Kalika Purana — Chapter 22
KaP 22.1
कालिकापुराणम् द्वाविंशोऽध्यायः अरुन्धतीजन्मकथनम् अथ कालिका पुराण अध्याय २२ ।। मार्कण्डेय उवाच ।। यत्र देवसभा भूता सानौ तस्य महागिरेः । तत्र जाता देवनदी सीताख्या वचनाद्विधेः
kālikāpurāṇam dvāviṃśo'dhyāyaḥ arundhatījanmakathanam atha kālikā purāṇa adhyāya 22 || mārkaṇḍeya uvāca || yatra devasabhā bhūtā sānau tasya mahāgireḥ | tatra jātā devanadī sītākhyā vacanādvidheḥ
The Kālikāpurāṇa, chapter twenty-two: the account of Arundhatī's birth. Now the Kālikā Purāṇa, chapter 22. Mārkaṇḍeya said: On that ridge of the great mountain where the assembly of the gods took place, there arose, by Brahmā's word, a divine river named Sītā.
AI translation rendered from the Sanskrit, not a published edition
KaP 22.2
स्नापयित्वा यदा चन्द्रं सीतातोयैर्मनोहरैः । चन्द्रं पपुर्ब्रह्मवाक्यात् सर्वे ते त्रिदिवौकसः
snāpayitvā yadā candraṃ sītātoyairmanoharaiḥ | candraṃ papurbrahmavākyāt sarve te tridivaukasaḥ
When, having bathed the moon with the lovely waters of the Sītā, all those dwellers of heaven drank the moon at Brahmā's word —
AI translation rendered from the Sanskrit, not a published edition
KaP 22.3
तदा सीताजलं चन्द्रस्नानयोगाच्च सामृतम् । भूत्वा निपतितं तस्मिन् बृहल्लोहितसंज्ञके
tadā sītājalaṃ candrasnānayogācca sāmṛtam | bhūtvā nipatitaṃ tasmin bṛhallohitasaṃjñake
then the Sītā's water, having become nectar-laden through its contact with the moon's bathing, fell into that (lake) called Bṛhallohita.
AI translation rendered from the Sanskrit, not a published edition
KaP 22.4
तद्विवृद्धं तदा तोयं तस्मिन् सरसि नो ममौ । तद्ददर्श स्वयं ब्रह्मा विवृद्धं सामृतं जलम्
tadvivṛddhaṃ tadā toyaṃ tasmin sarasi no mamau | taddadarśa svayaṃ brahmā vivṛddhaṃ sāmṛtaṃ jalam
That water, thus increased, did not then fit within that lake; Brahmā himself saw that swollen water mixed with nectar.
AI translation rendered from the Sanskrit, not a published edition
KaP 22.5
तद्दर्शनाज्जलात् तस्मादुत्थिता कन्यकोत्तमा । चन्द्रभागेति तन्नाम विधिश्चक्रे स्वयं ततः
taddarśanājjalāt tasmādutthitā kanyakottamā | candrabhāgeti tannāma vidhiścakre svayaṃ tataḥ
From the sight of him (or: from that being seen), an excellent maiden rose out of that water; and then Vidhi (Brahmā) himself gave her the name Candrabhāgā.
AI translation rendered from the Sanskrit, not a published edition
KaP 22.6
भार्यार्थ सागरस्तां तु जग्राह ब्रह्मसन्मते
bhāryārtha sāgarastāṃ tu jagrāha brahmasanmate
But the Ocean took her as his wife, with the approval of Brahmā.
AI translation rendered from the Sanskrit, not a published edition
KaP 22.7
तयैवाधिष्ठितं तोयं गदाग्रेण निशापतिः । निर्भिद्य पश्चिमे पार्श्वे गिरिं तं समवाहयत्
tayaivādhiṣṭhitaṃ toyaṃ gadāgreṇa niśāpatiḥ | nirbhidya paścime pārśve giriṃ taṃ samavāhayat
The Lord of Night (the Moon) split with the tip of his mace the water in which she abode, and led it away along the western side of that mountain.
AI translation rendered from the Sanskrit, not a published edition
KaP 22.8
तस्यामृतजलं भित्त्वा बृहल्लोहितनामकम् । कासारं सागरं याता चन्द्रभागा नदी तु सा
tasyāmṛtajalaṃ bhittvā bṛhallohitanāmakam | kāsāraṃ sāgaraṃ yātā candrabhāgā nadī tu sā
Having broken through its nectar-water, the lake named Bṛhallohita, that river Candrabhāgā went to the ocean.
AI translation rendered from the Sanskrit, not a published edition
KaP 22.9
सागरोऽपि तदा भार्यां चन्द्रभागां महानदीम् । तेन तोयप्रवाहेण निनाय भवनं स्वकम्
sāgaro'pi tadā bhāryāṃ candrabhāgāṃ mahānadīm | tena toyapravāheṇa nināya bhavanaṃ svakam
And the Ocean then, by that flow of water, led his wife Candrabhāgā, the great river, to his own dwelling.
AI translation rendered from the Sanskrit, not a published edition
KaP 22.10
एवं तस्मिन् समुत्पन्ना चन्द्रभागाह्वया नदी । चन्द्रभागे महाशैले गुणैर्गंगासमा सदा
evaṃ tasmin samutpannā candrabhāgāhvayā nadī | candrabhāge mahāśaile guṇairgaṃgāsamā sadā
Thus on that (mountain) arose the river named Candrabhāgā, on the great mountain Candrabhāga, ever equal to the Gaṅgā in her qualities.
AI translation rendered from the Sanskrit, not a published edition
KaP 22.11
नद्यश्च पर्वताः सर्वे द्विरूपाश्च स्वभावतः । तोयं नदीनां रूपन्तु शरीरमपरं तथा त्रेतायाः प्रथमे भागे जाता दक्षस्य कन्यकाः । स ददौ कन्यका सप्तविंशतिञ्च सुधांशवे
nadyaśca parvatāḥ sarve dvirūpāśca svabhāvataḥ | toyaṃ nadīnāṃ rūpantu śarīramaparaṃ tathā tretāyāḥ prathame bhāge jātā dakṣasya kanyakāḥ | sa dadau kanyakā saptaviṃśatiñca sudhāṃśave
And rivers and mountains are all by their own nature of two forms: the water is the form of rivers, and the body is the other. In the first portion of the Tretā age the daughters of Dakṣa were born; and he gave twenty-seven daughters to the Moon (the nectar-rayed one).
AI translation rendered from the Sanskrit, not a published edition — the model flagged this verse as uncertain
KaP 22.12
स्थावरः पर्वतानां तु रूपं कायः तथापरः । शुक्तीनामथ कम्बूनां यथैवान्तर्गता तनुः
sthāvaraḥ parvatānāṃ tu rūpaṃ kāyaḥ tathāparaḥ | śuktīnāmatha kambūnāṃ yathaivāntargatā tanuḥ
For mountains the stationary (rock) is the (one) form, and the body is the other — just as for oysters and conches the flesh lies within.
AI translation rendered from the Sanskrit, not a published edition
KaP 22.13
बहिरस्ति स्वरूपन्तु सर्वदैव प्रवर्तते । एवं जलं स्थावरस्तु नदीपर्वतयोस्तदा
bahirasti svarūpantu sarvadaiva pravartate | evaṃ jalaṃ sthāvarastu nadīparvatayostadā
The outer form exists and functions at all times; so it is with the water and the rock-mass of rivers and mountains respectively.
AI translation rendered from the Sanskrit, not a published edition — the model flagged this verse as uncertain
KaP 22.14
अन्तर्वसति कायस्तु सततं नोपपद्यते
antarvasati kāyastu satataṃ nopapadyate
But the body dwells within, and does not appear continually.
AI translation rendered from the Sanskrit, not a published edition
KaP 22.15
आप्याय्यते स्थावरेण शरीरं पर्वतस्य तु । तथा नदीनां कायस्तु तोयेनाप्याय्यते सदा
āpyāyyate sthāvareṇa śarīraṃ parvatasya tu | tathā nadīnāṃ kāyastu toyenāpyāyyate sadā
The body of a mountain is nourished by its rock, and likewise the body of rivers is ever nourished by water.
