Harivamsha — Chapter 71
HV 71.1
ते तु युक्त्वा रथवरं सर्व एवामितौजसः कृष्णेन सहिताः प्राप्तास् तथा संकर्षणेन च । अससाद पुरीं रस्यां मथुरां कंसपालिताम् । विविशुः पूःप्रधानां वै काले रक्तदिवाकरे
te tu yuktvā rathavaraṃ sarva evāmitaujasaḥ kṛṣṇena sahitāḥ prāptās tathā saṃkarṣaṇena ca | asasāda purīṃ rasyāṃ mathurāṃ kaṃsapālitām | viviśuḥ pūḥpradhānāṃ vai kāle raktadivākare
And they, all of them of immeasurable vigour, having yoked the finest chariot, arrived together with Kṛṣṇa and with Saṃkarṣaṇa; (the chariot) approached the delightful city Mathurā, guarded by Kaṃsa, and they entered that foremost of cities at the hour when the sun was red.
AI translation rendered from the Sanskrit, not a published edition
HV 71.2
तौ तु स्वभवनं वीरौ कृष्णसंकर्षणाव् उभौ प्रवेशितौ बुद्धिमता अक्रूरेणार्कतेजसा
tau tu svabhavanaṃ vīrau kṛṣṇasaṃkarṣaṇāv ubhau praveśitau buddhimatā akrūreṇārkatejasā
And those two heroes, Kṛṣṇa and Saṃkarṣaṇa, were both brought into his own house by the intelligent Akrūra, whose splendour was like the sun's.
AI translation rendered from the Sanskrit, not a published edition
HV 71.3
ताव् आह वरवर्णाङ्गौ भीतो दानपतिस् तदा त्यक्तव्या तात गमने वसुदेवगृहे स्पृहा
tāv āha varavarṇāṅgau bhīto dānapatis tadā tyaktavyā tāta gamane vasudevagṛhe spṛhā
Then the frightened lord of gifts said to those two, whose limbs were of excellent colour: "Dear ones, you must give up the wish to go to Vasudeva's house.
AI translation rendered from the Sanskrit, not a published edition
HV 71.7
युवयोर् हि कृते वृद्धः कंसेन स निरस्यते भर्त्स्यते च दिवा रात्रौ नेह स्थातव्यम् इत्य् अपि ॥ ह्व्_७१।४ तद् युवाभ्यां हि कर्तव्यं पित्रर्थं सुखम् उत्तमम् । यथा सुखम् अवाप्नोति तद् वै कार्यं हितान्वितम् । नाहं युवाभ्यां रहितः प्रवेक्ष्ये मथुरां पुरीम् । त्यक्तुं नार्हसि मां नाथ भक्तं ते भक्तवत्सल ॥ आगच्छ याम गेहान् नः सनाथान् कुर्व् अधोक्षज । पुनीहि पादरजसा गृहान् नो गृहमेधिनाम् । यच्छौचेनानुतृप्यन्ति पितरः साग्नयः सुराः ॥ आपस् ते ऽङ्घ्र्यवनेजन्यस् त्रीन् लोकान् शुचयो ऽपुनन् । शिरसाधत्त याः शर्वः स्वयं ताः सगरात्मजाः ॥ देवदेव जगन्नाथ पुण्यश्रवणकीर्तन । यदूनाम् उत्तमःश्लोक नारायण नमो ऽस्तु ते । तम् उवाच ततः कृष्णो यास्यावो ऽवाम् अतर्कितौ प्रेक्षन्तौ मथुरां वीर राजमार्गं च धार्मिक ॥ ह्व्_७१।५ तस्यैव तु गृहं साधो गच्छावो यदि मन्यसे । एवम् उक्तो भगवता सो ऽक्रूरो विमना इव । पुरीं प्रविष्टः कंसाय कर्मावेद्य गृहं ययौ । अक्रूरो ऽपि नमस्कृत्य मनसा विष्णुम् अव्ययम् । जगाम कंसपार्श्वं तु प्रहृष्टेनान्तरात्मना । तौ च देवौ जगन्नाथौ बलकेशवसंज्ञितौ । अनुशिष्टौ च तौ वीरौ प्रस्थितौ प्रेक्षकाव् उभौ आलानाभ्याम् इवोत्सृष्टौ कुञ्जरौ युद्धकाङ्क्षिणौ ॥ ह्व्_७१।६ दारकाश् च तयोर् मार्गम् अनुवव्रुः समन्ततः । तौ तु मार्गगतं दृष्ट्वा रजकं रङ्गकारकम् अयाचेतां ततस् तानि वासांसि विरजानि वै
yuvayor hi kṛte vṛddhaḥ kaṃsena sa nirasyate bhartsyate ca divā rātrau neha sthātavyam ity api // HV_71.4 tad yuvābhyāṃ hi kartavyaṃ pitrarthaṃ sukham uttamam | yathā sukham avāpnoti tad vai kāryaṃ hitānvitam | nāhaṃ yuvābhyāṃ rahitaḥ pravekṣye mathurāṃ purīm | tyaktuṃ nārhasi māṃ nātha bhaktaṃ te bhaktavatsala || āgaccha yāma gehān naḥ sanāthān kurv adhokṣaja | punīhi pādarajasā gṛhān no gṛhamedhinām | yacchaucenānutṛpyanti pitaraḥ sāgnayaḥ surāḥ || āpas te 'ṅghryavanejanyas trīn lokān śucayo 'punan | śirasādhatta yāḥ śarvaḥ svayaṃ tāḥ sagarātmajāḥ || devadeva jagannātha puṇyaśravaṇakīrtana | yadūnām uttamaḥśloka nārāyaṇa namo 'stu te | tam uvāca tataḥ kṛṣṇo yāsyāvo 'vām atarkitau prekṣantau mathurāṃ vīra rājamārgaṃ ca dhārmika // HV_71.5 tasyaiva tu gṛhaṃ sādho gacchāvo yadi manyase | evam ukto bhagavatā so 'krūro vimanā iva | purīṃ praviṣṭaḥ kaṃsāya karmāvedya gṛhaṃ yayau | akrūro 'pi namaskṛtya manasā viṣṇum avyayam | jagāma kaṃsapārśvaṃ tu prahṛṣṭenāntarātmanā | tau ca devau jagannāthau balakeśavasaṃjñitau | anuśiṣṭau ca tau vīrau prasthitau prekṣakāv ubhau ālānābhyām ivotsṛṣṭau kuñjarau yuddhakāṅkṣiṇau // HV_71.6 dārakāś ca tayor mārgam anuvavruḥ samantataḥ | tau tu mārgagataṃ dṛṣṭvā rajakaṃ raṅgakārakam ayācetāṃ tatas tāni vāsāṃsi virajāni vai
