Devi Bhagavata Purana — Skandha 6 — Chapter 3
DB 6 3.1
ब्रह्मणः समाराधनाय त्वष्ट्रा वृत्रोपदेशवर्णनम् व्यास उवाच कृतस्वस्त्ययनो वृत्रो ब्राह्मणैर्वेदपारगैः । निर्जगाम रथारूढो हन्तुं शक्रं महाबलः
brahmaṇaḥ samārādhanāya tvaṣṭrā vṛtropadeśavarṇanam vyāsa uvāca kṛtasvastyayano vṛtro brāhmaṇairvedapāragaiḥ | nirjagāma rathārūḍho hantuṃ śakraṃ mahābalaḥ
The description of Tvaṣṭā's instruction to Vṛtra for the propitiation of Brahmā. Vyāsa said: Vṛtra, for whom the rite of benediction had been performed by brahmins who had mastered the Vedas, went forth mounted on his chariot, of great strength, to kill Śakra.
AI translation rendered from the Sanskrit, not a published edition
DB 6 3.2
तदैव राक्षसाः क्रूराः पुरा देवपराजिताः । समाजग्मुश्च सेवार्थं वृत्रं ज्ञात्वा महाबलम्
tadaiva rākṣasāḥ krūrāḥ purā devaparājitāḥ | samājagmuśca sevārthaṃ vṛtraṃ jñātvā mahābalam
At that very moment the cruel Rākṣasas, who had formerly been defeated by the gods, came together to serve (him), having learned that Vṛtra was of great strength.
AI translation rendered from the Sanskrit, not a published edition
DB 6 3.3
इन्द्रदूतास्तु तं दृष्ट्वा युद्धाय तु समागतम् । वेगादागत्य वृत्तान्तं शशंसुस्तस्य चेष्टितम् ब्रह्मणः समाराधनाय त्वष्ट्रा वृत्रोपदेशवर्णनं नाम तृतीयोऽध्यायः
indradūtāstu taṃ dṛṣṭvā yuddhāya tu samāgatam | vegādāgatya vṛttāntaṃ śaśaṃsustasya ceṣṭitam brahmaṇaḥ samārādhanāya tvaṣṭrā vṛtropadeśavarṇanaṃ nāma tṛtīyo'dhyāyaḥ
But Indra's messengers, seeing him come for battle, came swiftly and reported the news and his doings. — Chapter Three, called "The Account of Tvaṣṭṛ's Instruction to Vṛtra concerning the Propitiation of Brahmā."
AI translation rendered from the Sanskrit, not a published edition
DB 6 3.4
दूता ऊचुः स्वामिञ्छीघ्रमिहायाति वृत्रो नाम रिपुस्तव । बलवान्स्यन्दने रूढस्त्वष्ट्रा चोत्पादितः किल
dūtā ūcuḥ svāmiñchīghramihāyāti vṛtro nāma ripustava | balavānsyandane rūḍhastvaṣṭrā cotpāditaḥ kila
— tr. refused: cyber
DB 6 3.5
अविचारेण नाशार्थं तव क्रोधान्वितेन वै । पुत्रघाताभितप्तेन दुःसहो राक्षसैर्युतः
avicāreṇa nāśārthaṃ tava krodhānvitena vai | putraghātābhitaptena duḥsaho rākṣasairyutaḥ
(He was produced) without reflection, for your destruction, by one filled with rage and scorched by the slaying of his son — (this Vṛtra is) hard to withstand, accompanied by rākṣasas.
