Devi Bhagavata Purana — Skandha 9 — Chapter 41
DB 9 41.1
श्रीलक्ष्म्युपाख्यानवर्णनम् श्रीनारायण उवाच हरिं ध्यात्वा हरिर्ब्रह्मन् जगाम ब्रह्मणः सभाम् । बृहस्पतिं पुरस्कृत्य सर्वैः सुरगणैः सह
śrīlakṣmyupākhyānavarṇanam śrīnārāyaṇa uvāca hariṃ dhyātvā harirbrahman jagāma brahmaṇaḥ sabhām | bṛhaspatiṃ puraskṛtya sarvaiḥ suragaṇaiḥ saha
Description of the tale of Śrī Lakṣmī. Śrī Nārāyaṇa said: Having meditated on Hari, Hari (Indra) went, O brahmin, to Brahmā's assembly, putting Bṛhaspati in front, together with all the hosts of gods.
AI translation rendered from the Sanskrit, not a published edition
DB 9 41.2
शीघ्रं गत्वा ब्रह्मलोकं दृष्ट्वा च कमलोद्भवम् । प्रणेमुर्देवताः सर्वाः सहेन्द्रा गुरुणा सह
śīghraṃ gatvā brahmalokaṃ dṛṣṭvā ca kamalodbhavam | praṇemurdevatāḥ sarvāḥ sahendrā guruṇā saha
Having quickly gone to Brahmā's world and seen the lotus-born one, all the gods, along with Indra and with (their) preceptor, bowed down.
AI translation rendered from the Sanskrit, not a published edition
DB 9 41.3
वृत्तान्तं कथयामास सुराचार्यो विधिं प्रति । प्रहस्योवाच तच्छ्रुत्वा महेन्द्रं कमलासनः
vṛttāntaṃ kathayāmāsa surācāryo vidhiṃ prati | prahasyovāca tacchrutvā mahendraṃ kamalāsanaḥ
The preceptor of the gods related the whole matter to the Ordainer; hearing it, the lotus-seated one laughed and spoke to great Indra.
AI translation rendered from the Sanskrit, not a published edition
DB 9 41.4
ब्रह्मोवाच वत्स मद्वंशजातोऽसि प्रपौत्रो मे विचक्षणः । बृहस्पतेश्च शिष्यस्त्वं सुराणामधिपः स्वयम्
brahmovāca vatsa madvaṃśajāto'si prapautro me vicakṣaṇaḥ | bṛhaspateśca śiṣyastvaṃ surāṇāmadhipaḥ svayam
Brahmā said: Child, you are born of my line, you are my great-grandson, and clever; you are Bṛhaspati's pupil and yourself the lord of the gods.
AI translation rendered from the Sanskrit, not a published edition
DB 9 41.5
मातामहश्च दक्षस्ते विष्णुभक्तः प्रतापवान् । कुलत्रयं यस्य शुद्धं कथं सोऽहङ्कृतो भवेत्
mātāmahaśca dakṣaste viṣṇubhaktaḥ pratāpavān | kulatrayaṃ yasya śuddhaṃ kathaṃ so'haṅkṛto bhavet
And your maternal grandfather is Dakṣa, a devotee of Viṣṇu, full of majesty. He whose three lineages are pure — how should he become filled with pride?
AI translation rendered from the Sanskrit, not a published edition
DB 9 41.6
माता पतिव्रता यस्य पिता शुद्धो जितेन्द्रियः । मातामहो मातुलश्च कथं सोऽहङ्कृतो भवेत्
mātā pativratā yasya pitā śuddho jitendriyaḥ | mātāmaho mātulaśca kathaṃ so'haṅkṛto bhavet
He whose mother is devoted to her husband, whose father is pure and has mastered his senses, and (whose) maternal grandfather and maternal uncle (are likewise) — how should he become filled with pride?
AI translation rendered from the Sanskrit, not a published edition
DB 9 41.7
जनः पैतृकदोषेण दोषान्मातामहस्य च । गुरुदोषात्त्रिभिर्दोषैर्हरिदोषी भवेद् ध्रुवम्
janaḥ paitṛkadoṣeṇa doṣānmātāmahasya ca | gurudoṣāttribhirdoṣairharidoṣī bhaved dhruvam
A man, by a fault on the father's side, by a fault of the maternal grandfather, and by a fault of the teacher — by these three faults he surely becomes an offender against Hari.