For on your account that aged man is being cast out by Kaṃsa and is reviled by day and by night; and (he says) one must not stay here. Therefore you two should do what brings the highest happiness for your father's sake; whatever is joined with his welfare, so that he may obtain happiness, that indeed must be done. Without you two I will not enter the city of Mathurā. You ought not to abandon me, O Lord, your devotee, you who are fond of your devotees. Come, let us go to our houses; make them possessed of a master, O Adhokṣaja. Purify with the dust of your feet our houses, ours who are householders, by the purity of which the ancestors, and the gods together with the fires, are satisfied. The waters from the washing of your feet, being pure, purified the three worlds; those (waters) which Śarva himself bore upon his head, those which Sagara's sons (obtained). O God of gods, Lord of the world, whose hearing and praise are meritorious, O most praised of the Yadus, O Nārāyaṇa, homage be to you." Then Kṛṣṇa said to him: "We two shall go unnoticed, viewing Mathurā, O hero, and the royal highway, O righteous one. But, good man, let us go to his very house, if you think it right." Thus addressed by the Blessed One, that Akrūra, as though dispirited, entered the city, reported his task to Kaṃsa, and went to his house. And Akrūra too, having bowed in his mind to the imperishable Viṣṇu, went to Kaṃsa's side with a delighted inner self. And those two gods, lords of the world, named Bala and Keśava, those two heroes, having been instructed, set out, both of them sightseers, like two elephants released from their tethering posts and eager for a fight. And boys followed their path on all sides. And the two, seeing a washerman, a dyer, going along the road, then asked him for those clothes that were free of dirt.
AI translation rendered from the Sanskrit, not a published edition — the model flagged this verse as uncertain
HV 71.8
रजकः स तु तौ प्राह युवां कस्य वनेचरौ राज्ञो वासांसि यौ मूर्खौ याचेतां निर्भयाव् उभौ
rajakaḥ sa tu tau prāha yuvāṃ kasya vanecarau rājño vāsāṃsi yau mūrkhau yācetāṃ nirbhayāv ubhau
But that washerman said to them: "Whose (men) are you two, forest-rangers, who, two fools, fearlessly ask for the king's clothes?
AI translation rendered from the Sanskrit, not a published edition
HV 71.9
अहं कंसस्य वासांसि नानादेशोद्भवानि च कामरागाणि शतशो रजामि विविधानि च
ahaṃ kaṃsasya vāsāṃsi nānādeśodbhavāni ca kāmarāgāṇi śataśo rajāmi vividhāni ca
I dye Kaṃsa's clothes, arisen in many countries, hundreds of them, of many kinds, dyed to (his) desire.
AI translation rendered from the Sanskrit, not a published edition
HV 71.10
युवां कस्य वने जातौ मृगैः सह विवर्धितौ जातरागाव् इदं दृष्ट्वा रक्तम् आच्छादनं बहु
yuvāṃ kasya vane jātau mṛgaiḥ saha vivardhitau jātarāgāv idaṃ dṛṣṭvā raktam ācchādanaṃ bahu
Whose sons are you two, born in the forest and reared among wild beasts, in whom desire has been born on seeing this much red clothing?
AI translation rendered from the Sanskrit, not a published edition
HV 71.11
अहो वां जीवितं त्यक्तं यौ भवन्ताव् इहागतौ मूर्खौ प्राकृतविज्ञानौ वासो याचितुम् अर्हथ
aho vāṃ jīvitaṃ tyaktaṃ yau bhavantāv ihāgatau mūrkhau prākṛtavijñānau vāso yācitum arhatha
Ah, your lives are thrown away, you two who have come here, fools of common understanding, and think you deserve to ask for clothing!
AI translation rendered from the Sanskrit, not a published edition
HV 71.12
तस्मै चुक्रोध वै कृष्णो रजकायाल्पमेधसे प्राप्तारिष्टाय मूर्खाय सृजते वाङ्मयं विषम्
tasmai cukrodha vai kṛṣṇo rajakāyālpamedhase prāptāriṣṭāya mūrkhāya sṛjate vāṅmayaṃ viṣam
At him Kṛṣṇa grew angry—at that washerman of little wit, a fool whose ruin had come upon him, who was emitting poison made of words.