AI translation rendered from the Sanskrit, not a published edition — the model flagged this verse as uncertain
DB 6 3.6
यत्नं कुरु महाभाग शीघ्रमायाति साम्प्रतम् । मेरुमन्दरसंकाशो घोरशब्दोऽतिदारुणः
yatnaṃ kuru mahābhāga śīghramāyāti sāmpratam | merumandarasaṃkāśo ghoraśabdo'tidāruṇaḥ
— tr. refused: cyber
DB 6 3.7
एतस्मिन्नन्तरे तत्र भीता देवगणा भृशम् । आगत्योचुः सुरपतिं शृण्वन्तं दूतभाषितम्
etasminnantare tatra bhītā devagaṇā bhṛśam | āgatyocuḥ surapatiṃ śṛṇvantaṃ dūtabhāṣitam
— tr. refused: cyber
DB 6 3.8
गणाः ऊचुः मघवन् दुर्निमित्तानि भवन्ति त्रिदशालये । बहूनि भयशंसीनि पक्षिणां विरुतानि च
gaṇāḥ ūcuḥ maghavan durnimittāni bhavanti tridaśālaye | bahūni bhayaśaṃsīni pakṣiṇāṃ virutāni ca
— tr. refused: cyber
DB 6 3.9
काकगृध्रास्तथा श्येनाः कङ्काद्या दारुणाः खगाः । रुदन्ति विकृतैः शब्दैरुत्कारैर्भवनोपरि
kākagṛdhrāstathā śyenāḥ kaṅkādyā dāruṇāḥ khagāḥ | rudanti vikṛtaiḥ śabdairutkārairbhavanopari
Crows and vultures, and hawks, herons and other fierce birds, cry with distorted sounds and shrieks above the dwellings.
AI translation rendered from the Sanskrit, not a published edition
DB 6 3.10
चीचीकूचीति निनदान् कुर्वन्ति विहगा भृशम् । वाहनानां च नेत्रेभ्यो जलधाराः पतन्त्यधः
cīcīkūcīti ninadān kurvanti vihagā bhṛśam | vāhanānāṃ ca netrebhyo jaladhārāḥ patantyadhaḥ
The birds keep making cries of "chee-chee, koo-chee" incessantly, and from the eyes of the draft animals streams of water fall down.
AI translation rendered from the Sanskrit, not a published edition
DB 6 3.11
श्रूयतेऽतिमहाञ्छब्दो रुदतीनां निशासु च । राक्षसीनां महाभाग भवनोपरि दारुणः
śrūyate'timahāñchabdo rudatīnāṃ niśāsu ca | rākṣasīnāṃ mahābhāga bhavanopari dāruṇaḥ
— tr. refused: cyber
DB 6 3.12
प्रपतन्ति ध्वजास्तूर्णं विना वातेन मानद । प्रभवन्ति महोत्पाता दिवि भूम्यन्तरिक्षजाः
prapatanti dhvajāstūrṇaṃ vinā vātena mānada | prabhavanti mahotpātā divi bhūmyantarikṣajāḥ
The banners fall down suddenly, without any wind, O giver of honor; great portents arise, born in the sky, on the earth, and in the middle air.
AI translation rendered from the Sanskrit, not a published edition
DB 6 3.13
कृष्णाम्बरधरा नार्यो भ्रमन्ति च गृहे गृहे । यान्तु यान्तु गृहात्तूर्णं कुर्वन्त्यो विकृताननाः
kṛṣṇāmbaradharā nāryo bhramanti ca gṛhe gṛhe | yāntu yāntu gṛhāttūrṇaṃ kurvantyo vikṛtānanāḥ
Women wearing black garments roam from house to house, crying "Away, away, quickly, out of the house!" with distorted faces.
AI translation rendered from the Sanskrit, not a published edition
DB 6 3.14
रात्रौ स्वप्नेषु कान्तानां सुप्तानां निजमन्दिरे । केशाँल्लुनन्ति राक्षस्यो भीषयन्त्यो भृशातुराः
rātrau svapneṣu kāntānāṃ suptānāṃ nijamandire | keśā~llunanti rākṣasyo bhīṣayantyo bhṛśāturāḥ
At night, in the dreams of the wives sleeping in their own homes, rākṣasīs tear out their hair, terrifying them, (the women being) sorely distressed.
AI translation rendered from the Sanskrit, not a published edition
DB 6 3.15
एवंविधानि देवेश भूकम्पोल्कादयस्तथा । गोमायवो रुदन्ति स्म निशायां भवनाङ्गणे
evaṃvidhāni deveśa bhūkampolkādayastathā | gomāyavo rudanti sma niśāyāṃ bhavanāṅgaṇe
Such things (occur), O lord of the gods, and likewise earthquakes, meteors and the rest; jackals howl by night in the courtyards of the houses.
