Kalika Purana — Chapter 33
KaP 33.1
कालिकापुराणम् त्रयस्त्रिंशोऽध्यायः अकालप्रलय कथनम् अथ कालिका पुराण अध्याय ३३ ।। मार्कण्डेय उवाच ।। तं तथा पीवरतनुं दृष्टा मात्स्यं मनुः स्वयम् । गृहीत्वा पाणिना फुल्लनलिनीं सरसीं ययौ
kālikāpurāṇam trayastriṃśo'dhyāyaḥ akālapralaya kathanam atha kālikā purāṇa adhyāya 33 || mārkaṇḍeya uvāca || taṃ tathā pīvaratanuṃ dṛṣṭā mātsyaṃ manuḥ svayam | gṛhītvā pāṇinā phullanalinīṃ sarasīṃ yayau
The Kālikāpurāṇa, thirty-third chapter: the account of the untimely dissolution. Mārkaṇḍeya said: Seeing that fish thus grown stout of body, Manu himself took it in his hand and went to a pond full of blossoming lotuses.
AI translation rendered from the Sanskrit, not a published edition
KaP 33.2
तत्सरस्तत्र विपुलं पुण्ये नारायणाश्रमे । एकयोजनविस्तीर्णं सार्धयोजनमायतम् । नानामीनगणोपेतं शीतामलजलोत्करम्
tatsarastatra vipulaṃ puṇye nārāyaṇāśrame | ekayojanavistīrṇaṃ sārdhayojanamāyatam | nānāmīnagaṇopetaṃ śītāmalajalotkaram
That pond there was large, in the holy hermitage of Nārāyaṇa, one yojana broad and one and a half yojanas long, containing many shoals of fish, with an abundance of cool clear water.
AI translation rendered from the Sanskrit, not a published edition
KaP 33.3
तदासाद्य सरो मत्स्यं विनिधाय मनुस्तदा । पालयामास सुतवत् कृपया परया युतः
tadāsādya saro matsyaṃ vinidhāya manustadā | pālayāmāsa sutavat kṛpayā parayā yutaḥ
Reaching that pond, Manu then put the fish (in it) and tended it like a son, filled with the utmost compassion.
AI translation rendered from the Sanskrit, not a published edition
KaP 33.4
सोऽचिरेणैव कालेन पीनो वैसारिणोऽभवत् । न ममौ तत्र सरसि बृहत्त्वात् द्विजसत्तमाः
so'cireṇaiva kālena pīno vaisāriṇo'bhavat | na mamau tatra sarasi bṛhattvāt dvijasattamāḥ
In no long time that fish grew stout, and it no longer fitted in that lake because of its bigness, O best of the twice-born.
AI translation rendered from the Sanskrit, not a published edition
KaP 33.5
स एकदा महामत्स्यः पूर्वापरतरद्वये
sa ekadā mahāmatsyaḥ pūrvāparataradvaye
Once that great fish, (stretched) between the two banks, the eastern and the western —
AI translation rendered from the Sanskrit, not a published edition — the model flagged this verse as uncertain
KaP 33.6
शिरः पुच्छे निधायाशु तुङ्गदेहः समुच्छ्रितः । स्वायम्भुवं महात्मानं चुक्रोश त्राहि मामिति
śiraḥ pucche nidhāyāśu tuṅgadehaḥ samucchritaḥ | svāyambhuvaṃ mahātmānaṃ cukrośa trāhi māmiti
— laying its head at once upon its tail, its body reared up high, cried out to the great-souled son of the Self-born, "Save me!"
AI translation rendered from the Sanskrit, not a published edition
KaP 33.7
तं तथा च मनुर्ज्ञात्वा क्रोशन्तं स्थूलपुच्छकम् । आससाद तदा मत्स्यं जग्राह च करेण तम्
taṃ tathā ca manurjñātvā krośantaṃ sthūlapucchakam | āsasāda tadā matsyaṃ jagrāha ca kareṇa tam
And Manu, knowing it thus crying out, thick-tailed, then approached that fish and took hold of it with his hand.
AI translation rendered from the Sanskrit, not a published edition
KaP 33.8
न शक्नोम्यहमुद्धर्तुं पृथरोमाणमद्भुतम् । इति संचिन्तयन्नेव प्रोद्दधार करेण तम्
na śaknomyahamuddhartuṃ pṛtharomāṇamadbhutam | iti saṃcintayanneva proddadhāra kareṇa tam
"I cannot lift up this wondrous creature with its coarse scales" — even while thinking thus, he lifted it up with his hand.
AI translation rendered from the Sanskrit, not a published edition — the model flagged this verse as uncertain
KaP 33.9
भगवानपि विश्वात्मा मत्स्यरूपी जनार्दनः । स्वायम्भुवकरं प्राप्य लघिमानमुपाश्रयत्
bhagavānapi viśvātmā matsyarūpī janārdanaḥ | svāyambhuvakaraṃ prāpya laghimānamupāśrayat
And the Lord too, Janārdana, the Self of the universe, in the form of a fish, on reaching the hand of the son of the Self-born, took on lightness.
