Devi Bhagavata Purana — Skandha 6 — Chapter 19
DB 6 19.1
पुत्रजन्मानन्तरं स्वस्वरूपेण वैकुण्ठगमनवर्णनम् व्यास उवाच तस्यै दत्त्वा वरं शम्भुः कैलासं त्वरितो ययौ । रम्यं देवगणैर्जुष्टमप्सरोभिश्च मण्डितम्
putrajanmānantaraṃ svasvarūpeṇa vaikuṇṭhagamanavarṇanam vyāsa uvāca tasyai dattvā varaṃ śambhuḥ kailāsaṃ tvarito yayau | ramyaṃ devagaṇairjuṣṭamapsarobhiśca maṇḍitam
[Description of the going to Vaikuṇṭha in her own form after the birth of the son] Vyāsa said: Having given her the boon, Śambhu went swiftly to Kailāsa, delightful, frequented by hosts of gods and adorned with apsarases.
AI translation rendered from the Sanskrit, not a published edition
DB 6 19.2
तत्र गत्वा चित्ररूपं गणं कार्यविशारदम् । प्रेषयामास वैकुण्ठे लक्ष्मीकार्यार्थसिद्धये
tatra gatvā citrarūpaṃ gaṇaṃ kāryaviśāradam | preṣayāmāsa vaikuṇṭhe lakṣmīkāryārthasiddhaye
Having gone there, he sent the attendant Citrarūpa, skilled in affairs, to Vaikuṇṭha for the accomplishment of Lakṣmī's purpose.
AI translation rendered from the Sanskrit, not a published edition
DB 6 19.3
शिव उवाच चित्ररूप हरिं गत्वा ब्रूहि त्वं वचनान्मम । यथासौ दुःखितां पत्नीं विशोकां च करिष्यति
śiva uvāca citrarūpa hariṃ gatvā brūhi tvaṃ vacanānmama | yathāsau duḥkhitāṃ patnīṃ viśokāṃ ca kariṣyati
Śiva said: Citrarūpa, go to Hari and speak on my word, so that he will make his sorrowing wife free of grief.
AI translation rendered from the Sanskrit, not a published edition
DB 6 19.4
इत्युक्तश्चित्ररूपोऽथ निर्जगाम त्वरान्वितः । वैकुण्ठं परमं स्थानं वैष्णवैश्च गणैर्वृतम्
ityuktaścitrarūpo'tha nirjagāma tvarānvitaḥ | vaikuṇṭhaṃ paramaṃ sthānaṃ vaiṣṇavaiśca gaṇairvṛtam
Thus addressed, Citrarūpa then set out in haste for Vaikuṇṭha, the supreme abode, surrounded by hosts of Vaiṣṇavas,
AI translation rendered from the Sanskrit, not a published edition
DB 6 19.5
नानाद्रुमगणाकीर्णं वापीशतविराजितम् । संजुष्टं हंसकारण्डमयूरशुककोकिलैः
nānādrumagaṇākīrṇaṃ vāpīśatavirājitam | saṃjuṣṭaṃ haṃsakāraṇḍamayūraśukakokilaiḥ
strewn with many kinds of trees, resplendent with a hundred ponds, frequented by geese, kāraṇḍa ducks, peacocks, parrots and cuckoos,
AI translation rendered from the Sanskrit, not a published edition
DB 6 19.6
उच्चप्रासादसंयुक्तं पताकाभिरलंकृतम् । नृत्यगीतकलापूर्णं मन्दारद्रुमसंयुतम्
uccaprāsādasaṃyuktaṃ patākābhiralaṃkṛtam | nṛtyagītakalāpūrṇaṃ mandāradrumasaṃyutam
furnished with lofty palaces, adorned with banners, filled with the arts of dance and song, set with mandāra trees,
AI translation rendered from the Sanskrit, not a published edition
DB 6 19.7
बकुलाशोकतिलकचम्पकालिविमण्डितम् । कूजितैर्विहगानां तु कर्णाह्लादकरैर्युतम्
bakulāśokatilakacampakālivimaṇḍitam | kūjitairvihagānāṃ tu karṇāhlādakarairyutam
decorated with rows of bakula, aśoka, tilaka and campaka (trees), filled with the cooings of birds that delight the ear.
