Harivamsha — Chapter 45
HV 45.1
नारदस्य वचः श्रुत्वा सस्मितं मधुसूदनः प्रत्युवाच शुभं वाक्यं वरेण्यः प्रभुर् ईश्वरः
nāradasya vacaḥ śrutvā sasmitaṃ madhusūdanaḥ pratyuvāca śubhaṃ vākyaṃ vareṇyaḥ prabhur īśvaraḥ
Having heard Nārada's words, the slayer of Madhu, the most excellent, the mighty lord, replied with a smile in auspicious speech:
AI translation rendered from the Sanskrit, not a published edition
HV 45.2
त्रैलोक्यस्य हितार्थाय यन् मा वदसि नारद तस्य सम्यक्प्रवृत्तस्य श्रूयताम् उत्तरं वचः
trailokyasya hitārthāya yan mā vadasi nārada tasya samyakpravṛttasya śrūyatām uttaraṃ vacaḥ
"As to what you tell me for the welfare of the three worlds, Nārada, let the answering word to that well-intentioned (speech) be heard.
AI translation rendered from the Sanskrit, not a published edition
HV 45.3
विदिता देहिनो जाता मयैते भुवि दानवाः यां यां तनुं समास्थाय दैत्यः पुष्यति विग्रहम्
viditā dehino jātā mayaite bhuvi dānavāḥ yāṃ yāṃ tanuṃ samāsthāya daityaḥ puṣyati vigraham
Known to me are these Dānavas, born on earth with bodies, and whatever body a Daitya takes on to nourish his frame.
AI translation rendered from the Sanskrit, not a published edition
HV 45.4
जानामि कंसं संभूतम् उग्रसेनसुतं भुवि केशिनं चापि जानामि दैत्यं तुरगविग्रहम्
jānāmi kaṃsaṃ saṃbhūtam ugrasenasutaṃ bhuvi keśinaṃ cāpi jānāmi daityaṃ turagavigraham
I know Kaṃsa, born as the son of Ugrasena on earth, and I also know the Daitya Keśin, whose form is a horse;
AI translation rendered from the Sanskrit, not a published edition
HV 45.5
हस्तिनं चोत्पलापीडं मल्लौ चाणूरमुष्टिकौ अरिष्टं चैव जानामि दैत्यं वृषभरूपिणम्
hastinaṃ cotpalāpīḍaṃ mallau cāṇūramuṣṭikau ariṣṭaṃ caiva jānāmi daityaṃ vṛṣabharūpiṇam
and the elephant Utpalāpīḍa, and the two wrestlers Cāṇūra and Muṣṭika, and I also know the Daitya Ariṣṭa, who has the form of a bull;
AI translation rendered from the Sanskrit, not a published edition
HV 45.6
विदितो मे खरश् चैव प्रलम्बश् च महासुरः सा च मे विदिता विप्र पूतना दुहिता बलेः
vidito me kharaś caiva pralambaś ca mahāsuraḥ sā ca me viditā vipra pūtanā duhitā baleḥ
I know Khara too, and Pralamba the great demon; and I know her, brahmin — Pūtanā, the daughter of Bali.
AI translation rendered from the Sanskrit, not a published edition
HV 45.7
कालियं चापि जानामि यमुनाह्रदगोचरम् वैनतेयभयाद् विप्र सर्पम् अज्ञातरूपिणम्
kāliyaṃ cāpi jānāmi yamunāhradagocaram vainateyabhayād vipra sarpam ajñātarūpiṇam
I know Kāliya too, who dwells in the pool of the Yamunā, brahmin — the serpent who keeps his form unknown out of fear of Vinatā's son (Garuḍa).
