Devi Bhagavata Purana — Skandha 9 — Chapter 29
DB 9 29.1
सावित्र्युपाख्याने कर्मविपाकवर्णनम् श्रीनारायण उवाच सावित्रीवचनं श्रुत्वा जगाम विस्मयं यमः । प्रहस्य वक्तुमारेभे कर्मपाकं तु जीविनाम्
sāvitryupākhyāne karmavipākavarṇanam śrīnārāyaṇa uvāca sāvitrīvacanaṃ śrutvā jagāma vismayaṃ yamaḥ | prahasya vaktumārebhe karmapākaṃ tu jīvinām
The description of the ripening of deeds, in the story of Sāvitrī. Śrī Nārāyaṇa said: Having heard Sāvitrī's speech, Yama went into astonishment; laughing, he began to speak of the ripening of the deeds of living beings.
AI translation rendered from the Sanskrit, not a published edition
DB 9 29.2
धर्म उवाच कन्या द्वादशवर्षीया वत्से त्वं वयसाधुना । ज्ञानं ते पूर्वविदुषां ज्ञानिनां योगिनां परम्
dharma uvāca kanyā dvādaśavarṣīyā vatse tvaṃ vayasādhunā | jñānaṃ te pūrvaviduṣāṃ jñānināṃ yogināṃ param
Dharma said: You are, my child, a girl of twelve years by age at present, (yet) your knowledge is beyond that of the learned of old, of the knowers and the yogins.
AI translation rendered from the Sanskrit, not a published edition
DB 9 29.3
सावित्रीवरदानेन त्वं सावित्री कला सती । प्राप्ता पुरा भूभृता च तपसा तत्समा सुते
sāvitrīvaradānena tvaṃ sāvitrī kalā satī | prāptā purā bhūbhṛtā ca tapasā tatsamā sute
By the boon-granting of Sāvitrī you are Sāvitrī, a portion (of her), a chaste woman; formerly you were obtained by the king through austerity, and (you are) equal to her, O daughter.
AI translation rendered from the Sanskrit, not a published edition
DB 9 29.4
यथा श्रीः श्रीपतेः क्रोडे भवानी च भवोरसि । यथादितिः कश्यपे च यथाहल्या च गौतमे
yathā śrīḥ śrīpateḥ kroḍe bhavānī ca bhavorasi | yathāditiḥ kaśyape ca yathāhalyā ca gautame
As Śrī (is) on the breast of Śrī's lord, and Bhavānī on Bhava's chest; as Aditi (is dear) to Kaśyapa, and as Ahalyā to Gautama;
AI translation rendered from the Sanskrit, not a published edition
DB 9 29.5
यथा शची महेन्द्रे च यथा चन्द्रे च रोहिणी । यथा रतिः कामदेवे यथा स्वाहा हुताशने
yathā śacī mahendre ca yathā candre ca rohiṇī | yathā ratiḥ kāmadeve yathā svāhā hutāśane
As Śacī to great Indra, and as Rohiṇī to the moon; as Rati to Kāmadeva, as Svāhā to the fire;
AI translation rendered from the Sanskrit, not a published edition
DB 9 29.6
यथा स्वधा च पितृषु यथा सन्ध्या दिवाकरे । वरुणानी च वरुणे यज्ञे च दक्षिणा यथा
yathā svadhā ca pitṛṣu yathā sandhyā divākare | varuṇānī ca varuṇe yajñe ca dakṣiṇā yathā
As Svadhā among the ancestors, as Sandhyā to the sun; and Varuṇānī to Varuṇa, and as Dakṣiṇā to the sacrifice;
AI translation rendered from the Sanskrit, not a published edition
DB 9 29.7
यथा वराहे पृथिवी देवसेना च कार्तिके । सौभाग्या सुप्रिया त्वं च तथा सत्यवतः प्रिये
yathā varāhe pṛthivī devasenā ca kārtike | saubhāgyā supriyā tvaṃ ca tathā satyavataḥ priye
As Pṛthivī to Varāha, and Devasenā to Kārttikeya — so you too, fortunate and most dear, (are) beloved of Satyavat.
AI translation rendered from the Sanskrit, not a published edition
DB 9 29.8
अयं तुभ्यं वरो दत्तोऽप्यपरं च यथेप्सितम् । शृणु देवि महाभागे ददामि सकलेप्सितम्
ayaṃ tubhyaṃ varo datto'pyaparaṃ ca yathepsitam | śṛṇu devi mahābhāge dadāmi sakalepsitam
This boon has been given to you, and another too as you desire. Listen, O goddess, greatly blessed one: I give all that is desired.
