Kalika Purana — Chapter 13
KaP 13.1
कालिकापुराणम् त्रयोदशोऽध्यायः हरकोपोपशमनम् कालिकापुराण तेरहवाँ अध्याय -हर कोप शमन अथ कालिका पुराण अध्याय १३ ।। मार्कण्डेय उवाच ।। ततो ब्रह्माण्डसंस्थानं दर्शयामास शम्भवे । ववृधे तोयराशिस्थं ब्रह्माण्डञ्च यथापुरा
kālikāpurāṇam trayodaśo'dhyāyaḥ harakopopaśamanam kālikāpurāṇa terahavā~ adhyāya -hara kopa śamana atha kālikā purāṇa adhyāya 13 || mārkaṇḍeya uvāca || tato brahmāṇḍasaṃsthānaṃ darśayāmāsa śambhave | vavṛdhe toyarāśisthaṃ brahmāṇḍañca yathāpurā
The Kālikā Purāṇa, thirteenth chapter: the appeasing of Hara's wrath. Kālikā Purāṇa, thirteenth chapter—the quelling of Hara's anger. Now the Kālikā Purāṇa, chapter 13. Mārkaṇḍeya said: Then he showed the structure of the cosmic egg to Śambhu, and the cosmic egg, resting on the mass of water, grew as before.
AI translation rendered from the Sanskrit, not a published edition
KaP 13.2
तन्मध्ये पद्मगर्भाभं ब्रह्माणञ्च जगत्पतिम् । ज्योतिरूपं प्रकाशार्थं सृष्ट्यर्थञ्च पृथग्गतम्
tanmadhye padmagarbhābhaṃ brahmāṇañca jagatpatim | jyotirūpaṃ prakāśārthaṃ sṛṣṭyarthañca pṛthaggatam
And in the midst of it (he saw) Brahmā, lord of the world, shining like the heart of a lotus, in the form of light for the sake of illumination, and gone apart for the sake of creation.
AI translation rendered from the Sanskrit, not a published edition
KaP 13.3
शरीरिणञ्च ददृशे ब्रह्माण्डान्तर्गतं मुहुः । चतुर्भुजं प्रकाशान्तं ज्योतिर्भिः कमलासनम्
śarīriṇañca dadṛśe brahmāṇḍāntargataṃ muhuḥ | caturbhujaṃ prakāśāntaṃ jyotirbhiḥ kamalāsanam
And repeatedly he saw him embodied, contained within the cosmic egg, four-armed, bounded by radiance, seated on a lotus amid lights.
AI translation rendered from the Sanskrit, not a published edition — the model flagged this verse as uncertain
KaP 13.4
तत्रैव च त्रिधाभूतं वपुर्ब्राह्मयं ददर्श सः । ऊर्ध्वमध्यान्तभागैश्च ब्रह्मविष्णुशिवात्मकम्
tatraiva ca tridhābhūtaṃ vapurbrāhmayaṃ dadarśa saḥ | ūrdhvamadhyāntabhāgaiśca brahmaviṣṇuśivātmakam
And right there he saw the body of Brahmā become threefold, consisting of Brahmā, Viṣṇu and Śiva by its upper, middle and lower parts.
AI translation rendered from the Sanskrit, not a published edition
KaP 13.5
थोर्धभागो वपुषो ब्रह्मत्वमगमत्तदा । मध्यं यथा विष्णुभूतं ददर्शान्तस्य शम्भुताम्
thordhabhāgo vapuṣo brahmatvamagamattadā | madhyaṃ yathā viṣṇubhūtaṃ dadarśāntasya śambhutām
Then the upper part of the body attained Brahmā-hood; the middle likewise became Viṣṇu; and he saw the Śambhu-nature of the lower part.
