Kurma Purana — Purva Vibhaga — Chapter 16
KuP 1 16.1
श्रीकूर्म उवाच अन्दके निगृहीते वै प्रह्लादस्य महात्मनः । विरोचनो नाम सुतो बभूव नृपतिः पुरा
śrīkūrma uvāca andake nigṛhīte vai prahlādasya mahātmanaḥ / virocano nāma suto babhūva nṛpatiḥ purā
Śrī Kūrma said: When Andhaka had been subdued, there was of old a son of the great-souled Prahlāda, a king named Virocana.
AI translation rendered from the Sanskrit, not a published edition
KuP 1 16.2
देवाञ्जित्वा सदेवेन्द्रान बहून् वर्षान् महासुरः । पालयामास धर्मेण त्रैलोक्यं सचराचरम्
devāñjitvā sadevendrāna bahūn varṣān mahāsuraḥ / pālayāmāsa dharmeṇa trailokyaṃ sacarācaram
Having conquered the gods together with Indra, the great asura protected for many years the three worlds with all that moves and does not move, according to dharma.
AI translation rendered from the Sanskrit, not a published edition
KuP 1 16.3
तस्यैवं वर्तमानस्य कदाचिद् विष्णुचोदितः । सनत्कुमारो भगवान् पुरं प्राप महामुनिः
tasyaivaṃ vartamānasya kadācid viṣṇucoditaḥ / sanatkumāro bhagavān puraṃ prāpa mahāmuniḥ
While he was so conducting himself, once the blessed great sage Sanatkumāra, urged by Viṣṇu, came to his city.
AI translation rendered from the Sanskrit, not a published edition
KuP 1 16.4
दृष्ट्वा सिहासनगतो ब्रह्मपुत्रं महासुरः । ननामोत्थाय शिरसा प्राञ्जलिर्वाक्यमब्रवीत्
dṛṣṭvā sihāsanagato brahmaputraṃ mahāsuraḥ / nanāmotthāya śirasā prāñjalirvākyamabravīt
Seeing Brahmā's son, the great asura, (though) seated on his lion-throne, rose and bowed with his head, and with folded hands spoke these words:
AI translation rendered from the Sanskrit, not a published edition
KuP 1 16.5
धन्यो ऽस्म्यनुगृहीतो ऽस्मि संप्राप्तो मे पुरातनः । योगीश्वरो ऽद्य भगवान् यतो ऽसौ ब्रह्मवित् स्वयम्
dhanyo 'smyanugṛhīto 'smi saṃprāpto me purātanaḥ / yogīśvaro 'dya bhagavān yato 'sau brahmavit svayam
"I am blessed, I am favoured: today the ancient lord of yogins, the Blessed One, has come to me, since he is himself a knower of Brahman.
AI translation rendered from the Sanskrit, not a published edition
KuP 1 16.6
किमर्थमागतो ब्रह्मन् स्वयं देवः पितामहः । ब्रूहि मे ब्रह्मणः पुत्र किं कार्यं करवाण्यहम्
kimarthamāgato brahman svayaṃ devaḥ pitāmahaḥ / brūhi me brahmaṇaḥ putra kiṃ kāryaṃ karavāṇyaham
For what purpose, O brahman, has the god, the Grandfather himself, come? Tell me, O son of Brahmā, what task I should perform."
AI translation rendered from the Sanskrit, not a published edition
KuP 1 16.7
सो ऽब्रवीद् भगवान् देवो धर्मयुक्तं महासुरम् । द्रष्टुमभ्यागतो ऽहं वै भवन्तं भाग्यवानसि
so 'bravīd bhagavān devo dharmayuktaṃ mahāsuram / draṣṭumabhyāgato 'haṃ vai bhavantaṃ bhāgyavānasi
That blessed god said to the great asura, who was joined to dharma: "I have come to see you; you are fortunate.
AI translation rendered from the Sanskrit, not a published edition
KuP 1 16.8
सुदुर्लभा नीतिरेषा दैत्यानां दैत्यसत्तम । त्रिलोके धार्मिको नूनं त्वादृशो ऽन्यो न विद्यते
sudurlabhā nītireṣā daityānāṃ daityasattama / triloke dhārmiko nūnaṃ tvādṛśo 'nyo na vidyate
This conduct is very hard to find among the daityas, O best of daityas; surely in the three worlds no other righteous one like you is to be found."
AI translation rendered from the Sanskrit, not a published edition
KuP 1 16.9
इत्युक्तो ऽसुरराजस्तं पुनः प्राह महामुनिम् । धर्माणां परमं धर्मं ब्रूहि मे ब्रह्मवित्तम
ityukto 'surarājastaṃ punaḥ prāha mahāmunim / dharmāṇāṃ paramaṃ dharmaṃ brūhi me brahmavittama
Thus addressed, the king of the asuras spoke again to that great sage: "Tell me, O best of the knowers of Brahman, the supreme dharma of dharmas."
