Devi Bhagavata Purana — Skandha 7 — Chapter 22
DB 7 22.1
हरिश्चन्द्रस्य पत्नीपुत्रविक्रयवर्णनम् व्यास उवाच - स तया नोद्यमानस्तु राजा पत्न्या पुनः पुनः । प्राह भद्रे करोम्येष विक्रयं ते सुनिर्घृणः
hariścandrasya patnīputravikrayavarṇanam vyāsa uvāca - sa tayā nodyamānastu rājā patnyā punaḥ punaḥ | prāha bhadre karomyeṣa vikrayaṃ te sunirghṛṇaḥ
The narration of Hariścandra's sale of his wife and son. Vyāsa said: That king, urged by her, by his wife, again and again, said: "Good lady, I, utterly pitiless, will make this sale of you."
AI translation rendered from the Sanskrit, not a published edition
DB 7 22.2
नृशंसैरपि यत्कर्तुं न शक्यं तत्करोम्यहम् । यदि ते भ्राजते वाणी वक्तुमीदृक्सुनिष्ठुरम्
nṛśaṃsairapi yatkartuṃ na śakyaṃ tatkaromyaham | yadi te bhrājate vāṇī vaktumīdṛksuniṣṭhuram
"What even cruel men are unable to do, that I do — if such an utterly harsh speech shines forth from you to say (it)."
AI translation rendered from the Sanskrit, not a published edition — the model flagged this verse as uncertain
DB 7 22.4
एवमुक्त्वा ततो राजा गत्वा नगरमातुरः । अवतार्य तदा रङ्गे तां भार्यां नृपसत्तमः । बाष्पगद्गदकण्ठस्तु ततो वचनमब्रवीत् । भो भो नागरिकाः सर्वे शृणुध्वं वचनं मम
evamuktvā tato rājā gatvā nagaramāturaḥ | avatārya tadā raṅge tāṃ bhāryāṃ nṛpasattamaḥ | bāṣpagadgadakaṇṭhastu tato vacanamabravīt | bho bho nāgarikāḥ sarve śṛṇudhvaṃ vacanaṃ mama
Having spoken thus, the king, distressed, then went to the city; and that best of kings, bringing his wife down into the marketplace, his throat choked with tears, then spoke these words: "Ho, ho, all you townsfolk, hear my words!"
AI translation rendered from the Sanskrit, not a published edition
DB 7 22.5
कस्यचिद्यदि कार्यं स्याद्दास्या प्राणेष्टया मम । स ब्रवीतु त्वरायुक्तो यावत्स्वं धारयाम्यहम्
kasyacidyadi kāryaṃ syāddāsyā prāṇeṣṭayā mama | sa bravītu tvarāyukto yāvatsvaṃ dhārayāmyaham
"If anyone has need of a female slave, dear to me as my life, let him speak quickly, while I still hold my own (property)."
AI translation rendered from the Sanskrit, not a published edition
DB 7 22.6
तेऽब्रुवन्पण्डिताः कस्त्वं पत्नीं विक्रेतुमागतः । राजोवाच - किं मां पृच्छथ कस्त्वं भो नृशंसोऽहममानुषः
te'bruvanpaṇḍitāḥ kastvaṃ patnīṃ vikretumāgataḥ | rājovāca - kiṃ māṃ pṛcchatha kastvaṃ bho nṛśaṃso'hamamānuṣaḥ
Those learned men said: "Who are you, come to sell your wife?" The king said: "Why do you ask me who I am? Sirs, I am a cruel man, no human being;
AI translation rendered from the Sanskrit, not a published edition
DB 7 22.7
राक्षसो वास्मि कठिनस्ततः पापं करोम्यहम् । व्यास उवाच - तं शब्दं सहसा श्रुत्वा कौशिको विप्ररूपधृक्
rākṣaso vāsmi kaṭhinastataḥ pāpaṃ karomyaham | vyāsa uvāca - taṃ śabdaṃ sahasā śrutvā kauśiko viprarūpadhṛk
"Or I am a rākṣasa, hard-hearted; therefore I do evil." Vyāsa said: Having suddenly heard that speech, Kauśika, taking on the form of a brahmin,
AI translation rendered from the Sanskrit, not a published edition
DB 7 22.8
वृद्धरूपं समास्थाय हरिश्चन्द्रमभाषत । समर्पयस्व मे दासीमहं क्रेता धनप्रदः
vṛddharūpaṃ samāsthāya hariścandramabhāṣata | samarpayasva me dāsīmahaṃ kretā dhanapradaḥ
assuming the appearance of an old man, spoke to Hariścandra: "Hand over the slave-woman to me; I am a buyer who will give wealth.
