Devi Bhagavata Purana — Skandha 9 — Chapter 25
DB 9 25.1
तुलसीपूजाविधिवर्णनम् नारद उवाच तुलसी च यदा पूज्या कृता नारायणप्रिया । अस्याः पूजाविधानं च स्तोत्रं च वद साम्प्रतम्
tulasīpūjāvidhivarṇanam nārada uvāca tulasī ca yadā pūjyā kṛtā nārāyaṇapriyā | asyāḥ pūjāvidhānaṃ ca stotraṃ ca vada sāmpratam
Description of the rite of Tulasī's worship. Nārada said: Since Tulasī was made worthy of worship, made dear to Nārāyaṇa, now tell (me) the procedure of her worship and her hymn of praise.
AI translation rendered from the Sanskrit, not a published edition
DB 9 25.2
केन पूजा कृता केन स्तुता प्रथमतो मुने । तत्र पूज्या सा बभूव केन वा वद मामहो
kena pūjā kṛtā kena stutā prathamato mune | tatra pūjyā sā babhūva kena vā vada māmaho
By whom was the worship performed, by whom was she first praised, O sage? And by whom did she come to be worthy of worship there? Tell me, ah!
AI translation rendered from the Sanskrit, not a published edition
DB 9 25.3
सूत उवाच नारदस्य वचः श्रुत्वा प्रहस्य मुनिपुङ्गवः । कथां कथितुमारेभे पुण्यां पापहरां पराम्
sūta uvāca nāradasya vacaḥ śrutvā prahasya munipuṅgavaḥ | kathāṃ kathitumārebhe puṇyāṃ pāpaharāṃ parām
Sūta said: Having heard Nārada's words, the foremost of sages laughed and began to tell a tale, meritorious, destroying sin, supreme.
AI translation rendered from the Sanskrit, not a published edition
DB 9 25.4
श्रीनारायण उवाच हरिः संपूज्य तुलसीं रेमे च रमया सह । रमासमानसौभाग्यां चकार गौरवेण च
śrīnārāyaṇa uvāca hariḥ saṃpūjya tulasīṃ reme ca ramayā saha | ramāsamānasaubhāgyāṃ cakāra gauraveṇa ca
Śrī Nārāyaṇa said: Hari, having fully worshipped Tulasī, took his pleasure together with Ramā, and with honour he made her (Tulasī) equal in good fortune to Ramā.
AI translation rendered from the Sanskrit, not a published edition
DB 9 25.5
सेहे च लक्ष्मीर्गङ्गा च तस्याश्च नवसङ्गमम् । सौभाग्यगौरवं कोपात्ते न सेहे सरस्वती
sehe ca lakṣmīrgaṅgā ca tasyāśca navasaṅgamam | saubhāgyagauravaṃ kopātte na sehe sarasvatī
Both Lakṣmī and Gaṅgā bore with her new union (with Hari); but Sarasvatī, out of anger, did not bear her good fortune and honour.
AI translation rendered from the Sanskrit, not a published edition
DB 9 25.6
सा तां जघान कलहे मानिनी हरिसन्निधौ । व्रीडया चापमानेन सान्तर्धानं चकार ह
sā tāṃ jaghāna kalahe māninī harisannidhau | vrīḍayā cāpamānena sāntardhānaṃ cakāra ha
That proud one struck her in a quarrel in Hari's presence, and out of shame and at the insult she (Tulasī) made herself invisible.
AI translation rendered from the Sanskrit, not a published edition
DB 9 25.7
सर्वसिद्धेश्वरी देवी ज्ञानिनां सिद्धियोगिनी । जगामादर्शनं कोपात्सर्वत्र च हरेरहो
sarvasiddheśvarī devī jñānināṃ siddhiyoginī | jagāmādarśanaṃ kopātsarvatra ca hareraho
The goddess who is mistress of all powers, the yoginī who is the attainment of the knowers, went out of sight everywhere, out of anger — ah, even from Hari!
