Kurma Purana — Purva Vibhaga — Chapter 19

KuP 1 19.1

सूत उवाच अदितिः सुषुवे पुत्रमादित्यं कश्यपात् प्रभुम् । तस्यादित्यस्य चैवसीद् भार्याणां तु चतुष्टयम् । संज्ञा राज्ञी प्रभा छाया पुत्रांस्तासां निबोधत

sūta uvāca aditiḥ suṣuve putramādityaṃ kaśyapāt prabhum / tasyādityasya caivasīd bhāryāṇāṃ tu catuṣṭayam / saṃjñā rājñī prabhā chāyā putrāṃstāsāṃ nibodhata

Sūta said: Aditi bore from Kaśyapa a son, Āditya, the lord. And of that Āditya there were four wives: Saṃjñā, Rājñī, Prabhā, and Chāyā. Learn of their sons.

AI translation rendered from the Sanskrit, not a published edition

KuP 1 19.2

संज्ञा त्वाष्ट्री च सुषुवे सूर्यान्मनुमनुत्तमम् । यमं च यमुनां चैव राज्ञी रैवतमेव च

saṃjñā tvāṣṭrī ca suṣuve sūryānmanumanuttamam / yamaṃ ca yamunāṃ caiva rājñī raivatameva ca

Saṃjñā, the daughter of Tvaṣṭṛ, bore from the Sun Manu, the most excellent, and also Yama and Yamunā; and Rājñī (bore) Raivata.

AI translation rendered from the Sanskrit, not a published edition

KuP 1 19.3

प्रभा प्रभातमादित्याच्छाया सावर्णमात्मजम् । शनिं च तपतीं चैव विष्टिं चैव यथाक्रमम्

prabhā prabhātamādityācchāyā sāvarṇamātmajam / śaniṃ ca tapatīṃ caiva viṣṭiṃ caiva yathākramam

Prabhā (bore) Prabhāta from Āditya, and Chāyā (bore) as her son Sāvarṇa, and Śani and Tapatī and Viṣṭi, in that order.

AI translation rendered from the Sanskrit, not a published edition

KuP 1 19.4

मनोस्तु प्रथमस्यासन् नव पुत्रास्तु संयमाः । इक्ष्वाकुर्नभगश्चैव धृष्टः शर्यातिरेव च

manostu prathamasyāsan nava putrāstu saṃyamāḥ / ikṣvākurnabhagaścaiva dhṛṣṭaḥ śaryātireva ca

Of the first Manu there were nine sons, self-controlled: Ikṣvāku, Nabhaga, Dhṛṣṭa, and Śaryāti,

AI translation rendered from the Sanskrit, not a published edition

KuP 1 19.5

नरिष्यन्तश्च नाभागो ह्यरिष्टः कारुषकस्तथा । पृषध्रश्च महातेजा नवैते शक्रसन्निभाः

nariṣyantaśca nābhāgo hyariṣṭaḥ kāruṣakastathā / pṛṣadhraśca mahātejā navaite śakrasannibhāḥ

and Nariṣyanta and Nābhāga, and Ariṣṭa and likewise Kāruṣaka, and Pṛṣadhra of great splendour — these nine were like Śakra (Indra).

AI translation rendered from the Sanskrit, not a published edition

KuP 1 19.6

इला ज्येष्ठा वरिष्ठा च सोमवंशविवृद्धये । बुधस्य गत्वा भवनं सोमपुत्रेण संगता

ilā jyeṣṭhā variṣṭhā ca somavaṃśavivṛddhaye / budhasya gatvā bhavanaṃ somaputreṇa saṃgatā

Ilā, the eldest and the best, for the increase of the lunar lineage went to the house of Budha and united with the son of Soma.

AI translation rendered from the Sanskrit, not a published edition

KuP 1 19.7

असूत सौम्यजं देवी पुरूरवसमुत्तमम् । पितॄणां तृप्तिकर्तारं बुधादिति हि नः श्रुतम्

asūta saumyajaṃ devī purūravasamuttamam / pitṝṇāṃ tṛptikartāraṃ budhāditi hi naḥ śrutam

The lady bore a son of Soma's line, the excellent Purūravas, who gave satisfaction to the fathers, from Budha — so we have heard.

AI translation rendered from the Sanskrit, not a published edition

KuP 1 19.8

संप्राप्य पुंस्त्वममलं सुद्युम्न इति विश्रुतः । इला पुत्रत्रयं लेभे पुनः स्त्रीत्वमविन्दत

saṃprāpya puṃstvamamalaṃ sudyumna iti viśrutaḥ / ilā putratrayaṃ lebhe punaḥ strītvamavindata

Having obtained flawless manhood, and being famed as Sudyumna, Ilā gained three sons, and then again attained womanhood.

AI translation rendered from the Sanskrit, not a published edition

KuP 1 19.9

उत्कलश्च गयश्चैव विनताश्वस्तथैव च । सर्वे ते ऽप्रतिमप्रख्याः प्रपन्नाः कमलोद्भवम्

utkalaśca gayaścaiva vinatāśvastathaiva ca / sarve te 'pratimaprakhyāḥ prapannāḥ kamalodbhavam

Utkala and Gaya and likewise Vinatāśva: all of them, of incomparable renown, took refuge with the lotus-born (Brahmā).

