Devi Bhagavata Purana — Skandha 9 — Chapter 43
DB 9 43.1
स्वाहोपाख्यानवर्णनम् नारद उवाच नारायण महाभाग नारायण महाप्रभो । रूपेणैव गुणेनैव यशसा तेजसा त्विषा
svāhopākhyānavarṇanam nārada uvāca nārāyaṇa mahābhāga nārāyaṇa mahāprabho | rūpeṇaiva guṇenaiva yaśasā tejasā tviṣā
The Account of Svāhā. Nārada said: O Nārāyaṇa, greatly blessed one, O Nārāyaṇa, great lord! In beauty, in virtue, in fame, in fiery energy, in radiance,
AI translation rendered from the Sanskrit, not a published edition
DB 9 43.2
त्वमेव ज्ञानिनां श्रेष्ठः सिद्धानां योगिनां मुने । तपस्विनां मुनीनां च परो वेदविदांवर
tvameva jñānināṃ śreṣṭhaḥ siddhānāṃ yogināṃ mune | tapasvināṃ munīnāṃ ca paro vedavidāṃvara
you alone are the best of the knowers, of the perfected ones and the yogins, O sage; and (you are) superior to the ascetics and the seers, O foremost of those who know the Veda.
AI translation rendered from the Sanskrit, not a published edition
DB 9 43.3
महालक्ष्म्या उपाख्यानं विज्ञातं महदद्भुतम् । अन्यत्किञ्चिदुपाख्यानं निगूढं वद साम्प्रतम्
mahālakṣmyā upākhyānaṃ vijñātaṃ mahadadbhutam | anyatkiñcidupākhyānaṃ nigūḍhaṃ vada sāmpratam
The account of Mahālakṣmī, greatly wondrous, has been learned. Now tell some other hidden account.
AI translation rendered from the Sanskrit, not a published edition
DB 9 43.4
अतीव गोपनीयं यदुपयुक्तं च सर्वतः । अप्रकाश्यं पुराणेषु वेदोक्तं धर्मसंयुतम्
atīva gopanīyaṃ yadupayuktaṃ ca sarvataḥ | aprakāśyaṃ purāṇeṣu vedoktaṃ dharmasaṃyutam
(one) that is extremely to be kept secret, that is useful in every way, not to be revealed in the Purāṇas, spoken in the Veda, joined with dharma.
AI translation rendered from the Sanskrit, not a published edition
DB 9 43.5
श्रीनारायण उवाच नानाप्रकारमाख्यानमप्रकाश्यं पुराणतः । श्रुतं कतिविधं गूढमास्ते ब्रह्मन् सुदुर्लभम्
śrīnārāyaṇa uvāca nānāprakāramākhyānamaprakāśyaṃ purāṇataḥ | śrutaṃ katividhaṃ gūḍhamāste brahman sudurlabham
Śrī Nārāyaṇa said: There is many a kind of narrative not to be published from the Purāṇas; how many kinds of hidden, very hard-to-obtain (lore) have you heard, O brahmin?
AI translation rendered from the Sanskrit, not a published edition — the model flagged this verse as uncertain
DB 9 43.6
तेषु यत्सारभूतं च श्रोतुं किं वा त्वमिच्छसि । तन्मे ब्रूहि महाभाग पश्चाद्वक्ष्यामि तत्पुनः
teṣu yatsārabhūtaṃ ca śrotuṃ kiṃ vā tvamicchasi | tanme brūhi mahābhāga paścādvakṣyāmi tatpunaḥ
Which among them, that which is their essence, do you wish to hear? Tell me that, greatly blessed one, and then I shall tell it.
AI translation rendered from the Sanskrit, not a published edition
DB 9 43.7
नारद उवाच स्वाहा देवी हविर्दाने प्रशस्ता सर्वकर्मसु । पितृदाने स्वधा शस्ता दक्षिणा सर्वतो वरा
nārada uvāca svāhā devī havirdāne praśastā sarvakarmasu | pitṛdāne svadhā śastā dakṣiṇā sarvato varā
Nārada said: The goddess Svāhā is commended in the offering of oblations, in all rites; in offering to the ancestors Svadhā is praised; Dakṣiṇā is best of all.