AI translation rendered from the Sanskrit, not a published edition
DB 9 41.8
सर्वान्तरात्मा भगवान् सर्वदेहेष्ववस्थितः । यस्य देहात्स प्रयाति स शवस्तत्क्षणं भवेत्
sarvāntarātmā bhagavān sarvadeheṣvavasthitaḥ | yasya dehātsa prayāti sa śavastatkṣaṇaṃ bhavet
The Lord, the inner Self of all, abides in all bodies; he from whose body that (Self) departs becomes at that very moment a corpse.
AI translation rendered from the Sanskrit, not a published edition
DB 9 41.9
मनोऽहमिन्द्रियेशं च ज्ञानरूपो हि शङ्करः । विष्णुप्राणा च प्रकृतिर्बुद्धिर्भगवती सती
mano'hamindriyeśaṃ ca jñānarūpo hi śaṅkaraḥ | viṣṇuprāṇā ca prakṛtirbuddhirbhagavatī satī
The mind is 'I', and the lord of the senses; Śaṅkara indeed is of the form of knowledge; and Prakṛti is Viṣṇu's life-breath, the intellect, the blessed and virtuous (goddess).
AI translation rendered from the Sanskrit, not a published edition — the model flagged this verse as uncertain
DB 9 41.10
निद्रादयः शक्तयश्च ताः सर्वाः प्रकृतेः कलाः । आत्मनः प्रतिबिम्बश्च जीवो भोगशरीरभृत्
nidrādayaḥ śaktayaśca tāḥ sarvāḥ prakṛteḥ kalāḥ | ātmanaḥ pratibimbaśca jīvo bhogaśarīrabhṛt
And sleep and the rest, the powers — all those are portions of Prakṛti; and the living being, which is a reflection of the Self, bears the body of enjoyment.
AI translation rendered from the Sanskrit, not a published edition
DB 9 41.11
आत्मनीशे गते देहात्सर्वे यान्ति ससम्भ्रमाः । यथा वर्त्मनि गच्छन्तं नरदेवमिवानुगाः
ātmanīśe gate dehātsarve yānti sasambhramāḥ | yathā vartmani gacchantaṃ naradevamivānugāḥ
When the Self, the lord, has gone from the body, all (the others) go in confusion, as attendants (follow) a king going along the road.
AI translation rendered from the Sanskrit, not a published edition
DB 9 41.12
अहं शिवश्च शेषश्च विष्णुर्धर्मो महाविराट् । यूयं यदंशा भक्ताश्च तत्पुष्पं न्यक्कृतं त्वया
ahaṃ śivaśca śeṣaśca viṣṇurdharmo mahāvirāṭ | yūyaṃ yadaṃśā bhaktāśca tatpuṣpaṃ nyakkṛtaṃ tvayā
That flower has been slighted by you — (the flower of Him) of whom I, and Śiva, and Śeṣa, Viṣṇu, Dharma, the great Virāṭ, and you (all) are portions and devotees.
AI translation rendered from the Sanskrit, not a published edition — the model flagged this verse as uncertain
DB 9 41.13
शिवेन पूजितं पादपद्मं पुष्पेण येन च । तत्र दुर्वाससा दत्तं दैवेन न्यक्कृतं त्वया
śivena pūjitaṃ pādapadmaṃ puṣpeṇa yena ca | tatra durvāsasā dattaṃ daivena nyakkṛtaṃ tvayā
The lotus foot which was worshipped by Śiva with that flower — the (flower) given there by Durvāsas was, by fate, slighted by you.
AI translation rendered from the Sanskrit, not a published edition
DB 9 41.14
तत्पुण्यं मस्तके यस्य कृष्णपादाब्जप्रच्युतम् । सर्वेषां च सुराणां च तत्पूजापुरतो भवेत्
tatpuṇyaṃ mastake yasya kṛṣṇapādābjapracyutam | sarveṣāṃ ca surāṇāṃ ca tatpūjāpurato bhavet
He upon whose head is that holy (flower) fallen from Kṛṣṇa's lotus feet — his worship comes before (that of) all the gods.