AI translation rendered from the Sanskrit, not a published edition
DB 6 3.16
सरटानां च जालानि प्रभवन्ति गृहे गृहे । अङ्गप्रस्फुरणादीनि दुर्निमित्तानि सर्वशः
saraṭānāṃ ca jālāni prabhavanti gṛhe gṛhe | aṅgaprasphuraṇādīni durnimittāni sarvaśaḥ
And webs of lizards appear in house after house; throbbings of the limbs and other such evil omens (occur) on every side.
AI translation rendered from the Sanskrit, not a published edition
DB 6 3.17
व्यास उवाच इति तेषां वचः श्रुत्वा चिन्तामाप सुरेश्वरः । बृहस्पतिं समाहूय पप्रच्छ च मनोगतम्
vyāsa uvāca iti teṣāṃ vacaḥ śrutvā cintāmāpa sureśvaraḥ | bṛhaspatiṃ samāhūya papraccha ca manogatam
Vyāsa said: Having heard their words thus, the lord of the gods fell into anxiety, and summoning Bṛhaspati he asked him what was in his mind.
AI translation rendered from the Sanskrit, not a published edition
DB 6 3.18
इन्द्र उवाच ब्रह्मन् किमुत घोराणि निमित्तानि भवन्ति वै । वाताश्च दारुणा वान्ति प्रपतन्त्युलकाः खतः
indra uvāca brahman kimuta ghorāṇi nimittāni bhavanti vai | vātāśca dāruṇā vānti prapatantyulakāḥ khataḥ
Indra said: Brahman, why indeed do these dreadful omens occur? Terrible winds blow, and meteors fall from the sky.
AI translation rendered from the Sanskrit, not a published edition
DB 6 3.19
सर्वज्ञोऽसि महाभाग समर्थो विघ्ननाशने । बुद्धिमाञ्छास्त्रतत्त्वज्ञो देवतानां गुरुस्तथा
sarvajño'si mahābhāga samartho vighnanāśane | buddhimāñchāstratattvajño devatānāṃ gurustathā
You are all-knowing, greatly fortunate one, and capable of destroying obstacles; you are intelligent, a knower of the truth of the scriptures, and the teacher of the gods.
AI translation rendered from the Sanskrit, not a published edition
DB 6 3.20
कुरु शान्तिं विधानज्ञ शत्रुक्षयविधायिनीम् । यथा मे न भवेद्दुःखं तथा कार्यं विधीयताम्
kuru śāntiṃ vidhānajña śatrukṣayavidhāyinīm | yathā me na bhavedduḥkhaṃ tathā kāryaṃ vidhīyatām
Perform, O knower of rites, a pacification rite that will bring about the destruction of (my) enemies; let such action be undertaken that sorrow may not come to me.
AI translation rendered from the Sanskrit, not a published edition
DB 6 3.21
बृहस्पतिरुवाच किं करोमि सहस्राक्ष त्वयाद्य दुष्कृतं कृतम् । अनागसं मुनिं हत्वा किं फलं समुपार्जितम्
bṛhaspatiruvāca kiṃ karomi sahasrākṣa tvayādya duṣkṛtaṃ kṛtam | anāgasaṃ muniṃ hatvā kiṃ phalaṃ samupārjitam
Bṛhaspati said: What am I to do, thousand-eyed one? An evil deed has now been done by you. By killing an innocent sage, what fruit have you gained?
AI translation rendered from the Sanskrit, not a published edition
DB 6 3.22
अत्युग्रं पुण्यपापानां फलं भवति सत्वरम् । विचार्य खलु कर्तव्यं कार्यं तद्भूतिमिच्छता
atyugraṃ puṇyapāpānāṃ phalaṃ bhavati satvaram | vicārya khalu kartavyaṃ kāryaṃ tadbhūtimicchatā
The fruit of merits and sins comes very swiftly and very fiercely; indeed, one who wishes for prosperity should do a deed only after deliberation.