AI translation rendered from the Sanskrit, not a published edition
KuP 1 16.10
सो ऽब्रवीद् भगवान् योगी दैत्येन्द्राय महात्मने । सर्वगुह्यतमं धर्ममात्मज्ञानमनुत्तमम्
so 'bravīd bhagavān yogī daityendrāya mahātmane / sarvaguhyatamaṃ dharmamātmajñānamanuttamam
That blessed yogin declared to the great-souled lord of daityas the dharma most secret of all, the unsurpassed knowledge of the Self.
AI translation rendered from the Sanskrit, not a published edition
KuP 1 16.11
स लब्ध्वा परमं ज्ञानं दत्त्वा च गुरुदक्षिणाम् । निधाय पुत्रे तद्राज्यं योगाभ्यासरतो ऽभवत्
sa labdhvā paramaṃ jñānaṃ dattvā ca gurudakṣiṇām / nidhāya putre tadrājyaṃ yogābhyāsarato 'bhavat
Having obtained the supreme knowledge and given the teacher's fee, he placed that kingdom in his son('s charge) and became devoted to the practice of yoga.
AI translation rendered from the Sanskrit, not a published edition
KuP 1 16.12
स तस्य पुत्रो मतिमान् बलिर्नाम महासुरः । ब्रह्मण्यो धार्मिको ऽत्यर्थं विजिग्ये ऽथ पुरन्दरम्
sa tasya putro matimān balirnāma mahāsuraḥ / brahmaṇyo dhārmiko 'tyarthaṃ vijigye 'tha purandaram
His son was the intelligent great asura named Bali, devoted to brahmans and exceedingly righteous; and he conquered Purandara (Indra).
AI translation rendered from the Sanskrit, not a published edition
KuP 1 16.13
कृत्वा तेन महद् युद्धं शक्रः सर्वामरैर्वृतः । जगाम निर्जितो विष्णुं देवं शरणमच्युतम्
kṛtvā tena mahad yuddhaṃ śakraḥ sarvāmarairvṛtaḥ / jagāma nirjito viṣṇuṃ devaṃ śaraṇamacyutam
Having waged a great battle with him, Śakra, surrounded by all the immortals, being defeated, went for refuge to the god Viṣṇu, the imperishable.
AI translation rendered from the Sanskrit, not a published edition
KuP 1 16.14
तदन्तरे ऽदितिर्देवी देवमाता सुदुः खिता । दैत्येन्द्राणां वधार्थाय पुत्रो मे स्यादिति स्वयम्
tadantare 'ditirdevī devamātā suduḥ khitā / daityendrāṇāṃ vadhārthāya putro me syāditi svayam
Meanwhile the goddess Aditi, mother of the gods, deeply grieved, (thinking) "may a son be mine for the slaying of the daitya lords," herself —
AI translation rendered from the Sanskrit, not a published edition
KuP 1 16.15
तताप सुमहद् घोरं तपोराशिस्तपः परम् । प्रपन्ना विष्णुमव्यक्तं शरण्यं शरणं हरिम्
tatāpa sumahad ghoraṃ taporāśistapaḥ param / prapannā viṣṇumavyaktaṃ śaraṇyaṃ śaraṇaṃ harim
She performed exceedingly great and terrible austerity, the highest, a very mass of austerity, having taken refuge in Viṣṇu the unmanifest, Hari, the giver of shelter, the shelter (itself).
AI translation rendered from the Sanskrit, not a published edition
KuP 1 16.16
कृत्वा हृत्पद्मकिञ्जल्के निष्कलं परमं पदम् । वासुदेवमनाद्यन्तमानन्दं व्योम केवलम्
kṛtvā hṛtpadmakiñjalke niṣkalaṃ paramaṃ padam / vāsudevamanādyantamānandaṃ vyoma kevalam
Having placed in the filament of the lotus of her heart the partless supreme state, Vāsudeva, without beginning or end, bliss, the sole (unbounded) space.
AI translation rendered from the Sanskrit, not a published edition
KuP 1 16.17
प्रसन्नो भगवान् विष्णुः शङ्खचक्रगदाधरः । आविर्बभूव योगात्मा देवमातुः पुरो हरिः
prasanno bhagavān viṣṇuḥ śaṅkhacakragadādharaḥ / āvirbabhūva yogātmā devamātuḥ puro hariḥ
The Lord Viṣṇu, well pleased, bearing conch, discus and mace, Hari whose self is yoga, became manifest before the mother of the gods.
AI translation rendered from the Sanskrit, not a published edition
KuP 1 16.18
दृष्ट्वा समागतं विष्णुमदितिर्भक्तिसंयुता । मेने कृतार्थमात्मानं तोषयामास केशवम्
dṛṣṭvā samāgataṃ viṣṇumaditirbhaktisaṃyutā / mene kṛtārthamātmānaṃ toṣayāmāsa keśavam
Seeing Viṣṇu arrived, Aditi, filled with devotion, thought herself to have attained her purpose, and gratified Keśava.
