Devi Bhagavata Purana — Skandha 9 — Chapter 26
DB 9 26.1
सावित्रीपूजाविधिकथनम् नारद उवाच तुलस्युपाख्यानमिदं श्रुतं चातिसुधोपमम् । ततः सावित्र्युपाख्यानं तन्मे व्याख्यातुमर्हसि
sāvitrīpūjāvidhikathanam nārada uvāca tulasyupākhyānamidaṃ śrutaṃ cātisudhopamam | tataḥ sāvitryupākhyānaṃ tanme vyākhyātumarhasi
The telling of the rite of worship of Sāvitrī. Nārada said: This tale of Tulasī, like the finest nectar, has been heard. Now you should expound to me the tale of Sāvitrī.
AI translation rendered from the Sanskrit, not a published edition
DB 9 26.2
पुरा केन समुद्भूता सा श्रुता च श्रुतेः प्रसूः । केन वा पूजिता लोके प्रथमे कैश्च वा परे
purā kena samudbhūtā sā śrutā ca śruteḥ prasūḥ | kena vā pūjitā loke prathame kaiśca vā pare
From whom did she, the mother of scripture — she who is heard of (as such) — arise of old? And by whom was she worshipped first in the world, and by whom afterwards?
AI translation rendered from the Sanskrit, not a published edition
DB 9 26.3
श्रीनारायण उवाच ब्रह्मणा वेदजननी प्रथमे पूजिता मुने । द्वितीये च वेदगणैस्तत्पश्चाद्विदुषां गणैः
śrīnārāyaṇa uvāca brahmaṇā vedajananī prathame pūjitā mune | dvitīye ca vedagaṇaistatpaścādviduṣāṃ gaṇaiḥ
Śrī Nārāyaṇa said: The mother of the Vedas was worshipped first by Brahmā, O sage; second by the hosts of the Vedas, and after that by the hosts of the learned.
AI translation rendered from the Sanskrit, not a published edition
DB 9 26.4
तदा चाश्वपतिर्भूपः पूजयामास भारते । तत्पश्चात्पूजयामासुर्वर्णाश्चत्वार एव च
tadā cāśvapatirbhūpaḥ pūjayāmāsa bhārate | tatpaścātpūjayāmāsurvarṇāścatvāra eva ca
Then king Aśvapati worshipped (her) in Bhārata; after him the four classes worshipped (her).
AI translation rendered from the Sanskrit, not a published edition
DB 9 26.5
नारद उवाच को वा सोऽश्वपतिर्ब्रह्मन् केन वा तेन पूजिता । सर्वपूज्या च सा देवी प्रथमे कैश्च वा परे
nārada uvāca ko vā so'śvapatirbrahman kena vā tena pūjitā | sarvapūjyā ca sā devī prathame kaiśca vā pare
Nārada said: Who was that Aśvapati, O brahman, and why (or: by what means) was she worshipped by him? And that goddess, worthy of worship by all — by whom first and by whom afterwards?
AI translation rendered from the Sanskrit, not a published edition — the model flagged this verse as uncertain
DB 9 26.6
श्रीनारायण उवाच मद्रदेशे महाराजो बभूवाश्वपतिर्मुने । वैरिणां बलहर्ता च मित्राणां दुःखनाशनः
śrīnārāyaṇa uvāca madradeśe mahārājo babhūvāśvapatirmune | vairiṇāṃ balahartā ca mitrāṇāṃ duḥkhanāśanaḥ
Śrī Nārāyaṇa said: In the land of Madra there was a great king, Aśvapati, O sage, who took away the strength of his enemies and destroyed the sorrows of his friends.
AI translation rendered from the Sanskrit, not a published edition
DB 9 26.7
आसीत्तस्य महाराज्ञी महिषी धर्मचारिणी । मालतीति समाख्याता यथा लक्ष्मीर्गदाभृतः
āsīttasya mahārājñī mahiṣī dharmacāriṇī | mālatīti samākhyātā yathā lakṣmīrgadābhṛtaḥ
He had a great queen, his chief consort, who practised dharma, known as Mālatī, like Lakṣmī of the mace-bearer (Viṣṇu).
AI translation rendered from the Sanskrit, not a published edition
DB 9 26.8
सा च राज्ञी च वन्ध्या च वसिष्ठस्योपदेशतः । चकाराराधनं भक्त्या सावित्र्याश्चैव नारद
sā ca rājñī ca vandhyā ca vasiṣṭhasyopadeśataḥ | cakārārādhanaṃ bhaktyā sāvitryāścaiva nārada
And that queen, being barren, on the instruction of Vasiṣṭha performed the propitiation of Sāvitrī with devotion, O Nārada.
AI translation rendered from the Sanskrit, not a published edition
DB 9 26.9
प्रत्यादेशं न सा प्राप्ता महिषी न ददर्श ताम् । गृहं जगाम दुःखार्ता हृदयेन विदूयता
pratyādeśaṃ na sā prāptā mahiṣī na dadarśa tām | gṛhaṃ jagāma duḥkhārtā hṛdayena vidūyatā
She obtained no response, and the queen did not see her; grieved with sorrow, she went home with an aching heart.
AI translation rendered from the Sanskrit, not a published edition
DB 9 26.10
राजा तां दुःखितां दृष्ट्वा बोधयित्वा नयेन वै । सावित्र्यास्तपसे भक्त्या जगाम पुष्करं तदा
rājā tāṃ duḥkhitāṃ dṛṣṭvā bodhayitvā nayena vai | sāvitryāstapase bhaktyā jagāma puṣkaraṃ tadā
The king, seeing her sorrowful, consoled her with wise counsel, and then went to Puṣkara for austerity in devotion to Sāvitrī.
AI translation rendered from the Sanskrit, not a published edition
DB 9 26.11
तपश्चकार तत्रैव संयतः शतवत्सरम् । न ददर्श च सावित्र्या प्रत्यादेशो बभूव च
tapaścakāra tatraiva saṃyataḥ śatavatsaram | na dadarśa ca sāvitryā pratyādeśo babhūva ca
There itself, restrained, he performed austerity for a hundred years; and he did not see (her), nor was there any response from Sāvitrī.
