Kurma Purana — Purva Vibhaga — Chapter 12
KuP 1 12.1
सूत उवाच भृगोः ख्यात्यां समुत्पन्ना लक्ष्मीर्नारायणप्रिया । देवौ धाताविधातारौ मेरोर्जामातरौ तथा
sūta uvāca bhṛgoḥ khyātyāṃ samutpannā lakṣmīrnārāyaṇapriyā / devau dhātāvidhātārau merorjāmātarau tathā
Sūta said: From Bhṛgu, in Khyāti, was born Lakṣmī, the beloved of Nārāyaṇa, and the two gods Dhātā and Vidhātā, who were also the sons-in-law of Meru.
AI translation rendered from the Sanskrit, not a published edition
KuP 1 12.2
आयतिर्नियतिर्मेरोः कन्ये चैव महात्मनः । धाताविधात्रोस्ते भार्ये तयोर्जातौ सुतावुभौ
āyatirniyatirmeroḥ kanye caiva mahātmanaḥ / dhātāvidhātroste bhārye tayorjātau sutāvubhau
Āyati and Niyati were the two daughters of great-souled Meru; they were the wives of Dhātā and Vidhātā, and of those two were born two sons.
AI translation rendered from the Sanskrit, not a published edition
KuP 1 12.3
प्राणश्चैव मृकण्डुश्च मार्कण्डेयो मृकण्डुतः । तथा वेदशिरा नाम प्राणस्य द्युतिमान् सुतः
prāṇaścaiva mṛkaṇḍuśca mārkaṇḍeyo mṛkaṇḍutaḥ / tathā vedaśirā nāma prāṇasya dyutimān sutaḥ
Prāṇa and Mṛkaṇḍu; from Mṛkaṇḍu, Mārkaṇḍeya; and Prāṇa's radiant son was named Vedaśiras.
AI translation rendered from the Sanskrit, not a published edition
KuP 1 12.4
मरीचेरपि संभूतिः पौर्णमासमसूयत । कन्याचतुष्टयं चैव सर्वलक्षणसंयुतम्
marīcerapi saṃbhūtiḥ paurṇamāsamasūyata / kanyācatuṣṭayaṃ caiva sarvalakṣaṇasaṃyutam
Of Marīci too, Saṃbhūti bore Paurṇamāsa, and also a set of four daughters endowed with all (auspicious) marks.
AI translation rendered from the Sanskrit, not a published edition
KuP 1 12.5
तुष्टिर्ज्येष्ठा तथा वृष्टिः कृष्टिश्चापचितिस्तथा । विरजाः पर्वश्चैव पौर्णमासस्य तौ सुतौ
tuṣṭirjyeṣṭhā tathā vṛṣṭiḥ kṛṣṭiścāpacitistathā / virajāḥ parvaścaiva paurṇamāsasya tau sutau
Tuṣṭi the eldest, then Vṛṣṭi, Kṛṣṭi and Apaciti; and Virajas and Parvas were the two sons of Paurṇamāsa.
AI translation rendered from the Sanskrit, not a published edition
KuP 1 12.6
क्षमा तु सुषुवे पुत्रान् पुलहस्य प्रजापतेः । कर्दमं च वरीयांसं सहिष्णुं मुनिसत्तमम्
kṣamā tu suṣuve putrān pulahasya prajāpateḥ / kardamaṃ ca varīyāṃsaṃ sahiṣṇuṃ munisattamam
But Kṣamā bore sons to Pulaha the lord of creatures: Kardama, Varīyas, and Sahiṣṇu the best of sages,
AI translation rendered from the Sanskrit, not a published edition
KuP 1 12.7
तथैव च कनीयासं तपोनिर्धूतकल्पषम् । अनसूया तथैवात्रेर्जज्ञे पुत्रानकल्पषान्
tathaiva ca kanīyāsaṃ taponirdhūtakalpaṣam / anasūyā tathaivātrerjajñe putrānakalpaṣān
and likewise the youngest, whose impurity was burned away by ascetic heat. So too Anasūyā bore to Atri sons free of blemish:
AI translation rendered from the Sanskrit, not a published edition
KuP 1 12.8
सोमं दुर्वाससं चैव दत्तात्रेयं च योगिनम् । स्मृतिश्चाङ्गिरसः पुत्रीर्जज्ञे लक्षणसंयुताः
