Harivamsha — Chapter 33
HV 33.1
प्रवृत्तधर्माः संवृत्ता लोका मुदितमानसाः सर्वे लोका मुदान्विताः । बभूवुर् अधिकाश् चैव । प्रीत्या परमया युक्ता देवदेवस्य भूपतेः । विष्णोर् दत्तप्रतिज्ञस्य श्रुत्वारिनिधने गिरम् ॥ ह्व्_३२।३९ निहन्मि दानवान्दृप्तान् युष्माकं विग्रहैः सह । गिरं ते दानवान् उग्रान् मेनिरे निहतान् युधि । ततो भयं विष्णुमयं श्रुत्वा दैतेयदानवाः उद्योगं विपुलं चक्रुर् युद्धाय युधि दुर्जयाः
pravṛttadharmāḥ saṃvṛttā lokā muditamānasāḥ sarve lokā mudānvitāḥ | babhūvur adhikāś caiva | prītyā paramayā yuktā devadevasya bhūpateḥ | viṣṇor dattapratijñasya śrutvārinidhane giram // HV_32.39 nihanmi dānavāndṛptān yuṣmākaṃ vigrahaiḥ saha | giraṃ te dānavān ugrān menire nihatān yudhi | tato bhayaṃ viṣṇumayaṃ śrutvā daiteyadānavāḥ udyogaṃ vipulaṃ cakrur yuddhāya yudhi durjayāḥ
The worlds became such that righteousness was set in motion, their minds gladdened; all the worlds were filled with joy and grew abundant, joined with the highest gladness, at hearing the word of Viṣṇu, god of gods and lord of the earth, who had given his promise, concerning the destruction of the enemy: "I shall slay the arrogant Dānavas along with your (own) battle-array." By that word of his they reckoned the fierce Dānavas as already slain in the fight. Then the Daityas and Dānavas, hearing of that terror consisting of Viṣṇu, made vast preparation for battle, they who were hard to conquer in the fight.
AI translation rendered from the Sanskrit, not a published edition — the model flagged this verse as uncertain
HV 33.2
मयस् तु काञ्चनमयं त्रिनल्वान्तरम् अव्ययम् चतुश्चक्रं सुवपुषं सुकल्पितमहायुधम्
mayas tu kāñcanamayaṃ trinalvāntaram avyayam catuścakraṃ suvapuṣaṃ sukalpitamahāyudham
But Maya (mounted) a golden (chariot), three nalvas across, imperishable, four-wheeled, of fine build, well furnished with great weapons,
AI translation rendered from the Sanskrit, not a published edition
HV 33.3
किंकिणीजालनिर्घोषं द्वीपिचर्मपरिष्कृतम् रचितं रत्नजालैश् च हेमजालैश् च शोभितम्
kiṃkiṇījālanirghoṣaṃ dvīpicarmapariṣkṛtam racitaṃ ratnajālaiś ca hemajālaiś ca śobhitam
(The chariot) resounded with nets of little bells, was trimmed with leopard skins, wrought and adorned with lattices of jewels and lattices of gold.
AI translation rendered from the Sanskrit, not a published edition
HV 33.4
ईहामृगगणाकीर्णं पक्षिभिश् च विराजितम् दिव्यास्त्रतूणीरधरं पयोधरनिनादितम्
īhāmṛgagaṇākīrṇaṃ pakṣibhiś ca virājitam divyāstratūṇīradharaṃ payodharanināditam
It was covered over with troops of wolves (or figured beasts of the chase) and made brilliant with birds; it bore quivers of divine weapons and rumbled like a rain-cloud.
AI translation rendered from the Sanskrit, not a published edition — the model flagged this verse as uncertain
HV 33.5
स्वक्षं रथवरोदारं सूपस्थम् अगमोपमम् गदापरिघसंपूर्णं मूर्तिमन्तम् इवार्णवम्
svakṣaṃ rathavarodāraṃ sūpastham agamopamam gadāparighasaṃpūrṇaṃ mūrtimantam ivārṇavam
(It was) fine-axled, lofty as the best of chariots, with a good standing-platform, like a mountain, filled with maces and iron bars, like the ocean given a body.
AI translation rendered from the Sanskrit, not a published edition
HV 33.6
हेमकेयूरवलयं स्वर्णकुण्डलकूबरम् सपताकध्वजोदग्रं सादित्यम् इव मन्दरम्
hemakeyūravalayaṃ svarṇakuṇḍalakūbaram sapatākadhvajodagraṃ sādityam iva mandaram
Its bands were golden armlets, its pole-end had golden ear-rings; it towered with flags and banners, like Mount Mandara with the sun upon it.