AI translation rendered from the Sanskrit, not a published edition
KaP 13.6
एकमेव शरीरन्तु त्रिधाभूतं मुहुर्मुहुः । हरो ददर्श स्वे गर्भे तथा सर्वमिदं जगत्
ekameva śarīrantu tridhābhūtaṃ muhurmuhuḥ | haro dadarśa sve garbhe tathā sarvamidaṃ jagat
Hara saw, again and again, one single body become threefold, and likewise this whole world within his own womb.
AI translation rendered from the Sanskrit, not a published edition
KaP 13.7
कदाचिद्वैष्णवं कायं ब्राह्ये काये लयं व्रजेत् । ब्राह्यं तथा वैष्णवे च शाम्भवे वैष्णवं तथा
kadācidvaiṣṇavaṃ kāyaṃ brāhye kāye layaṃ vrajet | brāhyaṃ tathā vaiṣṇave ca śāmbhave vaiṣṇavaṃ tathā
Sometimes the Vaiṣṇava body would dissolve into the body of Brahmā; and Brahmā's into the Vaiṣṇava, and the Vaiṣṇava into Śambhu's.
AI translation rendered from the Sanskrit, not a published edition
KaP 13.8
शाम्भवं वैष्णवे काये ब्राह्मं वाप्यथ शाम्भवे । गच्छन्तं लीनतां शम्भुरेकताञ्च मुहुर्मुहुः
śāmbhavaṃ vaiṣṇave kāye brāhmaṃ vāpyatha śāmbhave | gacchantaṃ līnatāṃ śambhurekatāñca muhurmuhuḥ
And the Śāmbhava (body) in the Vaiṣṇava body, or again the Brāhma in the Śāmbhava — Śambhu (saw them) going again and again into dissolution and into oneness.
AI translation rendered from the Sanskrit, not a published edition
KaP 13.9
ददर्श वामदेवोऽपि भिन्नञ्चाप्यपृथग्गतम् । परमात्मनि गच्छन्तं लीनतां तद्वपुः स्वयम्
dadarśa vāmadevo'pi bhinnañcāpyapṛthaggatam | paramātmani gacchantaṃ līnatāṃ tadvapuḥ svayam
Vāmadeva too saw that body — divided and yet not standing apart — itself going into dissolution in the Supreme Self.
AI translation rendered from the Sanskrit, not a published edition — the model flagged this verse as uncertain
KaP 13.10
तन्मध्ये पृथिवीं शम्भुर्ददर्श विततां जले । महापर्वतसङ्घातैर्विरलं स्थगितन्ततः
tanmadhye pṛthivīṃ śambhurdadarśa vitatāṃ jale | mahāparvatasaṅghātairviralaṃ sthagitantataḥ
In the midst of it Śambhu saw the earth spread out upon the water, in places sparse, in places covered over by masses of great mountains.
AI translation rendered from the Sanskrit, not a published edition
KaP 13.11
पुनर्ददर्श ब्रह्माणं कुर्वन्तं स्वर्गमादितः । आत्मानञ्च पृथग्भूतं विष्णुञ्च गरुडासनम्
punardadarśa brahmāṇaṃ kurvantaṃ svargamāditaḥ | ātmānañca pṛthagbhūtaṃ viṣṇuñca garuḍāsanam
Again he saw Brahmā making heaven from the beginning, and himself as a separate being, and Viṣṇu seated on Garuḍa.
AI translation rendered from the Sanskrit, not a published edition
KaP 13.12
दक्षं प्रजापतिं तत्र तथैव च निजान् गणान् । मरीच्यादीन् दश तथा वीरिणीञ्च तथा सतीम्
dakṣaṃ prajāpatiṃ tatra tathaiva ca nijān gaṇān | marīcyādīn daśa tathā vīriṇīñca tathā satīm
(And he saw) there Dakṣa the lord of creatures, and likewise his own attendant hosts, the ten (sons) Marīci and the rest, and Vīriṇī, and Satī too.
