Devi Bhagavata Purana — Skandha 9 — Chapter 38
DB 9 38.1
सावित्र्युपाख्यानवर्णनम् सावित्र्युवाच देवीभक्तिं देहि मह्यं साराणां चैव सारकम् । पुंसां मुक्तिद्वारबीजं नरकार्णवतारकम्
sāvitryupākhyānavarṇanam sāvitryuvāca devībhaktiṃ dehi mahyaṃ sārāṇāṃ caiva sārakam | puṃsāṃ muktidvārabījaṃ narakārṇavatārakam
The Narration of Sāvitrī's Story. Sāvitrī said: Grant me devotion to the Goddess, the essence of essences, the seed of the door of liberation for men, the ferry across the ocean of hell,
AI translation rendered from the Sanskrit, not a published edition
DB 9 38.2
कारणं मुक्तिसाराणां सर्वाशुभविनाशनम् । दारकं कर्मवृक्षाणां कृतपापौघहारणम्
kāraṇaṃ muktisārāṇāṃ sarvāśubhavināśanam | dārakaṃ karmavṛkṣāṇāṃ kṛtapāpaughahāraṇam
the cause of the essential (means) of liberation, the destroyer of all that is inauspicious, the splitter of the trees of karma, the remover of the flood of sins committed.
AI translation rendered from the Sanskrit, not a published edition
DB 9 38.3
मुक्तिश्च कतिथाप्यस्ति किं वा तासां च लक्षणम् । देवीभक्तिं भक्तिभेदं निषेकस्यापि खण्डनम्
muktiśca katithāpyasti kiṃ vā tāsāṃ ca lakṣaṇam | devībhaktiṃ bhaktibhedaṃ niṣekasyāpi khaṇḍanam
And of how many kinds is liberation, and what are their characteristics? (Tell me) devotion to the Goddess, the divisions of devotion, and also the refutation of (the doctrine of) insemination.
AI translation rendered from the Sanskrit, not a published edition — the model flagged this verse as uncertain
DB 9 38.4
तत्त्वज्ञानविहीना च स्त्रीजातिर्विधिनिर्मिता । किञ्चिञ्ज्ञानं सारभूतं वद वेदविदां वर
tattvajñānavihīnā ca strījātirvidhinirmitā | kiñciñjñānaṃ sārabhūtaṃ vada vedavidāṃ vara
And womankind, fashioned by the Creator, is devoid of knowledge of the truth; tell (me) some knowledge that is the essence, O best of those who know the Vedas.
AI translation rendered from the Sanskrit, not a published edition
DB 9 38.5
सर्वं दानं च यज्ञश्च तीर्थस्नानं व्रतं तपः । अज्ञानिज्ञानदानस्य कलां नार्हन्ति षोडशीम्
sarvaṃ dānaṃ ca yajñaśca tīrthasnānaṃ vrataṃ tapaḥ | ajñānijñānadānasya kalāṃ nārhanti ṣoḍaśīm
Every gift, and sacrifice, bathing at holy fords, vows, austerity — these are not worth a sixteenth part of the gift of knowledge to an ignorant man.
AI translation rendered from the Sanskrit, not a published edition
DB 9 38.6
पितुः शतगुणा माता गौरवे चेति निश्चितम् । मातुः शतगुणः पूज्यो ज्ञानदाता गुरुः प्रभो
pituḥ śataguṇā mātā gaurave ceti niścitam | mātuḥ śataguṇaḥ pūjyo jñānadātā guruḥ prabho
It is settled that the mother is a hundred times (greater) than the father in respect of honour; and the guru who gives knowledge is to be revered a hundred times more than the mother, O lord.
AI translation rendered from the Sanskrit, not a published edition
DB 9 38.7
धर्मराज उवाच पूर्वं सर्वो वरो दत्तो यस्ते मनसि वाञ्छितः । अधुना शक्तिभक्तिस्ते वत्से भवतु मद्वरात्
dharmarāja uvāca pūrvaṃ sarvo varo datto yaste manasi vāñchitaḥ | adhunā śaktibhaktiste vatse bhavatu madvarāt
The King of Dharma said: Formerly every boon that was desired in your mind was granted (to you); now, child, by my boon let there be for you devotion to the Śakti.
AI translation rendered from the Sanskrit, not a published edition
DB 9 38.8
श्रोतुमिच्छसि कल्याणि श्रीदेवीगुणकीर्तनम्। वक्तॄणां पृच्छकानां च श्रोतॄणां कुलतारणम्
śrotumicchasi kalyāṇi śrīdevīguṇakīrtanam| vaktṝṇāṃ pṛcchakānāṃ ca śrotṝṇāṃ kulatāraṇam
You wish to hear, O auspicious one, the celebration of the qualities of Śrī Devī, which carries across the families of those who speak (it), those who ask (about it), and those who hear (it).
AI translation rendered from the Sanskrit, not a published edition
DB 9 38.9
शेषो वक्त्रसहस्रेण नहि यद्वक्तुमीश्वरः । मृत्युञ्जयो न क्षमश्च वक्तुं पञ्चमुखेन च
śeṣo vaktrasahasreṇa nahi yadvaktumīśvaraḥ | mṛtyuñjayo na kṣamaśca vaktuṃ pañcamukhena ca
Which Śeṣa, even with a thousand mouths, is not able to tell, and Mṛtyuñjaya (Śiva) too is not competent to tell with his five faces,
AI translation rendered from the Sanskrit, not a published edition
DB 9 38.10
धाता चतुर्णां वेदानां विधाता जगतामपि । ब्रह्मा चतुर्मुखेनैव नालं विष्णुश्च सर्ववित्
dhātā caturṇāṃ vedānāṃ vidhātā jagatāmapi | brahmā caturmukhenaiva nālaṃ viṣṇuśca sarvavit
nor Brahmā, the establisher of the four Vedas and the ordainer of the worlds, even with his four faces, is sufficient (for it), nor Viṣṇu who knows all,
AI translation rendered from the Sanskrit, not a published edition
DB 9 38.11
कार्तिकेयः षण्मुखेन नापि वक्तुमलं ध्रुवम् । न गणेशः समर्थश्च योगीन्द्राणां गुरोर्गुरुः
kārtikeyaḥ ṣaṇmukhena nāpi vaktumalaṃ dhruvam | na gaṇeśaḥ samarthaśca yogīndrāṇāṃ gurorguruḥ
nor is Kārtikeya, even with six faces, able to tell (it), certainly; nor is Gaṇeśa capable, (he who is) the guru of the guru of the lords of yogins.