AI translation rendered from the Sanskrit, not a published edition
DB 9 41.15
दैवेन वञ्चितस्त्वं हि दैवं च बलवत्तरम् । भाग्यहीनं जनं मूढं को वा रक्षितुमीश्वरः
daivena vañcitastvaṃ hi daivaṃ ca balavattaram | bhāgyahīnaṃ janaṃ mūḍhaṃ ko vā rakṣitumīśvaraḥ
You were indeed cheated by fate, and fate is the stronger; who is master enough to protect a foolish man bereft of fortune?
AI translation rendered from the Sanskrit, not a published edition
DB 9 41.16
सा श्रीर्गताधुना कोपात्कृष्णनिर्माल्यवर्जनात् । अधुना गच्छ वैकुण्ठं मया च गुरुणा सह
sā śrīrgatādhunā kopātkṛṣṇanirmālyavarjanāt | adhunā gaccha vaikuṇṭhaṃ mayā ca guruṇā saha
That Śrī has now gone away in anger, because of the rejecting of Kṛṣṇa's used offering; now go to Vaikuṇṭha with me and with the teacher (Bṛhaspati).
AI translation rendered from the Sanskrit, not a published edition
DB 9 41.17
निषेव्य तत्र श्रीनाथं श्रियं प्राप्स्यति मद्वरात् । एवमुक्त्वा च स ब्रह्मा सर्वैः सुरगणैः सह
niṣevya tatra śrīnāthaṃ śriyaṃ prāpsyati madvarāt | evamuktvā ca sa brahmā sarvaiḥ suragaṇaiḥ saha
Having served the Lord of Śrī there, you will obtain Śrī by my boon. And having spoken thus, that Brahmā, together with all the hosts of gods—
AI translation rendered from the Sanskrit, not a published edition
DB 9 41.18
तत्र गत्वा परब्रह्म भगवन्तं सनातनम् । दृष्ट्वा तेजःस्वरूपं तं प्रज्वलन्तं स्वतेजसा
tatra gatvā parabrahma bhagavantaṃ sanātanam | dṛṣṭvā tejaḥsvarūpaṃ taṃ prajvalantaṃ svatejasā
—having gone there and seen the supreme Brahman, the eternal Lord, him whose very form is radiance, blazing with his own splendour,
AI translation rendered from the Sanskrit, not a published edition
DB 9 41.19
ग्रीष्ममध्याह्नमार्तण्डशतकोटिसमप्रभम् । शान्तमनादिमध्यान्तं लक्ष्यीकान्तमनन्तकम्
grīṣmamadhyāhnamārtaṇḍaśatakoṭisamaprabham | śāntamanādimadhyāntaṃ lakṣyīkāntamanantakam
whose brilliance equals a thousand million summer-midday suns, tranquil, without beginning, middle or end, the beloved of Lakṣmī, endless,
AI translation rendered from the Sanskrit, not a published edition
DB 9 41.20
चतुर्भुजैः पार्षदैश्च सरस्वत्या युतं प्रभुम् । भक्त्या चतुर्भिर्वेदैश्च गङ्गया परिवेष्टितम्
caturbhujaiḥ pārṣadaiśca sarasvatyā yutaṃ prabhum | bhaktyā caturbhirvedaiśca gaṅgayā pariveṣṭitam
the Lord joined by four-armed attendants and by Sarasvatī, surrounded by Bhakti, by the four Vedas, and by Gaṅgā —
AI translation rendered from the Sanskrit, not a published edition
DB 9 41.21
तं प्रणेमुः सुराः सर्वे मूर्ध्ना ब्रह्मपुरोगमाः । भक्तिनम्राः साश्रुनेत्रास्तुष्टुवुः परमेश्वरम्
taṃ praṇemuḥ surāḥ sarve mūrdhnā brahmapurogamāḥ | bhaktinamrāḥ sāśrunetrāstuṣṭuvuḥ parameśvaram
to him all the gods, with Brahmā at their head, bowed with their heads; bent low in devotion, with tears in their eyes, they praised the supreme Lord.
AI translation rendered from the Sanskrit, not a published edition
DB 9 41.22
वृत्तान्तं कथयामास स्वयं ब्रह्मा कृताञ्जलिः । रुरुदुर्देवताः सर्वाः स्वाधिकाराच्चुताश्च ताः
vṛttāntaṃ kathayāmāsa svayaṃ brahmā kṛtāñjaliḥ | rurudurdevatāḥ sarvāḥ svādhikārāccutāśca tāḥ
Brahmā himself, with joined palms, related what had happened; and all the deities wept, fallen as they were from their own offices.