AI translation rendered from the Sanskrit, not a published edition
KaP 33.10
ततः कराभ्यामुद्धृत्य स्कन्धे कृत्वा द्रुतं मनुः । निनाय सागरं तत्र तोये च निदधे ततः
tataḥ karābhyāmuddhṛtya skandhe kṛtvā drutaṃ manuḥ | nināya sāgaraṃ tatra toye ca nidadhe tataḥ
Then Manu, lifting it up with both hands and putting it quickly on his shoulder, carried it to the ocean and there set it down in the water.
AI translation rendered from the Sanskrit, not a published edition
KaP 33.11
यथेच्छमत्र वर्धस्व न कोऽपि त्वां वधिष्यति । अचिरेणैव सम्पूर्णदेहं त्वं समवाप्नुहि
yathecchamatra vardhasva na ko'pi tvāṃ vadhiṣyati | acireṇaiva sampūrṇadehaṃ tvaṃ samavāpnuhi
"Grow here as you wish; no one will kill you. In no long time may you attain your full body."
AI translation rendered from the Sanskrit, not a published edition
KaP 33.12
इत्युक्त्वा स महाभागः सर्वप्राणभृतां वरः । लघुत्वं चिन्तयंस्तस्य विस्मयं परमं गतः
ityuktvā sa mahābhāgaḥ sarvaprāṇabhṛtāṃ varaḥ | laghutvaṃ cintayaṃstasya vismayaṃ paramaṃ gataḥ
Having said this, that greatly fortunate one, best of all bearers of breath, reflecting on its lightness, fell into the utmost amazement.
AI translation rendered from the Sanskrit, not a published edition
KaP 33.13
मत्स्योsपि नचिरादेव पूर्णकायस्तदा महान् । सर्वतः पूरयामास देहाभोगेन सागरम्
matsyospi nacirādeva pūrṇakāyastadā mahān | sarvataḥ pūrayāmāsa dehābhogena sāgaram
And the fish too, in no long time, its body then full and huge, filled the ocean on all sides with the expanse of its body.
AI translation rendered from the Sanskrit, not a published edition
KaP 33.14
तं पूर्णकायमालोक्य व्यतीत्याम्भः समुच्छ्रितम् । शिलाभिर्निचितं स्फीतं मानसाचलसंनिभम्
taṃ pūrṇakāyamālokya vyatītyāmbhaḥ samucchritam | śilābhirnicitaṃ sphītaṃ mānasācalasaṃnibham
Seeing it with its body full, risen up beyond the water, covered over with rocks, swollen, resembling Mount Mānasa,
AI translation rendered from the Sanskrit, not a published edition
KaP 33.15
रुन्धन्तं सागरं सर्वं देहाभोगाचलीकृतम् । स्वायम्भुवो मनुर्धीमान् मेने मात्स्यं न तं तदा
rundhantaṃ sāgaraṃ sarvaṃ dehābhogācalīkṛtam | svāyambhuvo manurdhīmān mene mātsyaṃ na taṃ tadā
blocking the whole ocean, made mountain-like by the expanse of its body — then the wise Manu, son of the Self-born, did not take it for a fish.
AI translation rendered from the Sanskrit, not a published edition
KaP 33.16
ततः पप्रच्छ तं साम्ना मत्स्यं स्वाय्भुवो मनुः । विचिन्त्य लघिमानं च पश्यन् मूर्तिं तदाद्भुतम्
tataḥ papraccha taṃ sāmnā matsyaṃ svāybhuvo manuḥ | vicintya laghimānaṃ ca paśyan mūrtiṃ tadādbhutam
Then Manu, son of the Self-born, gently questioned that fish, reflecting on its lightness and beholding that wondrous form:
AI translation rendered from the Sanskrit, not a published edition
KaP 33.17
।। मनुरुवाच ।। न त्वां मत्स्यमहं मन्ये कस्त्वं मे वद सत्तम । महत्वं लघिमानं चिन्तयन् सुमहत्तर
|| manuruvāca || na tvāṃ matsyamahaṃ manye kastvaṃ me vada sattama | mahatvaṃ laghimānaṃ cintayan sumahattara
Manu said: I do not think you a fish. Who are you? Tell me, O best one, as I reflect on your greatness and your lightness, O far greater one.
AI translation rendered from the Sanskrit, not a published edition
KaP 33.18
त्वं ब्रह्माप्यथवा विष्णुः शम्भुर्वा मीनरूपधृक् । न चेद्गुह्य महाभाग तन्मे वद महामते
tvaṃ brahmāpyathavā viṣṇuḥ śambhurvā mīnarūpadhṛk | na cedguhya mahābhāga tanme vada mahāmate
Are you Brahmā, or Viṣṇu, or Śambhu, bearing the form of a fish? If it is not a secret, O greatly fortunate, tell me that, O great-minded one.
AI translation rendered from the Sanskrit, not a published edition
KaP 33.19
।। मत्स्य उवाच ।। आराध्योऽहं त्वयानित्यं यो हरिः सः सनातनः । तवेष्टकामसिद्ध्यर्थं प्रादुर्भूतः समाहितः
|| matsya uvāca || ārādhyo'haṃ tvayānityaṃ yo hariḥ saḥ sanātanaḥ | taveṣṭakāmasiddhyarthaṃ prādurbhūtaḥ samāhitaḥ
The fish said: I am he whom you constantly worship, that eternal Hari; for the fulfilment of your desired wish I have appeared, intent (upon it).