AI translation rendered from the Sanskrit, not a published edition
DB 9 29.9
सावित्र्युवाच सत्यवत औरसानां पुत्राणां शतकं मम । भविष्यति महाभाग वरमेतन्मदीप्सितम्
sāvitryuvāca satyavata aurasānāṃ putrāṇāṃ śatakaṃ mama | bhaviṣyati mahābhāga varametanmadīpsitam
Sāvitrī said: May there be for me a hundred sons begotten of Satyavat's own body, O greatly blessed one — this is the boon I desire.
AI translation rendered from the Sanskrit, not a published edition
DB 9 29.10
मत्पितुः पुत्रशतकं श्वशुरस्य च चक्षुषी । राज्यलाभो भवत्वेवं वरमेतन्मदीप्सितम्
matpituḥ putraśatakaṃ śvaśurasya ca cakṣuṣī | rājyalābho bhavatvevaṃ varametanmadīpsitam
A hundred sons for my father, and the two eyes of my father-in-law, and the gaining of the kingdom — so let it be; this is the boon I desire.
AI translation rendered from the Sanskrit, not a published edition
DB 9 29.11
अन्ते सत्यवता सार्धं यास्यामि हरिमन्दिरम् । समतीते लक्षवर्षे देहीदं मे जगत्प्रभो
ante satyavatā sārdhaṃ yāsyāmi harimandiram | samatīte lakṣavarṣe dehīdaṃ me jagatprabho
At the end, together with Satyavat, I shall go to the abode of Hari, when a hundred thousand years have fully passed — grant me this, O lord of the world.
AI translation rendered from the Sanskrit, not a published edition
DB 9 29.12
जीवकर्मविपाकं च श्रोतुं कौतूहलं मम । विश्वनिस्तारबीजं च तन्मे व्याख्यातुमर्हसि
jīvakarmavipākaṃ ca śrotuṃ kautūhalaṃ mama | viśvanistārabījaṃ ca tanme vyākhyātumarhasi
And I am curious to hear of the ripening of the deeds of living beings, and of the seed of deliverance for the world — that you ought to explain to me.
AI translation rendered from the Sanskrit, not a published edition
DB 9 29.13
धर्मराज उवाच भविष्यति महासाध्वि सर्वं मानसिकं तव । जीवकर्मविपाकं च कथयामि निशामय
dharmarāja uvāca bhaviṣyati mahāsādhvi sarvaṃ mānasikaṃ tava | jīvakarmavipākaṃ ca kathayāmi niśāmaya
Dharmarāja said: Great virtuous lady, all that is in your mind shall come to pass; and I shall tell of the ripening of beings' deeds — listen.
AI translation rendered from the Sanskrit, not a published edition
DB 9 29.14
शुभानामशुभानां च कर्मणां जन्म भारते । पुण्यक्षेत्रे च नान्यत्र सर्वं च भुञ्जते जनाः
śubhānāmaśubhānāṃ ca karmaṇāṃ janma bhārate | puṇyakṣetre ca nānyatra sarvaṃ ca bhuñjate janāḥ
Of deeds both good and evil the birth is in Bhārata, in the land of merit, and nowhere else; and (there) all people enjoy (their fruits).
AI translation rendered from the Sanskrit, not a published edition
DB 9 29.15
सुरा दैत्या दानवाश्च गन्धर्वा राक्षसादयः । नराश्च कर्मजनका न सर्वे जीविनः सति
surā daityā dānavāśca gandharvā rākṣasādayaḥ | narāśca karmajanakā na sarve jīvinaḥ sati
Gods, Daityas, Dānavas, Gandharvas, Rākṣasas and the rest, and men, are producers of karma; not all living beings (are so), O good lady.
AI translation rendered from the Sanskrit, not a published edition
DB 9 29.16
विशिष्टजीविनः कर्म भुञ्जते सर्वयोनिषु । शुभाशुभं च सर्वत्र स्वर्गेषु नरकेषु च
viśiṣṭajīvinaḥ karma bhuñjate sarvayoniṣu | śubhāśubhaṃ ca sarvatra svargeṣu narakeṣu ca
Beings of distinguished (kind) enjoy their karma in all wombs, the good and the bad everywhere, in heavens and in hells.
AI translation rendered from the Sanskrit, not a published edition
DB 9 29.17
विशेषतो जीविनश्च भ्रमन्ते सर्वयोनिषु । शुभाशुभं भुञ्जते च कर्म पूर्वार्जितं परम्
viśeṣato jīvinaśca bhramante sarvayoniṣu | śubhāśubhaṃ bhuñjate ca karma pūrvārjitaṃ param
And beings, in particular, wander through all wombs, and enjoy the good and evil karma formerly amassed — and more.
AI translation rendered from the Sanskrit, not a published edition — the model flagged this verse as uncertain
DB 9 29.18
शुभेन कर्मणा याति स्वर्लोकादिकमेव च । कर्मणा चाशुभेनैव भ्रमन्ति नरकेषु च
śubhena karmaṇā yāti svarlokādikameva ca | karmaṇā cāśubhenaiva bhramanti narakeṣu ca
By good deeds one goes to the heaven-world and the like; and by evil deeds indeed they wander in the hells.
