvajaparākramam / sarvapāpavimuktātmā viṣṇulokaṃ sa gacchati
Whoever constantly hears this (account of) Jayadhvaja's prowess, his self freed of all sins, he goes to the world of Viṣṇu.
AI translation rendered from the Sanskrit, not a published edition