AI translation rendered from the Sanskrit, not a published edition
DB 6 19.8
संवीक्ष्य भवनं विष्णोर्द्वास्थौ प्राह प्रणम्य च । जयविजयनामानौ वेत्रपाणी स्थितावुभौ
saṃvīkṣya bhavanaṃ viṣṇordvāsthau prāha praṇamya ca | jayavijayanāmānau vetrapāṇī sthitāvubhau
Having gazed on Viṣṇu's abode, he bowed and spoke to the two doorkeepers named Jaya and Vijaya, both standing with staffs in hand:
AI translation rendered from the Sanskrit, not a published edition
DB 6 19.9
चित्ररूप उवाच भो निवेदयत शीघ्रं हरये परमात्मने । दूतं प्राप्यं हरस्यात्र प्रेरितं शूलपाणिना
citrarūpa uvāca bho nivedayata śīghraṃ haraye paramātmane | dūtaṃ prāpyaṃ harasyātra preritaṃ śūlapāṇinā
Citrarūpa said: Ho, announce quickly to Hari, the Supreme Self, that a messenger of Hara, sent here by the trident-bearer, is to be received.
AI translation rendered from the Sanskrit, not a published edition
DB 6 19.10
तच्छ्रुत्वा वचनं तस्य जयः परमबुद्धिमान् । गत्वा हरिं प्रणम्याह कृताञ्जलिपुटः पुरः
tacchrutvā vacanaṃ tasya jayaḥ paramabuddhimān | gatvā hariṃ praṇamyāha kṛtāñjalipuṭaḥ puraḥ
Hearing that speech of his, Jaya, of supreme intelligence, went and bowed to Hari and spoke before him with palms joined:
AI translation rendered from the Sanskrit, not a published edition
DB 6 19.11
देवदेव रमाकान्त करुणाकर केशव । द्वारि तिष्ठति दूतोऽत्र शङ्करस्य समागतः
devadeva ramākānta karuṇākara keśava | dvāri tiṣṭhati dūto'tra śaṅkarasya samāgataḥ
O God of gods, beloved of Ramā, mine of compassion, Keśava, a messenger of Śaṅkara has arrived and stands here at the door.
AI translation rendered from the Sanskrit, not a published edition
DB 6 19.12
आज्ञापय प्रवेष्टव्यो न वेति गरुडध्वज । चित्ररूपधरोऽप्यस्ति न जाने कार्यगौरवम्
ājñāpaya praveṣṭavyo na veti garuḍadhvaja | citrarūpadharo'pyasti na jāne kāryagauravam
Command whether he is to be admitted or not, O you whose banner is Garuḍa; he also bears a wondrous form—I do not know the weight of the matter.
AI translation rendered from the Sanskrit, not a published edition
DB 6 19.13
इत्याकर्ण्य हरिः प्राह जयं प्रज्ञातकारणः । प्रवेशयात्र रुद्रस्य भृत्यं समयसंस्थितम्
ityākarṇya hariḥ prāha jayaṃ prajñātakāraṇaḥ | praveśayātra rudrasya bhṛtyaṃ samayasaṃsthitam
Hearing this, Hari, who knew the reason, said to Jaya: "Bring in here Rudra's servant, who stands (waiting) by agreement."
AI translation rendered from the Sanskrit, not a published edition
DB 6 19.14
इत्याकर्ण्य जयस्तूर्णं गत्वा तं परमाद्भुतम् । एहीत्याकारयामास जयः शङ्करसेवकम्
ityākarṇya jayastūrṇaṃ gatvā taṃ paramādbhutam | ehītyākārayāmāsa jayaḥ śaṅkarasevakam
Hearing this, Jaya went at once to that most wondrous (being), and Jaya summoned Śaṅkara's servant, saying "Come!"
AI translation rendered from the Sanskrit, not a published edition
DB 6 19.15
प्रवेशितो जयेनाथ चित्ररूपस्तथाकृतिः । प्रणम्य दण्डवद्विष्णुं कृताञ्जलिपुटः स्थितः
praveśito jayenātha citrarūpastathākṛtiḥ | praṇamya daṇḍavadviṣṇuṃ kṛtāñjalipuṭaḥ sthitaḥ
Then, having been brought in by Jaya, he of many-hued form and such an appearance bowed to Viṣṇu like a fallen staff and stood with his palms joined.
