Devi Bhagavata Purana — Skandha 9 — Chapter 18
DB 9 18.1
शङ्खचूडेन सह तुलस्याः सङ्गतिवर्णनम् नारायण उवाच तुलसी परितुष्टा च सुष्वाप हृष्टमानसा । नवयौवनसम्पन्ना वृषध्वजवराङ्गना
śaṅkhacūḍena saha tulasyāḥ saṅgativarṇanam nārāyaṇa uvāca tulasī parituṣṭā ca suṣvāpa hṛṣṭamānasā | navayauvanasampannā vṛṣadhvajavarāṅganā
The account of Tulasī's union with Śaṅkhacūḍa. Nārāyaṇa said: Tulasī, well satisfied and glad of heart, fell asleep—she, endowed with fresh youth, the lovely woman (destined) for the bull-bannered one's (devotee).
AI translation rendered from the Sanskrit, not a published edition — the model flagged this verse as uncertain
DB 9 18.2
चिक्षेप पञ्चबाणश्च पञ्चबाणांश्च तां प्रति । पुष्पायुधेन सा दग्धा पुष्पचन्दनचर्चिता
cikṣepa pañcabāṇaśca pañcabāṇāṃśca tāṃ prati | puṣpāyudhena sā dagdhā puṣpacandanacarcitā
And the five-arrowed one (Kāma) shot his five arrows at her; burnt by the flower-weaponed one, she who was smeared with flowers and sandal paste—
AI translation rendered from the Sanskrit, not a published edition
DB 9 18.3
पुलकाङ्कितसर्वाङ्गी कम्पितारक्तलोचना । क्षणं सा शुष्कतां प्राप क्षणं मूर्च्छामवाप ह
pulakāṅkitasarvāṅgī kampitāraktalocanā | kṣaṇaṃ sā śuṣkatāṃ prāpa kṣaṇaṃ mūrcchāmavāpa ha
—with all her limbs marked by bristling hair, trembling, her eyes reddened, one moment she grew dry, one moment she fell into a swoon,
AI translation rendered from the Sanskrit, not a published edition
DB 9 18.4
क्षणमुद्विग्नतां प्राप क्षणं तन्द्रां सुखावहाम् । क्षणं च दहनं प्राप क्षणं प्राप प्रसन्नताम्
kṣaṇamudvignatāṃ prāpa kṣaṇaṃ tandrāṃ sukhāvahām | kṣaṇaṃ ca dahanaṃ prāpa kṣaṇaṃ prāpa prasannatām
one moment she became agitated, one moment (she felt) a drowsiness that brought pleasure; one moment she felt burning, one moment she became serene,
AI translation rendered from the Sanskrit, not a published edition
DB 9 18.5
क्षणं सा चेतनां प्राप क्षणं प्राप विषण्णताम् । उत्तिष्ठन्ती क्षणं तल्पाद् गच्छन्ती निकटे क्षणम्
kṣaṇaṃ sā cetanāṃ prāpa kṣaṇaṃ prāpa viṣaṇṇatām | uttiṣṭhantī kṣaṇaṃ talpād gacchantī nikaṭe kṣaṇam
one moment she regained consciousness, one moment she became dejected; one moment rising from the couch, one moment going near (it),
AI translation rendered from the Sanskrit, not a published edition
DB 9 18.6
भ्रमन्ती क्षणमुद्वेगान्निवसन्ती क्षणं पुनः । क्षणमेव समुद्वेगात्सुष्वाप पुनरेव सा
bhramantī kṣaṇamudvegānnivasantī kṣaṇaṃ punaḥ | kṣaṇameva samudvegātsuṣvāpa punareva sā
For a moment she wandered about out of agitation, and for a moment she sat still again; and again, for just a moment, out of great agitation, she fell asleep.
AI translation rendered from the Sanskrit, not a published edition
DB 9 18.7
पुष्पचन्दनतल्पं च तद् बभूवातिकण्टकम् । विषहारि सुखं दिव्यं सुन्दरं च फलं जलम्
puṣpacandanatalpaṃ ca tad babhūvātikaṇṭakam | viṣahāri sukhaṃ divyaṃ sundaraṃ ca phalaṃ jalam
And that couch of flowers and sandal-paste became for her utterly full of thorns; the pleasant, divine, beautiful fruit and water became poison-bearing.
AI translation rendered from the Sanskrit, not a published edition
DB 9 18.8
निलयं च बिलाकारं सूक्ष्मवस्त्रं हुताशनः । सिन्दूरपत्रकं चैव व्रणतुल्यं च दुःखदम्
nilayaṃ ca bilākāraṃ sūkṣmavastraṃ hutāśanaḥ | sindūrapatrakaṃ caiva vraṇatulyaṃ ca duḥkhadam
Her dwelling seemed a hole in the ground, her fine garment a fire, and the vermilion mark and leaf-design were like a sore, giving pain.
AI translation rendered from the Sanskrit, not a published edition
DB 9 18.9
क्षणं ददर्श तन्द्रायां सुवेषं पुरुषं सती । सुन्दरं च युवानं च सस्मितं रसिकेश्वरम्
kṣaṇaṃ dadarśa tandrāyāṃ suveṣaṃ puruṣaṃ satī | sundaraṃ ca yuvānaṃ ca sasmitaṃ rasikeśvaram
For a moment, in her drowsiness, the virtuous woman saw a well-dressed man, handsome and young, smiling, a lord of connoisseurs of pleasure,
AI translation rendered from the Sanskrit, not a published edition
DB 9 18.10
चन्दनोक्षितसर्वाङ्गं रत्नभूषणभूषितम् । आगच्छन्तं माल्यवन्तं पिबन्तं तन्मुखाम्बुजम्
candanokṣitasarvāṅgaṃ ratnabhūṣaṇabhūṣitam | āgacchantaṃ mālyavantaṃ pibantaṃ tanmukhāmbujam
all his limbs sprinkled with sandal-paste, adorned with jewel-ornaments, wearing a garland, coming near, drinking (the nectar of) her lotus-face,
AI translation rendered from the Sanskrit, not a published edition
DB 9 18.11
कथयन्तं रतिकथां ब्रुवन्तं मधुरं मुहुः । सम्भुक्तवन्तं तल्पे च समाश्लिष्यन्तमीप्सितम्
kathayantaṃ ratikathāṃ bruvantaṃ madhuraṃ muhuḥ | sambhuktavantaṃ talpe ca samāśliṣyantamīpsitam
telling tales of love-making, speaking sweetly again and again, having enjoyed her on the couch, and, being desired (by her), embracing her,
AI translation rendered from the Sanskrit, not a published edition
DB 9 18.12
पुनरेव तु गच्छन्तमागच्छन्तं च सन्निधौ । यान्तं क्व यासि प्राणेश तिष्ठत्येवमुवाच सा
punareva tu gacchantamāgacchantaṃ ca sannidhau | yāntaṃ kva yāsi prāṇeśa tiṣṭhatyevamuvāca sā
and then again going away, and coming back into her presence; and as he went she said, "Where are you going, lord of my life? Stay!"