AI translation rendered from the Sanskrit, not a published edition
KaP 33.20
यत् त्वमिच्छसि भूतेश मत्तस्त्वं मीनमूर्तितः । तत् करिष्येऽद्य तां मूर्तिमिमां विद्धि मनो मम
yat tvamicchasi bhūteśa mattastvaṃ mīnamūrtitaḥ | tat kariṣye'dya tāṃ mūrtimimāṃ viddhi mano mama
Whatever you wish from me, O lord of beings, from me in fish-form, that I shall do today; know this form (of mine) to be my own intent.
AI translation rendered from the Sanskrit, not a published edition — the model flagged this verse as uncertain
KaP 33.21
।। मार्कण्डेय उवाच ।। इति तस्य वचः श्रुत्वा विष्णोरमिततेजसः । ज्ञात्वा प्रत्यक्षतो विष्णुं मनुस्तुष्टाव केशवम्
|| mārkaṇḍeya uvāca || iti tasya vacaḥ śrutvā viṣṇoramitatejasaḥ | jñātvā pratyakṣato viṣṇuṃ manustuṣṭāva keśavam
Mārkaṇḍeya said: Having heard these words of his, of Viṣṇu of measureless splendour, and knowing Viṣṇu (to be) directly before him, Manu praised Keśava.
AI translation rendered from the Sanskrit, not a published edition
KaP 33.22
।। मनुरुवाच ।। नमस्ते जगदव्यक्तपरापरपते हरे । पावकादित्यशीतांशु नेत्रत्रयधराव्यय
|| manuruvāca || namaste jagadavyaktaparāparapate hare | pāvakādityaśītāṃśu netratrayadharāvyaya
Manu said: Homage to you, O Hari, lord of the unmanifest world, of the higher and the lower, bearer of the three eyes—fire, sun and cool-rayed moon—O imperishable one.
AI translation rendered from the Sanskrit, not a published edition
KaP 33.23
जगत्कारण सर्वज्ञ जगद्धाम हरे पर । परापरात्मरूपात्मन् पारिणां पारकारण
jagatkāraṇa sarvajña jagaddhāma hare para | parāparātmarūpātman pāriṇāṃ pārakāraṇa
O cause of the world, all-knowing, O abode of the world, O Hari, O supreme one, O Self whose form is the higher and lower self, O cause of the far shore for those who would cross over.
AI translation rendered from the Sanskrit, not a published edition — the model flagged this verse as uncertain
KaP 33.24
आत्मानमात्मना धृत्वा धरारूपधरो हरे । विभर्षि सकलान् लोकानाधारात्मंस्त्रिविक्रम
ātmānamātmanā dhṛtvā dharārūpadharo hare | vibharṣi sakalān lokānādhārātmaṃstrivikrama
Having upheld yourself by yourself, O Hari, bearing the form of the earth, you support all the worlds, O Self that is (their) support, O Trivikrama.
AI translation rendered from the Sanskrit, not a published edition
KaP 33.25
सर्ववेदमय श्रेष्ठ धामधारणकारण । सुरौधपरमेशान नारायण सुरेश्वर
sarvavedamaya śreṣṭha dhāmadhāraṇakāraṇa | suraudhaparameśāna nārāyaṇa sureśvara
O you who consist of all the Vedas, O most excellent one, O cause of the holding of (all) abodes, O supreme lord of the host of gods, O Nārāyaṇa, O lord of the gods.
AI translation rendered from the Sanskrit, not a published edition
KaP 33.26
अयोनिस्त्वं जगद्योनिरपादस्त्वं सदागतिः । त्वं तेज: स्पर्शहीनश्च सर्वेशस्त्वमनीश्वर
ayonistvaṃ jagadyonirapādastvaṃ sadāgatiḥ | tvaṃ teja: sparśahīnaśca sarveśastvamanīśvara
You are unborn, (yet) the womb of the world; you are footless, (yet) ever-moving; you are radiance and devoid of touch; you are the lord of all, (yourself) having no lord.
AI translation rendered from the Sanskrit, not a published edition
KaP 33.27
त्वमनादिः समस्तादिस्त्वं नित्यानन्तरोऽन्तरः । यद्वैममण्डं जगतां बीजं ब्रह्माण्डसंज्ञितम्
tvamanādiḥ samastādistvaṃ nityānantaro'ntaraḥ | yadvaimamaṇḍaṃ jagatāṃ bījaṃ brahmāṇḍasaṃjñitam
You are beginningless, (yet) the beginning of all; you are eternal, without interval and without inside — and that egg of the worlds, the seed (of them), called Brahmāṇḍa,
AI translation rendered from the Sanskrit, not a published edition — the model flagged this verse as uncertain
KaP 33.28
तद्वीजं भवतस्तेजस्त्वयोक्तं सलिलेषु च । सर्वाधारो निराधारो निर्हेतुः सर्वकारणम्
tadvījaṃ bhavatastejastvayoktaṃ salileṣu ca | sarvādhāro nirādhāro nirhetuḥ sarvakāraṇam
that seed is your radiance, cast by you into the waters; (you are) the support of all, yourself without support, without cause, the cause of everything.
