Harivamsha — Chapter 32
HV 32.1
विश्वत्वं शृणु मे विष्णोर् हरित्वं च कृते युगे वैकुण्ठत्वं च देवेषु कृष्णत्वं मानुषेषु च
viśvatvaṃ śṛṇu me viṣṇor haritvaṃ ca kṛte yuge vaikuṇṭhatvaṃ ca deveṣu kṛṣṇatvaṃ mānuṣeṣu ca
Hear from me of Viṣṇu's being the All, and his being Hari in the Kṛta age, and his being Vaikuṇṭha among the gods, and his being Kṛṣṇa among men.
AI translation rendered from the Sanskrit, not a published edition
HV 32.2
ईश्वरस्य हि तस्येमां कर्मणां गहनां गतिम् संप्रत्यतीतां भाव्यां च शृणु राजन् यथातथम्
īśvarasya hi tasyemāṃ karmaṇāṃ gahanāṃ gatim saṃpratyatītāṃ bhāvyāṃ ca śṛṇu rājan yathātatham
Hear, O king, exactly as it is, this deep course of the deeds of that Lord—present, past, and yet to come.
AI translation rendered from the Sanskrit, not a published edition
HV 32.3
अव्यक्तो व्यक्तलिङ्गस्थो य एष भगवान् प्रभुः नारायणो ह्य् अनन्तात्मा प्रभवो ऽव्यय एव च
avyakto vyaktaliṅgastho ya eṣa bhagavān prabhuḥ nārāyaṇo hy anantātmā prabhavo 'vyaya eva ca
He who is the unmanifest yet abides with a manifest mark, this blessed Lord, Nārāyaṇa indeed, whose self is endless, the source, and the imperishable one—
AI translation rendered from the Sanskrit, not a published edition
HV 32.4
एष नारायणो भूत्वा हरिर् आसीत् सनातनः ब्रह्मा शक्रश् च सोमश् च धर्मः शुक्रो बृहस्पतिः
eṣa nārāyaṇo bhūtvā harir āsīt sanātanaḥ brahmā śakraś ca somaś ca dharmaḥ śukro bṛhaspatiḥ
He, having become Nārāyaṇa, was the eternal Hari, (and) Brahmā, and Śakra, and Soma, and Dharma, Śukra, Bṛhaspati.
AI translation rendered from the Sanskrit, not a published edition
HV 32.5
अदितेर् अपि पुत्रत्वम् एत्य यादवनन्दनः एष विष्णुर् इति ख्यात इन्द्राद् अवरजो ऽभवत्
aditer api putratvam etya yādavanandanaḥ eṣa viṣṇur iti khyāta indrād avarajo 'bhavat
And coming to sonship of Aditi too, he, the delight of the Yādavas, became known as Viṣṇu, born younger than Indra.
AI translation rendered from the Sanskrit, not a published edition
HV 32.6
प्रसादजं ह्य् अस्य विभोर् अदित्यां पुत्रजन्म तत् वधार्थं सुरशत्रूणां दैत्यदानवरक्षसाम्
prasādajaṃ hy asya vibhor adityāṃ putrajanma tat vadhārthaṃ suraśatrūṇāṃ daityadānavarakṣasām
That birth as a son to this mighty one in Aditi arose from (his) grace, for the sake of slaying the gods' enemies, the Daityas, Dānavas and Rākṣasas.
AI translation rendered from the Sanskrit, not a published edition
HV 32.7
प्रधानात्मा पुरा ह्य् एष ब्रह्माणम् असृजत् प्रभुः सो ऽसृजत् पूर्वपुरुषः पुराकल्पे प्रजापतीन्
pradhānātmā purā hy eṣa brahmāṇam asṛjat prabhuḥ so 'sṛjat pūrvapuruṣaḥ purākalpe prajāpatīn
Formerly this Lord, whose self is the primal matter (pradhāna), created Brahmā; he, the primeval Person, created the Prajāpatis in the earlier aeon.
AI translation rendered from the Sanskrit, not a published edition
HV 32.8
ते तन्वानास् तनूस् तत्र ब्रह्मवंशान् अनुत्तमान् तेभ्यो ऽभवन् महात्मभ्यो बहुधा ब्रह्म शाश्वतम्
te tanvānās tanūs tatra brahmavaṃśān anuttamān tebhyo 'bhavan mahātmabhyo bahudhā brahma śāśvatam
They, extending their bodies, (produced) there the unsurpassed brahmanical lineages; and from those great-souled ones came forth the eternal Veda in its many forms.
