Harivamsha — Chapter 38

HV 38.1

पञ्च तं नाभ्यवर्तन्त विपरीतेन कर्मणा वेदो धर्मः क्षमा सत्यं श्रीश् च नारायणाश्रया

pañca taṃ nābhyavartanta viparītena karmaṇā vedo dharmaḥ kṣamā satyaṃ śrīś ca nārāyaṇāśrayā

Five did not attend upon him, because of his contrary conduct: Veda, dharma, forbearance, truth, and Śrī — they whose refuge is Nārāyaṇa.

AI translation rendered from the Sanskrit, not a published edition

HV 38.2

स तेषाम् अनुपस्थानात् सक्रोधो दानवेश्वरः वैष्णवं पदम् अन्विच्छन् ययौ नारायणान्तिकम्

sa teṣām anupasthānāt sakrodho dānaveśvaraḥ vaiṣṇavaṃ padam anvicchan yayau nārāyaṇāntikam

Because they did not attend him, the lord of the dānavas, full of anger, seeking the station of Viṣṇu, went into the presence of Nārāyaṇa.

AI translation rendered from the Sanskrit, not a published edition

HV 38.3

स ददर्श सुपर्णस्थं शङ्खचक्रगदाधरम् दानवानां विनाशाय भ्रामयन्तं गदां शुभाम्

sa dadarśa suparṇasthaṃ śaṅkhacakragadādharam dānavānāṃ vināśāya bhrāmayantaṃ gadāṃ śubhām

He saw (him) seated on Suparṇa, bearing conch, discus and club, whirling his splendid club for the destruction of the dānavas,

AI translation rendered from the Sanskrit, not a published edition

HV 38.4

सजलाम्भोदसदृशं विद्युत्सदृशवाससम् स्वारूढं स्वर्णपत्राढ्यं शिखिनं काश्यपं खगम्

sajalāmbhodasadṛśaṃ vidyutsadṛśavāsasam svārūḍhaṃ svarṇapatrāḍhyaṃ śikhinaṃ kāśyapaṃ khagam

resembling a rain-laden cloud, his garment like lightning, well mounted on the crested bird, the son of Kaśyapa, rich with golden feathers.

AI translation rendered from the Sanskrit, not a published edition

HV 38.5

दृष्ट्वा दैत्यविनाशाय रणे स्वस्थम् अवस्थितम् दानवो विष्णुम् अक्षोभ्यं बभाषे क्षुब्धमानसः

dṛṣṭvā daityavināśāya raṇe svastham avasthitam dānavo viṣṇum akṣobhyaṃ babhāṣe kṣubdhamānasaḥ

Seeing Viṣṇu, who cannot be shaken, stationed at ease in the battle for the destruction of the daityas, the dānava, his mind agitated, spoke.

AI translation rendered from the Sanskrit, not a published edition

HV 38.6

अयं स रिपुर् अस्माकं पूर्वेषां दानवर्षिणाम् अर्णवावासिनश् चैव मधोर् वै कैटभस्य च

ayaṃ sa ripur asmākaṃ pūrveṣāṃ dānavarṣiṇām arṇavāvāsinaś caiva madhor vai kaiṭabhasya ca

"This is he, the enemy of us and of our forebears, the Dānava seers, and of Madhu and Kaiṭabha who dwelt in the ocean.

AI translation rendered from the Sanskrit, not a published edition

HV 38.7

अयं स विग्रहो ऽस्माकम् अशाम्यः किल कथ्यते येन नः संयुगेष्व् अद्य बहवो दानवा हताः

ayaṃ sa vigraho 'smākam aśāmyaḥ kila kathyate yena naḥ saṃyugeṣv adya bahavo dānavā hatāḥ

This is that quarrel of ours which is said to be unappeasable indeed, by which many Dānavas of ours have to this day been slain in battles.

AI translation rendered from the Sanskrit, not a published edition

HV 38.8

अयं स निर्घृणो युद्धे स्त्रीबालनिरपत्रपः येन दानवनारीणां सीमन्तोद्धरणं कृतम्

ayaṃ sa nirghṛṇo yuddhe strībālanirapatrapaḥ yena dānavanārīṇāṃ sīmantoddharaṇaṃ kṛtam

This is he, the pitiless one in battle, who has no shame before women and children, by whom the parting-line (of the hair) of the Dānava women was torn away.

AI translation rendered from the Sanskrit, not a published edition

HV 38.9

अयं स विष्णुर् देवानां वैकुण्ठश् च दिवौकसाम् अनन्तो भोगिनाम् अप्सु स्वयंभूश् च स्वयंभुवः

ayaṃ sa viṣṇur devānāṃ vaikuṇṭhaś ca divaukasām ananto bhoginām apsu svayaṃbhūś ca svayaṃbhuvaḥ

This is he: Viṣṇu among the gods, and Vaikuṇṭha among the dwellers in heaven, Ananta among the serpents in the waters, and the Self-existent among the self-existent ones.

AI translation rendered from the Sanskrit, not a published edition

HV 38.10

अयं स नाथो देवानाम् अस्माभिर् विप्रकृष्यताम् अस्य क्रोधं समासाद्य हिरण्यकशिपुर् हतः

ayaṃ sa nātho devānām asmābhir viprakṛṣyatām asya krodhaṃ samāsādya hiraṇyakaśipur hataḥ

This is he, the lord of the gods — let him be dragged away by us! It was by meeting his wrath that Hiraṇyakaśipu was slain.

AI translation rendered from the Sanskrit, not a published edition

HV 38.11

अस्य च्छायां समाश्रित्य देवा मखमुखे स्थिताः आज्यं महर्षिभिर् दत्तम् अश्नुवन्ति त्रिधा हुतम्

asya cchāyāṃ samāśritya devā makhamukhe sthitāḥ ājyaṃ maharṣibhir dattam aśnuvanti tridhā hutam

Taking refuge in his shade, the gods stand at the front of the sacrifice and consume the ghee given by the great seers, offered in three ways.

