Harivamsha — Chapter 67
HV 67.1
अक्रूरो ऽपि यथाज्ञप्तः कृष्णदर्शनलालसः जगाम रथमुख्येन मनसस् तुल्यगामिना
akrūro 'pi yathājñaptaḥ kṛṣṇadarśanalālasaḥ jagāma rathamukhyena manasas tulyagāminā
Akrūra too, as he had been ordered, longing for the sight of Kṛṣṇa, went with his foremost chariot, which moved as swiftly as thought.
AI translation rendered from the Sanskrit, not a published edition
HV 67.2
कृष्णस्यापि निमित्तानि शुभान्य् अङ्गगतानि वै पितृतुल्येन शंसन्ति बान्धवेन समागमम्
kṛṣṇasyāpi nimittāni śubhāny aṅgagatāni vai pitṛtulyena śaṃsanti bāndhavena samāgamam
And for Kṛṣṇa too, auspicious signs occurring in his limbs foretold a meeting with a kinsman who was like a father (to him).
AI translation rendered from the Sanskrit, not a published edition
HV 67.3
प्राग् एव च नरेन्द्रेण माथुरेणौग्रसेनिना केशिनः प्रेषितो दूतो वधायोपेन्द्रकारणात्
prāg eva ca narendreṇa māthureṇaugraseninā keśinaḥ preṣito dūto vadhāyopendrakāraṇāt
And earlier the king of Mathurā, the son of Ugrasena, had sent a messenger to Keśin, to kill Upendra — that was the reason.
AI translation rendered from the Sanskrit, not a published edition
HV 67.4
स तु दूतवचः श्रुत्वा केशी क्लेशकरो नृणाम् वृन्दावनगतो गोपान् बाधते स्म दुरासदः
sa tu dūtavacaḥ śrutvā keśī kleśakaro nṛṇām vṛndāvanagato gopān bādhate sma durāsadaḥ
And that Keśin, hearing the messenger's words — he who caused affliction to men — went to Vṛndāvana and, hard to approach, kept harassing the cowherds.
AI translation rendered from the Sanskrit, not a published edition
HV 67.5
मानुषं मांसम् अश्नानः क्रुद्धो दुष्टपराक्रमः दुर्दान्तो वाजिदैत्यो ऽसौ करोति कदनं महत्
mānuṣaṃ māṃsam aśnānaḥ kruddho duṣṭaparākramaḥ durdānto vājidaityo 'sau karoti kadanaṃ mahat
Eating human flesh, enraged, of wicked prowess, untameable, that horse-demon wrought great slaughter.
AI translation rendered from the Sanskrit, not a published edition
HV 67.6
निघ्नन् गा वै सगोपाला गवां पिशितभोजनः दुर्दमः कामचारी च केसरी निरवग्रहः
nighnan gā vai sagopālā gavāṃ piśitabhojanaḥ durdamaḥ kāmacārī ca kesarī niravagrahaḥ
Killing the cows together with their herdsmen, an eater of the cows' flesh, hard to subdue and roaming at will, the maned one was unrestrained.
AI translation rendered from the Sanskrit, not a published edition
HV 67.7
तदरण्यं श्मशानाभं नृणाम् अस्थिभिर् आवृतम् यत्रास्ते स हि दुष्टात्मा केशी तुरगदानवः
tadaraṇyaṃ śmaśānābhaṃ nṛṇām asthibhir āvṛtam yatrāste sa hi duṣṭātmā keśī turagadānavaḥ
That forest looked like a cremation ground, strewn with the bones of men — there dwelt that evil-souled Keśin, the horse-demon.
AI translation rendered from the Sanskrit, not a published edition
HV 67.8
खुरैर् दारयते भूमिम् वेगेनारुजते द्रुमान् हेषितैः स्पर्धते वायुम् प्लुतैर् लङ्घ्यते नभः
khurair dārayate bhūmim vegenārujate drumān heṣitaiḥ spardhate vāyum plutair laṅghyate nabhaḥ
With his hooves he tears up the earth, with his speed he breaks the trees, with his neighing he rivals the wind, with his leaps he vaults over the sky.
AI translation rendered from the Sanskrit, not a published edition
HV 67.9
अतिप्रवृद्धो मत्तश् च दुष्टाश्वो वनगोचरः आकम्पितसटो रौद्रः कंसस्य चरितानुगः
atipravṛddho mattaś ca duṣṭāśvo vanagocaraḥ ākampitasaṭo raudraḥ kaṃsasya caritānugaḥ
Overgrown and rutting, that wicked horse ranging in the forest, with his mane shaking, terrible, followed Kaṃsa's practice.
AI translation rendered from the Sanskrit, not a published edition
HV 67.10
इरिणं तद्वनं सर्वं तेन सौदासकर्मणा कृतं तुरगदैत्येन सर्वान् गोपाञ् जिघांसता
iriṇaṃ tadvanaṃ sarvaṃ tena saudāsakarmaṇā kṛtaṃ turagadaityena sarvān gopāñ jighāṃsatā
That whole forest was made a barren waste by that horse-demon of Saudāsa-like deeds, who wished to kill all the cowherds.
AI translation rendered from the Sanskrit, not a published edition
HV 67.11
तेन दुष्टप्रचारेण दूषितं तद्वनं महत् न नृभिर् गोधनैर् वापि सेव्यते वनवृत्तिभिः
tena duṣṭapracāreṇa dūṣitaṃ tadvanaṃ mahat na nṛbhir godhanair vāpi sevyate vanavṛttibhiḥ
That great forest, defiled by that one of wicked roaming, is not frequented by men nor by herds of cattle nor by those who live in the forest.