AI translation rendered from the Sanskrit, not a published edition
HV 32.9
एतद् आश्चर्यभूतस्य विष्णोः कर्मानुकीर्तनम् कीर्तितं कीर्तनीयस्य कीर्त्यमानं निबोध मे
etad āścaryabhūtasya viṣṇoḥ karmānukīrtanam kīrtitaṃ kīrtanīyasya kīrtyamānaṃ nibodha me
This recital of the deeds of Viṣṇu, who has become a wonder and who is worthy of celebration, has been recited; now learn from me what is (still) being recited.
AI translation rendered from the Sanskrit, not a published edition
HV 32.10
वृत्ते वृत्रवधे तात वर्तमाने कृते युगे आसीत् त्रैलोक्यविख्यातः संग्रामस् तारकामयः
vṛtte vṛtravadhe tāta vartamāne kṛte yuge āsīt trailokyavikhyātaḥ saṃgrāmas tārakāmayaḥ
When the slaying of Vṛtra was over, dear one, and the Kṛta age was in progress, there occurred the battle famed in the three worlds, the one concerning Tārakā.
AI translation rendered from the Sanskrit, not a published edition
HV 32.11
तत्र स्म दानवा घोराः सर्वे संग्रामदर्पिताः घ्नन्ति देवान् सगन्धर्वान् सयक्षोरगचारणान्
tatra sma dānavā ghorāḥ sarve saṃgrāmadarpitāḥ ghnanti devān sagandharvān sayakṣoragacāraṇān
There the dreadful Dānavas, all made arrogant by battle, were slaying the gods together with the Gandharvas, the Yakṣas, serpents and Cāraṇas.
AI translation rendered from the Sanskrit, not a published edition
HV 32.12
ते वध्यमाना विमुखाः क्षीणप्रहरणा रणे त्रातारं मनसा जग्मुर् देवं नारायणं प्रभुम्
te vadhyamānā vimukhāḥ kṣīṇapraharaṇā raṇe trātāraṃ manasā jagmur devaṃ nārāyaṇaṃ prabhum
They, being slain, turned back, their weapons spent in the fight, and went in mind to their protector, the god Nārāyaṇa, the Lord.
AI translation rendered from the Sanskrit, not a published edition
HV 32.13
एतस्मिन्न् अन्तरे मेघा निर्वाणाङ्गारवर्चसः सार्कचन्द्रग्रहगणं छादयन्तो नभस्तलम्
etasminn antare meghā nirvāṇāṅgāravarcasaḥ sārkacandragrahagaṇaṃ chādayanto nabhastalam
In that interval clouds with the sheen of extinguished coals covered the vault of heaven together with the sun, moon and the host of planets;
AI translation rendered from the Sanskrit, not a published edition
HV 32.14
चञ्चद्विद्युद्गणाविद्धा घोरा निह्रादकारिणः अन्योन्यवेगाभिहताः प्रववुः सप्त मारुताः
cañcadvidyudgaṇāviddhā ghorā nihrādakāriṇaḥ anyonyavegābhihatāḥ pravavuḥ sapta mārutāḥ
pierced by flickering masses of lightning, dreadful, making a roar, struck by one another's force—(and) the seven winds blew.
AI translation rendered from the Sanskrit, not a published edition
HV 32.15
दीप्ततोयाशनीपातैर् वज्रवेगानलानिलैः ररास घोरैर् उत्पातैर् दह्यमानम् इवाम्बरम्
dīptatoyāśanīpātair vajravegānalānilaiḥ rarāsa ghorair utpātair dahyamānam ivāmbaram
With falls of blazing water and thunderbolts, with the fires and winds of lightning's speed, the sky roared with dreadful portents, as if being burned.
AI translation rendered from the Sanskrit, not a published edition
HV 32.16
पेतुर् उल्कासहस्राणि पेतुर् आकाशगान्य् अपि न्युब्जानि च विमानानि प्रपतन्त्य् उत्पतन्ति च
petur ulkāsahasrāṇi petur ākāśagāny api nyubjāni ca vimānāni prapatanty utpatanti ca
Thousands of meteors fell; things moving in the sky fell too; and celestial cars, turned upside down, keep falling and flying up.
AI translation rendered from the Sanskrit, not a published edition
HV 32.17
चतुर्युगान्तपर्याये लोकानां यद्भयं भवेत् अरूपवन्ति रूपाणि तस्मिन्न् उत्पातलक्षणे
caturyugāntaparyāye lokānāṃ yadbhayaṃ bhavet arūpavanti rūpāṇi tasminn utpātalakṣaṇe
Whatever terror there would be for the worlds at the turn of the end of the four ages—shapeless shapes appeared in that array of portents.