AI translation rendered from the Sanskrit, not a published edition

HV 38.12

अयं स निधने हेतुः सर्वेषां दैतवद्विषाम् अस्य चक्रं प्रविष्टानि कुलान्य् अस्माकम् आहवे

ayaṃ sa nidhane hetuḥ sarveṣāṃ daitavadviṣām asya cakraṃ praviṣṭāni kulāny asmākam āhave

This is he, the cause of the destruction of all who hate the Daityas' (foes) — into his discus our families have entered in battle.

AI translation rendered from the Sanskrit, not a published edition — the model flagged this verse as uncertain

HV 38.13

अयं स किल युद्धेषु सुरार्थे त्यक्तजीवितः सवितुस् तेजसा तुल्यं चक्रं क्षिपति शत्रुषु

ayaṃ sa kila yuddheṣu surārthe tyaktajīvitaḥ savitus tejasā tulyaṃ cakraṃ kṣipati śatruṣu

This is he who in battles, they say, has given up his life for the gods' sake, and who hurls at his enemies a discus equal to the splendour of the sun.

AI translation rendered from the Sanskrit, not a published edition

HV 38.14

अयं स कालो दैत्यानां कालभूते मयि स्थिते अतिक्रान्तस्य कालस्य फलं प्राप्स्यति दुर्मतिः

ayaṃ sa kālo daityānāṃ kālabhūte mayi sthite atikrāntasya kālasya phalaṃ prāpsyati durmatiḥ

This is the (fated) time of the Daityas, now that I, who am Time itself, am here; the fool will reap the fruit of the time that has passed.

AI translation rendered from the Sanskrit, not a published edition

HV 38.15

दिष्ट्येदानीं समक्षं मे विष्णुर् एष समागतः अद्य मद्बाणनिष्पिष्टो मय्य् एव प्रणमिष्यति

diṣṭyedānīṃ samakṣaṃ me viṣṇur eṣa samāgataḥ adya madbāṇaniṣpiṣṭo mayy eva praṇamiṣyati

By good fortune this Viṣṇu has now come right before my eyes; today, crushed by my arrows, he will bow down to me alone.

AI translation rendered from the Sanskrit, not a published edition

HV 38.16

यास्याम्य् अपचितिं दिष्ट्या पूर्वेषाम् अद्य संयुगे इमं नारायणं हत्वा दानवानां भयावहम्

yāsyāmy apacitiṃ diṣṭyā pūrveṣām adya saṃyuge imaṃ nārāyaṇaṃ hatvā dānavānāṃ bhayāvaham

By good fortune I shall today in battle attain requital for my forebears, having slain this Nārāyaṇa, the terror of the Dānavas.

AI translation rendered from the Sanskrit, not a published edition

HV 38.17

क्षिप्रम् एव वधिष्यामि रणे नारायणं शैरैः जात्यन्तरगतो ह्य् एष मृधे बाधति दानवान्

kṣipram eva vadhiṣyāmi raṇe nārāyaṇaṃ śairaiḥ jātyantaragato hy eṣa mṛdhe bādhati dānavān

Swiftly indeed shall I slay Nārāyaṇa in battle with arrows, for he, having passed into another birth, harasses the Dānavas in combat.

AI translation rendered from the Sanskrit, not a published edition

HV 38.19

एषो ऽन्तकः पुरा भूत्वा पद्मनाभ इति स्मृतः जघानैकार्णवे घोरे ताव् उभौ मधुकैटभौ ॥ ह्व्_३८।१८ विनिवेश्य स्वके ऊरौ निहतौ दानवेश्वरौ । द्विधाभूतं वपुः कृत्वा सिंहार्धं नरसंस्थितम् पितरं मे जघानैको हिरण्यकशिपुं पुरा

eṣo 'ntakaḥ purā bhūtvā padmanābha iti smṛtaḥ jaghānaikārṇave ghore tāv ubhau madhukaiṭabhau // HV_38.18 viniveśya svake ūrau nihatau dānaveśvarau | dvidhābhūtaṃ vapuḥ kṛtvā siṃhārdhaṃ narasaṃsthitam pitaraṃ me jaghānaiko hiraṇyakaśipuṃ purā

He, becoming the ender in former times, known as Padmanābha, slew in the dreadful single ocean those two, Madhu and Kaiṭabha — placing the two slain lords of the Dānavas upon his own thighs; and making his body twofold, half lion and set in human form, he alone in former times slew my father Hiraṇyakaśipu.

AI translation rendered from the Sanskrit, not a published edition

HV 38.20

शुभं गर्भम् अधत्तैनम् अदितिर् देवतारणिः यज्ञकाले बलेर् यो वै कृत्वा वामनरूपताम् । त्रींल् लोकांश् च जहारैष क्रममाणस् त्रिभिः क्रमैः

śubhaṃ garbham adhattainam aditir devatāraṇiḥ yajñakāle baler yo vai kṛtvā vāmanarūpatām | trīṃl lokāṃś ca jahāraiṣa kramamāṇas tribhiḥ kramaiḥ

Aditi, the fire-stick of the gods, bore him as an auspicious embryo — he who indeed, at the time of Bali's sacrifice, taking on the form of a dwarf, seized the three worlds, striding with three strides.

AI translation rendered from the Sanskrit, not a published edition

HV 38.21

भूयस् त्व् इदानीं समरे संप्राप्ते तारकामये मया सह समागम्य सदेवो विनशिष्यति

bhūyas tv idānīṃ samare saṃprāpte tārakāmaye mayā saha samāgamya sadevo vinaśiṣyati

But now once more, when the battle called Tārakāmaya has arrived, having encountered me he will perish along with the gods.

AI translation rendered from the Sanskrit, not a published edition

HV 38.22

स एवम् उक्त्वा बहुधा क्षिपन् नारायणं रणे वाग्भिर् अप्रतिरूपाभिर् युद्धम् एवाभ्यरोचयत्

sa evam uktvā bahudhā kṣipan nārāyaṇaṃ raṇe vāgbhir apratirūpābhir yuddham evābhyarocayat

Having spoken thus and reviling Nārāyaṇa in many ways in the battle with unseemly words, he took delight in fighting itself.

