Katha Upanishad — Chapter 3
KaU 3.1
ऋतं पिबन्तौ सुकृतस्य लोके गुहां प्रविष्टौ परमे परार्धे छायातपौ ब्रह्मविदो वदन्ति पञ्चाग्नयो ये च त्रिणाचिकेताः
ṛtaṃ pibantau sukṛtasya loke guhāṃ praviṣṭau parame parārdhe chāyātapau brahmavido vadanti pañcāgnayo ye ca triṇāciketāḥ
"There are the two, drinking their reward in the world of their own works, entered into the cave (of the heart), dwelling on the highest summit (the ether in the heart). Those who know Brahman call them shade and light; likewise, those householders who perform the Trinâkiketa sacrifice.
— tr. F. Max Müller (SBE, 1879/1884) (public domain)
KaU 3.2
यः सेतुर् ईजानानाम् अक्षरं ब्रह्म यत् परम् अभयं तितीर्षतां पारं नाचिकेतं शकेमहि
yaḥ setur ījānānām akṣaraṃ brahma yat param abhayaṃ titīrṣatāṃ pāraṃ nāciketaṃ śakemahi
May we be able to master that Nâkiketa rite which is a bridge for sacrificers; also that which is the highest, imperishable Brahman for those who wish to cross over to the fearless shore.
— tr. F. Max Müller (SBE, 1879/1884) (public domain)
KaU 3.3
आत्मानं रथिनं विद्धि शरीरं रथम् एव तु बुद्धिं तु सारथिं विद्धि मनः प्रग्रहम् एव च
ātmānaṃ rathinaṃ viddhi śarīraṃ ratham eva tu buddhiṃ tu sārathiṃ viddhi manaḥ pragraham eva ca
Know the Self to be sitting in the chariot, the body to be the chariot, the intellect (buddhi) the charioteer, and the mind the reins.
— tr. F. Max Müller (SBE, 1879/1884) (public domain)
KaU 3.4
इन्द्रियाणि हयान् आहुर् विषयांस् तेषु गोचरान् आत्मेन्द्रियमनोयुक्तं भोक्तेत्य् आहुर् मनीषिणः
indriyāṇi hayān āhur viṣayāṃs teṣu gocarān ātmendriyamanoyuktaṃ bhoktety āhur manīṣiṇaḥ
The senses they call the horses, the objects of the senses their roads. When he (the Highest Self) is in union with the body, the senses, and the mind, then wise people call him the Enjoyer.
— tr. F. Max Müller (SBE, 1879/1884) (public domain)
KaU 3.5
यस् त्व् अविज्ञानवान् भवत्य् अयुक्तेन मनसा सदा तस्येन्द्रियाण्य् अवश्यानि दुष्टाश्वा इव सारथेः
yas tv avijñānavān bhavaty ayuktena manasā sadā tasyendriyāṇy avaśyāni duṣṭāśvā iva sāratheḥ
He who has no understanding and whose mind (the reins) is never firmly held, his senses (horses) are unmanageable, like vicious horses of a charioteer.
— tr. F. Max Müller (SBE, 1879/1884) (public domain)
KaU 3.6
यस् तु विज्ञानवान् भवति युक्तेन मनसा सदा तस्येन्द्रियाणि वश्यानि सदश्वा इव सारथेः
yas tu vijñānavān bhavati yuktena manasā sadā tasyendriyāṇi vaśyāni sadaśvā iva sāratheḥ
But he who has understanding and whose mind is always firmly held, his senses are under control, like good horses of a charioteer.
— tr. F. Max Müller (SBE, 1879/1884) (public domain)
KaU 3.7
यस् त्व् अविज्ञानवान् भवत्य् अमनस्कः सदाशुचिः न स तत् पदम् आप्नोति संसारं चाधिगच्छति
yas tv avijñānavān bhavaty amanaskaḥ sadāśuciḥ na sa tat padam āpnoti saṃsāraṃ cādhigacchati
He who has no understanding, who is unmindful and always impure, never reaches that place, but enters into the round of births.
— tr. F. Max Müller (SBE, 1879/1884) (public domain)
KaU 3.8
यस् तु विज्ञानवान् भवति समनस्कः सदा शुचिः स तु तत् पदम् आप्नोति यस्माद् भूयो न जायते
yas tu vijñānavān bhavati samanaskaḥ sadā śuciḥ sa tu tat padam āpnoti yasmād bhūyo na jāyate
But he who has understanding, who is mindful and always pure, reaches indeed that place; from whence he is not born again.
— tr. F. Max Müller (SBE, 1879/1884) (public domain)
KaU 3.9
विज्ञानसारथिर् यस् तु मनः प्रग्रहवान् नरः सो ऽध्वनः पारम् आप्नोति तद् विष्णोः परमं पदम्
vijñānasārathir yas tu manaḥ pragrahavān naraḥ so 'dhvanaḥ pāram āpnoti tad viṣṇoḥ paramaṃ padam
But he who has understanding for his charioteer, and who holds the reins of the mind, he reaches the end of his journey, and that is the highest place of Vishnu.
