Kalika Purana — Chapter 25
KaP 25.1
कालिकापुराणम् पञ्चविंशोऽध्यायः वाराहसर्गः अथ कालिका पुराण अध्याय २५ ।। मार्कण्डेय उवाच ।। कालो नाम स्वयं देवः सृष्टिस्थित्यन्तकारकः । अविच्छिन्नः स प्रलयस्तेन भागेन केनचित्
kālikāpurāṇam pañcaviṃśo'dhyāyaḥ vārāhasargaḥ atha kālikā purāṇa adhyāya 25 || mārkaṇḍeya uvāca || kālo nāma svayaṃ devaḥ sṛṣṭisthityantakārakaḥ | avicchinnaḥ sa pralayastena bhāgena kenacit
The Kālikā Purāṇa, chapter twenty-five, the Boar Creation. Now Kālikā Purāṇa, chapter 25. Mārkaṇḍeya said: Time itself is a god, the maker of creation, preservation and end; that dissolution is unbroken (continuous) by some portion of it.
AI translation rendered from the Sanskrit, not a published edition — the model flagged this verse as uncertain
KaP 25.2
लयभागे व्यतीते तु सिसृक्षा समजायत । ज्ञानरूपस्य च तदा परमब्रह्मणो विभोः
layabhāge vyatīte tu sisṛkṣā samajāyata | jñānarūpasya ca tadā paramabrahmaṇo vibhoḥ
But when the portion (of time allotted) to dissolution had passed, then the desire to create arose in the supreme, all-pervading Brahman, whose form is knowledge.
AI translation rendered from the Sanskrit, not a published edition
KaP 25.3
ततोऽस्य प्रकृतिस्तेन सम्यक्संक्षोभिता धिया । संक्षुब्धा सर्वकार्यार्थमभूत् सा त्रिगुणात्मिका
tato'sya prakṛtistena samyaksaṃkṣobhitā dhiyā | saṃkṣubdhā sarvakāryārthamabhūt sā triguṇātmikā
Then his primal matter was thoroughly agitated by that thought; agitated, it became the one composed of the three qualities, for the sake of all effects.
AI translation rendered from the Sanskrit, not a published edition
KaP 25.4
यथा सन्निधिमात्रेण गन्धः क्षोभाय जायते । मनसो लोककर्तृत्वात्तथासौ परमेश्वरः
yathā sannidhimātreṇa gandhaḥ kṣobhāya jāyate | manaso lokakartṛtvāttathāsau parameśvaraḥ
Just as fragrance produces agitation by mere proximity, so that supreme Lord (agitates), the mind being the maker of the world.
AI translation rendered from the Sanskrit, not a published edition — the model flagged this verse as uncertain
KaP 25.5
स एव क्षोभको ब्रह्मन् क्षोभ्यश्च परमेश्वरः । स सङ्कोचविकाशाभ्यां प्रधानत्वेऽपि च स्थितः
sa eva kṣobhako brahman kṣobhyaśca parameśvaraḥ | sa saṅkocavikāśābhyāṃ pradhānatve'pi ca sthitaḥ
He himself, O brahmin, is the agitator, and the supreme Lord is also the one agitated; by contraction and expansion he abides even in the state of being primal matter.
AI translation rendered from the Sanskrit, not a published edition
KaP 25.6
इच्छामात्रेण पुरुषः शृष्ट्यर्थं परमेश्वरः । ततः संक्षोभयामास पुनरेव जगत्पतिः
icchāmātreṇa puruṣaḥ śṛṣṭyarthaṃ parameśvaraḥ | tataḥ saṃkṣobhayāmāsa punareva jagatpatiḥ
The Person, the supreme Lord, by mere will, for the sake of creation — then the Lord of the world agitated (it) once again.
AI translation rendered from the Sanskrit, not a published edition
KaP 25.7
गुणसाम्यात्ततस्तस्मात् क्षेत्रज्ञाधिष्ठितात् ततः । गुणव्यञ्जनसंभूतिः सर्गकाले वभूव ह
guṇasāmyāttatastasmāt kṣetrajñādhiṣṭhitāt tataḥ | guṇavyañjanasaṃbhūtiḥ sargakāle vabhūva ha
Then, from that equilibrium of the qualities presided over by the knower of the field, at the time of creation there arose the manifestation of the qualities.