AI translation rendered from the Sanskrit, not a published edition
DB 6 3.23
परोपतापनं कर्म न कर्तव्यं कदाचन । न सुखं विन्दते प्राणी परपीडापरायणः
paropatāpanaṃ karma na kartavyaṃ kadācana | na sukhaṃ vindate prāṇī parapīḍāparāyaṇaḥ
An act that torments others should never be done; a creature devoted to injuring others does not find happiness.
AI translation rendered from the Sanskrit, not a published edition
DB 6 3.24
मोहाल्लोभाद्ब्रह्महत्या कृता शक्र त्वयाधुना । तस्य पापस्य सहसा फलमेतदुपागतम्
mohāllobhādbrahmahatyā kṛtā śakra tvayādhunā | tasya pāpasya sahasā phalametadupāgatam
Out of delusion and greed the killing of a brahmin has now been done by you, Śakra; this is the fruit of that sin, arrived all at once.
AI translation rendered from the Sanskrit, not a published edition
DB 6 3.25
अवध्यः सर्वदेवानां जातोऽसौ वृत्रसंज्ञकः । हन्तुं त्वां स समायाति दानवैर्बहुभिर्वृतः
avadhyaḥ sarvadevānāṃ jāto'sau vṛtrasaṃjñakaḥ | hantuṃ tvāṃ sa samāyāti dānavairbahubhirvṛtaḥ
That one named Vṛtra has been born unslayable by all the gods; surrounded by many Dānavas, he is coming to kill you.
AI translation rendered from the Sanskrit, not a published edition
DB 6 3.26
आयुधानि च सर्वाणि वज्रतुल्यानि वासव । त्वष्ट्रा दत्तानि दिव्यानि गृहीत्वा समुपस्थितः
āyudhāni ca sarvāṇi vajratulyāni vāsava | tvaṣṭrā dattāni divyāni gṛhītvā samupasthitaḥ
And, O Vāsava, having taken all the divine weapons, equal to the thunderbolt, given by Tvaṣṭṛ, he stands ready.
AI translation rendered from the Sanskrit, not a published edition
DB 6 3.27
समागच्छति दुर्धर्षो रथारूढः प्रतापवान् । देवेन्द्र प्रलयं कुर्वन्नास्य मृत्युर्भविष्यति
samāgacchati durdharṣo rathārūḍhaḥ pratāpavān | devendra pralayaṃ kurvannāsya mṛtyurbhaviṣyati
He comes on, unassailable, mounted on a chariot, full of might; O Indra of the gods, wreaking destruction, there will be no death for him.
AI translation rendered from the Sanskrit, not a published edition
DB 6 3.28
कोलाहलस्तदा जातस्तथा ब्रुवति वाक्पतौ । गन्धर्वाः किन्नरा यक्षा मुनयश्च तपोधनाः
kolāhalastadā jātastathā bruvati vākpatau | gandharvāḥ kinnarā yakṣā munayaśca tapodhanāḥ
Then, while the lord of speech was speaking thus, an uproar arose — the Gandharvas, Kinnaras, Yakṣas, and the sages rich in austerity —
AI translation rendered from the Sanskrit, not a published edition
DB 6 3.29
सदनानि विहायैवामराः सर्वे पलायिताः । तद्दृष्ट्वा महदाश्चर्यं शक्रश्चिन्तापरायणः
sadanāni vihāyaivāmarāḥ sarve palāyitāḥ | taddṛṣṭvā mahadāścaryaṃ śakraścintāparāyaṇaḥ
and all the immortals fled, abandoning their dwellings. Seeing that great marvel, Śakra became absorbed in anxious thought.