AI translation rendered from the Sanskrit, not a published edition
HV 71.13
तलेनाशनिकल्पेन स तं मूर्धन्य् अताडयत् गतासुः स पपातोर्व्यां रजको व्यस्तमस्तकः
talenāśanikalpena sa taṃ mūrdhany atāḍayat gatāsuḥ sa papātorvyāṃ rajako vyastamastakaḥ
With his palm, which was like a thunderbolt, he struck him on the head; the washerman fell to the ground lifeless, his skull shattered.
AI translation rendered from the Sanskrit, not a published edition
HV 71.15
तं हतं परिदेवन्त्यो भार्यास् तस्य विचुक्रुशुः त्वरितं मुक्तकेश्यश् च जग्मुः कंसनिवेशनम् ॥ ह्व्_७१।१४ कृष्णो ऽपि बलभद्रश् च वासांस्य् आदाय सर्वतः । परिधाय तु तौ पूर्वं शोभयेतां महामती ॥ दारकेभ्यस् ततो दत्त्वा सुश्लक्ष्णानि मृदूनि च । ते च सर्वे सुवसना विरेजुः शतशस् तथा ॥ शेषाणि तु तदा कृष्णो वासांसि सुबहून्य् अपि । आच्छिछाच्छिद्य सहसा चिच्छेद च पिपेष च ॥ भस्मसाद् अकरोत् तस्य रजकस्य निवेशनम् । ताव् अप्य् उभौ सुवसनौ जग्मतुर् माल्यकारणात् यथायोगं यथाभोग्यं यथायोगं नि[दर्श्य] च । वीथीं माल्यापणानां वै गन्धाघ्रातौ द्विपाव् इव
taṃ hataṃ paridevantyo bhāryās tasya vicukruśuḥ tvaritaṃ muktakeśyaś ca jagmuḥ kaṃsaniveśanam // HV_71.14 kṛṣṇo 'pi balabhadraś ca vāsāṃsy ādāya sarvataḥ | paridhāya tu tau pūrvaṃ śobhayetāṃ mahāmatī || dārakebhyas tato dattvā suślakṣṇāni mṛdūni ca | te ca sarve suvasanā virejuḥ śataśas tathā || śeṣāṇi tu tadā kṛṣṇo vāsāṃsi subahūny api | ācchichācchidya sahasā ciccheda ca pipeṣa ca || bhasmasād akarot tasya rajakasya niveśanam | tāv apy ubhau suvasanau jagmatur mālyakāraṇāt yathāyogaṃ yathābhogyaṃ yathāyogaṃ ni[darśya] ca | vīthīṃ mālyāpaṇānāṃ vai gandhāghrātau dvipāv iva
Wailing over him who had been slain, his wives cried out and quickly, with their hair loosened, went to Kaṃsa's residence. And Kṛṣṇa and Balabhadra, taking clothes from everywhere, the two great-minded ones first put them on and shone with them. Then, having given the very smooth and soft ones to the boys, all those hundreds too, well clothed, shone accordingly. But the remaining clothes, very many though they were, Kṛṣṇa then tore and tore again all at once, and cut and crushed them, and reduced that washerman's dwelling to ashes. And those two, both well clothed, went on for the sake of garlands—having shown (their clothes?) as was fitting and as was fit for use—to the row of the garland-sellers' shops, like two elephants that have caught a scent.
AI translation rendered from the Sanskrit, not a published edition — the model flagged this verse as uncertain
HV 71.16
गुणको नाम तत्रासीन् माल्यवृत्तिः प्रियंवदः प्रभूतमाल्यापणवाल् लक्ष्मीवान् माल्यजीवनः
guṇako nāma tatrāsīn mālyavṛttiḥ priyaṃvadaḥ prabhūtamālyāpaṇavāl lakṣmīvān mālyajīvanaḥ
There was there one named Guṇaka, who lived by garlands and spoke pleasantly, prosperous with abundant garland-shops, wealthy, making his living by garlands.
AI translation rendered from the Sanskrit, not a published edition
HV 71.17
तं कृष्णः श्लक्ष्णया वाचा माल्यार्थम् अभिसृष्टया देहीत्य् उवाच तत्कालं मालाकारम् अकातरम्
taṃ kṛṣṇaḥ ślakṣṇayā vācā mālyārtham abhisṛṣṭayā dehīty uvāca tatkālaṃ mālākāram akātaram
With smooth speech directed to the purpose of garlands, Kṛṣṇa said to him, to that undaunted garland-maker, at that moment: "Give!"
AI translation rendered from the Sanskrit, not a published edition
HV 71.18
ताभ्यां प्रीतो ददौ माल्यं प्रभूतं माल्यजीवनः भवतोः स्वम् इदं चेति प्रोवाच प्रियदर्शनः
tābhyāṃ prīto dadau mālyaṃ prabhūtaṃ mālyajīvanaḥ bhavatoḥ svam idaṃ ceti provāca priyadarśanaḥ
Pleased with the two, the man who lived by garlands gave abundant garlands, and, pleasant to look upon, he said, "And this (stock) here is your own."
AI translation rendered from the Sanskrit, not a published edition
HV 71.19
प्रीतस् तु मनसा कृष्णो गुणकाय वरं ददौ श्रीस् त्वां मत्संश्रया सौम्य धनौघैर् अभिवर्त्स्यते
prītas tu manasā kṛṣṇo guṇakāya varaṃ dadau śrīs tvāṃ matsaṃśrayā saumya dhanaughair abhivartsyate
And Kṛṣṇa, pleased in his mind, granted Guṇaka a boon: "Prosperity, resting on me, will attend you, gentle one, with floods of wealth."