AI translation rendered from the Sanskrit, not a published edition
KaP 13.13
सन्ध्यां रतिं च कन्दर्पं शृङ्गारं सवसन्तकम् । हावान् भावांस्तथा मारान् ऋषीन् देवान् मरुद्गणान्
sandhyāṃ ratiṃ ca kandarpaṃ śṛṅgāraṃ savasantakam | hāvān bhāvāṃstathā mārān ṛṣīn devān marudgaṇān
(And) Sandhyā, and Rati, and Kandarpa, and Śṛṅgāra together with Vasanta, the amorous gestures and moods, and the Māras, the seers, the gods, the hosts of Maruts;
AI translation rendered from the Sanskrit, not a published edition
KaP 13.14
मेघाँश्च चन्द्रं सूर्यञ्च वृक्षान् वल्लीस्तृणानि च । सिद्धान् विद्याधरान् यक्षान् राक्षसान् किन्नरांस्तथा
meghā~śca candraṃ sūryañca vṛkṣān vallīstṛṇāni ca | siddhān vidyādharān yakṣān rākṣasān kinnarāṃstathā
and the clouds, and the moon and the sun, trees, creepers and grasses, Siddhas, Vidyādharas, Yakṣas, Rākṣasas and Kinnaras;
AI translation rendered from the Sanskrit, not a published edition
KaP 13.15
मानुषांश्च भुजंगांश्च ग्राहान्मत्स्यांश्च कच्छपान् । उल्कानिर्घातकेतूंश्च कृमिकीटपतङ्गकान्
mānuṣāṃśca bhujaṃgāṃśca grāhānmatsyāṃśca kacchapān | ulkānirghātaketūṃśca kṛmikīṭapataṅgakān
and men, and serpents, crocodiles, fish and tortoises, meteors, thunderclaps and comets, worms, insects and moths.
AI translation rendered from the Sanskrit, not a published edition
KaP 13.16
काञ्चिद्ददर्श वनितां द्वन्द्वभावं प्रकुर्वतीम् । उत्पन्नमुत्पद्यन्तंच विपद्यन्तञ्च कञ्चन
kāñciddadarśa vanitāṃ dvandvabhāvaṃ prakurvatīm | utpannamutpadyantaṃca vipadyantañca kañcana
He saw some woman producing the state of a pair, and something arisen, something coming into being, and something perishing.
AI translation rendered from the Sanskrit, not a published edition — the model flagged this verse as uncertain
KaP 13.17
हसतो रमतः कांश्चित् कांश्चिद्विलपतस्तथा । धावतश्चापराञ्छम्भोर्ददर्श परमेश्वरः
hasato ramataḥ kāṃścit kāṃścidvilapatastathā | dhāvataścāparāñchambhordadarśa parameśvaraḥ
The Supreme Lord (Vāmadeva?) saw some of Śambhu's (creatures) laughing and taking pleasure, some lamenting, and others running about.
AI translation rendered from the Sanskrit, not a published edition — the model flagged this verse as uncertain
KaP 13.18
दिव्यालङ्कारसंछन्ना माला चन्दनचच्चिताः । वीक्षाञ्च चक्रिरे केचिच्छम्भुना क्रीडिता मुहुः
divyālaṅkārasaṃchannā mālā candanacaccitāḥ | vīkṣāñca cakrire kecicchambhunā krīḍitā muhuḥ
Some, covered with divine ornaments, garlanded, smeared with sandal paste, cast glances, being repeatedly played with by Śambhu.