AI translation rendered from the Sanskrit, not a published edition
DB 9 29.19
कर्मनिर्मूलने भक्तिः सा चोक्ता द्विविधा सति । निर्वाणरूपा भक्तिश्च ब्रह्मणः प्रकृतेरिह
karmanirmūlane bhaktiḥ sā coktā dvividhā sati | nirvāṇarūpā bhaktiśca brahmaṇaḥ prakṛteriha
For the uprooting of karma there is devotion, and that is said to be of two kinds, O good lady: devotion of the form of extinction (nirvāṇa), belonging here to Brahman and to Prakṛti.
AI translation rendered from the Sanskrit, not a published edition — the model flagged this verse as uncertain
DB 9 29.20
रोगी कुकर्मणा जीवश्चारोगी शुभकर्मणा । दीर्घजीवी च क्षीणायुः सुखी दुःखी च कर्मणा
rogī kukarmaṇā jīvaścārogī śubhakarmaṇā | dīrghajīvī ca kṣīṇāyuḥ sukhī duḥkhī ca karmaṇā
By bad deeds a being is diseased, by good deeds free of disease; and by deeds one is long-lived or short-lived, happy or sorrowful.
AI translation rendered from the Sanskrit, not a published edition
DB 9 29.21
अन्धादयश्चाङ्गहीनाः कर्मणा कुत्सितेन च । सिद्ध्यादिकमवाप्नोति सर्वोत्कृष्टेन कर्मणा
andhādayaścāṅgahīnāḥ karmaṇā kutsitena ca | siddhyādikamavāpnoti sarvotkṛṣṭena karmaṇā
The blind and the rest, those defective in limb, (are so) through a contemptible deed; and by the most excellent deed one attains perfection and the like.
AI translation rendered from the Sanskrit, not a published edition
DB 9 29.22
सामान्यं कथितं देवि विशेषं शृणु सुन्दरि । सुदुर्लभं सुगोप्यं च पुराणेषु स्मृतिष्वपि
sāmānyaṃ kathitaṃ devi viśeṣaṃ śṛṇu sundari | sudurlabhaṃ sugopyaṃ ca purāṇeṣu smṛtiṣvapi
The general (account) has been told, O goddess; hear the particular one, O beautiful lady — very hard to obtain and well hidden, even in the Purāṇas and the Smṛtis.
AI translation rendered from the Sanskrit, not a published edition
DB 9 29.23
दुर्लभा मानुषी जातिः सर्वजातिषु भारते । सर्वेभ्यो ब्राह्मणः श्रेष्ठः प्रशस्तः सर्वकर्मसु
durlabhā mānuṣī jātiḥ sarvajātiṣu bhārate | sarvebhyo brāhmaṇaḥ śreṣṭhaḥ praśastaḥ sarvakarmasu
Among all births in Bhārata, human birth is hard to win; and of all (men) the brāhmaṇa is the best, praised in all rites.
AI translation rendered from the Sanskrit, not a published edition
DB 9 29.24
ब्रह्मनिष्ठो द्विजश्चैव गरीयान् भारते सति । निष्कामश्च सकामश्च ब्राह्मणो द्विविधः सति
brahmaniṣṭho dvijaścaiva garīyān bhārate sati | niṣkāmaśca sakāmaśca brāhmaṇo dvividhaḥ sati
And the twice-born who is fixed on Brahman is the weightiest in Bhārata, O good lady; the brāhmaṇa is of two kinds, O good lady: without desire and with desire.
AI translation rendered from the Sanskrit, not a published edition
DB 9 29.25
सकामाज्ज प्रधानश्च निष्कामो भक्त एव च । कर्मभोगी सकामश्च निष्कामो निरुपद्रवः
sakāmājja pradhānaśca niṣkāmo bhakta eva ca | karmabhogī sakāmaśca niṣkāmo nirupadravaḥ
(The one) without desire is foremost over the one with desire, and he alone is a devotee; the one with desire is an enjoyer of karma, the desireless one is free of affliction.
AI translation rendered from the Sanskrit, not a published edition — the model flagged this verse as uncertain
DB 9 29.26
स याति देहं त्यक्त्वा च पदं यत्तन्निरामयम् । पुनरागमनं नास्ति तेषां निष्कामिनां सति
sa yāti dehaṃ tyaktvā ca padaṃ yattannirāmayam | punarāgamanaṃ nāsti teṣāṃ niṣkāmināṃ sati
Having left the body he goes to that state which is free of disease; for those without desire there is no coming back again, O good lady.