AI translation rendered from the Sanskrit, not a published edition
KaP 25.8
प्रधानतत्त्वादुद्भूतमीश्वरेच्छासमीरितात् । महत्तत्वं प्रथमतस्तत् प्रधान समावृणोत्
pradhānatattvādudbhūtamīśvarecchāsamīritāt | mahattatvaṃ prathamatastat pradhāna samāvṛṇot
From the principle of primal matter, impelled by the Lord's will, the great principle arose first; that primal matter enveloped it.
AI translation rendered from the Sanskrit, not a published edition — the model flagged this verse as uncertain
KaP 25.9
प्रधानेनावृतात्तस्मादहङ्कारो व्यजायत । वैकारिकस्तैजसश्च भूतादिश्चैव तामसः
pradhānenāvṛtāttasmādahaṅkāro vyajāyata | vaikārikastaijasaśca bhūtādiścaiva tāmasaḥ
From that, enveloped by primal matter, the ego was born: the modificatory (sāttvika), the fiery (rājasa), and the element-originating, which is dark (tāmasa).
AI translation rendered from the Sanskrit, not a published edition
KaP 25.10
त्रिविधोऽयमहङ्कारो यो जातो महतोऽग्रतः । भूतानामिन्द्रियाणाञ्च स वै हेतुः सनातनः
trividho'yamahaṅkāro yo jāto mahato'grataḥ | bhūtānāmindriyāṇāñca sa vai hetuḥ sanātanaḥ
This threefold ego, which was born in front of (i.e. after) the great principle, is indeed the eternal cause of the elements and the senses.
AI translation rendered from the Sanskrit, not a published edition
KaP 25.11
स महांस्तमहङ्कारं जातमात्रं समावृणोत् । तन्मात्राणि ततः पञ्च जज्ञिरेऽस्मात् समावृतात्
sa mahāṃstamahaṅkāraṃ jātamātraṃ samāvṛṇot | tanmātrāṇi tataḥ pañca jajñire'smāt samāvṛtāt
That Great One (mahat) enveloped that ego-principle (ahaṃkāra) as soon as it was born; then from that enveloped (ego) the five subtle elements (tanmātras) were produced.
AI translation rendered from the Sanskrit, not a published edition
KaP 25.12
प्रथमं शब्दतन्मात्रं स्पर्शतन्मात्रमन्तरम् । तृतीयं रूपतन्मात्रं रसतन्मात्रमेव च
prathamaṃ śabdatanmātraṃ sparśatanmātramantaram | tṛtīyaṃ rūpatanmātraṃ rasatanmātrameva ca
First the subtle element of sound, next the subtle element of touch, third the subtle element of form, and the subtle element of taste as well,
AI translation rendered from the Sanskrit, not a published edition
KaP 25.13
पञ्चमं गन्धतन्मात्रमेतानि क्रमशोऽभवन् । प्रत्येकं सर्वतन्मात्रमहङ्कारः समावृणोत्
pañcamaṃ gandhatanmātrametāni kramaśo'bhavan | pratyekaṃ sarvatanmātramahaṅkāraḥ samāvṛṇot
the fifth the subtle element of smell — these came to be in order; and the ego-principle enveloped each and every subtle element.
AI translation rendered from the Sanskrit, not a published edition
KaP 25.14
ससर्ज शब्दतन्मात्रादाकाशं शब्दलक्षणम् । शब्दमात्रं तथाकाशं भूतादिः स समावृणोत्
sasarja śabdatanmātrādākāśaṃ śabdalakṣaṇam | śabdamātraṃ tathākāśaṃ bhūtādiḥ sa samāvṛṇot
From the subtle element of sound (he) created space (ākāśa), whose mark is sound; and that Origin-of-the-elements (ahaṃkāra) enveloped both sound-alone and space.
AI translation rendered from the Sanskrit, not a published edition
KaP 25.15
शब्दतन्मात्रसहितात् स्पर्शतन्मात्रतन्ततः । वायुः समभवत् स्पर्शगुणः शब्दसमन्वितः
śabdatanmātrasahitāt sparśatanmātratantataḥ | vāyuḥ samabhavat sparśaguṇaḥ śabdasamanvitaḥ
From the subtle element of touch, joined with the subtle element of sound, arose wind, having touch for its quality and accompanied by sound.
