Harivamsha — Chapter 99
HV 99.1
य एष भवता पूर्वं शम्बरघ्नेत्य् उदाहृतः प्रद्युम्नः स कथं जघ्ने शम्बरं तद् ब्रवीहि मे
ya eṣa bhavatā pūrvaṃ śambaraghnety udāhṛtaḥ pradyumnaḥ sa kathaṃ jaghne śambaraṃ tad bravīhi me
This Pradyumna, whom you earlier called "the slayer of Śambara" — how did he kill Śambara? Tell me that.
AI translation rendered from the Sanskrit, not a published edition
HV 99.3
रुक्मिण्यां वासुदेवस्य लक्ष्मीकामो धृतव्रतः शम्बरान्तकरो जज्ञे प्रद्युम्नः कामदर्शनः ॥ ह्व्_९९।२ सनत्कुमार इति यः पुराणे परिगीयते । तं सप्तरात्रे संपूर्णे निशीथे सूतिकागृहात् जहार कृष्णस्य सुतं शिशुं वै कालशम्बरः
rukmiṇyāṃ vāsudevasya lakṣmīkāmo dhṛtavrataḥ śambarāntakaro jajñe pradyumnaḥ kāmadarśanaḥ // HV_99.2 sanatkumāra iti yaḥ purāṇe parigīyate | taṃ saptarātre saṃpūrṇe niśīthe sūtikāgṛhāt jahāra kṛṣṇasya sutaṃ śiśuṃ vai kālaśambaraḥ
Of Vāsudeva, by Rukmiṇī, was born Pradyumna, desiring Lakṣmī, firm in his vows, the ender of Śambara, of a form lovely as Kāma's — he who is celebrated in the ancient lore as Sanatkumāra. When seven nights were complete, at midnight, Kālaśambara carried him off, Kṛṣṇa's infant son, from the birthing-chamber.
AI translation rendered from the Sanskrit, not a published edition
HV 99.4
विदितं तच् च कृष्णस्य देवमायानुवर्तिनः ततो न निगृहीतः स दानवो युद्धदुर्मदः
viditaṃ tac ca kṛṣṇasya devamāyānuvartinaḥ tato na nigṛhītaḥ sa dānavo yuddhadurmadaḥ
And that was known to Kṛṣṇa, who follows the divine illusion; therefore that dānava, mad with battle-fury, was not seized.
AI translation rendered from the Sanskrit, not a published edition
HV 99.5
स मृत्युना परीतायुर् माययाभिजहार तम् दोर्भ्याम् उत्क्षिप्य नगरं स्वं जगाम महासुरः
sa mṛtyunā parītāyur māyayābhijahāra tam dorbhyām utkṣipya nagaraṃ svaṃ jagāma mahāsuraḥ
He, whose lifespan was already encompassed by death, carried him off by magic; lifting (him) up with both arms, the great asura went to his own city.
AI translation rendered from the Sanskrit, not a published edition
HV 99.6
अनपत्या तु तस्यासीद् भार्या रूपगुणान्विता नाम्ना मायावती नाम मायेव शुभदर्शन
anapatyā tu tasyāsīd bhāryā rūpaguṇānvitā nāmnā māyāvatī nāma māyeva śubhadarśana
But his wife, endowed with beauty and virtue, was childless — Māyāvatī by name, fair to see as Māyā herself.