AI translation rendered from the Sanskrit, not a published edition — the model flagged this verse as uncertain
HV 32.18
तमसा निष्प्रभं सर्वं न प्राज्ञायत किंचन तिमिरौघपरिक्षिप्ता न रेजुश् च दिषो दश
tamasā niṣprabhaṃ sarvaṃ na prājñāyata kiṃcana timiraughaparikṣiptā na rejuś ca diṣo daśa
Everything was lightless with darkness; nothing could be discerned; and the ten directions, engulfed by floods of gloom, did not shine.
AI translation rendered from the Sanskrit, not a published edition
HV 32.19
विवेश रूपिणी काली कालमेघावगुण्ठिता द्यौर् न भात्य् अभिभूतार्का घोरेण तमसा वृता
viveśa rūpiṇī kālī kālameghāvaguṇṭhitā dyaur na bhāty abhibhūtārkā ghoreṇa tamasā vṛtā
Kālī entered in bodily form, shrouded in black clouds; the sky does not shine, its sun overpowered, covered with dreadful darkness.
AI translation rendered from the Sanskrit, not a published edition
HV 32.20
तान् घनौघान् सतिमिरान् दोर्भ्यां विक्षिप्य स प्रभुः वपुः संदर्शयाम् आस दिव्यं कृष्णवपुर् हरिः
tān ghanaughān satimirān dorbhyāṃ vikṣipya sa prabhuḥ vapuḥ saṃdarśayām āsa divyaṃ kṛṣṇavapur hariḥ
Scattering those masses of cloud, together with the darkness, apart with his two arms, that Lord Hari, whose body is dark, showed forth his divine form:
AI translation rendered from the Sanskrit, not a published edition
HV 32.21
बलाहकाञ्जननिभं बलाहकतनूरुहम् तेजसा वपुषा चैव कृष्णं कृष्णम् इवाचलम्
balāhakāñjananibhaṃ balāhakatanūruham tejasā vapuṣā caiva kṛṣṇaṃ kṛṣṇam ivācalam
like a cloud, like black collyrium, with body-hair (dark) as clouds, dark both in radiance and in body, dark like a dark mountain,
AI translation rendered from the Sanskrit, not a published edition
HV 32.22
दीप्तपीताम्बरधरं तप्तकाञ्चनभूषणम् धूमान्धकारवपुषं युगान्ताग्निम् इवोत्थितम्
dīptapītāmbaradharaṃ taptakāñcanabhūṣaṇam dhūmāndhakāravapuṣaṃ yugāntāgnim ivotthitam
wearing a blazing yellow garment, ornamented with refined gold, his body (dark) as smoke and gloom, like the fire of the age's end risen up,
AI translation rendered from the Sanskrit, not a published edition
HV 32.23
चतुर्द्विगुणपीनांसां किरीटच्छन्नमूर्धजम् चामीकरकरासक्तम् आयुधैर् उपशोभितम्
caturdviguṇapīnāṃsāṃ kirīṭacchannamūrdhajam cāmīkarakarāsaktam āyudhair upaśobhitam
with shoulders twice four times stout, his hair covered by a diadem, gold clinging to his hands, resplendent with weapons,
AI translation rendered from the Sanskrit, not a published edition — the model flagged this verse as uncertain
HV 32.24
चन्द्रार्ककिरणोपेतं गिरिकूटम् इवोच्छ्रितम् नन्दकानन्दितकरं शराशीविषधारिणम्
candrārkakiraṇopetaṃ girikūṭam ivocchritam nandakānanditakaraṃ śarāśīviṣadhāriṇam
endowed with the rays of moon and sun, uplifted like a mountain peak, his hand gladdened by (the sword) Nandaka, bearing arrows (that are) venomous serpents,
AI translation rendered from the Sanskrit, not a published edition — the model flagged this verse as uncertain
HV 32.25
शक्तिचित्रं हलोदग्रं शङ्खचक्रगदाधरम् विष्णुशैलं क्षमामूलं श्रीवृक्षं शार्ङ्गशृङ्गिणम्
śakticitraṃ halodagraṃ śaṅkhacakragadādharam viṣṇuśailaṃ kṣamāmūlaṃ śrīvṛkṣaṃ śārṅgaśṛṅgiṇam
bright with his spear, towering with the plough, bearer of conch, discus and mace—the mountain Viṣṇu, whose base is the earth, whose tree is Śrī, whose peak is the Śārṅga bow.