AI translation rendered from the Sanskrit, not a published edition
KaP 22.16
नदीनां कामरूपित्वं पर्वतानां तथैव च । जगत्स्थित्यै पुरा विष्णुः कल्पयामास यत्नतः
nadīnāṃ kāmarūpitvaṃ parvatānāṃ tathaiva ca | jagatsthityai purā viṣṇuḥ kalpayāmāsa yatnataḥ
The power of rivers to take any form at will, and likewise of mountains, was formerly devised with effort by Viṣṇu for the maintenance of the world.
AI translation rendered from the Sanskrit, not a published edition
KaP 22.17
तोयहानौ नदीदुःखं जायते सततं सुराः । विशीर्णे स्थावरे दुःखं जायते गिरिकायजम्
toyahānau nadīduḥkhaṃ jāyate satataṃ surāḥ | viśīrṇe sthāvare duḥkhaṃ jāyate girikāyajam
When water is lost, gods, pain constantly arises for a river; when the rock is shattered, pain arises born of the mountain's body.
AI translation rendered from the Sanskrit, not a published edition
KaP 22.18
तस्मिन् गिरौ चन्द्रभागे बृहल्लोहिततीरगाम् । सन्ध्यां दृष्टाथ पप्रच्छ वसिष्ठः सादरं तदा
tasmin girau candrabhāge bṛhallohitatīragām | sandhyāṃ dṛṣṭātha papraccha vasiṣṭhaḥ sādaraṃ tadā
Then on that mountain Candrabhāga, Vasiṣṭha, seeing Sandhyā going along the bank of the Bṛhallohita, respectfully asked her.
AI translation rendered from the Sanskrit, not a published edition
KaP 22.19
।। वसिष्ठ उवाच ॥ किमर्थमागता भद्रे निर्जनं तु महीधरम् । कस्य वा तनया गौरि किं वा तव चिकीर्षितम्
|| vasiṣṭha uvāca || kimarthamāgatā bhadre nirjanaṃ tu mahīdharam | kasya vā tanayā gauri kiṃ vā tava cikīrṣitam
Vasiṣṭha said: For what purpose have you come to this uninhabited mountain, good lady? Whose daughter are you, fair one, and what is it you wish to do?
AI translation rendered from the Sanskrit, not a published edition
KaP 22.20
एतदिच्छाम्यहं श्रोतुं यदि गुह्यं न ते भवेत् । वदनं पूर्णचन्द्राभं निःश्रीकं वा कथं तव
etadicchāmyahaṃ śrotuṃ yadi guhyaṃ na te bhavet | vadanaṃ pūrṇacandrābhaṃ niḥśrīkaṃ vā kathaṃ tava
This I wish to hear, if it be no secret of yours; and how is it that your face, radiant as the full moon, is without lustre?
AI translation rendered from the Sanskrit, not a published edition
KaP 22.21
एतच्छ्रुत्वा वचस्तस्य वसिष्ठस्य महात्मनः । दृष्ट्वा च तं महात्मानं ज्वलन्तमिव पावकम्
etacchrutvā vacastasya vasiṣṭhasya mahātmanaḥ | dṛṣṭvā ca taṃ mahātmānaṃ jvalantamiva pāvakam
Hearing this speech of that great-souled Vasiṣṭha, and seeing that great soul, blazing like fire,
AI translation rendered from the Sanskrit, not a published edition
KaP 22.22
शरीरधृग्ब्रह्मचर्य - सदृशं तं जटाधरम् । सादरं प्रणिपत्याथ सन्ध्योवाच तपोधनम्
śarīradhṛgbrahmacarya - sadṛśaṃ taṃ jaṭādharam | sādaraṃ praṇipatyātha sandhyovāca tapodhanam
bearing a body befitting brahmacarya, wearing matted locks — Sandhyā then bowed to him respectfully and spoke to the ascetic.
AI translation rendered from the Sanskrit, not a published edition
KaP 22.23
॥ सन्ध्योवाच ॥ यदर्थमागता शैलं सिद्धं तन्मे द्विजोत्तम । तव दर्शनमात्रेण तन्मे सेत्स्यति वा विभो
|| sandhyovāca || yadarthamāgatā śailaṃ siddhaṃ tanme dvijottama | tava darśanamātreṇa tanme setsyati vā vibho
Sandhyā said: That for the sake of which I came to the mountain is accomplished for me, best of the twice-born; or rather, it will be accomplished for me by the mere sight of you, O lord.
AI translation rendered from the Sanskrit, not a published edition
KaP 22.24
तपः कर्तुमहं ब्रह्मन्निर्जनं शैलमागता । ब्रह्मणोऽहं मनोजाता सन्ध्या नाम्ना च विश्रुता
tapaḥ kartumahaṃ brahmannirjanaṃ śailamāgatā | brahmaṇo'haṃ manojātā sandhyā nāmnā ca viśrutā
“I have come to this deserted mountain, O brahmin, in order to perform austerity. I am born of Brahmā's mind, and I am known by the name Sandhyā.
AI translation rendered from the Sanskrit, not a published edition
KaP 22.25
नोपदेशमहं जाने तपसो मुनिसत्तम । यदि ते युज्यते गुह्यं मां त्वं समुपदेशय । एतच्चिकीर्षितं गुह्यं नान्यत्किञ्चन विद्यते
nopadeśamahaṃ jāne tapaso munisattama | yadi te yujyate guhyaṃ māṃ tvaṃ samupadeśaya | etaccikīrṣitaṃ guhyaṃ nānyatkiñcana vidyate
I do not know the instruction for austerity, O best of sages. If the secret may fittingly be given by you, instruct me fully. This is the secret (I) wish to accomplish; there is nothing else.
AI translation rendered from the Sanskrit, not a published edition
KaP 22.26
अज्ञात्वा तपसो भावं तपोवनमुपाश्रिता । चिन्तया परिशुष्येऽहं वेपते च मनः सदा
ajñātvā tapaso bhāvaṃ tapovanamupāśritā | cintayā pariśuṣye'haṃ vepate ca manaḥ sadā
Not knowing the nature of austerity, I have resorted to the penance-grove; I am withering away with anxiety, and my mind trembles constantly.”
AI translation rendered from the Sanskrit, not a published edition
KaP 22.27
।। मार्कण्डेय उवाच ।। आकर्ण्य तस्याः वचनं वसिष्ठो ब्रह्मणः सुतः । स्वयं स सर्वतत्त्वज्ञो नान्यत्किञ्चन पृष्टवान्
|| mārkaṇḍeya uvāca || ākarṇya tasyāḥ vacanaṃ vasiṣṭho brahmaṇaḥ sutaḥ | svayaṃ sa sarvatattvajño nānyatkiñcana pṛṣṭavān
Mārkaṇḍeya said: Having heard her words, Vasiṣṭha, the son of Brahmā, himself knowing all truths, asked nothing further.
AI translation rendered from the Sanskrit, not a published edition
KaP 22.28
अथ तां नियतात्मानं तपसेऽतिधृतोद्यमाम् । वसिष्ठो मन्त्रयाञ्चके गुरुवच्छिष्यवत्तदा
atha tāṃ niyatātmānaṃ tapase'tidhṛtodyamām | vasiṣṭho mantrayāñcake guruvacchiṣyavattadā
Then Vasiṣṭha instructed her—self-controlled and of firmly resolved effort for austerity—as a teacher does a pupil.
AI translation rendered from the Sanskrit, not a published edition
KaP 22.29
।। वसिष्ठ उवाच ॥ परमं यो महत्तेजः परमं यो महत्तपः । परमो यः समाराध्यो विष्णुर्मनसि धीयताम्
|| vasiṣṭha uvāca || paramaṃ yo mahattejaḥ paramaṃ yo mahattapaḥ | paramo yaḥ samārādhyo viṣṇurmanasi dhīyatām
Vasiṣṭha said: He who is the supreme great splendour, he who is the supreme great austerity, he who is the supreme one to be worshipped—let Viṣṇu be held in the mind.