AI translation rendered from the Sanskrit, not a published edition
DB 9 43.8
एतासां चरितं जन्मफलं प्राधान्यमेव च । श्रोतुमिच्छामि त्वद्वक्त्राद्वद वेदविदांवर
etāsāṃ caritaṃ janmaphalaṃ prādhānyameva ca | śrotumicchāmi tvadvaktrādvada vedavidāṃvara
I wish to hear from your mouth the deeds of these (goddesses), the fruit of their birth, and their pre-eminence — tell it, O foremost of the knowers of the Veda.
AI translation rendered from the Sanskrit, not a published edition
DB 9 43.9
सूत उवाच नारदस्य वचः श्रुत्वा प्रहस्य मुनिसत्तमः । कथां कथितुमारेभे पुराणोक्तां पुरातनीम्
sūta uvāca nāradasya vacaḥ śrutvā prahasya munisattamaḥ | kathāṃ kathitumārebhe purāṇoktāṃ purātanīm
Sūta said: Having heard Nārada's words, the best of sages smiled and began to tell the ancient tale as told in the Purāṇas.
AI translation rendered from the Sanskrit, not a published edition
DB 9 43.10
श्रीनारायण उवाच सृष्टेः प्रथमतो देवाः स्वाहारार्थं ययुः पुरा । ब्रह्मलोकं ब्रह्मसभामाजग्मुः सुमनोहराम्
śrīnārāyaṇa uvāca sṛṣṭeḥ prathamato devāḥ svāhārārthaṃ yayuḥ purā | brahmalokaṃ brahmasabhāmājagmuḥ sumanoharām
Śrī Nārāyaṇa said: At the first of creation the gods went of old for the sake of their food; they came to the world of Brahmā, to Brahmā's most lovely assembly hall.
AI translation rendered from the Sanskrit, not a published edition
DB 9 43.11
गत्वा निवेदनं चक्रुराहारहेतुकं मुने । ब्रह्मा श्रुत्वा प्रतिज्ञाय निषेवे श्रीहरिं परम्
gatvā nivedanaṃ cakrurāhārahetukaṃ mune | brahmā śrutvā pratijñāya niṣeve śrīhariṃ param
Having gone, they made their petition, on account of food, O sage. Brahmā, hearing it, made a promise and worshipped the supreme Śrī Hari.
AI translation rendered from the Sanskrit, not a published edition
DB 9 43.12
नारद उवाच यज्ञरूपो हि भगवान् कलया च बभूव ह । यज्ञे यद्यद्धविर्दानं दत्तं तेभ्यश्च ब्राह्मणैः
nārada uvāca yajñarūpo hi bhagavān kalayā ca babhūva ha | yajñe yadyaddhavirdānaṃ dattaṃ tebhyaśca brāhmaṇaiḥ
Nārada said: The Blessed One indeed became the sacrifice itself by a portion (of himself); whatever offering of oblation was given at the sacrifice to those (gods) by the brahmins—
AI translation rendered from the Sanskrit, not a published edition
DB 9 43.13
श्रीनारायण उवाच हविर्ददति विप्राश्च भक्त्या च क्षत्रियादयः । सुरा नैव प्राप्नुवन्ति तद्दानं मुनिपुङ्गव
śrīnārāyaṇa uvāca havirdadati viprāśca bhaktyā ca kṣatriyādayaḥ | surā naiva prāpnuvanti taddānaṃ munipuṅgava
Śrī Nārāyaṇa said: The brahmins offer the oblation, and the kṣatriyas and others do so with devotion; (yet) the gods do not receive that gift at all, O foremost of sages.