AI translation rendered from the Sanskrit, not a published edition
DB 9 41.23
स ददर्श सुरगणं विपद्ग्रस्तं भयाकुलम् । रत्नभूषणशून्यं च वाहनादिविवर्जितम्
sa dadarśa suragaṇaṃ vipadgrastaṃ bhayākulam | ratnabhūṣaṇaśūnyaṃ ca vāhanādivivarjitam
He saw the host of gods seized by calamity, agitated with fear, void of jewels and ornaments, and deprived of their mounts and the rest,
AI translation rendered from the Sanskrit, not a published edition
DB 9 41.24
शोभाशून्यं हतश्रीकं निष्प्रभं सभयं परम् । उवाच कातरं दृष्ट्वा भयभीतिविभञ्जनः
śobhāśūnyaṃ hataśrīkaṃ niṣprabhaṃ sabhayaṃ param | uvāca kātaraṃ dṛṣṭvā bhayabhītivibhañjanaḥ
devoid of beauty, their splendour destroyed, lustreless, exceedingly afraid; and seeing (them) distressed, the breaker of fear and dread spoke.
AI translation rendered from the Sanskrit, not a published edition
DB 9 41.25
श्रीभगवानुवाच मा भैर्ब्रह्मन् हे सुराश्च भयं किं वो मयि स्थिते । दास्यामि लक्ष्मीमचलां परमैश्वर्यवर्धिनीम्
śrībhagavānuvāca mā bhairbrahman he surāśca bhayaṃ kiṃ vo mayi sthite | dāsyāmi lakṣmīmacalāṃ paramaiśvaryavardhinīm
The blessed Lord said: Do not fear, Brahman, and you gods — what fear is there for you while I stand (by)? I shall give you the unmoving Lakṣmī, who increases the highest sovereignty.
AI translation rendered from the Sanskrit, not a published edition
DB 9 41.26
किञ्च मद्वचनं किञ्चिच्छ्रूयतां समयोचितम् । हितं सत्यं सारभूतं परिणामसुखावहम्
kiñca madvacanaṃ kiñcicchrūyatāṃ samayocitam | hitaṃ satyaṃ sārabhūtaṃ pariṇāmasukhāvaham
And let a word of mine, suited to the occasion, be heard: beneficial, true, of substantial worth, and bringing happiness in its outcome.
AI translation rendered from the Sanskrit, not a published edition
DB 9 41.27
जनाश्चासंख्यविश्वस्था मदधीनाश्च सन्ततम् । यथा तथाहं मद्भक्तपराधीनोऽस्वतन्त्रकः
janāścāsaṃkhyaviśvasthā madadhīnāśca santatam | yathā tathāhaṃ madbhaktaparādhīno'svatantrakaḥ
And the countless people abiding in the universe are constantly subject to me; yet just so am I subject to my devotee, not independent.
AI translation rendered from the Sanskrit, not a published edition
DB 9 41.28
यं यं रुष्टो हि मद्भक्तो मत्परो हि निरङ्कुशः । तद्गृहेऽहं न तिष्ठामि पद्मया सह निश्चितम्
yaṃ yaṃ ruṣṭo hi madbhakto matparo hi niraṅkuśaḥ | tadgṛhe'haṃ na tiṣṭhāmi padmayā saha niścitam
Whomever my devotee, devoted to me and unrestrained, is angry with — in that man's house I certainly do not stay, together with Lakṣmī.
AI translation rendered from the Sanskrit, not a published edition
DB 9 41.29
दुर्वासाः शङ्करांशश्च वैष्णवो मत्परायणः । तच्छापादागतोऽहं च सलक्ष्मीको हि वो गृहात्
durvāsāḥ śaṅkarāṃśaśca vaiṣṇavo matparāyaṇaḥ | tacchāpādāgato'haṃ ca salakṣmīko hi vo gṛhāt
Durvāsas is a portion of Śaṅkara, a Vaiṣṇava devoted to me; and it is by his curse that I, along with Lakṣmī, have come away from your house.