AI translation rendered from the Sanskrit, not a published edition — the model flagged this verse as uncertain
KaP 13.19
स्तुवन्तः प्रस्तुवन्तश्च शम्भुं विष्णुं तथा विधिम् । केचिद्ददृशिरे तेन मुनयश्च तपोधनाः
stuvantaḥ prastuvantaśca śambhuṃ viṣṇuṃ tathā vidhim | keciddadṛśire tena munayaśca tapodhanāḥ
Some were seen by him praising and extolling Śambhu, Viṣṇu and the Ordainer (Brahmā), and sages rich in austerity;
AI translation rendered from the Sanskrit, not a published edition
KaP 13.20
तपांसि चरतः केचिन्नदीतीरे तपोवने । स्वाध्यायवेदनिरताः पाठ्यन्तश्चैव केचन
tapāṃsi carataḥ kecinnadītīre tapovane | svādhyāyavedaniratāḥ pāṭhyantaścaiva kecana
some performing austerities on a river bank in a penance grove, some devoted to private recitation of the Veda and some reciting (it aloud);
AI translation rendered from the Sanskrit, not a published edition
KaP 13.21
तथैव सागराः सप्त नद्यो देवसरांसि च । तथैव पर्वतस्थोऽसौ ददृशे शम्भुना स्वयम्
tathaiva sāgarāḥ sapta nadyo devasarāṃsi ca | tathaiva parvatastho'sau dadṛśe śambhunā svayam
and likewise the seven oceans, the rivers and the divine lakes — all that was seen by Śambhu himself as he stood on the mountain.
AI translation rendered from the Sanskrit, not a published edition
KaP 13.22
मायालक्ष्मीस्वरूपेण हरिं सन्मोहयत्यलम् । सतीरूपां तथात्मानं मोहयन्तीति शङ्करः
māyālakṣmīsvarūpeṇa hariṃ sanmohayatyalam | satīrūpāṃ tathātmānaṃ mohayantīti śaṅkaraḥ
(He saw that) she quite thoroughly deludes Hari in the form of Māyā-Lakṣmī, and that, in the form of Satī, she deludes himself, Śaṅkara, likewise.
AI translation rendered from the Sanskrit, not a published edition — the model flagged this verse as uncertain
KaP 13.23
सत्या सार्धं स्वयं रेमे कैलासे मेरुपर्वते । मन्दरे देवविपिने शृङ्गाररससेविते
satyā sārdhaṃ svayaṃ reme kailāse meruparvate | mandare devavipine śṛṅgārarasasevite
He himself took pleasure together with Satī on Kailāsa, on Mount Meru, on Mandara, in the gods' grove frequented by the savour of love.
AI translation rendered from the Sanskrit, not a published edition
KaP 13.24
सतीदेहं तथा त्यक्त्वा जाता हिमवतः सुता । यथा प्राप पुनस्तान्तु यथा चैवान्धको हतः
satīdehaṃ tathā tyaktvā jātā himavataḥ sutā | yathā prāpa punastāntu yathā caivāndhako hataḥ
And how, having abandoned the body of Satī, she was born as the daughter of Himavat; how he obtained her again; and how Andhaka was slain;
AI translation rendered from the Sanskrit, not a published edition
KaP 13.25
कार्तिकेयः समुत्पन्नो यथाहंस्तारकाह्वयम् । तत्सर्वं विस्तरात् सम्यग् ददर्श वृषभध्वजः
kārtikeyaḥ samutpanno yathāhaṃstārakāhvayam | tatsarvaṃ vistarāt samyag dadarśa vṛṣabhadhvajaḥ
how Kārtikeya was born and slew the one named Tāraka — all that the bull-bannered god saw fully and in detail.
AI translation rendered from the Sanskrit, not a published edition
KaP 13.26
हिरण्यकशिपुर्जघ्ने नरसिंहस्वरूपिणा । यथा हतः कालनेमिहिरण्याक्षो यथा हतः
hiraṇyakaśipurjaghne narasiṃhasvarūpiṇā | yathā hataḥ kālanemihiraṇyākṣo yathā hataḥ
How Hiraṇyakaśipu was slain by (Viṣṇu) in the form of the man-lion, how Kālanemi was killed, how Hiraṇyākṣa was killed;
AI translation rendered from the Sanskrit, not a published edition
KaP 13.27
विष्णुना यादृशं युद्धं दानवौघैः पुराकृतम् । यथा ये ये च निहतास्तत्सर्वं दृष्टवान् हरः
viṣṇunā yādṛśaṃ yuddhaṃ dānavaughaiḥ purākṛtam | yathā ye ye ca nihatāstatsarvaṃ dṛṣṭavān haraḥ
what sort of battle was formerly waged by Viṣṇu with the hordes of Dānavas, and how and which ones were slain — all that Hara saw.