AI translation rendered from the Sanskrit, not a published edition
DB 9 26.12
शुश्रावाकाशवाणीं च नृपेन्द्रश्चाशरीरिणीम् । गायत्र्या दशलक्षं च जपं त्वं कुरु नारद
śuśrāvākāśavāṇīṃ ca nṛpendraścāśarīriṇīm | gāyatryā daśalakṣaṃ ca japaṃ tvaṃ kuru nārada
And the lord of kings heard a bodiless voice from the sky: "Do a recitation of ten lakhs of the Gāyatrī," O Nārada.
AI translation rendered from the Sanskrit, not a published edition
DB 9 26.13
एतस्मिन्नन्तरे तत्र आजगाम पराशरः । प्रणनाम ततस्तं च मुनिर्नृपमुवाच च
etasminnantare tatra ājagāma parāśaraḥ | praṇanāma tatastaṃ ca munirnṛpamuvāca ca
Meanwhile Parāśara came there; then (the king) bowed to him, and the sage spoke to the king.
AI translation rendered from the Sanskrit, not a published edition
DB 9 26.14
मुनिरुवाच सकृज्जपश्च गायत्र्याः पापं दिनभवं हरेत् । दशवारं जपेनैव नश्येत्पापं दिवानिशम्
muniruvāca sakṛjjapaśca gāyatryāḥ pāpaṃ dinabhavaṃ haret | daśavāraṃ japenaiva naśyetpāpaṃ divāniśam
The sage said: A single recitation of the Gāyatrī would remove the sin arising in a day; by ten recitations the sin of a day and night is destroyed.
AI translation rendered from the Sanskrit, not a published edition
DB 9 26.15
शतवारं जपश्चैव पापं मासार्जितं हरेत् । सहस्रधा जपश्चैव कल्मषं वत्सरार्जितम्
śatavāraṃ japaścaiva pāpaṃ māsārjitaṃ haret | sahasradhā japaścaiva kalmaṣaṃ vatsarārjitam
A hundred recitations would remove the sin accumulated in a month; a thousandfold recitation, the stain accumulated in a year.
AI translation rendered from the Sanskrit, not a published edition
DB 9 26.16
लक्षो जन्मकृतं पापं दशलक्षोऽन्यजन्मजम् । सर्वजन्मकृतं पापं शतलक्षाद्विनश्यति
lakṣo janmakṛtaṃ pāpaṃ daśalakṣo'nyajanmajam | sarvajanmakṛtaṃ pāpaṃ śatalakṣādvinaśyati
A hundred thousand (repetitions destroy) the sin committed in this birth, a million that arising from another birth; sin committed in all births is destroyed by ten million.
AI translation rendered from the Sanskrit, not a published edition
DB 9 26.17
करोति मुक्तिं विप्राणां जपो दशगुणस्ततः । करं सर्पफणाकारं कृत्वा तद्रन्धमुद्रितम्
karoti muktiṃ viprāṇāṃ japo daśaguṇastataḥ | karaṃ sarpaphaṇākāraṃ kṛtvā tadrandhamudritam
Japa ten times that (amount) brings about liberation for brahmins. Having made the hand into the shape of a serpent's hood, its hollow closed,
AI translation rendered from the Sanskrit, not a published edition
DB 9 26.18
आनम्रमूर्धमचलं प्रजपेत्प्राङ्मुखो द्विजः । अनामिकामध्यदेशादधोऽवामक्रमेण च
ānamramūrdhamacalaṃ prajapetprāṅmukho dvijaḥ | anāmikāmadhyadeśādadho'vāmakrameṇa ca
the twice-born, facing east, with head bowed and body unmoving, should recite; and from the middle section of the ring finger downward, in the non-leftward order,
AI translation rendered from the Sanskrit, not a published edition
DB 9 26.19
तर्जनीमूलपर्यन्तं जपस्यैवं क्रमः करे । श्वेतपङ्कजबीजानां स्फटिकानां च संस्कृताम्
tarjanīmūlaparyantaṃ japasyaivaṃ kramaḥ kare | śvetapaṅkajabījānāṃ sphaṭikānāṃ ca saṃskṛtām
as far as the base of the index finger — such is the sequence of japa on the hand. And (a rosary) of white lotus seeds and of crystal, duly consecrated,
AI translation rendered from the Sanskrit, not a published edition
DB 9 26.20
कृत्वा वै मालिकां राजन् जपेत्तीर्थे सुरालये । संस्थाप्य मालामश्वत्थपत्रे पद्मे च संयतः
kṛtvā vai mālikāṃ rājan japettīrthe surālaye | saṃsthāpya mālāmaśvatthapatre padme ca saṃyataḥ
having made it into a rosary, O king, one should recite at a sacred ford or in a temple; placing the rosary on an aśvattha leaf and on a lotus, self-controlled,
AI translation rendered from the Sanskrit, not a published edition
DB 9 26.21
कृत्वा गोरोचनाक्तां च गायत्र्या स्नापयेत्सुधीः । गायत्रीशतकं तस्यां जपेच्च विधिपूर्वकम्
kṛtvā gorocanāktāṃ ca gāyatryā snāpayetsudhīḥ | gāyatrīśatakaṃ tasyāṃ japecca vidhipūrvakam
and having smeared it with gorocanā, the wise man should bathe it (while reciting) the Gāyatrī, and should recite a hundred Gāyatrīs over it according to the prescribed manner.
AI translation rendered from the Sanskrit, not a published edition
DB 9 26.22
अथवा पञ्चगव्येन स्नात्वा मालां सुसंस्कृताम् । अथ गङ्गोदकेनैव स्नात्वा वातिसुसंस्कृताम्
athavā pañcagavyena snātvā mālāṃ susaṃskṛtām | atha gaṅgodakenaiva snātvā vātisusaṃskṛtām
Or else, having bathed the well-consecrated rosary with the five products of the cow; or else, having bathed it with Ganges water alone, (it becomes) even better consecrated.