AI translation rendered from the Sanskrit, not a published edition
HV 99.8
ददौ तं वासुदेवस्य पुत्रं पुत्रम् इवात्मजम् तस्या महिष्या नाथिन्या दानवः कालचोदितः ॥ ह्व्_९९।७ मायावती तु तं दृष्ट्वा संप्रहृष्टतनूरुहा । हर्षेण महता युक्ता पुनः पुनर् उदैक्षत ॥ अथ तस्या निरीक्षन्त्याः स्मृतिः प्रादुर्बभूव ह । अयं स मम कान्तो ऽभूत् स्मृत्वैवं चान्वचिन्तयत् ॥ अयं स नाथो भर्ता मे यस्यार्थं हि दिवानिशम् । चिन्ताशोकह्रदे मग्ना न विन्दामि रतिं क्वचित् ॥ अयं भगवता पूर्वं देवदेवेन शूलिना । खेदितेन कृतो ऽनङ्गो दृष्टो जात्यन्तरे मया ॥ कथम् अस्य स्तनं दास्ये मातृभावेन जानती । भर्तुर् भार्या त्व् अहं भूत्वा वक्ष्ये वा पुत्र इत्य् उत ॥ एवं संचिन्त्य मनसा धात्र्यास् तं सा समर्पयत् । रसायनप्रयोगैश् च शीघ्रम् एवान्ववर्धयत् ॥ धात्र्याः सकाशात् स च तां शृण्वन् रुक्मिणिनन्दनः । मायावतीम् अविज्ञानान् मेने स्वाम् एव मातरम् । सा तं संवर्धयाम् आस कार्ष्णिं कमललोचनम् मायाश् चास्मै ददौ सर्वा दानवीः काममोहिता
dadau taṃ vāsudevasya putraṃ putram ivātmajam tasyā mahiṣyā nāthinyā dānavaḥ kālacoditaḥ // HV_99.7 māyāvatī tu taṃ dṛṣṭvā saṃprahṛṣṭatanūruhā | harṣeṇa mahatā yuktā punaḥ punar udaikṣata || atha tasyā nirīkṣantyāḥ smṛtiḥ prādurbabhūva ha | ayaṃ sa mama kānto 'bhūt smṛtvaivaṃ cānvacintayat || ayaṃ sa nātho bhartā me yasyārthaṃ hi divāniśam | cintāśokahrade magnā na vindāmi ratiṃ kvacit || ayaṃ bhagavatā pūrvaṃ devadevena śūlinā | kheditena kṛto 'naṅgo dṛṣṭo jātyantare mayā || katham asya stanaṃ dāsye mātṛbhāvena jānatī | bhartur bhāryā tv ahaṃ bhūtvā vakṣye vā putra ity uta || evaṃ saṃcintya manasā dhātryās taṃ sā samarpayat | rasāyanaprayogaiś ca śīghram evānvavardhayat || dhātryāḥ sakāśāt sa ca tāṃ śṛṇvan rukmiṇinandanaḥ | māyāvatīm avijñānān mene svām eva mātaram | sā taṃ saṃvardhayām āsa kārṣṇiṃ kamalalocanam māyāś cāsmai dadau sarvā dānavīḥ kāmamohitā
Urged on by Time, the dānava gave that son of Vāsudeva to his queen, who longed (for a child), as a son, as though (her) own child. And Māyāvatī, on seeing him, with her body-hair bristling (with delight), filled with great joy, gazed at him again and again. Then, as she looked, memory arose in her: "This was that lover of mine" — so remembering, she reflected thus: "This is that lord, my husband, for whose sake day and night, sunk in a lake of anxiety and grief, I find no pleasure anywhere. This is he whom formerly the Lord, the god of gods, the bearer of the trident, being vexed, made bodiless — whom I saw in another birth. How shall I give him the breast, knowing (him) in the feeling of a mother? Rather, having become the wife of a husband, shall I address (him) as 'son'?" Having thus reflected in her mind, she handed him over to a nurse, and by applications of elixirs made him grow up quickly. And he, the son of Rukmiṇī, hearing of her from the nurse, out of ignorance thought Māyāvatī to be his very own mother. She reared him, the lotus-eyed son of Kṛṣṇa, and gave him all the dānava magics, being deluded by desire.
AI translation rendered from the Sanskrit, not a published edition
HV 99.9
स यदा यौवनस्थस् तु प्रद्युम्नः कामदर्शनः चिकीर्षितज्ञो नारीणां सर्वास्त्रविधिपारगः
sa yadā yauvanasthas tu pradyumnaḥ kāmadarśanaḥ cikīrṣitajño nārīṇāṃ sarvāstravidhipāragaḥ
And when Pradyumna, lovely as Kāma to look upon, stood in his youth, knowing what women desire, and having mastered the whole science of all weapons —
AI translation rendered from the Sanskrit, not a published edition
HV 99.10
तं सा मायावती कान्तं कामयाम् आस कामिनी इङ्गितैश् चापि वीक्षन्ती प्रालोभयत सस्मिता
taṃ sā māyāvatī kāntaṃ kāmayām āsa kāminī iṅgitaiś cāpi vīkṣantī prālobhayata sasmitā
— then that Māyāvatī, full of desire, longed for him as her lover; and gazing at him with hints and smiles, she tried to entice him.