AI translation rendered from the Sanskrit, not a published edition
DB 9 18.13
पुनश्च चेतनां प्राप्य विललाप पुनः पुनः । एवं सा यौवनं प्राप्य तस्थौ तत्रैव नारद
punaśca cetanāṃ prāpya vilalāpa punaḥ punaḥ | evaṃ sā yauvanaṃ prāpya tasthau tatraiva nārada
And regaining consciousness again, she lamented over and over. Thus, having attained youth, she remained right there, Nārada.
AI translation rendered from the Sanskrit, not a published edition
DB 9 18.14
शङ्खचूडो महायोगी जैगीषव्यान्मनोहरम् । कृष्णमन्त्रं च सम्प्राप्य कृत्वा सिद्धं तु पुष्करे
śaṅkhacūḍo mahāyogī jaigīṣavyānmanoharam | kṛṣṇamantraṃ ca samprāpya kṛtvā siddhaṃ tu puṣkare
Śaṅkhacūḍa, the great yogin, having obtained from Jaigīṣavya the delightful Kṛṣṇa-mantra and made it effective (siddha) at Puṣkara,
AI translation rendered from the Sanskrit, not a published edition
DB 9 18.15
कवचं च गले बद्ध्वा सर्वमङ्गलमङ्गलम् । ब्रह्मणश्च वरं प्राप्य यत्ते मनसि वाञ्छितम्
kavacaṃ ca gale baddhvā sarvamaṅgalamaṅgalam | brahmaṇaśca varaṃ prāpya yatte manasi vāñchitam
and having bound on his neck the amulet (kavaca) that is the auspiciousness of all auspicious things, and having obtained from Brahmā the boon, "Whatever is desired in your mind (be yours)"—
AI translation rendered from the Sanskrit, not a published edition
DB 9 18.16
आज्ञया ब्रह्मणः सोऽपि बदरीं च समाययौ । आगच्छन्तं शङ्खचूडं ददर्श तुलसी मुने
ājñayā brahmaṇaḥ so'pi badarīṃ ca samāyayau | āgacchantaṃ śaṅkhacūḍaṃ dadarśa tulasī mune
he too, by Brahmā's command, came to Badarī; and Tulasī saw Śaṅkhacūḍa coming, O sage—
AI translation rendered from the Sanskrit, not a published edition
DB 9 18.17
नवयौवनसम्पन्नं कामदेवसमप्रभम् । श्वेतचम्पकवर्णाभं रत्नभूषणभूषितम्
navayauvanasampannaṃ kāmadevasamaprabham | śvetacampakavarṇābhaṃ ratnabhūṣaṇabhūṣitam
endowed with fresh youth, of splendour equal to the god of love, shining with the colour of a white campaka flower, adorned with jewel-ornaments,
AI translation rendered from the Sanskrit, not a published edition
DB 9 18.18
शरत्पार्वणचन्द्रास्यं शरत्पङ्कजलोचनम् । रत्नसारविनिर्माणविमानस्थं मनोहरम् शङ्खचूडेन सह तुलस्याः सङ्गतिवर्णनं नामाष्टादशोऽध्यायः
śaratpārvaṇacandrāsyaṃ śaratpaṅkajalocanam | ratnasāravinirmāṇavimānasthaṃ manoharam śaṅkhacūḍena saha tulasyāḥ saṅgativarṇanaṃ nāmāṣṭādaśo'dhyāyaḥ
with a face like the full moon of autumn, with eyes like autumn lotuses, seated in a charming flying chariot fashioned of the finest jewels. (Here ends) the eighteenth chapter, called "The Description of Tulasī's Meeting with Śaṅkhacūḍa."
AI translation rendered from the Sanskrit, not a published edition
DB 9 18.19
रत्नकुण्डलयुग्मेन गण्डस्थलविराजितम् । पारिजातप्रसूनानां मालावन्तं च सुस्मितम्
ratnakuṇḍalayugmena gaṇḍasthalavirājitam | pārijātaprasūnānāṃ mālāvantaṃ ca susmitam
his cheeks made radiant by a pair of jewelled earrings, wearing a garland of pārijāta blossoms, and sweetly smiling,
AI translation rendered from the Sanskrit, not a published edition
DB 9 18.20
कस्तूरीकुङ्कुमायुक्तं सुगन्धिचन्दनान्वितम् । सा दृष्ट्वा सन्निधावेनं मुखमाच्छाद्य वाससा
kastūrīkuṅkumāyuktaṃ sugandhicandanānvitam | sā dṛṣṭvā sannidhāvenaṃ mukhamācchādya vāsasā
anointed with musk and saffron, smeared with fragrant sandal-paste. Seeing him nearby, she covered her face with her garment,
AI translation rendered from the Sanskrit, not a published edition
DB 9 18.21
सस्मिता तं निरीक्षन्ती सकटाक्षं पुनः पुनः । बभूवातिनम्रमुखी नवसङ्गमलज्जिता
sasmitā taṃ nirīkṣantī sakaṭākṣaṃ punaḥ punaḥ | babhūvātinamramukhī navasaṅgamalajjitā
and smiling, gazing at him again and again with sidelong glances, she became very downcast-faced, shy at this new encounter,
AI translation rendered from the Sanskrit, not a published edition
DB 9 18.22
शरदिन्दुविनिन्द्यैकस्वमुखेन्दुविराजिता । अमूल्यरत्ननिर्माणयावकावलिसंयुता
śaradinduvinindyaikasvamukhenduvirājitā | amūlyaratnanirmāṇayāvakāvalisaṃyutā
radiant with her own moon-face which alone put to shame the autumn moon, and marked with rows of lac-dye designs (fashioned) of priceless jewels,
AI translation rendered from the Sanskrit, not a published edition — the model flagged this verse as uncertain
DB 9 18.23
मणीन्द्रसारनिर्माणक्वणन्मञ्जीररञ्जिता । दधती कबरीभारं मालतीमाल्यसंयुतम्
maṇīndrasāranirmāṇakvaṇanmañjīrarañjitā | dadhatī kabarībhāraṃ mālatīmālyasaṃyutam
delighting (the eye) with tinkling anklets fashioned of the finest of gems, bearing a mass of braided hair entwined with a garland of mālatī flowers,
AI translation rendered from the Sanskrit, not a published edition
DB 9 18.24
अमूल्यरत्ननिर्माणमकराकृतिकुण्डला । चित्रकुण्डलयुग्मेन गण्डस्थलविराजिता
amūlyaratnanirmāṇamakarākṛtikuṇḍalā | citrakuṇḍalayugmena gaṇḍasthalavirājitā
with earrings shaped like sea-monsters, made of priceless jewels, her cheeks made radiant by the pair of brightly-wrought earrings,
AI translation rendered from the Sanskrit, not a published edition
DB 9 18.25
रत्नेन्द्रसारहारेण स्तनमध्यस्थलोज्ज्वला । रत्नकङ्कणकेयूरशङ्खभूषणभूषिता
ratnendrasārahāreṇa stanamadhyasthalojjvalā | ratnakaṅkaṇakeyūraśaṅkhabhūṣaṇabhūṣitā
the space between her breasts brilliant with a necklace of the finest of jewels, adorned with jewelled bracelets, armlets, and conch-shell ornaments.