AI translation rendered from the Sanskrit, not a published edition
HV 45.9
विदितो मे जरासंधः स्थितो मूर्ध्नि महीक्षिताम् प्राग्ज्योतिषपुरे चापि नरकं साधु तर्कये ॥ ह्व्_४५।८ मानुषे पार्थिवे लोके मानुषत्वम् उपागतम् । बाणं च शोणितपुरे गुहप्रतिमतेजसम् । दृप्तं बाहुसहस्रेण देवैर् अपि सुदुर्जयम् । शिशुपालं च जानामि तौ हंसडिमकौ तथा । जानामि पौण्ड्रं साल्वं च तं कालयवनं तथा ॥ एकलव्यं च जानामि ये चान्ये दुष्टचारिणः । तान् सर्वान् निहनिष्यामि नात्र कार्या विचारणा । मय्य् आसक्तां च जानामि भारतीं महतीं धुरम् तच् च सर्वं विजानामि यथा स्थास्यन्ति ते नृपाः
vidito me jarāsaṃdhaḥ sthito mūrdhni mahīkṣitām prāgjyotiṣapure cāpi narakaṃ sādhu tarkaye // HV_45.8 mānuṣe pārthive loke mānuṣatvam upāgatam | bāṇaṃ ca śoṇitapure guhapratimatejasam | dṛptaṃ bāhusahasreṇa devair api sudurjayam | śiśupālaṃ ca jānāmi tau haṃsaḍimakau tathā | jānāmi pauṇḍraṃ sālvaṃ ca taṃ kālayavanaṃ tathā || ekalavyaṃ ca jānāmi ye cānye duṣṭacāriṇaḥ | tān sarvān nihaniṣyāmi nātra kāryā vicāraṇā | mayy āsaktāṃ ca jānāmi bhāratīṃ mahatīṃ dhuram tac ca sarvaṃ vijānāmi yathā sthāsyanti te nṛpāḥ
I know Jarāsaṃdha, who stands at the head of the rulers of the earth; and in the city of Prāgjyotiṣa I rightly reckon Naraka too, come to human status in the earthly human world; and Bāṇa in Śoṇitapura, whose energy matches Guha's, proud with his thousand arms, very hard to conquer even for the gods; and I know Śiśupāla, and those two, Haṃsa and Ḍimaka; and I know Pauṇḍra and Sālva, and that Kālayavana; and I know Ekalavya, and the others who walk in evil. All of them I shall slay — no deliberation is needed here. And I know that great burden of Bhārata resting upon me, and I know all that, how those kings will stand.
AI translation rendered from the Sanskrit, not a published edition
HV 45.10
क्षयो भुवि मया दृष्टः शक्रलोके च सत्क्रिया तेषां पुरुषदेहानाम् अपरावृत्तिवर्तिनाम्
kṣayo bhuvi mayā dṛṣṭaḥ śakraloke ca satkriyā teṣāṃ puruṣadehānām aparāvṛttivartinām
By me destruction has been seen on earth, and honouring in Śakra's world, for those bodies of men that go without turning back.
AI translation rendered from the Sanskrit, not a published edition — the model flagged this verse as uncertain
HV 45.11
संप्रवेक्ष्याम्य् अहं योगम् आत्मनश् च परस्य च संप्राप्य पार्थिवं लोकं मानुषत्वम् उपागतः
saṃpravekṣyāmy ahaṃ yogam ātmanaś ca parasya ca saṃprāpya pārthivaṃ lokaṃ mānuṣatvam upāgataḥ
I shall enter into the union of myself and of the other, having reached the earthly world and come to human status.
AI translation rendered from the Sanskrit, not a published edition — the model flagged this verse as uncertain
HV 45.12
कंसादींश् चापि तान् सर्वान् वधिष्यामि महासुरान् तेन तेन विधानेन येन यः शान्तिम् एष्यति
kaṃsādīṃś cāpi tān sarvān vadhiṣyāmi mahāsurān tena tena vidhānena yena yaḥ śāntim eṣyati
And I shall kill all those great demons beginning with Kaṃsa, each by that very method by which each will come to his end.
AI translation rendered from the Sanskrit, not a published edition
HV 45.13
अनुप्रविश्य योगेन तास् ता हि गतयो मम अमीषाम् अमरेन्द्राणां हन्तव्या रिपवो युधि
anupraviśya yogena tās tā hi gatayo mama amīṣām amarendrāṇāṃ hantavyā ripavo yudhi
For having entered in by yoga, those various courses are mine; the enemies of these lords of the immortals are to be slain in battle.