AI translation rendered from the Sanskrit, not a published edition
HV 99.11
प्रसज्जन्तीं तु तां देवीं बभाषे चारुहासिनीम् मातृभावं परित्यज्य किम् एवं वर्तसे ऽन्यथा
prasajjantīṃ tu tāṃ devīṃ babhāṣe cāruhāsinīm mātṛbhāvaṃ parityajya kim evaṃ vartase 'nyathā
But to that lady, sweetly smiling, as she clung (to him), he said: "Why, abandoning the feeling of a mother, do you behave thus, otherwise (than you should)?"
AI translation rendered from the Sanskrit, not a published edition
HV 99.12
अहो दुष्टस्वभावासि स्त्रीत्वेन चलमानसा या पुत्रभावम् उत्सृज्य मयि कामात् प्रवर्तसे
aho duṣṭasvabhāvāsi strītvena calamānasā yā putrabhāvam utsṛjya mayi kāmāt pravartase
"Alas, you are of corrupt nature, fickle-minded through womanhood, in that, casting off the feeling of a son (toward me), you approach me out of lust."
AI translation rendered from the Sanskrit, not a published edition
HV 99.13
ननु ते ऽहं सुतः सौम्ये को ऽयं शीलव्यतिक्रमः तत् त्वम् इच्छाम्य् अहं देवि कथितं कस् त्व् अयं विधिः
nanu te 'haṃ sutaḥ saumye ko 'yaṃ śīlavyatikramaḥ tat tvam icchāmy ahaṃ devi kathitaṃ kas tv ayaṃ vidhiḥ
"Surely I am your son, gentle lady — what is this transgression of good conduct? So, goddess, I wish it told (to me): what rule is this?"
AI translation rendered from the Sanskrit, not a published edition
HV 99.14
विद्युत्संपातचपलः स्वभावः खलु योषिताम् या नरेषु प्रसज्जन्ते नगाग्रेषु घना इव
vidyutsaṃpātacapalaḥ svabhāvaḥ khalu yoṣitām yā nareṣu prasajjante nagāgreṣu ghanā iva
"Indeed the nature of women is as fickle as the flash of lightning: they cling to men as clouds (cling) to mountain-peaks."
AI translation rendered from the Sanskrit, not a published edition
HV 99.15
यदि ते ऽहं सुतः सौम्ये यदि वा नात्मजः शुभे कथितं तत् त्वम् इच्छामि किम् इदं ते चिकीर्षितम्
yadi te 'haṃ sutaḥ saumye yadi vā nātmajaḥ śubhe kathitaṃ tat tvam icchāmi kim idaṃ te cikīrṣitam
"Whether I am your son, gentle lady, or whether I am not your child, fair one — I wish that told: what is this that you intend to do?"
AI translation rendered from the Sanskrit, not a published edition
HV 99.16
एवम् उक्ता तु सा भीरुः कामेन व्यथितेन्द्रिया प्रियं प्रोवाच वचनं विविक्ते केशवात्मजम्
evam uktā tu sā bhīruḥ kāmena vyathitendriyā priyaṃ provāca vacanaṃ vivikte keśavātmajam
Addressed thus, the timid woman, her senses tormented by desire, spoke in private a loving speech to the son of Keśava:
AI translation rendered from the Sanskrit, not a published edition
HV 99.17
न त्वं मम सुतः सौम्य नापि ते शम्बरः पिता रूपवान् असि विक्रान्तस् त्वं जात्या वृष्णिनन्दनः पुत्रस् त्वं वासुदेवस्य रुक्मिण्या नन्दिवर्धनः
na tvaṃ mama sutaḥ saumya nāpi te śambaraḥ pitā rūpavān asi vikrāntas tvaṃ jātyā vṛṣṇinandanaḥ putras tvaṃ vāsudevasya rukmiṇyā nandivardhanaḥ
"You are not my son, gentle one, nor is Śambara your father. You are handsome, you are valiant, by birth you are a delight of the Vṛṣṇis: you are the son of Vāsudeva, the increaser of Rukmiṇī's joy.