AI translation rendered from the Sanskrit, not a published edition
DB 9 18.26
रत्नाङ्गुलीयकैर्दिव्यैरङ्गुल्यावलिराजिता । दृष्ट्वा तां ललितां रम्यां सुशीलां सुन्दरीं सतीम्
ratnāṅgulīyakairdivyairaṅgulyāvalirājitā | dṛṣṭvā tāṃ lalitāṃ ramyāṃ suśīlāṃ sundarīṃ satīm
(and) with divine jewelled rings, her row of fingers shining — seeing her, charming, lovely, of good character, beautiful, chaste,
AI translation rendered from the Sanskrit, not a published edition
DB 9 18.27
उवास तत्समीपे तु मधुरं तामुवाच सः । शङ्खचूड उवाच का त्वं कस्य च कन्या च धन्या मान्या च योषिताम्
uvāsa tatsamīpe tu madhuraṃ tāmuvāca saḥ | śaṅkhacūḍa uvāca kā tvaṃ kasya ca kanyā ca dhanyā mānyā ca yoṣitām
he sat down near her and spoke sweetly to her. Śaṅkhacūḍa said: Who are you, and whose daughter, you who are blessed and honoured among women?
AI translation rendered from the Sanskrit, not a published edition
DB 9 18.28
का त्वं मानिनि कल्याणि सर्वकल्याणदायिनि । मौनीभूते किङ्करे मां सम्भाषां कुरु सुन्दरि
kā tvaṃ mānini kalyāṇi sarvakalyāṇadāyini | maunībhūte kiṅkare māṃ sambhāṣāṃ kuru sundari
Who are you, proud lady, auspicious one, giver of all good fortune? Since (your) servant has become silent, converse with me, beautiful one.
AI translation rendered from the Sanskrit, not a published edition
DB 9 18.29
इत्येवं वचनं श्रुत्वा सकामा वामलोचना । सस्मिता नम्रवदना सकामं तमुवाच सा
ityevaṃ vacanaṃ śrutvā sakāmā vāmalocanā | sasmitā namravadanā sakāmaṃ tamuvāca sā
Hearing this speech, the fair-eyed lady, filled with desire, smiling, her face lowered, spoke to him, who was (likewise) filled with desire:
AI translation rendered from the Sanskrit, not a published edition
DB 9 18.30
तुलस्युवाच धर्मध्वजसुताहं च तपस्यायां तपोवने । तपस्विन्यहं तिष्ठामि कस्त्वं गच्छ यथासुखम्
tulasyuvāca dharmadhvajasutāhaṃ ca tapasyāyāṃ tapovane | tapasvinyahaṃ tiṣṭhāmi kastvaṃ gaccha yathāsukham
Tulasī said: I am the daughter of Dharmadhvaja, engaged in austerity in the penance-grove; I remain here as an ascetic woman. Who are you? Go as you please.
AI translation rendered from the Sanskrit, not a published edition
DB 9 18.31
कामिनीं कुलजातां च रहस्येकाकिनीं सतीम् । न पृच्छति कुले जात इत्येवं मे श्रुतौ श्रुतम्
kāminīṃ kulajātāṃ ca rahasyekākinīṃ satīm | na pṛcchati kule jāta ityevaṃ me śrutau śrutam
"A man born in a (good) family does not question a desirable woman of good family who is alone in a solitary place and chaste" — thus have I heard in the Vedic teaching.
AI translation rendered from the Sanskrit, not a published edition
DB 9 18.32
लम्पटोऽसत्कुले जातो धर्मशास्त्रार्थवर्जितः । येनाश्रुतः श्रुतेरर्थः स कामीच्छति कामिनीम्
lampaṭo'satkule jāto dharmaśāstrārthavarjitaḥ | yenāśrutaḥ śruterarthaḥ sa kāmīcchati kāminīm
A libertine, born in a bad family, devoid of the meaning of the scriptures of dharma — he by whom the sense of the Veda has not been heard, that lustful man desires a woman:
AI translation rendered from the Sanskrit, not a published edition
DB 9 18.33
आपातमधुरां मत्तामन्तकां पुरुषस्य ताम् । विषकुम्भाकाररूपाममृतास्यां च सन्ततम्
āpātamadhurāṃ mattāmantakāṃ puruṣasya tām | viṣakumbhākārarūpāmamṛtāsyāṃ ca santatam
her who is sweet (only) at first, intoxicating, a man's destroyer, whose form has the shape of a pot of poison, yet whose mouth is ever nectar;
AI translation rendered from the Sanskrit, not a published edition
DB 9 18.34
हृदये क्षुरधाराभां शश्वन्मधुरभाषिणीम् । स्वकार्यपरिनिष्पत्त्यै तत्परा सततं च ताम्
hṛdaye kṣuradhārābhāṃ śaśvanmadhurabhāṣiṇīm | svakāryapariniṣpattyai tatparā satataṃ ca tām
who is like a razor's edge in her heart while always speaking sweetly, and who is ever intent upon the accomplishment of her own purposes;
AI translation rendered from the Sanskrit, not a published edition
DB 9 18.35
कार्यार्थे स्वामिवशगामन्यथैवावशां सदा । स्वान्तर्मलिनरूपां च प्रसन्नवदनेक्षणाम्
kāryārthe svāmivaśagāmanyathaivāvaśāṃ sadā | svāntarmalinarūpāṃ ca prasannavadanekṣaṇām
submissive to her husband when she has a purpose, but otherwise never under control; foul in form within herself, yet with a cheerful face and glance;
AI translation rendered from the Sanskrit, not a published edition
DB 9 18.36
श्रुतौ पुराणे यासां च चरित्रमतिदूषितम् । तासु को विश्वसेत्प्राज्ञः प्रज्ञावांश्च दुराशयः
śrutau purāṇe yāsāṃ ca caritramatidūṣitam | tāsu ko viśvasetprājñaḥ prajñāvāṃśca durāśayaḥ
in Veda and Purāṇa the conduct of these women is much censured; what wise man would trust in them — and the intelligent man (who does) is ill-intentioned.
AI translation rendered from the Sanskrit, not a published edition
DB 9 18.37
तासां को वा रिपुर्मित्रं प्रार्थयन्ति नवं नवम् । दृष्ट्वा सुवेषं पुरुषमिच्छन्ति हृदये सदा
tāsāṃ ko vā ripurmitraṃ prārthayanti navaṃ navam | dṛṣṭvā suveṣaṃ puruṣamicchanti hṛdaye sadā
Who indeed is their enemy, who their friend? They solicit one man after another; on seeing a well-dressed man they always desire him in their heart.