AI translation rendered from the Sanskrit, not a published edition
KaP 13.28
जगत्प्रपञ्चान् ब्रह्मादीनक्षत्रग्रहमानुषान् । सिद्धविद्याधरादींश्च दृष्ट्वा दृष्ट्वा पृथक् पृथक्
jagatprapañcān brahmādīnakṣatragrahamānuṣān | siddhavidyādharādīṃśca dṛṣṭvā dṛṣṭvā pṛthak pṛthak
Having looked, one by one, at the manifold expansions of the world — Brahmā and the rest, the stars, the planets, and human beings, and the Siddhas, Vidyādharas and the others —
AI translation rendered from the Sanskrit, not a published edition
KaP 13.29
आत्मानं तान् संहरन्तं ददृशे शम्भुरीश्वरः । संहारान्ते ददर्शासौ ब्रह्मविष्णुमहेश्वरान्
ātmānaṃ tān saṃharantaṃ dadṛśe śambhurīśvaraḥ | saṃhārānte dadarśāsau brahmaviṣṇumaheśvarān
Śambhu the Lord saw himself withdrawing them all; and at the end of the withdrawal he beheld Brahmā, Viṣṇu and Maheśvara.
AI translation rendered from the Sanskrit, not a published edition
KaP 13.30
शून्यं समभवत्सर्वं जगदेतच्चराचरम्
śūnyaṃ samabhavatsarvaṃ jagadetaccarācaram
This whole world, moving and unmoving, became empty.
AI translation rendered from the Sanskrit, not a published edition
KaP 13.31
शून्ये जगति सर्वस्मिन् ब्रह्मा विष्णुशरीरगः । लीनः शम्भुश्च तस्यैव शरीरं प्रविवेश ह
śūnye jagati sarvasmin brahmā viṣṇuśarīragaḥ | līnaḥ śambhuśca tasyaiva śarīraṃ praviveśa ha
When the whole world was empty, Brahmā entered Viṣṇu's body and was dissolved (in it); and Śambhu too entered that very body.
AI translation rendered from the Sanskrit, not a published edition
KaP 13.32
एकमेवं ददर्शासौ विष्णुमव्यक्तरूपिणम् । नान्यत्किंचिद्ददर्शासौ तदा विष्णुमृते हरः
ekamevaṃ dadarśāsau viṣṇumavyaktarūpiṇam | nānyatkiṃciddadarśāsau tadā viṣṇumṛte haraḥ
Thus he saw only the one Viṣṇu, of unmanifest form; then Hara saw nothing else at all apart from Viṣṇu.
AI translation rendered from the Sanskrit, not a published edition
KaP 13.33
अथ विष्णुश्च ददृशे लयं तं परमात्मनि । भासमानं परं तत्त्वे ज्योतीरूपे सनातने
atha viṣṇuśca dadṛśe layaṃ taṃ paramātmani | bhāsamānaṃ paraṃ tattve jyotīrūpe sanātane
Then Viṣṇu too was seen dissolving into the supreme Self, shining forth in the supreme, eternal Reality whose form is light.
AI translation rendered from the Sanskrit, not a published edition
KaP 13.34
ततो ज्ञानमयं नित्यमानन्दं ब्रह्मणः परम् । केवलं ज्ञानगम्यञ्च ददर्शान्यन्न किञ्चन
tato jñānamayaṃ nityamānandaṃ brahmaṇaḥ param | kevalaṃ jñānagamyañca dadarśānyanna kiñcana
Then he saw that which is made of knowledge, eternal, bliss, higher than Brahmā, alone and reachable only by knowledge; he saw nothing else.