AI translation rendered from the Sanskrit, not a published edition — the model flagged this verse as uncertain
HV 32.26
हर्यश्वरथसंयुक्ते सुपर्णध्वजशोभिते चन्द्रार्कचक्ररचिते मन्दराक्षधृतान्तरे
haryaśvarathasaṃyukte suparṇadhvajaśobhite candrārkacakraracite mandarākṣadhṛtāntare
(seated) on a chariot yoked with tawny horses, splendid with the Garuḍa banner, constructed with the sun and moon as its wheels, its interior supported by Mandara as axle,
AI translation rendered from the Sanskrit, not a published edition — the model flagged this verse as uncertain
HV 32.27
अनन्तरश्मिसंयुक्ते दुर्दर्शे मेरुकूबरे तारकाचित्रकुसुमे ग्रहनक्षत्रवन्धुरे
anantaraśmisaṃyukte durdarśe merukūbare tārakācitrakusume grahanakṣatravandhure
joined with endless rays, hard to look upon, having Meru for its pole, the stars its variegated blossoms, the planets and lunar mansions its seat-rail—
AI translation rendered from the Sanskrit, not a published edition — the model flagged this verse as uncertain
HV 32.28
भयेष्व् अभयदं व्योम्नि देवा दैत्यपराजिताः ददृशुस् ते स्थितं देवं दिव्यलोकमये रथे
bhayeṣv abhayadaṃ vyomni devā daityaparājitāḥ dadṛśus te sthitaṃ devaṃ divyalokamaye rathe
the gods, defeated by the Daityas, saw the god standing in the sky, the giver of fearlessness in terrors, upon a chariot made of the divine worlds.
AI translation rendered from the Sanskrit, not a published edition
HV 32.30
ते कृताञ्जलयः सर्वे देवाः शक्रपुरोगमाः जयशब्दं पुरस्कृत्य शरण्यं शरणं गताः ॥ ह्व्_३२।२९ तुष्टुवुश् च जगन्नाथं देवं नारायणं हरिम् । जय देव जगन्नाथ जय देव जनार्दन । जय देव प्रभो विष्णो जय शङ्खगदाधर । नमस् तुभ्यं हृषीकेश नमो देव जनार्दन । आदिदेव जगन्नाथ भूतभावनभावन । नमस् तुभ्यं प्रभो विष्णो भूतादिपतये नमः । नम आद्याय बीजाय पुरुषाय नमो नमः । नमो ऽस्तु ते जगन्नाथ नमो भूयो महात्मने । किं वानेन जगन्नाथ नमस्कारेण केशव । रक्ष नः सकलान् देवान् दैत्यपाशविपाशितान् । स तेषां तां गिरं श्रुत्वा विष्णुर् दयितदैवतः मनश् चक्रे विनाशाय दानवानां महामृधे
te kṛtāñjalayaḥ sarve devāḥ śakrapurogamāḥ jayaśabdaṃ puraskṛtya śaraṇyaṃ śaraṇaṃ gatāḥ // HV_32.29 tuṣṭuvuś ca jagannāthaṃ devaṃ nārāyaṇaṃ harim | jaya deva jagannātha jaya deva janārdana | jaya deva prabho viṣṇo jaya śaṅkhagadādhara | namas tubhyaṃ hṛṣīkeśa namo deva janārdana | ādideva jagannātha bhūtabhāvanabhāvana | namas tubhyaṃ prabho viṣṇo bhūtādipataye namaḥ | nama ādyāya bījāya puruṣāya namo namaḥ | namo 'stu te jagannātha namo bhūyo mahātmane | kiṃ vānena jagannātha namaskāreṇa keśava | rakṣa naḥ sakalān devān daityapāśavipāśitān | sa teṣāṃ tāṃ giraṃ śrutvā viṣṇur dayitadaivataḥ manaś cakre vināśāya dānavānāṃ mahāmṛdhe
All those gods, with Indra at their head, joined their palms, and putting forth the cry "Victory!", went for refuge to him who is the refuge. And they praised the Lord of the world, the god Nārāyaṇa, Hari: "Victory, god, Lord of the world! Victory, god, Janārdana! Victory, god, Lord Viṣṇu! Victory, bearer of conch and mace! Homage to you, Hṛṣīkeśa; homage, god Janārdana! Primal god, Lord of the world, bringer-into-being of the being of creatures, homage to you, Lord Viṣṇu; homage to the lord of the primal beings! Homage to the first one, to the seed; homage, homage to the Puruṣa! Homage be to you, Lord of the world; homage again to the great-souled one! But what is (the use) of this obeisance, Lord of the world, Keśava? Protect us, all the gods, bound fast in the Daityas' noose!" Hearing that speech of theirs, Viṣṇu, the beloved deity, set his mind on the destruction of the Dānavas in the great battle.