AI translation rendered from the Sanskrit, not a published edition
KuP 1 16.19
अदितिरुवाच जयाशेषदुः खौघनाशैकहेतो जयानन्तमाहात्म्ययोगाभियुक्त । जयानादिमध्यान्तविज्ञानमूर्ते जयाशेषकल्पामलानन्दरूप
aditiruvāca jayāśeṣaduḥ khaughanāśaikaheto jayānantamāhātmyayogābhiyukta / jayānādimadhyāntavijñānamūrte jayāśeṣakalpāmalānandarūpa
Aditi said: Hail, sole cause of the destruction of the whole mass of sorrows! Hail, you joined with the power of endless greatness! Hail, you whose form is the knowledge that has no beginning, middle, or end! Hail, you whose form is stainless bliss for all the ages!
AI translation rendered from the Sanskrit, not a published edition
KuP 1 16.20
नमो विष्णवे कालरूपाय तुभ्यं नमो नारसिंहाय शेषाय तुभ्यम् । नमः कालरुद्राय संहारकर्त्रे नमो वासुदेवाय तुभ्यं नमस्ते
namo viṣṇave kālarūpāya tubhyaṃ namo nārasiṃhāya śeṣāya tubhyam / namaḥ kālarudrāya saṃhārakartre namo vāsudevāya tubhyaṃ namaste
Homage to you, Viṣṇu, whose form is Time; homage to you, the Man-Lion, Śeṣa; homage to Kālarudra, the maker of destruction; homage to you, Vāsudeva—homage to you.
AI translation rendered from the Sanskrit, not a published edition
KuP 1 16.21
नमो विश्वमायाविधानाय तुभ्यं नमो योगगम्याय सत्याय तुभ्यम् । नमो धर्मविज्ञाननिष्ठाय तुभ्यं नमस्ते वराहाय भूयो नमस्ते
namo viśvamāyāvidhānāya tubhyaṃ namo yogagamyāya satyāya tubhyam / namo dharmavijñānaniṣṭhāya tubhyaṃ namaste varāhāya bhūyo namaste
Homage to you, ordainer of the world's illusion; homage to you, Truth, who are reached through yoga; homage to you, fixed in dharma and knowledge; homage to you, the Boar, and again homage to you.
AI translation rendered from the Sanskrit, not a published edition
KuP 1 16.22
नमस्ते सहस्त्रार्कचन्द्राभमूर्ते नमो वेदविज्ञानधर्माभिगम्य । नमो देवदेवादिदेवादिदेव प्रभो विश्वयोने ऽथ भूयो नमस्ते
namaste sahastrārkacandrābhamūrte namo vedavijñānadharmābhigamya / namo devadevādidevādideva prabho viśvayone 'tha bhūyo namaste
Homage to you whose form has the radiance of a thousand suns and moons; homage to you, who are approached through the Veda, knowledge, and dharma; homage, O god of gods, first god of the primal gods, O Lord, womb of the universe—and again homage to you.
AI translation rendered from the Sanskrit, not a published edition
KuP 1 16.23
नमः शंभवे सत्यनिष्ठाय तुभ्यं नमो हेतवे विश्वरूपाय तुभ्यम् । नमो योगपीठान्तरस्थाय तुभ्यं शिवायैकरूपाय भूयो नमस्ते
namaḥ śaṃbhave satyaniṣṭhāya tubhyaṃ namo hetave viśvarūpāya tubhyam / namo yogapīṭhāntarasthāya tubhyaṃ śivāyaikarūpāya bhūyo namaste
Homage to you, Śambhu, fixed in truth; homage to you, the cause, whose form is the universe; homage to you, who abide within the seat of yoga; homage again to you, Śiva, of a single form.
AI translation rendered from the Sanskrit, not a published edition
KuP 1 16.24
एवं स भगवान् कृष्णो देवमात्रा जगन्मयः । तोषितश्छन्दयामास वरेण प्रहसन्निव
evaṃ sa bhagavān kṛṣṇo devamātrā jaganmayaḥ / toṣitaśchandayāmāsa vareṇa prahasanniva
Thus that Lord Kṛṣṇa, who is the universe, being gratified by the mother of the gods, invited (her to choose) a boon, as if smiling.
AI translation rendered from the Sanskrit, not a published edition
KuP 1 16.25
प्रणम्य शिरसा भूमौ सा वब्रे वरमुत्तमम् । त्वामेव पुत्रं देवानां हिताय वरये वरम्
praṇamya śirasā bhūmau sā vabre varamuttamam / tvāmeva putraṃ devānāṃ hitāya varaye varam
Bowing with her head to the ground, she chose the highest boon: "As my boon I ask for you yourself as my son, for the welfare of the gods."
AI translation rendered from the Sanskrit, not a published edition
KuP 1 16.26
तथास्त्वित्याह भगवान् प्रपन्नजनवत्सलः । दत्त्वा वरानप्रमेयस्तत्रैवान्तरधीयत
tathāstvityāha bhagavān prapannajanavatsalaḥ / dattvā varānaprameyastatraivāntaradhīyata
"So be it," said the Lord, who is fond of those who take refuge in him; and the immeasurable one, having granted the boons, vanished there and then.