AI translation rendered from the Sanskrit, not a published edition

KuP 1 19.10

इक्ष्वाकोश्चाभवद् वीरो विकुक्षिर्नाम पार्थिवः । ज्येष्ठः पुत्रशतस्यापि दश पञ्च च तत्सुताः

ikṣvākoścābhavad vīro vikukṣirnāma pārthivaḥ / jyeṣṭhaḥ putraśatasyāpi daśa pañca ca tatsutāḥ

And of Ikṣvāku there was a hero, a king named Vikukṣi, the eldest of a hundred sons; and his sons were fifteen.

AI translation rendered from the Sanskrit, not a published edition

KuP 1 19.11

तेषाञ्ज्येष्ठः ककुत्स्थो ऽभूत् काकुत्स्थो हि सुयोधनः । सुयोधनात् पृथुः श्रीमान् विश्वकश्च पृथोः सुतः

teṣāñjyeṣṭhaḥ kakutstho 'bhūt kākutstho hi suyodhanaḥ / suyodhanāt pṛthuḥ śrīmān viśvakaśca pṛthoḥ sutaḥ

The eldest of them was Kakutstha, and Kākutstha's (son) was Suyodhana; from Suyodhana (came) the illustrious Pṛthu, and Viśvaka was Pṛthu's son.

AI translation rendered from the Sanskrit, not a published edition

KuP 1 19.12

विश्वकादार्द्रको धीमान् युवनाश्वस्तु तत्सुतः । स गोकर्णमनुप्राप्य युवनाश्वः प्रतापवान्

viśvakādārdrako dhīmān yuvanāśvastu tatsutaḥ / sa gokarṇamanuprāpya yuvanāśvaḥ pratāpavān

From Viśvaka (came) the wise Ārdraka, and his son was Yuvanāśva; and that valorous Yuvanāśva, having come to Gokarṇa,

AI translation rendered from the Sanskrit, not a published edition

KuP 1 19.13

दृष्ट्वा तु गौतमं विप्रं तपन्तमनलप्रभम् । प्रणम्य दण्डवद् भूमौ पुत्रकामो महीपतिः । अपृच्छत् कर्मणा केन धार्मिकं प्राप्नुयात् सुतम्

dṛṣṭvā tu gautamaṃ vipraṃ tapantamanalaprabham / praṇamya daṇḍavad bhūmau putrakāmo mahīpatiḥ / apṛcchat karmaṇā kena dhārmikaṃ prāpnuyāt sutam

seeing the brahmin Gautama practising austerity, radiant as fire, the king, desiring a son, bowed to the ground like a rod and asked: by what act might one obtain a righteous son?

AI translation rendered from the Sanskrit, not a published edition

KuP 1 19.14

गौतम उवाच आराध्य पूर्वपुरुषं नारायणमनामयम् । अनादिनिधनं देवं धार्मिकं प्राप्नुयात् सुतम्

gautama uvāca ārādhya pūrvapuruṣaṃ nārāyaṇamanāmayam / anādinidhanaṃ devaṃ dhārmikaṃ prāpnuyāt sutam

Gautama said: By worshipping the primordial Person, Nārāyaṇa, the flawless, the god without beginning or end, one may obtain a righteous son.

AI translation rendered from the Sanskrit, not a published edition

KuP 1 19.15

यस्य पुत्रः स्वयं ब्रह्मा पौत्रः स्यान्नीललोहितः । तमादिकृष्णमीशानमाराध्याप्नोति सत्सुतम्

yasya putraḥ svayaṃ brahmā pautraḥ syānnīlalohitaḥ / tamādikṛṣṇamīśānamārādhyāpnoti satsutam

Whose son is Brahmā himself and whose grandson is the blue-red one (Rudra) — by worshipping him, the primal Kṛṣṇa, the lord, one obtains a good son.

AI translation rendered from the Sanskrit, not a published edition

KuP 1 19.16

न यस्य भगवान् ब्रह्मा प्रभावं वेत्ति तत्त्वतः । तमाराध्य हृषीकेशं प्राप्नुयाद्धार्मिकं सुतम्

na yasya bhagavān brahmā prabhāvaṃ vetti tattvataḥ / tamārādhya hṛṣīkeśaṃ prāpnuyāddhārmikaṃ sutam

He whose power the lord Brahmā does not know as it truly is — by worshipping him, Hṛṣīkeśa, one may obtain a righteous son.

AI translation rendered from the Sanskrit, not a published edition

KuP 1 19.17

स गौतमवचः श्रुत्वा युवनाश्वो महीपतिः । आराधयन्महायोगं वासुदेवं सनातनम्

sa gautamavacaḥ śrutvā yuvanāśvo mahīpatiḥ / ārādhayanmahāyogaṃ vāsudevaṃ sanātanam

Having heard Gautama's words, that king Yuvanāśva worshipped the great Yoga, the eternal Vāsudeva.

AI translation rendered from the Sanskrit, not a published edition

KuP 1 19.18

तस्य पुत्रो ऽभवद् वीरः श्रावस्तिरिति विश्रुतः । निर्मिता येन श्रावस्तिर्गौडदेशे महापुरी

tasya putro 'bhavad vīraḥ śrāvastiriti viśrutaḥ / nirmitā yena śrāvastirgauḍadeśe mahāpurī

His son was a hero renowned as Śrāvasti, by whom Śrāvastī, the great city in the land of Gauḍa, was built.