AI translation rendered from the Sanskrit, not a published edition
KaP 22.30
धर्मार्थकाममोक्षाणां य एकस्त्वादिकारणम् । तमेकं जगतामाद्यं भजस्व पुरुषोत्तमम्
dharmārthakāmamokṣāṇāṃ ya ekastvādikāraṇam | tamekaṃ jagatāmādyaṃ bhajasva puruṣottamam
He who alone is the first cause of dharma, wealth, pleasure and liberation—worship him, the one primal being of the worlds, the highest Person.
AI translation rendered from the Sanskrit, not a published edition
KaP 22.31
विष्णु-ध्यानवर्णनम् शङ्खचक्रगदापद्मधरं कमललोचनम् । शुद्धस्फटिकसंकाशं क्वचिन्नीलाम्बुदच्छविम्
viṣṇu-dhyānavarṇanam śaṅkhacakragadāpadmadharaṃ kamalalocanam | śuddhasphaṭikasaṃkāśaṃ kvacinnīlāmbudacchavim
(Description of the meditation on Viṣṇu:) (Meditate on him) bearing conch, discus, mace and lotus, lotus-eyed, resembling pure crystal, and in places with the hue of a dark rain-cloud;
AI translation rendered from the Sanskrit, not a published edition
KaP 22.32
गरुड़ोपरि शुक्लाब्जे पद्मासनगतं हरिम् । श्रीवत्सवक्षसं शान्तं वनमालाधरं परम्
garuḍa़opari śuklābje padmāsanagataṃ harim | śrīvatsavakṣasaṃ śāntaṃ vanamālādharaṃ param
Hari, seated in the lotus posture upon a white lotus above Garuḍa, bearing the śrīvatsa on his chest, tranquil, wearing the forest-garland, supreme;
AI translation rendered from the Sanskrit, not a published edition
KaP 22.33
केयूरकुण्डलधरं किरीटमुकुटोज्वलम् । निराकारं ज्ञानगम्यं साकारं देहधारिणम्
keyūrakuṇḍaladharaṃ kirīṭamukuṭojvalam | nirākāraṃ jñānagamyaṃ sākāraṃ dehadhāriṇam
wearing armlets and earrings, blazing with diadem and crown, formless yet reached by knowledge, having form and bearing a body,
AI translation rendered from the Sanskrit, not a published edition
KaP 22.34
नित्यानन्दं निरालम्बं सूर्यमण्डलमध्यगम् । मन्त्रेणानेन देवेशं विष्णुं भज शुभानने
nityānandaṃ nirālambaṃ sūryamaṇḍalamadhyagam | mantreṇānena deveśaṃ viṣṇuṃ bhaja śubhānane
eternally blissful, without support, dwelling in the midst of the sun's orb—with this mantra worship Viṣṇu, the lord of gods, O fair-faced one.
AI translation rendered from the Sanskrit, not a published edition
KaP 22.35
।। विष्णु उपासना मन्त्र ।। ओं नमो वासुदेवाय ओमित्यन्तेन सन्ततम् । तपस्यामारभेन्मौनीं तत्रैतान्नियमान् शृणु
|| viṣṇu upāsanā mantra || oṃ namo vāsudevāya omityantena santatam | tapasyāmārabhenmaunīṃ tatraitānniyamān śṛṇu
(The mantra for the worship of Viṣṇu:) “oṃ namo vāsudevāya,” ending with “oṃ,” continually. (One) should begin the austerity in silence; hear these observances therein.
AI translation rendered from the Sanskrit, not a published edition
KaP 22.36
स्नानं मौनेन कर्तव्यं मौनेनैव तु पूजनम् । द्वयोः पर्णजलाहारं प्रथमं षष्ठकालयोः । तृतीये षष्ठकाले तु उपवासपरो भवेत्
snānaṃ maunena kartavyaṃ maunenaiva tu pūjanam | dvayoḥ parṇajalāhāraṃ prathamaṃ ṣaṣṭhakālayoḥ | tṛtīye ṣaṣṭhakāle tu upavāsaparo bhavet
The bath is to be done in silence, and the worship too in silence; at the first two sixth mealtimes, a diet of leaves and water; but at the third sixth mealtime one should be devoted to fasting.
AI translation rendered from the Sanskrit, not a published edition
KaP 22.37
वृक्षवल्कलवासाश्च काले भूमिशयस्तथा । एवं मौनी तपस्याख्या व्रतचर्या फलप्रदा
vṛkṣavalkalavāsāśca kāle bhūmiśayastathā | evaṃ maunī tapasyākhyā vratacaryā phalapradā
And (one should be) clothed in tree-bark, and likewise sleeping on the ground at (the proper) time. Thus the observance of the vow called silent austerity yields fruit.
AI translation rendered from the Sanskrit, not a published edition
KaP 22.38
एवं तपः समुद्दिश्य कामं चिन्तय माधवम् । सते प्रसन्न इष्टार्थं नचिरादेव दास्यति
evaṃ tapaḥ samuddiśya kāmaṃ cintaya mādhavam | sate prasanna iṣṭārthaṃ nacirādeva dāsyati
Thus, having undertaken austerity, meditate on Mādhava at will; being pleased with you, before long he will grant the desired object.
AI translation rendered from the Sanskrit, not a published edition
KaP 22.39
।। मार्कण्डेय उवाच ।। उपदिश्य वसिष्ठोऽथ सन्ध्यायै तपसः क्रियाम् । तामाभाष्य यथान्यायं तत्रैवान्तर्दधे मुनिः
|| mārkaṇḍeya uvāca || upadiśya vasiṣṭho'tha sandhyāyai tapasaḥ kriyām | tāmābhāṣya yathānyāyaṃ tatraivāntardadhe muniḥ
Mārkaṇḍeya said: Then, having taught Sandhyā the practice of austerity, and having addressed her as was proper, the sage vanished right there.
AI translation rendered from the Sanskrit, not a published edition
KaP 22.40
सन्ध्यापि तपसो भावं ज्ञात्वा मोदमवाप्य च । तपः कर्तुं समारेभे बृहल्लोहिततीरगा
sandhyāpi tapaso bhāvaṃ jñātvā modamavāpya ca | tapaḥ kartuṃ samārebhe bṛhallohitatīragā
And Sandhyā, having learned the nature of austerity and having gained joy, went to the bank of the Bṛhallohita and began to perform austerity.
AI translation rendered from the Sanskrit, not a published edition
KaP 22.41
यथोक्तन्तु वसिष्ठेन मन्त्रं तपसि साधनम् । व्रतेन तेन गोविन्दं पूजयामास भक्तित:
yathoktantu vasiṣṭhena mantraṃ tapasi sādhanam | vratena tena govindaṃ pūjayāmāsa bhaktita:
With the mantra that was the means in austerity, as declared by Vasiṣṭha, she worshipped Govinda with devotion through that vow.
AI translation rendered from the Sanskrit, not a published edition
KaP 22.42
एकान्तमनसस्तस्या कुर्वन्त्याः सुमहत्तपः । विष्णौ विन्यस्तमनसो गतमेकं चतुर्युगम्
ekāntamanasastasyā kurvantyāḥ sumahattapaḥ | viṣṇau vinyastamanaso gatamekaṃ caturyugam
While she, with single-pointed mind, performed very great austerity, her mind fixed on Viṣṇu, one set of four ages passed.
AI translation rendered from the Sanskrit, not a published edition
KaP 22.43
न कोऽपि विस्मयं नाप तस्या दृष्ट्वा तपोऽद्भुतम् । न तादृशी तपश्चर्या भविष्यति च कस्यचित्
na ko'pi vismayaṃ nāpa tasyā dṛṣṭvā tapo'dbhutam | na tādṛśī tapaścaryā bhaviṣyati ca kasyacit
There was no one who did not feel wonder on seeing her marvellous austerity; nor will such a course of austerity ever belong to anyone (else).