AI translation rendered from the Sanskrit, not a published edition — the model flagged this verse as uncertain
KaP 33.29
नमो नमस्ते विश्वेश लोकानां प्रभव प्रभो । सृष्टिस्थित्यन्तहेतुस्त्वं विधिविष्णुहरात्मधृक्
namo namaste viśveśa lokānāṃ prabhava prabho | sṛṣṭisthityantahetustvaṃ vidhiviṣṇuharātmadhṛk
Homage, homage to you, lord of the universe, source of the worlds, O master; you are the cause of creation, preservation and end, bearing in yourself (the forms of) Brahmā, Viṣṇu and Śiva.
AI translation rendered from the Sanskrit, not a published edition
KaP 33.30
यस्य ते दशधा मूर्तिरूर्मिषट्कादिवर्जिता । ज्योतिः पतिस्त्वमम्भोधिस्तस्मै तुभ्यं नमो नमः
yasya te daśadhā mūrtirūrmiṣaṭkādivarjitā | jyotiḥ patistvamambhodhistasmai tubhyaṃ namo namaḥ
You whose form is tenfold, free from the six waves and the rest; you are light, you are the lord, you are the ocean — to that you, homage and homage.
AI translation rendered from the Sanskrit, not a published edition — the model flagged this verse as uncertain
KaP 33.31
कस्ते भावं वक्तुमीशः परेश स्थूलात्स्थूलो योऽरूपोर्थवर्गात् । तस्मै नित्यं मे नमोऽस्त्वद्य योऽभूदादित्यवर्णं तमसः परस्तात्
kaste bhāvaṃ vaktumīśaḥ pareśa sthūlātsthūlo yo'rūporthavargāt | tasmai nityaṃ me namo'stvadya yo'bhūdādityavarṇaṃ tamasaḥ parastāt
Who is able to tell your nature, O supreme lord — you who are grosser than the gross, (yet) formless, (beyond) the class of objects? To him let my homage be forever, now — to him who came to be sun-coloured, beyond the darkness.
AI translation rendered from the Sanskrit, not a published edition — the model flagged this verse as uncertain
KaP 33.32
सहस्रशीर्षा पुरुष: सहस्रपात् सहस्रचक्षुः पृथिवीं समन्ततः । दशाङ्गुलं यो हि समत्यतिष्ठत् स मे प्रसीदत्विह विष्णुरुग्र:
sahasraśīrṣā puruṣa: sahasrapāt sahasracakṣuḥ pṛthivīṃ samantataḥ | daśāṅgulaṃ yo hi samatyatiṣṭhat sa me prasīdatviha viṣṇurugra:
The Person of a thousand heads, thousand-footed, thousand-eyed, who indeed stood surpassing the earth on all sides by ten fingers' breadth — may that terrible Viṣṇu be gracious to me here.
AI translation rendered from the Sanskrit, not a published edition
KaP 33.33
नमस्ते मीनमूर्ते हे नमस्ते भगवन् हरे । नमस्ते जगदानन्द नमस्ते भक्तवत्सल
namaste mīnamūrte he namaste bhagavan hare | namaste jagadānanda namaste bhaktavatsala
Homage to you, O you of fish-form; homage to you, O Blessed Hari; homage to you, O joy of the world; homage to you, O you who are tender to your devotees.
AI translation rendered from the Sanskrit, not a published edition
KaP 33.34
।। मार्कण्डेय उवाच ।। स्वायम्भुवेन मनुना संस्तुतो मत्स्यरूपधृक् । वासुदेवस्तदा प्राह मेघगम्भीरनिःस्वनः
|| mārkaṇḍeya uvāca || svāyambhuvena manunā saṃstuto matsyarūpadhṛk | vāsudevastadā prāha meghagambhīraniḥsvanaḥ
Mārkaṇḍeya said: Praised thus by Manu Svāyambhuva, Vāsudeva, bearing the fish-form, then spoke, with a voice deep as a cloud('s thunder).
AI translation rendered from the Sanskrit, not a published edition
KaP 33.35
।। श्रीभगवानुवाच ।। तुष्टोऽस्मि तपसा तेऽद्य भक्त्या चापि स्तुतो मुहुः । सपर्यया च दानेन वरं वरय सुव्रत
|| śrībhagavānuvāca || tuṣṭo'smi tapasā te'dya bhaktyā cāpi stuto muhuḥ | saparyayā ca dānena varaṃ varaya suvrata
The Blessed Lord said: I am pleased today by your austerity, and being praised repeatedly with devotion, and by worship and by giving — choose a boon, O you of good vows.
AI translation rendered from the Sanskrit, not a published edition
KaP 33.36
इष्टार्थं सम्प्रदास्यामि तुभ्यं नात्र विचारणा । वरयस्वेप्सितान् कामान् लोकानां वा हितं च यत्
iṣṭārthaṃ sampradāsyāmi tubhyaṃ nātra vicāraṇā | varayasvepsitān kāmān lokānāṃ vā hitaṃ ca yat
I shall grant you the object you desire; there is no hesitation in this. Choose the wishes you long for, or whatever is a benefit to the worlds.