AI translation rendered from the Sanskrit, not a published edition
HV 71.20
स लब्ध्वा वरम् अव्यग्रो माल्यवृत्तिर् अधोमुखः कृष्णस्य पतितो मूर्ध्ना प्रतिजग्राह तं वरम्
sa labdhvā varam avyagro mālyavṛttir adhomukhaḥ kṛṣṇasya patito mūrdhnā pratijagrāha taṃ varam
Having received the boon, that man who lived by garlands, unperturbed, his face bowed down, fell with his head (at the feet) of Kṛṣṇa and accepted that boon.
AI translation rendered from the Sanskrit, not a published edition
HV 71.22
यक्षाव् इमाव् इति तदा स मेने माल्यजीवनः स भृशं भयसंविग्नो नोत्तरं प्रत्यपद्यत ॥ ह्व्_७१।२१ अद्यापि तस्य प्रभवो वंशो भवति रत्नवान् । कीर्तिमान् बलवान् नित्यं केशवेन तदा कृतः ॥ विष्णोः प्रसादः सुमहान् सदारक्षत् तदन्वयम् । वसुदेवसुतौ तौ तु राजमार्गगताव् उभौ कुब्जां ददृशतुर् भूयः आनुलेपनभाजनाम्
yakṣāv imāv iti tadā sa mene mālyajīvanaḥ sa bhṛśaṃ bhayasaṃvigno nottaraṃ pratyapadyata // HV_71.21 adyāpi tasya prabhavo vaṃśo bhavati ratnavān | kīrtimān balavān nityaṃ keśavena tadā kṛtaḥ || viṣṇoḥ prasādaḥ sumahān sadārakṣat tadanvayam | vasudevasutau tau tu rājamārgagatāv ubhau kubjāṃ dadṛśatur bhūyaḥ ānulepanabhājanām
"These two are yakṣas"—so then that man who lived by garlands thought; deeply shaken with fear, he made no reply. Even today his line is a powerful one, rich in jewels, ever famous and strong, made so then by Keśava. Viṣṇu's very great favour always protected his lineage. But those two sons of Vasudeva, both going along the royal highway, saw further on a hunchbacked woman carrying a vessel of ointment.
AI translation rendered from the Sanskrit, not a published edition
HV 71.23
ताम् आह कृष्णः कुब्जेति कस्येदम् अनुलेपनम् नयस्य् अम्बुजपत्राक्षि क्षिप्रम् आख्यातुम् अर्हसि
tām āha kṛṣṇaḥ kubjeti kasyedam anulepanam nayasy ambujapatrākṣi kṣipram ākhyātum arhasi
Kṛṣṇa said to her, "Hunchback, whose is this ointment you are carrying, lotus-petal-eyed one? You should tell (us) quickly."
AI translation rendered from the Sanskrit, not a published edition
HV 71.24
सा स्थितावेक्षिणी भूत्वा प्रत्युवाचाम्बुजेक्षणम् कृष्णं जलदगम्भीरं विद्युत्कुटिलगामिनी
sā sthitāvekṣiṇī bhūtvā pratyuvācāmbujekṣaṇam kṛṣṇaṃ jaladagambhīraṃ vidyutkuṭilagāminī
She, standing and gazing (at him), replied to the lotus-eyed Kṛṣṇa, deep as a rain-cloud—she who moved crookedly like lightning.
AI translation rendered from the Sanskrit, not a published edition
HV 71.25
राज्ञः स्नानगृहं यामि तद् गृहाणानुलेपनम् दृष्ट्वैव त्वारविन्दाक्ष विस्मितास्मि वरानन । स्थितास्म्य् आगच्छ भद्रं ते हृदयस्यासि मे प्रियः
rājñaḥ snānagṛhaṃ yāmi tad gṛhāṇānulepanam dṛṣṭvaiva tvāravindākṣa vismitāsmi varānana | sthitāsmy āgaccha bhadraṃ te hṛdayasyāsi me priyaḥ
"I am going to the king's bathing chamber; so take the ointment. The moment I saw you, lotus-eyed one, I was amazed, O you of excellent face. I have stopped here; come, blessings on you—you are dear to my heart."
AI translation rendered from the Sanskrit, not a published edition
HV 71.26
कुतश् चागम्यते सौम्य यन् मां त्वं नावबुध्यसे महाराजस्य दयितां नियुक्ताम् अनुलेपने
kutaś cāgamyate saumya yan māṃ tvaṃ nāvabudhyase mahārājasya dayitāṃ niyuktām anulepane
"And where do you come from, good sir, that you do not recognize me — the great king's favorite, appointed to (prepare) his ointment?"
AI translation rendered from the Sanskrit, not a published edition
HV 71.27
ताम् उवाच हसन्तीं तु कृष्णः कुब्जाम् अवस्थिताम् ताम् उवाच ततः कृष्णः सैरन्ध्रीं प्रहसन्न् इव । सुगन्धम् एतद् राजार्हं रुचिरं रुचिरानने । आवयोर् गात्रसदृशं दीयताम् अनुलेपनम्
tām uvāca hasantīṃ tu kṛṣṇaḥ kubjām avasthitām tām uvāca tataḥ kṛṣṇaḥ sairandhrīṃ prahasann iva | sugandham etad rājārhaṃ ruciraṃ rucirānane | āvayor gātrasadṛśaṃ dīyatām anulepanam
To her, the hunchbacked woman standing there and laughing, Kṛṣṇa spoke; then Kṛṣṇa said to the serving-maid, as if laughing aloud: "This fragrant, lovely (ointment) is fit for a king, O lovely-faced one; let an ointment suited to the two of our bodies be given (us)."