AI translation rendered from the Sanskrit, not a published edition
KaP 22.44
मानुषेणाथ मानेन गते त्वेकचतुर्युगे । अन्तर्बहिस्तथाकाशे दर्शयित्वा निजं वपुः
mānuṣeṇātha mānena gate tvekacaturyuge | antarbahistathākāśe darśayitvā nijaṃ vapuḥ
Then, when one set of four ages had passed by human reckoning, having shown his own form within, without, and in the sky as well—
AI translation rendered from the Sanskrit, not a published edition
KaP 22.45
प्रसन्नस्तेन रूपेण यद्रूपं चिन्तितं तया । पुरः प्रत्यक्षतां यातस्तस्या विष्णुर्जगत्पतिः
prasannastena rūpeṇa yadrūpaṃ cintitaṃ tayā | puraḥ pratyakṣatāṃ yātastasyā viṣṇurjagatpatiḥ
—Viṣṇu, lord of the world, being pleased, became visible before her in that very form which had been contemplated by her.
AI translation rendered from the Sanskrit, not a published edition
KaP 22.46
अथ सा पुरतो दृष्ट्वा मनसा चिन्तितं हरिम् । शङ्खचक्रगदापद्मधारिणं पद्मलोचनम्
atha sā purato dṛṣṭvā manasā cintitaṃ harim | śaṅkhacakragadāpadmadhāriṇaṃ padmalocanam
Then, seeing before her Hari, whom she had contemplated in her mind, bearing conch, discus, mace and lotus, lotus-eyed,
AI translation rendered from the Sanskrit, not a published edition
KaP 22.47
केयूरकुण्डलधरं किरीटमुकुटोज्ज्वलम् । तार्क्ष्यर्स्थं पुण्डरीकाक्षं नीलोत्पलदलच्छविम्
keyūrakuṇḍaladharaṃ kirīṭamukuṭojjvalam | tārkṣyarsthaṃ puṇḍarīkākṣaṃ nīlotpaladalacchavim
wearing armlets and earrings, resplendent with diadem and crown, seated on Tārkṣya (Garuḍa), with eyes like white lotuses, of the hue of a blue lotus petal—
AI translation rendered from the Sanskrit, not a published edition
KaP 22.48
ससाध्वसमहं वक्ष्ये किं कथं स्तौमि वा हरिम् । इति चिन्तापरा भूत्वा न्यमीलयत चक्षुषी
sasādhvasamahaṃ vakṣye kiṃ kathaṃ staumi vā harim | iti cintāparā bhūtvā nyamīlayata cakṣuṣī
"In my agitation, what shall I say, or how shall I praise Hari?"—thus, becoming absorbed in thought, she closed her two eyes.
AI translation rendered from the Sanskrit, not a published edition
KaP 22.49
निमीलिताक्ष्यास्तस्यास्तु प्रविश्य हृदयं हरिः । दिव्यं ज्ञानं ददौ तस्यै वाचं दिव्ये च चक्षुषी
nimīlitākṣyāstasyāstu praviśya hṛdayaṃ hariḥ | divyaṃ jñānaṃ dadau tasyai vācaṃ divye ca cakṣuṣī
But while her eyes were closed, Hari, entering her heart, gave her divine knowledge, speech, and two divine eyes.
AI translation rendered from the Sanskrit, not a published edition
KaP 22.50
दिव्यं ज्ञानं दिव्यचक्षुर्दिव्यां वाचमवाप सा । प्रत्यक्षं वीक्ष्य गोविन्दं तुष्टाव जगतां पतिम्
divyaṃ jñānaṃ divyacakṣurdivyāṃ vācamavāpa sā | pratyakṣaṃ vīkṣya govindaṃ tuṣṭāva jagatāṃ patim
She obtained divine knowledge, divine sight and divine speech; seeing Govinda before her, she praised the lord of the worlds.
AI translation rendered from the Sanskrit, not a published edition
KaP 22.51
।। सन्ध्योवाच ।। निराकारं ज्ञानगम्यं परं यन्नैव स्थूलं नापि सूक्ष्मं न चोच्चैः । अन्तश्चिन्त्यं योगिभिर्यस्य रूपं तस्मै तुभ्यं हरये मे नमोऽस्तु
|| sandhyovāca || nirākāraṃ jñānagamyaṃ paraṃ yannaiva sthūlaṃ nāpi sūkṣmaṃ na coccaiḥ | antaścintyaṃ yogibhiryasya rūpaṃ tasmai tubhyaṃ haraye me namo'stu
Sandhyā said: To that Hari, to you, whose form is formless, attainable through knowledge, supreme, neither gross nor subtle nor lofty, contemplated inwardly by yogins—let my homage be.
AI translation rendered from the Sanskrit, not a published edition
KaP 22.52
शिवं शान्तं निर्मलं निर्विकारं ज्ञानात्परं सुप्रकाशं विसारि । रविप्रख्यं ध्वान्तभागात् परस्ताद् रूपं यस्य त्वां नमामि प्रसन्नम्
śivaṃ śāntaṃ nirmalaṃ nirvikāraṃ jñānātparaṃ suprakāśaṃ visāri | raviprakhyaṃ dhvāntabhāgāt parastād rūpaṃ yasya tvāṃ namāmi prasannam
You whose form is auspicious, tranquil, stainless, changeless, beyond knowledge, brightly shining, all-pervading, like the sun, beyond the region of darkness—I bow to you, gracious one.
AI translation rendered from the Sanskrit, not a published edition
KaP 22.53
एकं शुद्धं दीप्यमानं विनोदं चित्तानन्दं सत्वजं पापहारि । नित्यानन्दं सत्य भूरिप्रसन्नं यस्य श्रीद रूपमस्मै नमोऽस्तु
ekaṃ śuddhaṃ dīpyamānaṃ vinodaṃ cittānandaṃ satvajaṃ pāpahāri | nityānandaṃ satya bhūriprasannaṃ yasya śrīda rūpamasmai namo'stu
Homage to him whose form is one, pure, blazing, delightful, the joy of the mind, born of goodness, remover of sin, ever-blissful, true, abundantly gracious, O giver of prosperity.
AI translation rendered from the Sanskrit, not a published edition
KaP 22.54
विद्याकारोद्भावनीयं प्रभिन्नं सत्वच्छन्नं ध्येयमात्मस्वरूपम् । सारं पारं पावनानां पवित्रं तस्मै रूपं यस्य चेदं नमस्ते
vidyākārodbhāvanīyaṃ prabhinnaṃ satvacchannaṃ dhyeyamātmasvarūpam | sāraṃ pāraṃ pāvanānāṃ pavitraṃ tasmai rūpaṃ yasya cedaṃ namaste
Homage to you, whose form is this: to be brought forth in the shape of knowledge, undivided (or distinct), veiled by goodness, to be meditated on, the very nature of the self, the essence, the far shore, the purifier of purifiers.
AI translation rendered from the Sanskrit, not a published edition — the model flagged this verse as uncertain
KaP 22.55
नित्यार्जवं व्ययहीनं गुणौघै रष्टाङ्गैर्यश्चिन्त्यये योगयुक्तैः । तत्त्वं व्यापि प्राप्य यज्ज्ञानयोगे परं याता योगिनस्तं नमस्ते
nityārjavaṃ vyayahīnaṃ guṇaughai raṣṭāṅgairyaścintyaye yogayuktaiḥ | tattvaṃ vyāpi prāpya yajjñānayoge paraṃ yātā yoginastaṃ namaste
Homage to you, ever upright, free from decay, whom (yogins) contemplate with the eight limbs joined to yoga along with the mass of qualities—the pervading reality, on attaining which in the yoga of knowledge yogins have gone to the supreme.
AI translation rendered from the Sanskrit, not a published edition — the model flagged this verse as uncertain
KaP 22.56
यत्साकारं शुद्धरूपं मनोज्ञं गरुत्मस्थं नीलमेघप्रकाशम् । शङ्खं चक्रं पद्मगदे दधानं तस्मै नमो योगयुक्ताय तुभ्यम्
yatsākāraṃ śuddharūpaṃ manojñaṃ garutmasthaṃ nīlameghaprakāśam | śaṅkhaṃ cakraṃ padmagade dadhānaṃ tasmai namo yogayuktāya tubhyam
Homage to you, joined with yoga: whose form is with shape, of pure appearance, lovely, seated on Garuḍa, shining like a dark cloud, bearing conch, discus, lotus and mace.