AI translation rendered from the Sanskrit, not a published edition

HV 38.23

क्षिप्यमाणो ऽसुरेन्द्रेण य चुकोप गदाधरः क्षमाबलेन मनसा सस्मितं वाक्यम् अब्रवीत्

kṣipyamāṇo 'surendreṇa ya cukopa gadādharaḥ kṣamābalena manasā sasmitaṃ vākyam abravīt

Though reviled by the lord of the Asuras, the wielder of the mace did not grow angry; with a mind (endowed) with the strength of patience he spoke these words with a smile.

AI translation rendered from the Sanskrit, not a published edition

HV 38.24

अलं दर्पबलं दैत्य स्थिरं मत्क्रोधजं बलम् हतस् त्वं दर्पजैर् दोषैः क्षमां यो ऽतीत्य भाषसे

alaṃ darpabalaṃ daitya sthiraṃ matkrodhajaṃ balam hatas tvaṃ darpajair doṣaiḥ kṣamāṃ yo 'tītya bhāṣase

"Enough of the strength of arrogance, Daitya; steady is the strength born of my wrath. You are (already) slain by the faults born of arrogance, you who speak passing beyond forbearance.

AI translation rendered from the Sanskrit, not a published edition

HV 38.25

अधमस् त्वं मम मतो धिग् एतत् तव वाग्बलम् न तत्र पुरुषाः सन्ति यत्र गर्जन्ति योषितः

adhamas tvaṃ mama mato dhig etat tava vāgbalam na tatra puruṣāḥ santi yatra garjanti yoṣitaḥ

You are reckoned base by me; shame on this verbal strength of yours! There are no men there where women roar.

AI translation rendered from the Sanskrit, not a published edition

HV 38.26

अहं त्वां दैत्य पश्यामि पूर्वेषां मार्गगामिनम् प्रजापतिकृतं सेतुं को भित्त्वा स्वस्तिमान् व्रजेत्

ahaṃ tvāṃ daitya paśyāmi pūrveṣāṃ mārgagāminam prajāpatikṛtaṃ setuṃ ko bhittvā svastimān vrajet

I see you, Daitya, going the way of your forebears. Who could break the dam made by Prajāpati and go safely away?

AI translation rendered from the Sanskrit, not a published edition

HV 38.27

अद्य त्वां नाशयिष्यामि देवव्याघातकारिणम् स्वेषु स्वेषु च स्थानेषु स्थापयिष्यामि देवताः

adya tvāṃ nāśayiṣyāmi devavyāghātakāriṇam sveṣu sveṣu ca sthāneṣu sthāpayiṣyāmi devatāḥ

Today I will destroy you, who work obstruction against the gods, and I will establish the deities each in his own place.

AI translation rendered from the Sanskrit, not a published edition

HV 38.28

एवं ब्रुवति वाक्यं तु मृधे श्रीवत्सधारिणि जहास दानवः क्रोधाद् धस्तांश् चक्रे च सायुधान्

evaṃ bruvati vākyaṃ tu mṛdhe śrīvatsadhāriṇi jahāsa dānavaḥ krodhād dhastāṃś cakre ca sāyudhān

But as the bearer of the Śrīvatsa was speaking these words in the battle, the Dānava laughed in anger and made his hands take up weapons.

AI translation rendered from the Sanskrit, not a published edition

HV 38.29

स बाहुशतम् उद्यम्य सर्वास्त्रग्रहणं रणे क्रोधाद् रुधिररक्ताक्षो विष्णोर् वक्षस्य् अताडयत्

sa bāhuśatam udyamya sarvāstragrahaṇaṃ raṇe krodhād rudhiraraktākṣo viṣṇor vakṣasy atāḍayat

Raising up his hundred arms, which had seized all weapons in the fight, his eyes red with blood, in fury he struck Viṣṇu upon the chest.

AI translation rendered from the Sanskrit, not a published edition

HV 38.30

दानवाश् चापि समरे मयतारपुरोगमाः उद्यतायुधनिस्त्रिंशाः सर्वे विष्णुम् अभिद्रवन्

dānavāś cāpi samare mayatārapurogamāḥ udyatāyudhanistriṃśāḥ sarve viṣṇum abhidravan

And in the battle the Dānavas too, led by Maya and Tāra, all rushed upon Viṣṇu with weapons and swords upraised.

AI translation rendered from the Sanskrit, not a published edition

HV 38.31

स ताड्यमानो ऽतिबलैर् दैत्यैः सर्वायुधोद्यतैः न चचाल हरिर् युद्धे ऽकम्प्यमान इवाचलः

sa tāḍyamāno 'tibalair daityaiḥ sarvāyudhodyataiḥ na cacāla harir yuddhe 'kampyamāna ivācalaḥ

Though struck by those exceedingly mighty Daityas with all their weapons raised, Hari did not stir in the fight, like an unshakable mountain.

AI translation rendered from the Sanskrit, not a published edition

HV 38.32

संसक्तश् च सुपर्णेन कालनेमिर् महासुरः सर्वप्राणेन महतीं गदाम् उद्यम्य बाहुभिः मुमोच ज्वलितां घोरां संरब्धो गरुडोपरि

saṃsaktaś ca suparṇena kālanemir mahāsuraḥ sarvaprāṇena mahatīṃ gadām udyamya bāhubhiḥ mumoca jvalitāṃ ghorāṃ saṃrabdho garuḍopari

And the great Asura Kālanemi, locked in combat with Suparṇa, raising a huge mace with his arms with all his strength, in his fury hurled that blazing, dreadful (mace) upon Garuḍa.