AI translation rendered from the Sanskrit, not a published edition
HV 71.28
वयं हि देशातिथयो मल्लाः प्राप्ता वरानने द्रष्टुं धनुर्महं दिव्यं राष्ट्रं चैव महर्द्धिमत्
vayaṃ hi deśātithayo mallāḥ prāptā varānane draṣṭuṃ dhanurmahaṃ divyaṃ rāṣṭraṃ caiva maharddhimat
"For we are wrestlers, guests from another country, arrived, O fair-faced one, to see the splendid bow-festival and this most prosperous kingdom."
AI translation rendered from the Sanskrit, not a published edition
HV 71.31
प्रत्युवाचाथ सा कृष्णं प्रियो ऽसि मम दर्शने ततः सा प्रणता भूत्वा प्रददाव् अनुलेपनम् । राजार्हम् इदम् अग्र्यं च तद् गृहाणानुलेपनम् ॥ ह्व्_७१।२९ कृष्णो ऽथ बलभद्रश् च तदादायानुलेपनम् । अङ्गानि चाप्य् अलिम्पेतां शुभं च सुसुगन्धि च ॥ मालयाथ तदा विष्णुर् बद्धया बहुपुष्पया । गोविन्दो गोपतिः कृष्णो रराज कृतशेखरः । संकर्षणो ऽथ बलवान् रराज बहुमालया । ताव् उभाव् अनुलिप्ताङ्गाव् आर्द्रगात्रौ विरेजतुः तीर्थगौ पङ्कदिग्धाङ्गौ यमुनायां यथा वृषौ ॥ ह्व्_७१।३० दारकाश् च तथा सर्वे विरेजुः कृतशेखराः । विकृतं भूषयन्तो ऽपि प्रभावाच् छार्ङ्गधन्वनः । तां तु कुब्जां ततः कृष्णो द्व्यङ्गुलेनाग्रपाणिना शनैः संतोलयामास कृष्णो लीलाविधानवित्
pratyuvācātha sā kṛṣṇaṃ priyo 'si mama darśane tataḥ sā praṇatā bhūtvā pradadāv anulepanam | rājārham idam agryaṃ ca tad gṛhāṇānulepanam // HV_71.29 kṛṣṇo 'tha balabhadraś ca tadādāyānulepanam | aṅgāni cāpy alimpetāṃ śubhaṃ ca susugandhi ca || mālayātha tadā viṣṇur baddhayā bahupuṣpayā | govindo gopatiḥ kṛṣṇo rarāja kṛtaśekharaḥ | saṃkarṣaṇo 'tha balavān rarāja bahumālayā | tāv ubhāv anuliptāṅgāv ārdragātrau virejatuḥ tīrthagau paṅkadigdhāṅgau yamunāyāṃ yathā vṛṣau // HV_71.30 dārakāś ca tathā sarve virejuḥ kṛtaśekharāḥ | vikṛtaṃ bhūṣayanto 'pi prabhāvāc chārṅgadhanvanaḥ | tāṃ tu kubjāṃ tataḥ kṛṣṇo dvyaṅgulenāgrapāṇinā śanaiḥ saṃtolayāmāsa kṛṣṇo līlāvidhānavit
Then she replied to Kṛṣṇa: "You are dear to me at (the very) sight (of you)." Then, bowing down, she gave (them) the ointment: "This is choice and fit for a king; take this ointment." (29) Then Kṛṣṇa and Balabhadra, taking that ointment, anointed their limbs with the auspicious and sweetly fragrant (paste). Then Viṣṇu, with a garland bound of many flowers — Govinda, the lord of cows, Kṛṣṇa — shone with a crest-wreath made (of it); and mighty Saṃkarṣaṇa shone with his ample garland. Both of them, their limbs anointed and their bodies moist, shone like two bulls gone to a ford in the Yamunā with their bodies smeared with mud. (30) And all the boys likewise shone, wearing crests, adorning even what was misshapen, by the power of the wielder of the Śārṅga bow. Then Kṛṣṇa, who knew the arrangement of sport, slowly lifted that hunchbacked woman up with two fingers of his hand's tip.
AI translation rendered from the Sanskrit, not a published edition
HV 71.32
सा तु मग्नस्तनयुगा स्वायताङ्गी शुचिस्मिता जहासोच्चैः स्तनतटा ऋजुयष्टिर् लता यथा
sā tu magnastanayugā svāyatāṅgī śucismitā jahāsoccaiḥ stanataṭā ṛjuyaṣṭir latā yathā
And she, whose pair of breasts had been sunken, (now) with well-extended limbs and a bright smile, laughed aloud, her breasts full, straight-stemmed like a creeper.
AI translation rendered from the Sanskrit, not a published edition
HV 71.33
प्रणयाच् चापि कृष्णं सा बभाषे मत्तकाशिनी क्व यास्यसि मया रुद्धः कान्त तिष्ठ गृहाण माम्
praṇayāc cāpi kṛṣṇaṃ sā babhāṣe mattakāśinī kva yāsyasi mayā ruddhaḥ kānta tiṣṭha gṛhāṇa mām
And out of affection she, moving with an intoxicated air, said to Kṛṣṇa: "Where will you go? You are held back by me. Stay, beloved; take me."