AI translation rendered from the Sanskrit, not a published edition
DB 9 18.38
बाह्ये स्वार्थं सतीत्वं च ज्ञापयन्ती प्रयत्नतः । शश्वत्कामा च रामा च कामाधारा मनोहरा
bāhye svārthaṃ satītvaṃ ca jñāpayantī prayatnataḥ | śaśvatkāmā ca rāmā ca kāmādhārā manoharā
Outwardly, for her own advantage, she takes pains to make her chastity known; yet a woman is perpetually lustful, the very seat of desire, alluring.
AI translation rendered from the Sanskrit, not a published edition
DB 9 18.39
बाह्ये छलात्खेदयन्ती स्वान्तर्मैथुनमानसा । कान्तं हसन्ती रहसि बाह्येऽतीव सुलज्जिता
bāhye chalātkhedayantī svāntarmaithunamānasā | kāntaṃ hasantī rahasi bāhye'tīva sulajjitā
Outwardly she torments (him) with pretexts, while within her mind is on copulation; in private she laughs with her lover, but outwardly she is exceedingly modest.
AI translation rendered from the Sanskrit, not a published edition
DB 9 18.40
मानिनी मैथुनाभावे कोपना कलहाङ्कुरा । सुप्रीता भूरिसम्भोगात्स्वल्पमैथुनदुःखिता
māninī maithunābhāve kopanā kalahāṅkurā | suprītā bhūrisambhogātsvalpamaithunaduḥkhitā
When there is no copulation she sulks, becomes angry, and is the seed of quarrel; she is well pleased by abundant enjoyment and made miserable by scant copulation.
AI translation rendered from the Sanskrit, not a published edition
DB 9 18.41
सुमिष्टान्नाच्छीततोयादाकाङ्क्षन्ती च मानसे । सुन्दरं रसिकं कान्तं युवानं गुणिनं सदा
sumiṣṭānnācchītatoyādākāṅkṣantī ca mānase | sundaraṃ rasikaṃ kāntaṃ yuvānaṃ guṇinaṃ sadā
In her mind she craves very sweet food and cool water, and always a handsome, passionate, youthful, accomplished lover;
AI translation rendered from the Sanskrit, not a published edition
DB 9 18.42
सुतात्परमभिस्नेहं कुर्वती रसिकोपरि । प्राणाधिकं प्रियतमं सम्भोगकुशलं प्रियम्
sutātparamabhisnehaṃ kurvatī rasikopari | prāṇādhikaṃ priyatamaṃ sambhogakuśalaṃ priyam
showing more affection to a passionate man than to her own son, (regarding him as) dearer than life, most beloved, skilled in enjoyment, dear;
AI translation rendered from the Sanskrit, not a published edition
DB 9 18.43
पश्यन्ती रिपुतुल्यं च वृद्धं वा मैथुनाक्षमम् । कलहं कुर्वती शश्वत्तेन सार्धं सुकोपना
paśyantī riputulyaṃ ca vṛddhaṃ vā maithunākṣamam | kalahaṃ kurvatī śaśvattena sārdhaṃ sukopanā
but regarding as equal to an enemy one who is old or incapable of copulation, and, being very quick to anger, constantly quarrelling with him,
AI translation rendered from the Sanskrit, not a published edition
DB 9 18.44
वाचया भक्षयन्ती तं सर्प आखुमिवोल्बणम् । दुःसाहसस्वरूपा च सर्वदोषाश्रया सदा
vācayā bhakṣayantī taṃ sarpa ākhumivolbaṇam | duḥsāhasasvarūpā ca sarvadoṣāśrayā sadā
devouring him with her speech, as a fierce serpent (devours) a mouse; she is recklessness embodied and always the refuge of all faults;
AI translation rendered from the Sanskrit, not a published edition
DB 9 18.45
ब्रह्मविष्णुशिवादीनां दुःसाध्या मोहरूपिणी । तपोमार्गार्गला शश्वन्मोक्षद्वारकपाटिका
brahmaviṣṇuśivādīnāṃ duḥsādhyā moharūpiṇī | tapomārgārgalā śaśvanmokṣadvārakapāṭikā
hard to master even for Brahmā, Viṣṇu, Śiva and the rest, taking the form of delusion, the bolt across the path of austerity, ever the door-panel (shutting) the gate of liberation;
AI translation rendered from the Sanskrit, not a published edition
DB 9 18.46
हरेर्भक्तिव्यवहिता सर्वमायाकरण्डिका । संसारकारागारे च शश्वन्निगडरूपिणी
harerbhaktivyavahitā sarvamāyākaraṇḍikā | saṃsārakārāgāre ca śaśvannigaḍarūpiṇī
(She is) an obstruction to devotion to Hari, a casket of all illusion, and in the prison-house of transmigration she is the perpetual fetter.
AI translation rendered from the Sanskrit, not a published edition
DB 9 18.47
इन्द्रजालस्वरूपा च मिथ्या च स्वप्नरूपिणी । बिभ्रती बाह्यसौन्दर्यमधोऽङ्गमतिकुत्सितम्
indrajālasvarūpā ca mithyā ca svapnarūpiṇī | bibhratī bāhyasaundaryamadho'ṅgamatikutsitam
She is of the nature of a conjuring trick, false, and of the nature of a dream, bearing outward beauty (while) her lower part is most loathsome.
AI translation rendered from the Sanskrit, not a published edition
DB 9 18.48
नानाविण्मूत्रपूयानामाधारं मलसंयुतम् । दुर्गन्धिदोषसंयुक्तं रक्तारक्तमसंस्कृतम्
nānāviṇmūtrapūyānāmādhāraṃ malasaṃyutam | durgandhidoṣasaṃyuktaṃ raktāraktamasaṃskṛtam
(It is) the receptacle of the various kinds of dung, urine and pus, joined with filth, afflicted with the fault of foul odour, red and not red, unpurified.
AI translation rendered from the Sanskrit, not a published edition — the model flagged this verse as uncertain
DB 9 18.49
मायारूपा मायिनां च विधिना निर्मिता पुरा । विषरूपा मुमुक्षूणामदृश्याप्यभिवाञ्छताम्
māyārūpā māyināṃ ca vidhinā nirmitā purā | viṣarūpā mumukṣūṇāmadṛśyāpyabhivāñchatām
Of the nature of illusion, made long ago by the Ordainer for those who wield illusion; of the nature of poison for those seeking release, and not (even) to be looked at, though they desire (it).