AI translation rendered from the Sanskrit, not a published edition
KaP 25.16
आकाशवायुसंयुक्ताद्रूपतन्मात्रतस्ततः । तेजः समभवद्दीप्तं सर्वतस्तदवर्धत
ākāśavāyusaṃyuktādrūpatanmātratastataḥ | tejaḥ samabhavaddīptaṃ sarvatastadavardhata
Then from the subtle element of form, conjoined with space and wind, arose blazing fire; it grew on every side.
AI translation rendered from the Sanskrit, not a published edition
KaP 25.17
तच्छब्दवत् स्पर्शवच्च रूपवच्च व्यजायत । ततो वियद्वायुतेजोयुक्तात्तोयं ससर्ज ह । रसतन्मात्रतः सम्यक् तेन व्याप्तं समन्ततः
tacchabdavat sparśavacca rūpavacca vyajāyata | tato viyadvāyutejoyuktāttoyaṃ sasarja ha | rasatanmātrataḥ samyak tena vyāptaṃ samantataḥ
It came forth possessed of sound, of touch, and of form. Then from the subtle element of taste, joined with space, wind and fire, (he) created water; by that (taste) it was fully pervaded all around.
AI translation rendered from the Sanskrit, not a published edition
KaP 25.18
तोयान्याधारशक्तिर्या विष्णोरमिततेजसः । सा दध्रेऽथ निराधाराण्यनिलान्दोलितानि वै
toyānyādhāraśaktiryā viṣṇoramitatejasaḥ | sā dadhre'tha nirādhārāṇyanilāndolitāni vai
That power of support belonging to Viṣṇu of measureless splendour upheld the waters, which were without support and tossed by the wind.
AI translation rendered from the Sanskrit, not a published edition
KaP 25.19
तेषु बीजं प्रथमतः ससर्ज परमेश्वरः । तदण्डमभवद्हैमं सहस्रांशुसमप्रभम्
teṣu bījaṃ prathamataḥ sasarja parameśvaraḥ | tadaṇḍamabhavadhaimaṃ sahasrāṃśusamaprabham
In those (waters) the Supreme Lord first cast a seed; that became a golden egg, with a radiance equal to the thousand-rayed (sun).
AI translation rendered from the Sanskrit, not a published edition
KaP 25.20
महदादिविशेषान्तैरारव्यं सर्वतो वृतम् । वारिवह्न्यनिलाकाशैस्तमोभूतादिना बहिः । वृतं दशगुणैरण्डं भूतादिर्महता तथा
mahadādiviśeṣāntairāravyaṃ sarvato vṛtam | vārivahnyanilākāśaistamobhūtādinā bahiḥ | vṛtaṃ daśaguṇairaṇḍaṃ bhūtādirmahatā tathā
The egg was covered on all sides by (the principles) beginning with mahat and ending with the particulars; on the outside it was enveloped by water, fire, wind and space, and by darkness and the Origin-of-the-elements — the egg was enveloped by ten-fold (coverings), and the Origin-of-the-elements likewise by mahat.
AI translation rendered from the Sanskrit, not a published edition — the model flagged this verse as uncertain
KaP 25.21
बीजं यथा बाह्यदलैर्व्याप्तमण्डं तथा पुनः । तोयादिभिस्तथा व्याप्त ब्रह्माण्डमतुलं द्विजाः
bījaṃ yathā bāhyadalairvyāptamaṇḍaṃ tathā punaḥ | toyādibhistathā vyāpta brahmāṇḍamatulaṃ dvijāḥ
As a seed is enveloped by its outer husks, so again is the egg; thus, O twice-born, the incomparable egg of Brahmā is enveloped by water and the rest.
AI translation rendered from the Sanskrit, not a published edition
KaP 25.22
तदण्डमध्ये स्वयमेव विष्णु- र्ब्रह्मस्वरूपं विनिधाय कायम् । दिव्येन मानेन स वर्षमेकं स्थितोऽग्रहीद्वीजगणं स्वबुद्ध्या
tadaṇḍamadhye svayameva viṣṇu- rbrahmasvarūpaṃ vinidhāya kāyam | divyena mānena sa varṣamekaṃ sthito'grahīdvījagaṇaṃ svabuddhyā
Within that egg Viṣṇu himself, having placed his body in the form of Brahmā, remained for one year by divine reckoning, and by his own intelligence took hold of the mass of seeds.