— tr. F. Max Müller (SBE, 1879/1884) (public domain)
KaU 3.10
इन्द्रियेभ्यः परा ह्य् अर्था अर्थेभ्यश् च परं मनः मनसस् तु परा बुद्धिर् बुद्धेर् आत्मा महान् परः
indriyebhyaḥ parā hy arthā arthebhyaś ca paraṃ manaḥ manasas tu parā buddhir buddher ātmā mahān paraḥ
Beyond the senses there are the objects, beyond the objects there is the mind, beyond the mind there is the intellect, the Great Self is beyond the intellect.
— tr. F. Max Müller (SBE, 1879/1884) (public domain)
KaU 3.11
महतः परम् अव्यक्तम् अव्यक्तात् पुरुषः परः पुरुशान् न परं किंचित् सा काष्ठा सा परा गतिः
mahataḥ param avyaktam avyaktāt puruṣaḥ paraḥ puruśān na paraṃ kiṃcit sā kāṣṭhā sā parā gatiḥ
Beyond the Great there is the Undeveloped, beyond the Undeveloped there is the Person (purusha). Beyond the Person there is nothing — this is the goal, the highest road.
— tr. F. Max Müller (SBE, 1879/1884) (public domain)
KaU 3.12
एष सर्वेषु भूतेषु गूढो ऽत्मा न प्रकाशते दृष्यते त्व् अग्र्यया बुद्ध्या सूक्ष्मया सूक्ष्मदर्शिभिः
eṣa sarveṣu bhūteṣu gūḍho 'tmā na prakāśate dṛṣyate tv agryayā buddhyā sūkṣmayā sūkṣmadarśibhiḥ
That Self is hidden in all beings and does not shine forth, but it is seen by subtle seers through their sharp and subtle intellect.
— tr. F. Max Müller (SBE, 1879/1884) (public domain)
KaU 3.13
यच्छेद् वाङ्मनसी प्राज्ञस् तद् यच्छेज् ज्ञान आत्मनि ज्ञानम् आत्मनि महति नियच्छेत् तद् यच्छेच् छान्त आत्मनि
yacched vāṅmanasī prājñas tad yacchej jñāna ātmani jñānam ātmani mahati niyacchet tad yacchec chānta ātmani
A wise man should keep down speech and mind; he should keep them within the Self which is knowledge; he should keep knowledge within the Self whichs is the Great; and he should keep that (the Great) within the Self which is the Quiet.
— tr. F. Max Müller (SBE, 1879/1884) (public domain)
KaU 3.14
उत्तिष्ठत जाग्रत प्राप्य वरान् निबोधत क्षुरस्य धारा निशिता दुरत्यया दुर्गं पथस् तत् कवयो वदन्ति
uttiṣṭhata jāgrata prāpya varān nibodhata kṣurasya dhārā niśitā duratyayā durgaṃ pathas tat kavayo vadanti
Rise, awake! having obtained your boons, understand them! The sharp edge of a razor is difficult to pass over; thus the wise say the path (to the Self) is hard.
— tr. F. Max Müller (SBE, 1879/1884) (public domain)
KaU 3.15
अशब्दम् अस्पर्शम् अरूपम् अव्ययं तथारसं नित्यम् अगन्धवच् च यत् अनाद्य् अनन्तं महतः परं ध्रुवं निचाय्य तन् मृत्युमुखात् प्रमुच्यते
aśabdam asparśam arūpam avyayaṃ tathārasaṃ nityam agandhavac ca yat anādy anantaṃ mahataḥ paraṃ dhruvaṃ nicāyya tan mṛtyumukhāt pramucyate
He who has perceived that which is without sound, without touch, without form, without decay, without taste, eternal, without smell, without beginning, without end, beyond the Great, and unchangeable, is freed from the jaws of death.
— tr. F. Max Müller (SBE, 1879/1884) (public domain)
KaU 3.16
नाचिकेतम् उपाख्यानं मृत्युप्रोक्तं सनातनम् उक्त्वा श्रुत्वा च मेधावी ब्रह्मलोके महीयते
nāciketam upākhyānaṃ mṛtyuproktaṃ sanātanam uktvā śrutvā ca medhāvī brahmaloke mahīyate
A wise man who has repeated or heard the ancient story of Nakiketas told by Death, is magnified in the world of Brahman.
— tr. F. Max Müller (SBE, 1879/1884) (public domain)
KaU 3.17
य इमं परमं गुह्यं श्रावयेद् ब्रह्मसंसदि प्रयतः श्राद्धकाले वा तद् आनन्त्याय कल्पते तद् आनन्त्याय कल्पत इति
ya imaṃ paramaṃ guhyaṃ śrāvayed brahmasaṃsadi prayataḥ śrāddhakāle vā tad ānantyāya kalpate tad ānantyāya kalpata iti
And he who repeats this greatest mystery in an assembly of Brâhmans, or full of devotion at the time of the Srâddha sacrifice, obtains thereby infinite rewards."
— tr. F. Max Müller (SBE, 1879/1884) (public domain)