Devi Bhagavata Purana — Skandha 7 — Chapter 3
DB 7 3.1
च्यवनसुकन्ययोर्गार्हस्थ्यवर्णनम् व्यास उवाच - इति पप्रच्छ तान्सर्वान् राजा चिन्ताकुलस्तथा । पर्यपृच्छत्सुहृद्वर्गं साम्ना चोग्रतयापि च
cyavanasukanyayorgārhasthyavarṇanam vyāsa uvāca - iti papraccha tānsarvān rājā cintākulastathā | paryapṛcchatsuhṛdvargaṃ sāmnā cogratayāpi ca
Description of the household life of Cyavana and Sukanyā. Vyāsa said: Thus the king, distraught with anxiety, asked them all; and he questioned the company of his friends, both with conciliation and with harshness.
AI translation rendered from the Sanskrit, not a published edition
DB 7 3.2
पीड्यमानं जनं वीक्ष्य पितरं दुःखितं तथा । विचिन्त्य शूलभेदं सा सुकन्या चेदमब्रवीत्
pīḍyamānaṃ janaṃ vīkṣya pitaraṃ duḥkhitaṃ tathā | vicintya śūlabhedaṃ sā sukanyā cedamabravīt
Seeing the people afflicted and her father likewise grieved, Sukanyā, calling to mind the piercing with the spike, said this:
AI translation rendered from the Sanskrit, not a published edition — the model flagged this verse as uncertain
DB 7 3.3
वने मया पितस्तत्र वल्मीको वीरुधावृतः । क्रीडन्त्या सुदृढो दृष्टश्छिद्रद्वयसमन्वितः सप्तमस्कन्धे च्यवनसुकन्ययोर्गार्हस्थ्यवर्णनं नाम तृतीयोऽध्यायः
vane mayā pitastatra valmīko vīrudhāvṛtaḥ | krīḍantyā sudṛḍho dṛṣṭaśchidradvayasamanvitaḥ saptamaskandhe cyavanasukanyayorgārhasthyavarṇanaṃ nāma tṛtīyo'dhyāyaḥ
"Father, there in the forest, as I was playing, an anthill was seen by me, covered with creepers, very firm, and having two holes." — In the seventh book, the third chapter, called the Description of the Household Life of Cyavana and Sukanyā.
AI translation rendered from the Sanskrit, not a published edition
DB 7 3.4
तत्र खद्योतवद्दीप्तज्योतीषी वीक्षिते मया । सूच्याविद्धे महाराज पुनः खद्योतशङ्कया
tatra khadyotavaddīptajyotīṣī vīkṣite mayā | sūcyāviddhe mahārāja punaḥ khadyotaśaṅkayā
"There two lights shining like fireflies were looked at by me, and they were pierced with a needle, great king, again out of the supposition that they were fireflies."
AI translation rendered from the Sanskrit, not a published edition
DB 7 3.5
जलक्लिन्ना तदा सूची मया दृष्टा पितः किल । हाहेति च श्रुतः शब्दो मन्दो वल्मीकमध्यतः
jalaklinnā tadā sūcī mayā dṛṣṭā pitaḥ kila | hāheti ca śrutaḥ śabdo mando valmīkamadhyataḥ
"Then, father, the needle was seen by me wet with fluid, and a faint sound of 'alas, alas!' was heard from within the anthill."
AI translation rendered from the Sanskrit, not a published edition
DB 7 3.6
तदाहं विस्मिता राजन्किमेतदिति शङ्कया । न जाने किं मया विद्धं तस्मिन्वल्मीकमण्डले
tadāhaṃ vismitā rājankimetaditi śaṅkayā | na jāne kiṃ mayā viddhaṃ tasminvalmīkamaṇḍale
"Then I was astonished, O king, wondering what this might be; I do not know what it was that I pierced within that circle of the anthill."
AI translation rendered from the Sanskrit, not a published edition
DB 7 3.7
राजा श्रुत्वा तु शर्यातिः सुकन्यावचनं मृदु । मुनेस्तद्धेलनं ज्ञात्वा वल्मीकं क्षिप्रमभ्यगात्
rājā śrutvā tu śaryātiḥ sukanyāvacanaṃ mṛdu | munestaddhelanaṃ jñātvā valmīkaṃ kṣipramabhyagāt
But king Śaryāti, having heard Sukanyā's gentle speech, and understanding that this was a slight to the sage, went quickly to the anthill.