AI translation rendered from the Sanskrit, not a published edition
DB 9 38.12
सारभूताश्च शास्त्राणां वेदाश्चत्वार एव च । कलामात्रं यद्गुणानां न विदन्ति बुधाश्च ये
sārabhūtāśca śāstrāṇāṃ vedāścatvāra eva ca | kalāmātraṃ yadguṇānāṃ na vidanti budhāśca ye
And (those) which are the essence of the scriptures, the very four Vedas, and those wise ones — they do not know even a fraction of her qualities.
AI translation rendered from the Sanskrit, not a published edition
DB 9 38.13
सरस्वती जडीभूता नालं तद्गुणवर्णने । सनत्कुमारो धर्मश्च सनन्दनः सनातनः
sarasvatī jaḍībhūtā nālaṃ tadguṇavarṇane | sanatkumāro dharmaśca sanandanaḥ sanātanaḥ
Sarasvatī became dumb, not sufficient for describing her qualities; Sanatkumāra and Dharma, Sanandana, Sanātana,
AI translation rendered from the Sanskrit, not a published edition
DB 9 38.14
सनकः कपिलः सूर्यो येऽन्ये च ब्रह्मणः सुताः । विचक्षणा न यद्वक्तुं किञ्चान्ये जडबुद्धयः
sanakaḥ kapilaḥ sūryo ye'nye ca brahmaṇaḥ sutāḥ | vicakṣaṇā na yadvaktuṃ kiñcānye jaḍabuddhayaḥ
Sanaka, Kapila, Sūrya, and the other sons of Brahmā — (though) discerning, they cannot tell it; and what of others, whose intellects are dull?
AI translation rendered from the Sanskrit, not a published edition
DB 9 38.15
न यद्वक्तुं क्षमाः सिद्धा मुनीन्द्रा योगिनस्तथा । के चान्ये च वयं के वा श्रीदेव्या गुणवर्णने
na yadvaktuṃ kṣamāḥ siddhā munīndrā yoginastathā | ke cānye ca vayaṃ ke vā śrīdevyā guṇavarṇane
which the siddhas, the chief of sages and likewise the yogins are not competent to tell — and who are the others, and who are we, when it comes to describing the qualities of Śrī Devī?
AI translation rendered from the Sanskrit, not a published edition
DB 9 38.16
ध्यायन्ते यत्पदाम्भोजं ब्रह्मविष्णुशिवादयः । अतिसाध्यं स्वभक्तानां तदन्येषां सुदुर्लभम्
dhyāyante yatpadāmbhojaṃ brahmaviṣṇuśivādayaḥ | atisādhyaṃ svabhaktānāṃ tadanyeṣāṃ sudurlabham
Whose lotus feet Brahmā, Viṣṇu, Śiva and the rest meditate upon — that is very readily attained by her own devotees, but very hard to attain for others.
AI translation rendered from the Sanskrit, not a published edition
DB 9 38.17
कश्चित्किञ्चिद्विजानाति तद्गुणोत्कीर्तनं शुभम् । अतिरिक्तं विजानाति ब्रह्मा ब्रह्मविशारदः
kaścitkiñcidvijānāti tadguṇotkīrtanaṃ śubham | atiriktaṃ vijānāti brahmā brahmaviśāradaḥ
Someone knows something of that auspicious proclaiming of her qualities; Brahmā, expert in brahman, knows more (than that).
AI translation rendered from the Sanskrit, not a published edition
DB 9 38.18
ततोऽतिरिक्तं जानाति गणेशो ज्ञानिनां गुरुः । सर्वातिरिक्तं जानाति सर्वज्ञः शम्भुरेव सः
tato'tiriktaṃ jānāti gaṇeśo jñānināṃ guruḥ | sarvātiriktaṃ jānāti sarvajñaḥ śambhureva saḥ
More than that Gaṇeśa knows, the guru of the knowers; but he, Śambhu, the all-knowing, knows more than all.
AI translation rendered from the Sanskrit, not a published edition
DB 9 38.19
तस्मै दत्तं पुरा ज्ञानं कृष्णेन परमात्मना । अतीव निर्जनेऽरण्ये गोलोके रासमण्डले
tasmai dattaṃ purā jñānaṃ kṛṣṇena paramātmanā | atīva nirjane'raṇye goloke rāsamaṇḍale
To him knowledge was given long ago by Kṛṣṇa, the supreme self, in a wholly solitary forest, in Goloka, in the circle of the rāsa dance.
AI translation rendered from the Sanskrit, not a published edition
DB 9 38.20
तत्रैव कथितं किञ्चित्तद्गुणोत्कीर्तनं शुभम् । धर्मं च कथयामास शिवलोके शिवः स्वयम्
tatraiva kathitaṃ kiñcittadguṇotkīrtanaṃ śubham | dharmaṃ ca kathayāmāsa śivaloke śivaḥ svayam
There itself something of that auspicious proclaiming of her qualities was told; and Śiva himself told it to Dharma in Śiva's world.
AI translation rendered from the Sanskrit, not a published edition
DB 9 38.21
धर्मस्तु कथयामास भास्वते पृच्छते तथा । यामाराध्य मत्पितापि सम्प्राप तपसा सति
dharmastu kathayāmāsa bhāsvate pṛcchate tathā | yāmārādhya matpitāpi samprāpa tapasā sati
And Dharma told it to Bhāsvat (the Sun) when he asked; and it is she whom my father too, having worshipped, obtained by austerity, O virtuous lady.
AI translation rendered from the Sanskrit, not a published edition
DB 9 38.22
पूर्वं स्वं विषयं चाहं न गृह्णामि प्रयत्नतः । वैराग्ययुक्तस्तपसे गन्तुमिच्छामि सुव्रते
pūrvaṃ svaṃ viṣayaṃ cāhaṃ na gṛhṇāmi prayatnataḥ | vairāgyayuktastapase gantumicchāmi suvrate
Formerly I did not, for all my efforts, take up my own domain; filled with detachment, I wished to go for austerity, O you of good vows.
AI translation rendered from the Sanskrit, not a published edition
DB 9 38.23
तदा मां कथयामास पिता तद्गुणकीर्तनम् । यथागमं तद्वदामि निबोधातीव दुर्गमम्
tadā māṃ kathayāmāsa pitā tadguṇakīrtanam | yathāgamaṃ tadvadāmi nibodhātīva durgamam
Then my father recounted to me the celebration of her qualities; as it came down (to me) I tell it — listen: it is exceedingly hard of access.
AI translation rendered from the Sanskrit, not a published edition
DB 9 38.24
तद्गुणं सा न जानाति तदन्यस्य च का कथा । यथाकाशो न जानाति स्वान्तमेव वरानने
tadguṇaṃ sā na jānāti tadanyasya ca kā kathā | yathākāśo na jānāti svāntameva varānane
She (herself) does not know her own quality — and what talk can there be of anyone other than her? Just as space does not know its own limit, O fair-faced one.