AI translation rendered from the Sanskrit, not a published edition
DB 9 43.14
देवा विषण्णास्ते सर्वे तत्सभां च ययुः पुनः । गत्वा निवेदनं चक्रुराहाराभावहेतुकम्
devā viṣaṇṇāste sarve tatsabhāṃ ca yayuḥ punaḥ | gatvā nivedanaṃ cakrurāhārābhāvahetukam
All those gods, dejected, went again to that assembly; having gone, they made their representation, occasioned by the lack of food.
AI translation rendered from the Sanskrit, not a published edition
DB 9 43.15
ब्रह्मा श्रुत्वा तु ध्यानेन श्रीकृष्णं शरणं ययौ । पूजाञ्चकार प्रकृतेध्यानेनैव तदाज्ञया
brahmā śrutvā tu dhyānena śrīkṛṣṇaṃ śaraṇaṃ yayau | pūjāñcakāra prakṛtedhyānenaiva tadājñayā
But Brahmā, having heard (this), went for refuge to Śrī Kṛṣṇa by meditation; and by his command he performed worship of Prakṛti by meditation alone.
AI translation rendered from the Sanskrit, not a published edition
DB 9 43.16
प्रकृतेः कलया चैव सर्वशक्तिस्वरूपिणी । अतीव सुन्दरी श्यामा रमणीया मनोहरा
prakṛteḥ kalayā caiva sarvaśaktisvarūpiṇī | atīva sundarī śyāmā ramaṇīyā manoharā
By a portion of Prakṛti (there appeared) she who is the embodiment of all power, exceedingly beautiful, dark-hued, delightful, captivating,
AI translation rendered from the Sanskrit, not a published edition
DB 9 43.17
ईषद्धास्यप्रसन्नास्या भक्तानुग्रहकातरा । उवाचेति विधेरग्रे पद्मयोने वरं वृणु
īṣaddhāsyaprasannāsyā bhaktānugrahakātarā | uvāceti vidheragre padmayone varaṃ vṛṇu
her face bright with a slight smile, eager to show favour to devotees; she spoke thus before the Ordainer: "O lotus-born, choose a boon."
AI translation rendered from the Sanskrit, not a published edition
DB 9 43.18
विधिस्तद्वचनं श्रुत्वा सम्भ्रमात्समुवाच ताम् । प्रजापतिरुवाच त्वमग्नेर्दाहिका शक्तिर्भव यातीव सुन्दरी
vidhistadvacanaṃ śrutvā sambhramātsamuvāca tām | prajāpatiruvāca tvamagnerdāhikā śaktirbhava yātīva sundarī
The Ordainer, hearing her words, spoke to her in haste. Prajāpati said: Be the burning power of fire, you who are exceedingly beautiful.
AI translation rendered from the Sanskrit, not a published edition
DB 9 43.19
दग्धुं न शक्तः प्रकृतीर्हुताशश्च त्वया विना । त्वन्नामोच्चार्य मन्त्रान्ते यो दास्यति हविर्नरः
dagdhuṃ na śaktaḥ prakṛtīrhutāśaśca tvayā vinā | tvannāmoccārya mantrānte yo dāsyati havirnaraḥ
Without you the fire-eater is unable to burn the elements. The man who, having uttered your name at the end of the mantra, will offer the oblation—
AI translation rendered from the Sanskrit, not a published edition
DB 9 43.20
सुरेभ्यस्तत्प्राप्नुवन्ति सुराः सानन्दपूर्वकम् । अग्नेः सम्पत्स्वरूपा च श्रीरूपा सा गृहेश्वरी
surebhyastatprāpnuvanti surāḥ sānandapūrvakam | agneḥ sampatsvarūpā ca śrīrūpā sā gṛheśvarī
—from that the gods obtain it; the gods (receive it) with joy. And she, of the form of the wealth of fire, in the form of Śrī, is the mistress of the household,
AI translation rendered from the Sanskrit, not a published edition — the model flagged this verse as uncertain
DB 9 43.21
देवानां पूजिता शश्वन्नरादीनां भवाम्बिके । ब्रह्मणश्च वचः श्रुत्वा सा विषण्णा बभूव ह
devānāṃ pūjitā śaśvannarādīnāṃ bhavāmbike | brahmaṇaśca vacaḥ śrutvā sā viṣaṇṇā babhūva ha
ever worshipped by the gods and by men and the rest, O mother of the world. But hearing Brahmā's words, she became dejected.