AI translation rendered from the Sanskrit, not a published edition
HV 67.12
निःसंपातः कृतः पन्थास् तेन तद्विषयाश्रयः मदाच् चलितवृत्तेन नृमांसान्य् अश्नता भृशम्
niḥsaṃpātaḥ kṛtaḥ panthās tena tadviṣayāśrayaḥ madāc calitavṛttena nṛmāṃsāny aśnatā bhṛśam
That road, which lay in his territory, was made impassable by him, whose conduct had gone astray through rut and who ate human flesh voraciously.
AI translation rendered from the Sanskrit, not a published edition
HV 67.13
नृशब्दानुसरः क्रुद्धः स कदाचिद् दिनागमे जगाम घोषसंवासं चोदितः कालधर्मणा
nṛśabdānusaraḥ kruddhaḥ sa kadācid dināgame jagāma ghoṣasaṃvāsaṃ coditaḥ kāladharmaṇā
Once, at the coming of day, following the sound of men, enraged, driven by the law of Time, he went to the cowherds' settlement.
AI translation rendered from the Sanskrit, not a published edition
HV 67.14
तं दृष्ट्वा दुद्रुवुर् गोपाः स्त्रियश् च शिशुभिः सह क्रन्दमाना जगन्नाथम् कृष्णं नाथम् उपाश्रिताः
taṃ dṛṣṭvā dudruvur gopāḥ striyaś ca śiśubhiḥ saha krandamānā jagannātham kṛṣṇaṃ nātham upāśritāḥ
Seeing him, the cowherds fled, and the women along with the children, crying out and taking refuge in Kṛṣṇa, the Lord of the world, as their protector.
AI translation rendered from the Sanskrit, not a published edition
HV 67.15
तासां रुदितशब्देन गोपानां क्रन्दितेन च दत्त्वाभयं तु कृष्णो वै केशिनं सो ऽभिदुद्रुवे
tāsāṃ ruditaśabdena gopānāṃ kranditena ca dattvābhayaṃ tu kṛṣṇo vai keśinaṃ so 'bhidudruve
At the sound of the weeping of those women and the wailing of the cowherds, Kṛṣṇa, having granted them safety, rushed upon Keśin.
AI translation rendered from the Sanskrit, not a published edition
HV 67.16
केशी चाभ्युद्यत ग्रीवः प्रकाशदशनेक्षणः हेषमाणो जवोदग्रो गोविन्दाभिमुखो ययौ
keśī cābhyudyata grīvaḥ prakāśadaśanekṣaṇaḥ heṣamāṇo javodagro govindābhimukho yayau
And Keśin, with neck raised, his teeth and eyes glaring, neighing, reared up in his speed, went straight toward Govinda.
AI translation rendered from the Sanskrit, not a published edition
HV 67.17
तम् आपतन्तं संप्रेक्ष्य केशिनं हयदानवम् प्रत्युज्जगाम गोविन्दस् तोयदः शशिनं यथा
tam āpatantaṃ saṃprekṣya keśinaṃ hayadānavam pratyujjagāma govindas toyadaḥ śaśinaṃ yathā
Seeing Keśin, the horse-demon, rushing upon (him), Govinda went forth to meet (him), as a cloud (goes) toward the moon.
AI translation rendered from the Sanskrit, not a published edition
HV 67.19
केशिनस् तु तम् अभ्याशे दृष्ट्वा कृष्णम् अवस्थितम् मनुष्यबुद्धयो गोपाः कृष्णम् ऊचुर् हितौषिणः ॥ ह्व्_६७।१८ कृष्ण कृष्ण महाबाहो ज्ञातीनां नन्दिवर्धन । जगताम् अभयदो ऽसि त्वं त्रायस्वास्मान् विशेषतः । कृष्ण तात न खल्व् एष सहसा ते हयाधमः उपसर्प्यो भवान् बालः पापश् चैष दुरासदः
keśinas tu tam abhyāśe dṛṣṭvā kṛṣṇam avasthitam manuṣyabuddhayo gopāḥ kṛṣṇam ūcur hitauṣiṇaḥ // HV_67.18 kṛṣṇa kṛṣṇa mahābāho jñātīnāṃ nandivardhana | jagatām abhayado 'si tvaṃ trāyasvāsmān viśeṣataḥ | kṛṣṇa tāta na khalv eṣa sahasā te hayādhamaḥ upasarpyo bhavān bālaḥ pāpaś caiṣa durāsadaḥ
But when they saw Kṛṣṇa standing close to Keśin, the cowherds, who thought (him) a man and wished (him) well, said to Kṛṣṇa: "Kṛṣṇa, Kṛṣṇa, mighty-armed one, increaser of the joy of your kinsmen! You are the giver of fearlessness to the worlds; protect us above all. Kṛṣṇa, dear one, this vile horse must surely not be approached by you rashly — you are a boy, and he is wicked and hard to withstand."