AI translation rendered from the Sanskrit, not a published edition
DB 9 38.25
सर्वात्मा सर्वभगवान् सर्वकारणकारणः । सर्वेश्वरश्च सर्वाद्यः सर्ववित्परिपालकः
sarvātmā sarvabhagavān sarvakāraṇakāraṇaḥ | sarveśvaraśca sarvādyaḥ sarvavitparipālakaḥ
The self of all, the Lord of all, the cause of all causes, the ruler of all, the first of all, the knower of all, the protector,
AI translation rendered from the Sanskrit, not a published edition
DB 9 38.26
नित्यरूपी नित्यदेही नित्यानन्दो निराकृतिः । निरङ्कुशो निराशङ्को निर्गुणश्च निरामयः
nityarūpī nityadehī nityānando nirākṛtiḥ | niraṅkuśo nirāśaṅko nirguṇaśca nirāmayaḥ
having an eternal form, having an eternal body, of eternal bliss, formless, uncurbed, free of misgiving, without qualities, free of affliction,
AI translation rendered from the Sanskrit, not a published edition
DB 9 38.27
निर्लिप्तः सर्वसाक्षी च सर्वाधारः परात्परः । मायाविशिष्टः प्रकृतिस्तद्विकाराश्च प्राकृताः
nirliptaḥ sarvasākṣī ca sarvādhāraḥ parātparaḥ | māyāviśiṣṭaḥ prakṛtistadvikārāśca prākṛtāḥ
unattached, the witness of all, the support of all, higher than the high; prakṛti is (that which is) marked out by māyā, and its transformations are the products of prakṛti.
AI translation rendered from the Sanskrit, not a published edition — the model flagged this verse as uncertain
DB 9 38.28
स्वयं पुमांश्च प्रकृतिस्तावभिन्नौ परस्परम् । यथा वह्नेस्तस्य शक्तिर्न भिन्नास्त्येव कुत्रचित्
svayaṃ pumāṃśca prakṛtistāvabhinnau parasparam | yathā vahnestasya śaktirna bhinnāstyeva kutracit
(He) himself is the Male, and (she is) Nature; those two are mutually non-different, just as the power of fire is nowhere at all separate from it.
AI translation rendered from the Sanskrit, not a published edition
DB 9 38.29
सेयं शक्तिर्महामाया सच्चिदानन्दरूपिणी । रूपं बिभर्त्यरूपा च भक्तानुग्रहहेतवे
seyaṃ śaktirmahāmāyā saccidānandarūpiṇī | rūpaṃ bibhartyarūpā ca bhaktānugrahahetave
This same power is Mahāmāyā, whose form is being, consciousness, and bliss; though formless, she bears a form for the sake of showing favour to devotees.
AI translation rendered from the Sanskrit, not a published edition
DB 9 38.30
गोपालसुन्दरीरूपं प्रथमं सा ससर्ज ह । अतीव कमनीयं च सुन्दरं सुमनोहरम्
gopālasundarīrūpaṃ prathamaṃ sā sasarja ha | atīva kamanīyaṃ ca sundaraṃ sumanoharam
First of all she brought forth the form of the beautiful cowherd, exceedingly desirable, lovely, and most enchanting;
AI translation rendered from the Sanskrit, not a published edition
DB 9 38.31
नवीननीरदश्यामं किशोरं गोपवेषकम् । कन्दर्पकोटिलावण्यं लीलाधाममनोहरम्
navīnanīradaśyāmaṃ kiśoraṃ gopaveṣakam | kandarpakoṭilāvaṇyaṃ līlādhāmamanoharam
dark as a fresh raincloud, youthful, dressed as a cowherd, with the loveliness of ten million Kandarpas, enchanting, the abode of (divine) play;
AI translation rendered from the Sanskrit, not a published edition
DB 9 38.32
शरन्मध्याह्नपद्मानां शोभामोचनलोचनम् । शरत्पार्वणकोटीन्दुशोभाप्रच्छादनाननम्
śaranmadhyāhnapadmānāṃ śobhāmocanalocanam | śaratpārvaṇakoṭīnduśobhāpracchādanānanam
whose eyes surpass the beauty of autumn midday lotuses, whose face eclipses the splendour of ten million full autumn moons;
AI translation rendered from the Sanskrit, not a published edition
DB 9 38.33
अमूल्यरत्ननिर्माणनानाभूषणभूषितम् । सस्मितं शोभितं शश्वदमूल्यपीतवाससा
amūlyaratnanirmāṇanānābhūṣaṇabhūṣitam | sasmitaṃ śobhitaṃ śaśvadamūlyapītavāsasā
adorned with various ornaments made of priceless gems, smiling, ever resplendent with a priceless yellow garment;
AI translation rendered from the Sanskrit, not a published edition
DB 9 38.34
परब्रह्मस्वरूपं च ज्वलन्तं ब्रह्मतेजसा । सुखदृश्यं च शान्तं च राधाकान्तमनन्तकम्
parabrahmasvarūpaṃ ca jvalantaṃ brahmatejasā | sukhadṛśyaṃ ca śāntaṃ ca rādhākāntamanantakam
whose own form is the supreme Brahman, blazing with the radiance of Brahman, pleasant to behold, tranquil, endless, the beloved of Rādhā;
AI translation rendered from the Sanskrit, not a published edition
DB 9 38.35
गोपीभिर्वीक्ष्यमाणं च सस्मिताभिश्च सन्ततम् । रासमण्डलमध्यस्थं रत्नसिंहासनस्थितम्
gopībhirvīkṣyamāṇaṃ ca sasmitābhiśca santatam | rāsamaṇḍalamadhyasthaṃ ratnasiṃhāsanasthitam
continually gazed upon by the smiling cowherd women, standing in the midst of the rāsa circle, seated on a jewelled lion-throne;
AI translation rendered from the Sanskrit, not a published edition
DB 9 38.36
वंशीं क्वणन्तं द्विभुजं वनमालाविभूषितम् । कौस्तुभेन्द्रमणीन्द्रेण शश्वद्वक्षःस्थलोज्ज्वलम्
vaṃśīṃ kvaṇantaṃ dvibhujaṃ vanamālāvibhūṣitam | kaustubhendramaṇīndreṇa śaśvadvakṣaḥsthalojjvalam
sounding the flute, two-armed, adorned with a forest garland, his chest ever ablaze with the Kaustubha, the lord of the finest gems;
AI translation rendered from the Sanskrit, not a published edition
DB 9 38.37
कुङ्कुमागुरुकस्तुरीचन्दनार्चितविग्रहम् । चारुचम्पकमालाक्तं मालतीमाल्यमण्डितम्
kuṅkumāgurukasturīcandanārcitavigraham | cārucampakamālāktaṃ mālatīmālyamaṇḍitam
his body honoured with saffron, aloe, musk, and sandal paste, anointed with a lovely campaka garland, decked with a wreath of jasmine;
AI translation rendered from the Sanskrit, not a published edition
DB 9 38.38
चारुचन्द्रकशोभाढ्यं चूडावङ्क्रिमराजितम् । एवंभूतं च ध्यायन्ति भक्ता भक्तिपरिप्लुताः नारायणनारदसंवादे सावित्र्युपाख्यानवर्णनं नामाष्टत्रिलोऽध्यायः
cārucandrakaśobhāḍhyaṃ cūḍāvaṅkrimarājitam | evaṃbhūtaṃ ca dhyāyanti bhaktā bhaktipariplutāḥ nārāyaṇanāradasaṃvāde sāvitryupākhyānavarṇanaṃ nāmāṣṭatrilo'dhyāyaḥ
rich with the beauty of a lovely moon-mark, resplendent with the curve of his crest — thus do the devotees, flooded with devotion, meditate (on him). In the dialogue of Nārāyaṇa and Nārada, the chapter called the narration of the tale of Sāvitrī, the thirty-eighth chapter.