AI translation rendered from the Sanskrit, not a published edition — the model flagged this verse as uncertain
DB 9 18.50
इत्युक्त्वा तुलसी तं तु विरराम च नारद । सस्मितः शङ्खचूडश्च प्रवक्तुमुपचक्रमे
ityuktvā tulasī taṃ tu virarāma ca nārada | sasmitaḥ śaṅkhacūḍaśca pravaktumupacakrame
Having said this, Tulasī fell silent before him, O Nārada; and Śaṅkhacūḍa, smiling, began to speak.
AI translation rendered from the Sanskrit, not a published edition
DB 9 18.51
शङ्खचूड उवाच त्वया यत्कथितं देवि न च सर्वमलीककम् । किञ्चित्सत्यमलीकं च किञ्चिन्मत्तो निशामय
śaṅkhacūḍa uvāca tvayā yatkathitaṃ devi na ca sarvamalīkakam | kiñcitsatyamalīkaṃ ca kiñcinmatto niśāmaya
Śaṅkhacūḍa said: What you have said, O goddess, is not all false; something is true and something false — hear (about it) from me.
AI translation rendered from the Sanskrit, not a published edition
DB 9 18.52
निर्मितं द्विविधं धात्रा स्त्रीरूपं सर्वमोहनम् । कृत्वा रूपं वास्तवं च प्रशस्यं चाप्रशंसितम्
nirmitaṃ dvividhaṃ dhātrā strīrūpaṃ sarvamohanam | kṛtvā rūpaṃ vāstavaṃ ca praśasyaṃ cāpraśaṃsitam
Woman's form, wholly bewitching, was made of two kinds by the Creator, having made a form that is real and praiseworthy, and (one that is) not praised.
AI translation rendered from the Sanskrit, not a published edition
DB 9 18.53
लक्ष्मीः सरस्वती दुर्गा सावित्री राधिकादिका । सृष्टिसूत्रस्वरूपा च आद्या सृष्टिर्विनिर्मिता
lakṣmīḥ sarasvatī durgā sāvitrī rādhikādikā | sṛṣṭisūtrasvarūpā ca ādyā sṛṣṭirvinirmitā
Lakṣmī, Sarasvatī, Durgā, Sāvitrī, Rādhikā and the rest — she who is of the nature of the thread of creation, the primordial (one) — such creation was fashioned first.
AI translation rendered from the Sanskrit, not a published edition — the model flagged this verse as uncertain
DB 9 18.54
एतासामंशरूपं च स्त्रीरूपं वास्तवं स्मृतम् । तत्प्रशस्यं यशोरूपं सर्वमङ्गलकारकम्
etāsāmaṃśarūpaṃ ca strīrūpaṃ vāstavaṃ smṛtam | tatpraśasyaṃ yaśorūpaṃ sarvamaṅgalakārakam
And the woman's form that is a portion of these is held to be the real (one); that is praiseworthy, of the nature of glory, the cause of all that is auspicious.
AI translation rendered from the Sanskrit, not a published edition
DB 9 18.55
शतरूपा देवहूती स्वधा स्वाहा च दक्षिणा । छायावती रोहिणी च वरुणानी शची तथा
śatarūpā devahūtī svadhā svāhā ca dakṣiṇā | chāyāvatī rohiṇī ca varuṇānī śacī tathā
Śatarūpā, Devahūtī, Svadhā, Svāhā and Dakṣiṇā, Chāyāvatī and Rohiṇī, Varuṇānī and likewise Śacī,
AI translation rendered from the Sanskrit, not a published edition
DB 9 18.56
कुबेरस्य च पत्नी याप्यदितिश्च दितिस्तथा । लोपामुद्रानसूया च कोटभी तुलसी तथा
kuberasya ca patnī yāpyaditiśca ditistathā | lopāmudrānasūyā ca koṭabhī tulasī tathā
and Kubera's wife, and Aditi and likewise Diti, Lopāmudrā and Anasūyā, Koṭabhī and likewise Tulasī,
AI translation rendered from the Sanskrit, not a published edition
DB 9 18.57
अहल्यारुन्धती मेना तारा मन्दोदरी तथा । दमयन्ती वेदवती गङ्गा च मनसा तथा
ahalyārundhatī menā tārā mandodarī tathā | damayantī vedavatī gaṅgā ca manasā tathā
Ahalyā, Arundhatī, Menā, Tārā and likewise Mandodarī, Damayantī, Vedavatī, Gaṅgā and likewise Manasā,
AI translation rendered from the Sanskrit, not a published edition
DB 9 18.58
पुष्टिस्तुष्टिः स्मृतिर्मेधा कालिका च वसुन्धरा । षष्ठी मङ्गलचण्डी च मूर्तिश्च धर्मकामिनी
puṣṭistuṣṭiḥ smṛtirmedhā kālikā ca vasundharā | ṣaṣṭhī maṅgalacaṇḍī ca mūrtiśca dharmakāminī
Puṣṭi, Tuṣṭi, Smṛti, Medhā, and Kālikā, and Vasundharā, Ṣaṣṭhī and Maṅgalacaṇḍī, and Mūrti the wife of Dharma,
AI translation rendered from the Sanskrit, not a published edition
DB 9 18.59
स्वस्तिः श्रद्धा च शान्तिश्च कान्तिः क्षान्तिस्तथा परा । निद्रा तन्द्रा क्षुत्पिपासा सन्ध्या रात्रिदिनानि च
svastiḥ śraddhā ca śāntiśca kāntiḥ kṣāntistathā parā | nidrā tandrā kṣutpipāsā sandhyā rātridināni ca
Svasti and Śraddhā and Śānti, Kānti and likewise supreme Kṣānti, Nidrā, Tandrā, Hunger and Thirst, Twilight, and Night and Day,
AI translation rendered from the Sanskrit, not a published edition
DB 9 18.60
सम्पत्तिर्धृतिकीर्ती च क्रिया शोभा प्रभा शिवा । यत्स्त्रीरूपं च सम्भूतमुत्तमं तु युगे युगे
sampattirdhṛtikīrtī ca kriyā śobhā prabhā śivā | yatstrīrūpaṃ ca sambhūtamuttamaṃ tu yuge yuge
Sampatti, Dhṛti and Kīrti, Kriyā, Śobhā, Prabhā, Śivā — whatever woman's form has come into being as the highest in age after age (is of this kind).
AI translation rendered from the Sanskrit, not a published edition
DB 9 18.61
कलाकलांशरूपं च स्वर्वेश्यादिकमेव च । तदप्रशस्यं विश्वेषु पुंश्चलीरूपमेव च
kalākalāṃśarūpaṃ ca svarveśyādikameva ca | tadapraśasyaṃ viśveṣu puṃścalīrūpameva ca
And that which is of the nature of a fraction, or a fraction of a fraction — the celestial courtesans and the like — that is not praiseworthy in the worlds, being of the nature of the wanton woman.