AI translation rendered from the Sanskrit, not a published edition

KuP 1 19.19

तस्माच्च बृहदश्वो ऽभूत् तस्मात् कुवलयाश्वकः । धुन्धुमारत्वमगमद् धुन्धुं हत्वा महासुरम्

tasmācca bṛhadaśvo 'bhūt tasmāt kuvalayāśvakaḥ / dhundhumāratvamagamad dhundhuṃ hatvā mahāsuram

And from him came Bṛhadaśva, and from him Kuvalayāśva, who attained the name Dhundhumāra by slaying the great demon Dhundhu.

AI translation rendered from the Sanskrit, not a published edition

KuP 1 19.20

धुन्धुमारस्य तनयास्त्रयः प्रोक्ता द्विजोत्तमाः । दृढाश्वश्चैव दण्डाश्वः कपिलाश्वस्तथैव च

dhundhumārasya tanayāstrayaḥ proktā dvijottamāḥ / dṛḍhāśvaścaiva daṇḍāśvaḥ kapilāśvastathaiva ca

Three sons of Dhundhumāra are declared, O best of the twice-born: Dṛḍhāśva, Daṇḍāśva, and likewise Kapilāśva.

AI translation rendered from the Sanskrit, not a published edition

KuP 1 19.21

दृढाश्वस्य प्रमोदस्तु हर्यश्वस्तस्य चात्मजः । हर्यश्वस्य निकुम्भस्तु निकुम्भात् संहताश्वकः

dṛḍhāśvasya pramodastu haryaśvastasya cātmajaḥ / haryaśvasya nikumbhastu nikumbhāt saṃhatāśvakaḥ

Dṛḍhāśva's (son) was Pramoda, and his son was Haryaśva; Haryaśva's (son) was Nikumbha, and from Nikumbha (came) Saṃhatāśva.

AI translation rendered from the Sanskrit, not a published edition

KuP 1 19.22

कृशाश्वश्च रणाश्वश्च संहताश्वस्य वै सुतौ । युवनाश्वो रणाश्वस्य शक्रतुल्यबलो युधि

kṛśāśvaśca raṇāśvaśca saṃhatāśvasya vai sutau / yuvanāśvo raṇāśvasya śakratulyabalo yudhi

Kṛśāśva and Raṇāśva were the two sons of Saṃhatāśva; Raṇāśva's (son) was Yuvanāśva, equal to Śakra in strength in battle.

AI translation rendered from the Sanskrit, not a published edition

KuP 1 19.23

कृत्वा तु वारुणीमिष्टिमृषीणां वै प्रसादतः । लेभे त्वप्रतिमं पुत्रं विष्णुभक्तमनुत्तमम् । मान्धातारं महाप्राज्ञं सर्वशस्त्रभृतां वरम्

kṛtvā tu vāruṇīmiṣṭimṛṣīṇāṃ vai prasādataḥ / lebhe tvapratimaṃ putraṃ viṣṇubhaktamanuttamam / māndhātāraṃ mahāprājñaṃ sarvaśastrabhṛtāṃ varam

Having performed the offering to Varuṇa, by the favour of the sages he obtained an incomparable son, a devotee of Viṣṇu, unsurpassed—Māndhātā, of great wisdom, the best of all bearers of weapons.

AI translation rendered from the Sanskrit, not a published edition

KuP 1 19.24

मान्धातुः पुरुकुत्सो ऽभूदम्बरीषश्च वीर्यवान् । मुचुकुन्दश्च पुण्यात्मा सर्वे शक्रसमा युधि

māndhātuḥ purukutso 'bhūdambarīṣaśca vīryavān / mucukundaśca puṇyātmā sarve śakrasamā yudhi

Māndhātā's (sons) were Purukutsa, and the valiant Ambarīṣa, and Mucukunda of meritorious soul—all equal to Śakra in battle.

AI translation rendered from the Sanskrit, not a published edition

KuP 1 19.25

अम्बरीषस्य दायादो युवनाश्वो ऽपरः स्मृतः । हरितो युवनाश्वस्य हारितस्तत्सुतो ऽभवत्

ambarīṣasya dāyādo yuvanāśvo 'paraḥ smṛtaḥ / harito yuvanāśvasya hāritastatsuto 'bhavat

Ambarīṣa's heir is recorded as another Yuvanāśva; Yuvanāśva's (son) was Harita, and his son was Hārita.

AI translation rendered from the Sanskrit, not a published edition

KuP 1 19.26

पुरुकुत्सस्य दायादस्त्रसदस्युर्महायशाः । नर्मदायां समुत्पन्नः संभूतिस्तत्सुतो ऽभवत्

purukutsasya dāyādastrasadasyurmahāyaśāḥ / narmadāyāṃ samutpannaḥ saṃbhūtistatsuto 'bhavat

Purukutsa's heir was Trasadasyu of great fame, born of Narmadā; his son was Saṃbhūti.

AI translation rendered from the Sanskrit, not a published edition

KuP 1 19.27

विष्णुवृद्धः सुतस्तस्य त्वनरण्यो ऽभवत् परः । बृहदशवो ऽनरण्यस्य हर्यश्वस्तत्सुतो ऽभवत्

viṣṇuvṛddhaḥ sutastasya tvanaraṇyo 'bhavat paraḥ / bṛhadaśavo 'naraṇyasya haryaśvastatsuto 'bhavat

His son was Viṣṇuvṛddha, and next was Anaraṇya; Anaraṇya's (son) was Bṛhadaśva, and his son was Haryaśva.