AI translation rendered from the Sanskrit, not a published edition
DB 9 38.39
यद्भयाज्जगता धाता विधत्ते सृष्टिमेव च । कर्मानुसाराल्लिखितं करोति सर्वकर्मणाम्
yadbhayājjagatā dhātā vidhatte sṛṣṭimeva ca | karmānusārāllikhitaṃ karoti sarvakarmaṇām
Out of fear of whom the Ordainer of the worlds carries out creation, and, in accordance with (their) karma, makes the record of all deeds;
AI translation rendered from the Sanskrit, not a published edition
DB 9 38.40
तपसां फलदाता च कर्मणां च यदाज्ञया । विष्णुः पाता च सर्वेषां यद्भयात्पाति सन्ततम्
tapasāṃ phaladātā ca karmaṇāṃ ca yadājñayā | viṣṇuḥ pātā ca sarveṣāṃ yadbhayātpāti santatam
and by whose command Viṣṇu is the giver of the fruits of austerities and of deeds, and the protector of all, and out of fear of whom he protects continually;
AI translation rendered from the Sanskrit, not a published edition
DB 9 38.41
कालाग्निरुद्रः संहर्ता सर्वविश्वेषु यद्भयात् । शिवो मृत्युञ्जयश्चैव ज्ञानिनां च गुरोर्गुरुः
kālāgnirudraḥ saṃhartā sarvaviśveṣu yadbhayāt | śivo mṛtyuñjayaścaiva jñānināṃ ca gurorguruḥ
out of fear of whom Kālāgni-Rudra is the destroyer in all the universes, and Śiva, the conqueror of death, is the teacher of the teachers of the knowers;
AI translation rendered from the Sanskrit, not a published edition
DB 9 38.42
यज्ज्ञानाज्ज्ञानवानस्ति योगीशो ज्ञानवित्प्रभुः । परमानन्दयुक्तश्च भक्तिवैराग्यसंयुतः
yajjñānājjñānavānasti yogīśo jñānavitprabhuḥ | paramānandayuktaśca bhaktivairāgyasaṃyutaḥ
by knowledge of whom the lord of yogins, the master who knows knowledge, possesses knowledge, and is joined with supreme bliss and endowed with devotion and dispassion;
AI translation rendered from the Sanskrit, not a published edition
DB 9 38.43
यद्भयाद्वाति पवनः प्रवरः शीघ्रगामिनाम् । तपनश्च प्रतपति यद्भयात्सन्ततं सति
yadbhayādvāti pavanaḥ pravaraḥ śīghragāminām | tapanaśca pratapati yadbhayātsantataṃ sati
out of fear of whom the wind blows, foremost of the swift-moving, and out of fear of whom the sun burns continually, O good lady;
AI translation rendered from the Sanskrit, not a published edition
DB 9 38.44
यदाज्ञया वर्षतीन्द्रो मृत्युश्चरति जन्तुषु । यदाज्ञया दहेद्वह्निर्जलमेवं सुशीतलम्
yadājñayā varṣatīndro mṛtyuścarati jantuṣu | yadājñayā dahedvahnirjalamevaṃ suśītalam
by whose command Indra rains and death moves among creatures, by whose command fire would burn and water likewise is very cool;
AI translation rendered from the Sanskrit, not a published edition
DB 9 38.45
दिशो रक्षन्ति दिक्पाला महाभीता यदाज्ञया । भ्रमन्ति राशिचक्राणि ग्रहाश्च यद्भयेन च
diśo rakṣanti dikpālā mahābhītā yadājñayā | bhramanti rāśicakrāṇi grahāśca yadbhayena ca
by whose command the guardians of the directions, greatly afraid, guard the quarters, and out of fear of whom the circles of the zodiac and the planets revolve;
AI translation rendered from the Sanskrit, not a published edition
DB 9 38.46
भयात्फलन्ति वृक्षाश्च पुष्यन्त्यपि च यद्भयात् । यदाज्ञां तु पुरस्कृत्य कालः काले हरेद्भयात्
bhayātphalanti vṛkṣāśca puṣyantyapi ca yadbhayāt | yadājñāṃ tu puraskṛtya kālaḥ kāle haredbhayāt
and out of fear the trees bear fruit, and out of fear of whom they blossom; and it is by putting whose command foremost that Time, out of fear, carries (beings) off at the (due) time,
AI translation rendered from the Sanskrit, not a published edition
DB 9 38.47
तथा जलस्थलस्थाश्च न जीवन्ति यदाज्ञया । अकाले नाहरेद्विद्धं रणेषु विषमेषु च
tathā jalasthalasthāśca na jīvanti yadājñayā | akāle nāharedviddhaṃ raṇeṣu viṣameṣu ca
and likewise those dwelling in water and on land do not live (except) by whose command; (Time) would not carry off out of season one who has been pierced, even in battles and in perils.
AI translation rendered from the Sanskrit, not a published edition — the model flagged this verse as uncertain
DB 9 38.48
धत्ते वायुस्तोयराशिं तोयं कूर्मं तदाज्ञया । कूर्मोऽनन्तं स च क्षोणीं समुद्रान् सा च पर्वतान्
dhatte vāyustoyarāśiṃ toyaṃ kūrmaṃ tadājñayā | kūrmo'nantaṃ sa ca kṣoṇīṃ samudrān sā ca parvatān
By his command the wind holds the mass of water, the water holds the tortoise, the tortoise holds Ananta, he holds the earth, and she holds the oceans and the mountains.
AI translation rendered from the Sanskrit, not a published edition
DB 9 38.49
सर्वा चैव क्षमारूपा नानारत्नं बिभर्ति या । यतः सर्वाणि भूतानि स्थीयन्ते हन्ति तत्र हि
sarvā caiva kṣamārūpā nānāratnaṃ bibharti yā | yataḥ sarvāṇi bhūtāni sthīyante hanti tatra hi
And she, wholly of the form of patience, is the one who bears the manifold jewels, since all beings stand upon her — and there indeed (she) destroys (them).