AI translation rendered from the Sanskrit, not a published edition — the model flagged this verse as uncertain
HV 45.14
जगत्यर्थे कृतो यो ऽयम् अंशोत्सर्गो महात्मभिः सुरदेवर्षिगन्धर्वैर् एतच् चानुमतं मम
jagatyarthe kṛto yo 'yam aṃśotsargo mahātmabhiḥ suradevarṣigandharvair etac cānumataṃ mama
This casting-forth of portions that has been made by the great-souled ones for the sake of the world — by the gods, the divine seers and the gandharvas — this too is approved by me.
AI translation rendered from the Sanskrit, not a published edition
HV 45.15
विनिश्चयो हि प्राग् एव नारदायं कृतो मया निवासं तु न मे ब्रह्मा विदधाति पितामहः
viniścayo hi prāg eva nāradāyaṃ kṛto mayā nivāsaṃ tu na me brahmā vidadhāti pitāmahaḥ
For indeed the decision was made by me long before, to Nārada; but Brahmā, the grandfather, does not appoint a dwelling for me.
AI translation rendered from the Sanskrit, not a published edition
HV 45.16
यत्र देशे यथा जातो येन वेषेण वा वसन् तान् अहं समरे हन्यां तन् मे ब्रूहि पितामह
yatra deśe yathā jāto yena veṣeṇa vā vasan tān ahaṃ samare hanyāṃ tan me brūhi pitāmaha
In what region, born in what manner, or dwelling in what guise, I might slay them in battle — tell me that, grandfather.
AI translation rendered from the Sanskrit, not a published edition
HV 45.17
नारायणेमं सिद्धार्थम् उपायं शृणु मे विभो भुवि यस् ते जनयिता जननी च भविष्यति
nārāyaṇemaṃ siddhārtham upāyaṃ śṛṇu me vibho bhuvi yas te janayitā jananī ca bhaviṣyati
Nārāyaṇa, hear from me this means of accomplishing the aim, O mighty one — who on earth will be your father and who your mother.
AI translation rendered from the Sanskrit, not a published edition
HV 45.18
यत्र वै त्वं महाबाहो जातः कुलकरो भुवि यादवानां महद्वंशम् अखिलं धारयिष्यसि
yatra vai tvaṃ mahābāho jātaḥ kulakaro bhuvi yādavānāṃ mahadvaṃśam akhilaṃ dhārayiṣyasi
There indeed, O mighty-armed one, born on earth as the founder of a family, you will uphold the whole great lineage of the Yādavas.
AI translation rendered from the Sanskrit, not a published edition
HV 45.19
तांश् चासुरान् समुत्साद्य वंशं कृत्वात्मनो महत् स्थापयिष्यसि मर्यादां नृणां तन् मे निशामय
tāṃś cāsurān samutsādya vaṃśaṃ kṛtvātmano mahat sthāpayiṣyasi maryādāṃ nṛṇāṃ tan me niśāmaya
And having destroyed those asuras and made your own lineage great, you will establish the bounds of conduct for men — hear that from me.
AI translation rendered from the Sanskrit, not a published edition
HV 45.20
पुरा हि कश्यपो विष्णो वरुणस्य महात्मनः जहार यज्ञिया गावः पयोदाश् च महामखे
purā hi kaśyapo viṣṇo varuṇasya mahātmanaḥ jahāra yajñiyā gāvaḥ payodāś ca mahāmakhe
For formerly, O Viṣṇu, at a great sacrifice Kaśyapa carried off the sacrificial cows, the milk-givers, of the great-souled Varuṇa.
AI translation rendered from the Sanskrit, not a published edition
HV 45.21
अदितिः सुरभिश् चोभे द्वे भार्ये कश्यपस्य तु प्रदीयमाना गास् तास् तु नैच्छतां वरुणस्य वै
aditiḥ surabhiś cobhe dve bhārye kaśyapasya tu pradīyamānā gās tās tu naicchatāṃ varuṇasya vai
Now Aditi and Surabhi, both of them, the two wives of Kaśyapa — when the cows were being given back to Varuṇa, they did not wish it.
AI translation rendered from the Sanskrit, not a published edition
HV 45.22
ततो मां वरुणो ऽभ्येत्य प्रणम्य शिरसानतः उवाच भगवन् गावो गुरुणा मे हृता इति
tato māṃ varuṇo 'bhyetya praṇamya śirasānataḥ uvāca bhagavan gāvo guruṇā me hṛtā iti
Then Varuṇa came to me and, bowing his head, said: "Lord, my cows have been carried off by (my) teacher."