AI translation rendered from the Sanskrit, not a published edition
KaP 13.35
एकत्वञ्च पृथक्त्वञ्च जगतः परमात्मनि । ददर्श स्वशरीरान्तः सर्गस्थित्यन्तसंयमान्
ekatvañca pṛthaktvañca jagataḥ paramātmani | dadarśa svaśarīrāntaḥ sargasthityantasaṃyamān
He saw, within his own body, the oneness and the separateness of the world in the supreme Self, and the creation, maintenance, dissolution and (final) restraining.
AI translation rendered from the Sanskrit, not a published edition
KaP 13.36
प्रकाशं परमात्मानं शान्तं नित्यमतीन्द्रियम् । एकमेवाद्वयं ब्रह्म ददर्शान्यन्न किञ्चन
prakāśaṃ paramātmānaṃ śāntaṃ nityamatīndriyam | ekamevādvayaṃ brahma dadarśānyanna kiñcana
He saw the supreme Self as light, peaceful, eternal, beyond the senses, the one non-dual Brahman; he saw nothing else.
AI translation rendered from the Sanskrit, not a published edition
KaP 13.37
को वा विष्णुर्हरः को वा को ब्रह्मा किमिदं जगत् । इति भेदो न जगृहे शम्भुना परमात्मनः
ko vā viṣṇurharaḥ ko vā ko brahmā kimidaṃ jagat | iti bhedo na jagṛhe śambhunā paramātmanaḥ
"Who is Viṣṇu? Who is Hara? Who is Brahmā? What is this world?" — such a distinction from the supreme Self was not grasped by Śambhu.
AI translation rendered from the Sanskrit, not a published edition
KaP 13.38
एवं सम्पश्यतस्तस्य शरीराभ्यन्तराद्वहिः । निः ससाराथ मायादि प्रविवेश वृषध्वजम्
evaṃ sampaśyatastasya śarīrābhyantarādvahiḥ | niḥ sasārātha māyādi praviveśa vṛṣadhvajam
While he was thus looking on, from within his body māyā and the rest came forth outward and entered the bull-bannered one.
AI translation rendered from the Sanskrit, not a published edition
KaP 13.39
अनन्यत्वं पृथक्त्वञ्च दर्शयित्वा जनार्दनः । शम्भवे तच्छरीरात्तु बहिर्भूतस्ततो द्रुतम्
ananyatvaṃ pṛthaktvañca darśayitvā janārdanaḥ | śambhave taccharīrāttu bahirbhūtastato drutam
Having shown to Śambhu (their) non-difference and (their) separateness, Janārdana then quickly came out of that body.
AI translation rendered from the Sanskrit, not a published edition
KaP 13.40
अथ त्यक्तसमाधेस्तु हरस्य चलितात्मनः । सतीं मनो जगामाशु मोहितस्य च मायया
atha tyaktasamādhestu harasya calitātmanaḥ | satīṃ mano jagāmāśu mohitasya ca māyayā
Then, when Hara had given up his meditation, his mind being stirred and bewildered by māyā, his mind went at once to Satī.
AI translation rendered from the Sanskrit, not a published edition
KaP 13.41
ततो मुहुर्हरो वक्त्रं दाक्षायण्या मनोहरम् । प्रबुद्धकमलाकारं वीक्षांचक्रे द्विजोत्तमाः
tato muhurharo vaktraṃ dākṣāyaṇyā manoharam | prabuddhakamalākāraṃ vīkṣāṃcakre dvijottamāḥ
Then, best of twice-born ones, Hara gazed again and again upon the charming face of Dākṣāyaṇī, shaped like an opened lotus.
AI translation rendered from the Sanskrit, not a published edition
KaP 13.42
ततो दक्षमरीच्यादीन् स्वगणान् कमलासनम् । विष्णुञ्च तत्र संवीक्ष्य शङ्करो विस्मितोऽभवत्
tato dakṣamarīcyādīn svagaṇān kamalāsanam | viṣṇuñca tatra saṃvīkṣya śaṅkaro vismito'bhavat
Then, seeing there Dakṣa, Marīci and the others, his own attendants, the lotus-seated one (Brahmā), and Viṣṇu, Śaṅkara was astonished.