somaṃ durvāsasaṃ caiva dattātreyaṃ ca yoginam / smṛtiścāṅgirasaḥ putrīrjajñe lakṣaṇasaṃyutāḥ
Soma, Durvāsas, and Dattātreya the yogin. And Smṛti bore to Aṅgiras daughters endowed with (auspicious) marks:
AI translation rendered from the Sanskrit, not a published edition
KuP 1 12.9
सिनीवालीं कुहूं चैव राकामनुमतिं तथा । प्रीत्यां पुलस्त्यो भगवान् दत्तात्रिमसृजत् प्रभुः
sinīvālīṃ kuhūṃ caiva rākāmanumatiṃ tathā / prītyāṃ pulastyo bhagavān dattātrimasṛjat prabhuḥ
Sinīvālī, Kuhū, Rākā and Anumati. In Prīti the lord Pulastya begot Dattātri,
AI translation rendered from the Sanskrit, not a published edition
KuP 1 12.10
पूर्वजन्मनि सो ऽगस्त्यः स्मृतः स्वायंभुवे ऽन्तरे । वेदबाहुं तथा कन्यां सन्नतिं नाम नामतः
pūrvajanmani so 'gastyaḥ smṛtaḥ svāyaṃbhuve 'ntare / vedabāhuṃ tathā kanyāṃ sannatiṃ nāma nāmataḥ
who in a former birth, in the Svāyaṃbhuva interval, is remembered as Agastya; and (he begot) Vedabāhu and a daughter named Sannati.
AI translation rendered from the Sanskrit, not a published edition
KuP 1 12.11
पुत्राणां षष्टिसाहस्त्रं संततिः सुषुवे क्रतोः । ते चोर्ध्वरेतसः सर्वे बालखिल्या इति स्मृताः
putrāṇāṃ ṣaṣṭisāhastraṃ saṃtatiḥ suṣuve kratoḥ / te cordhvaretasaḥ sarve bālakhilyā iti smṛtāḥ
Saṃtati bore to Kratu sixty thousand sons; all of them were of upward-flowing seed and are known as the Bālakhilyas.
AI translation rendered from the Sanskrit, not a published edition
KuP 1 12.12
वसिष्ठश्च तथोर्जायां सप्तपुत्रानजीजनत् । कन्यां च पुण्डरीकाक्षां सर्वेशोभासमन्विताम्
vasiṣṭhaśca tathorjāyāṃ saptaputrānajījanat / kanyāṃ ca puṇḍarīkākṣāṃ sarveśobhāsamanvitām
And Vasiṣṭha begot in Ūrjā seven sons, and a lotus-eyed daughter endowed with every beauty.
AI translation rendered from the Sanskrit, not a published edition
KuP 1 12.13
रजोहश्चोर्ध्वबाहुश्च सवनश्चानघस्तथा । सुतपाः शुक्र इत्येते सप्त पुत्रा महौजसः
rajohaścordhvabāhuśca savanaścānaghastathā / sutapāḥ śukra ityete sapta putrā mahaujasaḥ
Rajoha, Ūrdhvabāhu, Savana, Anagha, Sutapas and Śukra — these are the seven sons of great vigour.
AI translation rendered from the Sanskrit, not a published edition
KuP 1 12.14
यो ऽसौ रुद्रात्मको वह्निर्ब्रह्मणस्तनयो द्विजाः । स्वाहा तस्मात् सुतान् लेभे त्रीनुदारान् महौजसः
yo 'sau rudrātmako vahnirbrahmaṇastanayo dvijāḥ / svāhā tasmāt sutān lebhe trīnudārān mahaujasaḥ
That Fire who is of Rudra's nature, the son of Brahmā, O twice-born — from him Svāhā obtained three noble sons of great vigour:
AI translation rendered from the Sanskrit, not a published edition
KuP 1 12.15
पावकः पवमानश्च शुचिरग्निश्च ते त्रयः । निर्मथ्यः पवमानः स्याद् वैद्युतः पावकः स्मृतः
pāvakaḥ pavamānaśca śuciragniśca te trayaḥ / nirmathyaḥ pavamānaḥ syād vaidyutaḥ pāvakaḥ smṛtaḥ
Pāvaka, Pavamāna and Śuci — these three are fires. Pavamāna would be the (fire) produced by churning; Pāvaka is held to be the fire of lightning.