AI translation rendered from the Sanskrit, not a published edition
DB 9 43.22
तमुवाच ततो देवी स्वाभिप्रायं स्वयम्भुवम् । स्वाहोवाच अहं कृष्णं भजिष्यामि तपसा सुचिरेण च
tamuvāca tato devī svābhiprāyaṃ svayambhuvam | svāhovāca ahaṃ kṛṣṇaṃ bhajiṣyāmi tapasā sucireṇa ca
Then the goddess told the Self-born her own intention. Svāhā said: I shall worship Kṛṣṇa with austerity for a very long time.
AI translation rendered from the Sanskrit, not a published edition
DB 9 43.23
ब्रह्मंस्तदन्यं यत्किञ्चित्स्वप्नवद् भ्रममेव च । विधाता जगतस्त्वं च शम्भुर्मृत्युञ्जयो विभुः
brahmaṃstadanyaṃ yatkiñcitsvapnavad bhramameva ca | vidhātā jagatastvaṃ ca śambhurmṛtyuñjayo vibhuḥ
O Brahmā, whatever else there is besides him is like a dream and mere delusion; you are the ordainer of the world, and Śambhu is the all-pervading conqueror of death;
AI translation rendered from the Sanskrit, not a published edition
DB 9 43.24
बिभर्ति शेषो विश्वं च धर्मः साक्षी च धर्मिणाम् । सर्वाद्यपूज्यो देवानां गणेषु च गणेश्वरः
bibharti śeṣo viśvaṃ ca dharmaḥ sākṣī ca dharmiṇām | sarvādyapūjyo devānāṃ gaṇeṣu ca gaṇeśvaraḥ
Śeṣa upholds the universe, and Dharma is the witness of the righteous, and among the hosts of the gods Gaṇeśvara is the first to be worshipped by all—
AI translation rendered from the Sanskrit, not a published edition
DB 9 43.25
प्रकृतिः सर्वसम्पूज्या यत्प्रसादात्पुराभवत् । ऋषयो मुनयश्चैव पूजिता यन्निषेवया
prakṛtiḥ sarvasampūjyā yatprasādātpurābhavat | ṛṣayo munayaścaiva pūjitā yanniṣevayā
Prakṛti became worshipped by all of old by whose grace, and the seers and sages became honoured by serving whom—
AI translation rendered from the Sanskrit, not a published edition
DB 9 43.26
तत्पादपद्मं नियतं भावेन चिन्तयाम्यहम् । पद्मास्या पाद्यमित्युक्त्वा पद्मनाभानुसारतः
tatpādapadmaṃ niyataṃ bhāvena cintayāmyaham | padmāsyā pādyamityuktvā padmanābhānusārataḥ
his lotus feet I constantly contemplate with devotion. Having said this, the lotus-faced one, in accordance with (the will of) Padmanābha,
AI translation rendered from the Sanskrit, not a published edition — the model flagged this verse as uncertain
DB 9 43.27
जगाम तपसे देवी ध्यात्वा कृष्णं निरामयम् । तपस्तेपे वर्षलक्षमेकपादेन पद्मजा
jagāma tapase devī dhyātvā kṛṣṇaṃ nirāmayam | tapastepe varṣalakṣamekapādena padmajā
—the goddess went to perform austerity, meditating on the flawless Kṛṣṇa. The lotus-born one practised austerity for a hundred thousand years on one foot.