AI translation rendered from the Sanskrit, not a published edition
KuP 1 16.27
ततो बहुतिथे काले भगवन्तं जनार्दनम् । दधार गर्भं देवानां माता नारायणं स्वयम्
tato bahutithe kāle bhagavantaṃ janārdanam / dadhāra garbhaṃ devānāṃ mātā nārāyaṇaṃ svayam
Then, after a long time, the mother of the gods herself bore as her embryo the Lord Janārdana, Nārāyaṇa.
AI translation rendered from the Sanskrit, not a published edition
KuP 1 16.28
समाविष्टे हृषीकेशे देवमातुरथोदरम् । उत्पाता जज्ञिरे घोरा बलेर्वैरोचनेः पुरे
samāviṣṭe hṛṣīkeśe devamāturathodaram / utpātā jajñire ghorā balervairocaneḥ pure
Then, when Hṛṣīkeśa had entered the womb of the mother of the gods, terrible portents arose in the city of Bali, son of Virocana.
AI translation rendered from the Sanskrit, not a published edition
KuP 1 16.29
निरीक्ष्य सर्वानुत्पातान् दैत्येन्द्रो भयविह्वलः । प्रह्लादमसुरं वृद्धं प्रणम्याह पितामहम्
nirīkṣya sarvānutpātān daityendro bhayavihvalaḥ / prahlādamasuraṃ vṛddhaṃ praṇamyāha pitāmaham
Observing all the portents, the lord of the Daityas, overcome with fear, bowed to the aged Asura Prahlāda, his grandfather, and said:
AI translation rendered from the Sanskrit, not a published edition
KuP 1 16.30
बलिरुवाच पितामह महाप्राज्ञ जायन्ते ऽस्मत्पुरे ऽधुना । किमुत्पाता भवेत् कार्यमस्माकं किंनिमित्तकाः
baliruvāca pitāmaha mahāprājña jāyante 'smatpure 'dhunā / kimutpātā bhavet kāryamasmākaṃ kiṃnimittakāḥ
Bali said: O grandfather, greatly wise one, what are these portents that now arise in our city? What are they caused by? What should we do?
AI translation rendered from the Sanskrit, not a published edition
KuP 1 16.31
निशम्य तस्य वचनं चिरं ध्यात्वा महासुरः । नमस्कृत्य हृषीकेशमिदं वचनमब्रवीत्
niśamya tasya vacanaṃ ciraṃ dhyātvā mahāsuraḥ / namaskṛtya hṛṣīkeśamidaṃ vacanamabravīt
Hearing his words, the great Asura, having pondered long, and having made obeisance to Hṛṣīkeśa, spoke these words:
AI translation rendered from the Sanskrit, not a published edition
KuP 1 16.32
प्रह्लाद उवाच यो यज्ञैरिज्यते विष्णुर्यस्य सर्वमिदं जगत् । दधारासुरनाशार्थं माता तं त्रिदिवौकसाम्
prahlāda uvāca yo yajñairijyate viṣṇuryasya sarvamidaṃ jagat / dadhārāsuranāśārthaṃ mātā taṃ tridivaukasām
Prahlāda said: That Viṣṇu who is worshipped with sacrifices, whose is all this world—him the mother of the dwellers in heaven has borne (in her womb) for the destruction of the Asuras.
AI translation rendered from the Sanskrit, not a published edition
KuP 1 16.33
यस्मादभिन्नं सकलं भिद्यते यो ऽखिलादपि । स वासुदेवो देवानां मातुर्देहं समाविशत्
yasmādabhinnaṃ sakalaṃ bhidyate yo 'khilādapi / sa vāsudevo devānāṃ māturdehaṃ samāviśat
He from whom the whole is not distinct, and who is yet distinct from the whole—that Vāsudeva has entered the body of the mother of the gods.
AI translation rendered from the Sanskrit, not a published edition
KuP 1 16.34
न यस्य देवा जानन्ति स्वरूपं परमार्थतः । स विष्णुरदितेर्देहं स्वेच्छयाद्य समाविशत्
na yasya devā jānanti svarūpaṃ paramārthataḥ / sa viṣṇuraditerdehaṃ svecchayādya samāviśat
He whose true nature the gods do not know as it ultimately is—that Viṣṇu has today, by his own will, entered the body of Aditi.
AI translation rendered from the Sanskrit, not a published edition
KuP 1 16.35
यस्माद् भवन्ति भूतानि यत्र संयान्ति संक्षयम् । सो ऽवतीर्णो महायोगी पुराणपुरुषो हरिः
yasmād bhavanti bhūtāni yatra saṃyānti saṃkṣayam / so 'vatīrṇo mahāyogī purāṇapuruṣo hariḥ
From whom beings come to be, and in whom they go to their dissolution — he, the great yogin, the ancient Person, Hari, has descended.
AI translation rendered from the Sanskrit, not a published edition
KuP 1 16.36
न यत्र विद्यते नामजात्यादिपरिकल्पना । सत्तामात्रात्मरूपो ऽसौ विष्णुरंशेन जायते
na yatra vidyate nāmajātyādiparikalpanā / sattāmātrātmarūpo 'sau viṣṇuraṃśena jāyate
In whom no imagining of name, class and the rest is found — that Viṣṇu, whose own form is pure existence alone, is (now) born through a portion (of himself).