AI translation rendered from the Sanskrit, not a published edition
DB 9 29.27
सेवन्ते द्विभुजं कृष्णं परमात्मानमीश्वरम् । गोलोकं प्रति ते भक्ता दिव्यरूपविधारिणः
sevante dvibhujaṃ kṛṣṇaṃ paramātmānamīśvaram | golokaṃ prati te bhaktā divyarūpavidhāriṇaḥ
They serve the two-armed Kṛṣṇa, the Supreme Self, the Lord; those devotees, bearing divine forms, (go) toward Goloka.
AI translation rendered from the Sanskrit, not a published edition
DB 9 29.28
सकामिनो वैष्णवाश्च गत्वा वैकुण्ठमेव च । भारतं पुनरायान्ति तेषां जन्म द्विजातिषु
sakāmino vaiṣṇavāśca gatvā vaikuṇṭhameva ca | bhārataṃ punarāyānti teṣāṃ janma dvijātiṣu
But Vaiṣṇavas with desire, having gone to Vaikuṇṭha, come again to Bhārata; their birth is among the twice-born.
AI translation rendered from the Sanskrit, not a published edition
DB 9 29.29
काले गते च निष्कामा भवन्त्येव ्क्रमेण च । भक्तिं च निर्मलां तेभ्यो दास्यामि निश्चितं पुनः नारायणनारदसंवादे सावित्र्युपाख्याने कर्मविपाकवर्णनं नामैकोनत्रिशोऽध्यायः
kāle gate ca niṣkāmā bhavantyeva krameṇa ca | bhaktiṃ ca nirmalāṃ tebhyo dāsyāmi niścitaṃ punaḥ nārāyaṇanāradasaṃvāde sāvitryupākhyāne karmavipākavarṇanaṃ nāmaikonatriśo'dhyāyaḥ
And when time has passed they become, gradually, free of desire; and I shall surely give them again a spotless devotion. [Thus the twenty-ninth chapter, named the description of the ripening of karma, in the story of Sāvitrī, in the dialogue of Nārāyaṇa and Nārada.]
AI translation rendered from the Sanskrit, not a published edition
DB 9 29.30
ब्राह्मणा वैष्णवाश्चैव सकामाः सर्वजन्मसु । न तेषां निर्मला बुद्धिर्विष्णुभक्तिविवर्जिताः
brāhmaṇā vaiṣṇavāścaiva sakāmāḥ sarvajanmasu | na teṣāṃ nirmalā buddhirviṣṇubhaktivivarjitāḥ
Brāhmaṇas and Vaiṣṇavas who are full of desire in all their births — their understanding is not pure, being devoid of devotion to Viṣṇu.
AI translation rendered from the Sanskrit, not a published edition
DB 9 29.31
तीर्थाश्रिता द्विजा ये च तपस्यानिरताः सति । ते यान्ति ब्रह्मलोकं च पुनरायान्ति भारते
tīrthāśritā dvijā ye ca tapasyāniratāḥ sati | te yānti brahmalokaṃ ca punarāyānti bhārate
Those twice-born who resort to holy fords and are intent on austerity, O good lady, go to Brahmaloka and come again into Bhārata.
AI translation rendered from the Sanskrit, not a published edition
DB 9 29.32
स्वधर्मनिरता ये च तीर्थान्यत्रनिवासिनः । व्रजन्ति ते सत्यलोकं पुनरायान्ति भारते
svadharmaniratā ye ca tīrthānyatranivāsinaḥ | vrajanti te satyalokaṃ punarāyānti bhārate
And those intent on their own duty who dwell elsewhere than at holy fords go to Satyaloka and come again into Bhārata.
AI translation rendered from the Sanskrit, not a published edition
DB 9 29.33
स्वधर्मनिरता विप्राः सूर्यभक्ताश्च भारते । व्रजन्ति ते सूर्यलोकं पुनरायान्ति भारते
svadharmaniratā viprāḥ sūryabhaktāśca bhārate | vrajanti te sūryalokaṃ punarāyānti bhārate
The brahmins in Bhārata who are devoted to their own duty and who are worshippers of the Sun — they go to the Sun's world, and come back again to Bhārata.
AI translation rendered from the Sanskrit, not a published edition
DB 9 29.34
मूलप्रकृतिभक्ता ये निष्कामा धर्मचारिणः । मणिद्वीपं प्रयान्त्येव पुनरावृत्तिवर्जितम्
mūlaprakṛtibhaktā ye niṣkāmā dharmacāriṇaḥ | maṇidvīpaṃ prayāntyeva punarāvṛttivarjitam
Those who are devotees of the Root Prakṛti, free of desire, practising righteousness, go indeed to Maṇidvīpa, from which there is no return.