AI translation rendered from the Sanskrit, not a published edition
KaP 25.23
ध्यानेन चाण्ड स्वयमेव कृत्वा द्विधा स तस्थौ क्षणमात्रमस्मिन् । तदैव तन्मात्रगणैः समस्तै-गन्धोत्तरैर्भूव सृष्टा
dhyānena cāṇḍa svayameva kṛtvā dvidhā sa tasthau kṣaṇamātramasmin | tadaiva tanmātragaṇaiḥ samastai-gandhottarairbhūva sṛṣṭā
And by meditation, having himself made the egg twofold, he remained in it for but a moment; and just then, by all the aggregate of subtle elements, with smell as the last (highest), the earth was created.
AI translation rendered from the Sanskrit, not a published edition — the model flagged this verse as uncertain
KaP 25.24
स्पर्शस्य शब्दस्य समस्तरूप-गुणस्य गन्धस्य रसस्य चैषा । आधारभूता सकलैः कृता यत्तन्मात्रवर्गैरखिला धरित्री
sparśasya śabdasya samastarūpa-guṇasya gandhasya rasasya caiṣā | ādhārabhūtā sakalaiḥ kṛtā yattanmātravargairakhilā dharitrī
And she, the whole earth, was made the support of touch, of sound, of the entire quality of form, of smell and of taste — since (she was made) by all the classes of subtle elements.
AI translation rendered from the Sanskrit, not a published edition
KaP 25.25
जातस्तदुत्थैः कनकाचलोऽसौ जरायुभिः पर्वतसंचयोऽभूत् । गर्भोदकैः सप्तपयोधयस्तु स्कन्धद्वयेन त्रिदशालयोऽभूत्
jātastadutthaiḥ kanakācalo'sau jarāyubhiḥ parvatasaṃcayo'bhūt | garbhodakaiḥ saptapayodhayastu skandhadvayena tridaśālayo'bhūt
From what arose from that (egg) was born that golden mountain; from the fetal membranes came the mass of mountains; from the amniotic waters the seven oceans; and from the two shoulders came the abode of the thirty (gods).
AI translation rendered from the Sanskrit, not a published edition — the model flagged this verse as uncertain
KaP 25.26
स्कन्धद्वयेनापरदेशजेन सप्ताभवन्नागगृहाणि तानि । पातालसंज्ञानि महासुखानि यत्र स्वयं स्यात् परतो महेशः
skandhadvayenāparadeśajena saptābhavannāgagṛhāṇi tāni | pātālasaṃjñāni mahāsukhāni yatra svayaṃ syāt parato maheśaḥ
From the two shoulders arising in the other region came those seven abodes of the serpents, called the underworlds (pātālas), places of great pleasure, where the Great Lord himself dwells beyond.
AI translation rendered from the Sanskrit, not a published edition — the model flagged this verse as uncertain
KaP 25.27
तेजोगणात्तस्य बभूव लोको योऽसौ महर्लोक इति श्रुतोऽभूत् । जनाह्वयोऽभून्मरुतोऽथ गर्भाद् ध्यानात्तपोलोकवरो बभूव
tejogaṇāttasya babhūva loko yo'sau maharloka iti śruto'bhūt | janāhvayo'bhūnmaruto'tha garbhād dhyānāttapolokavaro babhūva
From the mass of his fiery energy came into being the world which is known as Maharloka; then from the wind came the one named Janas, and from his meditation arose the excellent Tapoloka.
AI translation rendered from the Sanskrit, not a published edition
KaP 25.28
अण्डोर्धगत्यामभवत्तु सत्यं ब्रह्माण्डखण्डोपरि विष्णुरच्युतः । परं पदं यन्निगदन्ति धीरा यज्ज्ञानगम्यं परिनिष्ठरूपम्
aṇḍordhagatyāmabhavattu satyaṃ brahmāṇḍakhaṇḍopari viṣṇuracyutaḥ | paraṃ padaṃ yannigadanti dhīrā yajjñānagamyaṃ pariniṣṭharūpam
In the upward course of the egg came to be Satya, and above the portion of the egg of Brahmā, Viṣṇu the imperishable — that which the wise call the supreme abode, which is reached by knowledge and is of final form.
AI translation rendered from the Sanskrit, not a published edition — the model flagged this verse as uncertain
KaP 25.29
एवं विधाय प्रथमं बभूव विष्णुस्वरूपी स्थितये स एव । स्वयं समुद्भूततनुर्यतोऽयं स्वयंभूरिति ख्यातिरवाप विष्णुः
evaṃ vidhāya prathamaṃ babhūva viṣṇusvarūpī sthitaye sa eva | svayaṃ samudbhūtatanuryato'yaṃ svayaṃbhūriti khyātiravāpa viṣṇuḥ
Having ordained thus, he first came to be, having the form of Viṣṇu, for the sake of maintenance; and since his body arose of itself, Viṣṇu obtained the name "Self-born" (Svayambhū).