AI translation rendered from the Sanskrit, not a published edition
DB 7 3.8
तत्रापश्यत्तपोवृद्धं च्यवनं दुःखितं भृशम् । स्फोटयामास वल्मीकं मुनिदेहावृतं भृशम्
tatrāpaśyattapovṛddhaṃ cyavanaṃ duḥkhitaṃ bhṛśam | sphoṭayāmāsa valmīkaṃ munidehāvṛtaṃ bhṛśam
There he saw Cyavana, grown old in austerity, exceedingly pained; and he broke open the anthill that closely enveloped the sage's body.
AI translation rendered from the Sanskrit, not a published edition
DB 7 3.9
प्रणम्य दण्डवद्भूमौ राजा तं भार्गवं प्रति । तुष्टाव विनयोपेतस्तमुवाच कृताञ्जलिः
praṇamya daṇḍavadbhūmau rājā taṃ bhārgavaṃ prati | tuṣṭāva vinayopetastamuvāca kṛtāñjaliḥ
Bowing down to the ground like a staff before that descendant of Bhṛgu, the king, filled with humility, praised him and, with joined palms, said to him:
AI translation rendered from the Sanskrit, not a published edition
DB 7 3.10
पुत्र्या मम महाभाग क्रीडन्त्या दुष्कृतं कृतम् । अज्ञानाद्बालया ब्रह्मन् कृतं तत्क्षन्तुमर्हसि
putryā mama mahābhāga krīḍantyā duṣkṛtaṃ kṛtam | ajñānādbālayā brahman kṛtaṃ tatkṣantumarhasi
"O greatly fortunate one, a wrong was done by my daughter while she was playing; it was done by a child out of ignorance, O brahman — you ought to forgive it."
AI translation rendered from the Sanskrit, not a published edition
DB 7 3.11
अक्रोधना हि मुनयो भवन्तीति मया श्रुतम् । तस्मात्त्वमपि बालायाः क्षन्तुमर्हसि साम्प्रतम्
akrodhanā hi munayo bhavantīti mayā śrutam | tasmāttvamapi bālāyāḥ kṣantumarhasi sāmpratam
"For I have heard that sages are free from anger; therefore you too ought now to forgive the girl."
AI translation rendered from the Sanskrit, not a published edition
DB 7 3.12
व्यास उवाच - इति श्रुत्वा वचस्तस्य च्यवनो वाक्यमब्रवीत् । विनयोपनतं दृष्ट्वा राजानं दुःखितं भृशम्
vyāsa uvāca - iti śrutvā vacastasya cyavano vākyamabravīt | vinayopanataṃ dṛṣṭvā rājānaṃ duḥkhitaṃ bhṛśam
Vyāsa said: Hearing these words of his, Cyavana spoke, seeing the king bowed down in humility and exceedingly grieved.
AI translation rendered from the Sanskrit, not a published edition
DB 7 3.13
च्यवन उवाच - राजन्नाहं कदाचिद्वै करोमि क्रोधमण्वपि । न मयाद्यैव शप्तस्त्वं दुहित्रा पीडने कृते
cyavana uvāca - rājannāhaṃ kadācidvai karomi krodhamaṇvapi | na mayādyaiva śaptastvaṃ duhitrā pīḍane kṛte
Cyavana said: O king, I never harbour anger, not even a little; you have not been cursed by me even today, though the injury was done by your daughter.
AI translation rendered from the Sanskrit, not a published edition
DB 7 3.14
नेत्रे पीडा समुत्पन्ना मम चाद्य निरागसः । तेन पापेन जानामि दुःखितस्त्वं महीपते
netre pīḍā samutpannā mama cādya nirāgasaḥ | tena pāpena jānāmi duḥkhitastvaṃ mahīpate
Pain has arisen in my eyes today, though I am guiltless; by that sin, I know, you are grieved, O lord of the earth.
AI translation rendered from the Sanskrit, not a published edition
DB 7 3.15
अपराधं परं कृत्वा देवीभक्तस्य को जनः । सुखं लभेत यदपि भवेत् त्राता शिवः स्वयम्
aparādhaṃ paraṃ kṛtvā devībhaktasya ko janaḥ | sukhaṃ labheta yadapi bhavet trātā śivaḥ svayam
Having committed a great offence against a devotee of the Goddess, what person could obtain happiness, even if Śiva himself were his protector?