AI translation rendered from the Sanskrit, not a published edition
DB 9 18.62
सत्त्वप्रधानं यद्रूपं तद्युक्तं च प्रभावतः । तदुत्तमं च विश्वेषु साध्वीरूपं प्रशंसितम्
sattvapradhānaṃ yadrūpaṃ tadyuktaṃ ca prabhāvataḥ | taduttamaṃ ca viśveṣu sādhvīrūpaṃ praśaṃsitam
That form in which sattva predominates, and which is joined with it by (its own) power — that is the highest in the worlds, the form of the virtuous woman, praised.
AI translation rendered from the Sanskrit, not a published edition
DB 9 18.63
तद्वास्तवं च विज्ञेयं प्रवदन्ति मनीषिणः । रजोरूपं तमोरूपं कलासु विविधं स्मृतम्
tadvāstavaṃ ca vijñeyaṃ pravadanti manīṣiṇaḥ | rajorūpaṃ tamorūpaṃ kalāsu vividhaṃ smṛtam
And that is to be known as the real (form): so the wise declare. The form of rajas and the form of tamas are held to be of various kinds among the fractional (portions).
AI translation rendered from the Sanskrit, not a published edition
DB 9 18.64
मध्यमा रजसश्चांशास्तास्तु भोगेषु लोलुपाः । सुखसम्भोगवश्याश्च स्वकार्ये निरताः सदा
madhyamā rajasaścāṃśāstāstu bhogeṣu lolupāḥ | sukhasambhogavaśyāśca svakārye niratāḥ sadā
The middling ones are portions of rajas; they are greedy for enjoyments, subject to pleasure and sexual enjoyment, always intent on their own purpose,
AI translation rendered from the Sanskrit, not a published edition
DB 9 18.65
कपटा मोहकारिण्यो धर्मार्थविमुखाः सदा । रजोरूपस्य साध्वीत्वमतो नैवोपजायते
kapaṭā mohakāriṇyo dharmārthavimukhāḥ sadā | rajorūpasya sādhvītvamato naivopajāyate
deceitful, causing delusion, always averse to dharma and wealth. Hence virtuousness does not arise in the form made of rajas.
AI translation rendered from the Sanskrit, not a published edition
DB 9 18.66
इदं मध्यमरूपं च प्रवदन्ति मनीषिणः । तमोरूपं दुर्निवार्यमधमं तद्विदुर्बुधाः
idaṃ madhyamarūpaṃ ca pravadanti manīṣiṇaḥ | tamorūpaṃ durnivāryamadhamaṃ tadvidurbudhāḥ
And this the wise declare to be the middle form; the form of darkness, hard to check, the learned know to be the lowest.
AI translation rendered from the Sanskrit, not a published edition
DB 9 18.67
न पृच्छति कुले जातः पण्डितश्च परस्त्रियम् । निर्जने निर्जले वापि रहस्यपि परस्त्रियम्
na pṛcchati kule jātaḥ paṇḍitaśca parastriyam | nirjane nirjale vāpi rahasyapi parastriyam
A man born in a (good) family, and a learned man, does not solicit another's wife — not in a deserted place, nor where there is no water, nor even in secret does he (solicit) another's wife.
AI translation rendered from the Sanskrit, not a published edition — the model flagged this verse as uncertain
DB 9 18.68
आगच्छामि त्वत्समीपमाज्ञया ब्रह्मणोऽधुना । गान्धर्वेण विवाहेन त्वां ग्रहीष्यामि शोभने
āgacchāmi tvatsamīpamājñayā brahmaṇo'dhunā | gāndharveṇa vivāhena tvāṃ grahīṣyāmi śobhane
I come to you now by the command of Brahmā; I shall take you, fair one, by the gāndharva form of marriage.
AI translation rendered from the Sanskrit, not a published edition
DB 9 18.69
अहमेव शङ्खचूडो देवविद्रावकारकः । दनुवंश्यो विशेषेण सुदामाहं हरेः पुरा
ahameva śaṅkhacūḍo devavidrāvakārakaḥ | danuvaṃśyo viśeṣeṇa sudāmāhaṃ hareḥ purā
I am none other than Śaṅkhacūḍa, the router of the gods, of Danu's lineage in particular; formerly I was Sudāmā, (a companion) of Hari.
AI translation rendered from the Sanskrit, not a published edition
DB 9 18.70
अहमष्टसु गोपेषु गोपोऽपि पार्षदेषु च । अधुना दानवेन्द्रोऽहं राधिकायाश्च शापतः
ahamaṣṭasu gopeṣu gopo'pi pārṣadeṣu ca | adhunā dānavendro'haṃ rādhikāyāśca śāpataḥ
I was a cowherd among the eight cowherds, and among (his) attendants too; now I am the lord of the Dānavas, and that by Rādhikā's curse.
AI translation rendered from the Sanskrit, not a published edition
DB 9 18.71
जातिस्मरोऽहं जानामि कृष्णमन्त्रप्रभावतः । जातिस्मरा त्वं तुलसी सम्भुक्ता हरिणा पुरा
jātismaro'haṃ jānāmi kṛṣṇamantraprabhāvataḥ | jātismarā tvaṃ tulasī sambhuktā hariṇā purā
I remember my former births, and I know (this) by the power of Kṛṣṇa's mantra: you are Tulasī, who also remembers her births, formerly enjoyed by Hari.
AI translation rendered from the Sanskrit, not a published edition
DB 9 18.72
त्वमेव राधिकाकोपाज्जातासि भारते भुवि । त्वां सम्भोक्तुमुत्सुकोऽहं नालं राधाभयात्ततः
tvameva rādhikākopājjātāsi bhārate bhuvi | tvāṃ sambhoktumutsuko'haṃ nālaṃ rādhābhayāttataḥ
It is you who, through Rādhikā's anger, have been born on the soil of Bhārata; I am eager to enjoy you, but (Hari) was unable to, out of fear of Rādhā.
AI translation rendered from the Sanskrit, not a published edition — the model flagged this verse as uncertain
DB 9 18.73
इत्येवमुक्त्वा स पुमान्विरराम महामुने । सस्मितं तुलसी तुष्टा प्रवक्तुमुपचक्रमे
ityevamuktvā sa pumānvirarāma mahāmune | sasmitaṃ tulasī tuṣṭā pravaktumupacakrame
Having spoken thus, that man fell silent, great sage; and Tulasī, pleased, began to speak with a smile.
AI translation rendered from the Sanskrit, not a published edition
DB 9 18.74
तुलस्युवाच एवंविधो बुधो नित्यं विश्वेषु च प्रशंसितः । कान्तमेवंविधं कान्ता शश्वदिच्छति कामतः
tulasyuvāca evaṃvidho budho nityaṃ viśveṣu ca praśaṃsitaḥ | kāntamevaṃvidhaṃ kāntā śaśvadicchati kāmataḥ
Tulasī said: One of such a kind, a wise man, is ever praised throughout the worlds; a woman constantly desires, out of desire, a lover of just such a kind.