AI translation rendered from the Sanskrit, not a published edition
HV 99.18
दिवसे सप्तमे बालो जातमात्रो ऽपवाहितः सूतिकागारमध्यात् त्वं शिशुर् उत्तानशायितः
divase saptame bālo jātamātro 'pavāhitaḥ sūtikāgāramadhyāt tvaṃ śiśur uttānaśāyitaḥ
"On the seventh day, an infant just born, you were carried off from the midst of the birthing-chamber, a baby lying on your back.
AI translation rendered from the Sanskrit, not a published edition
HV 99.19
मम भर्त्रा हृतो वीर बलवीर्यप्रवर्तिना पितुस् ते वासुदेवस्य धर्षयित्वा गृहं महत् पाकशासनकल्पस्य हृतस् त्वं शम्बरेण ह
mama bhartrā hṛto vīra balavīryapravartinā pitus te vāsudevasya dharṣayitvā gṛhaṃ mahat pākaśāsanakalpasya hṛtas tvaṃ śambareṇa ha
"You were taken, hero, by my husband, who acts by strength and valour: having violated the great house of your father Vāsudeva, who is the equal of Indra, the chastiser of Pāka, you were carried off by Śambara.
AI translation rendered from the Sanskrit, not a published edition
HV 99.20
सा च ते करुणं माता त्वां बालम् अनुशोचती अत्यर्थं श्राम्यते वीर विवत्सा सौरभी यथा
sā ca te karuṇaṃ mātā tvāṃ bālam anuśocatī atyarthaṃ śrāmyate vīra vivatsā saurabhī yathā
"And that mother of yours, pitifully grieving for you, her child, is worn out beyond measure, hero, like a cow bereft of her calf.
AI translation rendered from the Sanskrit, not a published edition
HV 99.21
स हि शक्राद् अपि महान् पिता ते गरुडध्वजः इह त्वां नाभिजानाति बालम् एवापवाहितम्
sa hi śakrād api mahān pitā te garuḍadhvajaḥ iha tvāṃ nābhijānāti bālam evāpavāhitam
For your father, the one whose banner is Garuḍa, is greater even than Śakra; here he does not know of you, carried off while still a child.
AI translation rendered from the Sanskrit, not a published edition
HV 99.22
कान्त वृष्णिकुमारस् त्वं न हि त्वं शम्बरात्मजः वीर नैवंविधान् पुत्रान् दानवा जनयन्ति हि
kānta vṛṣṇikumāras tvaṃ na hi tvaṃ śambarātmajaḥ vīra naivaṃvidhān putrān dānavā janayanti hi
Beloved, you are a son of the Vṛṣṇis; you are not Śambara's son. Hero, the Dānavas do not beget sons of such a kind.
AI translation rendered from the Sanskrit, not a published edition
HV 99.23
ततो ऽहं कामयामि त्वां न हि त्वं जनितो मया रूपं ते सौम्य पश्यन्ती सीदामि हृदि दुर्बला
tato 'haṃ kāmayāmi tvāṃ na hi tvaṃ janito mayā rūpaṃ te saumya paśyantī sīdāmi hṛdi durbalā
Therefore I desire you, for you were not born of me. Gentle one, gazing on your beauty I sink down, weak at heart.
AI translation rendered from the Sanskrit, not a published edition
HV 99.24
यन् मे व्यवसितं कान्त यच् च मे हृदि वर्तते तन्मे मनसि वार्ष्णेय प्रतिसंधातुम् अर्हसि
yan me vyavasitaṃ kānta yac ca me hṛdi vartate tanme manasi vārṣṇeya pratisaṃdhātum arhasi
What I have resolved, beloved, and what dwells in my heart—to that, descendant of Vṛṣṇi, you ought to give assent in your mind.