AI translation rendered from the Sanskrit, not a published edition
DB 7 3.16
किं करोमि महीपाल नेत्रहीनो जरावृतः । अन्धस्य परिचर्यां च कः करिष्यति पार्थिव
kiṃ karomi mahīpāla netrahīno jarāvṛtaḥ | andhasya paricaryāṃ ca kaḥ kariṣyati pārthiva
What am I to do, O ruler of the earth, deprived of my eyes and overtaken by old age? And who, O king, will perform the service of a blind man?
AI translation rendered from the Sanskrit, not a published edition
DB 7 3.17
राजोवाच - सेवका बहवः सेवां करिष्यन्ति तवानिशम् । क्षमस्व मुनिशार्दूल स्वल्पक्रोधा हि तापसाः
rājovāca - sevakā bahavaḥ sevāṃ kariṣyanti tavāniśam | kṣamasva muniśārdūla svalpakrodhā hi tāpasāḥ
The king said: Many servants will render you service constantly. Forgive, O tiger among sages, for ascetics have but little anger.
AI translation rendered from the Sanskrit, not a published edition
DB 7 3.18
च्यवन उवाच - अन्धोऽहं निर्जनो राजंस्तपस्तप्तुं कथं क्षमः । त्वदीयाः सेवकाः किं ते करिष्यन्ति मम प्रियम्
cyavana uvāca - andho'haṃ nirjano rājaṃstapastaptuṃ kathaṃ kṣamaḥ | tvadīyāḥ sevakāḥ kiṃ te kariṣyanti mama priyam
Cyavana said: I am blind and without company, O king; how am I able to perform austerity? What good will these servants of yours do for me?
AI translation rendered from the Sanskrit, not a published edition
DB 7 3.19
क्षमापयसि चेन्मां त्वं कुरु मे वचनं नृप । देहि मे परिचर्यार्थं कन्यां कमललोचनाम्
kṣamāpayasi cenmāṃ tvaṃ kuru me vacanaṃ nṛpa | dehi me paricaryārthaṃ kanyāṃ kamalalocanām
"If you would make me forgiving, then do as I say, O king: give me, for the sake of my attendance, a lotus-eyed maiden."
AI translation rendered from the Sanskrit, not a published edition
DB 7 3.20
तुष्येऽनया महाराज पुत्र्या तव महामते । करिष्यामि तपश्चाहं सा मे सेवां करिष्यति
tuṣye'nayā mahārāja putryā tava mahāmate | kariṣyāmi tapaścāhaṃ sā me sevāṃ kariṣyati
"I shall be satisfied with her, great king, with this daughter of yours, O greatly wise one; and I shall perform austerity, while she will do me service."
AI translation rendered from the Sanskrit, not a published edition
DB 7 3.21
एवं कृते सुखं मे स्यात्तव चैव भविष्यति । सन्तुष्टे मयि राजेन्द्र सैनिकानां न संशयः
evaṃ kṛte sukhaṃ me syāttava caiva bhaviṣyati | santuṣṭe mayi rājendra sainikānāṃ na saṃśayaḥ
"When this is done there will be happiness for me, and for you too it shall come to be; and when I am well pleased, O lord of kings, there is no doubt (of good fortune) for your soldiers."
AI translation rendered from the Sanskrit, not a published edition
DB 7 3.22
विचिन्त्य मनसा भूप कन्यादानं समाचर । न चात्र दूषणं किञ्चित्तापसोऽहं यतव्रतः
vicintya manasā bhūpa kanyādānaṃ samācara | na cātra dūṣaṇaṃ kiñcittāpaso'haṃ yatavrataḥ
"Consider it in your mind, O ruler of the earth, and carry out the giving of your daughter. There is no fault at all in this: I am an ascetic, firm in my vows."
AI translation rendered from the Sanskrit, not a published edition
DB 7 3.23
व्यास उवाच - शर्यातिर्वचनं श्रुत्वा मुनेश्चिन्तातुरोऽभवत् । न दास्येऽप्यथवा दास्ये किञ्चिन्नोवाच भारत
vyāsa uvāca - śaryātirvacanaṃ śrutvā muneścintāturo'bhavat | na dāsye'pyathavā dāsye kiñcinnovāca bhārata
Vyāsa said: Hearing the sage's speech, Śaryāti became troubled with worry; he said nothing at all, O Bhārata—neither "I will not give her," nor "I will give her."