AI translation rendered from the Sanskrit, not a published edition
DB 9 41.30
यत्र शङ्खध्वनिर्नास्ति तुलसी न शिवार्चनम् । न भोजनं च विप्राणां न पद्मा तत्र तिष्ठति
yatra śaṅkhadhvanirnāsti tulasī na śivārcanam | na bhojanaṃ ca viprāṇāṃ na padmā tatra tiṣṭhati
Where there is no sound of the conch, no tulasī, no worship of Śiva, and no feeding of brahmins, there Padmā does not stay.
AI translation rendered from the Sanskrit, not a published edition
DB 9 41.31
मद्भक्तानां च मे निन्दा यत्र ब्रह्मन् भवेत्सुराः । महारुष्टा महालक्ष्मीस्ततो याति पराभवम्
madbhaktānāṃ ca me nindā yatra brahman bhavetsurāḥ | mahāruṣṭā mahālakṣmīstato yāti parābhavam
And where, O Brahman, O gods, there is reviling of my devotees and of me, there Mahālakṣmī, greatly angered, goes away from it to ruin (of that house).
AI translation rendered from the Sanskrit, not a published edition
DB 9 41.32
मद्भक्तिहीनो यो मूढो भुङ्क्ते यो हरिवासरे । मम जन्मदिने वापि याति श्रीस्तद्गृहादपि
madbhaktihīno yo mūḍho bhuṅkte yo harivāsare | mama janmadine vāpi yāti śrīstadgṛhādapi
The fool who is without devotion to me, who eats on Hari's day (ekādaśī) or even on the day of my birth — from his house too Śrī departs.
AI translation rendered from the Sanskrit, not a published edition
DB 9 41.33
मन्नामविक्रयी यश्च विक्रीणाति स्वकन्यकाम् । यत्रातिथिर्न भुङ्क्ते च मत्प्रिया याति तद्गृहात्
mannāmavikrayī yaśca vikrīṇāti svakanyakām | yatrātithirna bhuṅkte ca matpriyā yāti tadgṛhāt
He who sells my name, and he who sells his own daughter, and (the house) where a guest does not eat — from that house my beloved departs.
AI translation rendered from the Sanskrit, not a published edition
DB 9 41.34
यो विप्रः पुंश्चलीपुत्रो महापापी च तत्पतिः । पापिनो यो गृहं याति शूद्रश्राद्धान्नभोजकः
yo vipraḥ puṃścalīputro mahāpāpī ca tatpatiḥ | pāpino yo gṛhaṃ yāti śūdraśrāddhānnabhojakaḥ
The brahmin who is the son of a wanton woman, and her husband, a great sinner; he who goes to the house of a sinner; he who eats the food of a śūdra's śrāddha —
AI translation rendered from the Sanskrit, not a published edition
DB 9 41.35
महारुष्टा ततो याति मन्दिरात्कमलालया । शूद्राणां शवदाही च भाग्यहीनो द्विजाधमः
mahāruṣṭā tato yāti mandirātkamalālayā | śūdrāṇāṃ śavadāhī ca bhāgyahīno dvijādhamaḥ
greatly angered, she who dwells in the lotus departs from that house. And the lowest of the twice-born, bereft of fortune, who burns the corpses of śūdras —
AI translation rendered from the Sanskrit, not a published edition
DB 9 41.36
याति रुष्टा तद्गृहाच्च देवाः कमलवासिनी । शूद्राणां सूपकारी यो ब्राह्मणो वृषवाहकः
yāti ruṣṭā tadgṛhācca devāḥ kamalavāsinī | śūdrāṇāṃ sūpakārī yo brāhmaṇo vṛṣavāhakaḥ
from his house too, O gods, the lotus-dweller departs in anger. The brahmin who is a cook for śūdras, who drives bulls —
AI translation rendered from the Sanskrit, not a published edition
DB 9 41.37
तत्तोयपानभीता च कमला याति तद्गृहात् । अशुद्धहृदयः क्रूरो हिंसको निन्दको द्विजः
tattoyapānabhītā ca kamalā yāti tadgṛhāt | aśuddhahṛdayaḥ krūro hiṃsako nindako dvijaḥ
afraid of drinking his water, Kamalā departs from that house. The twice-born who is impure of heart, cruel, violent, a reviler —
AI translation rendered from the Sanskrit, not a published edition
DB 9 41.38
ब्राह्मणः शूद्रयाजी च याति देवी च तद्गृहात् । अवीरान्नं च यो भुङ्क्ते तस्माद्याति जगत्प्रसूः
brāhmaṇaḥ śūdrayājī ca yāti devī ca tadgṛhāt | avīrānnaṃ ca yo bhuṅkte tasmādyāti jagatprasūḥ
and the brahmin who officiates for śūdras: the Goddess departs from his house too. And he who eats the food of a house without a male heir — from him the Mother of the world departs.