AI translation rendered from the Sanskrit, not a published edition

KuP 1 19.28

सो ऽतीव धार्मिको राजा कर्दमस्य प्रजापतेः । प्रसादाद्धार्मिकं पुत्रं लेभे सूर्यपरायणम्

so 'tīva dhārmiko rājā kardamasya prajāpateḥ / prasādāddhārmikaṃ putraṃ lebhe sūryaparāyaṇam

That king, exceedingly righteous, by the favour of Kardama, the lord of creatures, obtained a righteous son devoted to the Sun.

AI translation rendered from the Sanskrit, not a published edition

KuP 1 19.29

स तु सूर्यं समभ्यर्च्य राजा वसुमनाः शुभम् । लेभे त्वप्रतिमं पुत्रं त्रिधन्वानमरिन्दमम्

sa tu sūryaṃ samabhyarcya rājā vasumanāḥ śubham / lebhe tvapratimaṃ putraṃ tridhanvānamarindamam

And that king Vasumanas, having duly worshipped the auspicious Sun, obtained an incomparable son, Tridhanvā, the subduer of foes.

AI translation rendered from the Sanskrit, not a published edition

KuP 1 19.30

अयजच्चाश्वमेधेन शत्रून् जित्वा द्विजोत्तमाः । स्वाध्यायवान् दानशीलस्तितिक्षुर्धर्मतत्परः

ayajaccāśvamedhena śatrūn jitvā dvijottamāḥ / svādhyāyavān dānaśīlastitikṣurdharmatatparaḥ

And having conquered his enemies he sacrificed with the horse-sacrifice, O best of the twice-born—given to (Vedic) recitation, generous in giving, patient, intent on dharma.

AI translation rendered from the Sanskrit, not a published edition

KuP 1 19.31

ऋषयस्तु समाजग्मुर्यज्ञवाटं महात्मनः । वसिष्ठकश्यपमुखा देवाश्चेन्द्रपुरोगमाः

ṛṣayastu samājagmuryajñavāṭaṃ mahātmanaḥ / vasiṣṭhakaśyapamukhā devāścendrapurogamāḥ

And the sages came together to the sacrificial enclosure of that great-souled one, headed by Vasiṣṭha and Kaśyapa, and the gods with Indra at their head.

AI translation rendered from the Sanskrit, not a published edition

KuP 1 19.32

तान् प्रणम्य महाराजः पप्रच्छ विनयान्वितः । समाप्य विधिवद् यज्ञं वसिष्ठादीन् द्विजोत्तमान्

tān praṇamya mahārājaḥ papraccha vinayānvitaḥ / samāpya vidhivad yajñaṃ vasiṣṭhādīn dvijottamān

Having completed the sacrifice according to rule, the great king, bowing to them, filled with humility, questioned Vasiṣṭha and the other best of the twice-born.

AI translation rendered from the Sanskrit, not a published edition

KuP 1 19.33

वसुमना उवाच किंस्विच्छेयस्करतरं लोके ऽस्मिन् ब्राह्मणर्षभाः । यज्ञस्तपो वा संन्यासो ब्रूत मे सर्ववेदिनः

vasumanā uvāca kiṃsviccheyaskarataraṃ loke 'smin brāhmaṇarṣabhāḥ / yajñastapo vā saṃnyāso brūta me sarvavedinaḥ

Vasumanas said: Which is the more beneficial in this world, O bulls among brahmins—sacrifice, or ascetic practice, or renunciation? Tell me, you who know all.

AI translation rendered from the Sanskrit, not a published edition

KuP 1 19.34

वसिष्ठ उवाच अधीत्य वेदान् विधिवत् पुत्रानुत्पाद्य धर्मतः । इष्ट्वा यज्ञेश्वरं यज्ञैर् गच्छेद वनमथात्मवान्

vasiṣṭha uvāca adhītya vedān vidhivat putrānutpādya dharmataḥ / iṣṭvā yajñeśvaraṃ yajñair gaccheda vanamathātmavān

Vasiṣṭha said: Having studied the Vedas according to rule, having begotten sons in accordance with dharma, having worshipped the Lord of sacrifice with sacrifices, one who is self-possessed should then go to the forest.

AI translation rendered from the Sanskrit, not a published edition

KuP 1 19.35

पुलस्त्य उवाच आराध्य तपसा देवं योगिनं परमेष्ठिनम् । प्रव्रजेद् विधिवद् यज्ञैरिष्ट्वा पूर्वं सुरोत्तमान्

pulastya uvāca ārādhya tapasā devaṃ yoginaṃ parameṣṭhinam / pravrajed vidhivad yajñairiṣṭvā pūrvaṃ surottamān

Pulastya said: Having propitiated by ascetic practice the god who is the yogin, the highest lord, one should duly go forth (as a renouncer), having first worshipped the best of the gods with sacrifices.

AI translation rendered from the Sanskrit, not a published edition

KuP 1 19.36

पुलह उवाच यमाहुरेकं पुरुषं पुराणं परमेश्वरम् । तमाराध्य सहस्त्रांशुं तपसा मोक्षमाप्नुयात्

pulaha uvāca yamāhurekaṃ puruṣaṃ purāṇaṃ parameśvaram / tamārādhya sahastrāṃśuṃ tapasā mokṣamāpnuyāt

Pulaha said: Him whom they call the one Person, the ancient, the supreme Lord—having propitiated him, the thousand-rayed one, by ascetic practice one would attain liberation.