AI translation rendered from the Sanskrit, not a published edition

HV 38.34

कर्मणा तेन दैत्यस्य विष्णुर् विस्मयम् आगमत् स तेन ताडितः पक्षी चचाल च पुनः पुनः । हरिणा वर्धितबलो न मोहम् उपगच्छति । येन तस्य सुपर्णस्य पतिता मूर्ध्नि सा गदा ॥ ह्व्_३८।३३ तदागमत् पदा भूमिं पक्षी व्यथितविग्रहः । लोष्टैः सर्ष्टिशिलाभिश् च वज्रप्रहरणैस् ततः । जघ्नुस् ते समरे विष्णुं गोपालं च महारणे । भ्रमन्तं घूर्णमानं च स्तुतिं देवाः प्रचक्रिरे । जय देव महाबाहो मधुकैटभनाशन । हिरण्यकशिपोर् वक्षो नखलाङ्गलदारण । उत्तस्थौ च रणाद् विष्णुर् अमरैः संस्तुतः पुरा । हतं विष्णुं समाज्ञाय शङ्खं दध्मौ स दानवः । मृदङ्गांश् च त्रिधा तत्र वादयन्तो महासुराः । तालाश्रयाश् च ननृतुर् महोत्सव इवाबभौ । सुपर्णं व्यथितं दृष्ट्वा क्षतं च वपुर् आत्मनः क्रोधात् संरक्तनयनो वैकुण्ठश् चक्रमाददे

karmaṇā tena daityasya viṣṇur vismayam āgamat sa tena tāḍitaḥ pakṣī cacāla ca punaḥ punaḥ | hariṇā vardhitabalo na moham upagacchati | yena tasya suparṇasya patitā mūrdhni sā gadā // HV_38.33 tadāgamat padā bhūmiṃ pakṣī vyathitavigrahaḥ | loṣṭaiḥ sarṣṭiśilābhiś ca vajrapraharaṇais tataḥ | jaghnus te samare viṣṇuṃ gopālaṃ ca mahāraṇe | bhramantaṃ ghūrṇamānaṃ ca stutiṃ devāḥ pracakrire | jaya deva mahābāho madhukaiṭabhanāśana | hiraṇyakaśipor vakṣo nakhalāṅgaladāraṇa | uttasthau ca raṇād viṣṇur amaraiḥ saṃstutaḥ purā | hataṃ viṣṇuṃ samājñāya śaṅkhaṃ dadhmau sa dānavaḥ | mṛdaṅgāṃś ca tridhā tatra vādayanto mahāsurāḥ | tālāśrayāś ca nanṛtur mahotsava ivābabhau | suparṇaṃ vyathitaṃ dṛṣṭvā kṣataṃ ca vapur ātmanaḥ krodhāt saṃraktanayano vaikuṇṭhaś cakramādade

At that deed of the Daitya Viṣṇu was filled with amazement; the bird, struck by him, reeled again and again, (but) his strength being increased by Hari he did not fall into a swoon, (he) upon whose head, Suparṇa's, that mace had fallen. // Then the bird, his body pained, came down with his foot to the earth. Then with clods and with hurled(?) rocks and with thunderbolt-blows they struck Viṣṇu in the battle, and the cowherd in the great fight; and as he whirled and staggered the gods made praise: "Victory, O god of mighty arms, destroyer of Madhu and Kaiṭabha, you who tore open Hiraṇyakaśipu's chest with the plough of your nails!" And Viṣṇu, praised by the immortals as of old, rose up from the battle. Thinking Viṣṇu slain, that Dānava blew his conch, and the great Asuras there, sounding drums in three (rhythms) and keeping the beat, danced, and it looked like a great festival. Seeing Suparṇa in pain and his own body wounded, Vaikuṇṭha, his eyes red with anger, took up his discus.

AI translation rendered from the Sanskrit, not a published edition — the model flagged this verse as uncertain

HV 38.35

व्यवर्धत च वेगेन सुपर्णेन समं विभुः भुजाश् चास्य व्यवर्धन्त व्याप्नुवन्तो दिशो दश

vyavardhata ca vegena suparṇena samaṃ vibhuḥ bhujāś cāsya vyavardhanta vyāpnuvanto diśo daśa

And the Lord swiftly grew in size together with Suparṇa, and his arms grew, filling the ten directions.

AI translation rendered from the Sanskrit, not a published edition

HV 38.36

स दिशः प्रदिशश् चैव खं च गां चैव पूरयन् ववृधे स पुनर् लोकान् क्रान्तुकाम इवौजसा

sa diśaḥ pradiśaś caiva khaṃ ca gāṃ caiva pūrayan vavṛdhe sa punar lokān krāntukāma ivaujasā

Filling the directions and the intermediate directions, and the sky and the earth, he grew again, as if wishing by his might to stride across the worlds.

AI translation rendered from the Sanskrit, not a published edition

HV 38.38

तं जयाय सुरेन्द्राणां वर्धमानं नभस्तले ऋषयः सह गन्धर्वैस् तुष्टुवुर् मधुसूदनम् ॥ ह्व्_३८।३७ नमो ऽस्तु देवदेवेश शङ्खचक्रगदाधर । विष्णो कृष्ण हृषीकेश जहि दैत्यं महाबलम् । नमस् तुभ्यं विरूपाक्ष शंकरस्य जगत्पते । पाहि नः सकलान् अस्माञ् जहि दैत्यं महाबलम् । स द्यां किरीटेन लिखन् साभ्रम् अम्बरम् अम्बरैः पद्भ्याम् आक्रम्य वसुधां दिशः प्रच्छाद्य बाहुभिः

taṃ jayāya surendrāṇāṃ vardhamānaṃ nabhastale ṛṣayaḥ saha gandharvais tuṣṭuvur madhusūdanam // HV_38.37 namo 'stu devadeveśa śaṅkhacakragadādhara | viṣṇo kṛṣṇa hṛṣīkeśa jahi daityaṃ mahābalam | namas tubhyaṃ virūpākṣa śaṃkarasya jagatpate | pāhi naḥ sakalān asmāñ jahi daityaṃ mahābalam | sa dyāṃ kirīṭena likhan sābhram ambaram ambaraiḥ padbhyām ākramya vasudhāṃ diśaḥ pracchādya bāhubhiḥ