AI translation rendered from the Sanskrit, not a published edition
KaP 13.43
अथ तं विस्मयाविष्टं महादेवं वृषभध्वजम् । स्मितप्रफुल्लवदनं हरमाह जनार्दनः
atha taṃ vismayāviṣṭaṃ mahādevaṃ vṛṣabhadhvajam | smitapraphullavadanaṃ haramāha janārdanaḥ
Then Janārdana spoke to that Hara, the great god with the bull banner, filled with wonder, his face beaming with a smile.
AI translation rendered from the Sanskrit, not a published edition
KaP 13.44
।। श्रीभगवानुवाच ।। यद्यत् पृष्टं त्वयैकत्वे भिन्नतायाञ्च शङ्कर । त्रयाणामथ देवानां तज्ज्ञातमधुना त्वया
|| śrībhagavānuvāca || yadyat pṛṣṭaṃ tvayaikatve bhinnatāyāñca śaṅkara | trayāṇāmatha devānāṃ tajjñātamadhunā tvayā
The Blessed Lord said: Whatever you asked, Śaṅkara, about the oneness and the differentiation of the three gods — that has now been known by you.
AI translation rendered from the Sanskrit, not a published edition
KaP 13.45
प्रकृतिः पुरुषश्चैव कालो माया निजान्तरे । त्वया ज्ञाता महादेव कीदृशास्ते च के पुनः
prakṛtiḥ puruṣaścaiva kālo māyā nijāntare | tvayā jñātā mahādeva kīdṛśāste ca ke punaḥ
Prakṛti, Puruṣa, Time and Māyā within yourself — have they been known by you, great god? And what are they like, and who are they?
AI translation rendered from the Sanskrit, not a published edition
KaP 13.46
एकं ब्रह्म सदा शान्तं नित्यञ्च परमं महत् । तत् कथं भिन्नतां जातं दृष्टं तत् कीदृशं त्वया
ekaṃ brahma sadā śāntaṃ nityañca paramaṃ mahat | tat kathaṃ bhinnatāṃ jātaṃ dṛṣṭaṃ tat kīdṛśaṃ tvayā
Brahman is one, ever at peace, eternal, supreme, great: how has that come to differentiation, and of what sort was it seen by you?
AI translation rendered from the Sanskrit, not a published edition
KaP 13.47
।। मार्कण्डेय उवाच ।। इति पृष्टो भगवता भगवान् वृषभध्वजः । जगाद हरये तथ्यमेतद्वाक्यं द्विजोत्तमाः
|| mārkaṇḍeya uvāca || iti pṛṣṭo bhagavatā bhagavān vṛṣabhadhvajaḥ | jagāda haraye tathyametadvākyaṃ dvijottamāḥ
Mārkaṇḍeya said: Thus questioned by the Blessed One, the blessed bull-bannered one spoke this true speech to Hari, O best of the twice-born.
AI translation rendered from the Sanskrit, not a published edition
KaP 13.48
।। ईश्वर उवाच ।। एकं शिवं शान्तमनन्तमच्युतं ब्रह्मास्ति तस्मान्नहि किञ्चिदीदृशम् । तस्मादभिन्नं सकलं जगद्धरे: कालादिरूपाणि च सृष्टिहेतुः
|| īśvara uvāca || ekaṃ śivaṃ śāntamanantamacyutaṃ brahmāsti tasmānnahi kiñcidīdṛśam | tasmādabhinnaṃ sakalaṃ jagaddhare: kālādirūpāṇi ca sṛṣṭihetuḥ
The Lord (Īśvara) said: There is one Śiva, tranquil, endless, unfailing — Brahman; there is nothing else of that kind. From that, Hari, the whole world is not distinct; and the forms such as Time are the cause of creation.