AI translation rendered from the Sanskrit, not a published edition
DB 9 25.8
हरिर्न दृष्ट्वा तुलसीं बोधयित्वा सरस्वतीम् । तदनुज्ञां गहीत्वा च जगाम तुलसीवनम्
harirna dṛṣṭvā tulasīṃ bodhayitvā sarasvatīm | tadanujñāṃ gahītvā ca jagāma tulasīvanam
Hari, not seeing Tulasī, admonished Sarasvatī, and taking her permission he went to the Tulasī grove.
AI translation rendered from the Sanskrit, not a published edition
DB 9 25.9
तत्र गत्वा च सुस्नातो हरिः स तुलसीं सतीम् । पूजयामास तां ध्यात्वा स्तोत्रं भक्त्या चकार ह
tatra gatvā ca susnāto hariḥ sa tulasīṃ satīm | pūjayāmāsa tāṃ dhyātvā stotraṃ bhaktyā cakāra ha
Having gone there and bathed well, Hari worshipped that chaste Tulasī, and meditating on her he made a hymn of praise with devotion.
AI translation rendered from the Sanskrit, not a published edition
DB 9 25.10
लक्ष्मीमायाकामवाणीबीजपूर्वं दशाक्षरम् । वृन्दावनीति ङेऽन्तं च वह्निजायान्तमेव च
lakṣmīmāyākāmavāṇībījapūrvaṃ daśākṣaram | vṛndāvanīti ṅe'ntaṃ ca vahnijāyāntameva ca
Preceded by the seed-syllables of Lakṣmī, Māyā, Kāma and Vāṇī, (the mantra) is of ten syllables: 'Vṛndāvani' with the dative ending, and ending with the wife of fire (svāhā).
AI translation rendered from the Sanskrit, not a published edition
DB 9 25.11
अनेन कल्पतरुणा मन्त्रराजेन नारद । पूजयेद्यो विधानेन सर्वसिद्धिं लभेद् ध्रुवम्
anena kalpataruṇā mantrarājena nārada | pūjayedyo vidhānena sarvasiddhiṃ labhed dhruvam
With this king of mantras, a wish-fulfilling tree, O Nārada, whoever worships according to the rule surely obtains all attainments.
AI translation rendered from the Sanskrit, not a published edition
DB 9 25.12
घृतदीपेन धूपेन सिन्दूरचन्दनेन च । नैवेद्येन च पुष्पेण चोपचारेण नारद
ghṛtadīpena dhūpena sindūracandanena ca | naivedyena ca puṣpeṇa copacāreṇa nārada
With a ghee lamp, with incense, with vermilion and sandal paste, with food offering and with flowers, and with (all) the attendant services, O Nārada —
AI translation rendered from the Sanskrit, not a published edition
DB 9 25.13
हरिस्तोत्रेण तुष्टा सा चाविर्भूता महीरुहात् । प्रसन्ना चरणाम्भोजे जगाम शरणं शुभा
haristotreṇa tuṣṭā sā cāvirbhūtā mahīruhāt | prasannā caraṇāmbhoje jagāma śaraṇaṃ śubhā
— pleased by Hari's hymn, she appeared out of the plant; gracious and auspicious, she went for refuge to his lotus feet.
AI translation rendered from the Sanskrit, not a published edition
DB 9 25.14
वरं तस्यै ददौ विष्णुः सर्वपूज्या भवेरिति । अहं त्वां धारयिष्यामि सुरूपां मूर्ध्नि वक्षसि
varaṃ tasyai dadau viṣṇuḥ sarvapūjyā bhaveriti | ahaṃ tvāṃ dhārayiṣyāmi surūpāṃ mūrdhni vakṣasi
Viṣṇu gave her a boon: "May you be worshipped by all. I shall bear you, fair of form, upon my head and on my breast.
AI translation rendered from the Sanskrit, not a published edition
DB 9 25.15
सर्वे त्वां धारयिष्यन्ति स्वमूर्ध्नि च सुरादयः । इत्युक्त्वा तां गृहीत्वा च प्रययौ स्वालयं विभुः
sarve tvāṃ dhārayiṣyanti svamūrdhni ca surādayaḥ | ityuktvā tāṃ gṛhītvā ca prayayau svālayaṃ vibhuḥ
All, the gods and the rest, will bear you upon their own heads." Having said this, the Lord took her and went to his own abode.