AI translation rendered from the Sanskrit, not a published edition
DB 7 22.9
अस्ति मे वित्तमतुलं सुकुमारी च मे प्रिया । गृहकर्म न शक्नोति कर्तुमस्मात्प्रयच्छ मे
asti me vittamatulaṃ sukumārī ca me priyā | gṛhakarma na śaknoti kartumasmātprayaccha me
I have wealth beyond measure, and my beloved is very delicate; she cannot do the housework — therefore give (her) to me.
AI translation rendered from the Sanskrit, not a published edition
DB 7 22.10
अहं गृह्णामि दासीं तु कति दास्यामि ते धनम् । एवमुक्ते तु विप्रेण हरिश्चन्द्रस्य भूपतेः
ahaṃ gṛhṇāmi dāsīṃ tu kati dāsyāmi te dhanam | evamukte tu vipreṇa hariścandrasya bhūpateḥ
I will take the slave-woman; how much wealth shall I give you?" But when the brahmin had spoken thus, of Hariścandra the king
AI translation rendered from the Sanskrit, not a published edition
DB 7 22.11
विदीर्णं तु मनो दुःखान्न चैनं किञ्चिदब्रवीत् । विप्र उवाच - कर्मणश्च वयोरूपशीलानां तव योषितः
vidīrṇaṃ tu mano duḥkhānna cainaṃ kiñcidabravīt | vipra uvāca - karmaṇaśca vayorūpaśīlānāṃ tava yoṣitaḥ
the mind was torn apart by grief, and he said nothing at all to him. The brahmin said: "In accordance with the work, age, beauty and character of your woman —
AI translation rendered from the Sanskrit, not a published edition
DB 7 22.12
अनुरूपमिदं वित्तं गृहाणार्पय मेऽबलाम् । धर्मशास्त्रेषु यद् दृष्टं स्त्रियो मौल्यं नरस्य च
anurūpamidaṃ vittaṃ gṛhāṇārpaya me'balām | dharmaśāstreṣu yad dṛṣṭaṃ striyo maulyaṃ narasya ca
this wealth is suitable; take it and hand the woman over to me. What is laid down in the treatises on dharma as the price of a woman and of a man (is this):
AI translation rendered from the Sanskrit, not a published edition
DB 7 22.13
द्वात्रिंशल्लक्षणोपेता दक्षा शीलगुणान्विता । कोटिमौल्यं सुवर्णस्य स्त्रियः पुंसस्तथार्बुदम्
dvātriṃśallakṣaṇopetā dakṣā śīlaguṇānvitā | koṭimaulyaṃ suvarṇasya striyaḥ puṃsastathārbudam
a woman endowed with the thirty-two marks, skilful, possessed of good character and virtues, has a price of ten million in gold, and a man of a hundred million."
AI translation rendered from the Sanskrit, not a published edition
DB 7 22.14
इत्याकर्ण वचस्तस्य हरिश्चन्द्रो महीपतिः । दुःखेन महताऽऽविष्टो न चैनं किञ्चिदब्रवीत्
ityākarṇa vacastasya hariścandro mahīpatiḥ | duḥkhena mahatā''viṣṭo na cainaṃ kiñcidabravīt
Having heard that speech of his, Hariścandra the lord of the earth, overcome by great grief, said nothing at all to him.