AI translation rendered from the Sanskrit, not a published edition
DB 7 3.24
कथमन्धाय वृद्धाय कुरूपाय सुतामिमाम् । देवकन्योपमां दत्त्वा सुखी स्यामात्मसम्भवाम्
kathamandhāya vṛddhāya kurūpāya sutāmimām | devakanyopamāṃ dattvā sukhī syāmātmasambhavām
"How, having given this daughter of mine, born of myself and like a maiden of the gods, to a man blind, aged and ugly, could I be happy?"
AI translation rendered from the Sanskrit, not a published edition
DB 7 3.25
को वात्मनः सुखार्थाय पुत्र्याः संसारजं सुखम् । हरतेऽल्पमतिः पापो जानन्नपि शुभाशुभम्
ko vātmanaḥ sukhārthāya putryāḥ saṃsārajaṃ sukham | harate'lpamatiḥ pāpo jānannapi śubhāśubham
"And who, of small understanding and sinful, would rob a daughter of the happiness that arises in worldly life for the sake of his own happiness, even though he knows good from bad?"
AI translation rendered from the Sanskrit, not a published edition
DB 7 3.26
प्राप्य सा च्यवनं सुभ्रूः पञ्चबाणशरार्दिता । अन्धं वृद्धं पतिं प्राप्य कथं कालं नयिष्यति
prāpya sā cyavanaṃ subhrūḥ pañcabāṇaśarārditā | andhaṃ vṛddhaṃ patiṃ prāpya kathaṃ kālaṃ nayiṣyati
"That fair-browed girl, tormented by the arrows of the five-arrowed one (Kāma), having got Cyavana—having got a husband blind and old—how will she pass her time?"
AI translation rendered from the Sanskrit, not a published edition
DB 7 3.27
यौवने दुर्जयः कामो विशेषेण सुरूपया । आत्मतुल्यं पतिं प्राप्य किमु वृद्धं विलोचनम्
yauvane durjayaḥ kāmo viśeṣeṇa surūpayā | ātmatulyaṃ patiṃ prāpya kimu vṛddhaṃ vilocanam
"In youth desire is hard to conquer, especially for one who is beautiful, even when she has got a husband equal to herself—how much more so an old man without eyes!"
AI translation rendered from the Sanskrit, not a published edition
DB 7 3.28
गौतमं तापसं प्राप्य रूपयौवनसंयुता । अहल्या वासवेनाशु वञ्चिता वरवर्णिनी
gautamaṃ tāpasaṃ prāpya rūpayauvanasaṃyutā | ahalyā vāsavenāśu vañcitā varavarṇinī
"Ahalyā of fair complexion, endowed with beauty and youth, having got Gautama the ascetic (for a husband), was quickly deceived by Vāsava (Indra);"
AI translation rendered from the Sanskrit, not a published edition
DB 7 3.29
शप्ता च पतिना पश्चाज्ज्ञात्वा धर्मविपर्ययम् । तस्माद्भवतु मे दुःखं न ददामि सुकन्यकाम्
śaptā ca patinā paścājjñātvā dharmaviparyayam | tasmādbhavatu me duḥkhaṃ na dadāmi sukanyakām
"and afterwards she was cursed by her husband, when he learned of the transgression of dharma. Therefore let sorrow be mine—I will not give Sukanyā."
AI translation rendered from the Sanskrit, not a published edition
DB 7 3.30
इति सञ्चिन्त्य शर्यातिर्विमना स्वगृहं ययौ । सचिवांश्च समादाय मन्त्रं चक्रेऽतिदुःखितः
iti sañcintya śaryātirvimanā svagṛhaṃ yayau | sacivāṃśca samādāya mantraṃ cakre'tiduḥkhitaḥ
Having reflected thus, Śaryāti went dejected to his own house, and gathering his counsellors he took counsel, being greatly grieved.
AI translation rendered from the Sanskrit, not a published edition
DB 7 3.31
भो मन्त्रिणो ब्रुवन्त्वद्य किं कर्तव्यं मयाधुना । पुत्री देयाथ विप्राय भोक्तव्यं दुःखमेव वा
bho mantriṇo bruvantvadya kiṃ kartavyaṃ mayādhunā | putrī deyātha viprāya bhoktavyaṃ duḥkhameva vā
"Ho, counsellors, speak today: what is now to be done by me? Should my daughter be given to the brahmin, or should sorrow simply be endured?"