As he grew in the vault of heaven, the seers together with the Gandharvas praised him, the slayer of Madhu, for the victory of the chiefs of the gods: // "Homage to you, lord of the gods of gods, bearer of conch, discus and mace; O Viṣṇu, Kṛṣṇa, Hṛṣīkeśa, slay the mighty Daitya! Homage to you, O lord of the world, the odd-eyed one of Śaṃkara(?); protect all of us, slay the mighty Daitya!" — he, scratching the sky with his diadem, the cloud-filled firmament with his garments, treading the earth with his feet, covering the directions with his arms,

AI translation rendered from the Sanskrit, not a published edition — the model flagged this verse as uncertain

HV 38.39

स सूर्यकरतुल्याभं सहस्रारम् अरिक्षयम् दीप्ताग्निसदृशं घोरं दर्शनीयं सुदर्शनम्

sa sūryakaratulyābhaṃ sahasrāram arikṣayam dīptāgnisadṛśaṃ ghoraṃ darśanīyaṃ sudarśanam

(took up) that (discus) whose splendour equalled the sun's rays, thousand-spoked, destroyer of foes, like blazing fire, terrible, fair to look upon, Sudarśana —

AI translation rendered from the Sanskrit, not a published edition

HV 38.40

सुवर्णरेणुपर्यन्तं वज्रनाभं भयावहम् मेदोस्थिमज्जारुधिरैः सिक्तं दानवसंभवैः

suvarṇareṇuparyantaṃ vajranābhaṃ bhayāvaham medosthimajjārudhiraiḥ siktaṃ dānavasaṃbhavaiḥ

edged with golden dust, adamantine at the hub, terrifying, drenched with the fat, bone, marrow and blood that came from the Dānavas,

AI translation rendered from the Sanskrit, not a published edition

HV 38.41

अद्वितीयं प्रहारेषु क्षुरपर्यन्तमण्डलम् स्रग्दाममालाविततं कामगं कामरूपिणम्

advitīyaṃ prahāreṣu kṣuraparyantamaṇḍalam sragdāmamālāvitataṃ kāmagaṃ kāmarūpiṇam

unmatched in its strokes, its rim razor-edged, hung about with garlands and wreaths of flowers, going where it wills and taking what form it wills,

AI translation rendered from the Sanskrit, not a published edition

HV 38.42

स्वयं स्वयंभुवा सृष्टं भयदं सर्वविद्विषाम् महर्षिरोषैर् आविष्टं नित्यम् आहवदर्पितम्

svayaṃ svayaṃbhuvā sṛṣṭaṃ bhayadaṃ sarvavidviṣām maharṣiroṣair āviṣṭaṃ nityam āhavadarpitam

created by the Self-existent himself, giving fear to all enemies, possessed by the wraths of the great seers, ever exulting in battle,

AI translation rendered from the Sanskrit, not a published edition

HV 38.43

क्षेपणाद्यस्य मुह्यन्ति लोकाः सस्थाणुजंगमाः क्रव्यादानि च भूतानि तृप्तिं यान्ति महामृधे

kṣepaṇādyasya muhyanti lokāḥ sasthāṇujaṃgamāḥ kravyādāni ca bhūtāni tṛptiṃ yānti mahāmṛdhe

at whose very hurling the worlds with their fixed and moving things are bewildered, and the flesh-eating creatures attain satisfaction in the great fray —

AI translation rendered from the Sanskrit, not a published edition

HV 38.44

तम् अप्रतिमकर्माणं समानं सूर्यवर्चसा चक्रम् उद्यस्य समरे क्रोधदीप्तो गदाधरः

tam apratimakarmāṇaṃ samānaṃ sūryavarcasā cakram udyasya samare krodhadīpto gadādharaḥ

raising that discus of incomparable action, equal to the sun in brilliance, in the battle, the mace-bearer, blazing with anger,

AI translation rendered from the Sanskrit, not a published edition

HV 38.45

संमुष्णन् दानवं तेजः समरे स्वेन तेजसा चिच्छेद बाहूंश् चक्रेण श्रीधरः कालनेमिनः

saṃmuṣṇan dānavaṃ tejaḥ samare svena tejasā ciccheda bāhūṃś cakreṇa śrīdharaḥ kālaneminaḥ

stealing away the Dānava's fiery energy in the fight by his own energy, Śrīdhara cut off Kālanemi's arms with the discus.

AI translation rendered from the Sanskrit, not a published edition

HV 38.46

तच् च वक्त्रशतं घोरं साग्निचूर्णाट्टहासि यत् तस्य दैत्यस्य चक्रेण प्रममाथ बलाद् धरिः

tac ca vaktraśataṃ ghoraṃ sāgnicūrṇāṭṭahāsi yat tasya daityasya cakreṇa pramamātha balād dhariḥ

And that terrible hundred of mouths of that Daitya, whose loud laughter came with showers of fire, Hari violently crushed with the discus.

AI translation rendered from the Sanskrit, not a published edition

HV 38.47

स च्छिन्नबाहुर् विशिरा न प्राकम्पत दानवः कबन्धावस्थितः संख्ये विशाख इव पादपः

sa cchinnabāhur viśirā na prākampata dānavaḥ kabandhāvasthitaḥ saṃkhye viśākha iva pādapaḥ

With his arms cut off and headless, the Dānava did not tremble; he stood in the battle as a trunk, like a tree stripped of its branches.

AI translation rendered from the Sanskrit, not a published edition

HV 38.48

तं वितत्य महापक्षौ वायोः कृत्वा समं जवम् उरसा पातयाम् आस गरुडः कालनेमिनम्

taṃ vitatya mahāpakṣau vāyoḥ kṛtvā samaṃ javam urasā pātayām āsa garuḍaḥ kālaneminam

Spreading his great wings and making his speed equal to the wind's, Garuḍa struck Kālanemi down with his breast.

AI translation rendered from the Sanskrit, not a published edition

HV 38.49

स तस्य देहो विमुखो विशाखः खात् परिभ्रमन् निपपात दिवं त्यक्त्वा क्षोभयन् धरणीतलम्

sa tasya deho vimukho viśākhaḥ khāt paribhraman nipapāta divaṃ tyaktvā kṣobhayan dharaṇītalam

That body of his, headless and shoulderless, whirling through the sky, fell down, leaving heaven, shaking the surface of the earth.