AI translation rendered from the Sanskrit, not a published edition
HV 32.31
आकाशे तु स्थितो विष्णुर् उत्तमं वपुर् आस्थितः उवाच देवताः सर्वाः सप्रतिज्ञम् इदं वचः
ākāśe tu sthito viṣṇur uttamaṃ vapur āsthitaḥ uvāca devatāḥ sarvāḥ sapratijñam idaṃ vacaḥ
And Viṣṇu, standing in the sky, having assumed his highest form, spoke this word, containing a promise, to all the gods:
AI translation rendered from the Sanskrit, not a published edition
HV 32.32
शान्तिं व्रजत भद्रं वो मा भैष्ट मरुतां गणाः जिता मे दानवाः सर्वे त्रैलोक्यं प्रतिगृह्यताम्
śāntiṃ vrajata bhadraṃ vo mā bhaiṣṭa marutāṃ gaṇāḥ jitā me dānavāḥ sarve trailokyaṃ pratigṛhyatām
"Go to peace—good fortune to you! Do not fear, you hosts of Maruts. All the Dānavas are conquered by me; let the three worlds be taken back."
AI translation rendered from the Sanskrit, not a published edition
HV 32.33
ते तस्य सत्यसंधस्य विष्णोर् वाक्येन तोषिताः देवाः प्रीतिं परां जग्मुः प्राप्येवामृतम् उत्तमम्
te tasya satyasaṃdhasya viṣṇor vākyena toṣitāḥ devāḥ prītiṃ parāṃ jagmuḥ prāpyevāmṛtam uttamam
Gratified by the word of that Viṣṇu whose promises are true, the gods came to the highest delight, as if they had obtained the finest nectar.
AI translation rendered from the Sanskrit, not a published edition
HV 32.34
ततस् तमः संह्रियते विनेशुश् च बलाहकाः प्रववुश् च शिवा वाताः प्रसन्नाश् च दिशो दश
tatas tamaḥ saṃhriyate vineśuś ca balāhakāḥ pravavuś ca śivā vātāḥ prasannāś ca diśo daśa
Then the darkness was drawn away and the clouds vanished; auspicious winds blew and the ten directions grew clear.
AI translation rendered from the Sanskrit, not a published edition
HV 32.35
सुप्रभाणि च ज्योतिंषि चन्द्रं चक्रुः प्रदक्षिणम् दीप्तिमन्ति च तेजांसि चक्रुर् अर्कं प्रदक्षिणम्
suprabhāṇi ca jyotiṃṣi candraṃ cakruḥ pradakṣiṇam dīptimanti ca tejāṃsi cakrur arkaṃ pradakṣiṇam
And the bright-shining lights circled the moon to the right; and the blazing radiances circled the sun to the right.
AI translation rendered from the Sanskrit, not a published edition
HV 32.36
न विग्रहं ग्रहाश् चक्रुः प्रसेदुश् चापि सिन्धवः विरजस्का बभुर् मार्गा नाकमार्गादयस् त्रयः
na vigrahaṃ grahāś cakruḥ praseduś cāpi sindhavaḥ virajaskā babhur mārgā nākamārgādayas trayaḥ
The planets made no hostile conjunction, and the rivers grew calm; the paths shone dustless—the three, beginning with the heavenly path.
AI translation rendered from the Sanskrit, not a published edition
HV 32.37
यथार्थम् ऊहुः सरितो नापि चुक्षुभिरे ऽर्णवाः आसञ् शुभानीन्द्रियाणि नराणाम् अन्तरात्मसु
yathārtham ūhuḥ sarito nāpi cukṣubhire 'rṇavāḥ āsañ śubhānīndriyāṇi narāṇām antarātmasu
The streams flowed as they should, nor were the oceans troubled; the senses within the inner selves of men became auspicious.
AI translation rendered from the Sanskrit, not a published edition
HV 32.38
महर्षयो वीतशोका वेदानुच्चैर् अधीयिरे यज्ञेषु च हविः स्वादु शिवम् आप च पावकः
maharṣayo vītaśokā vedānuccair adhīyire yajñeṣu ca haviḥ svādu śivam āpa ca pāvakaḥ
The great seers, their grief gone, recited the Vedas aloud, and in the sacrifices the fire received the oblation, sweet and auspicious.
AI translation rendered from the Sanskrit, not a published edition