AI translation rendered from the Sanskrit, not a published edition
DB 9 43.28
तदा ददर्श श्रीकृष्णं निर्गुणं प्रकृतेः परम् । अतीव कमनीयं च रूपं दृष्ट्वा च रूपिणी
tadā dadarśa śrīkṛṣṇaṃ nirguṇaṃ prakṛteḥ param | atīva kamanīyaṃ ca rūpaṃ dṛṣṭvā ca rūpiṇī
Then she saw Śrī Kṛṣṇa, beyond Prakṛti, free of qualities; and having seen that exceedingly desirable form, she, the embodied one,
AI translation rendered from the Sanskrit, not a published edition
DB 9 43.29
मूर्च्छां सम्प्राप कालेन कामेशस्य च कामुकी । विज्ञाय तदभिप्रायं सर्वज्ञस्तामुवाच ह
mūrcchāṃ samprāpa kālena kāmeśasya ca kāmukī | vijñāya tadabhiprāyaṃ sarvajñastāmuvāca ha
in time fell into a swoon, desiring the lord of desire. Knowing her intention, the all-knowing one spoke to her,
AI translation rendered from the Sanskrit, not a published edition
DB 9 43.30
समुत्थाप्य च तां क्रोडे क्षीणाङ्गीं तपसा चिरम् । श्रीभगवानुवाच वाराहे वै त्वमंशेन मम पत्नी भविष्यसि
samutthāpya ca tāṃ kroḍe kṣīṇāṅgīṃ tapasā ciram | śrībhagavānuvāca vārāhe vai tvamaṃśena mama patnī bhaviṣyasi
and lifting her, whose limbs were long wasted by austerity, onto his lap. The Blessed Lord said: In the Boar (age) you shall by a portion become my wife,
AI translation rendered from the Sanskrit, not a published edition
DB 9 43.31
नाम्ना नाग्नजिती कन्या कान्ते नग्नजितस्य च । अधुनाग्नेर्दाहिका त्वं भव पत्नी च भामिनी
nāmnā nāgnajitī kanyā kānte nagnajitasya ca | adhunāgnerdāhikā tvaṃ bhava patnī ca bhāminī
a maiden Nāgnajitī by name, O beloved, and (daughter) of Nagnajit; but now, O lovely one, be the burning power of fire and his wife.
AI translation rendered from the Sanskrit, not a published edition
DB 9 43.32
मन्त्राङ्गरूपा पूज्या च मत्प्रसादाद् भविष्यसि । वह्निस्त्वां भक्तिभावेन सम्पूज्य च गृहेश्वरीम्
mantrāṅgarūpā pūjyā ca matprasādād bhaviṣyasi | vahnistvāṃ bhaktibhāvena sampūjya ca gṛheśvarīm
"By my grace you shall become the form of the mantra's limb and (an object) of worship. And Fire, having duly worshipped you with devotion as the mistress of his house,
AI translation rendered from the Sanskrit, not a published edition
DB 9 43.33
रमिष्यति त्वया सार्धं रामया रमणीयया । इत्युक्त्वान्तर्दधे देवो देवीं सम्भाष्य नारद
ramiṣyati tvayā sārdhaṃ rāmayā ramaṇīyayā | ityuktvāntardadhe devo devīṃ sambhāṣya nārada
will take pleasure with you, a lovely and delightful woman." Having said this, and having (thus) addressed the goddess, the god vanished, O Nārada.