AI translation rendered from the Sanskrit, not a published edition
HV 99.26
एष ते कथितः सौम्य सद्भावस् त्वयि यो मम यथा न मम पुत्रस् त्वं न पुत्रः शम्बरस्य च ॥ ह्व्_९९।२५ कामदेवश् च वीर त्वं रतिं मां विद्धि वै प्रभो । शंकरस्य च शापेन त्वम् अनङ्गगतिः पुरा ॥ तत् कालमायया रूपं कृत्वा दैत्यस्य वेश्मनि । विशीर्णा साहम् उषिता दैत्यस्यास्य च वेश्मनि । श्रुत्वैतन् निखिलं सर्वं मायावत्या प्रभाषितम् चक्रायुधात्मजः क्रुद्धः शम्बरं स समाह्वयत्
eṣa te kathitaḥ saumya sadbhāvas tvayi yo mama yathā na mama putras tvaṃ na putraḥ śambarasya ca // HV_99.25 kāmadevaś ca vīra tvaṃ ratiṃ māṃ viddhi vai prabho | śaṃkarasya ca śāpena tvam anaṅgagatiḥ purā || tat kālamāyayā rūpaṃ kṛtvā daityasya veśmani | viśīrṇā sāham uṣitā daityasyāsya ca veśmani | śrutvaitan nikhilaṃ sarvaṃ māyāvatyā prabhāṣitam cakrāyudhātmajaḥ kruddhaḥ śambaraṃ sa samāhvayat
This, gentle one, is the true state of my feeling toward you that I have told you—how you are not my son, nor the son of Śambara. [99.25] And you, hero, are the god of love; know me, O lord, to be Rati. And by Śaṃkara's curse you were formerly one who went without a body. Then, by Kālamāyā('s magic) having made a form in the demon's house, I, dissolved (from my own body), dwelt in this demon's house. Having heard all this entire (account) spoken by Māyāvatī, the son of the discus-bearer, enraged, summoned Śambara (to battle).
AI translation rendered from the Sanskrit, not a published edition — the model flagged this verse as uncertain
HV 99.27
समस्तमायामायाज्ञो विक्रान्तः समरे ऽव्ययः अष्टम्यां निहतो युद्धे मायया कालशम्बरः
samastamāyāmāyājño vikrāntaḥ samare 'vyayaḥ aṣṭamyāṃ nihato yuddhe māyayā kālaśambaraḥ
Kālaśambara, knower of the arts of all magic, valiant and unfailing in battle, was slain in the fight on the eighth day by (Pradyumna's) magic.
AI translation rendered from the Sanskrit, not a published edition
HV 99.28
तमृक्षवन्ते नगरे निहत्यासुरसत्तमम् गृह्य मायावतीं देवीं स्वाम् अगच्छत् पुरीं पितुः
tamṛkṣavante nagare nihatyāsurasattamam gṛhya māyāvatīṃ devīṃ svām agacchat purīṃ pituḥ
Having slain that best of Asuras in the city of Ṛkṣavat, taking the lady Māyāvatī he went to his own father's city.
AI translation rendered from the Sanskrit, not a published edition
HV 99.29
सो ऽन्तरिक्षगतो भूत्वा मायया शीघ्रविक्रमः आजगाम पुरीं रम्यां रक्षितां तेजसा पितुः
so 'ntarikṣagato bhūtvā māyayā śīghravikramaḥ ājagāma purīṃ ramyāṃ rakṣitāṃ tejasā pituḥ
He, moving through the air by magic, swift in his course, came to the lovely city guarded by his father's might.
AI translation rendered from the Sanskrit, not a published edition
HV 99.30
सो ऽन्तरिक्षात् प्रपतितः केशवान्तःपुरे शिशुः मायावत्या सह तया रूपवान् इव मन्मथः
so 'ntarikṣāt prapatitaḥ keśavāntaḥpure śiśuḥ māyāvatyā saha tayā rūpavān iva manmathaḥ
That youth descended from the sky into Keśava's inner apartments together with Māyāvatī, like the beautiful god of love.
AI translation rendered from the Sanskrit, not a published edition
HV 99.31
तस्मिंस् तत्रावपतिते महिष्यः केशवस्य याः विस्मिताश् चैव हृष्टाश् च भीराश् चैवाभवंस् तदा
tasmiṃs tatrāvapatite mahiṣyaḥ keśavasya yāḥ vismitāś caiva hṛṣṭāś ca bhīrāś caivābhavaṃs tadā
When he had alighted there, Keśava's queens were then astonished and delighted and also afraid.