AI translation rendered from the Sanskrit, not a published edition

HV 38.50

तस्मिन् निपतिते दैत्ये देवाः सर्षिगणास् तदा साधु साध्व् इति वैकुण्ठं समेताः प्रत्यपूजयन्

tasmin nipatite daitye devāḥ sarṣigaṇās tadā sādhu sādhv iti vaikuṇṭhaṃ sametāḥ pratyapūjayan

When that Daitya had fallen, the gods together with the hosts of seers, assembled, honoured Vaikuṇṭha (Viṣṇu) in return, crying 'Well done! Well done!'

AI translation rendered from the Sanskrit, not a published edition

HV 38.51

अपरे ये तु दैत्या वै युद्धे दृष्टपराक्रमाः ते सर्वे बाहुभिर् व्याप्ता न शेकुश् चलितुं रणे

apare ye tu daityā vai yuddhe dṛṣṭaparākramāḥ te sarve bāhubhir vyāptā na śekuś calituṃ raṇe

But as for the other Daityas, whose valour had been seen in the fight — all of them, enveloped by (his) arms, were unable to move in the battle.

AI translation rendered from the Sanskrit, not a published edition

HV 38.52

कांश्चित् केशेषु जग्राह कांश्चित् कण्ठे न्यपीडयत् पाटयन् कस्यचिद् वक्त्रं मध्ये कांश्चिद् अगृह्यत

kāṃścit keśeṣu jagrāha kāṃścit kaṇṭhe nyapīḍayat pāṭayan kasyacid vaktraṃ madhye kāṃścid agṛhyata

Some he seized by the hair, some he crushed by the throat, tearing open the mouth of one, and some were caught about the middle.

AI translation rendered from the Sanskrit, not a published edition

HV 38.53

ते गदाचक्रनिर्दग्धा गतसत्त्वा गतासवः गगनाद् भ्रष्टसर्वाङ्गा निपेतुर् धरणीतले

te gadācakranirdagdhā gatasattvā gatāsavaḥ gaganād bhraṣṭasarvāṅgā nipetur dharaṇītale

They, scorched by the mace and the discus, their strength gone, their breath gone, all their limbs shattered, fell from the sky onto the surface of the earth.

AI translation rendered from the Sanskrit, not a published edition

HV 38.54

तेषु सर्वेषु दैत्येषु हतेषु पुरुषोत्तमः तस्थौ शक्रप्रियं कृत्वा कृतकर्मा गदाधरः

teṣu sarveṣu daityeṣu hateṣu puruṣottamaḥ tasthau śakrapriyaṃ kṛtvā kṛtakarmā gadādharaḥ

When all those Daityas had been slain, the best of men, the mace-bearer, stood there, his work accomplished, having done what pleased Śakra.

AI translation rendered from the Sanskrit, not a published edition

HV 38.55

तस्मिन् विमर्दे निर्वृत्ते संग्रामे तारकामये तं देशम् आजगामाशु ब्रह्मा लोकपितामहः

tasmin vimarde nirvṛtte saṃgrāme tārakāmaye taṃ deśam ājagāmāśu brahmā lokapitāmahaḥ

When that crushing (of the foe) was over, in the battle over Tārakā, Brahmā, the grandfather of the worlds, quickly came to that place.

AI translation rendered from the Sanskrit, not a published edition

HV 38.56

सर्वैर् ब्रह्मर्षिभिः सार्धं गन्धर्वैः साप्सरोगणैः देवदेवो हरिं देवं पूजयन् वाक्यम् अब्रवीत्

sarvair brahmarṣibhiḥ sārdhaṃ gandharvaiḥ sāpsarogaṇaiḥ devadevo hariṃ devaṃ pūjayan vākyam abravīt

Together with all the Brahman-seers, with the Gandharvas and the troops of Apsarases, the god of gods, honouring the god Hari, spoke these words:

AI translation rendered from the Sanskrit, not a published edition

HV 38.57

कृतं देव महत्कर्म सुराणां शल्यम् उद्धृतम् वधेनानेन दैत्यानां वयं च परितोषिताः

kṛtaṃ deva mahatkarma surāṇāṃ śalyam uddhṛtam vadhenānena daityānāṃ vayaṃ ca paritoṣitāḥ

"A great deed has been done, O god; the thorn (in the side) of the gods has been drawn out; and by this slaying of the Daityas we too have been fully satisfied.

AI translation rendered from the Sanskrit, not a published edition

HV 38.58

यो ऽयं त्वया हतो विष्णो कालनेमिर् महासुरः त्वम् एको ऽस्य मृधे हन्ता नान्यः कश्चन विद्यते

yo 'yaṃ tvayā hato viṣṇo kālanemir mahāsuraḥ tvam eko 'sya mṛdhe hantā nānyaḥ kaścana vidyate

"This great Asura Kālanemi, who has been slain by you, O Viṣṇu — you alone are his slayer in battle; there is no other whatsoever.

AI translation rendered from the Sanskrit, not a published edition

HV 38.59

एष देवान् परिभवंल् लोकांश् च सचराचरान् ऋषीणां कदनं कृत्वा माम् अपि प्रतिगर्जति

eṣa devān paribhavaṃl lokāṃś ca sacarācarān ṛṣīṇāṃ kadanaṃ kṛtvā mām api pratigarjati

"He, holding the gods in contempt, and the worlds with all that moves and does not move, having wrought slaughter of the seers, roars defiance even at me.

AI translation rendered from the Sanskrit, not a published edition

HV 38.60

तद् अनेन तवोग्रेण परितुष्टो ऽस्मि कर्मणा यद् अयं कालतुल्याभः कालनेमिर् निपातितः

tad anena tavogreṇa parituṣṭo 'smi karmaṇā yad ayaṃ kālatulyābhaḥ kālanemir nipātitaḥ

"Therefore I am well pleased with this fierce deed of yours, in that this Kālanemi, whose splendour equalled Time's, has been struck down.