AI translation rendered from the Sanskrit, not a published edition
DB 9 26.23
एवं क्रमेण राजर्षे दशलक्षं जपं कुरु । साक्षाद्द्रक्ष्यसि सावित्रीं त्रिजन्मपातकक्षयात्
evaṃ krameṇa rājarṣe daśalakṣaṃ japaṃ kuru | sākṣāddrakṣyasi sāvitrīṃ trijanmapātakakṣayāt
In this sequence, O royal sage, perform a million recitations; you will see Sāvitrī directly, through the destruction of the sins of three births.
AI translation rendered from the Sanskrit, not a published edition
DB 9 26.24
नित्यं सन्ध्यां च हे राजन् करिष्यसि दिने दिने । मध्याह्ने चापि सायाह्ने प्रातरेव शुचिः सदा
nityaṃ sandhyāṃ ca he rājan kariṣyasi dine dine | madhyāhne cāpi sāyāhne prātareva śuciḥ sadā
And, O king, you shall perform the twilight worship regularly, day after day — at midday, at evening, and at dawn — always pure.
AI translation rendered from the Sanskrit, not a published edition
DB 9 26.25
सन्ध्याहीनोऽशुचिर्नित्यमनर्हः सर्वकर्मसु । यदह्ना कुरुते कर्म न तस्य फलभाग्भवेत्
sandhyāhīno'śucirnityamanarhaḥ sarvakarmasu | yadahnā kurute karma na tasya phalabhāgbhavet
One who omits the twilight worship is ever impure, unfit for all rites; whatever rite he performs by day, he becomes no sharer in its fruit.
AI translation rendered from the Sanskrit, not a published edition
DB 9 26.26
नोपतिष्ठति यः पूर्वां नोपास्ते यस्तु पश्चिमाम् । स शूद्रवद्बहिष्कार्यः सर्वस्माद् द्विजकर्मणः सावित्रीपूजाविधिकथनं नाम षड्विंशोऽध्यायः
nopatiṣṭhati yaḥ pūrvāṃ nopāste yastu paścimām | sa śūdravadbahiṣkāryaḥ sarvasmād dvijakarmaṇaḥ sāvitrīpūjāvidhikathanaṃ nāma ṣaḍviṃśo'dhyāyaḥ
He who does not attend upon the eastern (morning twilight) and does not worship at the western (evening twilight) is to be excluded, like a śūdra, from every rite of the twice-born. — The twenty-sixth chapter, called the telling of the rule for the worship of Sāvitrī.
AI translation rendered from the Sanskrit, not a published edition
DB 9 26.27
यावज्जीवनपर्यन्तं त्रिःसन्ध्यां यः करोति च । स च सूर्यसमो विप्रस्तेजसा तपसा सदा
yāvajjīvanaparyantaṃ triḥsandhyāṃ yaḥ karoti ca | sa ca sūryasamo viprastejasā tapasā sadā
And he who performs the three twilight worships as long as his life lasts — that brahmin is always equal to the sun in radiance and in ascetic power.
AI translation rendered from the Sanskrit, not a published edition
DB 9 26.28
तत्पादपद्मरजसा सद्यःपूता वसुन्धरा । जीवन्मुक्तः स तेजस्वी सन्ध्यापूतो हि यो द्विजः
tatpādapadmarajasā sadyaḥpūtā vasundharā | jīvanmuktaḥ sa tejasvī sandhyāpūto hi yo dvijaḥ
By the dust of his lotus feet the earth is at once purified; radiant and liberated while living is that twice-born who is purified by the twilight worship.
AI translation rendered from the Sanskrit, not a published edition
DB 9 26.29
तीर्थानि च पवित्राणि तस्य संस्पर्शमात्रतः । ततः पापानि यान्त्येव वैनतेयादिवोरगाः
tīrthāni ca pavitrāṇi tasya saṃsparśamātrataḥ | tataḥ pāpāni yāntyeva vainateyādivoragāḥ
And the sacred fords (become) pure by his mere touch; and from him sins flee away, as serpents from Garuḍa.
AI translation rendered from the Sanskrit, not a published edition
DB 9 26.30
न गृह्णन्ति सुराः पूजां पितरः पिण्डतर्पणम् । स्वेच्छया च द्विजातेश्च त्रिसन्ध्यारहितस्य च
na gṛhṇanti surāḥ pūjāṃ pitaraḥ piṇḍatarpaṇam | svecchayā ca dvijāteśca trisandhyārahitasya ca
The gods do not accept the worship, nor the ancestors the rice-ball offering and libation, of one who is devoid of the three twilight worships and (acts) at his own whim, though of twice-born birth.
AI translation rendered from the Sanskrit, not a published edition — the model flagged this verse as uncertain
DB 9 26.31
मूलप्रकृत्यभक्तो यस्तन्मन्त्रस्याप्यनर्चकः । तदुत्सवविहीनश्च विषहीनो यथोरगः
mūlaprakṛtyabhakto yastanmantrasyāpyanarcakaḥ | tadutsavavihīnaśca viṣahīno yathoragaḥ
He who is not devoted to the primordial Nature, who does not worship her mantra, and who is without her festival, is like a serpent without venom.
AI translation rendered from the Sanskrit, not a published edition
DB 9 26.32
विष्णुमन्त्रविहीनश्च त्रिसन्ध्यारहितो द्विजः । एकादशीविहीनश्च विषहीनो यथोरगः
viṣṇumantravihīnaśca trisandhyārahito dvijaḥ | ekādaśīvihīnaśca viṣahīno yathoragaḥ
The twice-born who is without the Viṣṇu mantra, who lacks the three twilight worships, and who is without the eleventh-day observance, is like a serpent without venom.
AI translation rendered from the Sanskrit, not a published edition
DB 9 26.33
हरेरनैवेद्यभोजी धावको वृषवाहकः । शूद्रान्नभोजी यो विप्रो विषहीनो यथोरगः
hareranaivedyabhojī dhāvako vṛṣavāhakaḥ | śūdrānnabhojī yo vipro viṣahīno yathoragaḥ
One who eats food offered to Hari, a runner, a driver of bulls, a brahmin who eats the food of śūdras — (he is) like a serpent without venom.