AI translation rendered from the Sanskrit, not a published edition
KuP 1 12.16
यश्चासौ तपते सूर्यः शुचिरग्निस्त्वसौ स्मृतः । तेषां तु संततावन्ये चत्वारिंश्च पञ्च च
yaścāsau tapate sūryaḥ śuciragnistvasau smṛtaḥ / teṣāṃ tu saṃtatāvanye catvāriṃśca pañca ca
And that sun which burns (in the sky) is remembered as the fire Śuci; and in their continuing line there are forty-five others.
AI translation rendered from the Sanskrit, not a published edition
KuP 1 12.17
पावकः पवमानश्च शुचिस्तेषां पिता च यः । एते चैकोनपञ्चाशद् वह्नयः परिकीर्तितः
pāvakaḥ pavamānaśca śucisteṣāṃ pitā ca yaḥ / ete caikonapañcāśad vahnayaḥ parikīrtitaḥ
Pāvaka, Pavamāna, Śuci, and he who is their father — these are proclaimed to be the forty-nine fires.
AI translation rendered from the Sanskrit, not a published edition
KuP 1 12.18
सर्वे तपस्विनः प्रोक्ताः सर्वे यज्ञेषु भागिनः । रुद्रात्मकाः स्मृताः सर्वे त्रिपुण्ड्राङ्कितमस्तकाः
sarve tapasvinaḥ proktāḥ sarve yajñeṣu bhāginaḥ / rudrātmakāḥ smṛtāḥ sarve tripuṇḍrāṅkitamastakāḥ
All are said to be practisers of austerity, all have a share in sacrifices; all are held to have Rudra as their self, their foreheads marked with the triple line (tripuṇḍra).
AI translation rendered from the Sanskrit, not a published edition
KuP 1 12.19
अयज्वानश्च यज्वानः पितरो ब्रह्मणः स्मृताः । अग्निष्वात्ता बर्हिषदो द्विधा तेषां व्यवस्थितिः
ayajvānaśca yajvānaḥ pitaro brahmaṇaḥ smṛtāḥ / agniṣvāttā barhiṣado dvidhā teṣāṃ vyavasthitiḥ
The fathers (pitṛs) of Brahmā are remembered as both non-sacrificers and sacrificers: the Agniṣvāttas and the Barhiṣads — their arrangement is twofold.
AI translation rendered from the Sanskrit, not a published edition
KuP 1 12.20
तेभ्यः स्वधा सुतां जज्ञे मेनां वैतरणीं तथा । ते उभे ब्रह्मवादिन्यौ योगिन्यौ मुनिसत्तमाः
tebhyaḥ svadhā sutāṃ jajñe menāṃ vaitaraṇīṃ tathā / te ubhe brahmavādinyau yoginyau munisattamāḥ
From them Svadhā bore as daughters Menā and likewise Vaitaraṇī; both of them were expounders of brahman and yoginīs, O best of sages.
AI translation rendered from the Sanskrit, not a published edition
KuP 1 12.21
असूत मेना मैनाकं क्रौञ्चं तस्यानुजं तथा । गङ्गा हिमवतो जज्ञे सर्वलोकैकपावनी
asūta menā mainākaṃ krauñcaṃ tasyānujaṃ tathā / gaṅgā himavato jajñe sarvalokaikapāvanī
Menā gave birth to Maināka and to Krauñca, his younger brother; and Gaṅgā, sole purifier of all the worlds, was born of Himavat.
AI translation rendered from the Sanskrit, not a published edition
KuP 1 12.22
स्वयोगाग्निबलाद् देवीं लेभे पुत्रीं महेश्वरीं । यथावत् कथितं पूर्वं देव्या माहात्म्यमुत्तमम्
svayogāgnibalād devīṃ lebhe putrīṃ maheśvarīṃ / yathāvat kathitaṃ pūrvaṃ devyā māhātmyamuttamam
By the power of his own yoga-fire he obtained as daughter the goddess Maheśvarī; the supreme greatness of the Goddess has been duly told before.
AI translation rendered from the Sanskrit, not a published edition
KuP 1 12.23
एषा दक्षस्य कन्यानां मयापत्यानुसंततिः । व्याख्याता भवतामद्य मनोः सृष्टिं निबोधत
eṣā dakṣasya kanyānāṃ mayāpatyānusaṃtatiḥ / vyākhyātā bhavatāmadya manoḥ sṛṣṭiṃ nibodhata
This continuation of offspring from Dakṣa's daughters has now been expounded by me to you; (now) learn of the creation of Manu.
AI translation rendered from the Sanskrit, not a published edition