AI translation rendered from the Sanskrit, not a published edition
HV 71.34
तौ जातहासाव् अन्योन्यं सतलाक्षेपम् अव्ययौ वीक्षमाणौ प्रहसितौ कुब्जायाः श्रुतविस्तरौ
tau jātahāsāv anyonyaṃ satalākṣepam avyayau vīkṣamāṇau prahasitau kubjāyāḥ śrutavistarau
The two undecaying ones, laughter having arisen (in them), looking at each other with a slap of the palm, laughed out, having heard the hunchback's discourse at length.
AI translation rendered from the Sanskrit, not a published edition — the model flagged this verse as uncertain
HV 71.35
कृष्णस् तु कुब्जां कामार्तां सस्मितं विससर्ज ह यथेष्टं गम्यतां भद्रे नाहं तादृग्विधो नरः । ततस् तौ कुब्जया मुक्तौ प्रविष्टौ राजसंसदम्
kṛṣṇas tu kubjāṃ kāmārtāṃ sasmitaṃ visasarja ha yatheṣṭaṃ gamyatāṃ bhadre nāhaṃ tādṛgvidho naraḥ | tatas tau kubjayā muktau praviṣṭau rājasaṃsadam
But Kṛṣṇa, smiling, dismissed the hunchback, tormented by desire: "Go as you wish, good lady; I am not that sort of man." Then the two, released by the hunchback, entered the king's assembly.
AI translation rendered from the Sanskrit, not a published edition
HV 71.36
ताव् उभौ व्रजसंवृद्धौ गोपवेषविभूषितौ गूढचेष्टाननौ भूत्वा प्रविष्टौ राजवेष्म तत्
tāv ubhau vrajasaṃvṛddhau gopaveṣavibhūṣitau gūḍhaceṣṭānanau bhūtvā praviṣṭau rājaveṣma tat
Both of them, raised in Vraja, adorned in cowherd dress, having made their gestures and faces concealed, entered that royal palace.
AI translation rendered from the Sanskrit, not a published edition
HV 71.37
धनुःशालां गतौ तौ तु बालाव् अपरिशङ्कितौ हिमवद्वनसंभूतौ सिंहाव् इव बलोत्कटौ
dhanuḥśālāṃ gatau tau tu bālāv apariśaṅkitau himavadvanasaṃbhūtau siṃhāv iva balotkaṭau
The two boys, unsuspecting, went to the bow-hall, mighty in strength like two lions born in the Himalaya forest.
AI translation rendered from the Sanskrit, not a published edition
HV 71.38
दिदृक्षन्तौ महत् तत्र धनुर् आयागभूषितम् पप्रच्छतुश् च तौ वीराव् आयुधागारिकं तदा
didṛkṣantau mahat tatra dhanur āyāgabhūṣitam papracchatuś ca tau vīrāv āyudhāgārikaṃ tadā
Wishing to see there the great bow adorned as a sacrificial emblem, the two heroes then questioned the keeper of the armory.
AI translation rendered from the Sanskrit, not a published edition
HV 71.39
भोः कंसधनुषां पाल श्रूयताम् आवयोर् वचः कतरत् तद् धनुः सौम्य महो ऽयं यस्य वर्तते आयागभूतं कंसस्य दर्शयस्व यदीच्छसि
bhoḥ kaṃsadhanuṣāṃ pāla śrūyatām āvayor vacaḥ katarat tad dhanuḥ saumya maho 'yaṃ yasya vartate āyāgabhūtaṃ kaṃsasya darśayasva yadīcchasi
"Ho, keeper of Kaṃsa's bows, let our word be heard: which is that bow, good sir, of which this festival is being held? Show us Kaṃsa's sacrificial emblem, if you are willing."
AI translation rendered from the Sanskrit, not a published edition
HV 71.40
स तयोर् दर्शयामास तद् धनुः स्तम्भसंनिभम् अनारोप्यम् असंभेद्यं देवैर् अपि सवासवैः
sa tayor darśayāmāsa tad dhanuḥ stambhasaṃnibham anāropyam asaṃbhedyaṃ devair api savāsavaiḥ
He showed the two of them that bow, like a pillar, not to be strung nor broken even by the gods together with Vāsava.
AI translation rendered from the Sanskrit, not a published edition
HV 71.41
तद् गृहीत्वा ततः कृष्णस् तोलयामास वीर्यवान् दोर्भ्यां कमलपत्राक्षः प्रहृष्टेनान्तरात्मना
tad gṛhītvā tataḥ kṛṣṇas tolayāmāsa vīryavān dorbhyāṃ kamalapatrākṣaḥ prahṛṣṭenāntarātmanā
Then, taking it up, the valorous Kṛṣṇa, lotus-petal-eyed, hefted it with his two arms, with an inwardly delighted heart.
AI translation rendered from the Sanskrit, not a published edition
HV 71.42
तोलयित्वा यथाकामं तद् धनुर् दैत्यपूजितम् आरोपयामास बली नामयामास चासकृत्
tolayitvā yathākāmaṃ tad dhanur daityapūjitam āropayāmāsa balī nāmayāmāsa cāsakṛt
Having hefted that bow honored by the Daityas as he pleased, the strong one strung it and bent it again and again.