AI translation rendered from the Sanskrit, not a published edition
HV 45.23
कृतकार्यो हि गास् तास् तु नानुजानाति मे गुरुः अन्ववर्तत भार्ये द्वे अदितिं सुरभिं तथा
kṛtakāryo hi gās tās tu nānujānāti me guruḥ anvavartata bhārye dve aditiṃ surabhiṃ tathā
"Though his purpose is accomplished, my teacher does not release those cows to me; he complied with his two wives, Aditi and likewise Surabhi."
AI translation rendered from the Sanskrit, not a published edition
HV 45.24
मम ता ह्य् अक्षया गावो दिव्याः कामदुघा विभो चरन्ति सगारान् सर्वान् रक्षिताः स्वेन तेजसा
mama tā hy akṣayā gāvo divyāḥ kāmadughā vibho caranti sagārān sarvān rakṣitāḥ svena tejasā
"For those cows of mine are imperishable, divine, yielding what is desired, O mighty one; guarded by their own splendour they roam through all the regions."
AI translation rendered from the Sanskrit, not a published edition — the model flagged this verse as uncertain
HV 45.25
कस् ता धर्षयितुं शक्तो मम गाः कश्यपाद् ऋते अक्षयं याः क्षरन्त्य् अग्रं पयो देवामृतोपमम्
kas tā dharṣayituṃ śakto mama gāḥ kaśyapād ṛte akṣayaṃ yāḥ kṣaranty agraṃ payo devāmṛtopamam
"Who but Kaśyapa is able to violate those cows of mine, which pour out inexhaustibly the finest milk, like the gods' nectar?"
AI translation rendered from the Sanskrit, not a published edition
HV 45.26
प्रभुर् वा व्युत्थितो ब्रह्मन् गुरुर् वा यदि वेतरः त्वया नियम्याः सर्वे वै त्वं हि नः परमा गतिः
prabhur vā vyutthito brahman gurur vā yadi vetaraḥ tvayā niyamyāḥ sarve vai tvaṃ hi naḥ paramā gatiḥ
"Whether it be a lord who has risen up, O Brahmā, or a teacher, or another — all are to be restrained by you, for you are our highest recourse."
AI translation rendered from the Sanskrit, not a published edition
HV 45.27
यदि प्रभवतां दण्डो लोके कार्यम् अजानताम् न विद्यते लोकगुरो न स्युर् वै लोकसेतवः
yadi prabhavatāṃ daṇḍo loke kāryam ajānatām na vidyate lokaguro na syur vai lokasetavaḥ
"If, O teacher of the world, there exists no punishment for the powerful in the world when they do not know their duty, then there would be no dikes for the world."
AI translation rendered from the Sanskrit, not a published edition
HV 45.28
यथा वास्तु तथा वास्तु कर्तव्ये भगवान् प्रभुः मम गावः प्रतीयन्तां ततो गन्तास्मि सागरम्
yathā vāstu tathā vāstu kartavye bhagavān prabhuḥ mama gāvaḥ pratīyantāṃ tato gantāsmi sāgaram
"Be it as it may be — in what is to be done the Blessed One is the master; let my cows be restored to me, and then I shall go to the ocean."
AI translation rendered from the Sanskrit, not a published edition
HV 45.29
यस् ते ऽत्मा देवता गावो या गावः स त्वम् अव्ययम् लोकानां त्वत्प्रवृत्तानाम् एकं गोब्राह्मणं स्मृतम्
yas te 'tmā devatā gāvo yā gāvaḥ sa tvam avyayam lokānāṃ tvatpravṛttānām ekaṃ gobrāhmaṇaṃ smṛtam
"Your self is the deity, (and that is) the cows; and what the cows are, that imperishable thing are you. For the worlds that proceed from you, cow-and-brahmin is held to be one."
AI translation rendered from the Sanskrit, not a published edition — the model flagged this verse as uncertain
HV 45.30
त्रातव्याः प्रथमं गावस् त्रातास् त्रायन्ति ता द्विजान् गोब्राह्मणपरित्राणात् परित्रातं जगद् भवेत्
trātavyāḥ prathamaṃ gāvas trātās trāyanti tā dvijān gobrāhmaṇaparitrāṇāt paritrātaṃ jagad bhavet
"Cows are first to be protected; protected, they protect the twice-born; from the protection of cows and brahmins the world would be protected."