AI translation rendered from the Sanskrit, not a published edition
KuP 1 16.37
यस्य सा जगतां माता शक्तिस्तद्धर्मधारिणी । माया भगवती लक्ष्मीः सो ऽवतीर्णो जनार्दनः
yasya sā jagatāṃ mātā śaktistaddharmadhāriṇī / māyā bhagavatī lakṣmīḥ so 'vatīrṇo janārdanaḥ
He whose power, bearing his own attributes, is that mother of the worlds, Māyā, the blessed Lakṣmī — that Janārdana has descended.
AI translation rendered from the Sanskrit, not a published edition
KuP 1 16.38
यस्य सा तामसी मूर्तिः शङ्करो राजसी तनुः । ब्रह्मा संजायते विष्णुरंशेनैकेन सत्त्वभृत्
yasya sā tāmasī mūrtiḥ śaṅkaro rājasī tanuḥ / brahmā saṃjāyate viṣṇuraṃśenaikena sattvabhṛt
He whose dark (tamasic) form is Śaṅkara and whose passionate (rajasic) body is Brahmā — that Viṣṇu, bearing the quality of goodness, is born through a single portion.
AI translation rendered from the Sanskrit, not a published edition
KuP 1 16.39
इत्थं विचिन्त्य गोविन्दं भक्तिनम्रेण चेतसा । तमेव गच्छ शरणं ततो यास्यसि निर्वृतिम्
itthaṃ vicintya govindaṃ bhaktinamreṇa cetasā / tameva gaccha śaraṇaṃ tato yāsyasi nirvṛtim
Reflecting thus upon Govinda with a mind bowed in devotion, go to him alone for refuge; thereby you will attain peace.
AI translation rendered from the Sanskrit, not a published edition
KuP 1 16.40
ततः प्रह्लादवचनाद् बलिर्वैरोचनिर्हरिम् । जगाम शरणं विश्वं पालयामास धर्मतः
tataḥ prahlādavacanād balirvairocanirharim / jagāma śaraṇaṃ viśvaṃ pālayāmāsa dharmataḥ
Then, at Prahlāda's word, Bali the son of Virocana went to Hari for refuge, and ruled the world in accordance with dharma.
AI translation rendered from the Sanskrit, not a published edition
KuP 1 16.41
काले प्राप्ते महाविष्णुं देवानां हर्षवर्धनम् । असूत कश्यपाच्चैनं देवमातादितिः स्वयम्
kāle prāpte mahāviṣṇuṃ devānāṃ harṣavardhanam / asūta kaśyapāccainaṃ devamātāditiḥ svayam
When the time came, Aditi, the mother of the gods, herself brought forth this great Viṣṇu, the increaser of the gods' joy, from Kaśyapa.
AI translation rendered from the Sanskrit, not a published edition
KuP 1 16.42
चतुर्भुजं विशालाक्षं श्रीवत्साङ्कितवक्षसम् । नीलमेघप्रतीकाशं भ्राजमानं श्रियावृतम्
caturbhujaṃ viśālākṣaṃ śrīvatsāṅkitavakṣasam / nīlameghapratīkāśaṃ bhrājamānaṃ śriyāvṛtam
(She bore him) four-armed, wide-eyed, his chest marked with the śrīvatsa, resembling a dark cloud, shining, encompassed by splendour.
AI translation rendered from the Sanskrit, not a published edition
KuP 1 16.43
उपतस्थुः सुराः सर्वे सिद्धाः साध्याश्च चारणाः । उपेन्द्रमिन्द्रप्रमुखा ब्रह्मा चर्षिगमैर्वृतः
upatasthuḥ surāḥ sarve siddhāḥ sādhyāśca cāraṇāḥ / upendramindrapramukhā brahmā carṣigamairvṛtaḥ
All the gods attended upon Upendra — the Siddhas, the Sādhyas and the Cāraṇas, those headed by Indra, and Brahmā surrounded by the hosts of sages.
AI translation rendered from the Sanskrit, not a published edition
KuP 1 16.44
कृतोपनयनो वेदानध्यैष्ट भगवान् हरिः । समाचारं भरद्वाजात् त्रिलोकाय प्रदर्शयन्
kṛtopanayano vedānadhyaiṣṭa bhagavān hariḥ / samācāraṃ bharadvājāt trilokāya pradarśayan
His initiation performed, the Lord Hari studied the Vedas under Bharadvāja, thereby displaying correct practice to the three worlds.
AI translation rendered from the Sanskrit, not a published edition
KuP 1 16.45
एवं हि लौकिकं मार्गं प्रदर्शयति स प्रभुः । स यत् प्रमाणं कुरुते लोकस्तदनुवर्तते
evaṃ hi laukikaṃ mārgaṃ pradarśayati sa prabhuḥ / sa yat pramāṇaṃ kurute lokastadanuvartate
For thus does that Lord display the worldly path: whatever he makes a standard, the world follows after that.