AI translation rendered from the Sanskrit, not a published edition
HV 71.44
आनम्यमानं कृष्णेन प्रकर्षाद् उरगोपगम् द्विधाभूतम् अभून् मध्ये धनुर् आयागभूषितम् ॥ ह्व्_७१।४३ धनुषो भज्यमानस्य शब्दः खं रोदसी दिशः । पूरयाम् आस यं श्रुत्वा कंसस् त्रासम् उपागमत् ॥ तद्रक्षिणः सानुचरा कुपिता आततायिनः । गृहीतुकामा आवव्रुर् गृह्यतां वध्यताम् इति ॥ अथ तान् दुरभिप्रायान् विलोक्य बलकेशवौ । क्रुद्धौ धन्वन आदाय शकले तांश् च जघ्नतुः ॥ बलं च कंसप्रहितं हत्वा शालामुखात् ततः । निष्क्रम्य चेरतुर् दृप्तौ निरीक्ष्य पुरसंपदः ॥ तयोस् तद् अद्भुतं वीर्यं निशम्य पुरवासिनः । तेजः प्रागल्भ्यरूपं च मेनिरे विबुधोत्तमौ । भङ्क्त्वा तु तद् धनुः श्रेष्ठं कृष्णस् त्वरितविक्रमः निश्चक्राम महावेगः स च संकर्षणो युवा
ānamyamānaṃ kṛṣṇena prakarṣād uragopagam dvidhābhūtam abhūn madhye dhanur āyāgabhūṣitam // HV_71.43 dhanuṣo bhajyamānasya śabdaḥ khaṃ rodasī diśaḥ | pūrayām āsa yaṃ śrutvā kaṃsas trāsam upāgamat || tadrakṣiṇaḥ sānucarā kupitā ātatāyinaḥ | gṛhītukāmā āvavrur gṛhyatāṃ vadhyatām iti || atha tān durabhiprāyān vilokya balakeśavau | kruddhau dhanvana ādāya śakale tāṃś ca jaghnatuḥ || balaṃ ca kaṃsaprahitaṃ hatvā śālāmukhāt tataḥ | niṣkramya ceratur dṛptau nirīkṣya purasaṃpadaḥ || tayos tad adbhutaṃ vīryaṃ niśamya puravāsinaḥ | tejaḥ prāgalbhyarūpaṃ ca menire vibudhottamau | bhaṅktvā tu tad dhanuḥ śreṣṭhaṃ kṛṣṇas tvaritavikramaḥ niścakrāma mahāvegaḥ sa ca saṃkarṣaṇo yuvā
Being bent by Kṛṣṇa with force, that snake-like bow adorned as the sacrificial emblem became two in the middle. (43) The sound of the breaking bow filled the sky, heaven and earth, and the directions; hearing it, Kaṃsa fell into terror. Its guards, with their attendants, enraged and murderous, wanting to seize (them), surrounded (them, crying) "Seize him! Kill him!" Then Bala and Keśava, seeing them of evil intent, angry, took up the fragments of the bow and struck them down. And having killed the force sent by Kaṃsa, they went out from the mouth of the hall and roamed proudly, surveying the riches of the city. The city-dwellers, observing that marvelous valor of theirs, and their splendor and bold form, thought them to be two supreme gods. Having broken that best of bows, Kṛṣṇa, swift in prowess, came forth with great speed, and so did young Saṃkarṣaṇa.
AI translation rendered from the Sanskrit, not a published edition
HV 71.46
अनुयुक्तौ ततस् तौ च भग्ने धनुषि रक्षिभिः धनुषो भङ्गनादेन वायुनिर्घोषकारिणा चचालान्तःपुरं सर्वं दिशश् चैव पुपूरिरे ॥ ह्व्_७१।४५ निर्गम्य त्व् आयुधागाराज् जग्मतुर् गोपसंनिधौ ॥ वेगेनायुधपालस् तु गच्छन् संभ्रान्तमानसः । स त्व् आयुधागारनरो भीतस् त्वरितविक्रमः समीपं नृपतेर् गत्वा काकोच्छ्वासो ऽभ्यभाषत
anuyuktau tatas tau ca bhagne dhanuṣi rakṣibhiḥ dhanuṣo bhaṅganādena vāyunirghoṣakāriṇā cacālāntaḥpuraṃ sarvaṃ diśaś caiva pupūrire // HV_71.45 nirgamya tv āyudhāgārāj jagmatur gopasaṃnidhau || vegenāyudhapālas tu gacchan saṃbhrāntamānasaḥ | sa tv āyudhāgāranaro bhītas tvaritavikramaḥ samīpaṃ nṛpater gatvā kākocchvāso 'bhyabhāṣata
Then the two were pursued by the guards when the bow was broken; by the sound of the bow's breaking, which made a roar like the wind, the whole inner palace shook and the directions were filled. (45) Going out from the armory, they went into the presence of the cowherds. But the keeper of the arms, going in haste with a bewildered mind — that man of the armory, frightened, swift in movement, having come near the king, spoke, panting like a crow.
AI translation rendered from the Sanskrit, not a published edition
HV 71.47
श्रूयतां मम विज्ञाप्यम् आश्चर्यं धनुषो गृहे निर्वृत्तम् अस्मिन् काले यज् जगतः संभ्रमोपमम्
śrūyatāṃ mama vijñāpyam āścaryaṃ dhanuṣo gṛhe nirvṛttam asmin kāle yaj jagataḥ saṃbhramopamam
"Let my report be heard — a marvel that has taken place at this time in the house of the bow, one like a confounding of the world."