AI translation rendered from the Sanskrit, not a published edition

KuP 1 19.37

जमदग्निरुवाच अजस्य नाभावध्येकमीश्वरेण समर्पितम् । बीजं भगवता येन स देवस्तपसेज्यते

jamadagniruvāca ajasya nābhāvadhyekamīśvareṇa samarpitam / bījaṃ bhagavatā yena sa devastapasejyate

Jamadagni said: In the navel of the Unborn one (seed) was placed by the Lord, the Blessed One—the seed by which that god is worshipped through ascetic practice.

AI translation rendered from the Sanskrit, not a published edition — the model flagged this verse as uncertain

KuP 1 19.38

विश्वामित्र उवाच यो ऽग्निः सर्वात्मको ऽनन्तः स्वयंभूर्विश्वतोमुखः । स रुद्रस्तपसोग्रेण पूज्यते नेतरैर्मखैः

viśvāmitra uvāca yo 'gniḥ sarvātmako 'nantaḥ svayaṃbhūrviśvatomukhaḥ / sa rudrastapasogreṇa pūjyate netarairmakhaiḥ

Viśvāmitra said: The fire that is the self of all, endless, self-existent, facing all directions—that Rudra is worshipped by fierce ascetic practice, not by other sacrifices.

AI translation rendered from the Sanskrit, not a published edition

KuP 1 19.39

भरद्वाज उवाच यो यज्ञैरिज्यते देवो जातवेदाः सनातनः । स सर्वदैवततनुः पूज्यते तपसेश्वरः

bharadvāja uvāca yo yajñairijyate devo jātavedāḥ sanātanaḥ / sa sarvadaivatatanuḥ pūjyate tapaseśvaraḥ

Bharadvāja said: The god who is worshipped with sacrifices, Jātavedas, the eternal one—he, whose body is all the deities, the Lord, is worshipped by ascetic practice.

AI translation rendered from the Sanskrit, not a published edition

KuP 1 19.40

अत्रिरुवाच यतः सर्वमिदं जातं यस्यापत्यं प्रजापतिः । तपः सुमहदास्थाय पूज्यते स महेश्वरः

atriruvāca yataḥ sarvamidaṃ jātaṃ yasyāpatyaṃ prajāpatiḥ / tapaḥ sumahadāsthāya pūjyate sa maheśvaraḥ

Atri said: He from whom all this has come to be, whose offspring is Prajāpati — that Maheśvara is worshipped by undertaking very great austerity.

AI translation rendered from the Sanskrit, not a published edition

KuP 1 19.41

गौतम उवाच यतः प्रधानपुरुषौ यस्य शक्तिमयं जगत् । स देवदेवस्तपसा पूजनीयः सनातनः

gautama uvāca yataḥ pradhānapuruṣau yasya śaktimayaṃ jagat / sa devadevastapasā pūjanīyaḥ sanātanaḥ

Gautama said: He from whom (arise) primordial matter and spirit, whose power the world is made of — that eternal god of gods is to be worshipped with austerity.

AI translation rendered from the Sanskrit, not a published edition

KuP 1 19.42

कश्यप उवाच सहस्त्रनयनो देवः साक्षी स तु प्रजापतिः । प्रसीदति महायोगी पूजितस्तपसा परः

kaśyapa uvāca sahastranayano devaḥ sākṣī sa tu prajāpatiḥ / prasīdati mahāyogī pūjitastapasā paraḥ

Kaśyapa said: The thousand-eyed god, the witness, he indeed is Prajāpati; the great yogin, the supreme one, when worshipped with austerity, becomes gracious.

AI translation rendered from the Sanskrit, not a published edition

KuP 1 19.43

क्रतुरुवाच प्राप्ताध्ययनयज्ञस् लब्धपुत्रस्य चैव हि । नान्तरेण तपः कश्चिद्धर्मः शास्त्रेषु दृश्यते

kraturuvāca prāptādhyayanayajñas labdhaputrasya caiva hi / nāntareṇa tapaḥ kaściddharmaḥ śāstreṣu dṛśyate

Kratu said: For one who has completed (Vedic) study and sacrifice and has obtained a son, no duty other than austerity is seen in the scriptures.

AI translation rendered from the Sanskrit, not a published edition — the model flagged this verse as uncertain

KuP 1 19.44

इत्याकर्ण्य स राजर्षिस्तान् प्रणम्यातिहृष्टधीः । विसर्जयित्वा संपूज्य त्रिधन्वानमथाब्रवीत्

ityākarṇya sa rājarṣistān praṇamyātihṛṣṭadhīḥ / visarjayitvā saṃpūjya tridhanvānamathābravīt

Having heard this, that royal sage, with mind greatly delighted, bowed to them, and having honoured and dismissed them, then spoke to Tridhanvan.

AI translation rendered from the Sanskrit, not a published edition

KuP 1 19.45

आराधयिष्ये तपसा देवमेकाक्षराह्वयम् । प्राणं बृहन्तं पुरुषमादित्यान्तरसंस्थितम्

ārādhayiṣye tapasā devamekākṣarāhvayam / prāṇaṃ bṛhantaṃ puruṣamādityāntarasaṃsthitam

"I shall propitiate with austerity the god who is called by the single syllable, the breath, the vast one, the Person seated within the sun.