AI translation rendered from the Sanskrit, not a published edition
DB 6 3.30
आज्ञापयामास तदा सेनोद्योगाय सेवकान् । आनयध्वं वसून् रुद्रानश्विनौ च दिवाकरान्
ājñāpayāmāsa tadā senodyogāya sevakān | ānayadhvaṃ vasūn rudrānaśvinau ca divākarān
Then he commanded his servants to mobilize the army: "Bring the Vasus, the Rudras, the two Aśvins, and the suns,
AI translation rendered from the Sanskrit, not a published edition
DB 6 3.31
पूषणं च भगं वायुं कुबेरं वरुणं यमम् । विमानेषु समारुह्य सायुधाः सुरसत्तमाः
pūṣaṇaṃ ca bhagaṃ vāyuṃ kuberaṃ varuṇaṃ yamam | vimāneṣu samāruhya sāyudhāḥ surasattamāḥ
and Pūṣan, Bhaga, Vāyu, Kubera, Varuṇa, Yama — let the best of the gods, armed, mounting their aerial chariots,
AI translation rendered from the Sanskrit, not a published edition
DB 6 3.32
समागच्छन्तु तरसा शत्रुरायाति साम्प्रतम् । इत्याज्ञाप्य सुरपतिः समारुह्य गजोत्तमम्
samāgacchantu tarasā śatrurāyāti sāmpratam | ityājñāpya surapatiḥ samāruhya gajottamam
come together at once; the enemy is approaching now." Having thus commanded, the lord of the gods mounted his excellent elephant,
AI translation rendered from the Sanskrit, not a published edition
DB 6 3.33
बृहस्पतिं पुरोधाय निर्गतो निजमन्दिरात् । तथैव त्रिदशाः सर्वे स्वं स्वं वाहनमास्थिताः
bṛhaspatiṃ purodhāya nirgato nijamandirāt | tathaiva tridaśāḥ sarve svaṃ svaṃ vāhanamāsthitāḥ
and, placing Bṛhaspati in front, went forth from his own palace; and just so all the thirty (gods) mounted each his own vehicle,
AI translation rendered from the Sanskrit, not a published edition
DB 6 3.34
युद्धाय कृतसंकल्पा निर्ययुः शस्त्रपाणयः । वृत्रोऽथ दानवैर्युक्तः सम्प्राप्तो मानसोत्तरम्
yuddhāya kṛtasaṃkalpā niryayuḥ śastrapāṇayaḥ | vṛtro'tha dānavairyuktaḥ samprāpto mānasottaram
Resolved on battle, they marched out with weapons in hand; and Vṛtra, joined by the Dānavas, arrived at Mānasottara.
AI translation rendered from the Sanskrit, not a published edition
DB 6 3.35
पर्वतं देवतावासं रम्यं पादपशोभितम् । इन्द्रोऽप्यागत्य संग्रामं चकार मानसोत्तरे
parvataṃ devatāvāsaṃ ramyaṃ pādapaśobhitam | indro'pyāgatya saṃgrāmaṃ cakāra mānasottare
(He reached) the mountain, dwelling of the gods, delightful, adorned with trees; and Indra too came and made battle at Mānasottara.
AI translation rendered from the Sanskrit, not a published edition
DB 6 3.36
पर्वते देवतायुक्तो वाचस्पतिपुरःसरः । तत्राभूद्दारुणं युद्धं वृत्रवासवयोस्तदा
parvate devatāyukto vācaspatipuraḥsaraḥ | tatrābhūddāruṇaṃ yuddhaṃ vṛtravāsavayostadā
On the mountain, accompanied by the gods and led by Vācaspati (Bṛhaspati) — there then took place a terrible battle between Vṛtra and Vāsava.
AI translation rendered from the Sanskrit, not a published edition
DB 6 3.37
गदासिपरिघैः पाशैर्बाणैः शक्तिपरश्वधैः । मानुषेण प्रमाणेन संग्रामः शरदां शतम्
gadāsiparighaiḥ pāśairbāṇaiḥ śaktiparaśvadhaiḥ | mānuṣeṇa pramāṇena saṃgrāmaḥ śaradāṃ śatam
With maces, swords, iron bars, nooses, arrows, spears and axes, the battle (lasted) a hundred years by human reckoning.