AI translation rendered from the Sanskrit, not a published edition — the model flagged this verse as uncertain
DB 9 38.50
इन्द्रायुश्चैव दिव्यानां युगानामेकसप्ततिः । अष्टाविंशे शक्रपाते ब्रह्मणश्च दिवानिशम्
indrāyuścaiva divyānāṃ yugānāmekasaptatiḥ | aṣṭāviṃśe śakrapāte brahmaṇaśca divāniśam
And the lifespan of an Indra is seventy-one divine yugas; at the fall of the twenty-eighth Indra, a day and a night of Brahmā (is complete).
AI translation rendered from the Sanskrit, not a published edition
DB 9 38.51
एवं त्रिंशद्दिनैर्मासो द्वाभ्यामाभ्यामृतुः स्मृतः । ऋतुभिः षड्भिरेवाब्दं ब्रह्मणो वै वयः स्मृतम्
evaṃ triṃśaddinairmāso dvābhyāmābhyāmṛtuḥ smṛtaḥ | ṛtubhiḥ ṣaḍbhirevābdaṃ brahmaṇo vai vayaḥ smṛtam
Thus by thirty such days a month (is reckoned), by two of these a season is declared, and by six seasons a year — thus is Brahmā's lifetime reckoned.
AI translation rendered from the Sanskrit, not a published edition
DB 9 38.52
ब्रह्मणश्च निपाते च चक्षुरुन्मीलनं हरेः । चक्षुरुन्मीलने तस्य लयं प्राकृतिकं विदुः
brahmaṇaśca nipāte ca cakṣurunmīlanaṃ hareḥ | cakṣurunmīlane tasya layaṃ prākṛtikaṃ viduḥ
And at the falling away of Brahmā, there is the opening of Hari's eye; at the opening of his eye they know the dissolution of primordial nature (to occur).
AI translation rendered from the Sanskrit, not a published edition
DB 9 38.53
प्रलये प्राकृते सर्वे देवाद्याश्च चराचराः । लीना धाता विधाता च श्रीकृष्णनाभिपङ्कजे
pralaye prākṛte sarve devādyāśca carācarāḥ | līnā dhātā vidhātā ca śrīkṛṣṇanābhipaṅkaje
In the elemental dissolution all the gods and the rest, moving and unmoving, and the Establisher and the Ordainer, are dissolved in the navel-lotus of Śrī Kṛṣṇa.
AI translation rendered from the Sanskrit, not a published edition
DB 9 38.54
विष्णुः क्षीरोदशायी च वैकुण्ठे यश्चतुर्भुजः । विलीना वामपार्श्वे च कृष्णस्य परमात्मनः
viṣṇuḥ kṣīrodaśāyī ca vaikuṇṭhe yaścaturbhujaḥ | vilīnā vāmapārśve ca kṛṣṇasya paramātmanaḥ
And Viṣṇu who lies on the ocean of milk, and he who is four-armed in Vaikuṇṭha, are dissolved into the left side of Kṛṣṇa, the Supreme Self.
AI translation rendered from the Sanskrit, not a published edition
DB 9 38.55
यस्य ज्ञाने शिवो लीनो ज्ञानाधीशः सनातनः । दुर्गायां विष्णुमायायां विलीनाः सर्वशक्तयः
yasya jñāne śivo līno jñānādhīśaḥ sanātanaḥ | durgāyāṃ viṣṇumāyāyāṃ vilīnāḥ sarvaśaktayaḥ
Śiva, the eternal lord of knowledge, is dissolved in his knowledge; all the powers are dissolved in Durgā, the māyā of Viṣṇu.
AI translation rendered from the Sanskrit, not a published edition
DB 9 38.56
सा च कृष्णस्य बुद्धौ च बुद्ध्यधिष्ठातृदेवता । नारायणांशः स्कन्दश्च लीनो वक्षसि तस्य च
sā ca kṛṣṇasya buddhau ca buddhyadhiṣṭhātṛdevatā | nārāyaṇāṃśaḥ skandaśca līno vakṣasi tasya ca
And she, the deity presiding over the intellect, (is dissolved) in Kṛṣṇa's intellect; and Skanda, a portion of Nārāyaṇa, is dissolved in his chest.
AI translation rendered from the Sanskrit, not a published edition
DB 9 38.57
श्रीकृष्णांशश्च तद्बाहौ देवाधीशो गणेश्वरः । पद्मांशाश्चैव पद्मायां सा राधायां च सुव्रते
śrīkṛṣṇāṃśaśca tadbāhau devādhīśo gaṇeśvaraḥ | padmāṃśāścaiva padmāyāṃ sā rādhāyāṃ ca suvrate
And Gaṇeśvara, lord of the gods, a portion of Śrī Kṛṣṇa, (is dissolved) in his arm; and the portions of Padmā in Padmā, and she in Rādhā, O you of good vows.
AI translation rendered from the Sanskrit, not a published edition
DB 9 38.58
गोप्यश्चापि च तस्यां च सर्वाश्च देवयोषितः । कृष्णप्राणाधिदेवी सा तस्य प्राणेषु संस्थिता
gopyaścāpi ca tasyāṃ ca sarvāśca devayoṣitaḥ | kṛṣṇaprāṇādhidevī sā tasya prāṇeṣu saṃsthitā
And the gopīs too, and all the women of the gods, (are dissolved) in her; she, the deity presiding over Kṛṣṇa's life-breath, abides within his breaths.
AI translation rendered from the Sanskrit, not a published edition
DB 9 38.59
सावित्री च सरस्वत्यां वेदाः शास्त्राणि यानि च । स्थिता वाणी च जिह्वायां यस्य च परमात्मनः
sāvitrī ca sarasvatyāṃ vedāḥ śāstrāṇi yāni ca | sthitā vāṇī ca jihvāyāṃ yasya ca paramātmanaḥ
And Sāvitrī (is dissolved) in Sarasvatī, and the Vedas and whatever treatises there are; and Vāṇī abides on the tongue of that Supreme Self.
AI translation rendered from the Sanskrit, not a published edition
DB 9 38.60
गोलोकस्य च गोपाश्च विलीनास्तस्य लोमसु । तत्प्राणेषु च सर्वेषां प्राणा वाता हुताशनाः
golokasya ca gopāśca vilīnāstasya lomasu | tatprāṇeṣu ca sarveṣāṃ prāṇā vātā hutāśanāḥ
And the cowherds of Goloka are dissolved in his body-hairs; and in his breaths the breaths of all beings, the winds and the fires.