AI translation rendered from the Sanskrit, not a published edition

KuP 1 19.46

त्वं तु धर्मरतो नित्यं पालयैतदतन्द्रितः । चातुर्वर्ण्यसमायुक्तमशेषं क्षितिमण्डलम्

tvaṃ tu dharmarato nityaṃ pālayaitadatandritaḥ / cāturvarṇyasamāyuktamaśeṣaṃ kṣitimaṇḍalam

But you, ever devoted to dharma, protect this whole circle of the earth, together with its four classes, unwearyingly."

AI translation rendered from the Sanskrit, not a published edition

KuP 1 19.47

एवमुक्त्वा स तद्राज्यं निधायात्मभवे नृपः । जगामारण्यमनघस्तपश्चर्तुमनुत्तमम्

evamuktvā sa tadrājyaṃ nidhāyātmabhave nṛpaḥ / jagāmāraṇyamanaghastapaścartumanuttamam

Having spoken thus, the faultless king placed that kingdom in (the hands of) his own son and went to the forest to perform unsurpassed austerity.

AI translation rendered from the Sanskrit, not a published edition

KuP 1 19.48

हिमवच्छिखरे रम्ये देवदारुवने शुभे । कन्दमूलफलाहारो मुन्यन्नैरयजत् सुरान्

himavacchikhare ramye devadāruvane śubhe / kandamūlaphalāhāro munyannairayajat surān

On a lovely peak of the Himālaya, in the auspicious deodar forest, living on bulbs, roots and fruits, he worshipped the gods with the food of ascetics.

AI translation rendered from the Sanskrit, not a published edition

KuP 1 19.49

संवत्सरशतं साग्रं तपोनिर्धूतकल्मषः । जजाप मनसा देवीं सावित्ररिं वेदमातरम्

saṃvatsaraśataṃ sāgraṃ taponirdhūtakalmaṣaḥ / jajāpa manasā devīṃ sāvitrariṃ vedamātaram

For a full hundred years and more, his impurity shaken off by austerity, he recited mentally the goddess Sāvitrī, the mother of the Vedas.

AI translation rendered from the Sanskrit, not a published edition

KuP 1 19.50

तस्यैवं जपतो देवः स्वयंभूः परमेश्वरः । हिरण्यगर्भो विश्वात्मा तं देशमगमत् स्वयम्

tasyaivaṃ japato devaḥ svayaṃbhūḥ parameśvaraḥ / hiraṇyagarbho viśvātmā taṃ deśamagamat svayam

As he was thus reciting, the god, the self-existent supreme lord, Hiraṇyagarbha, the self of all, himself came to that place.

AI translation rendered from the Sanskrit, not a published edition

KuP 1 19.51

दृष्ट्वा देवं समायान्तं ब्रह्माणं विश्वतोमुखम् । ननाम शिरसा तस्य पादयोर्नाम कीर्तयन्

dṛṣṭvā devaṃ samāyāntaṃ brahmāṇaṃ viśvatomukham / nanāma śirasā tasya pādayornāma kīrtayan

Seeing the god Brahmā, facing all directions, approaching, he bowed with his head at his feet, proclaiming his names:

AI translation rendered from the Sanskrit, not a published edition

KuP 1 19.52

नमो देवाधिदेवाय ब्रह्मणे परमात्मने । हिर्ण्यमूर्तये तुभ्यं सहस्त्राक्षाय वेधसे

namo devādhidevāya brahmaṇe paramātmane / hirṇyamūrtaye tubhyaṃ sahastrākṣāya vedhase

"Homage to the god above the gods, to Brahmā, the supreme self; to you of golden form, the thousand-eyed creator.

AI translation rendered from the Sanskrit, not a published edition

KuP 1 19.53

नमो धात्रे विधात्रे च नमो वेदात्ममूर्तये । सांख्ययोगाधिगम्याय नमस्ते ज्ञानमूर्तये

namo dhātre vidhātre ca namo vedātmamūrtaye / sāṃkhyayogādhigamyāya namaste jñānamūrtaye

Homage to the establisher and the ordainer, homage to him whose form is the self of the Vedas; homage to you, whose form is knowledge, who is to be reached through Sāṃkhya and Yoga.

AI translation rendered from the Sanskrit, not a published edition

KuP 1 19.54

नमस्त्रिमूर्तये तुभ्यं स्त्रष्ट्रे सर्वार्थवेदिने । पुरुषाय पुराणाय योगिनां गुरवे नमः

namastrimūrtaye tubhyaṃ straṣṭre sarvārthavedine / puruṣāya purāṇāya yogināṃ gurave namaḥ

Homage to you of threefold form, to the creator who knows all things; homage to the Person, the ancient one, the teacher of yogins."

AI translation rendered from the Sanskrit, not a published edition

KuP 1 19.55

ततः प्रसन्नो भगवान् विरिञ्चो विश्वभावनः । वरं वरय भद्रं ते वरदो ऽस्मीत्यभाषत

tataḥ prasanno bhagavān viriñco viśvabhāvanaḥ / varaṃ varaya bhadraṃ te varado 'smītyabhāṣata

Then the pleased lord Viriñca, the bringer-forth of the universe, said: "Choose a boon; good fortune to you — I am a giver of boons."