AI translation rendered from the Sanskrit, not a published edition
KaP 25.30
ततोऽभवत् यज्ञवराहरूपी विष्णुर्भुव: प्रोद्धरणाय पीनः । निमज्जमानां पृथिवीं स मध्ये भित्वा गतो धर्तुमधोतिऽ वेगात्
tato'bhavat yajñavarāharūpī viṣṇurbhuva: proddharaṇāya pīnaḥ | nimajjamānāṃ pṛthivīṃ sa madhye bhitvā gato dhartumadhoti' vegāt
Then Viṣṇu became the stout one in the form of the sacrificial boar, in order to raise up the earth; splitting the sinking earth in the middle, he went swiftly downward to hold it up.
AI translation rendered from the Sanskrit, not a published edition — the model flagged this verse as uncertain
KaP 25.31
दंष्ट्राग्रदेशे विनिधाय पृथिवीं स उद्गतः सर्वमतीत्य तोयम् । ततोऽभवत् सप्तफणान्वितोऽय-मनन्तमूर्तिः पृथ्वीं विधर्तुम्
daṃṣṭrāgradeśe vinidhāya pṛthivīṃ sa udgataḥ sarvamatītya toyam | tato'bhavat saptaphaṇānvito'ya-manantamūrtiḥ pṛthvīṃ vidhartum
Having placed the earth on the tip of his tusk, he rose up, passing beyond all the water. Then he became this one of endless form, possessed of seven hoods, in order to hold up the earth.
AI translation rendered from the Sanskrit, not a published edition
KaP 25.32
प्रसार्य शेषोऽपि फणाः स वैष मध्ये निधायैकफणां धरित्रीम् । दधार तोयोपरि तोयसंस्थित- स्ततोऽत्यजद् यज्ञवराह उर्व्वीम्
prasārya śeṣo'pi phaṇāḥ sa vaiṣa madhye nidhāyaikaphaṇāṃ dharitrīm | dadhāra toyopari toyasaṃsthita- stato'tyajad yajñavarāha urvvīm
And he, Śeṣa, having spread out his hoods and placed the earth upon one hood in the middle, held (it) above the water, himself resting on the water; then the sacrificial Boar released the earth.
AI translation rendered from the Sanskrit, not a published edition
KaP 25.33
प्रसारिताः फणाः सर्वास्तासामेका तु पूर्वतः । अपरा पश्चिमायां तु दक्षिणोत्तरयोः परे
prasāritāḥ phaṇāḥ sarvāstāsāmekā tu pūrvataḥ | aparā paścimāyāṃ tu dakṣiṇottarayoḥ pare
All the hoods were spread out; one of them (was) toward the east, another in the west, and others in the south and north.
AI translation rendered from the Sanskrit, not a published edition
KaP 25.34
एका गता फणैशान्यामाग्नेय्यामपरा दिशि । पृथ्वीमध्ये स्थिता चैका नैर्ऋत्यां तस्य वै तनुः । शून्या दिग्वायवी तत्र ततो नम्रा स्थिता क्षितिः
ekā gatā phaṇaiśānyāmāgneyyāmaparā diśi | pṛthvīmadhye sthitā caikā nairṛtyāṃ tasya vai tanuḥ | śūnyā digvāyavī tatra tato namrā sthitā kṣitiḥ
One hood went to the northeast, another to the southeastern quarter, and one stood at the middle of the earth; his body (lay) in the southwest. There the northwestern direction was empty, and therefore the earth stands sloping (toward it).
AI translation rendered from the Sanskrit, not a published edition
KaP 25.35
स तु दीर्घतनुस्तोये यदानन्तो न चाशकत् । कूर्मरूपी तदा भूत्वानन्तं कायमधाद्धरिः
sa tu dīrghatanustoye yadānanto na cāśakat | kūrmarūpī tadā bhūtvānantaṃ kāyamadhāddhariḥ
But when Ananta, long-bodied, in the water was not able (to bear it), then Hari, taking the form of a tortoise, supported the endless body.