AI translation rendered from the Sanskrit, not a published edition
DB 9 26.34
शूद्राणां शवदाही यः स विप्रो वृषलीपतिः । शूद्राणां सूपकारश्च विषहीनो यथोरगः
śūdrāṇāṃ śavadāhī yaḥ sa vipro vṛṣalīpatiḥ | śūdrāṇāṃ sūpakāraśca viṣahīno yathoragaḥ
The brahmin who burns the corpses of śūdras, who is the husband of a śūdra woman, and who is a cook for śūdras, is like a serpent without venom.
AI translation rendered from the Sanskrit, not a published edition
DB 9 26.35
शूद्राणां च प्रतिग्राही शूद्रयाजी च यो द्विजः । मसिजीवी असिजीवी विषहीनो यथोरगः
śūdrāṇāṃ ca pratigrāhī śūdrayājī ca yo dvijaḥ | masijīvī asijīvī viṣahīno yathoragaḥ
And the twice-born who accepts gifts from śūdras, who officiates for śūdras, who lives by ink, who lives by the sword, is like a serpent without venom.
AI translation rendered from the Sanskrit, not a published edition
DB 9 26.36
यः कन्याविक्रयी विप्रो यो हरेर्नामविक्रयी । यो विप्रोऽवीरान्नभोजी ऋतुस्नातान्नभोजकः
yaḥ kanyāvikrayī vipro yo harernāmavikrayī | yo vipro'vīrānnabhojī ṛtusnātānnabhojakaḥ
The brahmin who sells his daughter, who sells the name of Hari, the brahmin who eats the food of a woman without husband or son, who eats the food of a woman freshly bathed after her menses—
AI translation rendered from the Sanskrit, not a published edition
DB 9 26.37
भगजीवी बार्धुषिको विषहीनो यथोरगः । यो विद्याविकयी विप्रो विषहीनो यथोरगः
bhagajīvī bārdhuṣiko viṣahīno yathoragaḥ | yo vidyāvikayī vipro viṣahīno yathoragaḥ
one who lives off a woman's sex, and the usurer, are like a serpent without venom; the brahmin who sells learning is like a serpent without venom.
AI translation rendered from the Sanskrit, not a published edition
DB 9 26.38
सूर्योदये स्वपेद्यो हि मत्स्यभोजी च यो द्विजः । शिवापूजादिरहितो विषहीनो यथोरगः
sūryodaye svapedyo hi matsyabhojī ca yo dvijaḥ | śivāpūjādirahito viṣahīno yathoragaḥ
He who sleeps at sunrise, and the twice-born who eats fish, and one devoid of the worship of Śiva and the rest, is like a serpent without venom.
AI translation rendered from the Sanskrit, not a published edition
DB 9 26.39
इत्युक्त्वा च मुनिश्रेष्ठः सर्वपूजाविधिक्रमम् । तमुवाच च सावित्र्या ध्यानादिकमभीप्सितम्
ityuktvā ca muniśreṣṭhaḥ sarvapūjāvidhikramam | tamuvāca ca sāvitryā dhyānādikamabhīpsitam
Having thus spoken, the best of sages (told him) the whole order of the rite of worship, and told him the meditation and the rest of Sāvitrī's (worship), as (the king) desired.
AI translation rendered from the Sanskrit, not a published edition
DB 9 26.40
दत्त्वा सर्वं नृपेन्द्राय ययौ च स्वाश्रमे मुने । राजा संपूज्य सावित्रीं ददर्श वरमाप च
dattvā sarvaṃ nṛpendrāya yayau ca svāśrame mune | rājā saṃpūjya sāvitrīṃ dadarśa varamāpa ca
Having given it all to the lord of kings, he went to his own hermitage, O sage; and the king, having duly worshipped Sāvitrī, saw (her) and obtained a boon.
AI translation rendered from the Sanskrit, not a published edition
DB 9 26.41
नारद उवाच किं वा ध्यानं च सावित्र्याः किं वा पूजाविधानकम् । स्तोत्रं मन्त्रं च किं दत्त्वा प्रययौ स पराशरः
nārada uvāca kiṃ vā dhyānaṃ ca sāvitryāḥ kiṃ vā pūjāvidhānakam | stotraṃ mantraṃ ca kiṃ dattvā prayayau sa parāśaraḥ
Nārada said: What is the meditation on Sāvitrī, and what the procedure of her worship? What hymn and what mantra did Parāśara give before he departed?
AI translation rendered from the Sanskrit, not a published edition
DB 9 26.42
नृपः केन विधानेन संपूज्य श्रुतिमातरम् । वरं च कं वा सम्प्राप सम्पूज्य तु विधानतः
nṛpaḥ kena vidhānena saṃpūjya śrutimātaram | varaṃ ca kaṃ vā samprāpa sampūjya tu vidhānataḥ
By what procedure did the king worship the mother of the Vedas, and what boon did he obtain by worshipping (her) according to the rule?
AI translation rendered from the Sanskrit, not a published edition
DB 9 26.43
तत्सर्वं श्रोतुमिच्छामि सावित्र्याः परमं महत् । रहस्यातिरहस्यं च श्रुतिसिद्धं समासतः
tatsarvaṃ śrotumicchāmi sāvitryāḥ paramaṃ mahat | rahasyātirahasyaṃ ca śrutisiddhaṃ samāsataḥ
All that I wish to hear—the supreme, great (glory) of Sāvitrī, the secret of secrets, established in the Veda, in brief.
AI translation rendered from the Sanskrit, not a published edition
DB 9 26.44
श्रीनारायण उवाच ज्येष्ठकृष्णत्रयोदश्यां शुद्धकाले च यत्नतः । व्रतमेव चतुर्दश्यां व्रती भक्त्या समाचरेत्
śrīnārāyaṇa uvāca jyeṣṭhakṛṣṇatrayodaśyāṃ śuddhakāle ca yatnataḥ | vratameva caturdaśyāṃ vratī bhaktyā samācaret
Śrī Nārāyaṇa said: On the thirteenth of the dark fortnight of Jyeṣṭha, at the pure time, and diligently on the fourteenth, the observer of the vow should perform the rite with devotion.