AI translation rendered from the Sanskrit, not a published edition
DB 9 38.61
जठराग्नौ विलीनाश्च जलं तद्रसनाग्रतः । वैष्णवाश्चरणाम्भोजे परमानन्दसंयुताः
jaṭharāgnau vilīnāśca jalaṃ tadrasanāgrataḥ | vaiṣṇavāścaraṇāmbhoje paramānandasaṃyutāḥ
And (they) are dissolved in his belly-fire; the water at the tip of his tongue; the Vaiṣṇavas, joined with supreme bliss, in his lotus-feet.
AI translation rendered from the Sanskrit, not a published edition
DB 9 38.62
सारात्सारतरा भक्तिरसपीयूषपायिनः । विराडंशाश्च महति लीनाः कृष्णे महाविराट्
sārātsāratarā bhaktirasapīyūṣapāyinaḥ | virāḍaṃśāśca mahati līnāḥ kṛṣṇe mahāvirāṭ
(They are) drinkers of the nectar of the essence of devotion, more essential than the essence; and the portions of the Cosmic Form are dissolved in the Great (mahat), and the Great Cosmic Form in Kṛṣṇa.
AI translation rendered from the Sanskrit, not a published edition
DB 9 38.63
यस्यैव लोमकूपेषु विश्वानि निखिलानि च । यस्य चक्षुष उन्मेषे प्राकृतः प्रलयो भवेत्
yasyaiva lomakūpeṣu viśvāni nikhilāni ca | yasya cakṣuṣa unmeṣe prākṛtaḥ pralayo bhavet
In whose very hair-pores are all the universes entire; at the opening of whose eye the elemental dissolution comes about.
AI translation rendered from the Sanskrit, not a published edition
DB 9 38.64
चक्षुरुन्मीलने सृष्टिर्यस्यैव पुनरेव सः । यावत्कालो निमेषेण तावदुन्मीलनेन च
cakṣurunmīlane sṛṣṭiryasyaiva punareva saḥ | yāvatkālo nimeṣeṇa tāvadunmīlanena ca
At the opening of the eye there is again creation — he is that very one; as long a time as passes with the closing (of the eye), so long also with the opening.
AI translation rendered from the Sanskrit, not a published edition
DB 9 38.65
ब्रह्मणश्च शताब्दे च सृष्टेः सूत्रलयः पुनः । ब्रह्मसृष्टिलयानां च संख्या नास्त्येव सुव्रते
brahmaṇaśca śatābde ca sṛṣṭeḥ sūtralayaḥ punaḥ | brahmasṛṣṭilayānāṃ ca saṃkhyā nāstyeva suvrate
And in the hundredth year of Brahmā there is again the dissolution of the thread of creation; and there is simply no counting of the Brahmās, the creations and the dissolutions, O you of good vows.
AI translation rendered from the Sanskrit, not a published edition — the model flagged this verse as uncertain
DB 9 38.66
यथा भूरजसां चैव संख्यानं नैव विद्यते । चक्षुर्निमेषे प्रलयो यस्य सर्वान्तरात्मनः
yathā bhūrajasāṃ caiva saṃkhyānaṃ naiva vidyate | cakṣurnimeṣe pralayo yasya sarvāntarātmanaḥ
Just as no counting of the dust-motes of the earth exists — (so it is with) him, the inner Self of all, at the closing of whose eye there is dissolution.
AI translation rendered from the Sanskrit, not a published edition
DB 9 38.67
उन्मीलने पुनः सृष्टिर्भवेदेवेश्वरेच्छया । स कृष्णः प्रलये तस्यां प्रकृतौ लीन एव हि
unmīlane punaḥ sṛṣṭirbhavedeveśvarecchayā | sa kṛṣṇaḥ pralaye tasyāṃ prakṛtau līna eva hi
At the opening (of his eye) creation comes about again, by the will of the Lord of gods; that Kṛṣṇa, in that dissolution, is indeed dissolved in primordial nature.
AI translation rendered from the Sanskrit, not a published edition
DB 9 38.68
एकैव च परा शक्तिर्निर्गुणः परमः पुमान् । सदेवेदमग्र आसीदिति वेदविदो विदुः
ekaiva ca parā śaktirnirguṇaḥ paramaḥ pumān | sadevedamagra āsīditi vedavido viduḥ
And the supreme Power is one alone, the highest Person, free of qualities; "in the beginning this was Being alone" — thus the knowers of the Veda know.
AI translation rendered from the Sanskrit, not a published edition
DB 9 38.69
मूलप्रकृतिरव्यक्ताप्यव्याकृतपदाभिधा । चिदभिन्नत्वमापन्ना प्रलये सैव तिष्ठति
mūlaprakṛtiravyaktāpyavyākṛtapadābhidhā | cidabhinnatvamāpannā pralaye saiva tiṣṭhati
The root Nature, unmanifest, called also by the name "the undifferentiated state," having attained non-difference from Consciousness — she alone abides at the dissolution.
AI translation rendered from the Sanskrit, not a published edition
DB 9 38.70
तद्गुणोत्कीर्तनं वक्तुं ब्रह्माण्डेषु च कः क्षमः । मुक्तयश्च चतुर्वेदैर्निरुक्ताश्च चतुर्विधाः
tadguṇotkīrtanaṃ vaktuṃ brahmāṇḍeṣu ca kaḥ kṣamaḥ | muktayaśca caturvedairniruktāśca caturvidhāḥ
And who among (all) in the world-eggs is able to utter the proclamation of her qualities? And liberations are declared by the four Vedas to be of four kinds.
AI translation rendered from the Sanskrit, not a published edition
DB 9 38.71
तत्प्रधाना देवभक्तिर्मुक्तेरपि गरीयसी । सालोक्यदा भवेदेका तथा सारूप्यदा परा
tatpradhānā devabhaktirmukterapi garīyasī | sālokyadā bhavedekā tathā sārūpyadā parā
Devotion to the Goddess, which has that (knowledge) as its chief thing, is weightier even than liberation. One (kind of liberation) gives residence in the same world (as the deity), and another gives the same form,
AI translation rendered from the Sanskrit, not a published edition
DB 9 38.72
सामीप्यदाथ निर्वाणप्रदा मुक्तिश्चतुर्विधा । भक्तास्ता न हि वाञ्छन्ति विना तत्सेवनं विभोः
sāmīpyadātha nirvāṇapradā muktiścaturvidhā | bhaktāstā na hi vāñchanti vinā tatsevanaṃ vibhoḥ
another gives nearness, and (another) grants nirvāṇa — liberation is of these four kinds; the devotees, indeed, do not desire them, apart from the service of that Lord.