AI translation rendered from the Sanskrit, not a published edition
HV 67.20
एष कंसस्य सहजः प्राणस् तात बहिश्चरः उत्तमश् च हयेन्द्राणां दानवो ऽप्रतिमो युधि
eṣa kaṃsasya sahajaḥ prāṇas tāta bahiścaraḥ uttamaś ca hayendrāṇāṃ dānavo 'pratimo yudhi
"This one, dear boy, is Kaṃsa's twin-born life moving outside (his body), the best of lordly horses, a demon without equal in battle,
AI translation rendered from the Sanskrit, not a published edition
HV 67.21
त्रासनः परसैन्यानां तुरगाणां महाबलः स्वध्यः सर्वसत्त्वानां प्रथमः पापकर्मणाम्
trāsanaḥ parasainyānāṃ turagāṇāṃ mahābalaḥ svadhyaḥ sarvasattvānāṃ prathamaḥ pāpakarmaṇām
a terrifier of enemy armies, of great strength among horses, hard to be borne by all creatures, foremost among evil-doers.
AI translation rendered from the Sanskrit, not a published edition — the model flagged this verse as uncertain
HV 67.22
गोपानां तद्वचः श्रुत्वा वदतां मधुसूदनः केशिना सह युद्धाय मतिं चक्रे ऽरिसूदनः
gopānāṃ tadvacaḥ śrutvā vadatāṃ madhusūdanaḥ keśinā saha yuddhāya matiṃ cakre 'risūdanaḥ
Hearing that speech of the cowherds as they spoke, Madhu's slayer, the destroyer of foes, made up his mind to fight with Keśin.
AI translation rendered from the Sanskrit, not a published edition
HV 67.23
ततः सव्यं दक्षिणं च मण्डलानि परिभ्रमन् पद्भ्याम् उभाभ्यां स हयः क्रोधेनारुजते द्रुमान्
tataḥ savyaṃ dakṣiṇaṃ ca maṇḍalāni paribhraman padbhyām ubhābhyāṃ sa hayaḥ krodhenārujate drumān
Then, wheeling in circles to the left and to the right, that horse in his rage broke down trees with both his feet.
AI translation rendered from the Sanskrit, not a published edition
HV 67.24
मुखे लम्बसटे चास्य स्कन्धदेशे घनावृते वलयो ऽभ्रतरंगाभाः सुस्रुवुः क्रोधजं जलम्
mukhe lambasaṭe cāsya skandhadeśe ghanāvṛte valayo 'bhrataraṃgābhāḥ susruvuḥ krodhajaṃ jalam
On his face with its hanging mane and on his shoulder region, covered (as with) clouds, ripples resembling waves of cloud streamed with the water born of his rage.
AI translation rendered from the Sanskrit, not a published edition — the model flagged this verse as uncertain
HV 67.25
स फेनं वक्त्रजं चैव ववर्ष रजसावृतम् हिमकाले यथा व्योम्नि नीहारम् इव चन्द्रमाः
sa phenaṃ vaktrajaṃ caiva vavarṣa rajasāvṛtam himakāle yathā vyomni nīhāram iva candramāḥ
And he rained the foam born of his mouth, mingled with dust, as the moon (sheds) mist in the sky in the cold season.
AI translation rendered from the Sanskrit, not a published edition
HV 67.26
गोविन्दम् अरविन्दाक्षं हेषितोगारशीकरैः स फेनैर् गात्रनिर्गीर्णैः प्रोक्षयामास सर्वतः
govindam aravindākṣaṃ heṣitogāraśīkaraiḥ sa phenair gātranirgīrṇaiḥ prokṣayāmāsa sarvataḥ
With the spray of his neighing and snorting, and with the foam ejected from his body, he sprinkled lotus-eyed Govinda all over.
AI translation rendered from the Sanskrit, not a published edition
HV 67.27
खुरोद्धरणमुक्तेन मधुरक्षोदपाण्डुना रजसा स हयः कृष्णं चकारारुणमूर्धजम्
khuroddharaṇamuktena madhurakṣodapāṇḍunā rajasā sa hayaḥ kṛṣṇaṃ cakārāruṇamūrdhajam
With the dust thrown up loose by the digging of his hooves, pale as powdered sweet-flour, that horse made Kṛṣṇa's hair reddish-brown.
AI translation rendered from the Sanskrit, not a published edition — the model flagged this verse as uncertain
HV 67.28
प्लुतवल्गितपादस् तु तक्षमाणो धरां खुरैः दन्तान् निर्दशमानस् तु केशी कृष्णम् उपाद्रवत्
plutavalgitapādas tu takṣamāṇo dharāṃ khuraiḥ dantān nirdaśamānas tu keśī kṛṣṇam upādravat
Leaping and prancing with his feet, cutting the earth with his hooves, and gnashing his teeth, Keśin ran at Kṛṣṇa.
AI translation rendered from the Sanskrit, not a published edition
HV 67.29
स संसक्तस् तु कृष्णेन केशी तुरगसत्तमः पुर्वाभ्यां चरणाभ्यां वै कृष्णं वक्षस्य् अताडयत्
sa saṃsaktas tu kṛṣṇena keśī turagasattamaḥ purvābhyāṃ caraṇābhyāṃ vai kṛṣṇaṃ vakṣasy atāḍayat
And Keśin, that best of horses, closing with Kṛṣṇa, struck Kṛṣṇa on the chest with his two forefeet.