AI translation rendered from the Sanskrit, not a published edition
KaP 33.37
।। मनुरुवाच ।। यदि देयो वरोमेऽद्य लोकानां यो हितो भवेत् । तन्मे देहि वरं विष्णो तं वक्ष्यामि शृणुष्व मे
|| manuruvāca || yadi deyo varome'dya lokānāṃ yo hito bhavet | tanme dehi varaṃ viṣṇo taṃ vakṣyāmi śṛṇuṣva me
Manu said: If a boon is to be given me today, (let it be) that which will be a benefit to the worlds. Grant me that boon, O Viṣṇu; I shall state it — listen to me.
AI translation rendered from the Sanskrit, not a published edition
KaP 33.38
शशाप कपिल: पूर्वं मदर्थे भुवनत्रयम् । हतप्रहतविध्वस्तं सकलं ते भवेदिति
śaśāpa kapila: pūrvaṃ madarthe bhuvanatrayam | hataprahatavidhvastaṃ sakalaṃ te bhavediti
Formerly Kapila cursed the three worlds on my account, (saying) "May all of it become for you struck, beaten down and shattered."
AI translation rendered from the Sanskrit, not a published edition — the model flagged this verse as uncertain
KaP 33.39
येनेयमुद्धृता पृथ्वी येनेयं प्रतिपालिता । संहरिष्यति यस्त्वेनां तेऽधुना प्लावयन्त्विमाम्
yeneyamuddhṛtā pṛthvī yeneyaṃ pratipālitā | saṃhariṣyati yastvenāṃ te'dhunā plāvayantvimām
"He by whom this earth was raised up, he by whom it was protected, he who will destroy it — let those (waters) now flood it."
AI translation rendered from the Sanskrit, not a published edition — the model flagged this verse as uncertain
KaP 33.40
ततोऽहं दीनहृदयस्त्वामेव शरणं गतः । न यथेदं त्रिभुवनं भविष्यति जलप्लुतम् । हतप्रहतविध्वस्तं तथा त्वं देहि मे वरम्
tato'haṃ dīnahṛdayastvāmeva śaraṇaṃ gataḥ | na yathedaṃ tribhuvanaṃ bhaviṣyati jalaplutam | hataprahatavidhvastaṃ tathā tvaṃ dehi me varam
Therefore I, wretched at heart, have gone to you alone for refuge. Grant me such a boon that this triple world shall not become flooded with water, struck, beaten down and shattered.
AI translation rendered from the Sanskrit, not a published edition
KaP 33.41
।। श्रीभगवानुवाच ।। न मत्तः कपिलो भिन्नस्तथा न कपिलादहम् । यदुक्तं तेन मुनिना मयोक्तं विद्धि तन्मनो
|| śrībhagavānuvāca || na mattaḥ kapilo bhinnastathā na kapilādaham | yaduktaṃ tena muninā mayoktaṃ viddhi tanmano
The Blessed Lord said: Kapila is not distinct from me, nor am I from Kapila. Know, O mind (i.e. O Manu), that what was said by that sage was said by me.
AI translation rendered from the Sanskrit, not a published edition — the model flagged this verse as uncertain
KaP 33.42
तस्माद् यदुदितं तेन तत्सत्यं नान्यथा भवेत् । करिष्ये तत्र साहाय्यं स्वायम्भुव निबोध तत्
tasmād yaduditaṃ tena tatsatyaṃ nānyathā bhavet | kariṣye tatra sāhāyyaṃ svāyambhuva nibodha tat
Therefore what was uttered by him is true; it cannot be otherwise. In that (matter) I shall render help, O Svāyambhuva — understand this.
AI translation rendered from the Sanskrit, not a published edition
KaP 33.43
हतप्रहतविध्वस्ते तोयमग्ने जगत्त्रये । श्यामलेनाथ शृङ्गेण त्वं मां ज्ञास्यसि वै तदा
hataprahatavidhvaste toyamagne jagattraye | śyāmalenātha śṛṅgeṇa tvaṃ māṃ jñāsyasi vai tadā
When the triple world is struck, beaten down and shattered, sunk in water, then indeed you will recognise me by (my) dark horn.
AI translation rendered from the Sanskrit, not a published edition
KaP 33.44
यावज्जलप्लवस्तावद्यथा कार्यं त्वया मनो । तन्मे निगदतः पथ्यं शृणुष्वावहितोऽधुना
yāvajjalaplavastāvadyathā kāryaṃ tvayā mano | tanme nigadataḥ pathyaṃ śṛṇuṣvāvahito'dhunā
Until the flood of water comes, O Manu, (hear) what is to be done by you; hear now attentively the beneficial (counsel) that I declare to you.