AI translation rendered from the Sanskrit, not a published edition

KuP 1 19.56

राजोवाच जपेयं देवदेवेश गायत्रीं वेदमातरम् । भूयो वर्षशतं साग्रं तावदायुर्भवेन्मम

rājovāca japeyaṃ devadeveśa gāyatrīṃ vedamātaram / bhūyo varṣaśataṃ sāgraṃ tāvadāyurbhavenmama

The king said: "Lord of the gods of gods, let me recite the Gāyatrī, the mother of the Vedas, for a further full hundred years; let my life last that long."

AI translation rendered from the Sanskrit, not a published edition

KuP 1 19.57

बाढमित्याह विश्वात्मा समालोक्य नराधिपम् । स्पृष्ट्वा कराभ्यां सुप्रीतस्तत्रैवान्तरधीयत

bāḍhamityāha viśvātmā samālokya narādhipam / spṛṣṭvā karābhyāṃ suprītastatraivāntaradhīyata

"So be it," said the self of all, looking upon the ruler of men; and having touched him with his two hands, greatly pleased, he vanished right there.

AI translation rendered from the Sanskrit, not a published edition

KuP 1 19.58

सो ऽपि लब्धवरः श्रीमान् जजापातिप्रसन्नधीः । शान्तस्त्रिषवणस्नायी कन्दमूलफलाशनः

so 'pi labdhavaraḥ śrīmān jajāpātiprasannadhīḥ / śāntastriṣavaṇasnāyī kandamūlaphalāśanaḥ

And he, the illustrious one, having obtained the boon, recited with mind exceedingly serene — calm, bathing at the three junctures of the day, eating bulbs, roots and fruits.

AI translation rendered from the Sanskrit, not a published edition

KuP 1 19.59

तस्य पूर्णे वर्षशते भगवानुग्रदीधितिः । प्रादुरासीन्महायोगी भानोर्मण्डलमध्यतः

tasya pūrṇe varṣaśate bhagavānugradīdhitiḥ / prādurāsīnmahāyogī bhānormaṇḍalamadhyataḥ

When his hundred years were complete, the lord of fierce rays, the great yogin, appeared from the middle of the sun's disc.

AI translation rendered from the Sanskrit, not a published edition

KuP 1 19.60

तं दृष्ट्वा वेदविदुषं मण्डलस्थं सनातनम् । स्वयंभुवमनाद्यन्तं ब्रह्माणं विस्मयं गतः

taṃ dṛṣṭvā vedaviduṣaṃ maṇḍalasthaṃ sanātanam / svayaṃbhuvamanādyantaṃ brahmāṇaṃ vismayaṃ gataḥ

Seeing him, the knower of the Vedas, standing in the (sun's) orb, the eternal, self-existent, beginningless and endless Brahmā, he was filled with wonder.

AI translation rendered from the Sanskrit, not a published edition

KuP 1 19.61

तुष्टाव वैदिकैर्मन्त्रैः सावित्र्या च विशेषतः । क्षणादपश्यत् पुरुषं तमेव परमेश्वरम्

tuṣṭāva vaidikairmantraiḥ sāvitryā ca viśeṣataḥ / kṣaṇādapaśyat puruṣaṃ tameva parameśvaram

He praised (him) with Vedic mantras, and especially with the Sāvitrī; in an instant he saw that very Person, the Supreme Lord.

AI translation rendered from the Sanskrit, not a published edition

KuP 1 19.62

चतुर्मुखं जटामौलिमष्टहस्तं त्रिलोचनम् । चन्द्रावयवलक्षमाणं नरनारीतनुं हरम्

caturmukhaṃ jaṭāmaulimaṣṭahastaṃ trilocanam / candrāvayavalakṣamāṇaṃ naranārītanuṃ haram

(He saw) Hara, four-faced, with matted hair piled up, eight-armed, three-eyed, marked with a portion of the moon, his body half man and half woman;

AI translation rendered from the Sanskrit, not a published edition

KuP 1 19.63

भासयन्तं जगत् कृत्स्नं नीलकण्ठं स्वरश्मिभिः । रक्ताम्बरधरं रक्तं रक्तमाल्यानुलेपनम्

bhāsayantaṃ jagat kṛtsnaṃ nīlakaṇṭhaṃ svaraśmibhiḥ / raktāmbaradharaṃ raktaṃ raktamālyānulepanam

illuminating the whole world with his own rays, blue-throated, wearing red garments, red (himself), with red garlands and red unguents.

AI translation rendered from the Sanskrit, not a published edition

KuP 1 19.64

तद्भावभावितो दृष्ट्वा सद्भावेन परेण हि । ननाम शिरसा रुद्रं सावित्र्यानेन चैव हि

tadbhāvabhāvito dṛṣṭvā sadbhāvena pareṇa hi / nanāma śirasā rudraṃ sāvitryānena caiva hi

Having seen (him), filled with that feeling, with supreme true devotion, he bowed his head to Rudra with this Sāvitrī.

AI translation rendered from the Sanskrit, not a published edition

KuP 1 19.65

नमस्ते नीलकण्ठाय भास्वते परमेष्ठिने । त्रयीमयाय रुद्राय कालरूपाय हेतवे

namaste nīlakaṇṭhāya bhāsvate parameṣṭhine / trayīmayāya rudrāya kālarūpāya hetave

"Homage to you, the blue-throated, the shining, the highest-placed, made of the triple Veda, Rudra, whose form is Time, the cause."