AI translation rendered from the Sanskrit, not a published edition
KaP 25.36
अधो ब्रह्माण्डखण्डं स पद्धिराक्रम्य कच्छपः । ग्रीवान्वितस्य वायव्यां पृष्ठेऽनन्तमधारयत्
adho brahmāṇḍakhaṇḍaṃ sa paddhirākramya kacchapaḥ | grīvānvitasya vāyavyāṃ pṛṣṭhe'nantamadhārayat
That tortoise, treading with his feet upon the lower portion of the cosmic egg below, bore Ananta on his back, on the northwest side of (his body) together with the neck.
AI translation rendered from the Sanskrit, not a published edition — the model flagged this verse as uncertain
KaP 25.37
अनन्तः कूर्मपृष्ठे तु नवभिर्वेष्टनैस्तनुम् । निधाय पृथिवीं दधे सुखेनैव महातनुः
anantaḥ kūrmapṛṣṭhe tu navabhirveṣṭanaistanum | nidhāya pṛthivīṃ dadhe sukhenaiva mahātanuḥ
And Ananta, of great body, having placed his body on the tortoise's back with nine coils, bore the earth quite easily.
AI translation rendered from the Sanskrit, not a published edition
KaP 25.38
ततः फणास्वनन्तस्य चलन्ती पृथिवी स्थिता । वराहः कर्तुमचलामचलामकरोदृढाम्
tataḥ phaṇāsvanantasya calantī pṛthivī sthitā | varāhaḥ kartumacalāmacalāmakarodṛḍhām
Then the earth, resting on Ananta's hoods, was moving; and the Boar, to make the unsteady one steady, made it firm.
AI translation rendered from the Sanskrit, not a published edition
KaP 25.39
मेरुं खुरप्रहारेण प्रहृत्य पृथिवीतलम् । न्यखनत् स विवेशाथ पृथ्वीं भित्वान्तरं ततः
meruṃ khuraprahāreṇa prahṛtya pṛthivītalam | nyakhanat sa viveśātha pṛthvīṃ bhitvāntaraṃ tataḥ
Having struck Meru with a blow of his hoof, he dug down the surface of the earth, and then, splitting the earth, he entered its interior.
AI translation rendered from the Sanskrit, not a published edition
KaP 25.40
योजनानां सहस्राणि षोडशैव रसातलम् । प्रविवेश महाशैलो वराहांघ्रिप्रहारतः
yojanānāṃ sahasrāṇi ṣoḍaśaiva rasātalam | praviveśa mahāśailo varāhāṃghriprahārataḥ
The great mountain entered the nether world (Rasātala) for sixteen thousand yojanas by the blow of the Boar's foot.
AI translation rendered from the Sanskrit, not a published edition
KaP 25.41
द्वात्रिंशत्तु सहस्राणि योजनानां तु विस्तृणम् । मेरो: शिरोऽभवत्तेन प्रहारेण दिजोत्तमाः
dvātriṃśattu sahasrāṇi yojanānāṃ tu vistṛṇam | mero: śiro'bhavattena prahāreṇa dijottamāḥ
By that blow, O best of the twice-born, the head of Meru became thirty-two thousand yojanas broad.
AI translation rendered from the Sanskrit, not a published edition
KaP 25.42
मर्यादा शैलनाथस्य पार्श्वे पोत्री तदाकरोत् । यदा चलति नैवैष पर्वतः पृथिवीधरः
maryādā śailanāthasya pārśve potrī tadākarot | yadā calati naivaiṣa parvataḥ pṛthivīdharaḥ
The Boar then made a boundary at the side of the lord of mountains, so that this mountain, the supporter of the earth, does not move.
AI translation rendered from the Sanskrit, not a published edition
KaP 25.43
हिमवत्प्रभृतीनांच भागं भागं सपंचकम् । पदा क्षित्यन्तरं चक्रे तदुच्छ्रायप्रमाणतः
himavatprabhṛtīnāṃca bhāgaṃ bhāgaṃ sapaṃcakam | padā kṣityantaraṃ cakre taducchrāyapramāṇataḥ
And of the Himavat and the rest he made a fifth part of each part (go) into the interior of the earth by his foot, in proportion to its height.
AI translation rendered from the Sanskrit, not a published edition — the model flagged this verse as uncertain
KaP 25.44
ततो ब्रह्मा वराहाय नमस्कृत्य महौजसे । अर्धनारीश्वरं कायाद् देवदेवं व्यजायत
tato brahmā varāhāya namaskṛtya mahaujase | ardhanārīśvaraṃ kāyād devadevaṃ vyajāyata
Then Brahmā, having bowed to the Boar of great might, brought forth from his body the god of gods, the Half-woman Lord (Ardhanārīśvara).
