Kena Upanishad — Chapter 3

KeUp 3.1

ब्रह्म ह देवेभ्यो विजिग्ये तस्य ह ब्रह्मणो विजये देवा अमहीयन्त

brahma ha devebhyo vijigye tasya ha brahmaṇo vijaye devā amahīyanta

Brahman obtained the victory for the Devas. The Devas became elated by the victory of Brahman, and they thought, this victory is ours only, this greatness is ours only.

— tr. F. Max Müller (SBE, 1879/1884) (public domain)

KeUp 3.2

त ऐक्षन्तास्माकमेवायं विजयोऽस्माकमेवायं महिमेति । तद्धैषां विजज्ञौ तेभ्यो ह प्रादुर्बभूव तन्न व्यजानत किमिदं यक्षमिति

ta aikṣantāsmākamevāyaṃ vijayo'smākamevāyaṃ mahimeti | taddhaiṣāṃ vijajñau tebhyo ha prādurbabhūva tanna vyajānata kimidaṃ yakṣamiti

Brahman perceived this and appeared to them. But they did not know it, and said: 'What sprite (yaksha or yakshya) is this?'

— tr. F. Max Müller (SBE, 1879/1884) (public domain)

KeUp 3.3

तेऽग्निमब्रुवन् जातवेद एतद्विजानीहि किमिदं यक्षमिति तथेति

te'gnimabruvan jātaveda etadvijānīhi kimidaṃ yakṣamiti tatheti

They said to Agni (fire): 'O Gâtavedas, find out what sprite this is.' 'Yes,' he said.

— tr. F. Max Müller (SBE, 1879/1884) (public domain)

KeUp 3.4

तदभ्यद्रवत्तमभ्यवदत्कोऽसीत्यग्निर्वा अहमस्मीत्यब्रवीज्जातवेदा वा अहमस्मीति

tadabhyadravattamabhyavadatko'sītyagnirvā ahamasmītyabravījjātavedā vā ahamasmīti

He ran toward it, and Brahman said to him: 'Who are you?' He replied: 'I am Agni, I am Gâtavedas.'

— tr. F. Max Müller (SBE, 1879/1884) (public domain)

KeUp 3.5

तस्मिँस्त्वयि किं वीर्यमित्यपीदँ सर्वं दहेयं यदिदं पृथिव्यामिति

tasmi~stvayi kiṃ vīryamityapīda~ sarvaṃ daheyaṃ yadidaṃ pṛthivyāmiti

Brahman said: 'What power is in you?' Agni replied: 'I could burn all whatever there is on earth.'

— tr. F. Max Müller (SBE, 1879/1884) (public domain)

KeUp 3.6

तस्मै तृणं निदधावेतद्दहेति । तदुपप्रेयाय सर्वजवेन तन्न शशाक दग्धुं स तत एव निववृते नैतदशकं विज्ञातुं यदेतद्यक्षमिति

tasmai tṛṇaṃ nidadhāvetaddaheti | tadupapreyāya sarvajavena tanna śaśāka dagdhuṃ sa tata eva nivavṛte naitadaśakaṃ vijñātuṃ yadetadyakṣamiti

Brahman put a straw before him, saying: 'Burn this.' He went towards it with all his might, but he could not burn it. Then he returned thence and said: 'I could not find out what sprite this is.'

— tr. F. Max Müller (SBE, 1879/1884) (public domain)

KeUp 3.7

अथ वायुमब्रुवन्वायवेतद्विजानीहि किमेतद्यक्षमिति तथेति

atha vāyumabruvanvāyavetadvijānīhi kimetadyakṣamiti tatheti

Then they said to Vâyu (air): 'O Vâyu, find out what sprite this is.' 'Yes,' he said.

— tr. F. Max Müller (SBE, 1879/1884) (public domain)

KeUp 3.8

तदभ्यद्रवत्तमभ्यवदत्कोऽसीति वायुर्वा अहमस्मीत्यब्रवीन्मातरिश्वा वा अहमस्मीति

tadabhyadravattamabhyavadatko'sīti vāyurvā ahamasmītyabravīnmātariśvā vā ahamasmīti

He ran toward it, and Brahman said to him: 'Who are you?' He replied: 'I am Vâyu, I am Mâtarisvan.'

— tr. F. Max Müller (SBE, 1879/1884) (public domain)

KeUp 3.9

तस्मिँस्त्वयि किं वीर्यमित्यपीदँ सर्वमाददीय यदिदं पृथिव्यामिति

tasmi~stvayi kiṃ vīryamityapīda~ sarvamādadīya yadidaṃ pṛthivyāmiti

Brahman said: 'What power is in you?' Vâyu replied: 'I could take up all whatever there is on earth.'

— tr. F. Max Müller (SBE, 1879/1884) (public domain)

KeUp 3.10

तस्मै तृणं निदधावेतदादत्स्वेति तदुपप्रेयाय सर्वजवेन तन्न शशाकादतुम् | स तत एव निववृते नैतदशकं विज्ञातुं यदेतद्यक्षमिति

tasmai tṛṇaṃ nidadhāvetadādatsveti tadupapreyāya sarvajavena tanna śaśākādatum | sa tata eva nivavṛte naitadaśakaṃ vijñātuṃ yadetadyakṣamiti

Brahman put a straw before him, saying: 'Take it up.' He went towards it with all his might, but he could not take it up. Then he returned thence and said: 'I could not find out what sprite this is.'

— tr. F. Max Müller (SBE, 1879/1884) (public domain)

KeUp 3.11

अथेन्द्रमब्रुवन्मघवन्नेतद्विजानीहि किमेतद्यक्षमिति तथेति तदभ्यद्रवत्तस्मात्तिरोदधे

athendramabruvanmaghavannetadvijānīhi kimetadyakṣamiti tatheti tadabhyadravattasmāttirodadhe

Then they said to Indra: 'O Maghavan, find out what sprite this is.' He went towards it, but it disappeared from before him.

— tr. F. Max Müller (SBE, 1879/1884) (public domain)

KeUp 3.12

स तस्मिन्नेवाकाशे स्त्रियमाजगाम बहुशोभमानामुमाँ हैमवतीं ताँहोवाच किमेतद्यक्षमिति

sa tasminnevākāśe striyamājagāma bahuśobhamānāmumā~ haimavatīṃ tā~hovāca kimetadyakṣamiti

Then in the same space (ether) he came towards a woman, highly adorned: it was Umâ, the daughter of Himavat. He said to her: 'Who is that sprite?'

— tr. F. Max Müller (SBE, 1879/1884) (public domain)