AI translation rendered from the Sanskrit, not a published edition
DB 9 29.35
स्वधर्मे निरता भक्ताः शैवाः शाक्ताश्च गाणपाः । ते यान्ति शिवलोकं च पुनरायान्ति भारते
svadharme niratā bhaktāḥ śaivāḥ śāktāśca gāṇapāḥ | te yānti śivalokaṃ ca punarāyānti bhārate
Devotees intent on their own duty — Śaivas, Śāktas and worshippers of Gaṇapati — they go to Śiva's world, and come back again to Bhārata.
AI translation rendered from the Sanskrit, not a published edition
DB 9 29.36
ये विप्रा अन्यदेवेज्याः स्वधर्मनिरताः सति । ते यान्ति सर्वलोकं च पुनरायान्ति भारते
ye viprā anyadevejyāḥ svadharmaniratāḥ sati | te yānti sarvalokaṃ ca punarāyānti bhārate
Those brahmins who worship other gods, (yet) are intent on their own duty, O good lady — they go to the world of all (the gods), and come back again to Bhārata.
AI translation rendered from the Sanskrit, not a published edition — the model flagged this verse as uncertain
DB 9 29.37
हरिभक्ताश्च निष्कामाः स्वधर्मनिरता द्विजाः । ते च यान्ति हरेर्लोकं क्रमाद्भक्तिबलादहो
haribhaktāśca niṣkāmāḥ svadharmaniratā dvijāḥ | te ca yānti harerlokaṃ kramādbhaktibalādaho
And the twice-born who are devotees of Hari, free of desire, intent on their own duty — they too go to Hari's world, gradually, by the power of devotion — ah!
AI translation rendered from the Sanskrit, not a published edition
DB 9 29.38
स्वधर्मरहिता विप्रा देवान्यसेवनाः सदा । भ्रष्टाचाराश्च कामाश्च ते यान्ति नरकं ध्रुवम्
svadharmarahitā viprā devānyasevanāḥ sadā | bhraṣṭācārāśca kāmāśca te yānti narakaṃ dhruvam
Brahmins who lack their own duty, always serving other gods, fallen in conduct and full of desire — they surely go to hell.
AI translation rendered from the Sanskrit, not a published edition
DB 9 29.39
स्वधर्मनिरता एव वर्णाश्चत्वार एव च । भवन्त्येव शुभस्यैव कर्मणः फलभोगिनः
svadharmaniratā eva varṇāścatvāra eva ca | bhavantyeva śubhasyaiva karmaṇaḥ phalabhoginaḥ
Only those of the four classes who are intent on their own duty become enjoyers of the fruit of auspicious action.
AI translation rendered from the Sanskrit, not a published edition
DB 9 29.40
स्वकर्मरहिता ये च नरकं यान्ति ते ध्रुवम् । भारते न भवन्त्येव कर्मणः फलभोगिनः
svakarmarahitā ye ca narakaṃ yānti te dhruvam | bhārate na bhavantyeva karmaṇaḥ phalabhoginaḥ
And those who lack their own (prescribed) action surely go to hell; in Bhārata they do not become enjoyers of the fruit of action.
AI translation rendered from the Sanskrit, not a published edition
DB 9 29.41
स्वधर्मनिरता एव वर्णाश्चत्वार एव च । स्वधर्मनिरता विप्राः स्वधर्मनिरताय च
svadharmaniratā eva varṇāścatvāra eva ca | svadharmaniratā viprāḥ svadharmaniratāya ca
Only those of the four classes who are intent on their own duty (obtain it); and brahmins intent on their own duty, to one intent on his own duty —
AI translation rendered from the Sanskrit, not a published edition — the model flagged this verse as uncertain
DB 9 29.42
कन्यां ददति विप्राय चन्द्रलोकं प्रयान्ति ते । वसन्ति तत्र ते साध्वि यावदिन्द्राश्चतुर्दश
kanyāṃ dadati viprāya candralokaṃ prayānti te | vasanti tatra te sādhvi yāvadindrāścaturdaśa
Those who give a daughter to a brahmin go to the world of the moon; there they dwell, O virtuous lady, for as long as fourteen Indras (endure).
AI translation rendered from the Sanskrit, not a published edition
DB 9 29.43
सालङ्कृताया दानेन द्विगुणं फलमुच्यते । सकामा यान्ति तल्लोकं न निष्कामाश्च साधवः
sālaṅkṛtāyā dānena dviguṇaṃ phalamucyate | sakāmā yānti tallokaṃ na niṣkāmāśca sādhavaḥ
By the gift of (a daughter) adorned with ornaments the fruit is said to be doubled. Those with desire go to that world, but not the desireless good ones.