AI translation rendered from the Sanskrit, not a published edition
DB 9 26.45
व्रतं चतुर्दशाब्दं च द्विसप्तफलसंयुतम् । दत्त्वा द्विसप्तनैवेद्यं पुष्पधूपादिकं चरेत्
vrataṃ caturdaśābdaṃ ca dvisaptaphalasaṃyutam | dattvā dvisaptanaivedyaṃ puṣpadhūpādikaṃ caret
(He should keep) the vow for fourteen years, together with twice-seven fruits; having offered twice-seven food-offerings, he should perform (the worship) with flowers, incense and the rest.
AI translation rendered from the Sanskrit, not a published edition
DB 9 26.46
वस्त्रं यज्ञोपवीतं च भोजनं विधिपूर्वकम् । संस्थाप्य मङ्गलघटं फलशाखासमन्वितम्
vastraṃ yajñopavītaṃ ca bhojanaṃ vidhipūrvakam | saṃsthāpya maṅgalaghaṭaṃ phalaśākhāsamanvitam
(He should offer) cloth, a sacred thread, and food according to the rule, having set up the auspicious pot furnished with fruit and a branch.
AI translation rendered from the Sanskrit, not a published edition
DB 9 26.47
गणेशं च दिनेशं च वह्निं विष्णुं शिवं शिवाम् । सम्पूज्य पूजयेदिष्टं घटे आवाहिते द्विजः
gaṇeśaṃ ca dineśaṃ ca vahniṃ viṣṇuṃ śivaṃ śivām | sampūjya pūjayediṣṭaṃ ghaṭe āvāhite dvijaḥ
Having worshipped Gaṇeśa, the Sun, Fire, Viṣṇu, Śiva and Śivā, the twice-born should worship his chosen deity when she has been invoked into the pot.
AI translation rendered from the Sanskrit, not a published edition
DB 9 26.48
शृणु ध्यानं च सावित्र्याश्चोक्तं माध्यन्दिने च यत् । स्तोत्रं पूजाविधानं च मन्त्रं च सर्वकामदम्
śṛṇu dhyānaṃ ca sāvitryāścoktaṃ mādhyandine ca yat | stotraṃ pūjāvidhānaṃ ca mantraṃ ca sarvakāmadam
Hear the meditation on Sāvitrī as it is declared in the Mādhyandina (recension), and the hymn, the procedure of worship, and the mantra that grants all desires.
AI translation rendered from the Sanskrit, not a published edition
DB 9 26.49
तप्तकाञ्चनवर्णाभां ज्वलन्तीं ब्रह्मतेजसा । ग्रीष्ममध्याह्नमार्तण्डसहस्रसम्मितप्रभाम्
taptakāñcanavarṇābhāṃ jvalantīṃ brahmatejasā | grīṣmamadhyāhnamārtaṇḍasahasrasammitaprabhām
(I worship her) whose hue shines like heated gold, blazing with the splendour of Brahman, whose radiance equals a thousand midday suns of summer,
AI translation rendered from the Sanskrit, not a published edition
DB 9 26.50
ईषद्धास्यप्रसन्नास्यां रत्नभूषणभूषिताम् । वह्निशुद्धांशुकाधानां भक्तानुग्रहविग्रहाम्
īṣaddhāsyaprasannāsyāṃ ratnabhūṣaṇabhūṣitām | vahniśuddhāṃśukādhānāṃ bhaktānugrahavigrahām
with a face serene with a slight smile, adorned with jewel ornaments, wearing a garment purified by fire, her form being grace toward her devotees,
AI translation rendered from the Sanskrit, not a published edition
DB 9 26.51
सुखदां मुक्तिदां शान्तां कान्तां च जगतां विधेः । सर्वसम्पत्स्वरूपां च प्रदात्रीं सर्वसम्पदाम्
sukhadāṃ muktidāṃ śāntāṃ kāntāṃ ca jagatāṃ vidheḥ | sarvasampatsvarūpāṃ ca pradātrīṃ sarvasampadām
giver of happiness, giver of liberation, tranquil, and the beloved of the Creator of the worlds, herself the very form of all prosperity and the bestower of all prosperity,
AI translation rendered from the Sanskrit, not a published edition
DB 9 26.52
वेदाधिष्ठातृदेवीं च वेदशास्त्रस्वरूपिणीम् । वेदबीजस्वरूपां च भजे तां वेदमातरम्
vedādhiṣṭhātṛdevīṃ ca vedaśāstrasvarūpiṇīm | vedabījasvarūpāṃ ca bhaje tāṃ vedamātaram
the goddess who presides over the Veda, embodied as the Vedas and the sciences, and having the form of the Veda's seed-syllable—her, the mother of the Veda, I worship.
AI translation rendered from the Sanskrit, not a published edition
DB 9 26.53
ध्यात्वा ध्यानेन नैवेद्यं दत्त्वा पाणिं स्वमूर्धनि । पुनर्ध्यात्वा घटे भक्त्या देवीमावाहयेद् व्रती
dhyātvā dhyānena naivedyaṃ dattvā pāṇiṃ svamūrdhani | punardhyātvā ghaṭe bhaktyā devīmāvāhayed vratī
Having meditated with this meditation and offered the food-offering, (placing) his hand on his own head, and meditating again, the observer of the vow should with devotion invoke the goddess into the pot.
AI translation rendered from the Sanskrit, not a published edition
DB 9 26.54
दत्त्वा षोडशोपचारं वेदोक्तं मन्त्रपूर्वकम् । सम्पूज्य स्तुत्वा प्रणमेद्देवदेवीं विधानतः
dattvā ṣoḍaśopacāraṃ vedoktaṃ mantrapūrvakam | sampūjya stutvā praṇameddevadevīṃ vidhānataḥ
Having given the sixteen services as declared in the Veda, accompanied by mantras, he should worship, praise, and bow to the goddess of gods according to the rule.