AI translation rendered from the Sanskrit, not a published edition
HV 99.32
ततस् तं कामसंकाशं कान्तया सह संगतम् प्रेक्षन्त्यो हृष्टवदनाः पिबन्त्यो नयनासवम्
tatas taṃ kāmasaṃkāśaṃ kāntayā saha saṃgatam prekṣantyo hṛṣṭavadanāḥ pibantyo nayanāsavam
Then, gazing on him who resembled Kāma, joined with his beloved, with delighted faces, drinking (him in as) the wine of their eyes—
AI translation rendered from the Sanskrit, not a published edition
HV 99.33
तं व्रीडितमुखं दृष्ट्वा सज्जमानं पदे पदे अभवन् स्निग्धसंकल्पाः प्रहृष्टाः कृष्णयोषितः
taṃ vrīḍitamukhaṃ dṛṣṭvā sajjamānaṃ pade pade abhavan snigdhasaṃkalpāḥ prahṛṣṭāḥ kṛṣṇayoṣitaḥ
seeing him, his face abashed, faltering at every step, Kṛṣṇa's women became tender in their thoughts and greatly delighted.
AI translation rendered from the Sanskrit, not a published edition
HV 99.35
रुक्मिणी त्व् एव तं दृष्ट्वा शोकार्ता पुत्रगृद्धिनी सपत्नीशतसंकीर्णा सबाष्पा वाक्यम् अब्रवीत् ॥ ह्व्_९९।३४ यादृक् स्वप्नो मया दृष्टो निशाया यौवने गते । कंसारिणा समानीय दत्तं साहारपल्लवम् ॥ शशिरश्मिप्रतीकाशं मुक्तादाम च शोभनम् । केशवेनाङ्कम् आरोप्य मम कण्ठे न्यबध्यत ॥ श्यामा सुचारुकेशा स्त्री शुक्लाम्बरविभूषिता । पद्महस्ता निरीक्षन्ती प्रविष्टा मम वेश्मनि ॥ तया पुनर् अहं गृह्य स्नापिता रुचिराम्बुना ॥ कुशेशयमयीं मालां स्त्री संगृह्याथ पाणिना । मम मूर्धन्य् उपाघ्राय दत्ता स्रक् सा तया मम ॥ एवं स्वप्नं कीर्तयन्ती रुक्मिणी हृष्टमानसा । सखीजनवृता देवी कुमारं वीक्ष्य तं मुहुः । इत्य् अतो ऽनन्तरं तत्र अब्रवीद् वाक्यम् एव तत् । धन्यायाः खल्व् अयं पुत्रो दीर्घायुः प्रियदर्शनः इदृशः कामसंकाशो यौवने प्रथमे स्थितः
rukmiṇī tv eva taṃ dṛṣṭvā śokārtā putragṛddhinī sapatnīśatasaṃkīrṇā sabāṣpā vākyam abravīt // HV_99.34 yādṛk svapno mayā dṛṣṭo niśāyā yauvane gate | kaṃsāriṇā samānīya dattaṃ sāhārapallavam || śaśiraśmipratīkāśaṃ muktādāma ca śobhanam | keśavenāṅkam āropya mama kaṇṭhe nyabadhyata || śyāmā sucārukeśā strī śuklāmbaravibhūṣitā | padmahastā nirīkṣantī praviṣṭā mama veśmani || tayā punar ahaṃ gṛhya snāpitā rucirāmbunā || kuśeśayamayīṃ mālāṃ strī saṃgṛhyātha pāṇinā | mama mūrdhany upāghrāya dattā srak sā tayā mama || evaṃ svapnaṃ kīrtayantī rukmiṇī hṛṣṭamānasā | sakhījanavṛtā devī kumāraṃ vīkṣya taṃ muhuḥ | ity ato 'nantaraṃ tatra abravīd vākyam eva tat | dhanyāyāḥ khalv ayaṃ putro dīrghāyuḥ priyadarśanaḥ idṛśaḥ kāmasaṃkāśo yauvane prathame sthitaḥ
But Rukmiṇī, seeing him, stricken with grief and longing for her son, surrounded by a hundred co-wives, spoke in tears: [99.34] "Such was the dream I saw in the night, when my youth was gone: brought and given by the foe of Kaṃsa was a garland-spray, and a lovely pearl-string like the moon's rays; Keśava, taking me on his lap, fastened it about my neck. A dark woman with very beautiful hair, adorned in white garments, lotus in hand, gazing (at me), entered my dwelling. By her I was again taken and bathed with bright water. And that woman, taking in her hand a garland made of lotuses, and kissing me on the head, gave that wreath to me." Thus recounting her dream, Rukmiṇī with gladdened mind, the lady surrounded by her companions, looking again and again at the youth—thereupon she spoke there just this speech: "Surely this is the son of some fortunate woman, long-lived and lovely to look upon, one like this, resembling Kāma, standing in his first youth."