AI translation rendered from the Sanskrit, not a published edition
KuP 1 16.46
ततः कालेन मतिमान् बलिर्वैरोचनिः स्वयम् । यज्ञैर्यज्ञेश्वरं विष्णुमर्चयामास सर्वगम्
tataḥ kālena matimān balirvairocaniḥ svayam / yajñairyajñeśvaraṃ viṣṇumarcayāmāsa sarvagam
Then in course of time the wise Bali, son of Virocana, himself worshipped with sacrifices Viṣṇu, the lord of sacrifice, who goes everywhere.
AI translation rendered from the Sanskrit, not a published edition
KuP 1 16.47
ब्राह्मणान् पूजयामास दत्त्वा बहुतरं धनम् । ब्रह्मर्षयः समाजग्मुर्यज्ञवाटं महात्मनः
brāhmaṇān pūjayāmāsa dattvā bahutaraṃ dhanam / brahmarṣayaḥ samājagmuryajñavāṭaṃ mahātmanaḥ
He honoured the brahmins, giving very abundant wealth; the brahmin-sages came together to the sacrificial enclosure of that great-souled one.
AI translation rendered from the Sanskrit, not a published edition
KuP 1 16.48
विज्ञाय विष्णुर्भगवान् भरद्वाजप्रचोदितः । आस्थाय वामनं रूपं यज्ञदेशमथागमत्
vijñāya viṣṇurbhagavān bharadvājapracoditaḥ / āsthāya vāmanaṃ rūpaṃ yajñadeśamathāgamat
Learning of it, the Lord Viṣṇu, urged on by Bharadvāja, assumed the form of a dwarf and came to the place of the sacrifice.
AI translation rendered from the Sanskrit, not a published edition
KuP 1 16.49
कृष्णाजिनोपवीताङ्ग आषाढेन विराजितः । ब्राह्मणो जटिलो वेदानुद्गिरन् भस्ममण्डितः
kṛṣṇājinopavītāṅga āṣāḍhena virājitaḥ / brāhmaṇo jaṭilo vedānudgiran bhasmamaṇḍitaḥ
His body wearing the black antelope skin and the sacred thread, resplendent with a staff (of palāśa wood), a brahmin with matted hair, smeared with ash, uttering the Vedas —
AI translation rendered from the Sanskrit, not a published edition
KuP 1 16.50
संप्राप्यासुरराजस्य समीपं भिक्षुको हरिः । स्वपादैर्विमितं देशमयाचत बलिं त्रिभिः
saṃprāpyāsurarājasya samīpaṃ bhikṣuko hariḥ / svapādairvimitaṃ deśamayācata baliṃ tribhiḥ
Having come near the king of the Asuras, Hari as a mendicant begged of Bali a piece of ground measured by three of his own steps.
AI translation rendered from the Sanskrit, not a published edition
KuP 1 16.51
प्रक्षाल्य चरणौ विष्णोर्बलिर्भासमन्वितः । आचामयित्वा भृङ्गारमादाय स्वर्णनिर्मितम्
prakṣālya caraṇau viṣṇorbalirbhāsamanvitaḥ / ācāmayitvā bhṛṅgāramādāya svarṇanirmitam
Bali, endowed with radiance, having washed Viṣṇu's feet and given him water to sip, took up a pitcher made of gold,
AI translation rendered from the Sanskrit, not a published edition
KuP 1 16.52
दास्ये तवेदं भवते पदत्रयं प्रीणातु देवो हरिरव्ययाकृतिः । विचिन्त्य देवस्य कराग्रपल्लवे निपातयामास जलं सुशीतलम्
dāsye tavedaṃ bhavate padatrayaṃ prīṇātu devo hariravyayākṛtiḥ / vicintya devasya karāgrapallave nipātayāmāsa jalaṃ suśītalam
and thinking, "I shall give this triad of steps to you, sir; may the god Hari of imperishable form be pleased," he let fall very cool water upon the sprout-like fingertips of the god.
AI translation rendered from the Sanskrit, not a published edition
KuP 1 16.53
विचक्रमे पृथिवीमेष एता- मथान्तरिक्षं दिवमादिदेवः । व्यपेतरागं दितिजेश्वरं तं प्रकर्तुकामः शरणं प्रपन्नम्
vicakrame pṛthivīmeṣa etā- mathāntarikṣaṃ divamādidevaḥ / vyapetarāgaṃ ditijeśvaraṃ taṃ prakartukāmaḥ śaraṇaṃ prapannam
This primal god strode over this earth, then the mid-region, then heaven, wishing to make that lord of Diti's sons, who had come for refuge, free of attachment.
AI translation rendered from the Sanskrit, not a published edition
KuP 1 16.54
आक्रम्य लोकत्रयमीशपादः प्राजापत्याद् ब्रह्मलोकं जगाम । प्रणेमुरादित्यसहस्त्रकल्पं ये तत्र लोके निवसन्ति सिद्धाः
ākramya lokatrayamīśapādaḥ prājāpatyād brahmalokaṃ jagāma / praṇemurādityasahastrakalpaṃ ye tatra loke nivasanti siddhāḥ
Having strided across the three worlds, the Lord's foot went from the world of Prajāpati to the world of Brahmā; those Siddhas who dwell in that world bowed down to him who was like a thousand suns.