AI translation rendered from the Sanskrit, not a published edition
DB 7 22.15
ततः स विप्रो नृपतेः पुरतो वल्कलोपरि । धनं निधाय केशेषु धृत्वा राज्ञीमकर्षयत्
tataḥ sa vipro nṛpateḥ purato valkalopari | dhanaṃ nidhāya keśeṣu dhṛtvā rājñīmakarṣayat
Then that brahmin, in front of the king, having laid the wealth upon the bark-garment, seized the queen by the hair and dragged her away.
AI translation rendered from the Sanskrit, not a published edition
DB 7 22.16
राज्ञ्युवाच - मुञ्च मुञ्चार्य मां सद्यो यावत्पश्याम्यहं सुतम् । दुर्लभं दर्शनं विप्र पुनरस्य भविष्यति
rājñyuvāca - muñca muñcārya māṃ sadyo yāvatpaśyāmyahaṃ sutam | durlabhaṃ darśanaṃ vipra punarasya bhaviṣyati
The queen said: "Release me, release me at once, noble sir, so that I may see my son; hard to obtain, O brahmin, will be the sight of him again.
AI translation rendered from the Sanskrit, not a published edition
DB 7 22.17
पश्येह पुत्र मामेवं मातरं दास्यतां गताम् । मां मास्प्राक्षी राजपुत्र न स्पृश्याहं त्वयाधुना
paśyeha putra māmevaṃ mātaraṃ dāsyatāṃ gatām | māṃ māsprākṣī rājaputra na spṛśyāhaṃ tvayādhunā
Look at me here, son, at your mother thus reduced to slavery. Do not touch me, prince — I am not to be touched by you now."
AI translation rendered from the Sanskrit, not a published edition
DB 7 22.18
ततः स बालः सहसा दृष्ट्वाऽऽकृष्टां तु मातरम् । समभ्यधावदम्बेति वदन्साश्रुविलोचनः
tataḥ sa bālaḥ sahasā dṛṣṭvā''kṛṣṭāṃ tu mātaram | samabhyadhāvadambeti vadansāśruvilocanaḥ
Then that boy, suddenly seeing his mother being dragged away, ran up crying "Mother!", his eyes full of tears,
AI translation rendered from the Sanskrit, not a published edition
DB 7 22.19
हस्ते वस्त्रं समाकर्षन् काकपक्षधरः स्खलन् । तमागतं द्विजः क्रोधाद् बालमप्याहनत्तदा
haste vastraṃ samākarṣan kākapakṣadharaḥ skhalan | tamāgataṃ dvijaḥ krodhād bālamapyāhanattadā
tugging at her garment with his hand, wearing side-locks, stumbling; and then the brahmin in anger struck the boy too as he came.
AI translation rendered from the Sanskrit, not a published edition
DB 7 22.20
वदंस्तथापि सोऽम्बेति नैव मुञ्चति मातरम् । राज्ञ्युवाच - प्रसादं कुरु मे नाथ क्रीणीष्वेमं हि बालकम्
vadaṃstathāpi so'mbeti naiva muñcati mātaram | rājñyuvāca - prasādaṃ kuru me nātha krīṇīṣvemaṃ hi bālakam
Yet even so, crying "Mother!", he would not let go of his mother. The queen said: "Do me a favour, my lord: buy this boy too.
AI translation rendered from the Sanskrit, not a published edition
DB 7 22.21
क्रीतापि नाहं भविता विनैनं कार्यसाधिका । इत्थं ममाल्पभाग्यायाः प्रसादं कुरु मे प्रभो
krītāpi nāhaṃ bhavitā vinainaṃ kāryasādhikā | itthaṃ mamālpabhāgyāyāḥ prasādaṃ kuru me prabho
Even bought, I shall not be able to accomplish the work without him. Show this favour to me, of little fortune, O master."