AI translation rendered from the Sanskrit, not a published edition
KaP 22.57
गगनं भूर्दिशश्चैव सलिलं ज्योतिरेव च । वायुः कालश्च रूपाणि यस्य तस्मै नमोऽस्तु ते
gaganaṃ bhūrdiśaścaiva salilaṃ jyotireva ca | vāyuḥ kālaśca rūpāṇi yasya tasmai namo'stu te
The sky, the earth, the directions, water, and light itself, wind and time are the forms of him: homage be to you, to him.
AI translation rendered from the Sanskrit, not a published edition
KaP 22.58
प्रधानपुरुषौ यस्य कार्याङ्गत्वे निवत्स्यतः। तस्मादव्यक्तरूपाय गोविन्दाय नमोऽस्तु ते
pradhānapuruṣau yasya kāryāṅgatve nivatsyataḥ| tasmādavyaktarūpāya govindāya namo'stu te
Primal matter and the (cosmic) Person abide as parts of his work: therefore homage be to you, Govinda, whose form is unmanifest.
AI translation rendered from the Sanskrit, not a published edition — the model flagged this verse as uncertain
KaP 22.59
यः स्वयं यश्च भूतानि यः स्वयं तद्गुणः परः । यः स्वयं जगदाधारस्तस्मै तुभ्यं नमोनमः
yaḥ svayaṃ yaśca bhūtāni yaḥ svayaṃ tadguṇaḥ paraḥ | yaḥ svayaṃ jagadādhārastasmai tubhyaṃ namonamaḥ
He who is himself, and who is the elements, who himself is supreme, having those qualities, who himself is the support of the world—to him, to you, homage upon homage.
AI translation rendered from the Sanskrit, not a published edition
KaP 22.60
परः पुराणः पुरुषः परमात्मा जगन्मयः । अक्षयो योऽव्ययो देवस्तस्मै तुभ्यं नमो नमः
paraḥ purāṇaḥ puruṣaḥ paramātmā jaganmayaḥ | akṣayo yo'vyayo devastasmai tubhyaṃ namo namaḥ
The supreme, ancient Person, the highest Self, made of the world, the god who is imperishable and undecaying—to him, to you, homage upon homage.
AI translation rendered from the Sanskrit, not a published edition
KaP 22.61
यो ब्रह्मा कुरुते सृष्टिं यो विष्णुः कुरुते स्थितिम् । संहरिष्यति यो रुद्रस्तस्मै तुभ्यं नमो नमः
yo brahmā kurute sṛṣṭiṃ yo viṣṇuḥ kurute sthitim | saṃhariṣyati yo rudrastasmai tubhyaṃ namo namaḥ
He who as Brahmā effects creation, who as Viṣṇu effects maintenance, and who as Rudra will destroy—to him, to you, homage upon homage.
AI translation rendered from the Sanskrit, not a published edition
KaP 22.62
नमो नमः कारणकारणाय दिव्यामृतज्ञानविभूतिदाय । समस्त लोकान्तर मोहदाय प्रकाशरूपाय परात्पराय
namo namaḥ kāraṇakāraṇāya divyāmṛtajñānavibhūtidāya | samasta lokāntara mohadāya prakāśarūpāya parātparāya
Homage, homage to the cause of causes, the giver of divine, immortal knowledge and power, the giver of delusion to all the other worlds, whose form is light, higher than the high.
AI translation rendered from the Sanskrit, not a published edition
KaP 22.63
यस्य प्रपञ्चो जगदुच्यते महान् क्षितिर्दिशः सूर्य इन्दुर्मनोजवः । वह्निर्मुखान्नाभितश्चान्तरीक्षं तस्मै तुभ्यं हरये ते नमोऽस्तु
yasya prapañco jagaducyate mahān kṣitirdiśaḥ sūrya indurmanojavaḥ | vahnirmukhānnābhitaścāntarīkṣaṃ tasmai tubhyaṃ haraye te namo'stu
He whose great expansion is called the world—the earth, the directions, the sun, the moon swift as thought, fire from his mouth and the mid-air from his navel—to him, to you, Hari, let homage be.
AI translation rendered from the Sanskrit, not a published edition
KaP 22.64
त्वं परः परमात्मा च त्वं विद्या विविधा हरे । शब्दब्रह्म परंब्रह्म विचारणपरात्परः
tvaṃ paraḥ paramātmā ca tvaṃ vidyā vividhā hare | śabdabrahma paraṃbrahma vicāraṇaparātparaḥ
You are the Supreme, and you are the Supreme Self; you, Hari, are knowledge in its many forms; you are the Brahman-as-sound and the highest Brahman, higher than the highest in (all) reflection.
AI translation rendered from the Sanskrit, not a published edition
KaP 22.65
यस्य नादिर्नमध्यञ्च नान्तमस्ति जगत्पतेः । कथं स्तोष्यामि तं देवं वाङ्मनोगोचराद्बहिः
yasya nādirnamadhyañca nāntamasti jagatpateḥ | kathaṃ stoṣyāmi taṃ devaṃ vāṅmanogocarādbahiḥ
He, the Lord of the world, who has no beginning, no middle, and no end — how shall I praise that god, who lies beyond the range of speech and mind?
AI translation rendered from the Sanskrit, not a published edition
KaP 22.66
यस्य ब्रह्मादयो देवा मुनयश्च तपोधनाः । न विवृण्वन्ति रूपाणि वर्णनीयः कथं स मे
yasya brahmādayo devā munayaśca tapodhanāḥ | na vivṛṇvanti rūpāṇi varṇanīyaḥ kathaṃ sa me
He whose forms the gods beginning with Brahmā, and the sages rich in austerity, do not unfold — how is he to be described by me?
AI translation rendered from the Sanskrit, not a published edition
KaP 22.67
स्त्रिया मया ते किं ज्ञेया निर्गुणस्य गुणाः प्रभोः । नैव जानन्ति यद्रूपं सेन्द्रा अपि सुरासुराः
striyā mayā te kiṃ jñeyā nirguṇasya guṇāḥ prabhoḥ | naiva jānanti yadrūpaṃ sendrā api surāsurāḥ
How can the qualities of you, the Lord who is without qualities, be known by me, a woman — you whose form not even the gods and demons, with Indra among them, know at all?
AI translation rendered from the Sanskrit, not a published edition
KaP 22.68
नमस्तुभ्यं जगन्नाथ नमस्तुभ्यं तपोमय । प्रसीद भगवंस्तुभ्यं भूयोभूयो नमोनमः
namastubhyaṃ jagannātha namastubhyaṃ tapomaya | prasīda bhagavaṃstubhyaṃ bhūyobhūyo namonamaḥ
Homage to you, Lord of the world; homage to you, who consist of austerity. Be gracious, Blessed One; to you again and again homage upon homage.
AI translation rendered from the Sanskrit, not a published edition
KaP 22.69
।। मार्कण्डेय उवाच ।। अथ तस्याः शरीरन्तु वल्कलाजिनसंवृतम् । परिक्षीणं जटाव्रातैः पवित्रैमूर्घ्नि राजितम्
|| mārkaṇḍeya uvāca || atha tasyāḥ śarīrantu valkalājinasaṃvṛtam | parikṣīṇaṃ jaṭāvrātaiḥ pavitraimūrghni rājitam
Mārkaṇḍeya said: Then her body, wrapped in bark garments and a hide, wasted away, adorned on the head with masses of holy matted locks,
AI translation rendered from the Sanskrit, not a published edition
KaP 22.70
हिमानी तर्जिताम्भोजसदृशवदनं तथा । निरीक्ष्य कृपयाविष्टो हरिः प्रोवाच तामिदम्
himānī tarjitāmbhojasadṛśavadanaṃ tathā | nirīkṣya kṛpayāviṣṭo hariḥ provāca tāmidam
and her face like a lotus blighted by the snow — seeing (this), Hari, filled with compassion, said this to her:
AI translation rendered from the Sanskrit, not a published edition
KaP 22.71
।। श्रीभगवानुवाच ।। प्रीतोऽस्मि तपसा भद्रे भवत्याः परमेण वै । स्तवेन च शुभप्रज्ञे वरं वरय साम्प्रतम्
|| śrībhagavānuvāca || prīto'smi tapasā bhadre bhavatyāḥ parameṇa vai | stavena ca śubhaprajñe varaṃ varaya sāmpratam
The Blessed Lord said: I am pleased, good lady, by your supreme austerity and by your praise, O you of auspicious mind; now choose a boon.