AI translation rendered from the Sanskrit, not a published edition
KaP 33.45
सर्वयज्ञियकाष्ठौघैरेका नौका विधीयताम् । तामहं द्रढ़यिष्यामि यथा नो भिद्यते जलैः
sarvayajñiyakāṣṭhaughairekā naukā vidhīyatām | tāmahaṃ draḍha़yiṣyāmi yathā no bhidyate jalaiḥ
Let a single boat be constructed with masses of wood from all trees fit for sacrifice; I shall make it firm, so that it is not broken apart by the waters.
AI translation rendered from the Sanskrit, not a published edition
KaP 33.46
दशयोजनविस्तीर्णां त्रिंशद्योजनमायताम् । धारिणीं सर्वबीजानां भुवनत्रयवर्धिनीम्
daśayojanavistīrṇāṃ triṃśadyojanamāyatām | dhāriṇīṃ sarvabījānāṃ bhuvanatrayavardhinīm
(A boat) ten yojanas broad and thirty yojanas long, bearer of all seeds, increaser of the three worlds.
AI translation rendered from the Sanskrit, not a published edition
KaP 33.47
सर्वयज्ञियवृक्षाणां भूरिवल्वलतन्तुभिः । नवयोजन दीर्घां तु व्यामत्रय- सुविस्तृताम्
sarvayajñiyavṛkṣāṇāṃ bhūrivalvalatantubhiḥ | navayojana dīrghāṃ tu vyāmatraya- suvistṛtām
And with abundant bast-fibre threads of all the trees fit for sacrifice, (a rope) nine yojanas long and a full three fathoms thick —
AI translation rendered from the Sanskrit, not a published edition — the model flagged this verse as uncertain
KaP 33.48
कुरुष्व त्वं मनो तूर्णं बृहतीमीरिकां वटीम् । जगद्धात्री जगन्माया लोकमाता जगन्मयी । द्रढयिष्यति तां रज्जुं न त्रुट्त्यति यथा तथा
kuruṣva tvaṃ mano tūrṇaṃ bṛhatīmīrikāṃ vaṭīm | jagaddhātrī jaganmāyā lokamātā jaganmayī | draḍhayiṣyati tāṃ rajjuṃ na truṭtyati yathā tathā
make that, O Manu, quickly — a great rope, a cord. She who is the upholder of the world, the world's māyā, mother of the worlds, made of the world, will make that rope firm, so that it does not snap.
AI translation rendered from the Sanskrit, not a published edition — the model flagged this verse as uncertain
KaP 33.49
सर्वाणि बीजान्यादाय सवेदान् सप्त वै ऋषीन् । तस्यां नावि निषण्णस्त्वं वर्तमाने जलप्लवे । दक्षेण सह संगम्य स्मरिष्यसि मनो मम
sarvāṇi bījānyādāya savedān sapta vai ṛṣīn | tasyāṃ nāvi niṣaṇṇastvaṃ vartamāne jalaplave | dakṣeṇa saha saṃgamya smariṣyasi mano mama
Having taken all the seeds, and the seven seers together with the Vedas, seated in that boat when the water-flood is in progress, having come together with Dakṣa, you will remember me, O Manu.
AI translation rendered from the Sanskrit, not a published edition
KaP 33.50
स्मृतोऽहं तूर्णमायास्ये भवतो निकटं प्रति । श्यामलेनाथ शृङ्गेण त्वं मां ज्ञास्यसि वै तदा
smṛto'haṃ tūrṇamāyāsye bhavato nikaṭaṃ prati | śyāmalenātha śṛṅgeṇa tvaṃ māṃ jñāsyasi vai tadā
Remembered, I shall come quickly into your presence; and then you will recognise me by my dark horn.
AI translation rendered from the Sanskrit, not a published edition
KaP 33.51
यावत् प्रहतविध्वस्त- हतं स्याद्भुवनत्रयम् । तावत् पृष्ठेन तां नावं वोढाहं नात्र संशयः
yāvat prahatavidhvasta- hataṃ syādbhuvanatrayam | tāvat pṛṣṭhena tāṃ nāvaṃ voḍhāhaṃ nātra saṃśayaḥ
For as long as the three worlds are struck, shattered and destroyed, so long shall I carry that boat on my back — of this there is no doubt.
AI translation rendered from the Sanskrit, not a published edition
KaP 33.52
जलप्लुते तु सम्पूर्णे शृङ्गे मम च तां तरीम् । त्वं तदा वटीरिकया सन्धानिष्यसि वै दृढम्
jalaplute tu sampūrṇe śṛṅge mama ca tāṃ tarīm | tvaṃ tadā vaṭīrikayā sandhāniṣyasi vai dṛḍham
But when the flood of water is complete, you will then bind that vessel firmly to my horn with the rope.
AI translation rendered from the Sanskrit, not a published edition
KaP 33.53
बद्धायां नावि मे शृङ्गे देवमानेन वत्सरान् । सहस्रं प्रेरयिष्यामि तां नावं शोषयन् जलम्
baddhāyāṃ nāvi me śṛṅge devamānena vatsarān | sahasraṃ prerayiṣyāmi tāṃ nāvaṃ śoṣayan jalam
When the boat is bound to my horn, I shall drive that boat for a thousand years by the reckoning of the gods, drying up the water.