AI translation rendered from the Sanskrit, not a published edition
KaP 25.45
प्रथमं जातमात्र: स प्ररुरोद महास्वनः । किं रोदिषीति तं ब्रह्मा रुदन्तं प्रत्युवाच ह
prathamaṃ jātamātra: sa praruroda mahāsvanaḥ | kiṃ rodiṣīti taṃ brahmā rudantaṃ pratyuvāca ha
As soon as he was first born, he cried out with a great noise; and Brahmā said to him as he was crying, "Why do you cry?"
AI translation rendered from the Sanskrit, not a published edition
KaP 25.46
नाम देहीति तं सोऽथ प्रत्युवाच महेश्वरः । रुद्रनामा रोदनात्तं मा रोदीत्वं महाशय
nāma dehīti taṃ so'tha pratyuvāca maheśvaraḥ | rudranāmā rodanāttaṃ mā rodītvaṃ mahāśaya
Then Maheśvara answered him, "Give (me) a name." (Brahmā said:) "Your name is Rudra, from crying; do not cry, O great-minded one."
AI translation rendered from the Sanskrit, not a published edition
KaP 25.47
एवमुक्तः पुनः सोऽथ सप्तवारान् रुरोद सः । ततोऽपराणि नामानि सप्त ब्रह्माकरोत् पुनः
evamuktaḥ punaḥ so'tha saptavārān ruroda saḥ | tato'parāṇi nāmāni sapta brahmākarot punaḥ
Thus addressed, he cried again seven times; then Brahmā again made seven other names (for him).
AI translation rendered from the Sanskrit, not a published edition
KaP 25.48
शर्व भवं च भीमञ्च महादेवं चतुर्थकम् । पञ्चमं चोग्रमीशानं षष्ठं पशुपतिं परम्
śarva bhavaṃ ca bhīmañca mahādevaṃ caturthakam | pañcamaṃ cogramīśānaṃ ṣaṣṭhaṃ paśupatiṃ param
Śarva, and Bhava, and Bhīma, and Mahādeva as the fourth, and Ugra as the fifth, Īśāna the sixth, and Paśupati beyond (them).
AI translation rendered from the Sanskrit, not a published edition
KaP 25.49
मया यथा विभक्तस्त्वं तथात्मा स्वो विभज्यताम् । त्वयापि भूरिसृष्ट्यर्थं भवांश्चापि प्रजापतिः
mayā yathā vibhaktastvaṃ tathātmā svo vibhajyatām | tvayāpi bhūrisṛṣṭyarthaṃ bhavāṃścāpi prajāpatiḥ
"As you have been divided by me, so let your own self be divided; by you too, for the sake of abundant creation—and you are also a Prajāpati."
AI translation rendered from the Sanskrit, not a published edition
KaP 25.50
ततो ब्रह्मा द्विधा भूत्वा पुरुषोऽर्धेन सोऽभवत् । अर्धेन नारी तस्यां तु विराजमसृजत् प्रभुः
tato brahmā dvidhā bhūtvā puruṣo'rdhena so'bhavat | ardhena nārī tasyāṃ tu virājamasṛjat prabhuḥ
Then Brahmā, becoming twofold, became with one half a man and with the other half a woman; and in her the Lord generated Virāj.
AI translation rendered from the Sanskrit, not a published edition
KaP 25.51
तमाह भगवान् ब्रह्मा कुरु सृष्टिं प्रजापते । तपस्तप्त्वा विराट् सोऽपि मनुं स्वायम्भुवं ततः
tamāha bhagavān brahmā kuru sṛṣṭiṃ prajāpate | tapastaptvā virāṭ so'pi manuṃ svāyambhuvaṃ tataḥ
The lord Brahmā said to him: "Make creation, O Prajāpati!" And that Virāj, having performed austerity, then (produced) Manu Svāyambhuva.
AI translation rendered from the Sanskrit, not a published edition
KaP 25.52
ससर्ज सोऽपि तपसा ब्रह्माणं पर्यंतोषयत् । तोषितस्तेन मनसा दक्षं सृष्ट्यै ससर्ज सः
sasarja so'pi tapasā brahmāṇaṃ paryaṃtoṣayat | toṣitastena manasā dakṣaṃ sṛṣṭyai sasarja saḥ
He created (him), and by his austerity he fully satisfied Brahmā; and Brahmā, gratified by him, created Dakṣa by his mind for the sake of creation.