AI translation rendered from the Sanskrit, not a published edition
DB 6 19.16
दृष्ट्वा तं विस्मयं प्राप भगवान् गरुडध्वजः । चित्ररूपधरं शम्भोः सेवकं विनयान्वितम्
dṛṣṭvā taṃ vismayaṃ prāpa bhagavān garuḍadhvajaḥ | citrarūpadharaṃ śambhoḥ sevakaṃ vinayānvitam
Seeing him, the Lord whose banner is Garuḍa was struck with amazement — Śambhu's servant, wearing a many-hued form and full of modesty.
AI translation rendered from the Sanskrit, not a published edition
DB 6 19.17
पप्रच्छ तं स्मितं कृत्वा चित्ररूपं रमापतिः । कुशलं देवदेवस्य सकुटुम्बस्य चानघ
papraccha taṃ smitaṃ kṛtvā citrarūpaṃ ramāpatiḥ | kuśalaṃ devadevasya sakuṭumbasya cānagha
Smiling, the husband of Ramā asked Citrarūpa about the well-being of the god of gods together with his family: "(Is all well), O sinless one?"
AI translation rendered from the Sanskrit, not a published edition
DB 6 19.18
कस्मात्त्वं प्रेषितोऽस्यत्र ब्रूहिकार्यं हरस्य किम् । अथवा देवतानां च किञ्चित्कार्यं समुत्थितम्
kasmāttvaṃ preṣito'syatra brūhikāryaṃ harasya kim | athavā devatānāṃ ca kiñcitkāryaṃ samutthitam
"Why have you been sent here? Tell (me), what is Hara's business? Or has some business of the gods arisen?"
AI translation rendered from the Sanskrit, not a published edition
DB 6 19.19
दूत उवाच किमज्ञातं तवास्तीह संसारे गरुडध्वज । वर्तमानं त्रिकालज्ञ यदहं प्रब्रवीमि वै पुत्रजन्मानन्तरं स्वस्वरूपेण वैकुण्ठगमनवर्णनं नामैकोनविंशोऽध्यायः
dūta uvāca kimajñātaṃ tavāstīha saṃsāre garuḍadhvaja | vartamānaṃ trikālajña yadahaṃ prabravīmi vai putrajanmānantaraṃ svasvarūpeṇa vaikuṇṭhagamanavarṇanaṃ nāmaikonaviṃśo'dhyāyaḥ
The messenger said: "What is unknown to you here in the world, O you whose banner is Garuḍa? What is happening now, O knower of the three times, that I should tell (you)?" — [colophon:] the nineteenth chapter, called "The description of the going to Vaikuṇṭha in one's own form after the birth of the son."
AI translation rendered from the Sanskrit, not a published edition — the model flagged this verse as uncertain
DB 6 19.20
प्रेषितोऽस्मि भवेनात्र विज्ञस्तु त्वां जनार्दन । हरस्य वचनाद्वाक्यं प्रब्रवीमि त्वयि प्रभो
preṣito'smi bhavenātra vijñastu tvāṃ janārdana | harasya vacanādvākyaṃ prabravīmi tvayi prabho
"I have been sent here by Bhava, though you are the knowing one, O Janārdana; on Hara's word I speak (his) message to you, O Lord."
AI translation rendered from the Sanskrit, not a published edition
DB 6 19.21
तेनोक्तमेतद्देवेश भार्या ते कमलालया । तपस्तपति कालिन्दीतमसासङ्गमे विभो
tenoktametaddeveśa bhāryā te kamalālayā | tapastapati kālindītamasāsaṅgame vibho
"This was said by him: 'O lord of gods, your wife, whose abode is the lotus, is performing austerities at the confluence of the Kālindī and the Tamasā, O all-pervading one.'"
AI translation rendered from the Sanskrit, not a published edition
DB 6 19.22
हयीरूपधरा देवी सर्वार्थसिद्धिदायिनी । ध्यातुं योग्यामरगणैर्मानवैर्यक्षकिन्नरैः
hayīrūpadharā devī sarvārthasiddhidāyinī | dhyātuṃ yogyāmaragaṇairmānavairyakṣakinnaraiḥ
"The Goddess, who has taken the form of a mare, granting the attainment of every end, is fit to be meditated upon by the hosts of gods, by men, by yakṣas and kinnaras."
AI translation rendered from the Sanskrit, not a published edition
DB 6 19.23
विना तया नरः कोऽपिसुखभागी भवेन्न हि । तां त्यक्त्वा पुण्डरीकाक्ष प्राप्नोषि किं सुखं हरे
vinā tayā naraḥ ko'pisukhabhāgī bhavenna hi | tāṃ tyaktvā puṇḍarīkākṣa prāpnoṣi kiṃ sukhaṃ hare
"Without her no man at all can have a share in happiness. Having abandoned her, O lotus-eyed one, what happiness do you obtain, O Hari?"