AI translation rendered from the Sanskrit, not a published edition
DB 9 26.55
आसनं पाद्यमर्घ्यं च स्नानीयं चानुलेपनम् । धूपं दीपं च नैवेद्यं ताम्बूलं शीतलं जलम्
āsanaṃ pādyamarghyaṃ ca snānīyaṃ cānulepanam | dhūpaṃ dīpaṃ ca naivedyaṃ tāmbūlaṃ śītalaṃ jalam
A seat, water for the feet, the guest-offering, water for bathing, and ointment; incense, lamp, food-offering, betel, cool water;
AI translation rendered from the Sanskrit, not a published edition
DB 9 26.56
वसनं भूषणं माल्यं गन्धमाचमनीयकम् । मनोहरं सुतल्पं च देयान्येतानि षोडश
vasanaṃ bhūṣaṇaṃ mālyaṃ gandhamācamanīyakam | manoharaṃ sutalpaṃ ca deyānyetāni ṣoḍaśa
A garment, an ornament, a garland, perfume, water for rinsing the mouth, and a fine, delightful couch — these sixteen are the things to be given.
AI translation rendered from the Sanskrit, not a published edition
DB 9 26.57
दारुसारविकारं च हेमादिनिर्मितं च वा । देवाधारं पुण्यदं च मया तुभ्यं निवेदितम्
dārusāravikāraṃ ca hemādinirmitaṃ ca vā | devādhāraṃ puṇyadaṃ ca mayā tubhyaṃ niveditam
(A seat) made of hard wood, or else fashioned of gold and the like — a support for the deity, and conferring merit — has been offered by me to you.
AI translation rendered from the Sanskrit, not a published edition
DB 9 26.58
तीर्थोदकं च पाद्यं च पुण्यदं प्रीतिदं महत् । पूजाङ्गभूतं शुद्धं च मया तुभ्यं निवेदितम्
tīrthodakaṃ ca pādyaṃ ca puṇyadaṃ prītidaṃ mahat | pūjāṅgabhūtaṃ śuddhaṃ ca mayā tubhyaṃ niveditam
Water from a sacred ford, as foot-water, conferring merit, giving great delight, forming a part of the worship, and pure — has been offered by me to you.
AI translation rendered from the Sanskrit, not a published edition
DB 9 26.59
पवित्ररूपमर्घ्यं च दूर्वापुष्पदलान्वितम् । पुण्यदं शङ्खतोयाक्तं मया तुभ्यं निवेदितम्
pavitrarūpamarghyaṃ ca dūrvāpuṣpadalānvitam | puṇyadaṃ śaṅkhatoyāktaṃ mayā tubhyaṃ niveditam
And the arghya water, pure in form, accompanied by dūrvā grass, flowers and leaves, conferring merit, mixed with water from a conch — has been offered by me to you.
AI translation rendered from the Sanskrit, not a published edition
DB 9 26.60
सुगन्धं गन्धतोयं च स्नेहं सौगन्धकारकम् । मया निवेदितं भक्त्या स्नानीयं प्रतिगृह्यताम्
sugandhaṃ gandhatoyaṃ ca snehaṃ saugandhakārakam | mayā niveditaṃ bhaktyā snānīyaṃ pratigṛhyatām
Fragrant scented water and oil that produces sweet fragrance have been offered by me with devotion; let this bathing-material be accepted.
AI translation rendered from the Sanskrit, not a published edition
DB 9 26.61
गन्धद्रव्योद्भवं पुण्यं प्रीतिदं दिव्यगन्धदम् । मया निवेदितं भक्त्या गन्धतोयं तवाम्बिके
gandhadravyodbhavaṃ puṇyaṃ prītidaṃ divyagandhadam | mayā niveditaṃ bhaktyā gandhatoyaṃ tavāmbike
Arisen from fragrant substances, meritorious, giving delight, bestowing a divine scent — scented water has been offered by me with devotion to you, O Ambikā.
AI translation rendered from the Sanskrit, not a published edition
DB 9 26.62
सर्वमङ्गलरूपं च सर्वं च मङ्गलप्रदम् । पुण्यदं च सुधूपं तं गृहाण परमेश्वरि
sarvamaṅgalarūpaṃ ca sarvaṃ ca maṅgalapradam | puṇyadaṃ ca sudhūpaṃ taṃ gṛhāṇa parameśvari
Being the very form of all that is auspicious and granting every auspicious thing, conferring merit — accept that fine incense, O Supreme Goddess.
AI translation rendered from the Sanskrit, not a published edition
DB 9 26.63
सुगन्धयुक्तं सुखदं मया तुभ्यं निवेदितम् । जगतां दर्शनार्थाय प्रदीपं दीप्तिकारकम्
sugandhayuktaṃ sukhadaṃ mayā tubhyaṃ niveditam | jagatāṃ darśanārthāya pradīpaṃ dīptikārakam
Endowed with sweet fragrance and giving pleasure, it has been offered by me to you; and, so that the worlds may see, a lamp that makes light —
AI translation rendered from the Sanskrit, not a published edition
DB 9 26.64
अन्धकारध्वंसबीजं मया तुभ्यं निवेदितम् । तुष्टिदं पुष्टिदं चैव प्रीतिदं क्षुद्विनाशनम्
andhakāradhvaṃsabījaṃ mayā tubhyaṃ niveditam | tuṣṭidaṃ puṣṭidaṃ caiva prītidaṃ kṣudvināśanam
the seed of the destruction of darkness — has been offered by me to you. Giving satisfaction, giving nourishment, giving delight, destroying hunger —
AI translation rendered from the Sanskrit, not a published edition
DB 9 26.65
पुण्यदं स्वादुरूपं च नैवेद्यं प्रतिगृह्यताम् । ताम्बूलप्रवरं रम्यं कर्पूरादिसुवासितम्
puṇyadaṃ svādurūpaṃ ca naivedyaṃ pratigṛhyatām | tāmbūlapravaraṃ ramyaṃ karpūrādisuvāsitam
conferring merit and sweet in form, let this food-offering be accepted. Excellent betel, lovely, well perfumed with camphor and the rest,