AI translation rendered from the Sanskrit, not a published edition
KaP 22.72
येन ते विद्यते कार्यं वरेणास्ति मनोगतम् । तत् करिष्यामि भद्रन्ते प्रसन्नोऽहं तव व्रतैः
yena te vidyate kāryaṃ vareṇāsti manogatam | tat kariṣyāmi bhadrante prasanno'haṃ tava vrataiḥ
Whatever purpose you have that is to be accomplished by a boon, whatever is in your mind, that I shall do, good lady; I am well pleased with your observances.
AI translation rendered from the Sanskrit, not a published edition
KaP 22.73
॥ सन्ध्योवाच ।। यदि देव प्रसन्नोऽसि तपसा मम साम्प्रतम् । वृतस्तदायं प्रथमो वरो मम विधीयताम्
|| sandhyovāca || yadi deva prasanno'si tapasā mama sāmpratam | vṛtastadāyaṃ prathamo varo mama vidhīyatām
Sandhyā said: If, O god, you are now pleased with my austerity, then let this first boon of mine, which is chosen, be granted:
AI translation rendered from the Sanskrit, not a published edition
KaP 22.74
उत्पन्नमात्रा देवेश प्राणिनोऽस्मिन्नभस्तले । न भवन्तु क्रमेणैव सकामाः सम्भवन्तु वै
utpannamātrā deveśa prāṇino'sminnabhastale | na bhavantu krameṇaiva sakāmāḥ sambhavantu vai
Let not living beings on this earth's surface, O Lord of gods, be filled with desire the moment they are born; let them come to desire only gradually.
AI translation rendered from the Sanskrit, not a published edition
KaP 22.75
पतिव्रताहं लोकेषु त्रिष्वपि प्रथिता यथा । भविष्यामि तथा नान्या वर एको वृतो मम
pativratāhaṃ lokeṣu triṣvapi prathitā yathā | bhaviṣyāmi tathā nānyā vara eko vṛto mama
That I may become such a devoted wife as is renowned in all three worlds, and no other woman (be so) — this is the one boon chosen by me.
AI translation rendered from the Sanskrit, not a published edition
KaP 22.76
सकामा मम दृष्टिस्तु कुत्रचिन्न पतिष्यति । ऋते पतिं जगन्नाथ सोऽपि मेऽति सुकृत्तरः
sakāmā mama dṛṣṭistu kutracinna patiṣyati | ṛte patiṃ jagannātha so'pi me'ti sukṛttaraḥ
And let my glance never fall anywhere with desire, except upon my husband, O Lord of the world; and let him too be exceedingly virtuous toward me.
AI translation rendered from the Sanskrit, not a published edition
KaP 22.77
यो द्रक्ष्यति सकामो मां पुरुषस्तस्य पौरुषम् । नाशं गमिष्यति तदा स तु क्लीवो भविष्यति
yo drakṣyati sakāmo māṃ puruṣastasya pauruṣam | nāśaṃ gamiṣyati tadā sa tu klīvo bhaviṣyati
And whatever man shall look upon me with desire, his manhood shall then go to ruin, and he shall become impotent.
AI translation rendered from the Sanskrit, not a published edition
KaP 22.78
।। श्रीभगवानुवाच ।। प्रथमः शैशवो भावः कौमाराख्यो द्वितीयकः । तृतीयो यौवनो भावश्चतुर्थो वार्द्धकस्तथा
|| śrībhagavānuvāca || prathamaḥ śaiśavo bhāvaḥ kaumārākhyo dvitīyakaḥ | tṛtīyo yauvano bhāvaścaturtho vārddhakastathā
The Blessed Lord said: The first state is infancy, the second is called childhood, the third state is youth, and the fourth old age.
AI translation rendered from the Sanskrit, not a published edition
KaP 22.79
तृतीये त्वथ सम्प्राप्ते वयोभागे शरीरिणः । सकामाः स्युर्द्वितीयान्ते भविष्यन्ति क्वचित् क्वचित्
tṛtīye tvatha samprāpte vayobhāge śarīriṇaḥ | sakāmāḥ syurdvitīyānte bhaviṣyanti kvacit kvacit
When embodied beings reach the third portion of their age, they shall be subject to desire; here and there (some) will become so at the end of the second.
AI translation rendered from the Sanskrit, not a published edition
KaP 22.80
तपसा तव मर्यादा जगति स्थापिता मया । उत्पन्नमात्रा न यथा सकामाः स्युः शरीरिणः
tapasā tava maryādā jagati sthāpitā mayā | utpannamātrā na yathā sakāmāḥ syuḥ śarīriṇaḥ
By your austerity a boundary has been established by me in the world, so that embodied beings shall not be filled with desire the moment they are born.
AI translation rendered from the Sanskrit, not a published edition
KaP 22.81
त्वञ्च लोके सतीभावं तादृशं समवाप्स्यसि । त्रिषु लोकेषु नान्यास्या यादृशं सम्भविष्यति
tvañca loke satībhāvaṃ tādṛśaṃ samavāpsyasi | triṣu lokeṣu nānyāsyā yādṛśaṃ sambhaviṣyati
And you shall attain in the world such a state of wifely devotion as shall belong to no other woman in the three worlds.
AI translation rendered from the Sanskrit, not a published edition
KaP 22.82
यः पश्यति सकामस्त्वां पाणिग्रहमृते तव । स सद्यः क्लीवतां प्राप्य दुर्बलत्वं गमिष्यति
yaḥ paśyati sakāmastvāṃ pāṇigrahamṛte tava | sa sadyaḥ klīvatāṃ prāpya durbalatvaṃ gamiṣyati
Whoever looks upon you with desire, apart from the one who takes your hand (in marriage), he shall at once become impotent and fall into weakness.
AI translation rendered from the Sanskrit, not a published edition
KaP 22.83
पतिस्तव महाभागस्तपोरूपसमन्वितः । सप्तकल्पान्तजीवी च भविष्यति सह त्वया
patistava mahābhāgastaporūpasamanvitaḥ | saptakalpāntajīvī ca bhaviṣyati saha tvayā
Your husband shall be greatly fortunate, endowed with austerity and beauty, and together with you he shall live to the end of seven kalpas.
AI translation rendered from the Sanskrit, not a published edition
KaP 22.84
इति ये ते वरा मत्तः प्रार्थितास्ते कृता मया । अन्यच्च ते वदिष्यामि पूर्वं यन्मनसि स्थितम्
iti ye te varā mattaḥ prārthitāste kṛtā mayā | anyacca te vadiṣyāmi pūrvaṃ yanmanasi sthitam
"Thus the boons that you asked of me have been granted by me. And I shall tell you something else, which was in your mind earlier.
AI translation rendered from the Sanskrit, not a published edition
KaP 22.85
अग्नौ शरीरत्यागस्ते पूर्वमेव प्रतिश्रुतः
agnau śarīratyāgaste pūrvameva pratiśrutaḥ
Your abandoning of the body in fire was promised (by you) earlier itself.
AI translation rendered from the Sanskrit, not a published edition
KaP 22.86
स च मेधातिथेर्यज्ञे मुनेर्द्वादशवार्षिके । हुतप्रज्वलिते वह्नौ न चिरात् क्रियतां त्वया
sa ca medhātitheryajñe munerdvādaśavārṣike | hutaprajvalite vahnau na cirāt kriyatāṃ tvayā
And let that be done by you before long, at the twelve-year sacrifice of the sage Medhātithi, in the fire blazing with oblations.