AI translation rendered from the Sanskrit, not a published edition
DB 9 29.44
ते प्रयान्ति विष्णुलोकं फलसङ्घातवर्जिताः । गव्यं च रजतं स्वर्णं वस्त्रं सर्पिः फलं जलम्
te prayānti viṣṇulokaṃ phalasaṅghātavarjitāḥ | gavyaṃ ca rajataṃ svarṇaṃ vastraṃ sarpiḥ phalaṃ jalam
They go to Viṣṇu's world, being free of the mass of (karmic) fruits. Milk-products, silver, gold, cloth, ghee, fruit, water —
AI translation rendered from the Sanskrit, not a published edition
DB 9 29.45
ये ददत्येव विप्रेभ्यश्चन्द्रलोकं प्रयान्ति ते । वसन्ति ते च तल्लोके यावन्मन्वन्तरं सति
ye dadatyeva viprebhyaścandralokaṃ prayānti te | vasanti te ca talloke yāvanmanvantaraṃ sati
Those who give (these) to brahmins go to the world of the moon; and they dwell in that world for a manvantara, O good lady.
AI translation rendered from the Sanskrit, not a published edition
DB 9 29.46
सुचिरात्सुचिरं वासं कुर्वन्ति तेन ते जनाः । ये ददति सुवर्णांश्च गाश्च ताम्रादिकं सति
sucirātsuciraṃ vāsaṃ kurvanti tena te janāḥ | ye dadati suvarṇāṃśca gāśca tāmrādikaṃ sati
By that those people make a dwelling (there) for a very long time indeed. Those who give gold and cows and copper and the like, O good lady —
AI translation rendered from the Sanskrit, not a published edition
DB 9 29.47
ते यान्ति सूर्यलोकं च शुचये ब्राह्मणाय च । वसन्ति ते तत्र लोके वर्षाणामयुतं सति
te yānti sūryalokaṃ ca śucaye brāhmaṇāya ca | vasanti te tatra loke varṣāṇāmayutaṃ sati
they go to the Sun's world — (given) to a pure brahmin; they dwell in that world for ten thousand years, O good lady.
AI translation rendered from the Sanskrit, not a published edition
DB 9 29.48
विपुले सुचिरं वासं कुर्वन्ति च निरामयाः । ददाति भूमिं विप्रेभ्यो धनानि विपुलानि च
vipule suciraṃ vāsaṃ kurvanti ca nirāmayāḥ | dadāti bhūmiṃ viprebhyo dhanāni vipulāni ca
And free of affliction they make a long dwelling in that vast (world). (Whoever) gives land to brahmins and abundant riches —
AI translation rendered from the Sanskrit, not a published edition — the model flagged this verse as uncertain
DB 9 29.49
स याति विष्णुलोकं च श्वेतद्वीपं मनोहरम् । तत्रैव निवसत्येव यावच्चन्द्रदिवाकरौ
sa yāti viṣṇulokaṃ ca śvetadvīpaṃ manoharam | tatraiva nivasatyeva yāvaccandradivākarau
he goes to Viṣṇu's world and to the lovely Śvetadvīpa; there he dwells for as long as the moon and sun (endure).
AI translation rendered from the Sanskrit, not a published edition
DB 9 29.50
विपुले विपुलं वासं करोति पुण्यवान्मुने । गृहं ददति विप्राय ये जना भक्तिपूर्वकम्
vipule vipulaṃ vāsaṃ karoti puṇyavānmune | gṛhaṃ dadati viprāya ye janā bhaktipūrvakam
That meritorious man makes an ample dwelling in the vast (world), O sage. Those people who with devotion give a house to a brahmin —
AI translation rendered from the Sanskrit, not a published edition
DB 9 29.51
ते यान्ति विष्णुलोकं च सुचिरं सुखदायकम् । गृहरेणुप्रमाणं च विष्णुलोके महत्तमे
te yānti viṣṇulokaṃ ca suciraṃ sukhadāyakam | gṛhareṇupramāṇaṃ ca viṣṇuloke mahattame
they go to Viṣṇu's world, which gives happiness for a long time; and to the measure of the dust-motes of the house, in that greatest world of Viṣṇu,
AI translation rendered from the Sanskrit, not a published edition
DB 9 29.52
विपुले विपुलं वासं कुर्वन्ति मानवाः सति । यस्मै यस्मै च देवाय यो ददाति गृहं नरः
vipule vipulaṃ vāsaṃ kurvanti mānavāḥ sati | yasmai yasmai ca devāya yo dadāti gṛhaṃ naraḥ
those men make an ample dwelling in the vast (world), O good lady. To whatever god a man gives a house,
AI translation rendered from the Sanskrit, not a published edition
DB 9 29.53
स याति तस्य लोकं च रेणुमानाब्दमेव च । सौधे चतुर्गुणं पुण्यं देशे शतगुणं फलम्
sa yāti tasya lokaṃ ca reṇumānābdameva ca | saudhe caturguṇaṃ puṇyaṃ deśe śataguṇaṃ phalam
He goes to that (god's) world for as many years as there are grains of dust; in a stuccoed (shrine) the merit is fourfold, in (a proper) site the fruit is a hundredfold.