AI translation rendered from the Sanskrit, not a published edition
DB 9 41.39
तृणं छिनत्ति नखरैस्तैर्वा यो विलिखेन्महीम् । निराशो ब्राह्मणो यत्र तद्गृहाद्याति मत्प्रिया
tṛṇaṃ chinatti nakharaistairvā yo vilikhenmahīm | nirāśo brāhmaṇo yatra tadgṛhādyāti matpriyā
He who cuts grass (idly), or who scratches the earth with his nails, and the brahmin who is (there) without hope — from that house my beloved departs.
AI translation rendered from the Sanskrit, not a published edition
DB 9 41.40
सूर्योदये द्विजो भुङ्क्ते दिवास्वापी च ब्राह्मणः । दिवा मैथुनकारी च यस्तस्माद्याति मत्प्रिया
sūryodaye dvijo bhuṅkte divāsvāpī ca brāhmaṇaḥ | divā maithunakārī ca yastasmādyāti matpriyā
The twice-born who eats at sunrise, the brahmin who sleeps by day, and he who engages in intercourse by day — from him my beloved departs.
AI translation rendered from the Sanskrit, not a published edition
DB 9 41.41
आचारहीनो विप्रो यो यश्च शूद्रप्रतिग्रही । अदीक्षितो हि यो मूढस्तस्माद्वै याति मत्प्रिया नवमस्कन्धे श्रीलक्ष्म्युपाख्यानवर्णनं नामैकचत्वारिंशोऽध्यायः
ācārahīno vipro yo yaśca śūdrapratigrahī | adīkṣito hi yo mūḍhastasmādvai yāti matpriyā navamaskandhe śrīlakṣmyupākhyānavarṇanaṃ nāmaikacatvāriṃśo'dhyāyaḥ
The brahmin devoid of proper conduct, and he who accepts gifts from śūdras, and the fool who is uninitiated — from him indeed my beloved departs. [Colophon: In the ninth book, the forty-first chapter, called 'the narration of the tale of Śrī Lakṣmī'.]
AI translation rendered from the Sanskrit, not a published edition
DB 9 41.42
स्निग्धपादश्च नग्नो हि यः शेते ज्ञानदुर्बलः । शश्वद्वदति वाचालो याति सा तद्गृहात्सती
snigdhapādaśca nagno hi yaḥ śete jñānadurbalaḥ | śaśvadvadati vācālo yāti sā tadgṛhātsatī
He whose feet are oiled, who lies down naked, who is weak in knowledge, the chatterer who talks incessantly — from his house that chaste lady departs.
AI translation rendered from the Sanskrit, not a published edition
DB 9 41.43
शिरस्नातस्तु तैलेन योऽन्याङ्गं समुपस्पृशेत् । स्वाङ्गं च वादयेद्वाद्यं रुष्टा सा याति तद्गृहात्
śirasnātastu tailena yo'nyāṅgaṃ samupaspṛśet | svāṅgaṃ ca vādayedvādyaṃ ruṣṭā sā yāti tadgṛhāt
He who, having oiled his head with oil, then touches another limb (with that hand), and who beats his own body like a drum — she departs in anger from his house.
AI translation rendered from the Sanskrit, not a published edition
DB 9 41.44
व्रतोपवासहीनो यः सन्ध्याहीनोऽशुचिर्द्विजः । विष्णुभक्तिविहीनस्तु तस्माद्याति च मत्प्रिया
vratopavāsahīno yaḥ sandhyāhīno'śucirdvijaḥ | viṣṇubhaktivihīnastu tasmādyāti ca matpriyā
The twice-born who neglects vows and fasts, who omits the twilight rites, who is impure, and who lacks devotion to Viṣṇu — from him too my beloved departs.