AI translation rendered from the Sanskrit, not a published edition
DB 7 22.22
ब्राह्मण उवाच - गृह्यतां वित्तमेतत्ते दीयतां मम बालकः । स्त्रीपुंसोर्धर्मशास्त्रज्ञैः कृतमेव हि वेतनम् हरिश्चन्द्रस्य पत्नीपुत्रविक्रयवर्णनं नाम द्वाविंशोऽध्यायः
brāhmaṇa uvāca - gṛhyatāṃ vittametatte dīyatāṃ mama bālakaḥ | strīpuṃsordharmaśāstrajñaiḥ kṛtameva hi vetanam hariścandrasya patnīputravikrayavarṇanaṃ nāma dvāviṃśo'dhyāyaḥ
The brahmin said: "Let this wealth of yours be taken, and let my boy be given (i.e. let the boy be given to me); for the price of a woman and a man has indeed been fixed by those who know the treatises on dharma." [Chapter twenty-two, called the description of Hariścandra's selling of his wife and son.]
AI translation rendered from the Sanskrit, not a published edition — the model flagged this verse as uncertain
DB 7 22.23
शतं सहस्रं लक्षं च कोटिमौल्यं तथापरैः । द्वात्रिंशल्लक्षणोपेता दक्षा शीलगुणान्विता
śataṃ sahasraṃ lakṣaṃ ca koṭimaulyaṃ tathāparaiḥ | dvātriṃśallakṣaṇopetā dakṣā śīlaguṇānvitā
A hundred, a thousand, a lakh, and by others a price of ten million: (a woman) endowed with the thirty-two marks, skilful, possessed of good character and virtues —
AI translation rendered from the Sanskrit, not a published edition — the model flagged this verse as uncertain
DB 7 22.24
कोटिमौल्यं स्त्रियः प्रोक्तं पुरुषस्य तथार्बुदम् । सूत उवाच - तथैव तस्य तद्वित्तं पुरः क्षिप्तं पटे पुनः
koṭimaulyaṃ striyaḥ proktaṃ puruṣasya tathārbudam | sūta uvāca - tathaiva tasya tadvittaṃ puraḥ kṣiptaṃ paṭe punaḥ
the price of a woman is said to be ten million, and of a man a hundred million. The Sūta said: Just so his wealth was again thrown down before (the king) upon the cloth.
AI translation rendered from the Sanskrit, not a published edition
DB 7 22.25
प्रगृह्य बालकं मात्रा सहैकस्थमबन्धयत् । प्रतस्थे स गृहं क्षिप्रं तया सह मुदान्वितः
pragṛhya bālakaṃ mātrā sahaikasthamabandhayat | pratasthe sa gṛhaṃ kṣipraṃ tayā saha mudānvitaḥ
Taking hold of the boy, he bound him together with his mother in one place; and he quickly set out for his house with her, filled with joy.
AI translation rendered from the Sanskrit, not a published edition
DB 7 22.26
प्रदक्षिणां तु सा कृत्वा जानुभ्यां प्रणता स्थिता । बाष्पपर्याकुला दीना त्विदं वचनमब्रवीत्
pradakṣiṇāṃ tu sā kṛtvā jānubhyāṃ praṇatā sthitā | bāṣpaparyākulā dīnā tvidaṃ vacanamabravīt
But she, having made a circumambulation, remained bowed down on her knees; choked with tears, wretched, she spoke these words:
AI translation rendered from the Sanskrit, not a published edition
DB 7 22.27
यदि दत्तं यदि हुतं ब्राह्मणास्तर्पिता यदि । तेन पुण्येन मे भर्ता हरिश्चन्द्रोऽस्तु वै पुनः
yadi dattaṃ yadi hutaṃ brāhmaṇāstarpitā yadi | tena puṇyena me bhartā hariścandro'stu vai punaḥ
"If (I) have given, if (I) have offered oblation, if brahmins have been satisfied (by me) — by that merit let Hariścandra be my husband again."