AI translation rendered from the Sanskrit, not a published edition
HV 45.31
इत्य् अम्बुपतिना प्रोक्तो वरुणेनाहम् अच्युत गवां कारणतत्त्वज्ञः कश्यपे शापम् उत्सृजम्
ity ambupatinā prokto varuṇenāham acyuta gavāṃ kāraṇatattvajñaḥ kaśyape śāpam utsṛjam
Thus addressed by Varuṇa, the lord of waters, O Acyuta, knowing the true ground of the matter of the cows, I released a curse upon Kaśyapa.
AI translation rendered from the Sanskrit, not a published edition
HV 45.32
येनांशेन हृता गावः कश्यपेन महात्मना स तेनांशेन जगतीं गत्वा गोपत्वम् एष्यति
yenāṃśena hṛtā gāvaḥ kaśyapena mahātmanā sa tenāṃśena jagatīṃ gatvā gopatvam eṣyati
"With whichever portion (of himself) the cows were carried off by the great-souled Kaśyapa, with that portion he shall go to the earth and become a cowherd."
AI translation rendered from the Sanskrit, not a published edition
HV 45.34
या च सा सुरभिर् नाम यादितिश् च सुरारणिः ते ऽप्य् उभे तस्य वै भार्ये सह तेनैव यास्यतः ॥ ह्व्_४५।३३ ताभ्यां सह स गोपत्वे कश्यपो भुवि रंस्यते । तद् अस्य कश्यपस्यांशस् तेजसा कश्यपोपमः वसुदेव इति ख्यातो गोषु तिष्ठति भूतले
yā ca sā surabhir nāma yāditiś ca surāraṇiḥ te 'py ubhe tasya vai bhārye saha tenaiva yāsyataḥ // HV_45.33 tābhyāṃ saha sa gopatve kaśyapo bhuvi raṃsyate | tad asya kaśyapasyāṃśas tejasā kaśyapopamaḥ vasudeva iti khyāto goṣu tiṣṭhati bhūtale
"And she who is named Surabhi, and Aditi who is the kindling-wood of the gods — those two, his wives, shall go along with him. [33] Together with those two he, Kaśyapa, shall take his pleasure on earth in the state of a cowherd." So this portion of Kaśyapa, resembling Kaśyapa in splendour, known as Vasudeva, abides on the earth among the cows.
AI translation rendered from the Sanskrit, not a published edition
HV 45.35
गिरिर् गोवर्धनो नाम मथुरायास् त्व् अदूरतः तत्रासौ गोषु निरतः कंसस्य करदायकः
girir govardhano nāma mathurāyās tv adūrataḥ tatrāsau goṣu nirataḥ kaṃsasya karadāyakaḥ
There is a mountain named Govardhana, not far from Mathurā; there he (Vasudeva) is devoted to cows, a payer of tribute to Kaṃsa.
AI translation rendered from the Sanskrit, not a published edition
HV 45.37
तस्य भार्याद्वयं चैव अदितिः सुरभिस् तथा देवकी रोहिणी चैव वसुदेवस्य धीमतः ॥ ह्व्_४५।३६ सुरभी रोहिणी देवी चादितिर् देवकी त्व् अभूत् । तत्रावतर लोकानां भवाय मधुसूदन जयाशीर्वचनैस् त्व् एते वर्धयन्ति दिवौकसः
tasya bhāryādvayaṃ caiva aditiḥ surabhis tathā devakī rohiṇī caiva vasudevasya dhīmataḥ // HV_45.36 surabhī rohiṇī devī cāditir devakī tv abhūt | tatrāvatara lokānāṃ bhavāya madhusūdana jayāśīrvacanais tv ete vardhayanti divaukasaḥ
And he, the wise Vasudeva, has two wives — Aditi and Surabhi, that is, Devakī and Rohiṇī. // Surabhi became the lady Rohiṇī, and Aditi became Devakī. Descend there for the welfare of the worlds, O slayer of Madhu! And these dwellers in heaven gladden (you) with cries of victory and words of blessing.