AI translation rendered from the Sanskrit, not a published edition
DB 9 25.16
नारद उवाच किं ध्यानं स्तवनं किं वा किं वा पूजाविधानकम् । तुलस्याश्च महाभाग तन्मे व्याख्यातुमर्हसि
nārada uvāca kiṃ dhyānaṃ stavanaṃ kiṃ vā kiṃ vā pūjāvidhānakam | tulasyāśca mahābhāga tanme vyākhyātumarhasi
Nārada said: What is the meditation, what the praise, and what the procedure of worship of Tulasī? O greatly fortunate one, you ought to explain that to me.
AI translation rendered from the Sanskrit, not a published edition
DB 9 25.17
श्रीनारायण उवाच अन्तर्हितायां तस्यां च हरिर्वृन्दावने तदा । तस्याश्चक्रे स्तुतिं गत्वा तुलसीं विरहातुरः
śrīnārāyaṇa uvāca antarhitāyāṃ tasyāṃ ca harirvṛndāvane tadā | tasyāścakre stutiṃ gatvā tulasīṃ virahāturaḥ
Śrī Nārāyaṇa said: When she had vanished, Hari, then afflicted by separation, went to Vṛndāvana and made praise of her, of Tulasī.
AI translation rendered from the Sanskrit, not a published edition
DB 9 25.18
श्रीभगवानुवाच वृन्दरूपाश्च वृक्षाश्च यदैकत्र भवन्ति च । विदुर्बुधास्तेन वृन्दां मत्प्रियां तां भजाम्यहम्
śrībhagavānuvāca vṛndarūpāśca vṛkṣāśca yadaikatra bhavanti ca | vidurbudhāstena vṛndāṃ matpriyāṃ tāṃ bhajāmyaham
The Blessed Lord said: Since trees having the form of a cluster (vṛnda) come to be in one place, therefore the wise know (her as) Vṛndā; her, dear to me, I worship.
AI translation rendered from the Sanskrit, not a published edition
DB 9 25.19
पुरा बभूव या देवी त्वादौ वृन्दावने वने । तेन वृन्दावनी ख्याता सौभाग्या तां भजाम्यहम्
purā babhūva yā devī tvādau vṛndāvane vane | tena vṛndāvanī khyātā saubhāgyā tāṃ bhajāmyaham
The goddess who of old came into being, you, first in the forest of Vṛndāvana — therefore she is renowned as Vṛndāvanī; her, the fortunate one, I worship.
AI translation rendered from the Sanskrit, not a published edition — the model flagged this verse as uncertain
DB 9 25.20
असंख्येषु च विश्वेषु पूजिता या निरन्तरम् । तेन विश्वपूजिताऽऽख्यां पूजितां च भजाम्यहम्
asaṃkhyeṣu ca viśveṣu pūjitā yā nirantaram | tena viśvapūjitā''khyāṃ pūjitāṃ ca bhajāmyaham
And she who is worshipped ceaselessly in countless universes — by that (name) she is called Viśvapūjitā (Worshipped-by-the-Universe); her, the worshipped one, I worship.
AI translation rendered from the Sanskrit, not a published edition
DB 9 25.21
असंख्यानि च विश्वानि पवित्राणि त्वया सदा । तां विश्वपावनीं देवीं विरहेण स्मराम्यहम्
asaṃkhyāni ca viśvāni pavitrāṇi tvayā sadā | tāṃ viśvapāvanīṃ devīṃ viraheṇa smarāmyaham
And countless universes are always purified by you; that goddess Viśvapāvanī (Purifier of the Universe) I remember in (my) separation.
AI translation rendered from the Sanskrit, not a published edition
DB 9 25.22
देवा न तुष्टाः पुष्पाणां समूहेन यया विना । तां पुष्पसारां शुद्धां च द्रष्टुमिच्छामि शोकतः
devā na tuṣṭāḥ puṣpāṇāṃ samūhena yayā vinā | tāṃ puṣpasārāṃ śuddhāṃ ca draṣṭumicchāmi śokataḥ
Without her the gods are not pleased by a whole mass of flowers; that pure one, Puṣpasārā (the Essence of Flowers), I long to see out of grief.