AI translation rendered from the Sanskrit, not a published edition
DB 7 22.28
पादयोः पतितां दृष्ट्वा प्राणेभ्योऽपि गरीयसीम् । हाहेति च वदन् राजा विललापाकुलेन्द्रियः
pādayoḥ patitāṃ dṛṣṭvā prāṇebhyo'pi garīyasīm | hāheti ca vadan rājā vilalāpākulendriyaḥ
Seeing her, dearer (to him) even than his own life, fallen at his feet, the king cried out "Alas, alas!" and lamented, his senses distraught.
AI translation rendered from the Sanskrit, not a published edition
DB 7 22.29
वियुक्तेयं कथं जाता सत्यशीलगुणान्विता । वृक्षच्छायापि वृक्षं तं न जहाति कदाचन
viyukteyaṃ kathaṃ jātā satyaśīlaguṇānvitā | vṛkṣacchāyāpi vṛkṣaṃ taṃ na jahāti kadācana
"How has she, endowed with truthfulness, good character and virtue, come to be parted (from me)? Even a tree's shadow never abandons that tree."
AI translation rendered from the Sanskrit, not a published edition
DB 7 22.30
एवं भार्यां वदित्वाथ सुसम्बद्धं परस्परम् । पुत्रं च तमुवाचेदं मां त्वं हित्वा क्व यास्यसि
evaṃ bhāryāṃ vaditvātha susambaddhaṃ parasparam | putraṃ ca tamuvācedaṃ māṃ tvaṃ hitvā kva yāsyasi
Having thus spoken to his wife — the two being closely bound to each other — he said this also to his son: "Where will you go, leaving me?"
AI translation rendered from the Sanskrit, not a published edition
DB 7 22.31
कां दिशं प्रति यास्यामि को मे दुःखं निवारयेत् । राज्यत्यागे न मे दुःखं वनवासे न मे द्विज
kāṃ diśaṃ prati yāsyāmi ko me duḥkhaṃ nivārayet | rājyatyāge na me duḥkhaṃ vanavāse na me dvija
"Toward what quarter shall I go? Who will ward off my sorrow? I have no grief in giving up the kingdom, nor in dwelling in the forest, O twice-born."
AI translation rendered from the Sanskrit, not a published edition
DB 7 22.32
यत्पुत्रेण वियोगो मे एवमाह स भूपतिः । सद्भर्तृभोग्या हि सदा लोके भार्या भवन्ति हि
yatputreṇa viyogo me evamāha sa bhūpatiḥ | sadbhartṛbhogyā hi sadā loke bhāryā bhavanti hi
"(But) my grief is that separation from my son (has come)." So spoke that lord of the earth. "For in this world wives are always to be enjoyed by good husbands."