AI translation rendered from the Sanskrit, not a published edition

KuP 1 19.66

तदा प्राह महादेवो राजानं प्रीतमानसः । इमानि मे रहस्यानि नामानि शृणु चानघ

tadā prāha mahādevo rājānaṃ prītamānasaḥ / imāni me rahasyāni nāmāni śṛṇu cānagha

Then Mahādeva, pleased in mind, said to the king: "Hear, O sinless one, these secret names of mine,

AI translation rendered from the Sanskrit, not a published edition

KuP 1 19.67

सर्ववेदेषु गीतानि संसारशमनानि तु । नमस्कुरुष्व नृपते एभिर्मां सततं शुचिः

sarvavedeṣu gītāni saṃsāraśamanāni tu / namaskuruṣva nṛpate ebhirmāṃ satataṃ śuciḥ

which are sung in all the Vedas and which quell transmigration. O king, ever pure, make obeisance to me with them.

AI translation rendered from the Sanskrit, not a published edition

KuP 1 19.68

अध्यायं शतरुद्रीयं यजुषां सारमुद्धृतम् । जपस्वानन्यचेतस्को मय्यासक्तमना नृप

adhyāyaṃ śatarudrīyaṃ yajuṣāṃ sāramuddhṛtam / japasvānanyacetasko mayyāsaktamanā nṛpa

Recite the chapter called Śatarudrīya, the essence extracted from the Yajus (verses), O king, with mind undivided and fixed upon me.

AI translation rendered from the Sanskrit, not a published edition

KuP 1 19.69

ब्रह्मचारी मिताहारो भस्मनिष्ठः समाहितः । जपेदामरणाद् रुद्रं स याति परमं पदम्

brahmacārī mitāhāro bhasmaniṣṭhaḥ samāhitaḥ / japedāmaraṇād rudraṃ sa yāti paramaṃ padam

A celibate, of measured food, devoted to (smearing with) ashes, concentrated, who recites Rudra until death — he goes to the supreme state."

AI translation rendered from the Sanskrit, not a published edition

KuP 1 19.70

इत्युक्त्वा भगवान् रुद्रो भक्तानुग्रहकाम्यया । पुनः संवत्सरशतं राज्ञे ह्यायुरकल्पयत्

ityuktvā bhagavān rudro bhaktānugrahakāmyayā / punaḥ saṃvatsaraśataṃ rājñe hyāyurakalpayat

Having said this, the lord Rudra, out of a wish to favour his devotee, again allotted the king a lifespan of a hundred years.

AI translation rendered from the Sanskrit, not a published edition

KuP 1 19.71

दत्त्वास्मै तत् परं ज्ञानं वैराग्यं परमेश्वरः । क्षणादन्तर्दधे रुद्रस्तदद्भुतमिवाभवत्

dattvāsmai tat paraṃ jñānaṃ vairāgyaṃ parameśvaraḥ / kṣaṇādantardadhe rudrastadadbhutamivābhavat

Having given him that supreme knowledge and dispassion, the Supreme Lord Rudra vanished in an instant; that was like a marvel.

AI translation rendered from the Sanskrit, not a published edition

KuP 1 19.72

राजापि तपसा रुद्रं जजापानन्यमानसः । भस्मच्छन्नस्त्रिषवणं स्नात्वा शान्तः समाहितः

rājāpi tapasā rudraṃ jajāpānanyamānasaḥ / bhasmacchannastriṣavaṇaṃ snātvā śāntaḥ samāhitaḥ

The king too, with mind on nothing else, muttered (the praise of) Rudra with ascetic effort, covered with ashes, bathing at the three junctures of the day, calm and composed.

AI translation rendered from the Sanskrit, not a published edition

KuP 1 19.73

जपतस्तस्य नृपतेः पूर्णे वर्षशते पुनः । योगप्रवृत्तिरभवत् कालात् कालात्मकं परम्

japatastasya nṛpateḥ pūrṇe varṣaśate punaḥ / yogapravṛttirabhavat kālāt kālātmakaṃ param

When a full hundred years had passed for that king as he recited, there again arose in him the working of yoga; through Time (he reached) the supreme, whose nature is Time.

AI translation rendered from the Sanskrit, not a published edition — the model flagged this verse as uncertain

KuP 1 19.74

विवेश तद् वेदसारं स्थानं वै परमेष्ठिनः । भानोः स मण्डलं शुभ्रं ततो यातो महेश्वरम्

viveśa tad vedasāraṃ sthānaṃ vai parameṣṭhinaḥ / bhānoḥ sa maṇḍalaṃ śubhraṃ tato yāto maheśvaram

He entered that abode of the Highest One, the essence of the Veda — the bright orb of the sun — and from there went to Maheśvara.

AI translation rendered from the Sanskrit, not a published edition

KuP 1 19.75

यः पठेच्छृणुयाद् वापि राज्ञश्चरितमुत्तमम् । सर्वपापविनिर्मुक्तो ब्रह्मलोके महीयते

yaḥ paṭhecchṛṇuyād vāpi rājñaścaritamuttamam / sarvapāpavinirmukto brahmaloke mahīyate

Whoever reads or hears this excellent story of the king is freed from all sins and is honoured in the world of Brahmā.

AI translation rendered from the Sanskrit, not a published edition