AI translation rendered from the Sanskrit, not a published edition
DB 9 25.23
विश्वे यत्प्राप्तिमात्रेण भक्तानन्दो भवेद् ध्रुवम् । नन्दिनी तेन विख्याता सा प्रीता भवतादिह
viśve yatprāptimātreṇa bhaktānando bhaved dhruvam | nandinī tena vikhyātā sā prītā bhavatādiha
She by the mere obtaining of whom in the universe the devotee's joy surely arises — by that she is renowned as Nandinī (the Gladdener); may she be pleased here.
AI translation rendered from the Sanskrit, not a published edition
DB 9 25.24
यस्या देव्यास्तुला नास्ति विश्वेषु निखिलेषु च । तुलसी तेन विख्याता तां यामि शरणं प्रियाम्
yasyā devyāstulā nāsti viśveṣu nikhileṣu ca | tulasī tena vikhyātā tāṃ yāmi śaraṇaṃ priyām
The goddess for whom there is no equal (tulā) in all the universes — by that she is renowned as Tulasī; to her, the beloved, I go for refuge.
AI translation rendered from the Sanskrit, not a published edition
DB 9 25.25
कृष्णजीवनरूपा सा शश्वत्प्रियतमा सती । तेन कृष्णजीवनी सा सा मे रक्षतु जीवनम् नवमस्कन्धे तुलसीपूजाविधिवर्णनं नाम पञ्चविशोऽध्यायः
kṛṣṇajīvanarūpā sā śaśvatpriyatamā satī | tena kṛṣṇajīvanī sā sā me rakṣatu jīvanam navamaskandhe tulasīpūjāvidhivarṇanaṃ nāma pañcaviśo'dhyāyaḥ
She whose form is Kṛṣṇa's life, the chaste one, forever most beloved — by that she is Kṛṣṇajīvanī (Kṛṣṇa's Life); may she protect my life. — In the Ninth Book, the twenty-fifth chapter, called the Description of the Rules for the Worship of Tulasī.
AI translation rendered from the Sanskrit, not a published edition
DB 9 25.26
इत्येवं स्तवनं कृत्वा तस्थौ तत्र रमापतिः । ददर्श तुलसीं साक्षात्पादपद्मनतां सतीम्
ityevaṃ stavanaṃ kṛtvā tasthau tatra ramāpatiḥ | dadarśa tulasīṃ sākṣātpādapadmanatāṃ satīm
Having made praise thus, the Lord of Ramā stood there; he saw Tulasī herself, the chaste one, bowed at his lotus feet.
AI translation rendered from the Sanskrit, not a published edition
DB 9 25.27
रुदतीमवमानेन मानिनीं मानपूजिताम् । प्रियां दृष्ट्वा प्रियः शीघ्रं वासयामास वक्षसि
rudatīmavamānena māninīṃ mānapūjitām | priyāṃ dṛṣṭvā priyaḥ śīghraṃ vāsayāmāsa vakṣasi
Seeing the beloved weeping because of the insult, proud (yet) honoured with respect, the beloved (Lord) quickly settled her on (his) chest.
AI translation rendered from the Sanskrit, not a published edition
DB 9 25.28
भारत्याज्ञां गहीत्वा च स्वालयं च ययौ हरिः । भारत्या सह तत्प्रीतिं कारयामास सत्वरम्
bhāratyājñāṃ gahītvā ca svālayaṃ ca yayau hariḥ | bhāratyā saha tatprītiṃ kārayāmāsa satvaram
And having taken leave of (obtained the permission of) Bhāratī, Hari went to his own abode, and he quickly brought about her friendship with Bhāratī.
AI translation rendered from the Sanskrit, not a published edition
DB 9 25.29
वरं विष्णुर्ददौ तस्यै सर्वपूज्या भवेरिति । शिरोधार्या च सर्वेषां वन्द्या मान्या ममेति च
varaṃ viṣṇurdadau tasyai sarvapūjyā bhaveriti | śirodhāryā ca sarveṣāṃ vandyā mānyā mameti ca
Viṣṇu gave her a boon: "You shall be worshipped by all, and to be borne on the head of all, to be praised and honoured by me."