AI translation rendered from the Sanskrit, not a published edition — the model flagged this verse as uncertain
HV 33.7
गजेन्द्राम्भोदवपुषं क्वचित् केसरवर्चसम् युक्तम् ऋक्षसहस्रेण सहस्राम्बुदनादितम्
gajendrāmbhodavapuṣaṃ kvacit kesaravarcasam yuktam ṛkṣasahasreṇa sahasrāmbudanāditam
Its body was like a lordly elephant or a rain-cloud, in places tawny-bright as a lion's mane; yoked with a thousand bears, roaring like a thousand clouds.
AI translation rendered from the Sanskrit, not a published edition — the model flagged this verse as uncertain
HV 33.8
दीप्तम् आकाशगं दिव्यं रथं पररथारुजम् अतिष्ठत् समराकाङ्क्षी मेरुं दीप्त इवांशुमान्
dīptam ākāśagaṃ divyaṃ rathaṃ pararathārujam atiṣṭhat samarākāṅkṣī meruṃ dīpta ivāṃśumān
Desiring battle, he mounted that blazing, sky-going, divine chariot, the breaker of enemy chariots, as the blazing sun mounts Meru.
AI translation rendered from the Sanskrit, not a published edition
HV 33.9
तारस् तु क्रोषविस्तारम् आयसं वाहयन् रथम् शैलोत्करिमसंकाशं नीलाञ्जनचयोपमम्
tāras tu kroṣavistāram āyasaṃ vāhayan ratham śailotkarimasaṃkāśaṃ nīlāñjanacayopamam
But Tāra drove an iron chariot a krośa in breadth, resembling a heap of rock, like a mass of dark collyrium.
AI translation rendered from the Sanskrit, not a published edition
HV 33.10
काललोहाष्टचरणं लोहेषायुगकूबरम् तिमिरोद्गारिकिरणं गर्जन्तम् इव तोयदम्
kālalohāṣṭacaraṇaṃ loheṣāyugakūbaram timirodgārikiraṇaṃ garjantam iva toyadam
It had eight wheels of black iron, its pole and yoke-pin of iron, its rays belching forth darkness, (rumbling) like a thundering rain-cloud.
AI translation rendered from the Sanskrit, not a published edition — the model flagged this verse as uncertain
HV 33.11
लोहजालेन महता सगवाक्षेण दंशितम् आयसैः परिघैः पूर्णं क्षेपणीयैश् च मुद्गरैः
lohajālena mahatā sagavākṣeṇa daṃśitam āyasaiḥ parighaiḥ pūrṇaṃ kṣepaṇīyaiś ca mudgaraiḥ
It was armoured with a great iron net with lattice-windows, and filled with iron bars and with clubs to be hurled.
AI translation rendered from the Sanskrit, not a published edition
HV 33.12
प्रासैः पाशैश् च विततैर् अवसक्तैश् च मुद्गरैः शोभितं त्रासनीयैश् च तोमरैः सपरश्वधैः
prāsaiḥ pāśaiś ca vitatair avasaktaiś ca mudgaraiḥ śobhitaṃ trāsanīyaiś ca tomaraiḥ saparaśvadhaiḥ
It was made splendid with barbed darts and outspread nooses, with clubs hung upon it, and with terrifying lances together with axes.
AI translation rendered from the Sanskrit, not a published edition
HV 33.13
उद्यतं द्विषतां हेतोर् द्वितीयम् इव मन्दरम् युक्तं खरसहस्रेण सो ऽध्यारोहद् रथोत्तमम्
udyataṃ dviṣatāṃ hetor dvitīyam iva mandaram yuktaṃ kharasahasreṇa so 'dhyārohad rathottamam
He mounted that best of chariots, raised up for the sake of (destroying) his foes, like a second Mount Mandara, yoked with a thousand asses.
AI translation rendered from the Sanskrit, not a published edition
HV 33.14
विरोचनस् तु संक्रुद्धो गदापाणिर् अवस्थितः प्रमुखे तस्य सैन्यस्य दीप्तशृङ्ग इवाचलः
virocanas tu saṃkruddho gadāpāṇir avasthitaḥ pramukhe tasya sainyasya dīptaśṛṅga ivācalaḥ
But Virocana, enraged, mace in hand, stood at the head of that army, like a mountain with a blazing peak.
AI translation rendered from the Sanskrit, not a published edition
HV 33.15
युक्तं हयसहस्रेण हयग्रीवस् तु दानवः स्यन्दनं वाहयाम् आस सपत्नानीकमर्दनम्
yuktaṃ hayasahasreṇa hayagrīvas tu dānavaḥ syandanaṃ vāhayām āsa sapatnānīkamardanam
And the Dānava Hayagrīva drove a car yoked with a thousand horses, a crusher of the ranks of rivals.