AI translation rendered from the Sanskrit, not a published edition
KaP 22.87
एतच्छैलोपत्यकायां चन्द्रभागानदीतटे । मेधातिथिर्महायज्ञं कुरुते तापसाश्रमे
etacchailopatyakāyāṃ candrabhāgānadītaṭe | medhātithirmahāyajñaṃ kurute tāpasāśrame
Here, in the valley of this mountain, on the bank of the river Candrabhāgā, in a hermitage of ascetics, Medhātithi is performing a great sacrifice.
AI translation rendered from the Sanskrit, not a published edition
KaP 22.88
तत्र गत्वा स्वयं छन्ना मुनिभिर्नोपलक्षिता । मत्प्रसादाद्वह्निजाता तस्य पुत्री भविष्यसि
tatra gatvā svayaṃ channā munibhirnopalakṣitā | matprasādādvahnijātā tasya putrī bhaviṣyasi
Going there, hidden of yourself and unnoticed by the sages, by my grace you shall be born from the fire and become his daughter.
AI translation rendered from the Sanskrit, not a published edition
KaP 22.89
यस्त्वया वाञ्छनीयोऽस्ति स्वामी मनसि कश्चन । तं निधाय निजस्वान्ते त्यज वह्नौ वपुः स्वकम्
yastvayā vāñchanīyo'sti svāmī manasi kaścana | taṃ nidhāya nijasvānte tyaja vahnau vapuḥ svakam
Whatever husband there is whom you desire in your mind, having placed him in your own heart, abandon your body in the fire.
AI translation rendered from the Sanskrit, not a published edition
KaP 22.90
यदा त्वं दारुणे सन्ध्ये तपश्चरसि पर्वते । यावच्चतुर्युगं तस्य व्यतीते तु कृते युगे
yadā tvaṃ dāruṇe sandhye tapaścarasi parvate | yāvaccaturyugaṃ tasya vyatīte tu kṛte yuge
When you were practising austerity on the mountain at the dreadful twilight, for as long as four yugas — but when the Kṛta age had passed...
AI translation rendered from the Sanskrit, not a published edition — the model flagged this verse as uncertain
KaP 22.92
तासां हेतोर्यदा शप्तश्चन्द्रो दक्षेण कोपिना । तदा भवत्या निकटे सर्वे देवाः समागताः
tāsāṃ hetoryadā śaptaścandro dakṣeṇa kopinā | tadā bhavatyā nikaṭe sarve devāḥ samāgatāḥ
When, on account of them, the Moon was cursed by the angry Dakṣa, then all the gods came together near you.
AI translation rendered from the Sanskrit, not a published edition
KaP 22.93
न दृष्टाश्च तया सन्ध्ये देवाश्च ब्रह्मणा सह । मयि विन्यस्तमनसा त्वञ्च दृष्टा न तैः पुनः
na dṛṣṭāśca tayā sandhye devāśca brahmaṇā saha | mayi vinyastamanasā tvañca dṛṣṭā na taiḥ punaḥ
And the gods, along with Brahmā, were not seen by that Sandhyā, whose mind was fixed on me; and you, in turn, were not seen by them.
AI translation rendered from the Sanskrit, not a published edition
KaP 22.94
चन्द्रस्य शापमोक्षार्थं चन्द्रभागा नदी यथा । सृष्टा धात्रा तदैवात्र मेधातिथिरुपस्थितः
candrasya śāpamokṣārthaṃ candrabhāgā nadī yathā | sṛṣṭā dhātrā tadaivātra medhātithirupasthitaḥ
When, for the sake of releasing the Moon from the curse, the river Candrabhāgā was created by the Creator, at that very time Medhātithi arrived here.
AI translation rendered from the Sanskrit, not a published edition
KaP 22.95
तपसा तत्समो नास्ति न भूतो न भविष्यति
tapasā tatsamo nāsti na bhūto na bhaviṣyati
There is none equal to him in austerity, neither has there been nor will there be.
AI translation rendered from the Sanskrit, not a published edition
KaP 22.96
तेन यज्ञः समारब्धो ज्योतिष्टोमो महाविधिः । तत्र प्रज्वलितो वह्निस्तस्मिंस्त्यज वपुः स्वकम्
tena yajñaḥ samārabdho jyotiṣṭomo mahāvidhiḥ | tatra prajvalito vahnistasmiṃstyaja vapuḥ svakam
By him a sacrifice has been begun, the Jyotiṣṭoma, of great ritual (form); there the fire is blazing — abandon your body in it.
AI translation rendered from the Sanskrit, not a published edition
KaP 22.97
एतन्मया स्थापितं ते कार्यार्थ भोस्तपस्विनि । तत् कुरुष्व महाभागे याहि यज्ञं महामुनेः
etanmayā sthāpitaṃ te kāryārtha bhostapasvini | tat kuruṣva mahābhāge yāhi yajñaṃ mahāmuneḥ
This has been ordained by me for the accomplishment of your purpose, O ascetic woman; do that, O greatly fortunate one, go to the sacrifice of the great sage."
AI translation rendered from the Sanskrit, not a published edition
KaP 22.98
।। मार्कण्डेय उवाच ।। नारायणः स्वयं सन्ध्यां पस्पर्शाथाग्रपाणिना । ततः पुरोडाशमयं तच्छरीरमभूत् क्षणात्
|| mārkaṇḍeya uvāca || nārāyaṇaḥ svayaṃ sandhyāṃ pasparśāthāgrapāṇinā | tataḥ puroḍāśamayaṃ taccharīramabhūt kṣaṇāt
Mārkaṇḍeya said: Nārāyaṇa himself then touched Sandhyā with the tip of his hand; thereupon in an instant that body of hers became made of sacrificial cake (puroḍāśa).
AI translation rendered from the Sanskrit, not a published edition
KaP 22.99
महामुनेर्महायज्ञे तस्मिन् विश्वोपकारिणि । नाग्निः कव्यादतां याति त्वेतदर्थं तथा कृतम्
mahāmunermahāyajñe tasmin viśvopakāriṇi | nāgniḥ kavyādatāṃ yāti tvetadarthaṃ tathā kṛtam
At that great sacrifice of the great sage, which benefits the whole world, the fire does not become an eater of corpses — it was done thus for this reason.
AI translation rendered from the Sanskrit, not a published edition
KaP 22.100
एवं कृत्वा जगन्नाथस्तत्रैवान्तरधीयत । सन्ध्याप्यगच्छत्तत्सत्रे यत्र मेधातिथिर्मुनिः
evaṃ kṛtvā jagannāthastatraivāntaradhīyata | sandhyāpyagacchattatsatre yatra medhātithirmuniḥ
Having done so, the Lord of the world vanished right there; and Sandhyā too went to that sacrificial rite where the sage Medhātithi was.
AI translation rendered from the Sanskrit, not a published edition
KaP 22.101
अथ विष्णोः प्रसादेन केनाप्यनुपलक्षिता । प्रविवेश यदा यज्ञं सन्ध्या मेधातिथेर्मुनेः
atha viṣṇoḥ prasādena kenāpyanupalakṣitā | praviveśa yadā yajñaṃ sandhyā medhātithermuneḥ
Then, by Viṣṇu's grace unnoticed by anyone, when Sandhyā entered the sacrifice of the sage Medhātithi —
AI translation rendered from the Sanskrit, not a published edition
KaP 22.102
वसिष्ठेन पुरा सा तु वर्णीभूत्वा तपस्विनी । उपदिष्टातपश्चर्तुं वचनात् परमेष्ठिनः
vasiṣṭhena purā sā tu varṇībhūtvā tapasvinī | upadiṣṭātapaścartuṃ vacanāt parameṣṭhinaḥ
She, the ascetic woman, had formerly been instructed by Vasiṣṭha, after becoming a student, to practise austerity, at the word of the Highest One (Brahmā).