AI translation rendered from the Sanskrit, not a published edition
DB 6 3.38
बभूव भयदो नॄणामृषीणां भावितात्मनाम् । वरुणः प्रथमं भग्नस्ततो वायुगणः किल
babhūva bhayado nṝṇāmṛṣīṇāṃ bhāvitātmanām | varuṇaḥ prathamaṃ bhagnastato vāyugaṇaḥ kila
It became a thing of terror to men and to the sages of contemplative souls. First Varuṇa was broken, then indeed the host of the Winds,
AI translation rendered from the Sanskrit, not a published edition
DB 6 3.39
यमो विभावसुः शक्रः सर्वे ते निर्गता रणात् । पलायनपरान् दृष्ट्वा देवानिन्द्रपुरोगमान्
yamo vibhāvasuḥ śakraḥ sarve te nirgatā raṇāt | palāyanaparān dṛṣṭvā devānindrapurogamān
Yama, Vibhāvasu (Fire), Śakra — all these went out from the battle. Seeing the gods, led by Indra, intent on flight,
AI translation rendered from the Sanskrit, not a published edition
DB 6 3.40
वृत्रोऽपि पितरं प्रागादाश्रमस्थं मुदान्वितम् । प्रणम्य प्राह त्वष्टारं पितः कार्यं मया कृतम्
vṛtro'pi pitaraṃ prāgādāśramasthaṃ mudānvitam | praṇamya prāha tvaṣṭāraṃ pitaḥ kāryaṃ mayā kṛtam
Vṛtra went to his father, who was staying in his hermitage, filled with joy; and bowing, he said to Tvaṣṭṛ: "Father, the deed has been done by me.
AI translation rendered from the Sanskrit, not a published edition
DB 6 3.41
देवा विनिर्जिताः सर्वे सेन्द्राः समरसंस्थिताः । विद्रुतास्ते गताः स्थानं यथा सिंहान्मृगा गजाः
devā vinirjitāḥ sarve sendrāḥ samarasaṃsthitāḥ | vidrutāste gatāḥ sthānaṃ yathā siṃhānmṛgā gajāḥ
All the gods stationed in battle, together with Indra, have been defeated; they fled and went (each) to his own place, as deer and elephants (flee) from a lion.
AI translation rendered from the Sanskrit, not a published edition
DB 6 3.42
इन्द्रः पदातिरगमन्मयानीतो गजोत्तमः । ऐरावतोऽयं भगवन् गृहाण द्विरदोत्तमम्
indraḥ padātiragamanmayānīto gajottamaḥ | airāvato'yaṃ bhagavan gṛhāṇa dviradottamam
Indra went off on foot; the best of elephants was brought by me. This is Airāvata, revered one — accept the finest of elephants.
AI translation rendered from the Sanskrit, not a published edition
DB 6 3.43
न हतास्ते मया यस्मादयुक्तं भीतमारणम् । आज्ञापय पुनस्तात किं करोमि तवेप्सितम्
na hatāste mayā yasmādayuktaṃ bhītamāraṇam | ājñāpaya punastāta kiṃ karomi tavepsitam
They were not killed by me, since killing one who is afraid is improper. Command me again, father: what desire of yours shall I accomplish?
AI translation rendered from the Sanskrit, not a published edition
DB 6 3.44
निर्जरा निर्गताः सर्वे भयभीता श्रमातुराः । इन्द्रोऽप्यैरावतं त्यक्त्वा भयभीतः पलायितः
nirjarā nirgatāḥ sarve bhayabhītā śramāturāḥ | indro'pyairāvataṃ tyaktvā bhayabhītaḥ palāyitaḥ
All the gods went out (fled), terrified with fear and worn with exhaustion; and Indra too, abandoning Airāvata, fled in terror."
AI translation rendered from the Sanskrit, not a published edition
DB 6 3.45
व्यास उवाच इति पुत्रवचः श्रुत्वा त्वष्टा प्राह मुदान्वितः । पुत्रवानद्य जातोऽस्मि सफलं मम जीवितम्
vyāsa uvāca iti putravacaḥ śrutvā tvaṣṭā prāha mudānvitaḥ | putravānadya jāto'smi saphalaṃ mama jīvitam
Vyāsa said: Hearing these words of his son, Tvaṣṭṛ, filled with joy, said: "Today I have become one who has a son; my life has borne fruit.