AI translation rendered from the Sanskrit, not a published edition
HV 33.16
व्यायतं बहुसहस्रं धनुर् विस्फारयन् महत् वराहः प्रमुखे तस्थौ सावरोह इवाचलः
vyāyataṃ bahusahasraṃ dhanur visphārayan mahat varāhaḥ pramukhe tasthau sāvaroha ivācalaḥ
Drawing his great bow, long and worth many thousands, Varāha stood at the front, like a mountain with a slope.
AI translation rendered from the Sanskrit, not a published edition — the model flagged this verse as uncertain
HV 33.17
क्षरस् तु विक्षरन् दर्पान् नेत्राभ्यां रोषजं जलम् स्फुरद्दन्तौष्ठवदनः संग्रामं सो ऽभ्यकाङ्क्षत
kṣaras tu vikṣaran darpān netrābhyāṃ roṣajaṃ jalam sphuraddantauṣṭhavadanaḥ saṃgrāmaṃ so 'bhyakāṅkṣata
But Kṣara, out of arrogance shedding from his two eyes water born of rage, his teeth, lips and face quivering, longed for battle.
AI translation rendered from the Sanskrit, not a published edition
HV 33.18
त्वष्टा त्व् अष्टादशहयं यानम् आस्थाय दानवः व्यूहितो दानवैर् व्यूहैः परिचक्राम वीर्यवान्
tvaṣṭā tv aṣṭādaśahayaṃ yānam āsthāya dānavaḥ vyūhito dānavair vyūhaiḥ paricakrāma vīryavān
And the Dānava Tvaṣṭā, mounting a vehicle of eighteen horses, valiant, moved about, arrayed with the Dānava formations.
AI translation rendered from the Sanskrit, not a published edition
HV 33.19
विप्रचित्तिसुतः श्वेतः श्वेतकुण्डलभूषणः श्वेतशैलप्रतीकाशो युद्धायाभिमुखः स्थितः
vipracittisutaḥ śvetaḥ śvetakuṇḍalabhūṣaṇaḥ śvetaśailapratīkāśo yuddhāyābhimukhaḥ sthitaḥ
Śveta, son of Vipracitti, adorned with white ear-rings, resembling a white mountain, stood facing forward for the fight.
AI translation rendered from the Sanskrit, not a published edition
HV 33.20
अरिष्टो बलिपुत्रस् तु वरिष्ठो ऽद्रिशिलायुधः युद्धायातिष्ठद् आयस्तो धराधर इवापरः
ariṣṭo baliputras tu variṣṭho 'driśilāyudhaḥ yuddhāyātiṣṭhad āyasto dharādhara ivāparaḥ
But Ariṣṭa, Bali's son, the foremost, with a rock of the mountain for his weapon, stood exerted for battle, like another mountain.
AI translation rendered from the Sanskrit, not a published edition
HV 33.21
किशोरस् त्व् अतिसंहर्षात् किशोर इव चोदितः अभवद् दैत्यसैन्यस्य मध्ये रविर् इवोदितः
kiśoras tv atisaṃharṣāt kiśora iva coditaḥ abhavad daityasainyasya madhye ravir ivoditaḥ
But Kiśora, out of excessive joy, urged on like a colt, was in the midst of the Daitya army like the risen sun.
AI translation rendered from the Sanskrit, not a published edition
HV 33.22
लम्बस् तु लम्बमेघाभः प्रलम्बाम्बरभूषणः दैत्यव्यूहगतो भाति सनीहार इवांशुमान्
lambas tu lambameghābhaḥ pralambāmbarabhūṣaṇaḥ daityavyūhagato bhāti sanīhāra ivāṃśumān
And Lamba, resembling a hanging cloud, adorned with a long trailing garment, standing in the Daitya formation, shines like the sun in mist.
AI translation rendered from the Sanskrit, not a published edition
HV 33.23
स्वर्भानुरास्ययोधी तु दशनौष्ठेक्षणायुधः प्रमुखे देवसेनाय रराज गिरिसंनिभः । हसंस् तिष्ठति दैत्यानां प्रमुखे सुमुखो ग्रहः
svarbhānurāsyayodhī tu daśanauṣṭhekṣaṇāyudhaḥ pramukhe devasenāya rarāja girisaṃnibhaḥ | hasaṃs tiṣṭhati daityānāṃ pramukhe sumukho grahaḥ
But Svarbhānu, who fights with his mouth, whose weapons are his teeth, lips and eyes, shone like a mountain, facing the army of the gods; and laughing, the planet Sumukha stands at the front of the daityas.
AI translation rendered from the Sanskrit, not a published edition — the model flagged this verse as uncertain
HV 33.24
अन्ये हयगता भान्ति नागस्कन्धगताः परे सिंहव्याघ्रगताश् चान्ये वराहर्क्षगताः परे
anye hayagatā bhānti nāgaskandhagatāḥ pare siṃhavyāghragatāś cānye varāharkṣagatāḥ pare
Others shine mounted on horses, others on the shoulders of elephants, others riding lions and tigers, and others boars and bears.