AI translation rendered from the Sanskrit, not a published edition
HV 45.38
आत्मानम् आत्मना हि त्वम् अवतार्य महीतलम् देवकीं रोहिणीं चैव गर्भाभ्यां परितोषय
ātmānam ātmanā hi tvam avatārya mahītalam devakīṃ rohiṇīṃ caiva garbhābhyāṃ paritoṣaya
Having yourself brought yourself down to the surface of the earth, gratify Devakī and Rohiṇī with two embryos.
AI translation rendered from the Sanskrit, not a published edition
HV 45.39
तत्र त्वं शिशुर् एवादौ गोपालकृतलक्षणः वर्धयस्व महाबाहो पुरा त्रैविक्रमे यथा
tatra tvaṃ śiśur evādau gopālakṛtalakṣaṇaḥ vardhayasva mahābāho purā traivikrame yathā
There, at first a mere infant bearing the marks of a cowherd, grow up, O mighty-armed one, as formerly in the taking of the three strides.
AI translation rendered from the Sanskrit, not a published edition
HV 45.40
छादयित्वात्मनात्मानं मायया योगरूपया गोपकन्यासहस्राणि रमयंश् चर मेदिनीम्
chādayitvātmanātmānaṃ māyayā yogarūpayā gopakanyāsahasrāṇi ramayaṃś cara medinīm
Concealing yourself by yourself with your māyā in the form of yoga, roam the earth delighting thousands of cowherd girls.
AI translation rendered from the Sanskrit, not a published edition
HV 45.42
गाश् च ते रक्षतो विष्णो वनानि परिधावतः वनमालापरिक्षिप्तं धन्या द्रक्ष्यन्ति ते वपुः ॥ ह्व्_४५।४१ पीताम्बरधरं चैव नीलकुञ्चितमूर्धजम् । वनमालाकृतोरस्कं मयूरव्यजनाकुलम् । विष्णो पद्मपलाशाक्ष गोपालवसतिं गते बाले त्वयि महाबाहो लोको बालत्वम् एष्यति
gāś ca te rakṣato viṣṇo vanāni paridhāvataḥ vanamālāparikṣiptaṃ dhanyā drakṣyanti te vapuḥ // HV_45.41 pītāmbaradharaṃ caiva nīlakuñcitamūrdhajam | vanamālākṛtoraskaṃ mayūravyajanākulam | viṣṇo padmapalāśākṣa gopālavasatiṃ gate bāle tvayi mahābāho loko bālatvam eṣyati
And as you guard the cows, O Viṣṇu, and run about the forests, fortunate ones will behold your body encircled with a forest-garland — // clad in yellow garments, with dark curling hair, its chest adorned with a forest-garland, thronged with peacock-feather fans. O Viṣṇu, lotus-petal-eyed one, when you, mighty-armed, have gone as a child to dwell among the cowherds, the world will attain childhood.
AI translation rendered from the Sanskrit, not a published edition
HV 45.43
त्वद्भक्ताः पुण्डरीकाक्ष तव चित्तवशानुगाः गोषु गोपा भविष्यन्ति सहायाः सततं तव । वने चारयतो गास् तु गोष्ठांश् च परिधावतः मज्जतो यमुनायां च रतिम् आप्स्यन्ति ते त्वयि
tvadbhaktāḥ puṇḍarīkākṣa tava cittavaśānugāḥ goṣu gopā bhaviṣyanti sahāyāḥ satataṃ tava | vane cārayato gās tu goṣṭhāṃś ca paridhāvataḥ majjato yamunāyāṃ ca ratim āpsyanti te tvayi
O lotus-eyed one, devoted to you and obedient to the will of your mind, the cowherds among the cattle will become your constant helpers; and as you pasture the cows in the forest, and run about the cattle-stations, and plunge into the Yamunā, they will find delight in you.