AI translation rendered from the Sanskrit, not a published edition
DB 9 43.34
तत्राजगाम सन्त्रस्तो वह्निर्ब्रह्मनिदेशतः । सामवेदोक्तध्यानेन ध्यात्वा तां जगदम्बिकाम्
tatrājagāma santrasto vahnirbrahmanideśataḥ | sāmavedoktadhyānena dhyātvā tāṃ jagadambikām
There, at Brahmā's command, Fire came, trembling; and having meditated on her, the Mother of the world, with the meditation declared in the Sāmaveda,
AI translation rendered from the Sanskrit, not a published edition
DB 9 43.35
सम्पूज्य परितुष्टाव पाणिं जग्राह मन्त्रतः । तदा दिव्यं वर्षशतं स रेमे रामया सह
sampūjya parituṣṭāva pāṇiṃ jagrāha mantrataḥ | tadā divyaṃ varṣaśataṃ sa reme rāmayā saha
having worshipped her he greatly praised (her) and took her hand according to the mantra (rite). Then for a hundred divine years he took pleasure with the woman,
AI translation rendered from the Sanskrit, not a published edition
DB 9 43.36
अतीव निर्जने देशे सम्भोगसुखदे सदा । बभूव गर्भस्तस्यां च हुताशस्य च तेजसा
atīva nirjane deśe sambhogasukhade sadā | babhūva garbhastasyāṃ ca hutāśasya ca tejasā
in a wholly solitary place, ever bestowing the joy of union; and by the fiery power of the Oblation-eater an embryo came to be in her.
AI translation rendered from the Sanskrit, not a published edition
DB 9 43.37
तं दधार च सा देवी दिव्यं द्वादशवत्सरम् । ततः सुषाव पुत्रांश्च रमणीयान्मनोहरान्
taṃ dadhāra ca sā devī divyaṃ dvādaśavatsaram | tataḥ suṣāva putrāṃśca ramaṇīyānmanoharān
And that goddess bore it for twelve divine years; then she brought forth sons, delightful and captivating —
AI translation rendered from the Sanskrit, not a published edition
DB 9 43.38
दक्षिणाग्निगार्हपत्याहवनीयान् क्रमेण च । ऋषयो मुनयश्चैव ब्राह्मणाः क्षत्रियादयः
dakṣiṇāgnigārhapatyāhavanīyān krameṇa ca | ṛṣayo munayaścaiva brāhmaṇāḥ kṣatriyādayaḥ
the Dakṣiṇa fire, the Gārhapatya, and the Āhavanīya, in order. And the seers and sages, the brahmins, the kṣatriyas and the rest,
AI translation rendered from the Sanskrit, not a published edition
DB 9 43.39
स्वाहान्तं मन्त्रमुच्चार्य हविर्दानं च चक्रिरे । स्वाहायुक्तं च मन्त्रं च यो गृह्णाति प्रशस्तकम्
svāhāntaṃ mantramuccārya havirdānaṃ ca cakrire | svāhāyuktaṃ ca mantraṃ ca yo gṛhṇāti praśastakam
uttering the mantra ending in "svāhā," made their offerings of oblation. And whoever takes up an excellent mantra joined with "svāhā" —
AI translation rendered from the Sanskrit, not a published edition
DB 9 43.40
सर्वसिद्धिर्भवेत्तस्य मन्त्रग्रहणमात्रतः । विषहीनो यथा सर्पो वेदहीनो यथा द्विजः
sarvasiddhirbhavettasya mantragrahaṇamātrataḥ | viṣahīno yathā sarpo vedahīno yathā dvijaḥ
for him there is complete success by the mere taking up of the mantra. As a snake without venom, as a twice-born without the Veda,
AI translation rendered from the Sanskrit, not a published edition
DB 9 43.41
पतिसेवाविहीना स्त्री विद्याहीनो यथा पुमान् । फलशाखाविहीनश्च यथा वृक्षो हि निन्दितः
patisevāvihīnā strī vidyāhīno yathā pumān | phalaśākhāvihīnaśca yathā vṛkṣo hi ninditaḥ
as a woman devoid of service to her husband, as a man without learning, and as a tree without fruit or branches is indeed despised,
AI translation rendered from the Sanskrit, not a published edition
DB 9 43.42
स्वाहाहीनस्तथा मन्त्रो न हुतः फलदायकः । परितुष्टा द्विजाः सर्वे देवाः सम्प्रापुराहुतीः
svāhāhīnastathā mantro na hutaḥ phaladāyakaḥ | parituṣṭā dvijāḥ sarve devāḥ samprāpurāhutīḥ
so a mantra lacking "svāhā," (though) offered, does not yield fruit. All the twice-born were well pleased, and the gods received the oblations.