AI translation rendered from the Sanskrit, not a published edition
HV 33.25
केचित् खरोष्ट्रयातारः केचित् तोयदवाहनाः नानापक्षिगताः केचित् केचित् पवनवाहनाः
kecit kharoṣṭrayātāraḥ kecit toyadavāhanāḥ nānāpakṣigatāḥ kecit kecit pavanavāhanāḥ
Some travel on donkeys and camels, some have clouds for their vehicles, some ride on various birds, and some have the wind as their conveyance.
AI translation rendered from the Sanskrit, not a published edition
HV 33.26
पत्तिनस् त्व् अपरे दैत्या भीषणा विकृताननाः एकपादा द्विपादाश् च ननृतुर् युद्धकङ्क्षिणः
pattinas tv apare daityā bhīṣaṇā vikṛtānanāḥ ekapādā dvipādāś ca nanṛtur yuddhakaṅkṣiṇaḥ
But other daityas, on foot, terrifying, with deformed faces, one-footed and two-footed, danced in their longing for battle.
AI translation rendered from the Sanskrit, not a published edition
HV 33.27
प्रक्ष्वेडमाना बहवः स्फोटयन्तश् च दानवाः दृप्तशार्दूलनिर्घोषा नेदुर् दानवपुंगवाः
prakṣveḍamānā bahavaḥ sphoṭayantaś ca dānavāḥ dṛptaśārdūlanirghoṣā nedur dānavapuṃgavāḥ
Many of the dānavas, whistling and slapping (their arms), roaring like arrogant tigers, those bulls among dānavas, bellowed.
AI translation rendered from the Sanskrit, not a published edition
HV 33.28
ते गदापरिघैर् उग्रैर् धनुर् व्यायामशालिनः बाहुभिः परिघाकारैस् तर्जयन्ति स्म दानवाः
te gadāparighair ugrair dhanur vyāyāmaśālinaḥ bāhubhiḥ parighākārais tarjayanti sma dānavāḥ
Those dānavas, adept in the exercise of the bow, kept threatening with fierce clubs and iron bars and with arms shaped like iron bars.
AI translation rendered from the Sanskrit, not a published edition
HV 33.29
प्रासैः पाशैश् च खड्गैश् च तोमराङ्कुशपट्टिसैः चिक्रीडुस् ते शतघ्नीभिः शितधारैश् च मुद्गरैः
prāsaiḥ pāśaiś ca khaḍgaiś ca tomarāṅkuśapaṭṭisaiḥ cikrīḍus te śataghnībhiḥ śitadhāraiś ca mudgaraiḥ
They played with lances and nooses and swords, with javelins, hooks and spears, with hundred-slayers (śataghnīs) and with sharp-edged mallets.
AI translation rendered from the Sanskrit, not a published edition
HV 33.31
गण्डशैलैश् च शैलैश् च परिघैश् चोत्तमायुधैः चक्रैश् च दैत्यप्रवराश् चक्रुर् आनन्दितं बलम् ॥ ह्व्_३३।३० काङ्क्षन्तो विजयं युद्धे दानवा युद्धदुर्मदाः । एवं तद् दानवं सैन्यं सर्वं युद्धमदोत्कटम् देवान् अभिमुखं तस्थौ मेघानीकम् इवोद्धतम्
gaṇḍaśailaiś ca śailaiś ca parighaiś cottamāyudhaiḥ cakraiś ca daityapravarāś cakrur ānanditaṃ balam // HV_33.30 kāṅkṣanto vijayaṃ yuddhe dānavā yuddhadurmadāḥ | evaṃ tad dānavaṃ sainyaṃ sarvaṃ yuddhamadotkaṭam devān abhimukhaṃ tasthau meghānīkam ivoddhatam
And with boulders and rocks, with iron bars and with the best of weapons, and with discs, the foremost of the daityas made the army rejoice — the dānavas, drunk with battle, longing for victory in the fight. Thus that whole dānava host, frenzied with the intoxication of war, stood facing the gods, upreared like a mass of clouds.
AI translation rendered from the Sanskrit, not a published edition
HV 33.32
तदद्भुतं दैत्यसहस्रगाढं वाय्वग्नितोयाम्बुदशैलकल्पम् बलं रणौघाभ्युदयाभ्युदीर्णं युयुत्सयोन्मत्तम् इवाबभासे
tadadbhutaṃ daityasahasragāḍhaṃ vāyvagnitoyāmbudaśailakalpam balaṃ raṇaughābhyudayābhyudīrṇaṃ yuyutsayonmattam ivābabhāse
That wondrous force, packed with thousands of daityas, like wind, fire, water, clouds and mountains, swollen with the rising flood of battle, appeared as if maddened with the desire to fight.
AI translation rendered from the Sanskrit, not a published edition