AI translation rendered from the Sanskrit, not a published edition
HV 45.45
जीवितं वसुदेवस्य भविष्यति सुजीवितम् यस् त्वया तात इत्य् उक्तः पुत्र इत्य् एव वक्ष्यति ॥ ह्व्_४५।४४ स हि धन्यतरो लोके यस्य त्वं पुत्रतां गतः । स हि पुण्यकृतां श्रेष्ठो यस् त्वां पुत्रेति कीर्तयेत् ॥ ये नमस्यन्ति देव त्वां गोपालकृतलक्षणम् । ते हि पुण्यकृतां श्रेष्ठाः प्रणम्याः सर्वजन्तुभिः । अथ वा कस्य पुत्रत्वं गच्छेरन् यत्र कश्यपात् का च धारयितुं शक्ता विष्णो त्वाम् अदितिं विना
jīvitaṃ vasudevasya bhaviṣyati sujīvitam yas tvayā tāta ity uktaḥ putra ity eva vakṣyati // HV_45.44 sa hi dhanyataro loke yasya tvaṃ putratāṃ gataḥ | sa hi puṇyakṛtāṃ śreṣṭho yas tvāṃ putreti kīrtayet || ye namasyanti deva tvāṃ gopālakṛtalakṣaṇam | te hi puṇyakṛtāṃ śreṣṭhāḥ praṇamyāḥ sarvajantubhiḥ | atha vā kasya putratvaṃ gaccheran yatra kaśyapāt kā ca dhārayituṃ śaktā viṣṇo tvām aditiṃ vinā
The life of Vasudeva will be a life well lived, since, addressed by you as "father," he will say to you "son." // For he is the more fortunate in the world whose sonship you have entered; and he is the best of doers of merit who would call you "son." Those, O god, who bow to you marked as a cowherd — they indeed are the best of doers of merit, to be saluted by all creatures. Or else, whose sonship should you (all) enter, if not Kaśyapa's? And who, O Viṣṇu, is able to carry you, save Aditi?
AI translation rendered from the Sanskrit, not a published edition
HV 45.47
योगेनात्मसमुत्थेन त्वं गच्छ विजयाय वै वयम् अप्य् आलयं स्वं गच्छामो मधुसूदन ॥ ह्व्_४५।४६ इत्य् उक्त्वा देवदेवेशं ब्रह्मा लोकपितामहः । जगाम स प्रभुर् गेहं देवाश् चापि यथागतम् । स देवान् अभ्यनुज्ञाय विविक्ते त्रिदिवालये जगाम विष्णुः स्वं देशं क्षीरोदस्योत्तरां दिशम्
yogenātmasamutthena tvaṃ gaccha vijayāya vai vayam apy ālayaṃ svaṃ gacchāmo madhusūdana // HV_45.46 ity uktvā devadeveśaṃ brahmā lokapitāmahaḥ | jagāma sa prabhur gehaṃ devāś cāpi yathāgatam | sa devān abhyanujñāya vivikte tridivālaye jagāma viṣṇuḥ svaṃ deśaṃ kṣīrodasyottarāṃ diśam
By the yoga arisen from your own self, go for victory; and we too, O slayer of Madhu, go to our own abode. // Having thus spoken to the lord of the gods of gods, Brahmā, grandfather of the worlds, that lord went to his house, and the gods too as they had come. Having given the gods leave, in a solitary dwelling in heaven Viṣṇu went to his own region, the northern quarter of the milk-ocean.
AI translation rendered from the Sanskrit, not a published edition
HV 45.48
तत्रैव पार्वती नाम गुहा मेरोः सुदुर्गमा त्रिभिस् तस्यैव विक्रान्तैर् नित्यं पर्वसु पूजिता
tatraiva pārvatī nāma guhā meroḥ sudurgamā tribhis tasyaiva vikrāntair nityaṃ parvasu pūjitā
Right there is a cave of Meru named Pārvatī, very hard of access, ever worshipped at the (moon's) junctures by his own three strides.
AI translation rendered from the Sanskrit, not a published edition — the model flagged this verse as uncertain
HV 45.49
पुराणं तत्र विन्यस्य देहं हरिर् उदारधीः आत्मानं योजयाम् आस वसुदेवगृहे प्रभुः
purāṇaṃ tatra vinyasya dehaṃ harir udāradhīḥ ātmānaṃ yojayām āsa vasudevagṛhe prabhuḥ
Having laid aside there his ancient body, Hari of noble mind, the lord, joined himself to the house of Vasudeva.
AI translation rendered from the Sanskrit, not a published edition