AI translation rendered from the Sanskrit, not a published edition
DB 6 3.46
त्वयाहं पावितः पुत्र गतो मे मानसो ज्वरः । निश्चलं मे मनो जातं दृष्ट्वा वीर्यं तवाद्भुतम्
tvayāhaṃ pāvitaḥ putra gato me mānaso jvaraḥ | niścalaṃ me mano jātaṃ dṛṣṭvā vīryaṃ tavādbhutam
By you I have been purified, son; my mental fever is gone. My mind has become steady, seeing your wondrous valour.
AI translation rendered from the Sanskrit, not a published edition
DB 6 3.47
शृणु वक्ष्याम्यहं पुत्र हितं तेऽद्य निशामय । तपः कुरु महाभाग सावधानः स्थिरासनः
śṛṇu vakṣyāmyahaṃ putra hitaṃ te'dya niśāmaya | tapaḥ kuru mahābhāga sāvadhānaḥ sthirāsanaḥ
Listen, son, I shall speak what is for your good; hear it now. Practise austerity, greatly fortunate one, attentive and firm of seat.
AI translation rendered from the Sanskrit, not a published edition
DB 6 3.48
विश्वासो नैव कर्तव्यः केषाञ्चित्पाकशासनः । शत्रुस्ते छलकर्तास्ति नानाभेदविशारदः
viśvāso naiva kartavyaḥ keṣāñcitpākaśāsanaḥ | śatruste chalakartāsti nānābhedaviśāradaḥ
No trust at all should be placed in anyone — (least of all) the Chastiser of Pāka (Indra). Your enemy is a doer of tricks, skilled in manifold divisive schemes.
AI translation rendered from the Sanskrit, not a published edition
DB 6 3.49
तपसा प्राप्यते लक्ष्मीस्तपसा राज्यमुत्तमम् । तपसा बलवृद्धिः स्यात्संग्रामे विजयस्तथा
tapasā prāpyate lakṣmīstapasā rājyamuttamam | tapasā balavṛddhiḥ syātsaṃgrāme vijayastathā
By austerity prosperity is obtained, by austerity the highest kingship; by austerity there would be increase of strength, and likewise victory in battle.
AI translation rendered from the Sanskrit, not a published edition
DB 6 3.50
आराध्य द्रुहिणं देवं लब्ध्वा वरमनुत्तमम् । जहि शक्रं दुराचारं ब्रह्महत्यासमावृतम्
ārādhya druhiṇaṃ devaṃ labdhvā varamanuttamam | jahi śakraṃ durācāraṃ brahmahatyāsamāvṛtam
Having propitiated the god Druhiṇa (Brahmā) and obtained an unsurpassed boon, kill the evil-doing Śakra, who is beset with the murder of a brahmin.
AI translation rendered from the Sanskrit, not a published edition
DB 6 3.51
सावधानः स्थिरो भूत्वा दातारं भज शङ्करम् । वाञ्छितं स वरं दद्यात्सन्तुष्टश्चतुराननः
sāvadhānaḥ sthiro bhūtvā dātāraṃ bhaja śaṅkaram | vāñchitaṃ sa varaṃ dadyātsantuṣṭaścaturānanaḥ
Becoming attentive and steady, worship Śaṅkara the giver; pleased, the four-faced one would grant the boon desired.
AI translation rendered from the Sanskrit, not a published edition
DB 6 3.52
तोषयित्वा विश्वयोनिं ब्रह्माणममितौजसम् । अविनाशित्वमासाद्य जहि शक्रं कृतागसम्
toṣayitvā viśvayoniṃ brahmāṇamamitaujasam | avināśitvamāsādya jahi śakraṃ kṛtāgasam
Having gratified Brahmā, the womb of the universe, of measureless might, and having attained indestructibility, kill Śakra, the offender.
AI translation rendered from the Sanskrit, not a published edition
DB 6 3.53
वैरं मनसि मे पुत्र वर्तते सुतघातजम् । न शान्तिमनुगच्छामि न स्वपामि सुखेन ह
vairaṃ manasi me putra vartate sutaghātajam | na śāntimanugacchāmi na svapāmi sukhena ha
In my mind, son, there abides enmity born of the slaying of my son; I do not attain peace, nor do I sleep in comfort.