AI translation rendered from the Sanskrit, not a published edition
DB 9 25.30
विष्णोर्वरेण सा देवी परितुष्टा बभूव च । सरस्वती तामाकृष्य वासयामास सन्निधौ
viṣṇorvareṇa sā devī parituṣṭā babhūva ca | sarasvatī tāmākṛṣya vāsayāmāsa sannidhau
And by Viṣṇu's boon that goddess became fully satisfied; Sarasvatī drew her near and settled her in (her own) presence.
AI translation rendered from the Sanskrit, not a published edition
DB 9 25.31
लक्ष्मीर्गङ्गा सस्मिता च तां समाकृष्य नारद । गृहं प्रवेशयामास विनयेन सतीं तदा
lakṣmīrgaṅgā sasmitā ca tāṃ samākṛṣya nārada | gṛhaṃ praveśayāmāsa vinayena satīṃ tadā
And Lakṣmī and Gaṅgā, smiling, drew her to them, Nārada, and with courtesy then brought the chaste one into the house.
AI translation rendered from the Sanskrit, not a published edition
DB 9 25.32
वृन्दा वृन्दावनी विश्वपूजिता विश्वपावनी । पुष्पसारा नन्दनी च तुलसी कृष्णजीवनी
vṛndā vṛndāvanī viśvapūjitā viśvapāvanī | puṣpasārā nandanī ca tulasī kṛṣṇajīvanī
Vṛndā, Vṛndāvanī, Viśvapūjitā, Viśvapāvanī, Puṣpasārā, Nandanī, and Tulasī, Kṛṣṇajīvanī —
AI translation rendered from the Sanskrit, not a published edition
DB 9 25.33
एतन्नामाष्टकञ्चैव स्तोत्रं नामार्थसंयुतम् । यः पठेत्तां च संपूज्य सोऽश्वमेधफलं लभेत्
etannāmāṣṭakañcaiva stotraṃ nāmārthasaṃyutam | yaḥ paṭhettāṃ ca saṃpūjya so'śvamedhaphalaṃ labhet
this set of eight names, a hymn joined with the meaning of the names: whoever recites it, having duly worshipped her, obtains the fruit of a horse sacrifice.
AI translation rendered from the Sanskrit, not a published edition
DB 9 25.34
कार्तिक्यां पूर्णिमायां च तुलस्या जन्म मङ्गलम् । तत्र तस्याश्च पूजा च विहिता हरिणा पुरा
kārtikyāṃ pūrṇimāyāṃ ca tulasyā janma maṅgalam | tatra tasyāśca pūjā ca vihitā hariṇā purā
And on the full-moon day of Kārttika is Tulasī's auspicious birth; there her worship too was ordained by Hari of old.
AI translation rendered from the Sanskrit, not a published edition
DB 9 25.35
तस्यां यः पूजयेत्तां च भक्त्या वै विश्वपावनीम् । सर्वपापाद्विनिर्मुक्तो विष्णुलोकं स गच्छति
tasyāṃ yaḥ pūjayettāṃ ca bhaktyā vai viśvapāvanīm | sarvapāpādvinirmukto viṣṇulokaṃ sa gacchati
Whoever on that (day) worships her, the Purifier of the Universe, with devotion, is freed from all sin and goes to Viṣṇu's world.
AI translation rendered from the Sanskrit, not a published edition
DB 9 25.36
कार्तिके तुलसीपत्रं यो ददाति च विष्णुवे । गवामयुतदानस्य फलं प्राप्नोति निश्चितम्
kārtike tulasīpatraṃ yo dadāti ca viṣṇuve | gavāmayutadānasya phalaṃ prāpnoti niścitam
Whoever in Kārttika offers a tulasī leaf to Viṣṇu certainly obtains the fruit of the gift of ten thousand cows.
AI translation rendered from the Sanskrit, not a published edition
DB 9 25.37
अपुत्रो लभते पुत्रं प्रियाहीनो लभेत्प्रियाम् । बन्धुहीनो लभेद् बन्धून् स्तोत्रश्रवणमात्रतः
aputro labhate putraṃ priyāhīno labhetpriyām | bandhuhīno labhed bandhūn stotraśravaṇamātrataḥ
One without a son gets a son; one bereft of a wife gets a wife; one without kinsmen gets kinsmen — merely by hearing the hymn.