AI translation rendered from the Sanskrit, not a published edition
DB 9 43.43
स्वाहान्तेनैव मन्त्रेण सफलं सर्वमेव च । इत्येवं कथितं सर्वं स्वाहोपाख्यानमुत्तमम् नारायणनारदसंवादे स्वाहोपाख्यानवर्णनं नाम त्रिचत्वारिंशोऽध्यायः
svāhāntenaiva mantreṇa saphalaṃ sarvameva ca | ityevaṃ kathitaṃ sarvaṃ svāhopākhyānamuttamam nārāyaṇanāradasaṃvāde svāhopākhyānavarṇanaṃ nāma tricatvāriṃśo'dhyāyaḥ
By the mantra ending in "svāhā" alone everything indeed becomes fruitful. Thus has the whole excellent tale of Svāhā been told. — In the dialogue of Nārāyaṇa and Nārada, the forty-third chapter, called the description of the tale of Svāhā.
AI translation rendered from the Sanskrit, not a published edition
DB 9 43.44
सुखदं मोक्षदं सारं किं भूयः श्रोतुमिच्छसि । नारद उवाच स्वाहापूजाविधानं च ध्यानं स्तोत्रं मुनीश्वर
sukhadaṃ mokṣadaṃ sāraṃ kiṃ bhūyaḥ śrotumicchasi | nārada uvāca svāhāpūjāvidhānaṃ ca dhyānaṃ stotraṃ munīśvara
(It is) joy-giving, liberation-giving, the essence. What further do you wish to hear? Nārada said: The rule for the worship of Svāhā, and the meditation and the hymn, O lord of sages —
AI translation rendered from the Sanskrit, not a published edition
DB 9 43.45
सम्पूज्य वह्निस्तुष्टाव येन तद्वद मे प्रभो । श्रीनारायण उवाच ध्यानं च सामवेदोक्तं स्तोत्रपूजाविधानकम्
sampūjya vahnistuṣṭāva yena tadvada me prabho | śrīnārāyaṇa uvāca dhyānaṃ ca sāmavedoktaṃ stotrapūjāvidhānakam
that by which Fire, having worshipped her, praised her: tell me that, O lord. Śrī Nārāyaṇa said: The meditation declared in the Sāmaveda, and the hymn and the rule of worship,
AI translation rendered from the Sanskrit, not a published edition
DB 9 43.46
वदामि श्रूयतां ब्रह्मन् सावधानो मुनीश्वर । सर्वयज्ञारम्भकाले शालग्रामे घटेऽथवा
vadāmi śrūyatāṃ brahman sāvadhāno munīśvara | sarvayajñārambhakāle śālagrāme ghaṭe'thavā
I shall speak; let it be heard, O brahmin, attentively, O lord of sages. At the time of beginning any sacrifice, in a śālagrāma stone or in a jar,
AI translation rendered from the Sanskrit, not a published edition
DB 9 43.47
स्वाहां सम्पूज्य यत्नेन यज्ञं कुर्यात्कलाप्तये । स्वाहां मन्त्राङ्गयुक्तां च मन्त्रसिद्धिस्वरूपिणीम्
svāhāṃ sampūjya yatnena yajñaṃ kuryātkalāptaye | svāhāṃ mantrāṅgayuktāṃ ca mantrasiddhisvarūpiṇīm
one should carefully worship Svāhā and (then) perform the sacrifice for the obtaining of one's share (of the fruit). Svāhā, who is joined to mantras as their member, who is the very form of a mantra's efficacy,
AI translation rendered from the Sanskrit, not a published edition
DB 9 43.48
सिद्धां च सिद्धिदां नॄणां कर्मणां फलदां शुभाम् । इति ध्यात्वा च मूलेन दत्त्वा पाद्यादिकं नरः
siddhāṃ ca siddhidāṃ nṝṇāṃ karmaṇāṃ phaladāṃ śubhām | iti dhyātvā ca mūlena dattvā pādyādikaṃ naraḥ
who is perfected and grants perfection to men, who bestows the fruit of rites, auspicious — having thus meditated, and having offered water for the feet and the rest with the root-mantra, a man