AI translation rendered from the Sanskrit, not a published edition — the model flagged this verse as uncertain
DB 7 22.33
मया त्यक्तासि कल्याणि दुःखेन विनियोजिता । इक्ष्वाकुवंशसम्भूतं सर्वराज्यसुखोचितम्
mayā tyaktāsi kalyāṇi duḥkhena viniyojitā | ikṣvākuvaṃśasambhūtaṃ sarvarājyasukhocitam
"You have been abandoned by me, fair lady, and consigned to misery. (Though) sprung from the Ikṣvāku line and fit for all the pleasures of a kingdom,"
AI translation rendered from the Sanskrit, not a published edition
DB 7 22.34
मामीदृशां पतिं प्राप्य दासीभावं गता ह्यसि । ईदृशे मज्जमानं मां सुमहच्छोकसागरे
māmīdṛśāṃ patiṃ prāpya dāsībhāvaṃ gatā hyasi | īdṛśe majjamānaṃ māṃ sumahacchokasāgare
"having obtained such a husband as me, you have come to the state of a slave woman. Me, sinking in such a very great ocean of grief —"
AI translation rendered from the Sanskrit, not a published edition
DB 7 22.35
को मामुद्धरते देवि पौराणाख्यानविस्तरैः । सूत उवाच - पश्यतस्तस्य राजर्षेः कशाघातैः सुदारुणैः
ko māmuddharate devi paurāṇākhyānavistaraiḥ | sūta uvāca - paśyatastasya rājarṣeḥ kaśāghātaiḥ sudāruṇaiḥ
"who will lift me out, O queen, by the elaborations of ancient tales?" Sūta said: While that royal sage looked on, with most terrible strokes of the whip,
AI translation rendered from the Sanskrit, not a published edition — the model flagged this verse as uncertain
DB 7 22.36
घातयित्वा तु विप्रेशो नेतुं समुपचक्रमे । नीयमानौ तु तौ दृष्ट्वा भार्यापुत्रौ स पार्थिवः
ghātayitvā tu vipreśo netuṃ samupacakrame | nīyamānau tu tau dṛṣṭvā bhāryāputrau sa pārthivaḥ
the lord of brahmins, having had (them) beaten, set out to lead (them) away. Seeing those two, his wife and son, being led off, that king
AI translation rendered from the Sanskrit, not a published edition
DB 7 22.37
विललापातिदुःखार्तो निःश्वस्योष्णं पुनः पुनः । यां न वायुर्न वाऽऽदित्यो न चन्द्रो न पृथ्ग्जनाः
vilalāpātiduḥkhārto niḥśvasyoṣṇaṃ punaḥ punaḥ | yāṃ na vāyurna vā''dityo na candro na pṛthgjanāḥ
lamented, stricken with extreme grief, sighing hot (breaths) again and again: "She whom neither the wind nor the sun, neither the moon nor ordinary people"
AI translation rendered from the Sanskrit, not a published edition
DB 7 22.38
दृष्टवन्तः पुरा पत्नीं सेयं दासीत्वमागता । सूर्यवंशप्रसूतोऽयं सुकुमारकराङ्गुलिः
dṛṣṭavantaḥ purā patnīṃ seyaṃ dāsītvamāgatā | sūryavaṃśaprasūto'yaṃ sukumārakarāṅguliḥ
"had ever seen before — my wife — she has come to slavery. This boy, born in the Solar line, with tender hands and fingers,"
AI translation rendered from the Sanskrit, not a published edition
DB 7 22.39
सम्प्राप्तो विक्रयं बालो धिङ्मामस्तु सुदुर्मतिम् । हा प्रिये हा शिशो वत्स ममानार्यस्य दुर्नयः
samprāpto vikrayaṃ bālo dhiṅmāmastu sudurmatim | hā priye hā śiśo vatsa mamānāryasya durnayaḥ
"has been brought to sale. Fie upon me, most evil-minded! Ah, beloved! Ah, child, my darling! This is the misconduct of ignoble me."