AI translation rendered from the Sanskrit, not a published edition
DB 6 19.24
दुर्बलोऽपि स्त्रियं पाति निर्धनोऽपि जगत्पते । विनापराधं च विभो किं त्यक्ता जगदीश्वरी
durbalo'pi striyaṃ pāti nirdhano'pi jagatpate | vināparādhaṃ ca vibho kiṃ tyaktā jagadīśvarī
"Even a weak man protects his wife, even a poor one, O lord of the world; and without any offence, O mighty one, why has the mistress of the world been abandoned?"
AI translation rendered from the Sanskrit, not a published edition
DB 6 19.25
दुःखं प्राप्नोति संसारे यस्य भार्या जगद्गुरो । धिक्तस्य जीवितं लोके निन्दितं त्वरिमण्डले
duḥkhaṃ prāpnoti saṃsāre yasya bhāryā jagadguro | dhiktasya jīvitaṃ loke ninditaṃ tvarimaṇḍale
"He whose wife suffers pain in the world, O teacher of the world — fie on his life, blamed in the world and in the circle of his enemies!"
AI translation rendered from the Sanskrit, not a published edition
DB 6 19.26
सकामा रिपवस्तेऽद्य दृष्ट्वा तां दुःखिता भृशम् । त्वां वियुक्तं च रमया हसिष्यन्ति दिवानिशम्
sakāmā ripavaste'dya dṛṣṭvā tāṃ duḥkhitā bhṛśam | tvāṃ viyuktaṃ ca ramayā hasiṣyanti divāniśam
"Your enemies now have their wish (fulfilled); seeing her greatly grieved and you separated from Ramā, they will laugh day and night."
AI translation rendered from the Sanskrit, not a published edition
DB 6 19.27
रमां रमय देवेश त्वदुत्सङ्गगतां कुरु । सर्वलक्षणसम्पन्नां सुशीलां च सुरूपिणीम्
ramāṃ ramaya deveśa tvadutsaṅgagatāṃ kuru | sarvalakṣaṇasampannāṃ suśīlāṃ ca surūpiṇīm
"Delight Ramā, O lord of gods; make her, endowed with every auspicious mark, of good character and fair form, come to your lap."
AI translation rendered from the Sanskrit, not a published edition
DB 6 19.28
सुखितो भव तां प्राप्य वल्लभां चारुहासिनीम् । कान्ताविरहजं दुःखं स्मराम्यहमनातुरः
sukhito bhava tāṃ prāpya vallabhāṃ cāruhāsinīm | kāntāvirahajaṃ duḥkhaṃ smarāmyahamanāturaḥ
"Be happy, having gained her, the beloved one of lovely smile. I, though not (now) afflicted, still remember the pain born of separation from a wife."
AI translation rendered from the Sanskrit, not a published edition
DB 6 19.29
मम भार्या मृता विष्णो दक्षयज्ञे सती यदा । तदाहं दुःसहं दुःखं भुक्तवानम्बुजेक्षण
mama bhāryā mṛtā viṣṇo dakṣayajñe satī yadā | tadāhaṃ duḥsahaṃ duḥkhaṃ bhuktavānambujekṣaṇa
"When my wife Satī died at Dakṣa's sacrifice, O Viṣṇu, then I endured unbearable pain, O lotus-eyed one."
AI translation rendered from the Sanskrit, not a published edition
DB 6 19.30
संसारेऽस्मिन्नरः कोऽपि माभून्मत्सदृशोऽपरः । मनसाकरवं शोकं तस्या विरहपीडितः
saṃsāre'sminnaraḥ ko'pi mābhūnmatsadṛśo'paraḥ | manasākaravaṃ śokaṃ tasyā virahapīḍitaḥ
"May no other man in this world be like me! In my mind I made lament, tormented by separation from her."
AI translation rendered from the Sanskrit, not a published edition
DB 6 19.31
कालेन महता प्राप्ता मया गिरिसुता पुनः । तपस्तप्त्वातिदुःसाध्यं या दग्धा तु रुषाध्वरे
kālena mahatā prāptā mayā girisutā punaḥ | tapastaptvātiduḥsādhyaṃ yā dagdhā tu ruṣādhvare
"After a very long time I obtained the mountain's daughter again, having performed austerities most hard to accomplish — she who had been burned in anger at the sacrifice."