AI translation rendered from the Sanskrit, not a published edition — the model flagged this verse as uncertain
HV 99.36
जीवपुत्रा त्वया पुत्र का सा भाग्यविभूषिता किम् अर्थं चाम्बुदश्याम सभार्यस् त्वम् इहागतः
jīvaputrā tvayā putra kā sā bhāgyavibhūṣitā kim arthaṃ cāmbudaśyāma sabhāryas tvam ihāgataḥ
"By you, son, she is a mother whose son lives—who is that woman adorned with (such) good fortune? And for what purpose, O you dark as a rain-cloud, have you come here with your wife?"
AI translation rendered from the Sanskrit, not a published edition — the model flagged this verse as uncertain
HV 99.37
अस्मिन् वयसि सुव्यक्तं प्रद्युम्नो मम पुत्रकः भवेद् यदि न नीतः स्यात् कृतान्तेन बलीयसा
asmin vayasi suvyaktaṃ pradyumno mama putrakaḥ bhaved yadi na nītaḥ syāt kṛtāntena balīyasā
"At this age, quite clearly, my little son Pradyumna would be (like this), if he had not been carried off by mighty Fate.
AI translation rendered from the Sanskrit, not a published edition
HV 99.38
व्यक्तं वृष्णिकुमारो ऽयं न मिथ्या मम तर्कितम् विज्ञातो ऽसि मया चिह्नैर् विना चक्रं जनार्दनः
vyaktaṃ vṛṣṇikumāro 'yaṃ na mithyā mama tarkitam vijñāto 'si mayā cihnair vinā cakraṃ janārdanaḥ
Plainly this is a son of the Vṛṣṇis; my conjecture is not false. You have been recognised by me from the marks—(you are) Janārdana, only without the discus.
AI translation rendered from the Sanskrit, not a published edition
HV 99.39
मुखं नारायणस्येव केशाः केशान्त एव च मूर्धवक्षोभुजैस् तुल्यो हलिनः श्वशुरस्य मे
mukhaṃ nārāyaṇasyeva keśāḥ keśānta eva ca mūrdhavakṣobhujais tulyo halinaḥ śvaśurasya me
Your face is like Nārāyaṇa's, and so are your hair and hair-line; in head, chest and arms you are the equal of the plough-bearer, my father-in-law.
AI translation rendered from the Sanskrit, not a published edition
HV 99.40
कस् त्वं वृष्णिकुलं सर्वं वपुषा द्योतयन् स्थितः अहो जनार्दनस्यास्य दिव्या त्वम् अपरा तनुः
kas tvaṃ vṛṣṇikulaṃ sarvaṃ vapuṣā dyotayan sthitaḥ aho janārdanasyāsya divyā tvam aparā tanuḥ
Who are you, standing there illuminating the whole Vṛṣṇi race with your body? Ah, you are another divine body of this Janārdana!"
AI translation rendered from the Sanskrit, not a published edition
HV 99.41
एतस्मिन्न् अन्तरे कृष्णः सहसा प्रविवेश ह नारदस्य वचः श्रुत्वा शम्बरस्य वधं प्रति
etasminn antare kṛṣṇaḥ sahasā praviveśa ha nāradasya vacaḥ śrutvā śambarasya vadhaṃ prati
In this interval Kṛṣṇa suddenly entered, having heard Nārada's word concerning the slaying of Śambara.