AI translation rendered from the Sanskrit, not a published edition
HV 67.30
पुनः पुनश् च स बली प्राहिणोत् पार्श्वतः खुरान् कृष्णस्य दानवो घोरं प्रहारम् अमितौजसः । वक्त्रेण चास्य घोरेण तीक्ष्णदंष्ट्रायुधेन वै अदशद् बाहुविवरं कृष्णस्य रुषितो हयः
punaḥ punaś ca sa balī prāhiṇot pārśvataḥ khurān kṛṣṇasya dānavo ghoraṃ prahāram amitaujasaḥ | vaktreṇa cāsya ghoreṇa tīkṣṇadaṃṣṭrāyudhena vai adaśad bāhuvivaraṃ kṛṣṇasya ruṣito hayaḥ
Again and again the strong demon drove his hooves from the side, a terrible blow, against Kṛṣṇa of immeasurable might; and with his dreadful mouth, whose weapons were sharp teeth, the enraged horse bit into the hollow of Kṛṣṇa's arm.
AI translation rendered from the Sanskrit, not a published edition
HV 67.31
स लम्बकेसरसटः कृष्णेन सह संगतः रराज केशी मेघेन संसक्तः ख इवांशुमान्
sa lambakesarasaṭaḥ kṛṣṇena saha saṃgataḥ rarāja keśī meghena saṃsaktaḥ kha ivāṃśumān
That (horse) with his long-haired mane, joined together with Kṛṣṇa — Keśin shone like the sun in the sky joined with a cloud.
AI translation rendered from the Sanskrit, not a published edition
HV 67.32
उरश् चास्योरसा हन्तुम् इयेष बलवान् हयः वेगेन वासुदेवस्य क्रोधाद् द्विगुणविक्रमः
uraś cāsyorasā hantum iyeṣa balavān hayaḥ vegena vāsudevasya krodhād dviguṇavikramaḥ
And the powerful horse, his valour doubled by rage, sought with his own chest to smash Vāsudeva's chest by his onrush.
AI translation rendered from the Sanskrit, not a published edition
HV 67.33
तस्योत्सिक्तस्य बलवान् कृष्णो ऽप्य् अमितविक्रमः बाहुम् आभोगिनं कृत्वा मुखे क्रुद्धः समादधत्
tasyotsiktasya balavān kṛṣṇo 'py amitavikramaḥ bāhum ābhoginaṃ kṛtvā mukhe kruddhaḥ samādadhat
But mighty Kṛṣṇa too, of immeasurable valour, angered, made his arm coil-like and thrust it into the mouth of that overweening (horse).
AI translation rendered from the Sanskrit, not a published edition
HV 67.34
स तं बाहुम् अशक्तो वै खादितुं भोक्तुम् एव वा पुनर् आभोगिनं बाहुं तद्वक्त्रगतम् अञ्जसा । कृष्णः प्रसारयामास लीलया दानवं हसन् । दशनैर् मूलनिर्मुक्तैः सफेनं रुधिरं वमन्
sa taṃ bāhum aśakto vai khādituṃ bhoktum eva vā punar ābhoginaṃ bāhuṃ tadvaktragatam añjasā | kṛṣṇaḥ prasārayāmāsa līlayā dānavaṃ hasan | daśanair mūlanirmuktaiḥ saphenaṃ rudhiraṃ vaman
He was unable either to chew or to swallow that arm; and Kṛṣṇa, laughing at the demon, sportively made the coiled arm that had entered his mouth expand at once, (the horse) vomiting bloody foam with its teeth torn loose from their roots,
AI translation rendered from the Sanskrit, not a published edition
HV 67.35
विपाटिताभ्याम् ओष्ठाभ्याम् कटाभ्यां विदलीकृतः अक्षिणी विकृते चक्रे विसृते मुक्तबन्धने
vipāṭitābhyām oṣṭhābhyām kaṭābhyāṃ vidalīkṛtaḥ akṣiṇī vikṛte cakre visṛte muktabandhane
his two lips split open, torn apart at the cheeks; his two eyes were made distorted, protruding, loosed from their sockets.
AI translation rendered from the Sanskrit, not a published edition — the model flagged this verse as uncertain
HV 67.36
निरस्तहनुर् आविष्टः शोणितास्राविलेक्षणः उत्कर्णो नष्टचेतास् तु स केशी बह्वचेष्टत
nirastahanur āviṣṭaḥ śoṇitāsrāvilekṣaṇaḥ utkarṇo naṣṭacetās tu sa keśī bahvaceṣṭata
With his jaw dislocated, overcome, his eyes clouded with the flow of blood, ears pricked up and senses gone, Keśin thrashed about greatly.
AI translation rendered from the Sanskrit, not a published edition
HV 67.37
उत्पत्य चासकृत् पादैः सकृन्मूत्रं समुत्सृजन् स्विन्नार्द्रलोमा श्रान्तस् तु निर्यत्नचरणो ऽभवत्
utpatya cāsakṛt pādaiḥ sakṛnmūtraṃ samutsṛjan svinnārdralomā śrāntas tu niryatnacaraṇo 'bhavat
Springing up repeatedly with his feet and letting out urine again and again, wet with sweat on his hair, he grew exhausted and his legs lost their effort.
AI translation rendered from the Sanskrit, not a published edition
HV 67.38
केशिवक्त्रविलग्नस् तु कृष्णबाहुर् अशोभत व्याभुग्न इव घर्मान्ते चन्द्रार्धकिरणैर् घनः
keśivaktravilagnas tu kṛṣṇabāhur aśobhata vyābhugna iva gharmānte candrārdhakiraṇair ghanaḥ
But Kṛṣṇa's arm, stuck fast in Keśin's mouth, looked splendid, like a cloud at the end of the hot season bent, as it were, by the rays of the half-moon.