AI translation rendered from the Sanskrit, not a published edition
DB 6 19.32
हरे किं सुखमापन्नं त्वया सन्त्यज्य कामिनीम् । एकाकी तिष्ठता कालं सहस्रवत्सरात्मकम्
hare kiṃ sukhamāpannaṃ tvayā santyajya kāminīm | ekākī tiṣṭhatā kālaṃ sahasravatsarātmakam
"O Hari, what happiness have you attained by wholly abandoning your beloved and remaining alone for a span of a thousand years?"
AI translation rendered from the Sanskrit, not a published edition
DB 6 19.33
गत्वाश्वास्य महाभागां समानय निजालयम् । माभूत्कोऽपीह संसारे विमुक्तो रमया तया
gatvāśvāsya mahābhāgāṃ samānaya nijālayam | mābhūtko'pīha saṃsāre vimukto ramayā tayā
"Go, console the greatly blessed lady, and bring her to your own abode. Let no one in this world be separated from Ramā (Lakṣmī)."
AI translation rendered from the Sanskrit, not a published edition
DB 6 19.34
कृत्वा तुरगरूपं त्वं भज तां कमलालयाम् । उत्पाद्य पुत्रमायुष्मंस्तामानय शुचिस्मिताम्
kṛtvā turagarūpaṃ tvaṃ bhaja tāṃ kamalālayām | utpādya putramāyuṣmaṃstāmānaya śucismitām
"Assuming the form of a horse, unite with her who dwells in the lotus; having begotten a son, O long-lived one, bring back that lady of pure smile."
AI translation rendered from the Sanskrit, not a published edition
DB 6 19.35
व्यास उवाच हरिराकर्ण्य तद्वाक्यं चित्ररूपस्य भारत । तथेत्युक्त्वा तु तं दूतं प्रेषयामास शङ्करम्
vyāsa uvāca harirākarṇya tadvākyaṃ citrarūpasya bhārata | tathetyuktvā tu taṃ dūtaṃ preṣayāmāsa śaṅkaram
Vyāsa said: Hari, hearing that speech of Citrarūpa, O Bhārata, said "So be it," and sent that messenger, Śaṅkara (back).
AI translation rendered from the Sanskrit, not a published edition
DB 6 19.36
गते दूतेऽथ भगवान्वैकुण्ठात्कामसंयुतः । जगाम धृत्वा तत्राशु वाजिरूपं मनोहरम्
gate dūte'tha bhagavānvaikuṇṭhātkāmasaṃyutaḥ | jagāma dhṛtvā tatrāśu vājirūpaṃ manoharam
Then, when the messenger had gone, the Lord, filled with desire, assuming there at once an alluring horse-form, went from Vaikuṇṭha.
AI translation rendered from the Sanskrit, not a published edition
DB 6 19.37
यत्र सा वडवारूपं कृत्वा तपति सिन्धुजा । विष्णुस्तं देशमासाद्य तामपश्यद्धयीं स्थिताम्
yatra sā vaḍavārūpaṃ kṛtvā tapati sindhujā | viṣṇustaṃ deśamāsādya tāmapaśyaddhayīṃ sthitām
(He went) where she, the daughter of the ocean, having taken the form of a mare, was practising austerity; and Viṣṇu, reaching that place, saw her standing there as a mare.
AI translation rendered from the Sanskrit, not a published edition
DB 6 19.38
सापि तं वीक्ष्य गोविन्दं हयरूपधरं पतिम् । ज्ञात्वा वीक्ष्य स्थिता साध्वी विस्मिता साश्रुलोचना
sāpi taṃ vīkṣya govindaṃ hayarūpadharaṃ patim | jñātvā vīkṣya sthitā sādhvī vismitā sāśrulocanā
And she too, seeing him, Govinda, her husband bearing the form of a horse, and recognising (him), the chaste lady stood gazing, amazed, with tears in her eyes.
AI translation rendered from the Sanskrit, not a published edition
DB 6 19.39
तयोस्तु सङ्गमस्तत्र प्रवृत्तो मन्मथार्तयोः । कालिन्दीतमसासङ्गे पावने लोकविश्रुते
tayostu saṅgamastatra pravṛtto manmathārtayoḥ | kālindītamasāsaṅge pāvane lokaviśrute
Then their union took place there, both being afflicted by the god of love, at the holy, world-renowned confluence of the Kālindī and the Tamasā.