AI translation rendered from the Sanskrit, not a published edition
DB 9 38.73
शिवत्वममरत्वं च ब्रह्मत्वं चावहेलया । जन्ममृत्युजराव्याधिभयशोकादिकं धनम्
śivatvamamaratvaṃ ca brahmatvaṃ cāvahelayā | janmamṛtyujarāvyādhibhayaśokādikaṃ dhanam
(They regard) the state of Śiva, immortality, and the state of Brahman with contempt; (freedom from) birth, death, old age, disease, fear, sorrow and the rest, and wealth,
AI translation rendered from the Sanskrit, not a published edition — the model flagged this verse as uncertain
DB 9 38.74
दिव्यरूपधारणं च निर्वाणं मोक्षणं विदुः । मुक्तिश्च सेवारहिता भक्तिः सेवाविवर्धिनी
divyarūpadhāraṇaṃ ca nirvāṇaṃ mokṣaṇaṃ viduḥ | muktiśca sevārahitā bhaktiḥ sevāvivardhinī
and the bearing of a divine form — this they know as nirvāṇa, as release. And liberation is devoid of service, whereas devotion increases service.
AI translation rendered from the Sanskrit, not a published edition
DB 9 38.75
भक्तिमुक्त्योरयं भेदो निषेकखण्डनं शृणु । विदुर्बुधा निषेकं च भोगं च कृतकर्मणाम्
bhaktimuktyorayaṃ bhedo niṣekakhaṇḍanaṃ śṛṇu | vidurbudhā niṣekaṃ ca bhogaṃ ca kṛtakarmaṇām
This is the difference between devotion and liberation. Hear (now) about the cancelling of the deposit: the wise know the "deposit" to be the enjoyment (of the fruits) of deeds performed.
AI translation rendered from the Sanskrit, not a published edition
DB 9 38.76
तत्खण्डनं च शुभदं श्रीविभोः सेवनं परम् । तत्त्वज्ञानमिदं साध्वि स्थिरं च लोकवेदयोः
tatkhaṇḍanaṃ ca śubhadaṃ śrīvibhoḥ sevanaṃ param | tattvajñānamidaṃ sādhvi sthiraṃ ca lokavedayoḥ
And the cancelling of that, which bestows good fortune, is the supreme service of the glorious Lord. This knowledge of the truth, virtuous lady, is established both in common usage and in the Veda.
AI translation rendered from the Sanskrit, not a published edition
DB 9 38.77
निर्विघ्नं शुभदं चोक्तं गच्छ वत्से यथासुखम् । इत्युक्त्वा सूर्यपुत्रश्च जीवयित्वा च तत्पतिम्
nirvighnaṃ śubhadaṃ coktaṃ gaccha vatse yathāsukham | ityuktvā sūryaputraśca jīvayitvā ca tatpatim
"And (this) has been declared free of obstacles and bestowing good; go, child, as you please." Having said this, the son of the Sun, having also restored her husband to life,
AI translation rendered from the Sanskrit, not a published edition
DB 9 38.78
तस्यै शुभाशिषं दत्त्वा गमनं कर्तुमुद्यतः । दृष्ट्वा यमं च गच्छन्तं सा सावित्री प्रणम्य च
tasyai śubhāśiṣaṃ dattvā gamanaṃ kartumudyataḥ | dṛṣṭvā yamaṃ ca gacchantaṃ sā sāvitrī praṇamya ca
and having given her an auspicious blessing, made ready to depart. And seeing Yama going, that Sāvitrī, having bowed,
AI translation rendered from the Sanskrit, not a published edition
DB 9 38.79
रुरोद चरणौ धृत्वा साधुच्छेदेन दुःखिता । सावित्रीरोदनं श्रुत्वा यमश्चैव कृपानिधिः
ruroda caraṇau dhṛtvā sādhucchedena duḥkhitā | sāvitrīrodanaṃ śrutvā yamaścaiva kṛpānidhiḥ
wept, clasping his feet, pained by the parting from a good (being). Hearing Sāvitrī's weeping, Yama, a treasury of compassion,
AI translation rendered from the Sanskrit, not a published edition
DB 9 38.80
तामित्युवाच सन्तुष्टः स्वयं चैव रुरोद ह । धर्मराज उवाव लक्षवर्षं सुखं भुक्त्वा पुण्यक्षेत्रे च भारते
tāmityuvāca santuṣṭaḥ svayaṃ caiva ruroda ha | dharmarāja uvāva lakṣavarṣaṃ sukhaṃ bhuktvā puṇyakṣetre ca bhārate
spoke thus to her, well pleased, and himself too wept. The King of Dharma said: "Having enjoyed happiness for a hundred thousand years in the meritorious land of Bhārata,
AI translation rendered from the Sanskrit, not a published edition
DB 9 38.81
अन्ते यास्यसि तल्लोकं यत्र देवी विराजते । गत्वा च स्वगृहं भद्रे सावित्र्याश्च व्रतं कुरु
ante yāsyasi tallokaṃ yatra devī virājate | gatvā ca svagṛhaṃ bhadre sāvitryāśca vrataṃ kuru
at the end you will go to that world where the Goddess shines forth. And having gone to your own house, good lady, perform the vow of Sāvitrī,
AI translation rendered from the Sanskrit, not a published edition
DB 9 38.82
द्विसप्तवर्षपर्यन्तं नारीणां मोक्षकारणम् । ज्येष्ठशुक्लचतुर्दश्यां सावित्र्याश्च व्रतं शुभम्
dvisaptavarṣaparyantaṃ nārīṇāṃ mokṣakāraṇam | jyeṣṭhaśuklacaturdaśyāṃ sāvitryāśca vrataṃ śubham
which lasts up to fourteen years and is the cause of liberation for women. The auspicious vow of Sāvitrī (is to be done) on the fourteenth of the bright half of Jyeṣṭha,
AI translation rendered from the Sanskrit, not a published edition
DB 9 38.83
शुक्लाष्टम्यां भाद्रपदे महालक्ष्या यथा व्रतम् । द्व्यष्टवर्षं व्रतं चैव प्रत्यादेयं शुचिस्मिते
śuklāṣṭamyāṃ bhādrapade mahālakṣyā yathā vratam | dvyaṣṭavarṣaṃ vrataṃ caiva pratyādeyaṃ śucismite
and, as with the vow of Mahālakṣmī, on the bright eighth in Bhādrapada; and the vow is to be undertaken again (each year) for sixteen years, O you of pure smile.