AI translation rendered from the Sanskrit, not a published edition
KaP 13.49
समस्त भूतप्रभवं निरञ्जनं वयञ्च तस्यैव सदांशरूपिणः । सृष्टिस्थितिं संयमनं तदीरितं रूपत्रयं तस्य विभाति भेदतः
samasta bhūtaprabhavaṃ nirañjanaṃ vayañca tasyaiva sadāṃśarūpiṇaḥ | sṛṣṭisthitiṃ saṃyamanaṃ tadīritaṃ rūpatrayaṃ tasya vibhāti bhedataḥ
(That is) the source of all beings, stainless; and we are but forms of its eternal portion. Creation, preservation and dissolution are impelled by it; its three forms shine forth by way of distinction.
AI translation rendered from the Sanskrit, not a published edition
KaP 13.50
नाहं न च त्वं न हिरण्यगर्भो न कालरूपं प्रकृतिं न चान्यत् । तत् प्रेरणां कर्तुमलं च किञ्चिद्विनापि रूपं सदपीह तस्य
nāhaṃ na ca tvaṃ na hiraṇyagarbho na kālarūpaṃ prakṛtiṃ na cānyat | tat preraṇāṃ kartumalaṃ ca kiñcidvināpi rūpaṃ sadapīha tasya
Neither I, nor you, nor Hiraṇyagarbha, nor the form of Time, nor prakṛti, nor anything else is capable of setting that in motion; and here its being exists even without any form.
AI translation rendered from the Sanskrit, not a published edition — the model flagged this verse as uncertain
KaP 13.51
।। श्रीभगवानुवाच ।। इति तत्त्वं त्वया प्रोक्तं ज्ञातञ्च वृषभध्वज । तदंशभूतास्तु वयं ब्रह्मविष्णुपिनाकिनः
|| śrībhagavānuvāca || iti tattvaṃ tvayā proktaṃ jñātañca vṛṣabhadhvaja | tadaṃśabhūtāstu vayaṃ brahmaviṣṇupinākinaḥ
The Blessed Lord said: Thus the truth has been declared by you and (also) understood, O bull-bannered one; but we — Brahmā, Viṣṇu and the Pināka-bearer — have come to be portions of that.
AI translation rendered from the Sanskrit, not a published edition
KaP 13.52
तस्मात् त्वया न वध्योऽयं विरिञ्चिस्तव चेद्भवेत् । एकता विदिता शम्भो ब्रह्मविष्णुपिनाकिनाम्
tasmāt tvayā na vadhyo'yaṃ viriñcistava cedbhavet | ekatā viditā śambho brahmaviṣṇupinākinām
Therefore this Viriñci is not to be slain by you, if the oneness of Brahmā, Viṣṇu and the Pināka-bearer is indeed known to you, O Śambhu.
AI translation rendered from the Sanskrit, not a published edition
KaP 13.53
।। मार्कण्डेय उवाच ।। इति तस्य वचः श्रुत्वा विष्णोरमिततेजसः । न जघान महादेवो विधिं दृष्ट्वाथ चैकताम्
|| mārkaṇḍeya uvāca || iti tasya vacaḥ śrutvā viṣṇoramitatejasaḥ | na jaghāna mahādevo vidhiṃ dṛṣṭvātha caikatām
Mārkaṇḍeya said: Having heard that speech of Viṣṇu of measureless splendour, Mahādeva did not slay Vidhi (Brahmā), for he then saw the oneness.
AI translation rendered from the Sanskrit, not a published edition
KaP 13.54
इति वः कथितं विष्णुर्यथानन्यत्वमादिशत् । शम्भवे प्रस्तुतं तद्वः कथयामि पुनर्द्विजाः
iti vaḥ kathitaṃ viṣṇuryathānanyatvamādiśat | śambhave prastutaṃ tadvaḥ kathayāmi punardvijāḥ
Thus it has been told to you how Viṣṇu taught non-difference to Śambhu; now, O twice-born ones, I shall tell you again what was (earlier) begun.
AI translation rendered from the Sanskrit, not a published edition