AI translation rendered from the Sanskrit, not a published edition
DB 6 19.40
सगर्भा सा तदा जाता वडवा हरिवल्लभा । सुषुवे सुन्दरं बालं तत्रैव सुगुणोत्तरम्
sagarbhā sā tadā jātā vaḍavā harivallabhā | suṣuve sundaraṃ bālaṃ tatraiva suguṇottaram
Then that mare, the beloved of Hari, became pregnant, and right there gave birth to a beautiful boy, foremost in good qualities.
AI translation rendered from the Sanskrit, not a published edition
DB 6 19.41
तामाह भगवान्वाक्यं प्रहस्य समयाश्रितम् । त्यजाद्य वाडवं देहं पूर्वदेहा भवाधुना
tāmāha bhagavānvākyaṃ prahasya samayāśritam | tyajādya vāḍavaṃ dehaṃ pūrvadehā bhavādhunā
The Lord, smiling, spoke to her a word in keeping with the agreement: "Give up now this mare's body; become now (as you were) in your former body.
AI translation rendered from the Sanskrit, not a published edition
DB 6 19.42
गमिष्यावः स्ववैकुण्ठमावां कृत्वा निजं वपुः । तिष्ठत्वत्र कुमारोऽयं त्वया जातः सुलोचने
gamiṣyāvaḥ svavaikuṇṭhamāvāṃ kṛtvā nijaṃ vapuḥ | tiṣṭhatvatra kumāro'yaṃ tvayā jātaḥ sulocane
"We two shall go to our own Vaikuṇṭha, having assumed our own forms. Let this boy, born of you, remain here, O fair-eyed one."
AI translation rendered from the Sanskrit, not a published edition
DB 6 19.43
लक्ष्मीरुवाच स्वदेहसम्भवं पुत्रं कथं हित्वा व्रजाम्यहम् । स्नेहः सुदुस्त्यजः कामं स्वात्मजस्य सुरर्षभ
lakṣmīruvāca svadehasambhavaṃ putraṃ kathaṃ hitvā vrajāmyaham | snehaḥ sudustyajaḥ kāmaṃ svātmajasya surarṣabha
Lakṣmī said: How shall I go, abandoning the son sprung from my own body? Affection for one's own child is indeed very hard to give up, O bull among the gods.
AI translation rendered from the Sanskrit, not a published edition
DB 6 19.44
का गतिः स्यादमेयात्मन् बालस्यास्य नदीतटे । अनाथस्यासमर्थस्य विजनेऽल्पतनोरिह
kā gatiḥ syādameyātman bālasyāsya nadītaṭe | anāthasyāsamarthasya vijane'lpatanoriha
What refuge would there be, O you of immeasurable self, for this boy on the river bank — helpless, incapable, with a tiny body, here in this desolate place?
AI translation rendered from the Sanskrit, not a published edition
DB 6 19.45
अनाश्रयं सुतं त्यक्त्वा कथं गन्तुं मनो मम । समर्थं सदयं स्वामिन् भवेदम्बुजलोचन
anāśrayaṃ sutaṃ tyaktvā kathaṃ gantuṃ mano mama | samarthaṃ sadayaṃ svāmin bhavedambujalocana
How could my mind be willing to go, leaving my son without shelter? Be gracious, O master, O lotus-eyed one — you who are able.
AI translation rendered from the Sanskrit, not a published edition
DB 6 19.46
दिव्यदेहौ ततो जातौ लक्ष्मीनारायणावुभौ । विमानवरसंविष्टौ स्तूयमानौ सुरैर्दिवि
divyadehau tato jātau lakṣmīnārāyaṇāvubhau | vimānavarasaṃviṣṭau stūyamānau surairdivi
Then the two, Lakṣmī and Nārāyaṇa, both took on divine bodies, seated in an excellent celestial car, praised by the gods in heaven.
AI translation rendered from the Sanskrit, not a published edition
DB 6 19.47
गन्तुकामं पतिं प्राह कमला कमलापतिम् । गृहाणेमं सुतं नाथ नाहं शक्तास्मि हापितुम्
gantukāmaṃ patiṃ prāha kamalā kamalāpatim | gṛhāṇemaṃ sutaṃ nātha nāhaṃ śaktāsmi hāpitum
Kamalā said to her husband, the lord of Kamalā, as he was about to go: "Take this son, O lord; I am not able to abandon (him)."