AI translation rendered from the Sanskrit, not a published edition
DB 7 3.32
विचारयध्वं मिलिता हितं स्यान्मम वै कथम् । मन्त्रिण ऊचुः - किं ब्रूमोऽस्मिन्महाराज सङ्कटेऽतिदुरासदे
vicārayadhvaṃ militā hitaṃ syānmama vai katham | mantriṇa ūcuḥ - kiṃ brūmo'sminmahārāja saṅkaṭe'tidurāsade
"Deliberate together: how may there be benefit for me?" The counsellors said: "What are we to say, great king, in this crisis, so very hard to get past?"
AI translation rendered from the Sanskrit, not a published edition
DB 7 3.33
दुर्भगाय सुकन्यैषा कथं देयातिसुन्दरी । व्यास उवाच - तदा चिन्ताकुलं वीक्ष्य पितरं मन्त्रिणस्तदा
durbhagāya sukanyaiṣā kathaṃ deyātisundarī | vyāsa uvāca - tadā cintākulaṃ vīkṣya pitaraṃ mantriṇastadā
"How is this Sukanyā, so exceedingly lovely, to be given to an unfortunate man?" Vyāsa said: Then, when the counsellors (were there), seeing her father distracted with worry,
AI translation rendered from the Sanskrit, not a published edition
DB 7 3.34
सुकन्या त्विङ्गितं ज्ञात्वा प्रहस्येदमुवाच ह । पितः कस्माद्भवानद्य चिन्ताव्याकुलितेन्द्रियः
sukanyā tviṅgitaṃ jñātvā prahasyedamuvāca ha | pitaḥ kasmādbhavānadya cintāvyākulitendriyaḥ
Sukanyā, understanding the situation from the signs, laughed and said this: "Father, why are you today with your senses agitated by worry?
AI translation rendered from the Sanskrit, not a published edition
DB 7 3.35
मत्कृते दुःखसंविग्नो विषण्णवदनोऽसि वै । अहं गत्वा मुनिं तत्र समाश्वास्य भयार्दितम्
matkṛte duḥkhasaṃvigno viṣaṇṇavadano'si vai | ahaṃ gatvā muniṃ tatra samāśvāsya bhayārditam
On my account you are distressed with sorrow and your face is downcast. I shall go there and reassure the sage, who is afflicted by fear,
AI translation rendered from the Sanskrit, not a published edition
DB 7 3.36
करिष्यामि प्रसन्नं तं आत्मदानेन वै पितः । इति राजा वचः श्रुत्वा भाषितं यत्सुकन्यया
kariṣyāmi prasannaṃ taṃ ātmadānena vai pitaḥ | iti rājā vacaḥ śrutvā bhāṣitaṃ yatsukanyayā
and I shall make him gracious by the gift of myself, father." Hearing this speech, which was spoken by Sukanyā, the king,
AI translation rendered from the Sanskrit, not a published edition
DB 7 3.37
तामुवाच प्रसन्नात्मा सचिवानां च शृण्वताम् । कथं पुत्रि त्वमन्धस्य परिचर्यां वनेऽबला
tāmuvāca prasannātmā sacivānāṃ ca śṛṇvatām | kathaṃ putri tvamandhasya paricaryāṃ vane'balā
with a gladdened heart, said to her, while the counsellors listened: "How, daughter, will you, a weak woman, in the forest render service to a blind man,
AI translation rendered from the Sanskrit, not a published edition
DB 7 3.38
करिष्यसि जरार्तस्य क्रोधनस्य विशेषतः । कथमन्धाय चानेन रूपेण रतिसन्निभाम्
kariṣyasi jarārtasya krodhanasya viśeṣataḥ | kathamandhāya cānena rūpeṇa ratisannibhām
afflicted with old age and, what is more, irascible? And how (can I give) to a blind man one who with this beauty is the very likeness of Rati,
AI translation rendered from the Sanskrit, not a published edition
DB 7 3.39
ददामि जरया ग्रस्तदेहाय सुखवाञ्छया । पित्रा पुत्री प्रदातव्या वयोज्ञातिबलाय च
dadāmi jarayā grastadehāya sukhavāñchayā | pitrā putrī pradātavyā vayojñātibalāya ca
"(Am I) to give (you), out of a desire for (my own) comfort, to one whose body is seized by old age? A daughter should be given by her father to one (equal in) age, kin, and strength,
AI translation rendered from the Sanskrit, not a published edition
DB 7 3.40
धनधान्यसमृद्धाय नाधनाय कदाचन । क्व ते रूपं विशालाक्षि क्वासौ वृद्धो वनेचरः
dhanadhānyasamṛddhāya nādhanāya kadācana | kva te rūpaṃ viśālākṣi kvāsau vṛddho vanecaraḥ
to one rich in wealth and grain, never to one without wealth. Where is your beauty, wide-eyed girl, and where is that aged forest-dweller?