AI translation rendered from the Sanskrit, not a published edition
DB 7 22.40
दैवाधीनदशां प्राप्तो न मृतोऽस्मि तथापि धिक् । व्यास उवाच - एवं विलपितो राज्ञोऽग्रे विप्रोऽन्तरधीयत
daivādhīnadaśāṃ prāpto na mṛto'smi tathāpi dhik | vyāsa uvāca - evaṃ vilapito rājño'gre vipro'ntaradhīyata
"I have reached a condition subject to fate, and yet I am not dead — fie!" Vyāsa said: While the king lamented thus, the brahmin vanished before him,
AI translation rendered from the Sanskrit, not a published edition
DB 7 22.41
वृक्षगेहादिभिस्तुङ्गैस्तावादाय त्वरान्वितः । अत्रान्तरे मुनिश्रेष्ठस्त्वाजगाम महातपाः
vṛkṣagehādibhistuṅgaistāvādāya tvarānvitaḥ | atrāntare muniśreṣṭhastvājagāma mahātapāḥ
taking those two away in haste, (screened) by tall trees, houses and the like. Meanwhile the best of sages, of great austerity, arrived,
AI translation rendered from the Sanskrit, not a published edition — the model flagged this verse as uncertain
DB 7 22.42
सशिष्यः कौशिकेन्द्रोऽसौ निष्ठुरः क्रूरदर्शनः । विश्वामित्र उवाच- या त्वयोक्ता पुरा राजन् राजसूयस्य दक्षिणा
saśiṣyaḥ kauśikendro'sau niṣṭhuraḥ krūradarśanaḥ | viśvāmitra uvāca- yā tvayoktā purā rājan rājasūyasya dakṣiṇā
that chief of the Kauśikas together with his pupils, harsh and cruel of aspect. Viśvāmitra said: "That sacrificial fee of the Rājasūya which was promised by you before, O king —"
AI translation rendered from the Sanskrit, not a published edition
DB 7 22.43
तां ददस्व महाबाहो यदि सत्यं पुरस्कृतम् । हरिश्चन्द्र उवाच - नमस्करोमि राजर्षे गृहाणेमां स्वदक्षिणाम्
tāṃ dadasva mahābāho yadi satyaṃ puraskṛtam | hariścandra uvāca - namaskaromi rājarṣe gṛhāṇemāṃ svadakṣiṇām
"give it, O mighty-armed one, if truth is held foremost (by you)." Hariścandra said: "I bow to you, royal sage; receive this fee of yours,"
AI translation rendered from the Sanskrit, not a published edition
DB 7 22.44
राजसूयस्य यागस्य या मयोक्ता पुरानघ । विश्वामित्र उवाच - कुतो लब्धमिदं द्रव्यं दक्षिणार्थे प्रदीयते
rājasūyasya yāgasya yā mayoktā purānagha | viśvāmitra uvāca - kuto labdhamidaṃ dravyaṃ dakṣiṇārthe pradīyate
"which was promised by me before, O sinless one, for the Rājasūya sacrifice." Viśvāmitra said: "From where was this wealth obtained that is being given for the fee?"
AI translation rendered from the Sanskrit, not a published edition
DB 7 22.45
एतदाचक्ष्व राजेन्द्र यथा द्रव्यं त्वयार्जितम् । राजोवाच - किमनेन महाभाग कथितेन तवानघ
etadācakṣva rājendra yathā dravyaṃ tvayārjitam | rājovāca - kimanena mahābhāga kathitena tavānagha
"Tell this, O lord of kings, how the wealth was earned by you." The king said: "What (use) is there, O greatly fortunate, sinless one, in this being told to you?"
AI translation rendered from the Sanskrit, not a published edition
DB 7 22.46
शोकस्तु वर्धते विप्र श्रुतेनानेन सुव्रत । ऋषिरुवाच - अशस्तं नैव गृह्णामि शस्तमेव प्रयच्छ मे
śokastu vardhate vipra śrutenānena suvrata | ṛṣiruvāca - aśastaṃ naiva gṛhṇāmi śastameva prayaccha me
"Grief only grows, O brahmin of good vows, by the hearing of this." The sage said: "I will not accept what is unapproved; give me only what is approved."
AI translation rendered from the Sanskrit, not a published edition
DB 7 22.48
द्रव्यस्यागमनं राजन् कथयस्व यथातथम् । राजोवाच - मया देवी तु सा भार्या विक्रीता कोटिसम्मितैः । निष्कैः पुत्रो रोहिताख्यो विक्रीतोऽर्बुदसंख्यया । विप्रैकादशकोट्यस्त्वं सुवर्णस्य गृहाण मे
dravyasyāgamanaṃ rājan kathayasva yathātatham | rājovāca - mayā devī tu sā bhāryā vikrītā koṭisammitaiḥ | niṣkaiḥ putro rohitākhyo vikrīto'rbudasaṃkhyayā | vipraikādaśakoṭyastvaṃ suvarṇasya gṛhāṇa me
"Tell me truly, O king, whence this wealth came." The king said: "By me that lady, my wife, was sold for niṣkas amounting to a crore; my son named Rohita was sold for the count of a hundred million. O brahmin, take from me eleven crores of gold."