AI translation rendered from the Sanskrit, not a published edition
KaP 33.54
ततः शुष्केषु तोयेषु प्रोत्तुङ्गे शिखरे गिरेः । हिमाचलस्य बद्वाहं तस्मिन्नावमहं मनो
tataḥ śuṣkeṣu toyeṣu prottuṅge śikhare gireḥ | himācalasya badvāhaṃ tasminnāvamahaṃ mano
Then, when the waters have dried, I shall bind the boat there, on the lofty peak of the mountain Himālaya, O Manu.
AI translation rendered from the Sanskrit, not a published edition
KaP 33.55
अहमाराधितो येन जप्येन भवता मनो । सर्वसिद्धिर्भवेत्तस्य यस्तोषयति तेन माम्
ahamārādhito yena japyena bhavatā mano | sarvasiddhirbhavettasya yastoṣayati tena mām
O Manu, by whatever muttered prayer I have been worshipped by you — for whoever pleases me by that, there will be complete success.
AI translation rendered from the Sanskrit, not a published edition
KaP 33.56
।। मार्कण्डेय उवाच ।। इति दत्वा वरं तस्मै मत्स्यस्तेन नमस्कृतः । अन्तर्दधे जगन्नाथो लोकानुग्रहकारकः
|| mārkaṇḍeya uvāca || iti datvā varaṃ tasmai matsyastena namaskṛtaḥ | antardadhe jagannātho lokānugrahakārakaḥ
Mārkaṇḍeya said: Having thus granted him the boon, the Fish, saluted by him — the Lord of the world, who does favour to the worlds — vanished.
AI translation rendered from the Sanskrit, not a published edition
KaP 33.57
स्वायम्भुवोऽपि भगवानन्तर्धानं गते हरौ । यथोक्तं हरिणा पूर्वं नावं रज्जुं तथाकरोत्
svāyambhuvo'pi bhagavānantardhānaṃ gate harau | yathoktaṃ hariṇā pūrvaṃ nāvaṃ rajjuṃ tathākarot
And when Hari had gone to invisibility, the venerable son of the Self-existent too made the boat and the rope just as Hari had said before.
AI translation rendered from the Sanskrit, not a published edition
KaP 33.58
सर्वयज्ञियवृक्षौघा छित्वा स्वायम्भुवस्तदा । उद्धृत्य कारयामास वास्यादिभिरसौ तरिम्
sarvayajñiyavṛkṣaughā chitvā svāyambhuvastadā | uddhṛtya kārayāmāsa vāsyādibhirasau tarim
Then Svāyambhuva, having felled masses of all the trees fit for sacrifice and hauled them up, had the vessel made with adzes and other (tools).
AI translation rendered from the Sanskrit, not a published edition
KaP 33.59
तेषां वल्कसमुद्भूतसूत्रसङ्घैर्वटीरिकाम् । पूर्वोक्तेन प्रमाणेन कारयामास वै मनुः
teṣāṃ valkasamudbhūtasūtrasaṅghairvaṭīrikām | pūrvoktena pramāṇena kārayāmāsa vai manuḥ
With bundles of threads produced from their bark, Manu had the rope made according to the measure stated before.
AI translation rendered from the Sanskrit, not a published edition
KaP 33.60
ततः कालेन महता वृत्तं युद्धं महाद्भुतम् । विष्णोर्यज्ञवराहस्य शरभस्य हरस्य च
tataḥ kālena mahatā vṛttaṃ yuddhaṃ mahādbhutam | viṣṇoryajñavarāhasya śarabhasya harasya ca
Then, after a long time, there took place a most marvellous battle between Viṣṇu as the Sacrificial Boar and Hara as the Śarabha.
AI translation rendered from the Sanskrit, not a published edition
KaP 33.61
ततो जलप्लवे जाते विध्वस्ते भुवनत्रये । तथा रज्ज्वा तरिं बध्वा बीजान्यादाय सर्वशः
tato jalaplave jāte vidhvaste bhuvanatraye | tathā rajjvā tariṃ badhvā bījānyādāya sarvaśaḥ
Then, when the flood of water had come and the three worlds were shattered, having bound the vessel with the rope as (instructed) and taken the seeds in every kind,
AI translation rendered from the Sanskrit, not a published edition
KaP 33.62
वेदानृषींस्तदा सप्तदशञ्चादाय वै मनुः । तस्यां नावि समाधाय तोयमग्रे चराचरे । स्वायम्भुवस्तदा मत्स्यं हरिं सस्मार नौगतः
vedānṛṣīṃstadā saptadaśañcādāya vai manuḥ | tasyāṃ nāvi samādhāya toyamagre carācare | svāyambhuvastadā matsyaṃ hariṃ sasmāra naugataḥ
then Manu, taking the Vedas and the seers, seven and ten, and placing them in that boat — the moving and unmoving being under water — Svāyambhuva, on board the boat, remembered Hari the Fish.