AI translation rendered from the Sanskrit, not a published edition

HV 38.62

तदागच्छस्व भद्रं ते गच्छाम दिवम् उत्तमम् ब्रह्मर्षयस् त्वां तत्रस्थाः प्रतीक्षन्ते सदोगताः ॥ ह्व्_३८।६१ अहं महर्षयश् चैव तत्र त्वां वदतां वर । विधिवच् चार्चयिष्यन्ति गीर्भिर् दिव्याभिर् अच्युत । किं चाहं तव दास्यामि वरं वरभृतां वर सुरेष्व् अपि सदैत्येषु वराणां वरदो भवान्

tadāgacchasva bhadraṃ te gacchāma divam uttamam brahmarṣayas tvāṃ tatrasthāḥ pratīkṣante sadogatāḥ // HV_38.61 ahaṃ maharṣayaś caiva tatra tvāṃ vadatāṃ vara | vidhivac cārcayiṣyanti gīrbhir divyābhir acyuta | kiṃ cāhaṃ tava dāsyāmi varaṃ varabhṛtāṃ vara sureṣv api sadaityeṣu varāṇāṃ varado bhavān

"So come — blessings on you — let us go to the highest heaven; the Brahman-seers, seated in the assembly, are waiting there for you. // I and the great seers, O best of speakers, will there duly honour you with divine words, O Acyuta. And what boon shall I give you, O best of boon-bestowers? Among the gods and even among the Daityas you are the giver of the (best) boons.

AI translation rendered from the Sanskrit, not a published edition

HV 38.63

निर्यातयैतत् त्रैलोक्यं स्फीतं निहतकण्टकम् अस्मिन्न् एव मृधे विष्णो शक्राय सुमहात्मने

niryātayaitat trailokyaṃ sphītaṃ nihatakaṇṭakam asminn eva mṛdhe viṣṇo śakrāya sumahātmane

"Hand over this prosperous triple world, its thorns slain in this very battle, O Viṣṇu, to Śakra of the very great soul."

AI translation rendered from the Sanskrit, not a published edition

HV 38.64

एवम् उक्तो भगवता ब्रह्मणा हरिर् ईश्वरः देवाञ् शक्रमुखान् सर्वान् उवाच शुभया गिरा

evam ukto bhagavatā brahmaṇā harir īśvaraḥ devāñ śakramukhān sarvān uvāca śubhayā girā

Thus addressed by the lord Brahmā, Hari the sovereign spoke with auspicious speech to all the gods headed by Śakra:

AI translation rendered from the Sanskrit, not a published edition

HV 38.65

श्रूयतां त्रिदशाः सर्वे यावन्तः स्थ समागताः श्रवणावहितैर् देवैः पुरस्कृत्य पुरंदरम्

śrūyatāṃ tridaśāḥ sarve yāvantaḥ stha samāgatāḥ śravaṇāvahitair devaiḥ puraskṛtya puraṃdaram

"Let it be heard, all you Thirty (gods), as many of you as have assembled here" — the gods being attentive in listening, with Puraṃdara placed at their head.

AI translation rendered from the Sanskrit, not a published edition

HV 38.66

अस्मिन् नः समरे सर्वे कालनेमिमुखा हताः दानवा विक्रमोपेताः शक्राद् अपि महत्तराः

asmin naḥ samare sarve kālanemimukhā hatāḥ dānavā vikramopetāḥ śakrād api mahattarāḥ

"In this battle of ours all the Dānavas headed by Kālanemi have been slain, endowed with valour, greater even than Śakra.

AI translation rendered from the Sanskrit, not a published edition

HV 38.67

अस्मिन् महति संक्रन्दे द्वाव् एव तु विनिःसृतौ वैरोचनिश् च दैत्येन्द्रः स्वर्भानुश् च महाग्रहः

asmin mahati saṃkrande dvāv eva tu viniḥsṛtau vairocaniś ca daityendraḥ svarbhānuś ca mahāgrahaḥ

"In this great uproar only two escaped: Vairocani, the lord of the Daityas, and Svarbhānu, the great seizer (eclipse-demon).

AI translation rendered from the Sanskrit, not a published edition

HV 38.68

तद् इष्टां भजतां शक्रो दिशं वरुण एव च याम्यां यमः पालयताम् उत्तरां च धनाधिपः

tad iṣṭāṃ bhajatāṃ śakro diśaṃ varuṇa eva ca yāmyāṃ yamaḥ pālayatām uttarāṃ ca dhanādhipaḥ

"Therefore let Śakra take the quarter he wishes, and Varuṇa likewise; let Yama guard the southern one, and the lord of wealth the northern.

AI translation rendered from the Sanskrit, not a published edition

HV 38.69

ऋक्षैः सह यथायोगं कालं चरतु चन्द्रमाः अब्दं ह्य् ऋतुमुखं सूर्यो भजताम् अयनैः सह

ṛkṣaiḥ saha yathāyogaṃ kālaṃ caratu candramāḥ abdaṃ hy ṛtumukhaṃ sūryo bhajatām ayanaiḥ saha

"Let the moon traverse time together with the constellations, as is fitting; let the sun take the year, which begins with the seasons, together with the two solstitial courses.

AI translation rendered from the Sanskrit, not a published edition

HV 38.70

आज्यभागाः प्रवर्तन्तां सदस्यैर् अभिपूजिताः हूयन्ताम् अग्नयो विप्रैर् वेददृष्टेन कर्मणा

ājyabhāgāḥ pravartantāṃ sadasyair abhipūjitāḥ hūyantām agnayo viprair vedadṛṣṭena karmaṇā

Let the shares of ghee be offered, honored by the members of the assembly; let the fires be fed by the brahmins with the rite as seen in the Veda.

AI translation rendered from the Sanskrit, not a published edition

HV 38.71

देवाश् च बलिहोमेन स्वाध्यायेन महर्षयः श्राद्धेन पितरश् चैव तृप्तिं यान्तु यथासुखम्

devāś ca balihomena svādhyāyena maharṣayaḥ śrāddhena pitaraś caiva tṛptiṃ yāntu yathāsukham

And let the gods find satisfaction through offerings and oblation, the great seers through their recitation, and the fathers through the śrāddha rite, each as it pleases them.