AI translation rendered from the Sanskrit, not a published edition
HV 67.39
केशी च कृष्णसंसक्तः श्रान्तगात्रो व्यरोचत प्रभातावनतश् चन्द्रः श्रान्तो मेरुम् इवाश्रितः
keśī ca kṛṣṇasaṃsaktaḥ śrāntagātro vyarocata prabhātāvanataś candraḥ śrānto merum ivāśritaḥ
And Keśin, clinging to Kṛṣṇa, his body exhausted, shone forth like the moon, sinking down at daybreak, wearily resting upon Meru.
AI translation rendered from the Sanskrit, not a published edition
HV 67.43
तस्य कृष्णभुजोद्धूताः केशिनो दशना मुखात् केशिनो वक्त्रनिर्धूता विविधा दशना भुवि । पेतुः शरदि निस्तोयाः सिताभ्रावयवा इव ॥ ह्व्_६७।४० स तु केशी भृशं श्रान्तः कृष्णेनाक्लिष्टकर्मणा । स्वभुजं स्वायतं कृत्वा पाटितो बलवत् तदा ॥ स पाटितो भुजेनाजौ कृष्णेन विकृताननः । केशी नदन् महानादं दानवो व्यथितस् तदा ॥ विघूर्णमानः स्रस्ताङ्गो मुखाद् रुधिरम् उद्वमन् । भृशं व्यङ्गीकृतवपुर् निकृत्तार्ध इवाचलः ॥ व्यादितास्यो महारौद्रः सो ऽसुरः कृष्णबाहुना । निपपात यथा कृत्तो नागो हि द्विदलीकृतः । स पपाताशु वेगेन भुजायामेन पाटितः । बाहुना कृत्तदेहस्य केशिनो रूपम् आबभौ पशोर् इव महाघोरं निहतस्य पिनाकिना ॥ ह्व्_६७।४१ द्रोणीभ्यां मांसपूर्णाभ्यां पिनाकिभवने यथा । द्विपादपृष्ठपुच्छार्धे स्रवणैकाक्षिनासिके केशिनस् ते द्विधा भूते द्वे अर्धे रेजतुः क्षितौ ॥ ह्व्_६७।४२ वज्रेण विनिकृत्तार्धौ पर्वताव् इव भूतले । केशिदन्तक्षतश् चापि कृष्णस्य शुशुभे भुजः वृद्धस् ताल इवारण्ये गजेन्द्रदशनाङ्कितः
tasya kṛṣṇabhujoddhūtāḥ keśino daśanā mukhāt keśino vaktranirdhūtā vividhā daśanā bhuvi | petuḥ śaradi nistoyāḥ sitābhrāvayavā iva // HV_67.40 sa tu keśī bhṛśaṃ śrāntaḥ kṛṣṇenākliṣṭakarmaṇā | svabhujaṃ svāyataṃ kṛtvā pāṭito balavat tadā || sa pāṭito bhujenājau kṛṣṇena vikṛtānanaḥ | keśī nadan mahānādaṃ dānavo vyathitas tadā || vighūrṇamānaḥ srastāṅgo mukhād rudhiram udvaman | bhṛśaṃ vyaṅgīkṛtavapur nikṛttārdha ivācalaḥ || vyāditāsyo mahāraudraḥ so 'suraḥ kṛṣṇabāhunā | nipapāta yathā kṛtto nāgo hi dvidalīkṛtaḥ | sa papātāśu vegena bhujāyāmena pāṭitaḥ | bāhunā kṛttadehasya keśino rūpam ābabhau paśor iva mahāghoraṃ nihatasya pinākinā // HV_67.41 droṇībhyāṃ māṃsapūrṇābhyāṃ pinākibhavane yathā | dvipādapṛṣṭhapucchārdhe sravaṇaikākṣināsike keśinas te dvidhā bhūte dve ardhe rejatuḥ kṣitau // HV_67.42 vajreṇa vinikṛttārdhau parvatāv iva bhūtale | keśidantakṣataś cāpi kṛṣṇasya śuśubhe bhujaḥ vṛddhas tāla ivāraṇye gajendradaśanāṅkitaḥ
Keśin's teeth, struck out of his mouth by Kṛṣṇa's arm — the various teeth of Keśin, shaken out of his mouth, fell to the ground like fragments of white, rainless cloud in autumn. (40) And that Keśin, utterly exhausted, was then forcibly torn apart by Kṛṣṇa, whose deeds are untiring, by his stretching his own arm out wide. Torn open in the battle by Kṛṣṇa's arm, his face distorted, Keśin the Dānava, roaring a great roar, was then in agony. Reeling, his limbs slack, vomiting blood from his mouth, his body grievously maimed, like a mountain cut in half — gaping-mouthed, most terrible, that Asura fell by Kṛṣṇa's arm as a tree cut down and split in two. He fell at once, violently, torn apart by the extension of the arm. And the appearance of Keśin, his body cut through by that arm, was like that of a sacrificial beast, most dreadful, slain by the bearer of the Pināka, (41) resembling two troughs filled with flesh, as in the house of the Pināka-bearer; with two feet, half a back and half a tail, one ear, one eye and half a nose each, those two halves of Keśin, become twofold, lay shining upon the earth, (42) like two mountains cut in half by the thunderbolt on the ground. And Kṛṣṇa's arm, gashed by Keśin's teeth, looked splendid, like an old palm tree in the forest scored by the tusks of a lordly elephant.