AI translation rendered from the Sanskrit, not a published edition
DB 6 3.54
तापसो मे हतः पुत्रो निरागाः पाप्मना यतः । न विन्दामि सुखं वृत्र त्वं मामुद्धर दुःखितम्
tāpaso me hataḥ putro nirāgāḥ pāpmanā yataḥ | na vindāmi sukhaṃ vṛtra tvaṃ māmuddhara duḥkhitam
My son, an ascetic and free of guilt, was killed by that evildoer; I find no happiness, Vṛtra — lift me out of my sorrow.
AI translation rendered from the Sanskrit, not a published edition
DB 6 3.55
व्यास उवाच तदाकर्ण्य पितुर्वाक्यं वृत्रः क्रोधयुतस्तदा । आज्ञामादाय च पितुर्जगाम तपसे मुदा
vyāsa uvāca tadākarṇya piturvākyaṃ vṛtraḥ krodhayutastadā | ājñāmādāya ca piturjagāma tapase mudā
Vyāsa said: Hearing his father's words, Vṛtra was then filled with anger, and accepting his father's command he went gladly to (perform) austerity.
AI translation rendered from the Sanskrit, not a published edition
DB 6 3.56
गन्धमादनमासाद्य पुण्यां देवधुनीं शुभाम् । स्नात्वा कुशासनं कृत्वा संस्थितश्च स्थिरासनः
gandhamādanamāsādya puṇyāṃ devadhunīṃ śubhām | snātvā kuśāsanaṃ kṛtvā saṃsthitaśca sthirāsanaḥ
Reaching Gandhamādana and the holy, auspicious river of the gods, he bathed, made a seat of kuśa grass, and sat down with a steady posture.
AI translation rendered from the Sanskrit, not a published edition
DB 6 3.57
त्यक्त्वान्नं वारिपानं च योगाभ्यासपरायणः । ध्यायन्विश्वसृजं चित्ते सोपविष्टः स्थिरासने
tyaktvānnaṃ vāripānaṃ ca yogābhyāsaparāyaṇaḥ | dhyāyanviśvasṛjaṃ citte sopaviṣṭaḥ sthirāsane
Giving up food and the drinking of water, devoted to the practice of yoga, meditating in his mind on the Creator of the universe, he remained seated in a firm posture.
AI translation rendered from the Sanskrit, not a published edition
DB 6 3.58
मघवा तं तपस्यन्तं ज्ञात्वा चिन्तातुरो ह्यभूत् । गन्धर्वान्प्रेषयामास विघ्नार्थं पाकशासनः
maghavā taṃ tapasyantaṃ jñātvā cintāturo hyabhūt | gandharvānpreṣayāmāsa vighnārthaṃ pākaśāsanaḥ
Maghavan, learning that he was performing austerities, became troubled with anxiety; the chastiser of Pāka sent gandharvas to obstruct (him).
AI translation rendered from the Sanskrit, not a published edition
DB 6 3.59
यक्षांश्च पन्नगान्सर्पान्किन्नरानमितौजसः । विद्याधरानप्सरसो देवदूताननेकशः
yakṣāṃśca pannagānsarpānkinnarānamitaujasaḥ | vidyādharānapsaraso devadūtānanekaśaḥ
And yakṣas, pannagas, serpents, kinnaras of boundless might, vidyādharas, apsarases, and messengers of the gods, many times over —
AI translation rendered from the Sanskrit, not a published edition
DB 6 3.60
उपायास्तैः कृताः सम्यक् तपोविघ्नाय मायिभिः । न चचाल ततो ध्यानात्त्वाष्ट्रः परमतापसः
upāyāstaiḥ kṛtāḥ samyak tapovighnāya māyibhiḥ | na cacāla tato dhyānāttvāṣṭraḥ paramatāpasaḥ
Devices were duly employed by those wielders of illusion to obstruct the austerity, yet the son of Tvaṣṭṛ, that supreme ascetic, did not waver from his meditation.
AI translation rendered from the Sanskrit, not a published edition