AI translation rendered from the Sanskrit, not a published edition
DB 9 18.75
त्वयाहमधुना सत्यं विचारेण पराजिता । स निन्दितश्चाप्यशुचिर्यः पुमांश्च स्त्रिया जितः
tvayāhamadhunā satyaṃ vicāreṇa parājitā | sa ninditaścāpyaśuciryaḥ pumāṃśca striyā jitaḥ
Truly, I have now been defeated by you in argument; yet he is blamed and impure, the man who is conquered by a woman.
AI translation rendered from the Sanskrit, not a published edition
DB 9 18.76
निन्दन्ति पितरो देवा बान्धवाः स्त्रीजितं नरम् । स्त्रीजितं मनसा माता पिता भ्राता च निन्दति
nindanti pitaro devā bāndhavāḥ strījitaṃ naram | strījitaṃ manasā mātā pitā bhrātā ca nindati
The ancestors, the gods and the kinsmen blame a man conquered by a woman; mother, father and brother blame in their hearts one conquered by a woman.
AI translation rendered from the Sanskrit, not a published edition
DB 9 18.77
शुद्धो विप्रो दशाहेन जातके मृतके यथा । भूमिपो द्वादशाहेन वैश्यः पञ्चदशाहतः
śuddho vipro daśāhena jātake mṛtake yathā | bhūmipo dvādaśāhena vaiśyaḥ pañcadaśāhataḥ
A brahmin is pure after ten days, as in the case of a birth or a death; a king after twelve days, a vaiśya after fifteen days;
AI translation rendered from the Sanskrit, not a published edition
DB 9 18.78
शूद्रो मासेन वेदेषु मातृवद्धीनसङ्करः । अशुचिः स्त्रीजितः शुद्ध्येच्चितादहनकालतः
śūdro māsena vedeṣu mātṛvaddhīnasaṅkaraḥ | aśuciḥ strījitaḥ śuddhyeccitādahanakālataḥ
a śūdra after a month according to the Vedas — like the mother, one of low mixture; but the impure man conquered by a woman becomes pure only from the time of the burning of his pyre.
AI translation rendered from the Sanskrit, not a published edition — the model flagged this verse as uncertain
DB 9 18.79
न गह्णन्तीच्छया तस्य पितरः पिण्डतर्पणम् । न गह्णन्त्येव देवाश्च तस्य पुष्पजलादिकम्
na gahṇantīcchayā tasya pitaraḥ piṇḍatarpaṇam | na gahṇantyeva devāśca tasya puṣpajalādikam
The ancestors do not willingly accept his offering of rice-balls and water; and the gods do not accept his flowers, water and the rest at all.
AI translation rendered from the Sanskrit, not a published edition
DB 9 18.80
किं वा ज्ञानेन तपसा जपहोमप्रपूजनैः । किं विद्यया च यशसा स्त्रीभिर्यस्य मनो हृतम्
kiṃ vā jñānena tapasā japahomaprapūjanaiḥ | kiṃ vidyayā ca yaśasā strībhiryasya mano hṛtam
What use is knowledge, or austerity, or muttered prayer, oblation and worship? What use learning and fame, to one whose mind has been stolen by women?
AI translation rendered from the Sanskrit, not a published edition
DB 9 18.81
विद्याप्रभावज्ञानार्थं मया त्वं च परीक्षितः । कृत्वा परीक्षां कान्तस्य वृणोति कामिनी वरम्
vidyāprabhāvajñānārthaṃ mayā tvaṃ ca parīkṣitaḥ | kṛtvā parīkṣāṃ kāntasya vṛṇoti kāminī varam
You too have been tested by me, in order to know the extent of your learning; a woman chooses a bridegroom after making a test of the lover.
AI translation rendered from the Sanskrit, not a published edition
DB 9 18.82
वराय गुणहीनाय वृद्धायाज्ञानिने तथा । दरिद्राय च मूर्खाय रोगिणे कुत्सिताय च
varāya guṇahīnāya vṛddhāyājñānine tathā | daridrāya ca mūrkhāya rogiṇe kutsitāya ca
To a bridegroom devoid of virtues, to an old man, to one without knowledge, to a poor man, a fool, a sick man, a contemptible man,
AI translation rendered from the Sanskrit, not a published edition
DB 9 18.83
अत्यन्तकोपयुक्ताय वात्यन्तदुर्मुखाय च । पङ्गवे चाङ्गहीनाय चान्धाय बधिराय च
atyantakopayuktāya vātyantadurmukhāya ca | paṅgave cāṅgahīnāya cāndhāya badhirāya ca
to one full of excessive anger or excessively foul-mouthed, to a cripple, one lacking a limb, a blind man, a deaf man,
AI translation rendered from the Sanskrit, not a published edition
DB 9 18.84
जडाय चैव मूकाय क्लीबतुल्याय पापिने । ब्रह्महत्यां लभेत्सोऽपि स्वकन्यां प्रददाति यः
jaḍāya caiva mūkāya klībatulyāya pāpine | brahmahatyāṃ labhetso'pi svakanyāṃ pradadāti yaḥ
to a dolt, a mute, one equal to a eunuch, a sinner — he who gives his own daughter (to such a one) incurs (the guilt of) brahmin-murder.
AI translation rendered from the Sanskrit, not a published edition
DB 9 18.85
शान्ताय गुणिने चैव यूने च विदुषेऽपि च । साधवे च सुतां दत्त्वा दशयज्ञफलं लभेत्
śāntāya guṇine caiva yūne ca viduṣe'pi ca | sādhave ca sutāṃ dattvā daśayajñaphalaṃ labhet
But having given his daughter to one who is calm, virtuous, young, learned and good, he would obtain the fruit of ten sacrifices.
AI translation rendered from the Sanskrit, not a published edition
DB 9 18.86
यः कन्यापालनं कृत्वा करोति यदि विक्रयम् । विक्रेता धनलोभेन कुम्भीपाकं स गच्छति
yaḥ kanyāpālanaṃ kṛtvā karoti yadi vikrayam | vikretā dhanalobhena kumbhīpākaṃ sa gacchati
He who, after having reared a girl, then sells her — that seller, out of greed for money, goes to the Kumbhīpāka hell.
AI translation rendered from the Sanskrit, not a published edition
DB 9 18.87
कन्यामूत्रं पुरीषं च तत्र भक्षति पातकी । कृमिभिर्दंशितः काकैर्यावदिन्द्राश्चतुर्दश
kanyāmūtraṃ purīṣaṃ ca tatra bhakṣati pātakī | kṛmibhirdaṃśitaḥ kākairyāvadindrāścaturdaśa
There that sinner eats the girl's urine and excrement, bitten by worms and by crows, for as long as fourteen Indras (endure).
AI translation rendered from the Sanskrit, not a published edition
DB 9 18.88
तदन्ते व्याधिसंयुक्तः स लभेज्जन्म निश्चितम् । विक्रीणाति मांसभारं वहत्येव दिवानिशम्
tadante vyādhisaṃyuktaḥ sa labhejjanma niścitam | vikrīṇāti māṃsabhāraṃ vahatyeva divāniśam
At the end of that he surely obtains a birth afflicted with disease; he sells loads of meat and carries them day and night.