AI translation rendered from the Sanskrit, not a published edition
DB 7 22.49
सूत उवाच - तद्वित्तं स्वप्लमालक्ष्य दारविक्रयसम्भवम् । शोकाभिभूतं राजानं कुपितः कौशिकोऽब्रवीत्
sūta uvāca - tadvittaṃ svaplamālakṣya dāravikrayasambhavam | śokābhibhūtaṃ rājānaṃ kupitaḥ kauśiko'bravīt
Sūta said: Seeing that wealth to be small, and got from the sale of a wife, the angered Kauśika spoke to the king, who was overcome by grief.
AI translation rendered from the Sanskrit, not a published edition
DB 7 22.50
ऋषिरुवाच - राजसूयस्य यज्ञस्य नैषा भवति दक्षिणा । अन्यदुत्पादय क्षिप्रं सम्पूर्णा येन सा भवेत्
ṛṣiruvāca - rājasūyasya yajñasya naiṣā bhavati dakṣiṇā | anyadutpādaya kṣipraṃ sampūrṇā yena sā bhavet
The seer said: This is not (a fit) sacrificial fee for the rājasūya sacrifice. Produce something else quickly, by which it may be made complete.
AI translation rendered from the Sanskrit, not a published edition
DB 7 22.51
क्षत्रबन्धो ममेमां त्वं सदृशीं यदि दक्षिणाम् । मन्यसे तर्हि तत्क्षिप्रं पश्य त्वं मे परं बलम्
kṣatrabandho mamemāṃ tvaṃ sadṛśīṃ yadi dakṣiṇām | manyase tarhi tatkṣipraṃ paśya tvaṃ me paraṃ balam
O base kṣatriya, if you consider this a fee befitting me, then quickly behold my supreme power —
AI translation rendered from the Sanskrit, not a published edition
DB 7 22.52
तपसोऽस्य सुतप्तस्य ब्राह्मणस्यामलस्य च । मत्प्रभावस्य चोग्रस्य शुद्धस्याध्ययनस्य च
tapaso'sya sutaptasya brāhmaṇasyāmalasya ca | matprabhāvasya cograsya śuddhasyādhyayanasya ca
— (the power) of this well-practised austerity, and of (my) spotless brahminhood, and of my fierce might, and of (my) pure recitation of the Veda.
AI translation rendered from the Sanskrit, not a published edition
DB 7 22.53
राजोवाच - अन्यद्दास्यामि भगवन् कालः कश्चित्प्रतीक्ष्यताम् । अधुनैवास्ति विक्रीता पत्नी पुत्रश्च बालकः
rājovāca - anyaddāsyāmi bhagavan kālaḥ kaścitpratīkṣyatām | adhunaivāsti vikrītā patnī putraśca bālakaḥ
The king said: I shall give something else, lord; let some time be waited for. Just now my wife has been sold, and my son, a mere boy.
AI translation rendered from the Sanskrit, not a published edition
DB 7 22.54
विश्वामित्र उवाच - चतुर्भागः स्थितो योऽयं दिवसस्य नराधिप । एष एव प्रतीक्ष्यो मे वक्तव्यं नोत्तरं त्वया
viśvāmitra uvāca - caturbhāgaḥ sthito yo'yaṃ divasasya narādhipa | eṣa eva pratīkṣyo me vaktavyaṃ nottaraṃ tvayā
Viśvāmitra said: This fourth part of the day that remains, O ruler of men — just this much is to be waited by me; no reply is to be spoken by you.
AI translation rendered from the Sanskrit, not a published edition