AI translation rendered from the Sanskrit, not a published edition
DB 9 26.66
तुष्टिदं पुष्टिदं चैव मया तुभ्यं निवेदितम् । सुशीतलं वारि शीतं पिपासानाशकारणम्
tuṣṭidaṃ puṣṭidaṃ caiva mayā tubhyaṃ niveditam | suśītalaṃ vāri śītaṃ pipāsānāśakāraṇam
giving satisfaction and giving nourishment, has been offered by me to you. Very cool, cold water, the means of destroying thirst,
AI translation rendered from the Sanskrit, not a published edition
DB 9 26.67
जगतां जीवनरूपं च जीवनं प्रतिगृह्यताम् । देहशोभास्वरूपं च सभाशोभाविवर्धनम्
jagatāṃ jīvanarūpaṃ ca jīvanaṃ pratigṛhyatām | dehaśobhāsvarūpaṃ ca sabhāśobhāvivardhanam
the very life of the worlds — let this life-giving (water) be accepted. That which is the very beauty of the body and increases the splendour of an assembly,
AI translation rendered from the Sanskrit, not a published edition
DB 9 26.68
कार्पासजं च कृमिजं वसनं प्रतिगृह्यताम् । काञ्चनादिविनिर्माणं श्रीकरं श्रीयुतं सदा
kārpāsajaṃ ca kṛmijaṃ vasanaṃ pratigṛhyatām | kāñcanādivinirmāṇaṃ śrīkaraṃ śrīyutaṃ sadā
born of cotton and born of the worm (silk) — let this garment be accepted. Fashioned of gold and the like, producing prosperity, ever possessed of splendour,
AI translation rendered from the Sanskrit, not a published edition
DB 9 26.69
सुखदं पुण्यदं रत्नभूषणं प्रतिगृह्यताम् । नानावृक्षसमुद्भूतं नानारूपसमन्वितम्
sukhadaṃ puṇyadaṃ ratnabhūṣaṇaṃ pratigṛhyatām | nānāvṛkṣasamudbhūtaṃ nānārūpasamanvitam
giving pleasure, conferring merit — let this jewelled ornament be accepted. Produced from various trees, possessed of various forms,
AI translation rendered from the Sanskrit, not a published edition
DB 9 26.70
फलस्वरूपं फलदं फलं च प्रतिगृह्यताम् । सर्वमङ्गलरूपं च सर्वमङ्गलमङ्गलम्
phalasvarūpaṃ phaladaṃ phalaṃ ca pratigṛhyatām | sarvamaṅgalarūpaṃ ca sarvamaṅgalamaṅgalam
fruit in its very nature, granting fruit — let this fruit be accepted. Being the form of all auspiciousness, the auspiciousness of all that is auspicious,
AI translation rendered from the Sanskrit, not a published edition
DB 9 26.71
नानापुष्पविनिर्माणं बहुशोभासमन्वितम् । प्रीतिदं पुण्यदं चैव माल्यं च प्रतिगृह्यताम्
nānāpuṣpavinirmāṇaṃ bahuśobhāsamanvitam | prītidaṃ puṇyadaṃ caiva mālyaṃ ca pratigṛhyatām
fashioned of various flowers, possessed of much beauty, giving delight and conferring merit — let this garland be accepted.
AI translation rendered from the Sanskrit, not a published edition
DB 9 26.72
पुण्यदं च सुगन्धाढ्यं गन्धं च देवि गृह्यताम् । सिन्दूरं च वरं रम्यं भालशोभाविवर्धनम्
puṇyadaṃ ca sugandhāḍhyaṃ gandhaṃ ca devi gṛhyatām | sindūraṃ ca varaṃ ramyaṃ bhālaśobhāvivardhanam
And, conferring merit and rich in sweet fragrance, let the perfume be accepted, O Goddess. And vermilion, choice and lovely, increasing the beauty of the forehead,
AI translation rendered from the Sanskrit, not a published edition
DB 9 26.73
भूषणानां च प्रवरं सिन्दूरं प्रतिगृह्यताम् । विशुद्धं ग्रन्थिसंयुक्तं पुण्यसूत्रविनिर्मितम्
bhūṣaṇānāṃ ca pravaraṃ sindūraṃ pratigṛhyatām | viśuddhaṃ granthisaṃyuktaṃ puṇyasūtravinirmitam
the best of ornaments — let this vermilion be accepted. Wholly pure, joined with a knot, made of a sacred thread,
AI translation rendered from the Sanskrit, not a published edition
DB 9 26.74
पवित्रं वेदमन्त्रेण यज्ञसूत्रं च गृह्यताम् । द्रव्याण्येतानि मूलेन दत्त्वा स्तोत्रं पठेत्सुधीः
pavitraṃ vedamantreṇa yajñasūtraṃ ca gṛhyatām | dravyāṇyetāni mūlena dattvā stotraṃ paṭhetsudhīḥ
purified with a Vedic mantra — let this sacrificial thread be accepted. Having given these articles with the root-mantra, let the wise man recite the hymn of praise.
AI translation rendered from the Sanskrit, not a published edition
DB 9 26.75
ततो विप्राय भक्त्या च व्रती दद्याच्च दक्षिणाम् । सावित्रीति चतुर्थ्यन्तं वह्निजायान्तमेव च
tato viprāya bhaktyā ca vratī dadyācca dakṣiṇām | sāvitrīti caturthyantaṃ vahnijāyāntameva ca
Then let the observer of the vow give a fee to a brahmin with devotion. "Sāvitrī" ending in the fourth case, and with the wife of fire (svāhā) at the end,
AI translation rendered from the Sanskrit, not a published edition
DB 9 26.76
लक्ष्मीमायाकामपूर्वं मन्त्रमष्टाक्षरं विदुः । माध्यन्दिनोक्तं स्तोत्रं च सर्वकामफलप्रदम्
lakṣmīmāyākāmapūrvaṃ mantramaṣṭākṣaraṃ viduḥ | mādhyandinoktaṃ stotraṃ ca sarvakāmaphalapradam
(The wise) know the eight-syllabled mantra, preceded by (the seeds of) Lakṣmī, Māyā and Kāma; and the hymn spoken by Mādhyandina, which grants the fruit of all desires.