AI translation rendered from the Sanskrit, not a published edition
KuP 1 16.55
अथोपतस्थे भगवाननादिः पितामहास्तोषयामास विष्णुम् । भित्त्वा तदण्डस्य कपालमूर्ध्वं जगाम दिव्यावरणानि भूयः
athopatasthe bhagavānanādiḥ pitāmahāstoṣayāmāsa viṣṇum / bhittvā tadaṇḍasya kapālamūrdhvaṃ jagāma divyāvaraṇāni bhūyaḥ
Then the beginningless Lord stood present, and the Grandfather (Brahmā) praised Viṣṇu; and having split the shell of that egg, (the Lord's foot) went upward, further, through the divine coverings.
AI translation rendered from the Sanskrit, not a published edition — the model flagged this verse as uncertain
KuP 1 16.56
अथाण्डभेदान्निपपात शीतलं महाजलं तत् पुण्यकृद्भिश्चजुष्टम् । प्रवर्तते चापि सरिद्वरा तदा गङ्गेत्युक्ता ब्रह्मणा व्योमसंस्था
athāṇḍabhedānnipapāta śītalaṃ mahājalaṃ tat puṇyakṛdbhiścajuṣṭam / pravartate cāpi saridvarā tadā gaṅgetyuktā brahmaṇā vyomasaṃsthā
Then, from the breaking of the egg, that cool great water fell down, resorted to by the doers of merit; and thereupon the best of rivers flows forth, called Gaṅgā by Brahmā, established in the sky.
AI translation rendered from the Sanskrit, not a published edition
KuP 1 16.57
गत्वा महान्तं प्रकृतिं प्रधानं ब्रह्माणमेकं पुरुषं स्वबीजम् । अतिष्ठदीशस्य पदं तदव्ययं दृष्ट्वा देवास्तत्र तत्र स्तुवन्ति
gatvā mahāntaṃ prakṛtiṃ pradhānaṃ brahmāṇamekaṃ puruṣaṃ svabījam / atiṣṭhadīśasya padaṃ tadavyayaṃ dṛṣṭvā devāstatra tatra stuvanti
Passing beyond the Great One (mahat), prakṛti, pradhāna, Brahmā, the one Puruṣa, its own seed, (the foot) reached that imperishable station of the Lord; seeing it, the gods praise (him) in place after place.
AI translation rendered from the Sanskrit, not a published edition — the model flagged this verse as uncertain
KuP 1 16.58
आलोक्य तं पुरुषं विश्वकायं महान् बलिर्भक्तियोगेन विष्णुम् । ननाम नारायणमेकमव्ययं स्वचेतसा यं प्रणमन्ति देवाः
ālokya taṃ puruṣaṃ viśvakāyaṃ mahān balirbhaktiyogena viṣṇum / nanāma nārāyaṇamekamavyayaṃ svacetasā yaṃ praṇamanti devāḥ
Beholding that Puruṣa whose body is the universe, the great Bali bowed, through the yoga of devotion, to Viṣṇu, to Nārāyaṇa, the one imperishable, to whom the gods bow with their own minds.
AI translation rendered from the Sanskrit, not a published edition
KuP 1 16.59
तमब्रवीद् भगवानादिकर्ता भूत्वा पुनर्वामनो वासुदेवः । ममैव दैत्याधिपते ऽधुनेदं लोकत्रयं भवता भावदत्तम्
tamabravīd bhagavānādikartā bhūtvā punarvāmano vāsudevaḥ / mamaiva daityādhipate 'dhunedaṃ lokatrayaṃ bhavatā bhāvadattam
The Lord, the primal maker, Vāsudeva, having become a dwarf again, said to him: "O lord of the Daityas, this triple world is now mine indeed, given by you out of (sincere) feeling."
AI translation rendered from the Sanskrit, not a published edition
KuP 1 16.60
प्रणम्य मूर्ध्ना पुनरेव दैत्यो निपातयामास जलं कराग्रे । दास्ये तवात्मानमनन्तधाम्ने त्रिविक्रमायामितविक्रमाय
praṇamya mūrdhnā punareva daityo nipātayāmāsa jalaṃ karāgre / dāsye tavātmānamanantadhāmne trivikramāyāmitavikramāya
Bowing with his head, the Daitya once more let the water fall onto his palm: "I shall give myself to you, whose abode is endless, to Trivikrama of measureless stride."
AI translation rendered from the Sanskrit, not a published edition
KuP 1 16.61
प्रगृह्य सूनोरपि संप्रदत्तं प्रह्लादसूनोरथ शङ्खपाणिः । जगाद दैत्यं जगदन्तरात्मा पातालमूलं प्रविशेति भूयः
pragṛhya sūnorapi saṃpradattaṃ prahlādasūnoratha śaṅkhapāṇiḥ / jagāda daityaṃ jagadantarātmā pātālamūlaṃ praviśeti bhūyaḥ
Then the conch-bearer, the inner self of the world, accepting what was fully given by the son of Prahlāda's son, said to the Daitya once more: "Enter the depths of Pātāla."