AI translation rendered from the Sanskrit, not a published edition
DB 9 41.45
ब्राह्मणं निन्दयेद्यो हि तं च यो द्वेष्टि सन्ततम् । जीवहिंस्रो दयाहीनो याति सर्वप्रसूस्ततः
brāhmaṇaṃ nindayedyo hi taṃ ca yo dveṣṭi santatam | jīvahiṃsro dayāhīno yāti sarvaprasūstataḥ
He who would revile a brahmin and he who constantly hates him, who injures living beings and is without compassion — from him the Mother of all departs.
AI translation rendered from the Sanskrit, not a published edition
DB 9 41.46
यत्र यत्र हरेरर्चा हरेरुत्कीर्तनं तथा । तत्र तिष्ठति सा देवी सर्वमङ्गलमङ्गला
yatra yatra harerarcā harerutkīrtanaṃ tathā | tatra tiṣṭhati sā devī sarvamaṅgalamaṅgalā
Wherever there is worship of Hari and likewise the loud praising of Hari, there that goddess dwells, the auspiciousness of all auspicious things.
AI translation rendered from the Sanskrit, not a published edition
DB 9 41.47
यत्र प्रशंसा कृष्णस्य तद्भक्तस्य पितामह । सा च कृष्णप्रिया देवी तत्र तिष्ठति सन्ततम्
yatra praśaṃsā kṛṣṇasya tadbhaktasya pitāmaha | sā ca kṛṣṇapriyā devī tatra tiṣṭhati santatam
Where there is praise of Kṛṣṇa and of his devotee, O grandfather, there that goddess, dear to Kṛṣṇa, dwells continually.
AI translation rendered from the Sanskrit, not a published edition
DB 9 41.48
यत्र शङ्खध्वनिः शङ्खः शिला च तुलसीदलम् । तत्सेवा वन्दनं ध्यानं तत्र सा परितिष्ठति
yatra śaṅkhadhvaniḥ śaṅkhaḥ śilā ca tulasīdalam | tatsevā vandanaṃ dhyānaṃ tatra sā paritiṣṭhati
Where there is the sound of the conch, the conch (itself), the (śālagrāma) stone and the tulasī leaf, and service, salutation and meditation upon them, there she abides.
AI translation rendered from the Sanskrit, not a published edition
DB 9 41.49
शिवलिङ्गार्चनं यत्र तस्य चोत्कीर्तनं शुभम् । दुर्गार्चनं तद्गुणाश्च तत्र पद्मनिवासिनी
śivaliṅgārcanaṃ yatra tasya cotkīrtanaṃ śubham | durgārcanaṃ tadguṇāśca tatra padmanivāsinī
Where there is worship of the Śiva-liṅga and the auspicious loud praising of him, and worship of Durgā and (recital of) her qualities, there is she who dwells in the lotus.
AI translation rendered from the Sanskrit, not a published edition
DB 9 41.50
विप्राणां सेवनं यत्र तेषां च भोजनं शुभम् । अर्चनं सर्वदेवानां तत्र पद्ममुखी सती
viprāṇāṃ sevanaṃ yatra teṣāṃ ca bhojanaṃ śubham | arcanaṃ sarvadevānāṃ tatra padmamukhī satī
Where there is service of the brāhmaṇas and the auspicious feeding of them, and worship of all the gods, there is that lotus-faced good lady.
AI translation rendered from the Sanskrit, not a published edition
DB 9 41.51
इत्युक्त्वा च सुरान्सर्वान् रमामाह रमापतिः । क्षीरोदसागरे जन्म कलयाकलयेति च
ityuktvā ca surānsarvān ramāmāha ramāpatiḥ | kṣīrodasāgare janma kalayākalayeti ca
Having spoken thus to all the gods, the lord of Ramā said to Ramā: "Take birth in the ocean of milk by (your) partial manifestation."
AI translation rendered from the Sanskrit, not a published edition
DB 9 41.52
इत्युक्त्वा तां जगन्नाथो ब्रह्माणं पुनराह च । मथित्वा सागरं लक्ष्मीं देवेभ्यो देहि पद्मज
ityuktvā tāṃ jagannātho brahmāṇaṃ punarāha ca | mathitvā sāgaraṃ lakṣmīṃ devebhyo dehi padmaja
Having said this to her, the Lord of the world spoke again to Brahmā: "Churn the ocean and give Lakṣmī to the gods, O lotus-born one."