AI translation rendered from the Sanskrit, not a published edition
DB 9 25.38
रोगी प्रमुच्यते रोगाद् बद्धो मुच्येत बन्धनात् । भयान्मुच्येत भीतस्तु पापान्मुच्येत पातकी
rogī pramucyate rogād baddho mucyeta bandhanāt | bhayānmucyeta bhītastu pāpānmucyeta pātakī
The sick man is released from sickness; the bound would be freed from bondage; the frightened would be freed from fear; the sinner would be freed from sin.
AI translation rendered from the Sanskrit, not a published edition
DB 9 25.39
इत्येवं कथितं स्तोत्रं ध्यानं पूजाविधिं शृणु । त्वमेव वेदे जानासि कण्वशाखोक्तमेव च
ityevaṃ kathitaṃ stotraṃ dhyānaṃ pūjāvidhiṃ śṛṇu | tvameva vede jānāsi kaṇvaśākhoktameva ca
Thus the hymn has been told; hear the meditation and the rule of worship. You yourself know it in the Veda, and as stated in the Kāṇva branch.
AI translation rendered from the Sanskrit, not a published edition
DB 9 25.40
तद्वृक्षे पूजयेत्तां च भक्त्या चावाहनं विना । तां ध्यात्वा चोपचारेण ध्यानं पातकनाशनम्
tadvṛkṣe pūjayettāṃ ca bhaktyā cāvāhanaṃ vinā | tāṃ dhyātvā copacāreṇa dhyānaṃ pātakanāśanam
One should worship her in that very tree, with devotion and without any invocation; and having meditated on her with the (ritual) attendances — the meditation destroys sin.
AI translation rendered from the Sanskrit, not a published edition
DB 9 25.41
तुलसीं पुष्पसारां च सतीं पूतां मनोहराम् । कृतपापेध्मदाहाय ज्वलदग्निशिखोपमाम्
tulasīṃ puṣpasārāṃ ca satīṃ pūtāṃ manoharām | kṛtapāpedhmadāhāya jvaladagniśikhopamām
(I meditate on) Tulasī, the essence of flowers, chaste, pure, charming, like a blazing flame of fire to burn up the fuel of the sins committed.
AI translation rendered from the Sanskrit, not a published edition
DB 9 25.42
पुष्पेषु तुलना यस्या नास्ति वेदेषु भाषितम् । पवित्ररूपा सर्वासु तुलसी सा च कीर्तिता
puṣpeṣu tulanā yasyā nāsti vedeṣu bhāṣitam | pavitrarūpā sarvāsu tulasī sā ca kīrtitā
She for whom, it is declared in the Vedas, there is no comparison among flowers — she is celebrated as Tulasī, pure in form among all (flowers).
AI translation rendered from the Sanskrit, not a published edition
DB 9 25.43
शिरोधार्या च सर्वेषामीप्सिता विश्वपावनी । जीवन्मुक्तां मुक्तिदां च भजे तां हरिभक्तिदाम्
śirodhāryā ca sarveṣāmīpsitā viśvapāvanī | jīvanmuktāṃ muktidāṃ ca bhaje tāṃ haribhaktidām
To be borne on the head, desired by all, purifier of the world — I worship her, liberated while living, giver of liberation, giver of devotion to Hari.
AI translation rendered from the Sanskrit, not a published edition
DB 9 25.44
इति ध्यात्वा च संपूज्य स्तुत्वा च प्रणमेत्सुधीः । उक्तं तुलस्युपाख्यानं किं भूयः श्रोतुमिच्छसि
iti dhyātvā ca saṃpūjya stutvā ca praṇametsudhīḥ | uktaṃ tulasyupākhyānaṃ kiṃ bhūyaḥ śrotumicchasi
Having thus meditated and worshipped her fully and praised her, the wise man should bow down. The tale of Tulasī has been told; what more do you wish to hear?
AI translation rendered from the Sanskrit, not a published edition