AI translation rendered from the Sanskrit, not a published edition — the model flagged this verse as uncertain
DB 9 38.84
करोति भक्त्या या नारी सा याति च विभोः पदम् । प्रतिमङ्गलवारे च देवीं मङ्गलदायिनीम्
karoti bhaktyā yā nārī sā yāti ca vibhoḥ padam | pratimaṅgalavāre ca devīṃ maṅgaladāyinīm
Whatever woman performs (it) with devotion, she goes to the abode of the Lord. And on every Tuesday (one should worship) the Goddess who bestows welfare,
AI translation rendered from the Sanskrit, not a published edition
DB 9 38.85
प्रतिमासं शुक्लषष्ठ्यां षष्ठीं मङ्गलदायिनीम् । तथा चाषाढसङ्क्रान्त्यां मनसां सर्वसिद्धिदाम्
pratimāsaṃ śuklaṣaṣṭhyāṃ ṣaṣṭhīṃ maṅgaladāyinīm | tathā cāṣāḍhasaṅkrāntyāṃ manasāṃ sarvasiddhidām
and every month on the bright sixth, Ṣaṣṭhī who bestows welfare; and likewise at the Āṣāḍha solstice, Manasā who grants all attainments;
AI translation rendered from the Sanskrit, not a published edition
DB 9 38.86
राधां रासे च कार्तिक्यां कृष्णप्राणाधिकप्रियाम् । उपोष्य शुक्लाष्टम्यां च प्रतिमासं वरप्रदाम्
rādhāṃ rāse ca kārtikyāṃ kṛṣṇaprāṇādhikapriyām | upoṣya śuklāṣṭamyāṃ ca pratimāsaṃ varapradām
and Rādhā, dearer to Kṛṣṇa than his own life, at the Rāsa (festival) on the full moon of Kārttika; and, having fasted, on the bright eighth each month, the granter of boons,
AI translation rendered from the Sanskrit, not a published edition
DB 9 38.87
विष्णुमायां भगवतीं दुर्गां दुर्गतिनाशिनीम् । प्रकृतिं जगदम्बां च पतिपुत्रवतीषु च
viṣṇumāyāṃ bhagavatīṃ durgāṃ durgatināśinīm | prakṛtiṃ jagadambāṃ ca patiputravatīṣu ca
Viṣṇu's Māyā, the Blessed One, Durgā, destroyer of misfortune, Nature, mother of the world — and in women who have husbands and sons,
AI translation rendered from the Sanskrit, not a published edition
DB 9 38.88
पतिव्रतासु शुद्धासु यन्त्रेषु प्रतिमासु च । या नारी पूजयेद्भक्त्या धनसन्तानहेतवे
pativratāsu śuddhāsu yantreṣu pratimāsu ca | yā nārī pūjayedbhaktyā dhanasantānahetave
and in chaste wives, in pure women, in diagrams (yantras) and in images — whatever woman worships (her) with devotion for the sake of wealth and offspring,
AI translation rendered from the Sanskrit, not a published edition
DB 9 38.89
इहलोके सुखं भुक्त्वा यात्यन्ते श्रीविभोः पदम् । एवं देव्या विभूतीश्च पूजयेत्साधकोऽनिशम्
ihaloke sukhaṃ bhuktvā yātyante śrīvibhoḥ padam | evaṃ devyā vibhūtīśca pūjayetsādhako'niśam
having enjoyed happiness in this world, she goes at the end to the abode of the glorious Lord. Thus let the practitioner worship the Goddess's manifestations ceaselessly.
AI translation rendered from the Sanskrit, not a published edition
DB 9 38.90
सर्वकालं सर्वरूपा संसेव्या परमेश्वरी । नातः परतरं किञ्चित्कृतकृत्यत्वदायकम्
sarvakālaṃ sarvarūpā saṃsevyā parameśvarī | nātaḥ parataraṃ kiñcitkṛtakṛtyatvadāyakam
At all times the supreme Goddess, who has all forms, is to be served; there is nothing higher than this that bestows the state of having accomplished all that is to be done.
AI translation rendered from the Sanskrit, not a published edition
DB 9 38.91
इत्युक्त्वा तां धर्मराजो जगाम निजमन्दिरम् । गृहीत्वा स्वामिनं सा च सावित्री च निजालयम्
ityuktvā tāṃ dharmarājo jagāma nijamandiram | gṛhītvā svāminaṃ sā ca sāvitrī ca nijālayam
Having said this to her, the king of dharma went to his own palace; and she, Sāvitrī, taking her husband, (went) to her own home.
AI translation rendered from the Sanskrit, not a published edition
DB 9 38.92
सावित्री सत्यवांश्चैव प्रययौ च यथागमम् । अन्यांश्च कथयामास स्ववृत्तान्तं हि नारद
sāvitrī satyavāṃścaiva prayayau ca yathāgamam | anyāṃśca kathayāmāsa svavṛttāntaṃ hi nārada
Sāvitrī and Satyavān went on as they had come; and she told others her own story, O Nārada.
AI translation rendered from the Sanskrit, not a published edition
DB 9 38.93
सावित्रीजनकः पुत्रान् सम्प्राप्तः प्रक्रमेण च । श्वशुरश्चक्षुषी राज्यं सा च पुत्रान् वरेण च
sāvitrījanakaḥ putrān samprāptaḥ prakrameṇa ca | śvaśuraścakṣuṣī rājyaṃ sā ca putrān vareṇa ca
Sāvitrī's father obtained sons in due course, and (her) father-in-law his eyes and his kingdom, and she her sons, by the boon.
AI translation rendered from the Sanskrit, not a published edition
DB 9 38.94
लक्षवर्षं सुखं भुक्त्वा पुण्यक्षेत्रे च भारते । जगाम स्वामिना सार्धं देवीलोकं पतिव्रता
lakṣavarṣaṃ sukhaṃ bhuktvā puṇyakṣetre ca bhārate | jagāma svāminā sārdhaṃ devīlokaṃ pativratā
Having enjoyed happiness for a hundred thousand years in the holy land of Bhārata, the devoted wife went together with her husband to the world of the Goddess.
AI translation rendered from the Sanskrit, not a published edition
DB 9 38.95
सवितुश्चाधिदेवी या मन्त्राधिष्ठातृदेवता । सावित्री ह्यपि वेदानां सावित्री तेन कीर्तिता
savituścādhidevī yā mantrādhiṣṭhātṛdevatā | sāvitrī hyapi vedānāṃ sāvitrī tena kīrtitā
She who is the presiding deity of the sun, the deity that governs the mantra — she is indeed the Sāvitrī of the Vedas too; for that reason she is called Sāvitrī.
AI translation rendered from the Sanskrit, not a published edition
DB 9 38.96
इत्येवं कथितं वत्स सावित्र्याख्यानमुत्तमम् । जीवकर्मविपाकं च किं पुनः श्रोतुमिच्छसि
ityevaṃ kathitaṃ vatsa sāvitryākhyānamuttamam | jīvakarmavipākaṃ ca kiṃ punaḥ śrotumicchasi
Thus, my child, the excellent tale of Sāvitrī has been told, and the ripening of the deeds of living beings. What further do you wish to hear?
AI translation rendered from the Sanskrit, not a published edition