AI translation rendered from the Sanskrit, not a published edition
DB 9 41.53
इत्युक्त्वा कमलाकान्तो जगामान्तःपुरं मुने । देवाश्चिरेण कालेन ययुः क्षीरोदसागरम्
ityuktvā kamalākānto jagāmāntaḥpuraṃ mune | devāścireṇa kālena yayuḥ kṣīrodasāgaram
Having said this, the beloved of Kamalā went into the inner apartments, O sage; and the gods, after a long time, went to the ocean of milk.
AI translation rendered from the Sanskrit, not a published edition
DB 9 41.54
मन्थानं मन्दरं कृत्वा कूर्मं कृत्वा च भाजनम् । कृत्वा शेषं मन्थपाशं ममन्थुरसुराः सुराः
manthānaṃ mandaraṃ kṛtvā kūrmaṃ kṛtvā ca bhājanam | kṛtvā śeṣaṃ manthapāśaṃ mamanthurasurāḥ surāḥ
Making the Mandara (mountain) the churning-stick, making the tortoise the vessel, and making Śeṣa the churning-rope, the demons and the gods churned.
AI translation rendered from the Sanskrit, not a published edition
DB 9 41.55
धन्वन्तरिं च पीयूषमुच्चैःश्रवसमीप्सितम् । नानारत्नं हस्तिरत्नं प्रापुर्लक्ष्मीं सुदर्शनम्
dhanvantariṃ ca pīyūṣamuccaiḥśravasamīpsitam | nānāratnaṃ hastiratnaṃ prāpurlakṣmīṃ sudarśanam
They obtained Dhanvantari, the nectar, the longed-for Uccaiḥśravas, various jewels, the jewel among elephants, Lakṣmī, and the Sudarśana.
AI translation rendered from the Sanskrit, not a published edition
DB 9 41.56
वनमालां ददौ सा च क्षीरोदशायिने मुने । सर्वेश्वराय रम्याय विष्णवे वैष्णवी सती
vanamālāṃ dadau sā ca kṣīrodaśāyine mune | sarveśvarāya ramyāya viṣṇave vaiṣṇavī satī
And she, the good lady devoted to Viṣṇu, gave the forest-garland to him who lies on the ocean of milk, O sage — to the lord of all, the delightful Viṣṇu.
AI translation rendered from the Sanskrit, not a published edition
DB 9 41.57
देवैः स्तुता पूजिता च ब्रह्मणा शङ्करेण च । ददौ दृष्टिं सुरगृहे ब्रह्मशापविमोचनात्
devaiḥ stutā pūjitā ca brahmaṇā śaṅkareṇa ca | dadau dṛṣṭiṃ suragṛhe brahmaśāpavimocanāt
Praised by the gods and worshipped by Brahmā and by Śaṅkara, she cast her glance upon the house of the gods, releasing (them) from Brahmā's curse.
AI translation rendered from the Sanskrit, not a published edition — the model flagged this verse as uncertain
DB 9 41.58
प्रापुर्देवाः स्वविषयं दैत्यग्रस्तं भयङ्करम् । महालक्ष्मीप्रसादेन वरदानेन नारद
prāpurdevāḥ svaviṣayaṃ daityagrastaṃ bhayaṅkaram | mahālakṣmīprasādena varadānena nārada
The gods regained their own dreadful realm that had been seized by the demons, by the favour of Mahālakṣmī, through her granting of a boon, O Nārada.
AI translation rendered from the Sanskrit, not a published edition
DB 9 41.59
इत्येवं कथितं सर्वं लक्ष्म्युपाख्यानमुत्तमम् । सुखदं सारभूतं च किं भूयः श्रोतुमिच्छसि
ityevaṃ kathitaṃ sarvaṃ lakṣmyupākhyānamuttamam | sukhadaṃ sārabhūtaṃ ca kiṃ bhūyaḥ śrotumicchasi
Thus has the whole excellent tale of Lakṣmī been told, joy-giving and being the essence; what more do you wish to hear?
AI translation rendered from the Sanskrit, not a published edition