AI translation rendered from the Sanskrit, not a published edition — the model flagged this verse as uncertain
DB 9 29.54
प्रकृष्टे द्विगुणं तस्मादित्याह कमलोद्भवः । यो ददाति तडागं च सर्वपापापनुत्तये
prakṛṣṭe dviguṇaṃ tasmādityāha kamalodbhavaḥ | yo dadāti taḍāgaṃ ca sarvapāpāpanuttaye
In an excellent (site) it is twice that — so said the Lotus-born (Brahmā). And he who gives a tank for the removal of all sins,
AI translation rendered from the Sanskrit, not a published edition
DB 9 29.55
स याति जनलोकं च रेणुमानाब्दमेव च । वाप्यां फलं दशगुणं प्राप्नोति मानवः सदा
sa yāti janalokaṃ ca reṇumānābdameva ca | vāpyāṃ phalaṃ daśaguṇaṃ prāpnoti mānavaḥ sadā
he goes to Janaloka for as many years as there are grains of dust; in the case of a step-well a man always obtains a tenfold fruit.
AI translation rendered from the Sanskrit, not a published edition — the model flagged this verse as uncertain
DB 9 29.56
स तु वापीप्रदानेन तडागस्य फलं लभेत् । धनुश्चतुःसहस्रेण दर्श्यमानेन निश्चितम्
sa tu vāpīpradānena taḍāgasya phalaṃ labhet | dhanuścatuḥsahasreṇa darśyamānena niścitam
But by the gift of a step-well he would obtain the fruit of a tank, (if it is) certainly measured out at four thousand bows.
AI translation rendered from the Sanskrit, not a published edition — the model flagged this verse as uncertain
DB 9 29.57
न्यूना वा तावती प्रस्थे सा वापी परिकीर्तिता । दशवापीसमा कन्या यदि पात्रे प्रदीयते
nyūnā vā tāvatī prasthe sā vāpī parikīrtitā | daśavāpīsamā kanyā yadi pātre pradīyate
Or less (than that): one of that size in extent is declared to be a vāpī. A maiden, if she is given to a worthy recipient, equals ten step-wells.
AI translation rendered from the Sanskrit, not a published edition — the model flagged this verse as uncertain
DB 9 29.58
फलं ददाति द्विगुणं यदि सालङ्कृता भवेत् । यत्फलं च तडागे च तदुद्धारे च तत्कलम्
phalaṃ dadāti dviguṇaṃ yadi sālaṅkṛtā bhavet | yatphalaṃ ca taḍāge ca taduddhāre ca tatkalam
She gives twice the fruit if she is adorned with ornaments. And whatever fruit there is in (making) a tank, the same fruit is in its clearing out.
AI translation rendered from the Sanskrit, not a published edition — the model flagged this verse as uncertain
DB 9 29.59
वाप्याश्च पङ्कोद्धरणे वापीतुल्यफलं लभेत् । अश्वत्थवृक्षमारोप्य प्रतिष्ठां यः करोति च
vāpyāśca paṅkoddharaṇe vāpītulyaphalaṃ labhet | aśvatthavṛkṣamāropya pratiṣṭhāṃ yaḥ karoti ca
And in removing the mud of a step-well one obtains a fruit equal to (giving) a step-well. And he who plants an aśvattha tree and performs its consecration,
AI translation rendered from the Sanskrit, not a published edition
DB 9 29.60
स प्रयाति तपोलोकं वर्षाणामयुतं सति । पुष्पोद्यानं यो ददाति सावित्रि सर्वभूतये
sa prayāti tapolokaṃ varṣāṇāmayutaṃ sati | puṣpodyānaṃ yo dadāti sāvitri sarvabhūtaye
he goes to Tapoloka for ten thousand years, O good lady. He who gives a flower-garden, Sāvitrī, for the welfare of all beings,
AI translation rendered from the Sanskrit, not a published edition
DB 9 29.61
स वसेद् ध्रुवलोके च वर्षाणामयुतं धुवम् । यो ददाति विमानं च विष्णवे भारते सति
sa vased dhruvaloke ca varṣāṇāmayutaṃ dhuvam | yo dadāti vimānaṃ ca viṣṇave bhārate sati
he dwells in Dhruvaloka for ten thousand years, assuredly. And he who gives a (temple-)car to Viṣṇu in Bhārata, O good lady,
AI translation rendered from the Sanskrit, not a published edition
DB 9 29.62
विष्णुलोके वसेत्सोऽपि यावन्मन्वन्तरं परम् । चित्रयुक्ते च विपुले फलं तस्य चतुर्गुणम्
viṣṇuloke vasetso'pi yāvanmanvantaraṃ param | citrayukte ca vipule phalaṃ tasya caturguṇam
he too dwells in Viṣṇu's world for a full manvantara; and if it is (a car) furnished with paintings and large, his fruit is fourfold.