AI translation rendered from the Sanskrit, not a published edition — the model flagged this verse as uncertain
HV 67.44
तं हत्वा केशिनं युद्धे कल्पयित्वा च भागशः कृष्णः पद्मपलाशाक्षो हसंस् तत्रैव तस्थिवान्
taṃ hatvā keśinaṃ yuddhe kalpayitvā ca bhāgaśaḥ kṛṣṇaḥ padmapalāśākṣo hasaṃs tatraiva tasthivān
Having slain that Keśin in battle and having cut him up into portions, Kṛṣṇa, whose eyes are lotus petals, stood there smiling.
AI translation rendered from the Sanskrit, not a published edition
HV 67.45
तं हतं केशिनं दृष्ट्वा गोपा गोपस्त्रियश् च ताः बभूवुर् मुदिताः सर्वे हतविघ्ना हतक्लमाः
taṃ hataṃ keśinaṃ dṛṣṭvā gopā gopastriyaś ca tāḥ babhūvur muditāḥ sarve hatavighnā hataklamāḥ
Seeing Keśin slain, the cowherds and the cowherd women all became delighted, their obstacle destroyed, their weariness destroyed.
AI translation rendered from the Sanskrit, not a published edition
HV 67.46
दामोदरं च श्रीमन्तम् यथास्थानं यथावयः अभ्यनन्दन् प्रियैर् वाक्यैः पूजयन्तः पुनः पुनः
dāmodaraṃ ca śrīmantam yathāsthānaṃ yathāvayaḥ abhyanandan priyair vākyaiḥ pūjayantaḥ punaḥ punaḥ
And they greeted the glorious Dāmodara with affectionate words, each according to his station and his age, honouring him again and again.
AI translation rendered from the Sanskrit, not a published edition
HV 67.47
अहो तात कृतं कर्म हतो ऽयं लोककण्टकः दैत्यः क्षितिचरः कृष्ण हयरूपं समास्थितः
aho tāta kṛtaṃ karma hato 'yaṃ lokakaṇṭakaḥ daityaḥ kṣiticaraḥ kṛṣṇa hayarūpaṃ samāsthitaḥ
"Ah, dear one, the deed is done! This thorn in the side of the world is slain — a Daitya, roaming the earth, O Kṛṣṇa, who had taken on the form of a horse.
AI translation rendered from the Sanskrit, not a published edition
HV 67.48
कृतं वृन्दावनं क्षेमं सेव्यं सर्वनृपक्षिणाम् घ्नता पापम् इमं तात केशिनं हयम् आहवे
kṛtaṃ vṛndāvanaṃ kṣemaṃ sevyaṃ sarvanṛpakṣiṇām ghnatā pāpam imaṃ tāta keśinaṃ hayam āhave
Vṛndāvana has been made safe, fit to be frequented by all the birds and beasts, by you, dear one, who slew in battle this wicked Keśin, the horse.
AI translation rendered from the Sanskrit, not a published edition — the model flagged this verse as uncertain
HV 67.49
हता नो बहवो गोपा गावो वत्साश् च वत्सलाः नैके चान्ये जनपदा हतानेन दुरात्मना
hatā no bahavo gopā gāvo vatsāś ca vatsalāḥ naike cānye janapadā hatānena durātmanā
Many of our cowherds were killed, and cows and tender calves, and not a few other country folk were slain by this evil-souled one.
AI translation rendered from the Sanskrit, not a published edition
HV 67.50
एष संवर्तकं कर्तुम् उद्यतः किल पापकृत् नृलोकं निर्नरं कृत्वा चर्तुकामो यथासुखम्
eṣa saṃvartakaṃ kartum udyataḥ kila pāpakṛt nṛlokaṃ nirnaraṃ kṛtvā cartukāmo yathāsukham
This evildoer was bent, indeed, on bringing about universal destruction, wishing to roam at his pleasure after emptying the world of men of men.