AI translation rendered from the Sanskrit, not a published edition
DB 7 3.41
कथं देया मया पुत्री तस्मै नातिवराय च । उटजे नियतं वासो यस्य नित्यं मनोहरे
kathaṃ deyā mayā putrī tasmai nātivarāya ca | uṭaje niyataṃ vāso yasya nityaṃ manohare
How is my daughter to be given by me to him, who is no fit bridegroom, and whose dwelling is forever fixed in a hut, O charming one?
AI translation rendered from the Sanskrit, not a published edition
DB 7 3.42
कथमम्बुजपत्राक्षि कल्पनीयो मया तव । मरणं मे वरं प्राप्तं सैनिकानां तथैव च
kathamambujapatrākṣi kalpanīyo mayā tava | maraṇaṃ me varaṃ prāptaṃ sainikānāṃ tathaiva ca
How, lotus-petal-eyed girl, is (this) to be arranged by me for you? Death has come to me and likewise to (my) soldiers.
AI translation rendered from the Sanskrit, not a published edition
DB 7 3.43
न ते प्रदानमन्धाय रोचते पिकभाषिणि । भवितव्यं भवत्येव धैर्यं नैव त्यजाम्यहम्
na te pradānamandhāya rocate pikabhāṣiṇi | bhavitavyaṃ bhavatyeva dhairyaṃ naiva tyajāmyaham
Giving you away to a blind man does not please me, O you who speak like a cuckoo. What is to be will surely be; I shall not abandon my firmness.
AI translation rendered from the Sanskrit, not a published edition
DB 7 3.44
सुस्थिरा भव सुश्रोणि न दास्येऽन्धाय कर्हिचित् । राज्यं तिष्ठतु वा यातु देहोऽयं च तथैव मे
susthirā bhava suśroṇi na dāsye'ndhāya karhicit | rājyaṃ tiṣṭhatu vā yātu deho'yaṃ ca tathaiva me
Be quite calm, fair-hipped one; I will not ever give (you) to a blind man. Let the kingdom stand or go, and likewise this body of mine.
AI translation rendered from the Sanskrit, not a published edition
DB 7 3.45
न त्वां दास्याम्यहं तस्मै नेत्रहीनाय बालिके । सुकन्या तं तदा प्राह श्रुत्व तद्वचनं पितुः
na tvāṃ dāsyāmyahaṃ tasmai netrahīnāya bālike | sukanyā taṃ tadā prāha śrutva tadvacanaṃ pituḥ
I shall not give you to him who is without eyes, little girl." Then, having heard that speech of her father, Sukanyā said to him
AI translation rendered from the Sanskrit, not a published edition
DB 7 3.46
प्रसन्नवदनातीव स्नेहयुक्तमिदं वचः । सुकन्योवाच - न मे चिन्ता पितः कार्या देहि मां मुनयेऽधुना
prasannavadanātīva snehayuktamidaṃ vacaḥ | sukanyovāca - na me cintā pitaḥ kāryā dehi māṃ munaye'dhunā
with a most cheerful face this speech, filled with affection. Sukanyā said: No anxiety should be felt by you, father; give me to the sage now.
AI translation rendered from the Sanskrit, not a published edition
DB 7 3.47
सुखं भवतु सर्वेषां लोकानां मत्कृतेन हि । सेवयिष्यामि सन्तुष्टा पतिं परमपावनम्
sukhaṃ bhavatu sarveṣāṃ lokānāṃ matkṛtena hi | sevayiṣyāmi santuṣṭā patiṃ paramapāvanam
Let there be happiness for all the worlds through what I do. Contented, I shall serve (my) husband, supremely purifying (as he is),
AI translation rendered from the Sanskrit, not a published edition
DB 7 3.48
भक्त्या परमया चापि वृद्धं च विजने वने । सतीधर्मपरा चाहं चरिष्यामि सुसम्मतम्
bhaktyā paramayā cāpi vṛddhaṃ ca vijane vane | satīdharmaparā cāhaṃ cariṣyāmi susammatam
and aged, with the highest devotion, in the lonely forest; and devoted to the duty of a faithful wife, I shall conduct myself in a wholly approved manner.