AI translation rendered from the Sanskrit, not a published edition
KaP 22.103
तमेव कृत्वा मनसि तपश्चर्योपदेशकम् । पतित्वेन तदा सन्ध्या ब्राह्मणं ब्रह्मचारिणम्
tameva kṛtvā manasi tapaścaryopadeśakam | patitvena tadā sandhyā brāhmaṇaṃ brahmacāriṇam
Placing in her mind that very one who had instructed her in the practice of austerity — the brahmin, the celibate student — as her husband, Sandhyā then,
AI translation rendered from the Sanskrit, not a published edition
KaP 22.104
समिद्धेऽनौ महायज्ञे मुनिभिर्नोपलक्षिता । तदा विष्णोः प्रसादेन साविवेश विधेः सुता
samiddhe'nau mahāyajñe munibhirnopalakṣitā | tadā viṣṇoḥ prasādena sāviveśa vidheḥ sutā
unnoticed by the sages, in the great sacrifice with its kindled fire — then, by Viṣṇu's grace, she, the daughter of the Ordainer (Brahmā), entered (it).
AI translation rendered from the Sanskrit, not a published edition
KaP 22.105
तस्याः पुरोडाशमयं शरीरं तत्क्षणात्ततः । दग्धं पुरोडाशगन्धं व्यस्तारयदलक्षितम्
tasyāḥ puroḍāśamayaṃ śarīraṃ tatkṣaṇāttataḥ | dagdhaṃ puroḍāśagandhaṃ vyastārayadalakṣitam
Her body, which was made of the sacrificial cake, being burnt that very instant, spread abroad the smell of the cake, unnoticed.
AI translation rendered from the Sanskrit, not a published edition — the model flagged this verse as uncertain
KaP 22.106
वह्निस्तस्याः शरीरन्तु दग्ध्वा सूर्यस्य मण्डले । शुद्धं प्रवेशयामास विष्णोरेवाज्ञया पुनः
vahnistasyāḥ śarīrantu dagdhvā sūryasya maṇḍale | śuddhaṃ praveśayāmāsa viṣṇorevājñayā punaḥ
But the Fire, having burnt her body, made it enter, purified, into the orb of the sun, again by Viṣṇu's command alone.
AI translation rendered from the Sanskrit, not a published edition
KaP 22.107
सूर्यो द्विधा विभज्याथ तच्छरीरं तदा रथे । स्वके संस्थापयामास प्रीतये पितृदेवयोः
sūryo dvidhā vibhajyātha taccharīraṃ tadā rathe | svake saṃsthāpayāmāsa prītaye pitṛdevayoḥ
Then the Sun, dividing that body in two, placed it in his own chariot, for the pleasure of the ancestors and the gods.
AI translation rendered from the Sanskrit, not a published edition
KaP 22.108
यदूर्धभागस्तस्यास्तु शरीरस्य द्विजोत्तमाः । प्रातः सन्ध्याभवत् सा तु अहोरात्रादिमध्यगा
yadūrdhabhāgastasyāstu śarīrasya dvijottamāḥ | prātaḥ sandhyābhavat sā tu ahorātrādimadhyagā
Now that which was the upper part of her body, O best of the twice-born, became the morning twilight, she who stands in the middle at the beginning of day and night.
AI translation rendered from the Sanskrit, not a published edition
KaP 22.109
यच्छेष भागस्तस्यास्तु अहोरात्रान्तमध्यगा । सा सायमभवत् सन्ध्या पितृप्रीतिप्रदा सदा
yaccheṣa bhāgastasyāstu ahorātrāntamadhyagā | sā sāyamabhavat sandhyā pitṛprītipradā sadā
And that which was her remaining part, standing in the middle at the end of day and night — she became the evening twilight, ever giving pleasure to the ancestors.
AI translation rendered from the Sanskrit, not a published edition
KaP 22.110
सूर्योदयात्तु प्रथमं यदा स्यादरुणोदयः । प्रातः सन्ध्या तदोदेति देवानां प्रीतिकारिणी
sūryodayāttu prathamaṃ yadā syādaruṇodayaḥ | prātaḥ sandhyā tadodeti devānāṃ prītikāriṇī
When, before sunrise, the dawn-glow arises, then rises the morning twilight, which brings pleasure to the gods.
AI translation rendered from the Sanskrit, not a published edition
KaP 22.111
अस्तं गते ततः सूर्ये शोणपद्मनिभा सदा । उदेति सायंसन्ध्यापि पितॄणां मोदकारिणी
astaṃ gate tataḥ sūrye śoṇapadmanibhā sadā | udeti sāyaṃsandhyāpi pitṝṇāṃ modakāriṇī
And when the sun has set, then the evening twilight too rises, ever resembling a red lotus, bringing delight to the ancestors.
AI translation rendered from the Sanskrit, not a published edition
KaP 22.112
तस्याः प्राणास्तु मनसा विष्णुना प्रभविष्णुना । दिव्येन तु शरीरेण चक्रिरेऽथ शरीरिणः
tasyāḥ prāṇāstu manasā viṣṇunā prabhaviṣṇunā | divyena tu śarīreṇa cakrire'tha śarīriṇaḥ
But her vital breaths, by the mind of Viṣṇu the mighty one, together with a divine body, then became embodied.
AI translation rendered from the Sanskrit, not a published edition — the model flagged this verse as uncertain
KaP 22.113
मुनेर्यज्ञावसाने तु सम्प्राप्ते मुनिना तु सा । प्राप्ता पुत्री वह्निमध्ये तप्तकाञ्चन सप्रभा
muneryajñāvasāne tu samprāpte muninā tu sā | prāptā putrī vahnimadhye taptakāñcana saprabhā
And when the sage's sacrifice reached its end, she was obtained by the sage as a daughter, in the midst of the fire, with the radiance of heated gold.
AI translation rendered from the Sanskrit, not a published edition
KaP 22.114
तां जग्राह तदा पुत्रीं मुनिरामोदसंयुतः । यज्ञार्थतोयैः संस्नाप्य निजक्रोडे कृपायुतः
tāṃ jagrāha tadā putrīṃ munirāmodasaṃyutaḥ | yajñārthatoyaiḥ saṃsnāpya nijakroḍe kṛpāyutaḥ
Then the sage, filled with joy, took up that daughter, and having bathed her with the waters (prepared) for the sacrifice, (placed her) on his own lap, full of tenderness.
AI translation rendered from the Sanskrit, not a published edition
KaP 22.115
अरुन्धतीति तस्यास्तु नाम चक्रे महामुनिः । शिष्यैः परिवृतस्तत्र महामोदमवाप च
arundhatīti tasyāstu nāma cakre mahāmuniḥ | śiṣyaiḥ parivṛtastatra mahāmodamavāpa ca
The great sage made her name 'Arundhatī', and there, surrounded by his pupils, he attained great delight.
AI translation rendered from the Sanskrit, not a published edition
KaP 22.116
न रुणद्धि यतो धर्मं सा केनापि च कारणात् । अतस्त्रिलोकविदितं नाम सा प्राप सान्वयम्
na ruṇaddhi yato dharmaṃ sā kenāpi ca kāraṇāt | atastrilokaviditaṃ nāma sā prāpa sānvayam
Since she does not obstruct (na ruṇaddhi) the Law for any cause whatever, therefore she obtained that name, known in the three worlds, together with its derivation.
AI translation rendered from the Sanskrit, not a published edition
KaP 22.117
यज्ञं समाप्य स सुनिः कृतकृत्यभाव-मासाद्य सम्मदयुतस्तनयाप्रलम्भात् । तस्मिन् निजाश्रमपदे सहशिष्यवर्गैस्तामेव सन्ततमसौ दयते महर्षिः
yajñaṃ samāpya sa suniḥ kṛtakṛtyabhāva-māsādya sammadayutastanayāpralambhāt | tasmin nijāśramapade sahaśiṣyavargaistāmeva santatamasau dayate maharṣiḥ
Having completed the sacrifice, that sage, having reached the state of one whose task is accomplished, filled with gladness at the gaining of a daughter, in that his own hermitage, together with the company of his pupils — that great seer continually cherishes her alone.
AI translation rendered from the Sanskrit, not a published edition