AI translation rendered from the Sanskrit, not a published edition
HV 67.53
नैतस्य प्रमुखे स्थातुं कश्चिच् छक्तो जिजीविषुः अपि देवसमूहेषु किं पुनः पृथिवीतले ॥ ह्व्_६७।५१ एवं ते तुष्टुवुर् गोपाः कृष्णं कमललोचनम् । अथाहान्तर्हितो विप्रो नारदः खगमो मुनिः प्रीतो ऽस्मि विष्णो देवेश कृष्ण कृष्णेति चासकृत् ॥ ह्व्_६७।५२ नमस् तुभ्यं जगन्नाथ देवदेव जनार्दन । नमस् तुभ्यं नमस् तुभ्यं शङ्खचक्रगदाधर ॥ नमस् ते ज्ञानरूपाय केशवाय च चक्रिणे । नम आद्याय बीजाय निर्गुणाय गुणात्मने ॥ नमः सहस्रशिरसे त्वां नतो ऽस्मि जनार्दन । नमामि लोकनाथं त्वां नमस् ते देवरूपिणे ॥ नमस् ते ऽस्तु हृषीकेश पाहि नः सर्वतो हरे । इति स्तुत्वा जगन्नाथं पुनर् एवाब्रवीद् वचः । यद् इदं दुष्करं कर्म कृतं केशिजिघांसया त्वय्य् एव केवलं युक्तम् त्रिदिवे त्र्यम्बके ऽपि वा
naitasya pramukhe sthātuṃ kaścic chakto jijīviṣuḥ api devasamūheṣu kiṃ punaḥ pṛthivītale // HV_67.51 evaṃ te tuṣṭuvur gopāḥ kṛṣṇaṃ kamalalocanam | athāhāntarhito vipro nāradaḥ khagamo muniḥ prīto 'smi viṣṇo deveśa kṛṣṇa kṛṣṇeti cāsakṛt // HV_67.52 namas tubhyaṃ jagannātha devadeva janārdana | namas tubhyaṃ namas tubhyaṃ śaṅkhacakragadādhara || namas te jñānarūpāya keśavāya ca cakriṇe | nama ādyāya bījāya nirguṇāya guṇātmane || namaḥ sahasraśirase tvāṃ nato 'smi janārdana | namāmi lokanāthaṃ tvāṃ namas te devarūpiṇe || namas te 'stu hṛṣīkeśa pāhi naḥ sarvato hare | iti stutvā jagannāthaṃ punar evābravīd vacaḥ | yad idaṃ duṣkaraṃ karma kṛtaṃ keśijighāṃsayā tvayy eva kevalaṃ yuktam tridive tryambake 'pi vā
No one wishing to live could stand before him — not even among the hosts of the gods, how much less on the surface of the earth!" (51) Thus did those cowherds praise lotus-eyed Kṛṣṇa. Then the brahman Nārada, the sky-going sage, spoke, unseen: "I am pleased, O Viṣṇu, lord of gods, Kṛṣṇa, Kṛṣṇa!" — thus repeatedly. (52) "Homage to you, lord of the world, god of gods, Janārdana; homage to you, homage to you, bearer of conch, discus and mace. Homage to you, whose form is knowledge, to Keśava, the discus-bearer; homage to the primal one, the seed, the qualityless one, the self of the qualities. Homage to the thousand-headed one; I bow to you, Janārdana. I bow to you, lord of the worlds; homage to you whose form is divine. Homage be to you, Hṛṣīkeśa; protect us on every side, O Hari." Having thus praised the lord of the world, he spoke further: "This hard deed that was done out of the desire to kill Keśin is fitting in you alone, or else in the three-eyed one in heaven.
AI translation rendered from the Sanskrit, not a published edition
HV 67.54
अहं युद्धोत्सुकस् तात तर्पितेनान्तरात्मना इदं नरहयं युद्धम् दर्ष्टुं स्वर्गाद् इहागतः
ahaṃ yuddhotsukas tāta tarpitenāntarātmanā idaṃ narahayaṃ yuddham darṣṭuṃ svargād ihāgataḥ
Eager for the fight, dear one, with my inner self satisfied, I have come here from heaven to see this battle of man and horse.
AI translation rendered from the Sanskrit, not a published edition
HV 67.55
पूतनानिधनादीनि कर्माणि तव दृष्टवान् अहं त्व् अनेन गोविन्द कर्मणा परितोषितः
pūtanānidhanādīni karmāṇi tava dṛṣṭavān ahaṃ tv anena govinda karmaṇā paritoṣitaḥ
I have seen your deeds, beginning with the killing of Pūtanā; but by this deed, Govinda, I am wholly delighted.
AI translation rendered from the Sanskrit, not a published edition
HV 67.56
हयस्यास्य महेन्द्रो ऽपि बिभेति बलसूदनः कुर्वाणस्य वपुर् घोरम् केशिनो दुष्टचेतसः
hayasyāsya mahendro 'pi bibheti balasūdanaḥ kurvāṇasya vapur ghoram keśino duṣṭacetasaḥ
Even great Indra, slayer of Bala, is afraid of this horse, of evil-minded Keśin, when he assumes his dreadful body.
AI translation rendered from the Sanskrit, not a published edition
HV 67.57
यत् त्वया पाटितो द्वैधं भुजेनायतपर्वणा एषो ऽस्य मृत्युर् अन्ताय विहितो विश्वयोनिना
yat tvayā pāṭito dvaidhaṃ bhujenāyataparvaṇā eṣo 'sya mṛtyur antāya vihito viśvayoninā
That you have split him in two with your arm of far-reaching joints — this death was ordained for his end by the womb of the universe.
AI translation rendered from the Sanskrit, not a published edition
HV 67.58
यस्मात् त्वया हतः केशी तस्मान् मच्छासनं शृणु केशवो नाम नाम्ना त्वं ख्यातो लोके भविष्यसि
yasmāt tvayā hataḥ keśī tasmān macchāsanaṃ śṛṇu keśavo nāma nāmnā tvaṃ khyāto loke bhaviṣyasi
Since Keśin was slain by you, therefore hear my decree: you will be famed in the world by the name Keśava.
AI translation rendered from the Sanskrit, not a published edition
HV 67.59
स्वस्त्य् अस्तु भवतो लोके साधयाम्य् अहम् आशुगः कृत्यशेषं च ते कार्यं शक्तस् त्वम् असि माचिरम्
svasty astu bhavato loke sādhayāmy aham āśugaḥ kṛtyaśeṣaṃ ca te kāryaṃ śaktas tvam asi māciram
May there be well-being for you in the world; I, swift-moving, take my leave. The rest of the work you have to do — you are able to do it; delay not.