AI translation rendered from the Sanskrit, not a published edition

HV 38.72

वायुश् चरतु मार्गस्थस् त्रिधा दीप्यतु पावकः त्रयो वर्णाश् च लोकांस् त्रींस् तर्पयन्त्व् आत्मजैर् गुणैः

vāyuś caratu mārgasthas tridhā dīpyatu pāvakaḥ trayo varṇāś ca lokāṃs trīṃs tarpayantv ātmajair guṇaiḥ

Let the wind move keeping to its course; let the fire blaze in its three forms; and let the three classes gratify the three worlds with the qualities born of themselves.

AI translation rendered from the Sanskrit, not a published edition

HV 38.73

क्रतवः संप्रवर्तन्तां दीक्षणीयैर् द्विजातिभिः दक्षिणाश् चापि वर्तन्तां यथोक्तं सर्वसत्रिणाम्

kratavaḥ saṃpravartantāṃ dīkṣaṇīyair dvijātibhiḥ dakṣiṇāś cāpi vartantāṃ yathoktaṃ sarvasatriṇām

Let the sacrifices proceed, with twice-born men who are fit for consecration; and let the sacrificial fees for all who perform the sattra rites be given as prescribed.

AI translation rendered from the Sanskrit, not a published edition

HV 38.74

गाश् च सूर्यो रसान् सोमो वायुः प्राणांश् च प्राणिषु तर्पयन्तः प्रवर्तन्तां शिवैः सौम्यैश् च कर्मभिः

gāś ca sūryo rasān somo vāyuḥ prāṇāṃś ca prāṇiṣu tarpayantaḥ pravartantāṃ śivaiḥ saumyaiś ca karmabhiḥ

And let the sun with its rays, the moon with the sap-essences, and the wind with the breaths in living beings proceed, gratifying (all) with auspicious and gentle workings.

AI translation rendered from the Sanskrit, not a published edition — the model flagged this verse as uncertain

HV 38.75

यथावद् अनुपूर्वेण महेन्द्र सलिलोद्वहाः त्रैलोक्यमातरः सर्वाः सागरं यान्तु निम्नगाः

yathāvad anupūrveṇa mahendra salilodvahāḥ trailokyamātaraḥ sarvāḥ sāgaraṃ yāntu nimnagāḥ

Duly and in proper order, O great Indra, let all the rivers that carry water down, the mothers of the three worlds, flow to the ocean.

AI translation rendered from the Sanskrit, not a published edition

HV 38.76

दैत्येभ्यस् त्यज्यतां भीतिः शान्तिं व्रजत देवताः स्वस्ति वो ऽस्तु गमिष्यामि ब्रह्मलोकं सनातनम्

daityebhyas tyajyatāṃ bhītiḥ śāntiṃ vrajata devatāḥ svasti vo 'stu gamiṣyāmi brahmalokaṃ sanātanam

Let fear of the Daityas be given up; go to peace, O gods. May it go well with you; I shall go to the eternal world of Brahmā.

AI translation rendered from the Sanskrit, not a published edition

HV 38.77

स्वगृहे स्वर्गलोके वा संग्रामे वा विशेषतः विस्रम्भो वो न गन्तव्यो नित्यं क्षुद्रा हि दानवाः

svagṛhe svargaloke vā saṃgrāme vā viśeṣataḥ visrambho vo na gantavyo nityaṃ kṣudrā hi dānavāḥ

Whether in your own house or in the world of heaven, or especially in battle, you must never come to trust (them), for the Dānavas are base.

AI translation rendered from the Sanskrit, not a published edition

HV 38.79

छिद्रेषु प्रहरन्त्य् एते न चैषां संस्थितिर् ध्रुवा सौम्यानाम् ऋजुभावानां भवतां चार्जवा मतिः ॥ ह्व्_३८।७८ अहं तु दुष्टभावानां युष्मासु सुदुरात्मनाम् । असम्यग् वर्तमानानां मोहं दास्यामि देवताः । यदा च सुदुराधर्षं दानवेभ्यो भयं भवेत् । तदा समुपगम्याशु विधास्ये वस् ततो ऽभयम् । एवम् उक्त्वा सुरगणान् विष्णुः सत्यपराक्रमः जगाम ब्रह्मणा सार्धं ब्रह्मलोकं महायशाः

chidreṣu praharanty ete na caiṣāṃ saṃsthitir dhruvā saumyānām ṛjubhāvānāṃ bhavatāṃ cārjavā matiḥ // HV_38.78 ahaṃ tu duṣṭabhāvānāṃ yuṣmāsu sudurātmanām | asamyag vartamānānāṃ mohaṃ dāsyāmi devatāḥ | yadā ca sudurādharṣaṃ dānavebhyo bhayaṃ bhavet | tadā samupagamyāśu vidhāsye vas tato 'bhayam | evam uktvā suragaṇān viṣṇuḥ satyaparākramaḥ jagāma brahmaṇā sārdhaṃ brahmalokaṃ mahāyaśāḥ

They strike at weak points, and their standing is not firm; but you are gentle and straight in disposition, and your thinking is upright. [38.78] But upon those of evil disposition, the utterly wicked among you who do not conduct themselves rightly, I shall lay bewilderment, O gods. And when there comes from the Dānavas a danger very hard to withstand, then I shall come quickly and provide you safety from it. Having spoken thus to the hosts of gods, Viṣṇu of true prowess, of great renown, went together with Brahmā to the world of Brahmā.

AI translation rendered from the Sanskrit, not a published edition

HV 38.80

एतद् आश्चर्यम् अभवत् संग्रामे तारकामये दानवानां च विष्णोश् च यन् मां त्वं परिपृच्छसि

etad āścaryam abhavat saṃgrāme tārakāmaye dānavānāṃ ca viṣṇoś ca yan māṃ tvaṃ paripṛcchasi

This was the marvel that happened in the battle called Tārakāmaya, between the Dānavas and Viṣṇu, about which you ask me.

AI translation rendered from the Sanskrit, not a published edition