AI translation rendered from the Sanskrit, not a published edition
DB 9 43.49
सर्वसिद्धिं लभेत्स्तुत्वा मूलमन्त्रं मुने शृणु । ॐ ह्रीं श्रीं वह्निजायायै देव्यै स्वाहेत्यनेन च
sarvasiddhiṃ labhetstutvā mūlamantraṃ mune śṛṇu | oṃ hrīṃ śrīṃ vahnijāyāyai devyai svāhetyanena ca
attains all perfection by praising (her). Hear the root-mantra, O sage: "Oṃ hrīṃ śrīṃ to the goddess, the wife of Fire, svāhā" — with this,
AI translation rendered from the Sanskrit, not a published edition
DB 9 43.50
यः पूजयेच्च तां भक्त्या सर्वेष्टं सम्भवेद् ध्रुवम् । वह्निरुवाच स्वाहा वह्निप्रिया वह्निजाया सन्तोषकारिणी
yaḥ pūjayecca tāṃ bhaktyā sarveṣṭaṃ sambhaved dhruvam | vahniruvāca svāhā vahnipriyā vahnijāyā santoṣakāriṇī
whoever worships her with devotion, for him all that is desired will surely come about. Fire said: Svāhā, beloved of Fire, wife of Fire, giver of satisfaction,
AI translation rendered from the Sanskrit, not a published edition
DB 9 43.51
शक्तिः क्रिया कालदात्री परिपाककरी ध्रुवा । गतिः सदा नराणां च दाहिका दहनक्षमा
śaktiḥ kriyā kāladātrī paripākakarī dhruvā | gatiḥ sadā narāṇāṃ ca dāhikā dahanakṣamā
power, action, giver of (due) time, bringer of full ripening, constant, ever the recourse of men, the burner, capable of burning,
AI translation rendered from the Sanskrit, not a published edition
DB 9 43.52
संसारसाररूपा च घोरसंसारतारिणी । देवजीवनरूपा च देवपोषणकारिणी
saṃsārasārarūpā ca ghorasaṃsāratāriṇī | devajīvanarūpā ca devapoṣaṇakāriṇī
(She is) the very essence of the round of existence, and the ferrier across the terrible round of existence; she is the life of the gods, and the nourisher of the gods.
AI translation rendered from the Sanskrit, not a published edition
DB 9 43.53
षोडशैतानि नामानि यः पठेद्भक्तिसंयुतः । सर्वसिद्धिर्भवेत्तस्य इह लोके परत्र च
ṣoḍaśaitāni nāmāni yaḥ paṭhedbhaktisaṃyutaḥ | sarvasiddhirbhavettasya iha loke paratra ca
Whoever, filled with devotion, recites these sixteen names, for him there is every attainment, in this world and in the next.
AI translation rendered from the Sanskrit, not a published edition
DB 9 43.54
नाङ्गहीनं भवेत्तस्य सर्वं कर्म सुशोभनम् । अपुत्रो लभते पुत्रं भार्याहीनो लभेत्प्रियाम्
nāṅgahīnaṃ bhavettasya sarvaṃ karma suśobhanam | aputro labhate putraṃ bhāryāhīno labhetpriyām
No rite of his will be defective in any part; all his ritual acts will be well accomplished. The sonless obtains a son, and one without a wife obtains a beloved.
AI translation rendered from the Sanskrit, not a published edition
DB 9 43.55
रम्भोपमां स्वकान्तां च सम्प्राप्य सुखमाप्नुयात्
rambhopamāṃ svakāntāṃ ca samprāpya sukhamāpnuyāt
And having obtained a wife of his own comparable to Rambhā, he would attain happiness.
AI translation rendered from the Sanskrit, not a published edition