AI translation rendered from the Sanskrit, not a published edition
DB 9 29.63
तस्यार्धं शिबिकादाने फलमेव लभेद् ध्रुवम् । यो ददाति भक्तियुक्तो हरये दोलमन्दिरम्
tasyārdhaṃ śibikādāne phalameva labhed dhruvam | yo dadāti bhaktiyukto haraye dolamandiram
In the gift of a palanquin one surely obtains half of that fruit. He who, filled with devotion, gives a swing-pavilion to Hari,
AI translation rendered from the Sanskrit, not a published edition
DB 9 29.64
विष्णुलोके वसेत्सोऽपि यावन्मन्वन्तरं शतम् । राजमार्गं सौधयुक्तं यः करोति पतिव्रते
viṣṇuloke vasetso'pi yāvanmanvantaraṃ śatam | rājamārgaṃ saudhayuktaṃ yaḥ karoti pativrate
he too dwells in Viṣṇu's world for a hundred manvantaras. He who makes a royal road furnished with stuccoed (buildings), O faithful wife,
AI translation rendered from the Sanskrit, not a published edition
DB 9 29.65
वर्षाणामयुतं सोऽपि शक्रलोके महीयते । ब्राह्मणेभ्योऽथ देवेभ्यो दाने समफलं लभेत्
varṣāṇāmayutaṃ so'pi śakraloke mahīyate | brāhmaṇebhyo'tha devebhyo dāne samaphalaṃ labhet
he too is honoured in Śakra's world for ten thousand years. In giving to brāhmaṇas and to the gods one obtains an equal fruit.
AI translation rendered from the Sanskrit, not a published edition
DB 9 29.66
यद्धि दत्तं च तद्भुङ्क्ते न दत्तं नोपतिष्ठते । भुक्त्वा स्वर्गादिजं सौख्यं पुण्यवाञ्जन्म भारते
yaddhi dattaṃ ca tadbhuṅkte na dattaṃ nopatiṣṭhate | bhuktvā svargādijaṃ saukhyaṃ puṇyavāñjanma bhārate
For what has been given, that he enjoys; what has not been given does not come to him. Having enjoyed the happiness born of heaven and the rest, the meritorious one (obtains) birth in Bhārata,
AI translation rendered from the Sanskrit, not a published edition
DB 9 29.67
लभेद्विप्रकुलेष्वेव क्रमेणैवोत्तमादिषु । भारते पुण्यवान्विप्रो भुक्त्वा स्वर्गादिकं फलम्
labhedviprakuleṣveva krameṇaivottamādiṣu | bhārate puṇyavānvipro bhuktvā svargādikaṃ phalam
and he obtains it in the families of brāhmaṇas, in due order, in the highest and so on. In Bhārata a meritorious brāhmaṇa, having enjoyed the fruit consisting of heaven and the rest,
AI translation rendered from the Sanskrit, not a published edition
DB 9 29.68
पुनः सोऽपि भवेद्विप्रश्चैवं च क्षत्रियादयः । क्षत्रियो वाथ वैश्यो वा कल्पकोटिशतेन च
punaḥ so'pi bhavedvipraścaivaṃ ca kṣatriyādayaḥ | kṣatriyo vātha vaiśyo vā kalpakoṭiśatena ca
he too becomes a brāhmaṇa again; and so too the kṣatriyas and the rest. But a kṣatriya, or a vaiśya, even in a hundred crores of kalpas
AI translation rendered from the Sanskrit, not a published edition
DB 9 29.69
तपसा ब्राह्मणत्वं च न प्राप्नोति श्रुतौ श्रुतम् । नाभुक्तं क्षीयते कर्म कल्पकोटिशतैरपि
tapasā brāhmaṇatvaṃ ca na prāpnoti śrutau śrutam | nābhuktaṃ kṣīyate karma kalpakoṭiśatairapi
does not attain brāhmaṇahood by austerity — thus it is heard in the Veda. Karma that has not been experienced does not perish even in a hundred crores of kalpas.
AI translation rendered from the Sanskrit, not a published edition
DB 9 29.70
अवश्यमेव भोक्तव्यं कृतं कर्म शुभाशुभम् । देवतीर्थसहायेन कायव्यूहेन शुध्यति । एतत्ते कथितं किञ्चित् किं भूयः श्रोतुमिच्छसि
avaśyameva bhoktavyaṃ kṛtaṃ karma śubhāśubham | devatīrthasahāyena kāyavyūhena śudhyati | etatte kathitaṃ kiñcit kiṃ bhūyaḥ śrotumicchasi
The karma one has done, good or bad, must inevitably be experienced. With the help of the gods and of holy places, one is purified through a multiplication of bodies. This much has been told to you; what more do you wish to hear?
AI translation rendered from the Sanskrit, not a published edition