AI translation rendered from the Sanskrit, not a published edition
KuP 1 16.62
समास्यतां भवता तत्र नित्यं भुक्त्वा भोगान् देवतानामलभ्यान् । ध्यायस्व मां सततं भक्तियोगात् प्रवेक्ष्यसे कल्पदाहे पुनर्माम्
samāsyatāṃ bhavatā tatra nityaṃ bhuktvā bhogān devatānāmalabhyān / dhyāyasva māṃ satataṃ bhaktiyogāt pravekṣyase kalpadāhe punarmām
Let it be dwelt in by you there forever, enjoying pleasures unobtainable by the gods; meditate on me constantly through the yoga of devotion; at the burning of the kalpa you will enter me again.
AI translation rendered from the Sanskrit, not a published edition
KuP 1 16.63
उक्त्वैवं दैत्यसिंहं तं विष्णुः सत्यपराक्रमः । पुरन्दराय त्रैलोक्यं ददौ विष्णुरुरुक्रमः
uktvaivaṃ daityasiṃhaṃ taṃ viṣṇuḥ satyaparākramaḥ / purandarāya trailokyaṃ dadau viṣṇururukramaḥ
Having thus spoken to that lion among Daityas, Viṣṇu whose valour is true, Viṣṇu of the wide stride, gave the three worlds to Purandara (Indra).
AI translation rendered from the Sanskrit, not a published edition
KuP 1 16.64
संस्तुवन्ति महायोगं सिद्धा देवर्षिकिन्नराः । ब्रह्मा शक्रो ऽथ भगवान् रुद्रादित्यमरुद्गणाः
saṃstuvanti mahāyogaṃ siddhā devarṣikinnarāḥ / brahmā śakro 'tha bhagavān rudrādityamarudgaṇāḥ
The Siddhas, divine sages and Kinnaras praise the great Yoga (i.e. the great Yogin), (as do) Brahmā, Śakra, and the Lord Rudra, the Ādityas and the hosts of Maruts.
AI translation rendered from the Sanskrit, not a published edition
KuP 1 16.65
कृत्वैतदद्भुतं कर्म विष्णुर्वामनरूपधृक् । पश्यतामेव सर्वेषां तत्रैवान्तरधीयत
kṛtvaitadadbhutaṃ karma viṣṇurvāmanarūpadhṛk / paśyatāmeva sarveṣāṃ tatraivāntaradhīyata
Having done this wondrous deed, Viṣṇu, bearing the form of a dwarf, vanished right there while all were looking on.
AI translation rendered from the Sanskrit, not a published edition
KuP 1 16.66
सो ऽपि दैत्यवरः श्रीमान् पातालं प्राप चोदितः । प्रह्लादेनासुरवरैर्विष्णुना विष्णुतत्परः
so 'pi daityavaraḥ śrīmān pātālaṃ prāpa coditaḥ / prahlādenāsuravarairviṣṇunā viṣṇutatparaḥ
And that glorious best of Daityas, intent upon Viṣṇu, reached Pātāla, being urged (to it) by Prahlāda, by the foremost of the asuras, and by Viṣṇu.
AI translation rendered from the Sanskrit, not a published edition
KuP 1 16.67
अपृच्छद् विष्णुमाहात्मयं भक्तियोगमनुत्तमम् । पूजाविधानं प्रह्लादं तदाहासौ चकार सः
apṛcchad viṣṇumāhātmayaṃ bhaktiyogamanuttamam / pūjāvidhānaṃ prahlādaṃ tadāhāsau cakāra saḥ
He asked Prahlāda about the greatness of Viṣṇu, the unsurpassed yoga of devotion, and the ordinance of worship; then that one told (it), and he performed it.
AI translation rendered from the Sanskrit, not a published edition
KuP 1 16.68
अथ रथचरणासिशङ्खपाणिं सरसिजोलचनमीशमप्रमेयम् । शरणमुपपयौ स भावयोगात् प्रणतगतिं प्रणिधाय कर्मयोगम्
atha rathacaraṇāsiśaṅkhapāṇiṃ sarasijolacanamīśamaprameyam / śaraṇamupapayau sa bhāvayogāt praṇatagatiṃ praṇidhāya karmayogam
Then, through the yoga of feeling, he went for refuge to him who holds the discus, sword and conch, the lotus-eyed, immeasurable Lord, the resort of those who bow, having dedicated to him the yoga of action.
AI translation rendered from the Sanskrit, not a published edition
KuP 1 16.69
एष वः कथितो विप्रा वामनस्य पराक्रमः । स देवकार्याणि सदा करोति पुरुषोत्तमः
eṣa vaḥ kathito viprā vāmanasya parākramaḥ / sa devakāryāṇi sadā karoti puruṣottamaḥ
This valour of the Dwarf has been recounted to you, O brāhmaṇas; that Highest Person always accomplishes the tasks of the gods.
AI translation rendered from the Sanskrit, not a published edition