AI translation rendered from the Sanskrit, not a published edition
KaP 25.53
सृष्टे दक्षेऽथ दशधा प्रणतो मनुना विधिः । पुनरेव सुतानन्यान् ससर्ज दश मानसान्
sṛṣṭe dakṣe'tha daśadhā praṇato manunā vidhiḥ | punareva sutānanyān sasarja daśa mānasān
When Dakṣa had been created, the Ordainer (Brahmā), bowed to tenfold by Manu, again created ten other sons, born of his mind.
AI translation rendered from the Sanskrit, not a published edition — the model flagged this verse as uncertain
KaP 25.54
मरीचिरत्र्यंगिरसौ पुलस्त्यं पुलहं क्रतुम् । प्रचेतसं वसिष्ठञ्च भृगुं नारदमेव च
marīciratryaṃgirasau pulastyaṃ pulahaṃ kratum | pracetasaṃ vasiṣṭhañca bhṛguṃ nāradameva ca
Marīci, Atri and Aṅgiras, Pulastya, Pulaha, Kratu, Pracetas and Vasiṣṭha, Bhṛgu, and Nārada too.
AI translation rendered from the Sanskrit, not a published edition
KaP 25.55
एतानुत्पाद्य मनसा मनुं स्वायम्भुवं पुनः । यूयं सृजध्वमित्युक्त्वा लोकेशोऽन्तर्दधे पुनः
etānutpādya manasā manuṃ svāyambhuvaṃ punaḥ | yūyaṃ sṛjadhvamityuktvā lokeśo'ntardadhe punaḥ
Having brought these forth by his mind, and Manu Svāyambhuva again, the lord of the worlds said, "You (all) create!" and then vanished.
AI translation rendered from the Sanskrit, not a published edition
KaP 25.56
वराहोऽप्यथ पोत्रेण खनित्वा सप्तसागरान् । पृथिव्यां वलयाकारान् ससर्ज परमेश्वरः
varāho'pyatha potreṇa khanitvā saptasāgarān | pṛthivyāṃ valayākārān sasarja parameśvaraḥ
And then the Boar, having dug with his snout, created the seven oceans, ring-shaped, upon the earth — he, the supreme lord.
AI translation rendered from the Sanskrit, not a published edition
KaP 25.57
सप्तधा भ्रमणेनासौ सृष्ट्वा सप्ताथ सागरान् । सप्तद्वीपानवच्छिद्य पृथिव्यन्तं ततो गतः
saptadhā bhramaṇenāsau sṛṣṭvā saptātha sāgarān | saptadvīpānavacchidya pṛthivyantaṃ tato gataḥ
Having created the seven oceans by circling sevenfold, and having marked off the seven continents, he then went to the end of the earth.
AI translation rendered from the Sanskrit, not a published edition
KaP 25.58
लोकालोकाह्वयं शैलं कृत्वा पृथ्व्यास्तु वेष्ठनम् । लक्षद्वयोच्छ्रितं मानाद् योजनानां समन्ततः । सुदृढं स्थापयामास भित्तिप्रान्ते यथा गृहम्
lokālokāhvayaṃ śailaṃ kṛtvā pṛthvyāstu veṣṭhanam | lakṣadvayocchritaṃ mānād yojanānāṃ samantataḥ | sudṛḍhaṃ sthāpayāmāsa bhittiprānte yathā gṛham
Having made the mountain named Lokāloka an enclosure for the earth, two hundred thousand yojanas high by measure on all sides, he set it very firmly (in place), as a house (is set) within the compass of a wall.
AI translation rendered from the Sanskrit, not a published edition
KaP 25.59
आदिसृष्टिरियं विप्राः कथिता भवतां मया । प्रतिसर्गमहं वक्ष्ये तच्छृण्वन्तु महर्षयः
ādisṛṣṭiriyaṃ viprāḥ kathitā bhavatāṃ mayā | pratisargamahaṃ vakṣye tacchṛṇvantu maharṣayaḥ
This, O brahmins, is the first creation, related to you by me. I shall now tell of the secondary creation; let the great sages hear it.
AI translation rendered from the Sanskrit, not a published edition