AI translation rendered from the Sanskrit, not a published edition
DB 7 3.49
न भोगेच्छास्ति मे तात स्वस्थं चित्तं ममानघ । व्यास उवाच - तच्छ्रुत्वा भाषितं तस्या मन्त्रिणो विस्मयं गताः
na bhogecchāsti me tāta svasthaṃ cittaṃ mamānagha | vyāsa uvāca - tacchrutvā bhāṣitaṃ tasyā mantriṇo vismayaṃ gatāḥ
I have no desire for enjoyments, father; my mind is at ease, O sinless one. Vyāsa said: Hearing that speech of hers, the ministers were amazed,
AI translation rendered from the Sanskrit, not a published edition
DB 7 3.50
राजा च परमप्रीतो जगाम मुनिसन्निधौ । गत्वा प्रणम्य शिरसा तमुवाच तपोधनम्
rājā ca paramaprīto jagāma munisannidhau | gatvā praṇamya śirasā tamuvāca tapodhanam
and the king, greatly pleased, went into the sage's presence; having gone and bowed with his head, he said to that one rich in austerity:
AI translation rendered from the Sanskrit, not a published edition
DB 7 3.51
स्वामिन् गृहाण पुत्रीं मे सेवार्थं विधिवद्विभो । इत्युक्त्वासौ ददौ पुत्रीं विवाहविधिना नृपः
svāmin gṛhāṇa putrīṃ me sevārthaṃ vidhivadvibho | ityuktvāsau dadau putrīṃ vivāhavidhinā nṛpaḥ
"Lord, take my daughter for (your) service, according to rule, O mighty one." Having said this, the king gave (his) daughter with the marriage rite.
AI translation rendered from the Sanskrit, not a published edition
DB 7 3.52
प्रतिगृह्य मुनिः कन्यां प्रसन्नो भार्गवोऽभवत् । पारिबर्हं न जग्राह दीयमानं नृपेण ह
pratigṛhya muniḥ kanyāṃ prasanno bhārgavo'bhavat | pāribarhaṃ na jagrāha dīyamānaṃ nṛpeṇa ha
Having accepted the girl, the sage, the descendant of Bhṛgu, became pleased; he did not accept the wedding gift that was being offered by the king.
AI translation rendered from the Sanskrit, not a published edition
DB 7 3.53
कन्यामेवाग्रहीत्कामं परिचर्यार्थमात्मनः । प्रसन्नेऽस्मिन्मुनौ जातं सैनिकानां सुखं तदा
kanyāmevāgrahītkāmaṃ paricaryārthamātmanaḥ | prasanne'sminmunau jātaṃ sainikānāṃ sukhaṃ tadā
He took only the girl, as he wished, for his own attendance. When this sage was pleased, happiness then arose for the soldiers,
AI translation rendered from the Sanskrit, not a published edition
DB 7 3.54
राज्ञश्च परमाह्लादः सञ्जातस्तत्क्षणादपि । दत्त्वा पुत्रीं यदा राजा गमनाय गृहं प्रति
rājñaśca paramāhlādaḥ sañjātastatkṣaṇādapi | dattvā putrīṃ yadā rājā gamanāya gṛhaṃ prati
and the king's supreme delight arose from that very moment. When, having given (his) daughter, the king (turned his) mind toward going home,
AI translation rendered from the Sanskrit, not a published edition
DB 7 3.55
मतिं चकार तवङ्गी तदोवाच नृपं सुता । सुकन्योवाच - गृहाण मम वासांसि भूषणानि च मे पितः
matiṃ cakāra tavaṅgī tadovāca nṛpaṃ sutā | sukanyovāca - gṛhāṇa mama vāsāṃsi bhūṣaṇāni ca me pitaḥ
the slender-limbed girl, (his) daughter, then said to the king — Sukanyā said: Take my garments and my ornaments, father;
AI translation rendered from the Sanskrit, not a published edition
DB 7 3.56
वल्कलं परिधानाय प्रयच्छाजिनमुत्तमम् । वेषं तु मुनिपत्नीनां कृत्वा तपसि सेवनम्
valkalaṃ paridhānāya prayacchājinamuttamam | veṣaṃ tu munipatnīnāṃ kṛtvā tapasi sevanam
give (me) bark-cloth for clothing and an excellent (deer)skin. Adopting the dress of sages' wives, (I shall render) service in austerity;
AI translation rendered from the Sanskrit, not a published edition
DB 7 3.57
करिष्यामि तथा तात यथा ते कीर्तिरच्युता । भविष्यति भुवः पृष्ठे तथा स्वर्गे रसातले
kariṣyāmi tathā tāta yathā te kīrtiracyutā | bhaviṣyati bhuvaḥ pṛṣṭhe tathā svarge rasātale
I shall so act, father, that your fame will be unfading upon the surface of the earth, and likewise in heaven and in the nether world.