AI translation rendered from the Sanskrit, not a published edition — the model flagged this verse as uncertain
KaP 33.63
ततो जलानामुपरि सशृङ्ग इव पर्वतः
tato jalānāmupari saśṛṅga iva parvataḥ
Then, above the waters, like a mountain with a peak —
AI translation rendered from the Sanskrit, not a published edition
KaP 33.64
उदितश्चैकशृङ्गेण विष्णुर्मत्स्यस्वरूपधृक् । आगतस्तत्र नचिराद्यत्रास्ते तरिणा मनुः
uditaścaikaśṛṅgeṇa viṣṇurmatsyasvarūpadhṛk | āgatastatra nacirādyatrāste tariṇā manuḥ
And Viṣṇu, bearing the form of a fish, rose up with a single horn, and came there before long, where Manu was with the boat.
AI translation rendered from the Sanskrit, not a published edition
KaP 33.65
तरिमारुह्य विपुले तोयराशौ भयङ्करे । यावच्चलाचलं तोयं तावत् पृष्ठे तरिं न्यधात्
tarimāruhya vipule toyarāśau bhayaṅkare | yāvaccalācalaṃ toyaṃ tāvat pṛṣṭhe tariṃ nyadhāt
Having mounted the boat upon the vast and terrifying mass of water — for as long as the water was unsteady, so long did he set the boat upon his back.
AI translation rendered from the Sanskrit, not a published edition
KaP 33.66
जले प्रकृतिमापन्ने शृङ्गे बध्वा वटीरिकाम् । तां नावं नोदयामास सहस्रं दैववत्सरान्
jale prakṛtimāpanne śṛṅge badhvā vaṭīrikām | tāṃ nāvaṃ nodayāmāsa sahasraṃ daivavatsarān
When the water had come to its natural condition, having tied the rope to his horn, he drove that boat onward for a thousand divine years.
AI translation rendered from the Sanskrit, not a published edition
KaP 33.67
स्वं नावं च अवष्टभ्य दधार परमेश्वरः । योगनिद्रा जगद्धात्री समासीदतद्वटीरिकाम्
svaṃ nāvaṃ ca avaṣṭabhya dadhāra parameśvaraḥ | yoganidrā jagaddhātrī samāsīdatadvaṭīrikām
And the Supreme Lord held and steadied his own boat; Yoganidrā, upholder of the world, became that rope.
AI translation rendered from the Sanskrit, not a published edition — the model flagged this verse as uncertain
KaP 33.68
ततः शनैः शनैस्तोये शोषं गच्छति वै चिरात् । पश्चिमं हिमवच्छङ्ग सुमग्नं तोयमध्यतः
tataḥ śanaiḥ śanaistoye śoṣaṃ gacchati vai cirāt | paścimaṃ himavacchaṅga sumagnaṃ toyamadhyataḥ
Then little by little, over a long time, the water indeed went to drying up, and the western peak of Himavat (appeared), (which had been) deeply sunk in the midst of the water.
AI translation rendered from the Sanskrit, not a published edition — the model flagged this verse as uncertain
KaP 33.69
द्वे सहस्त्रे योजनानामुच्छ्रितस्य हिमप्रभोः । पञ्चाशत्तु सहस्राणि शृङ्गं तत्तस्य चोच्छ्रितम्
dve sahastre yojanānāmucchritasya himaprabhoḥ | pañcāśattu sahasrāṇi śṛṅgaṃ tattasya cocchritam
Of the lord of snow, which is raised two thousand yojanas, that peak of his was raised fifty thousand.
AI translation rendered from the Sanskrit, not a published edition — the model flagged this verse as uncertain
KaP 33.70
तस्मिन् शृङ्गे ततो नावं बध्वा मत्स्यात्मधृग् हरिः । जगाम शोषणायाशु जलानां जगतां पतिः
tasmin śṛṅge tato nāvaṃ badhvā matsyātmadhṛg hariḥ | jagāma śoṣaṇāyāśu jalānāṃ jagatāṃ patiḥ
Then, having tied the boat to that peak, Hari, bearing the self of a fish, the lord of the worlds, went swiftly to dry up the waters.
AI translation rendered from the Sanskrit, not a published edition
KaP 33.71
एवं हि मत्स्यरूपेण वेदास्त्राताश्च शार्ङ्गिणा
evaṃ hi matsyarūpeṇa vedāstrātāśca śārṅgiṇā
Thus indeed were the Vedas rescued by the bearer of the bow in the form of a fish.
AI translation rendered from the Sanskrit, not a published edition
KaP 33.72
।। मार्कण्डेय उवाच ।। कपिलस्य तु शापेन कृत आकालिको लयः
|| mārkaṇḍeya uvāca || kapilasya tu śāpena kṛta ākāliko layaḥ
Mārkaṇḍeya said: But by the curse of Kapila the untimely dissolution was brought about.
AI translation rendered from the Sanskrit, not a published edition
KaP 33.73
अकालिकोऽयं प्रलयो यतो भगवता कृतः । इति वः कथितं सर्वं यथावद् द्विजसत्तमाः
akāliko'yaṃ pralayo yato bhagavatā kṛtaḥ | iti vaḥ kathitaṃ sarvaṃ yathāvad dvijasattamāḥ
Since this untimely dissolution was made by the Lord — thus all has been told to you just as it was, O best of the twice-born.
AI translation rendered from the Sanskrit, not a published edition