AI translation rendered from the Sanskrit, not a published edition
HV 99.42
सो ऽपश्यत् तं सुतं ज्येष्ठं सिद्धं मन्मथलक्षणैः स्नुषां मायावतीं चैव हृष्टचेता जनार्दनः
so 'paśyat taṃ sutaṃ jyeṣṭhaṃ siddhaṃ manmathalakṣaṇaiḥ snuṣāṃ māyāvatīṃ caiva hṛṣṭacetā janārdanaḥ
Janārdana, with gladdened heart, saw that eldest son of his, perfected with the marks of the god of love, and his daughter-in-law Māyāvatī.
AI translation rendered from the Sanskrit, not a published edition
HV 99.43
सो ऽब्रवीत् सहसा देवीं रुक्मिणीं देवताम् इव अयं ते देवि संप्राप्तः पुत्रश् चापधरः प्रभुः
so 'bravīt sahasā devīṃ rukmiṇīṃ devatām iva ayaṃ te devi saṃprāptaḥ putraś cāpadharaḥ prabhuḥ
He at once said to the goddess Rukmiṇī, who was like a deity: "Goddess, here has come to you your son, the mighty bearer of the bow.
AI translation rendered from the Sanskrit, not a published edition
HV 99.44
अनेन शम्बरं हत्वा मायायुद्धविशारदम् हता मायाश् च ताः सर्वा याभिर् देवान् अबाधत
anena śambaraṃ hatvā māyāyuddhaviśāradam hatā māyāś ca tāḥ sarvā yābhir devān abādhata
By him Śambara, skilled in warfare by illusion, has been slain, and slain too are all those illusions by which he harassed the gods.
AI translation rendered from the Sanskrit, not a published edition
HV 99.45
सती चेयं शुभा साध्वी भार्या वै तनयस्य ते मायावतीति विख्याता शम्बरस्य गृहोषिता मा च ते शम्बरस्येयं पत्नीत्य् एवं व्यथा भवेत्
satī ceyaṃ śubhā sādhvī bhāryā vai tanayasya te māyāvatīti vikhyātā śambarasya gṛhoṣitā mā ca te śambarasyeyaṃ patnīty evaṃ vyathā bhavet
And this auspicious, virtuous, faithful woman is indeed the wife of your son; she is known as Māyāvatī, and dwelt in Śambara's house. Let there be no distress in you thinking, 'She is Śambara's wife.'
AI translation rendered from the Sanskrit, not a published edition
HV 99.46
मन्मथे तु गते नाशं गते चानङ्गतां पुरा नेत्राग्निना त्र्यम्बकस्य शूलपाणेः पुरा युगे । कामपत्नी हि कन्यैषा कामकामा रतिः शुभा मायारूपेण तं दैत्यं मोहयत्य् असकृच् छुभा
manmathe tu gate nāśaṃ gate cānaṅgatāṃ purā netrāgninā tryambakasya śūlapāṇeḥ purā yuge | kāmapatnī hi kanyaiṣā kāmakāmā ratiḥ śubhā māyārūpeṇa taṃ daityaṃ mohayaty asakṛc chubhā
When Manmatha had gone to destruction and had become bodiless long ago, in a former age, by the eye-fire of the three-eyed Śūlapāṇi — this maiden is Kāma's wife, Rati, the auspicious one, who desires Kāma; the fair one repeatedly deluded that demon by a form of illusion.
AI translation rendered from the Sanskrit, not a published edition
HV 99.47
न चैषा तस्य कौमारे वशे तिष्ठति शोभना अत्ममायामयं रूपं कृत्वा शम्बरम् आविशत्
na caiṣā tasya kaumāre vaśe tiṣṭhati śobhanā atmamāyāmayaṃ rūpaṃ kṛtvā śambaram āviśat
And this lovely one never stood in his power in her maidenhood; having made a form composed of her own illusion, she approached Śambara.
AI translation rendered from the Sanskrit, not a published edition
HV 99.48
पत्न्य् एषा मम पुत्रस्य स्नुषा तव वराङ्गना लोककान्तस्य साहाय्यं करिष्यति मनोमयम्
patny eṣā mama putrasya snuṣā tava varāṅganā lokakāntasya sāhāyyaṃ kariṣyati manomayam
She, this fair-limbed woman, is the wife of my son and your daughter-in-law; she will give mind-born help to the beloved of the world.
AI translation rendered from the Sanskrit, not a published edition