AI translation rendered from the Sanskrit, not a published edition
DB 7 3.58
परलोकसुखायाहं चरिष्यामि दिवानिशम् । दत्त्वान्धाय च वृद्धाय सुन्दरीं युवतीं तु माम्
paralokasukhāyāhaṃ cariṣyāmi divāniśam | dattvāndhāya ca vṛddhāya sundarīṃ yuvatīṃ tu mām
For the sake of happiness in the next world I shall conduct myself day and night. Having given me, a beautiful young woman, to a blind and aged man,
AI translation rendered from the Sanskrit, not a published edition
DB 7 3.59
चिन्ता त्वया न कर्तव्या शीलनाशसमुद्भवा । अरुन्धती वसिष्ठस्य धर्मपत्नी यथा भुवि
cintā tvayā na kartavyā śīlanāśasamudbhavā | arundhatī vasiṣṭhasya dharmapatnī yathā bhuvi
You must not worry that (my) chastity will be destroyed. As Arundhatī on earth was the lawful wife of Vasiṣṭha,
AI translation rendered from the Sanskrit, not a published edition
DB 7 3.60
तथैवाहं भविष्यामि नात्र कार्या विचारणा । अनसूया यथा साध्वी भार्यात्रेः प्रथिता भुवि
tathaivāhaṃ bhaviṣyāmi nātra kāryā vicāraṇā | anasūyā yathā sādhvī bhāryātreḥ prathitā bhuvi
just so shall I be; no doubting is to be done here. As Anasūyā, the virtuous wife of Atri, is renowned on earth,
AI translation rendered from the Sanskrit, not a published edition
DB 7 3.61
तथैवाहं भविष्यामि पुत्री कीर्तिकरी तव । सुकन्यावचनं श्रुत्वा राजा परमधर्मवित्
tathaivāhaṃ bhaviṣyāmi putrī kīrtikarī tava | sukanyāvacanaṃ śrutvā rājā paramadharmavit
just so shall I be, a daughter who brings you fame. Hearing Sukanyā's words, the king, who knew the highest law,
AI translation rendered from the Sanskrit, not a published edition
DB 7 3.62
दत्त्वाजिनं रुरोदाशु वीक्ष्य तां चारुहासिनीम् । त्यक्त्वा भूषणवासांसि मुनिवेषधरां सुताम्
dattvājinaṃ rurodāśu vīkṣya tāṃ cāruhāsinīm | tyaktvā bhūṣaṇavāsāṃsi muniveṣadharāṃ sutām
gave (her) a deerskin and at once wept, looking upon her of the lovely smile, (his) daughter who had cast off ornaments and garments and wore the dress of an ascetic.
AI translation rendered from the Sanskrit, not a published edition
DB 7 3.63
विवर्णवदनो भूत्वा स्थितस्तत्रैव पार्थिवः । राज्ञ्यः सर्वाः सुतां दृष्ट्वा वल्कलाजिनधारिणीम्
vivarṇavadano bhūtvā sthitastatraiva pārthivaḥ | rājñyaḥ sarvāḥ sutāṃ dṛṣṭvā valkalājinadhāriṇīm
His face grown pale, the ruler stood right there; and all the queens, seeing the daughter clad in bark and deerskin,
AI translation rendered from the Sanskrit, not a published edition
DB 7 3.64
रुरुदुर्भृशशोकार्ता वेपमाना इवाभवन् । तामापृच्छ्य महीपालो मन्त्रिभिः परिवारितः । ययौ स्वनगरं राजन् मुक्त्वा पुत्रीं शुचार्पिताम्
rurudurbhṛśaśokārtā vepamānā ivābhavan | tāmāpṛcchya mahīpālo mantribhiḥ parivāritaḥ | yayau svanagaraṃ rājan muktvā putrīṃ śucārpitām
wept, sorely stricken with grief, and were as if trembling. Taking his leave of her, the king, surrounded by his ministers, went to his own city, O king, leaving behind his daughter who was given over to grief.
AI translation rendered from the Sanskrit, not a published edition