AI translation rendered from the Sanskrit, not a published edition
DB 6 19.48
प्राणप्रियोऽस्ति मे पुत्रः कान्त्या त्वत्सदृशः प्रभो । गृहीत्वैनं गमिष्यावो वैकुण्ठं मधुसूदन
prāṇapriyo'sti me putraḥ kāntyā tvatsadṛśaḥ prabho | gṛhītvainaṃ gamiṣyāvo vaikuṇṭhaṃ madhusūdana
"My son is dear to me as my life, and in beauty he resembles you, O lord. Let us take him and go to Vaikuṇṭha, O Madhusūdana."
AI translation rendered from the Sanskrit, not a published edition
DB 6 19.49
हरिरुवाच मा विषादं प्रिये कर्तुं त्वमर्हसि वरानने । तिष्ठत्वयं सुखेनात्र रक्षा मे विहिता त्विह
hariruvāca mā viṣādaṃ priye kartuṃ tvamarhasi varānane | tiṣṭhatvayaṃ sukhenātra rakṣā me vihitā tviha
Hari said: You ought not to grieve, my dear, O lovely-faced one. Let him stay here happily; protection for him has been arranged by me here.
AI translation rendered from the Sanskrit, not a published edition
DB 6 19.50
कार्यं किमपि वामोरु वर्तते महदद्भुतम् । निबोध कथयाम्यद्य सुतस्यात्र विमोचने
kāryaṃ kimapi vāmoru vartate mahadadbhutam | nibodha kathayāmyadya sutasyātra vimocane
There is some great and wondrous business (afoot), O fair-thighed one. Listen — I shall now tell (you) about the leaving of the son here.
AI translation rendered from the Sanskrit, not a published edition
DB 6 19.51
तुर्वसुर्नाम विख्यातो ययातितनुजो भुवि । हरिवर्मेति पित्रास्य कृतं नाम सुविश्रुतम्
turvasurnāma vikhyāto yayātitanujo bhuvi | harivarmeti pitrāsya kṛtaṃ nāma suviśrutam
There is one renowned by the name Turvasu, a son of Yayāti, on earth; and the well-known name Harivarman was given him by his father.
AI translation rendered from the Sanskrit, not a published edition
DB 6 19.52
स राजा पुत्रकामोऽद्य तपस्तपति पावने । तीर्थे वर्षशतं जातं तस्य वै कुर्वतस्तपः
sa rājā putrakāmo'dya tapastapati pāvane | tīrthe varṣaśataṃ jātaṃ tasya vai kurvatastapaḥ
That king, desiring a son, is now performing austerity at a holy ford; a hundred years have passed for him as he performs that austerity.
AI translation rendered from the Sanskrit, not a published edition
DB 6 19.53
तस्यार्थे निर्मितः पुत्रो मयायं कमलालये । तत्र गत्वा नृपं सुभ्रु प्रेरयिष्यामि साम्प्रतम्
tasyārthe nirmitaḥ putro mayāyaṃ kamalālaye | tatra gatvā nṛpaṃ subhru prerayiṣyāmi sāmpratam
"For his sake this son has been fashioned by me, O lotus-dweller. Going there, O fair-browed one, I shall now urge the king on."
AI translation rendered from the Sanskrit, not a published edition
DB 6 19.54
तस्मै दास्याम्यहं पुत्रं पुत्रकामाय कामिनि । गृहीत्वा स्वगृहं राजा प्रापयिष्यति बालकम्
tasmai dāsyāmyahaṃ putraṃ putrakāmāya kāmini | gṛhītvā svagṛhaṃ rājā prāpayiṣyati bālakam
"To him, who desires a son, I shall give the son, O loving one; and the king, taking the boy, will bring him to his own house."
AI translation rendered from the Sanskrit, not a published edition
DB 6 19.55
व्यास उवाच इत्याश्वास्य प्रियां पद्मां कृत्वा रक्षां च बालके । विमानवरमारुह्य प्रययौ प्रियया सह
vyāsa uvāca ityāśvāsya priyāṃ padmāṃ kṛtvā rakṣāṃ ca bālake | vimānavaramāruhya prayayau priyayā saha
Vyāsa said: Having thus consoled his beloved Padmā, and having made a protection (charm) upon the boy, he mounted the excellent aerial car and departed together with his beloved.
AI translation rendered from the Sanskrit, not a published edition