AI translation rendered from the Sanskrit, not a published edition
HV 71.49
नरौ कस्यापि सहितौ शिखाविततमूर्धजौ नीलपिताम्बरधरौ पीतश्वेतानुलेपनौ ॥ ह्व्_७१।४८ ताव् अन्तःपुरम् अज्ञातौ प्रविष्टौ कामवेगिनौ । देवपुत्रोपमौ वीरौ बालाव् इव हुताशनौ स्थितौ धनुर्गृहे सौम्यौ सहसा खाद् इवागतौ सौम्यौ महस्य चोद्युक्ताव् आगतौ पुरुषर्षभौ । मया दृष्टौ परिव्यक्तं रुचिराच्छादनस्रजौ
narau kasyāpi sahitau śikhāvitatamūrdhajau nīlapitāmbaradharau pītaśvetānulepanau // HV_71.48 tāv antaḥpuram ajñātau praviṣṭau kāmaveginau | devaputropamau vīrau bālāv iva hutāśanau sthitau dhanurgṛhe saumyau sahasā khād ivāgatau saumyau mahasya codyuktāv āgatau puruṣarṣabhau | mayā dṛṣṭau parivyaktaṃ rucirācchādanasrajau
"Two men, together, belonging to who knows whom, with their hair spread out in a topknot, wearing dark and yellow garments, with yellow and white unguents — (48) those two, unrecognized, entered the inner apartments, moving with the speed of desire, heroes resembling sons of the gods, like two fires though boys; the two comely ones stood in the bow-house, as if come suddenly from the sky. The comely bulls among men had come, intent on the festival; I saw them plainly, with their lovely garments and garlands."
AI translation rendered from the Sanskrit, not a published edition
HV 71.50
ताभ्याम् एकस् तु पद्माक्षः श्यामः पीताम्बरस्रजः जग्राह तद् धनूरत्नं दुर्ग्रहं दैवतैर् अपि
tābhyām ekas tu padmākṣaḥ śyāmaḥ pītāmbarasrajaḥ jagrāha tad dhanūratnaṃ durgrahaṃ daivatair api
"But one of the two, lotus-eyed, dark, with yellow garment and garland, seized that jewel of a bow, hard to grasp even for the gods."
AI translation rendered from the Sanskrit, not a published edition
HV 71.51
तत् स बालो बृहद्रूपं बलाद् यन्त्रम् इवायसम् आरोपयित्वा वेगेन नामयामास लीलया
tat sa bālo bṛhadrūpaṃ balād yantram ivāyasam āropayitvā vegena nāmayāmāsa līlayā
That boy, having strung by force that huge-formed (bow) as if it were an iron machine, bent it swiftly and in play.
AI translation rendered from the Sanskrit, not a published edition
HV 71.53
कृष्यमाणं तु तत् तेन विबाणं बाहुशालिना मुष्टिदेशे विकूजित्वा द्विधाभूतम् अभज्यत ॥ ह्व्_७१।५२ ततः प्रचलिता भूमिर् नैव भाति च भास्करः । धनुषो भङ्गनादेन भ्रमतीव नबह्स्तलम् ॥ तद् अद्भुतम् अहं दृष्ट्वा विस्मयं परमं गतः । भयाद् भयदसत्रूणां तद् इहाख्यातुम् आगतः ॥ न जानामि महाराज कौ ताव् अमितविक्रमौ । एकः कैलाससंकाश एको ऽञ्जनगिरिप्रभः । स तु तच् चापरत्नं वै भङ्क्त्वा स्तम्भम् इव द्विपः निष्पपातानिलगतिः सानुगो ऽमितविक्रमः जगाम तद् द्विधा कृत्वा न जाने को ऽप्य् असौ नृप
kṛṣyamāṇaṃ tu tat tena vibāṇaṃ bāhuśālinā muṣṭideśe vikūjitvā dvidhābhūtam abhajyata // HV_71.52 tataḥ pracalitā bhūmir naiva bhāti ca bhāskaraḥ | dhanuṣo bhaṅganādena bhramatīva nabahstalam || tad adbhutam ahaṃ dṛṣṭvā vismayaṃ paramaṃ gataḥ | bhayād bhayadasatrūṇāṃ tad ihākhyātum āgataḥ || na jānāmi mahārāja kau tāv amitavikramau | ekaḥ kailāsasaṃkāśa eko 'ñjanagiriprabhaḥ | sa tu tac cāparatnaṃ vai bhaṅktvā stambham iva dvipaḥ niṣpapātānilagatiḥ sānugo 'mitavikramaḥ jagāma tad dvidhā kṛtvā na jāne ko 'py asau nṛpa
But as it was being drawn by that strong-armed one, that arrowless (bow) creaked at the grip and, having become two, snapped. // (71.52) Then the earth shook and the sun did not shine; with the sound of the bow's breaking the vault of heaven seemed to spin. Seeing that marvel I fell into the utmost astonishment; out of fear of those enemies who inspire fear I have come here to report it. I do not know, great king, who those two of measureless valour are: one resembles Kailāsa, one has the sheen of a mountain of collyrium. And he, having broken that other jewel (of a bow) as an elephant breaks a post, rushed out with the speed of the wind, that one of measureless valour, with his follower; having made it into two he went away — I do not know at all who he was, O king.
AI translation rendered from the Sanskrit, not a published edition — the model flagged this verse as uncertain
HV 71.54
श्रुत्वैव धनुषो भङ्गं कंसो ऽप्य् उद्विग्नमानसः विसृज्यायुधपालं वै प्रविवेश गृहोत्तमम्
śrutvaiva dhanuṣo bhaṅgaṃ kaṃso 'py udvignamānasaḥ visṛjyāyudhapālaṃ vai praviveśa gṛhottamam
Merely on hearing of the breaking of the bow, Kaṃsa too, his mind agitated, dismissed the keeper of the armoury and entered his finest chamber.
AI translation rendered from the Sanskrit, not a published edition