AI translation rendered from the Sanskrit, not a published edition
DB 9 18.89
इत्येवमुक्त्वा तुलसी विरराम तपोनिधे । ब्रह्मोवाच किं करोषि शङ्खचूड संवादमनया सह
ityevamuktvā tulasī virarāma taponidhe | brahmovāca kiṃ karoṣi śaṅkhacūḍa saṃvādamanayā saha
Having spoken thus, Tulasī fell silent, O treasury of austerity. Brahmā said: Śaṅkhacūḍa, what are you doing, holding this conversation with her?
AI translation rendered from the Sanskrit, not a published edition
DB 9 18.90
गान्धर्वेण विवाहेन त्वं चास्या ग्रहणं कुरु । पुरुषेष्वसि रत्नं त्वं स्त्रीषु रत्नं त्वियं सती
gāndharveṇa vivāhena tvaṃ cāsyā grahaṇaṃ kuru | puruṣeṣvasi ratnaṃ tvaṃ strīṣu ratnaṃ tviyaṃ satī
Take her by the gāndharva form of marriage. You are a jewel among men, and this virtuous woman is a jewel among women.
AI translation rendered from the Sanskrit, not a published edition
DB 9 18.91
विदग्धाया विदग्धेन सङ्गमो गुणवान्भवेत् । निर्विरोधसुखं राजन् को वा त्यजति दुर्लभम्
vidagdhāyā vidagdhena saṅgamo guṇavānbhavet | nirvirodhasukhaṃ rājan ko vā tyajati durlabham
The union of a clever woman with a clever man would be full of merit. O king, who indeed gives up a happiness hard to obtain and free of opposition?
AI translation rendered from the Sanskrit, not a published edition
DB 9 18.92
योऽविरोधसुखत्यागी स पशुर्नात्र संशयः । किं परीक्षसि त्वं कान्तमीदृशं गुणिनं सति
yo'virodhasukhatyāgī sa paśurnātra saṃśayaḥ | kiṃ parīkṣasi tvaṃ kāntamīdṛśaṃ guṇinaṃ sati
He who abandons an unopposed pleasure is a beast — there is no doubt here. Why do you test such a lover, so full of good qualities, O virtuous lady?
AI translation rendered from the Sanskrit, not a published edition
DB 9 18.93
देवानामसुराणां च दानवानां विमर्दकम् । यथा लक्ष्मीश्च लक्ष्मीशे यथा कृष्णे च राधिका
devānāmasurāṇāṃ ca dānavānāṃ vimardakam | yathā lakṣmīśca lakṣmīśe yathā kṛṣṇe ca rādhikā
(He is) the crusher of the gods, the asuras and the dānavas. As Lakṣmī is to the Lord of Lakṣmī, as Rādhikā is to Kṛṣṇa,
AI translation rendered from the Sanskrit, not a published edition
DB 9 18.94
यथा मयि च सावित्री भवानी च भवे यथा । यथा धरा वराहे च दक्षिणा च यथाध्वरे
yathā mayi ca sāvitrī bhavānī ca bhave yathā | yathā dharā varāhe ca dakṣiṇā ca yathādhvare
as Sāvitrī is to me, and as Bhavānī is to Bhava, as the Earth is to the Boar, and as Dakṣiṇā is to the sacrifice,
AI translation rendered from the Sanskrit, not a published edition
DB 9 18.95
द्यथात्रेरनसूया च दमयन्ती यथा नले । रोहिणी च यथा चन्द्रे यथा कामे रतिः सती
dyathātreranasūyā ca damayantī yathā nale | rohiṇī ca yathā candre yathā kāme ratiḥ satī
as Anasūyā is to Atri, as Damayantī is to Nala, as Rohiṇī is to the Moon, as the virtuous Rati is to Kāma,
AI translation rendered from the Sanskrit, not a published edition
DB 9 18.96
यथादितिः कश्यपे च वसिष्ठेऽरुन्धती सखी । यथाहल्या गौतमे च देवहूतिश्च कर्दमे
yathāditiḥ kaśyape ca vasiṣṭhe'rundhatī sakhī | yathāhalyā gautame ca devahūtiśca kardame
as Aditi is to Kaśyapa, as the companion Arundhatī is to Vasiṣṭha, as Ahalyā is to Gautama, and Devahūti to Kardama,
AI translation rendered from the Sanskrit, not a published edition
DB 9 18.97
यथा बृहस्पतौ तारा शतरूपा मनौ यथा । यथा च दक्षिणा यज्ञे यथा स्वाहा हुताशने
yathā bṛhaspatau tārā śatarūpā manau yathā | yathā ca dakṣiṇā yajñe yathā svāhā hutāśane
as Tārā is to Bṛhaspati, as Śatarūpā is to Manu, and as Dakṣiṇā is to the sacrifice, as Svāhā is to the Fire,
AI translation rendered from the Sanskrit, not a published edition
DB 9 18.98
यथा शची महेन्द्रे च यथा पुष्टिर्गणेश्वरे । देवसेना यथा स्कन्दे धर्मे भूर्तिर्यथा सती
yathā śacī mahendre ca yathā puṣṭirgaṇeśvare | devasenā yathā skande dharme bhūrtiryathā satī
as Śacī is to great Indra, as Puṣṭi is to the Lord of the Gaṇas, as Devasenā is to Skanda, as the virtuous Bhūti is to Dharma —
AI translation rendered from the Sanskrit, not a published edition
DB 9 18.99
सौभाग्या सुप्रिया त्वं च शङ्खचूडे तथा भव । अनेन सार्धं सुचिरं सुन्दरेण च सुन्दरि
saubhāgyā supriyā tvaṃ ca śaṅkhacūḍe tathā bhava | anena sārdhaṃ suciraṃ sundareṇa ca sundari
so may you too be fortunate and well-beloved to Śaṅkhacūḍa. O beautiful one, (dwell) long with this handsome one.
AI translation rendered from the Sanskrit, not a published edition
DB 9 18.100
स्थाने स्थाने विहारं च यथेच्छं कुरु सन्ततम् । पश्चात्प्राप्यसि गोलोके श्रीकृष्णं पुनरेव च । चतुर्भुजं च वैकुण्ठे शङ्खचूडे मृते सति
sthāne sthāne vihāraṃ ca yathecchaṃ kuru santatam | paścātprāpyasi goloke śrīkṛṣṇaṃ punareva ca | caturbhujaṃ ca vaikuṇṭhe śaṅkhacūḍe mṛte sati
Enjoy yourself constantly, from place to place, as you wish. Afterwards you will obtain Śrī Kṛṣṇa again in Goloka, and the four-armed one in Vaikuṇṭha, once Śaṅkhacūḍa is dead, O virtuous lady.
AI translation rendered from the Sanskrit, not a published edition