AI translation rendered from the Sanskrit, not a published edition — the model flagged this verse as uncertain
DB 9 26.77
विप्रजीवनरूपं च निबोध कथयामि ते । कृष्णेन दत्तां सावित्रीं गोलोके ब्रह्मणे पुरा
viprajīvanarūpaṃ ca nibodha kathayāmi te | kṛṣṇena dattāṃ sāvitrīṃ goloke brahmaṇe purā
And learn (the hymn) that is the very life of brahmins; I shall tell it to you. Formerly, in Goloka, Sāvitrī was given by Kṛṣṇa to Brahmā.
AI translation rendered from the Sanskrit, not a published edition
DB 9 26.78
नायाति सा तेन सार्धं ब्रह्मलोके च नारद । ब्रह्मा कृष्णाज्ञया भक्त्या तुष्टाव वेदमातरम्
nāyāti sā tena sārdhaṃ brahmaloke ca nārada | brahmā kṛṣṇājñayā bhaktyā tuṣṭāva vedamātaram
She did not come along with him to Brahmaloka, O Nārada; so Brahmā, by Kṛṣṇa's command, devotedly praised the mother of the Vedas.
AI translation rendered from the Sanskrit, not a published edition
DB 9 26.79
तदा सा परितुष्टा च ब्रह्माणं चकमे पतिम् । ब्रह्मोवाव सच्चिदानन्दरूपे त्वं मूलप्रकृतिरूपिणि
tadā sā parituṣṭā ca brahmāṇaṃ cakame patim | brahmovāva saccidānandarūpe tvaṃ mūlaprakṛtirūpiṇi
Then she, being well pleased, chose Brahmā as her husband. Brahmā said: You whose form is being, consciousness and bliss, you who take the form of the root Nature,
AI translation rendered from the Sanskrit, not a published edition
DB 9 26.80
हिरण्यगर्भरूपे त्वं प्रसन्ना भव सुन्दरि । तेजःस्वरूपे परमे परमानन्दरूपिणि
hiraṇyagarbharūpe tvaṃ prasannā bhava sundari | tejaḥsvarūpe parame paramānandarūpiṇi
you whose form is the golden womb (Hiraṇyagarbha) — be gracious, O beautiful one; you whose very nature is radiance, supreme one, you who take the form of the highest bliss,
AI translation rendered from the Sanskrit, not a published edition
DB 9 26.81
द्विजातीनां जातिरूपे प्रसन्ना भव सुन्दरि । नित्ये नित्यप्रिये देवि नित्यानन्दस्वरूपिणि
dvijātīnāṃ jātirūpe prasannā bhava sundari | nitye nityapriye devi nityānandasvarūpiṇi
you who are the very caste-nature of the twice-born — be gracious, O beautiful one; O eternal one, ever-beloved, O goddess, you whose own form is eternal bliss,
AI translation rendered from the Sanskrit, not a published edition
DB 9 26.82
सर्वमङ्गलरूपे च प्रसन्ना भव सुन्दरि । सर्वस्वरूपे विप्राणां मन्त्रसारे परात्परे
sarvamaṅgalarūpe ca prasannā bhava sundari | sarvasvarūpe viprāṇāṃ mantrasāre parātpare
you whose form is all auspiciousness — be gracious, O beautiful one; you who are everything to the brahmins, the essence of mantra, higher than the high,
AI translation rendered from the Sanskrit, not a published edition
DB 9 26.83
सुखदे मोक्षदे देवि प्रसन्ना भव सुन्दरि । विप्रपापेध्मदाहाय ज्वलदग्निशिखोपमे
sukhade mokṣade devi prasannā bhava sundari | viprapāpedhmadāhāya jvaladagniśikhopame
giver of happiness, giver of liberation, O goddess — be gracious, O beautiful one; you who are like the flame of a blazing fire for burning up the firewood of brahmins' sins,
AI translation rendered from the Sanskrit, not a published edition
DB 9 26.84
बह्मतेजःप्रदे देवि प्रसन्ना भव सुन्दरि । कायेन मनसा वाचा यत्पापं कुरुते नरः
bahmatejaḥprade devi prasannā bhava sundari | kāyena manasā vācā yatpāpaṃ kurute naraḥ
bestower of brahminical splendour, O goddess — be gracious, O beautiful one. Whatever sin a man commits with body, mind, or speech,
AI translation rendered from the Sanskrit, not a published edition
DB 9 26.85
तत्त्वत्स्मरणमात्रेण भस्मीभूतं भविष्यति । इत्युक्त्वा जगतां धाता तस्थौ तत्रैव संसदि
tattvatsmaraṇamātreṇa bhasmībhūtaṃ bhaviṣyati | ityuktvā jagatāṃ dhātā tasthau tatraiva saṃsadi
that will be reduced to ashes merely by remembering you. Having said this, the Creator of the worlds remained right there in that assembly.
AI translation rendered from the Sanskrit, not a published edition
DB 9 26.86
सावित्री ब्रह्मणा सार्धं ब्रह्मलोकं जगाम सा । अनेन स्तवराजेन संस्तूयाश्वपतिर्नृपः
sāvitrī brahmaṇā sārdhaṃ brahmalokaṃ jagāma sā | anena stavarājena saṃstūyāśvapatirnṛpaḥ
And she, Sāvitrī, went to Brahmaloka together with Brahmā. King Aśvapati, having praised (her) with this king of hymns,
AI translation rendered from the Sanskrit, not a published edition
DB 9 26.87
ददर्श तां च सावित्रीं वरं प्राप मनोगतम् । स्तवराजमिमं पुण्यं सन्ध्यां कृत्वा च यः पठेत् । पाठे चतुर्णां वेदानां यत्फलं लभते च तत्
dadarśa tāṃ ca sāvitrīṃ varaṃ prāpa manogatam | stavarājamimaṃ puṇyaṃ sandhyāṃ kṛtvā ca yaḥ paṭhet | pāṭhe caturṇāṃ vedānāṃ yatphalaṃ labhate ca tat
saw that Sāvitrī and obtained the boon he had in mind. Whoever, having performed the twilight rite, recites this meritorious king of hymns, obtains that fruit which (is obtained) in the recitation of the four Vedas.
AI translation rendered from the Sanskrit, not a published edition