AI translation rendered from the Sanskrit, not a published edition
HV 67.60
त्वयि कार्यान्तरगते नरा इव दिवौकसः विडम्बयन्तः क्रीडन्ति लीलां त्वद्बलम् आश्रिताः
tvayi kāryāntaragate narā iva divaukasaḥ viḍambayantaḥ krīḍanti līlāṃ tvadbalam āśritāḥ
While you are engaged in other tasks, the dwellers of heaven, like men, imitating (you), play their sport, relying on your strength.
AI translation rendered from the Sanskrit, not a published edition — the model flagged this verse as uncertain
HV 67.61
अभ्याशे वर्तते कालो भारतस्याहवोदधेः हस्तप्राप्तानि युद्धानि राज्ञां त्रिदिवगामिनाम्
abhyāśe vartate kālo bhāratasyāhavodadheḥ hastaprāptāni yuddhāni rājñāṃ tridivagāminām
The time of the Bhārata (war), that ocean of battle, is near at hand; the battles of the kings who are to go to heaven are within reach of the hand.
AI translation rendered from the Sanskrit, not a published edition
HV 67.62
पन्थानः शोधिता व्योम्नि विमानारोहिणोर्ध्वगाः अवकाशा विभज्यन्ते शक्रलोके महीक्षिताम्
panthānaḥ śodhitā vyomni vimānārohiṇordhvagāḥ avakāśā vibhajyante śakraloke mahīkṣitām
The upward-leading paths in the sky have been cleared for those who mount celestial cars; places are being allotted to the earth's rulers in Śakra's world.
AI translation rendered from the Sanskrit, not a published edition
HV 67.63
उग्रसेनसुते शान्ते पदस्थे त्वयि केशव अभितस् तन् महद्युद्धं भविष्यति महीक्षिताम्
ugrasenasute śānte padasthe tvayi keśava abhitas tan mahadyuddhaṃ bhaviṣyati mahīkṣitām
When the son of Ugrasena has been quelled and you, Keśava, are established in (his) place, that great war of kings will come about on every side.
AI translation rendered from the Sanskrit, not a published edition
HV 67.64
त्वां चाप्रतिमकर्माणं संश्रयिष्यन्ति पार्थिवाः भेदकाले नरेन्द्राणां पक्षग्राहो भविष्यसि
tvāṃ cāpratimakarmāṇaṃ saṃśrayiṣyanti pārthivāḥ bhedakāle narendrāṇāṃ pakṣagrāho bhaviṣyasi
And the princes will take refuge in you, whose deeds are unmatched; at the time of the splitting apart of the kings you will become a taker of sides.
AI translation rendered from the Sanskrit, not a published edition
HV 67.65
त्वयि राजासनस्थे हि राजश्रीं वहति प्रभो श्रियं त्यक्ष्यन्ति राजानस् त्वत्प्रभावान् न संशयः
tvayi rājāsanasthe hi rājaśrīṃ vahati prabho śriyaṃ tyakṣyanti rājānas tvatprabhāvān na saṃśayaḥ
For when you are seated on the royal seat, bearing the royal splendour, O lord, the kings will let go of their splendour because of your power — there is no doubt.
AI translation rendered from the Sanskrit, not a published edition
HV 67.66
एष मे कृष्ण संदेशः श्रुतिभिः ख्यातिम् एष्यसि देवतानां दिविस्थानां जगतश् च जगत्पते
eṣa me kṛṣṇa saṃdeśaḥ śrutibhiḥ khyātim eṣyasi devatānāṃ divisthānāṃ jagataś ca jagatpate
This is my message, Kṛṣṇa: through the sacred hearings you will attain renown among the gods who dwell in heaven and in the world, O lord of the world.
AI translation rendered from the Sanskrit, not a published edition
HV 67.68
दृष्टं मे भवतः कर्म दृष्टश् चासि मया प्रभो कंसे भूयः समेष्यामि शासिते साधयाम्य् अहम् ॥ ह्व्_६७।६७ बहुनापि किम् उक्तेन पाहि विप्रान् यथासुखम् । जानामि त्वां महाबाहो देवानाम् अपि दैवतम् । एवम् उक्त्वा तु स तदा नारदः खं जगाम ह । नारदस्य वचः श्रुत्वा देवसंगीतयोगिनः तथेति स समाभाष्य पुनर् गोपान् समासदत् । गोपान् कृष्णः समासाद्य व्रजम् एव विवेष ह
dṛṣṭaṃ me bhavataḥ karma dṛṣṭaś cāsi mayā prabho kaṃse bhūyaḥ sameṣyāmi śāsite sādhayāmy aham // HV_67.67 bahunāpi kim uktena pāhi viprān yathāsukham | jānāmi tvāṃ mahābāho devānām api daivatam | evam uktvā tu sa tadā nāradaḥ khaṃ jagāma ha | nāradasya vacaḥ śrutvā devasaṃgītayoginaḥ tatheti sa samābhāṣya punar gopān samāsadat | gopān kṛṣṇaḥ samāsādya vrajam eva viveṣa ha
Your deed has been seen by me, and you have been seen by me, O lord. I shall meet (you) again when Kaṃsa has been chastised; (now) I take my leave. // What use is much talking? Protect the brahmins as you please. I know you, mighty-armed one, to be the deity even of the gods. Having spoken thus, Nārada then went off into the sky. And he (Kṛṣṇa), hearing the words of Nārada, who is skilled in the music of the gods, said "So be it," and went back to the cowherds; and having rejoined the cowherds, Kṛṣṇa entered the cow-station.
AI translation rendered from the Sanskrit, not a published edition